FATWA^BARNAAMIJI
(Dr Macammad Saani)

Share, share, share.....

Fataawa #1
Essero, warrayeh yan Ramadhaanak kada edde tan mari mannal gacisaanam faxximtaah?

Gacsa,
√√Keenit gexxeh tan ayroora lowwa heenih gacisaanam faxximta, Qolomak baali elle iyyannal kada gacisam dibuh hinnay, kulli ayrollih inki miskintih maskamo digaalah yaceenim faxximta iyyan.

Faxennalaay, digaala itta ximmol itta magennoon immay, gacisaanam dirkih taniimi ikkal raq lem hinna.

Fatwa #2
Essero, Say mar miyangali qabali soom fanak keenik yargiqeemik Ramadhaan addat qabala keenik solissa diwa haysitaanam keenih duddaa?

GACSA....
√√ Diwa haysitaanam qoloma keenih xiqsissah, laakin tohlih namma assenta/shartiy kibaanam faxximta daffeesen...

1, Baqlale barra tekkek baqlak izni/ruksat bettam faxximta.
2, Amannah tan diwaawi mangih taqabi katassaamih taagah Doktorul gexxa itteh a diwa kaysittek taqabih maca teetil baahelm essertam faxximta.

Taqabih tu kol mabahta iyyek, tonnah baqli amri teetih yeceek diwa tantifiqem duddah.

Fatwa #3
Essero...
Num sacuri afat luk suga waqdi azaan kaat abeenik maca abam faxximtaah? Maaqok soolay immay leeh inki kubbayya yaaqabem kaah maay xiqtaah?

GACSA...
✅Yalli SW Qhur-aan addal " Maaci baxxaqqa iyyam fan ottokommaay, ottooqobba" iyye.
tohih taagah qado ifi yumbulleek wadir kulli caagid lee takkay, Maaqo takkay soolisaanam faxximta.

#Fataawa #4.
ESSERO....
Num laqo soomuh anuk garciteh lee garil nek yooqobek, Yalli kaa yafqem kaak margiqa inneh tibba axcennaa? Kaah warisam faxximtaah?

GACSA..
✅Meqe NABI QSW " laqo soomuh yanim habbella heeh yokmeeh, yooqobe num Yalli kaa yefqeeh yoskomeemih taagah soom aggile waama, Isi Soom xakbisaama " iyye.

Tohuuk ugutak Yalli kaa Yafqeemik fan kaak maradina itta qoloma tanih immay, Laakin takkay immay umaanek siita waasaanaah, maqaanel siita fayisaanam kaaduk sunna kinniimih taagah, Laqo soomuh yan num lee yaaqabem kaaduk munkar/ umaane kinniimih taagah didda kaa hee kal, Elle yafhimuwaannal kaa kassiisam faxximta.

Fataawa #5
ESSERO.....
Tiro^biyak le numy soomam xiqe sinni, maca abam faxximtaah?

GACSA....
✅Tiro^biyak le num, Doktor daylat akak yan numuy ureleemih qaago le tekkek, Yafturem kaah xiqtaah, Sarra ura waqdi kadah gacisam faxximta, woo biyaakak ure kal edde rabek, tu kaal matan.

Wonna hinnammay, Tiro biyak caddok edde tature numuy Doktor dayla akak yeffereeh, taysa Yalli koh abam ablettok buxah uduur akak iyye tekkek kulli ayroh aftok inki muddi (2gaba) tu maleelah yaceem faxximta.

Fataawa #6
ESSERO...
Soom mekalah masaakiinah yaceenim ma maaqooy? Yaceenim faxximtam magideey?

GACSA....
✅Soom biyak takkuu wonna hinnammay idoolinnah takkay soom yeffere mari kulli ayroh aftok inki muddi (2 gaba) yaceenim miskintuh faxximta, woh kiilok agide takke innam madudna, machaay itteenik, kulli darok inki muddi/2gaba kiilol haan waqdi inki gide akke waytam bictah, burriiy, qelbooy, sirrayaay, ruddiiy........wwc miizaan kak baxaabaxsa leemih taagah kiiloh gacisaanam taqabile,

Tonnaleemiik, gaba aqunxe waah, gaba anabbee waa numih gabay fanah tanih gide yaceenim faxximta,

@naaxagu faxximtam dagoom yaceenimih fayxih gaba qunxa numih goranah gexewaanam faxximta, tonnah kaaduk gaba naba numih goranah gexe waanam faxximta.

