Diinii kee Anaakara (Md Ali)

#Ramadhaanak_ellecabô_tabana_ayroora

﷽
👈ﺍﻟﺤﻤﺪ ﻟﻠﻪ ﺍﻟﻤﺴﺘﺤﻖ ﻟﻠﺤﻤﺪ ﻭﺍﻟﺜﻨﺎﺀ .
ﺍﻟﻤﺘﻔﻀﻞ ﻋﻠﻰ ﻋﺒﺎﺩﻩ ﺑﺠﺰﻳﻞ ﺍﻟﻤﻮﺍﻫﺐ ﻭﺍﻟﻌﻄﺎﺀ …ﺍﻟﻤﺒﺘﺪﺉ ﺑﺎﻟﻨﻌﻢِ ﻗﺒﻞ ﺍﺳﺘﺤﻘﺎﻗﻬﺎ ﻣﻦ ﺧﻴﺮﺍﺕ ﺍﻷﺭﺽ ﻭﺑﺮﻛﺎﺕ ﺍﻟﺴﻤﺎﺀ ﻭﺍﻟﺼﻼﺓ ﻭﺍﻟﺴﻼﻡ ﻋﻠﻰ ﺳﻴﺪ ﺍﻟﻤﺮﺳﻠﻴﻦ
ﺃﺣﻴﻴﻜﻢ ﺑﺘﺤﻴﺔ ﺍﻹﺳـــــﻼﻡ ﺍﻟﺨﺎﻟﺪﺓ ﺗﺤﻴﺔ ﺃﻫﻞ ﺍﻟﺠﻨﺔ ﻳﻮﻡ ﻳﻠﻘﻮﻧﻪ ﺳﻼﻣﺎ
الــْــسَلامُ عَلِيــكُمُ وَرَحمہُ اللَّهِ وَبرڪَاتُہ
حيـــَاكُمُ اللَّه تَعَّالـــٰﮯ..

Ramadhaanak ellecabô tabaná ayro baxsa luk baritteeta kaxxa caddo (darajat) akah yamcawweh yanim kinnim tascasseh tan alhumutte mango waqdi dagoomut akak yabneki:

1. Ramadhaan alsi kaxxam nabah yan alsay darajat leh yani kinnim inkih naaxigeh Nan tiya. Kay muxxo kee darajat kaxxam aabbe wayi kee able wayi nakkem makkala.

2. Ramadhaan alsih darajatih nabna elle anuuk ellecabô tabana bari kaxxam hangi akah yeceenim faxxinta udduuru. Ta ellecabô baritteeta axcih #leylatul_qhadri edde faalimah yan baritte kaxxam muxxo lem tascasseh tan maqar le ximmoomak dagoomih galab xagam faxa.

1haytoh
Yallih farmoyti (ﷺ) ta tabana bar kee loqo abek yen qibaadah gurra wagsiisak niina qayisha (r.q) intama: - «…… yallih farmoyti (ﷺ) ramadhaanak ellecabô tabanat baxsa le qibaada abak yen…»

((Muslim xaagise))

Tonnah kaaduk niina qayisah (r.q) intaamah: «… yallih farmoyti (ﷺ) ellecabô tabaná ayroora cultah tan waqdi bar inkih cayyi abak (xiinik axxeeruk) yen, buxâ mara qibaadah ugusak tikya (marto) digga haak bar inkih qibaadat tatrusak yen... ››
((muslim kee bukhaari xaagisse))

Cadiis addat «....tikiya (marto) digga haak yen....» inta qangara mango mufaqhihiin (baxxaaqissô mari) elle iyyah yan innal qangarat faxiteenimi «….qibaada dumak baxsa leh yan innal abak yen, qibaadah yaceh yan hangik gexxaamah isi agabuk axxeeruk yen…» iyyaanama iyyan.

2 haytoh: -
Ta tabana ayroora kee baritteh nabna nee tayballaasemi ken addat (leylatul qhadril) muggaqsime Bari edde yaniimi. Ta Bari gersi barittek edde baxsimah yan ximoomak tu nableh nan waqdi:-

1. Qhur’aan edde oobe bar kinniim
2. Alfi (1000) alsak muxxi darajat leemi
3. Barakat leh yan bar kinniimi
4. Jibriil mango waqdi farmoh edde ooba bar kinniimi
5. Mango mari qibaadah edde soola bar kinniimik amakkaquk mango mari girak naja (edde naggoowa) bar kinniimi
6. Ta barih addat yalli(s.w) ajri aceleemil baguuk kibal haysitak yoobula kee sumqataay, tonnah addunyâ fayxik axxeeruk edde salaateh yan marah zambi cabsot edde yan bar kinniimi.

3 haytoh: -
Ta tabna baritteh addat iqtikaafah daffeyaanam yallih farmoytih (ﷺ)sunna kinniimi. Iqtikaaf iyyanamah tu gacteki «…addunyâ caagidik sinni baxisak (sinni deelak) cagla qibaadah masjiidil daffeyaanama…» iyyaanama.

Niina qaayisha (r.q) intama:- «… yallih farmoyti (ﷺ)rabam fanah ramadhaan alsak ellecabô taban buxâ marak isi baxisak (is deelak) qibaadah masjiidil daffeyak yen…»

((bukhaari kee muslim xaagisse))

Tahak ciggiilak iqtikaaf wagsiisak yekke esser kee gacsa waginnah nan waqdi:-

#Essero :-
1. Iqtikaafah kibaanam faxxinta taakume bicitte macaay..?
2. Iqtikaafah daffeyoonuh soomuh yaniinim faxxintah inna…?
3. Inki num iqtikaafah yan udduura #biyaakite mara gufam (ziyaaram) takku #quzuumatat yangalem takku #buxâ marih caagid abam takku, #raboyta rubsuusam takku hinnay isi taamah gexam kaah xiqta…?

#Gasca:-

1. Iqtikaaf jamaaqâ salat elle yanih yan masjiidil abaanam madqinteh tani. Takkay immay jumqatta maraaqinik elle tan num yekkeeh tonnah iqtikaaf ayroorah fanat jumqattâ salat yenek jamaaqa kee jumqatta elle tan masjiidil iqtikaaf abam muxxo luk raqta.

2. Soomuh yaniinim iqtikaafat axawah matan.

3. Iqtikaafal yan num biyaakite mara gufam (ziyaaram) takku quzuumatat yangalem takku buxâ marih caagid abam takku, raboyta rubsuusam takku hinnay isi taamah gexe waam Sunna kinni.

Taha niina qaayisha bahata xaagi nummaysa:- «….. iqtikaafal yan num biyaakite mara gufam (ziyaaram), raboyta rubsuusam, fidoh angaaraw abe waam, nabsi fayxih kaa ceele sinni marâ lih dagar xagan-xago abam, maraaqinih tanim tekkeh akke week iqtikaafak awqe waam Sunnah kinni...»

((Abu daawuud kee tirmiizi xaagisen))
.
.
Wabillaa

217 viewsAbu Jaefar Dalol, 06:42