Yaceenim faxximta maaqoh tu gactek kulli num isih buxal akiminnaanimik yaceem faxximta,

👌🏿Isih ruddi yakmeeh, masaakiinah, gaqammo aceewaam faxximta !!!

Anas ibnu maalik (R.Q) idooliteeh soom yeffere waqdi, 30 miskintu gaabossa heeh, woo saaku maaqok tayse maaqoh ten cadoo kee gaqammo siitat hayya heeh ken yoskome.

Fataawa #7
ESSERO....
Mangih barri agabi Yaqaaduu kee sukat kicnon,
Yaqaaduu kee sukat soomul keenik bahtam maay le?

GACSA.....
✅Yaqaaduk qer bagut gexaamih taagah woh soomul taqabi keenik taallem bictaamih sabbatah yaqaadu bar abitaanam keenih aysuk raqta,

Sukatah tu gactekiiy, haysitamamah taqabi mali.

Fataawa #8
Soomuh yan num laqo mango leeh addat kaqlam soomul taqabi kaak maay leeh?

GACSA....
✅Fillaak gubah edde culam taqabi mali, laakin Moyya leeh addat culsek garciik lee bagut kaak gexxam xiqtaamih taagah wonnaleemik moyys leeh addat isik culse waam faxximta,

Fatwa #9
ESSERO....
Shaqbaan aw soom baaheh addat soom abitaanam xiqtaa?..

GACSA.....
✅Ah annaak esseran essero makkalina, shaqbaan addat soom abaanam maxiqta iyya mari yan, woh ankel tubleeniih? iyyi siinik iyyeeh? inneh esserra waqdi "nanu manaaxiga qalek yemeete num nek iyyekkah" iyyan..

Meqe toobokoy Bukhaarih addal cadiisil niina Qaaisha (R. qanha) " anu warraye soomuk yok gexxem shaaqbaan addat kadah gacisak en" itta.

Is kada gacissa waqdi Meqe NABI QSW tet abaluk yenemmay, tet kak waasak maana, , ah faxxiime waytam takkeemil is kaaduk soomak maana.

Hay ta mari Niina Qaaishah cadiisiy Bukhaarih addal yanik amo korra iyyeenih ta yab ankek baaheeniih?

@Cubbusa
Qilmi ni addal elle kibuk yaniimih sabbatah qalek yemeete mara axcuk adda kak aaxige wayna marak fatwa hirge eaynam faxximta.

Fatwa #10
Esser.....
Qunxuffe yanxuqeenim soom maay taggileeh?

Gacsa...
Meqe toobokoy naaxagu faxximtam aslan qunduffe soom mataggila,
laakin toh inna waqdi gaabossa heenih anxuqe waanam faxximta, wonnal soomul taqabileeh, nabsih isih sakki le,

Tohih taagah away mango mari akah abannah qinxuuf tuftot af sinnik kafisaanam soomul taqabi leemih sabbatah af sinnik kafise waanam faxximta.

Afat kobxissa heen qunxuffe kaaduk anxuqe waanam faxximta.

~~~~~~\\~~~~~~~~
G.Geya

Ciggiltam tenek aki waktil siinih qagsenno Insha Allaah.

(Yalli maqaanek yoobbeemil taamita mara nee abay)

Aamiin

Ramadhaan 2/1439 H.Loowo
(Samara)
Xonglo Dr Macammad Saani.

📝By Diinii kee Anaakara
(M/d Ali)
🌴🌴🌴🌴
Share 🔀🔀

For more info. # Join us

https://telegram.me/DiiniKeeAnaakara

«...isih cayye num cayittem kok yakkale....» QM

Ikhwaani....Cubbi geynay. Cayya iyya waqdi akak cayyeh yanim foto ugussa hee fb ruubah yan mari mannah yan #qaqhli le maraay...?

Yaceenim yeffere mari masaakiinik raaqiseenim makmak keenik raqteh tanim foto anninnah ruuba....!!!? Asmatah caddok taturte batray, iggimâ fan beytah tan abto.

Isil uduuray cubbusey.....!!!

Atu caxaxuy anwaaq anawaaqah fatuuruh bicissaah, yaaqabeenim kaaduk tonna kinnih tan waqdi baakaarat assa iyyeeneh xabcin lee wayya heenih #laqin lee kee kafin gaqammoytal fatuur aba mara makassitta 😱too kok raqtem kee elle tafturu waytam fotoh rubta waqdi...

Cubbi abinnek meqeh, gersi mara kassite wayna way cuggaytuh nek yan maral racmatnay uddur uma udduruy uma migaq koo sarseh caba kinnim hawweene waynay, yalli neh yece niqmatat gersi mara wadnay....

«......Yalli (s.w) qaraanal korracamatuh ardil yan marah racmat.....»

#Seehada_kee_soom

1. Soom buluugh hinnay (caddo) gufeh yan maraay, biyaakak qaafiyatah yan maraay, gexenta (musaafirtu) akke sinni numuy isi dabaqal yanih yan muslimtul waajibik (dirkik) yan.

2. Islaaminna diini aalle waah yan num masooma. Laakiin islaamaninnat cule kaa tekkek dumah kaak taturteh tanim gacisam kaal matanay soomuk matreh yanim soomam faxxinta.

3. Buluugh(caddo) gufe weeh yan mari soomaamih dirki keenil matan. laakiin sarrah baritto keenih yakkê gidah soomul ken amrisaanam faxxinta. Dudda haah yan saaqatih gide, tokkel meqe fatuur kaah abaanam meqe tarbiyat loowoh tan.

4. Qawul, takku misinkacâ yaqabik gexxaamah isi nabsi aaxige waah yan numul soomaamih dirki kaal matan, soome weeh yan ayroora kaaduk fidah sadagat yaceem kaal matan, idaltuy idoolinnah meqem kee umam kase waah siitak baxse waah yani tonna

5. Idoolinnah takku hinnay akak uraamih qaago aalle sinni biyak (xayla aalle sinni biyak) dagarat leh yan num kee kalah celtah tan sababitteh soomam duude waah yan mari 30 ayroy soom yakkeh yani 1 miskintu (tu-mali) yayfutureenim (yaskameenim) keenik faxxinta.

6. Akak uram duuduntah tan biyaakah biyaakiteeh soomam yeffere num too edde biyaakiteh yan uddur soomuk yaftureeh, biyaakak urah yan waqdi kaak taturteh tan ayroora sarra gacisam faxxinta.

7. Soonibah tan barra takku taysaaxxeh tan barra soomtam gidbaabina teetil bahtu waytam tublek hinnay bagut yan awka takku angut leh tan awkal tu yok kataasu waa iyyaanamih bohoy tet yibbixek soomuk taftureeh, akah bohoyak sugteh tan caagid amok teetik kata waqdi soome wayteh tan ayroora qhadah gacissam faxxinta.

8. Caydit (mayangali) qablat tan barra kee ullaaloh(xalay) uddurut tan barra tohih addat anih masooman. Tohuk addat anih keenik taturteh tan ayroora qhadah gacisan.

9. Cube-kal qawwalayla kee kalah taniimih ceelalloh (lêe koro qawwalayla takku, girah cararih qawwalaylah waqdi seehadâ rooci waduh taamitah yan num too marih rooci waduh soomuk yafturem kaak faxxintek yaftureeh, sarrah too ayroh soom qhadah gacisa.

10. Safarah yan num (musaafirti) faxek soomaah, Faxe week soomuk yafturem xiiqah, isi baaxo fan yadaareh (yandabbeh) yan waqdi gacisa. Safarah akah gexam qumrah takku, rabbo sinnih yan safarah yan mari ceelalloh kokkobe, ayyunta beyah gacisa mara tekkek sinni baaxoh addal ane weenik faxeenik soomaanah, faxeenik yaftureenih, sinni baaxo yadaaren (yandabben) waqdi gacisaanam xiiqan.

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

«....Niqmat kok gexak naharal kaa mayaaxigan...» qajaban soomuh jamaaqa kee masaajid alfinte waqdi kullim salfa cabteh

#Soom_bayise_waytah_tanim

1. Inki num soomuh yanim hawweeneh takku hinnay dirkisimeh takku hinnay soom taggilem kinnim aaxige kalah soom taggileh tanim abek (lee yooqobek, maaqo yokmek…) kaa soom mayaddigille(mabay).

Tah wagsiisak yalli (s.w) iyyama: «….(inxeca) ni rabbow fardi nel abteemik tu-hawwennek hinnay nee akak waasseemiy hoxak abnel nee makattaatinaay, nee elle madigaalin…» ((baqhara…286)).

Gersi aracal iyyama:-
«…….Koroosanni qangarat yaabankeeh dirkisen numuy iimaanat lubbi satta akak iyyay rabi meesih teetit yaabe akke wytek….»((Suurat annacli 106))

Qagitaak iyyama:-
«…….Hoxak edde raddeenimit dambi sin amol mayan, kinnih immay dambi sin elle yabbixem niyaak loowitak abteenimi…»((al-aczaaba 5))

2. soomuh yan num hawweneh maaqo yokmek hinnay leeh innah tanim yooqobek aaxige kalah aylahu kinniimih sabbatah kay soom mayaddigilla.

3. Ayro cultem akkaluk hinnay maaci diifek sarra usuk genah (uxih) yanim akkaluk yokmek hinnay yooqobek aaxige kal kinniimih sabbatah soom kaak mayaddigille(mabaya).

4. Afat lee rukah yan waqdi kaak tuftuceh tanim aaxaguk abeh akke week soom kaakmabayissa.
Soonoh fidoh angaaraw abem yekkeleh shahwat kaak caxtek usuk faxah abem akke waytam kinniimih sabbatah soom kaak mabaya.

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

Abu Jaefar Dalol:
Wifi network (shabaka) leh yan marak tamakkel yan you-tubut xukka xicaay #subscrib abaay, Dr Macammad cuseen fatwa kee daqwa geetton. Tonnah qafar afih baritto elle geetton.

you tube channal
👇
https://www.youtube.com/channel/UCXEEolrW8GseVR5EDy9BHwQ

Diini ummatta gufusaanam dirki kinniimik amakkaquk tokkel tan daqwa kee fatwa oobisaay sinaamah fixiixisa. Baarak allaahu fiikum

#Soom_bayissah_tanim_bacaar (8) takke

1. #Soomut_anuk_fidoh_angaaraw_abeenik:- faxe numuy soom dirkih elle yanih yani loqo fidoh angaaraw abek soomam dubuh hinnay kaffaara (mago) yaceem kaal tan. Tohimi:- naqsu/ó currusaama, toh gee week nammâ(2) alsa siitallakeleh fanat rabbo aalle kalah soomaama. Soomam yefferek 60 miskintu yaskamem kaal tan.

2. Xiinit ane kalah qawrat xaganxagak takku hinnay say mari lab marih dagar xagak tonnah lab mari say marih dagar xagot shahwat caxte kaa tekkek

3. Tuxxiq lem takku tû-kalot leh yan caagid xagaanam.
Ceelalloh sigaaraytu yaaqabeenimih innah tanim takke way soom biyissah, miira (mastika)

4. Maaqoh afto kibtam xiqtah tan irba mudduteenik soom bayah. Tannah tan irba maaqoh afto kibtam kinnuuk. Laakiin maaqoh afto kibe waytah tan irbay caray gambik mudduteenik arraabal haan way tamu (salfa) taalle way soom mabayissa.

5. Soomuh yan numuk mango qabali caxteeh, too kaak caxte qabalih aftok gersi marih qabala kaat quleenik soom bayah.

6. Xalay qabala kee mayangali (caydi) qabali soom baysah

7. Qabala xuul takku qabali mattaco kee kalah taniimih aaxaguk isik yeyyeeqek soom kaak yaddigilleh(kaak bayah), laakiin aaxige kalah taniimiy sanuni kee boddina mawqah innah tanimih caxte qabali soom mabayisa

8. Soomuh yan num aaxagih isi alliisek toh soom bayissah

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

«......Mutucca intaamay isi rizqhi assukuqqe waytaah orbissam duude wayta magide takke(maxxuleeh). Yalli tet yarzuqheeh, sin yarzuqheh kaadu, usuk sin maxcooca yaabbi, sin abtoota yaaxigi......»

#Ramadhaan_wagsissah_tan_yallih_farmoyti (ﷺ) cadayis

Yallih farmoyti (ﷺ) iyyama «…..ramadhaan alsa imaan kee dubuh gaba gacsa yallak gee lemih meqe akkal luk soomek tahak duma abeh an zambi inkih kaa caba…»

((buhaari kee muslim xaagisse))

Yallih farmoyti (ﷺ) iyyama: «….ramadhaan 30 ayro inkih soommaay, shawwaalak 6 ayro edde osisse heek sanat inkih soomeh gidek kaah loowinta…»

(bukhaari kee muslim xaagise))

Yallih farmoyti (ﷺ) iyyama: «….ramadhaan alsih baritte imaan luk «.....ajri yallak geeyyo...» iyyaanamih qaago luk salaatah sooleh yan num ahak dumah abeh yan zambi kaah duugumaha…”. Kaxxa zambitte akak koh raqtuh

((bukhaari kee muslim xaagisse))

«….Yallih farmoyti (ﷺ) ramadhaanak ellecabô tabanâ bar inkih tikya digga haak salaatah soolak xiinak yen, buxâ mara kaaduk qibaada aboonuh ken ugusak yen…..»

((bukhaari kee muslim xaagisse))

«….Yallih farmoyti (ﷺ) ramadhaanak ellecabô baritte masjiidil daffeyak (iqtikaaf abak) tatrusak yen.

((bukhaari xaagise))

Yallih farmoyti (ﷺ) iyyama : «….inki num soomuh aseh yan num soomuk yuyfuturek yuyftureh yan numuk tu ankuse kalah yuyfuture numih ajri (gabâ gacsa) geya…»

((Tirmiizi xaagise))

«….Yeemeneh yan maraw ramadhaan alsih soom siinil yunkuttubeeh fardi siinil yekke, siinik dumih ummattal kah yunkuttubé innah sinni rabbik meesittaanamke…»

(( baqhara 183 ))

Yalli (s.w) ta aayatal soom dirki akah yekkeemik hadaf yallak mesi kinnim akak barinna.

Yallih farmoyti(ﷺ) iyyama: «……..soomuh yan num dirab yaabitte kee camiiy tonnah iggimak ugutak yaabah yan uma yaabitte cabe waam fanah lee kee maaqok is waasaamat yalli kaak waam mali…»

((bukhaari xaagise))

Tahak ugutak faxe numuy soomuh yani abah yan zambi soomul gidbaabina kataysam kak barinna. Tahak tu nableh nan waqdi inki inki mari makmok maqab kee fidoh angaarawak sinni asisaanah laakiin zambih tanim abak asan. Inki inki mari kaaduk sacuuri yokmeenik sarra xiinit subci salat bayisaanaah, ayro tewqek lakal ugutan.

Aki mari kaaduk qasri salat abe kalah xiinaanaah fatuur uddur ugutak affara waqdi fayya rammitan. Dagoo uddur ikkah yalla faxxinta faylah mafaylisanaay, makassitanaay(zikri maaban).

Inki inki mari kaaduk sinam camtaanaah, kabxaaba kaaduk kiilo danagacissaah baxaabaxsa le zambi aban. Tah inkih soomut anuk aban. Tah aban waqdi abaanah yanin soom keenik biyaktam shakki maliiy, ajri keenik yankusem tonna.

Inkinnah aben meqaane kee umaane inki gide takkeeh soom ajrik baxaysitaanam takkeh.

Muslimiin tooboko kee maqanxiixih ruubah an fayi: «….yalli caraamu ken amol abeh yaniimik sinni ayxeeruk aban soom dacrisaanam kee ta yalli yeynebeh yan khayrik yan alsat yallah santiitimak meqe taama abak tatrusaanam faxxinta.

Caraamah tanimik yaxxeerenim kee dirkih tanim abbinoysaanamal sinni lubdosaanamal yangicilleenim faxxinta. Tah edde aboonuh kaxxa saami edde yan uddur kinniimih sabbatah.

Wabillaahi atawfiiqh

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

Sabri abba hayisay ta kutbeyta kawisay tama kutbeytih addal sin essero gace waytek essera
#Gersi_marah_kaadu_share ab
👇👇
#Ramdhaan_wagittah_tan_muhimmik_tan_ximmooma:-

1. Janaabak kaqale kalah soom niyya abaanam kee maaci diifek lakal dagar kaqalaanam soomuh yan numuh xiqtah

2.say mari ramdhaan addat maaci diifaamak naharal mayangali qabalak (caydik) takku hinnay xalay qabalak takku saytunnoowen ken tekke dagar kaqalise kal maaci diifa way soomaanam dirkih keenil tan.

3.Soomut yan num boddinâ qidim takku, dale xaylisaanam takku, intik takku aytik dawa caxittaamih gurral beyam kaah xiqtah. Xayli afal kaak salaffoowa way kaah xiqtah.

4. Soomut yan num saaku takku carra qadaytu haysitam kaah xiqtah. Soomuh yan num qadaytu haysitam gersi numuy soomuh ane waah yanih innah haysitam sunna kinniimih sabbatah.

5. Soomuh yan num dahan liqna kee lee bakar kaah xamacossaamat yantifqqimem xiiqah, ceelalloh xamcin leek kaqalek, AC (xammaaca) le aracay xamcinil gacam kaah xiqtah.

6. Qabali mangak gexxaamah takku hinnay ceelah yan taqabiy ufuyi kaa rube kaltam kaa geytik afti kabuk silaytu addah ruubam kaah xiqtah.

7.Soomuh yan num sokto kaak kaftu hinnay af kaak kafu yekkek leeh arqusam kee af leet rukam kaah xiqtah. Laakiin afat haah yan waqdi addah kaak obtaamak cubbi geyam faxxinta.

8.Sacur makmo wadirroysaanam kee fatuur yaysissikeenim yallih farmoyti (ﷺ)Sunna kinni. yafturen waqdi tamiral yaftureenim kaaduk kay sunna kinni, tamira gee week saytun leel yafturem faxxinta. Inkinnah leey kinnih gee week geyya heemil yafturem kaah xiqtah. Elle yafturemik ulim wee kaa takkek elle yafturem geyam fanah isi sorkocô baxal yufturemih niyya abama.

9. Soomuh yan num yalla kee yallih farmoytih amri elle faxxiimah yan innal abbinoysak ossitinah tan meqe taamoomi yaymaggem kee waaso leh taniimik yaxxeerem kaak faxxinta.

10. Soomuh yan num diinil madqinteh tan dirki elle faxxintah tan innal abam kee caraamuh taniimik inki tanuuk axxeruk koona waktih salatle uddurul jamaaqah salaatam kaak qambalsinta. Dirab yaabaay, camiiy, duquurusiyyaay, ribâ tellemmok kee kalah tan uma yaabitteetak waalih gacam faxxinta. Tahak axxeere waam fanah lee kee maaqok tonnah fidoh anagaarawak asaamat yalli kaak waam malim kinnuuk
عن أبي هريرة قال: قال رسول الله (ﷺ): "من لم يدع قول الزور والعمل به والجهل فليس لله حاجة في أن يدع طعامه وشرابه" أخرجه البخاري
Abuhu reyra Yallih farmoytak(ﷺ) baahah yan xaagul yexceh iyyama: “……..soomuh yan num dirab yaabitte kee cami tonnah iggimak ugutak yaabah yan yaabitte cabe waam fanah lee kee maaqok is waasaamat yalli kaak waam mali…” iyye. ((bukhaari xaagise))

------------*********------------

1. Soom buluugh hinnay (caddo) gufeh yan maraay, biyaakak qaafiyatah yan maraay, gexenta (musaafirtu) akke sinni numuy isi dabaqal yanih yan muslimtul waajibik (dirkik) yan.

2. Islaaminna diini aalle waah yan num masooma. Laakiin islaamaninnat cule kaa tekkek dumah kaak taturteh tanim gacisam kaal matanay soomuk matreh yanim soomam faxxinta.

3. Buluugh(caddo) gufe weeh yan mari soomaamih dirki keenil matan. laakiin sarrah baritto keenih yakkê gidah soomul ken amrisaanam faxxinta. Dudda haah yan saaqatih gide, tokkel meqe fatuur kaah abaanam meqe tarbiyat loowoh tan.

4. Qawul, takku misinkacâ yaqabik gexxaamah isi nabsi aaxige waah yan numul soomaamih dirki kaal matan, soome weeh yan ayroora kaaduk fidah sadagat yaceem kaal matan, idaltuy idoolinnah meqem kee umam kase waah siitak baxse waah yani tonna

5. Idoolinnah takku hinnay akak uraamih qaago aalle sinni biyak (xayla aalle sinni biyak) dagarat leh yan num kee kalah celtah tan sababitteh soomam duude waah yan mari 30 ayroy soom yakkeh yani 1 miskintu (tu-mali) yayfutureenim (yaskameenim) keenik faxxinta.

6. Akak uram duuduntah tan biyaakah biyaakiteeh soomam yeffere num too edde biyaakiteh yan uddur soomuk yaftureeh, biyaakak urah yan waqdi kaak taturteh tan ayroora sarra gacisam faxxinta.

7. Soonibah tan barra takku taysaaxxeh tan barra soomtam gidbaabina teetil bahtu waytam tublek hinnay bagut yan awka takku angut leh tan awkal tu yok kataasu waa iyyaanamih bohoy tet

yibbixek soomuk taftureeh, akah bohoyak sugteh tan caagid amok teetik kata waqdi soome wayteh tan ayroora qhadah gacissam faxxinta.

8. Caydit (mayangali) qablat tan barra kee ullaaloh(xalay) uddurut tan barra tohih addat anih masooman. Tohuk addat anih keenik taturteh tan ayroora qhadah gacisan.

9. Cube-kal qawwalayla kee kalah taniimih ceelalloh (lêe koro qawwalayla takku, girah cararih qawwalaylah waqdi seehadâ rooci waduh taamitah yan num too marih rooci waduh soomuk yafturem kaak faxxintek yaftureeh, sarrah too ayroh soom qhadah gacisa.

10. Safarah yan num (musaafirti) faxek soomaah, Faxe week soomuk yafturem xiiqah, isi baaxo fan yadaareh (yandabbeh) yan waqdi gacisa. Safarah akah gexam qumrah takku, rabbo sinnih yan safarah yan mari ceelalloh kokkobe, ayyunta beyah gacisa mara tekkek sinni baaxoh addal ane weenik faxeenik soomaanah, faxeenik yaftureenih, sinni baaxo yadaaren (yandabben) waqdi gacisaanam xiiqan.

------------*********------------

#Soom_bayise_waytah_tanim

1. Inki num soomuh yanim hawweeneh takku hinnay dirkisimeh takku hinnay soom taggilem kinnim aaxige kalah soom taggileh tanim abek (lee yooqobek, maaqo yokmek…) kaa soom mayaddigille(mabay).

Tah wagsiisak yalli (s.w) iyyama: «….(inxeca) ni rabbow fardi nel abteemik tu-hawwennek hinnay nee akak waasseemiy hoxak abnel nee makattaatinaay, nee elle madigaalin…» ((baqhara…286)).

Gersi aracal iyyama:-
«…….Koroosanni qangarat yaabankeeh dirkisen numuy iimaanat lubbi satta akak iyyay rabi meesih teetit yaabe akke wytek….»((Suurat annacli 106))

Qagitaak iyyama:-
«…….Hoxak edde raddeenimit dambi sin amol mayan, kinnih immay dambi sin elle yabbixem niyaak loowitak abteenimi…»((al-aczaaba 5))

2. soomuh yan num hawweneh maaqo yokmek hinnay leeh innah tanim yooqobek aaxige kalah aylahu kinniimih sabbatah kay soom mayaddigilla.

3. Ayro cultem akkaluk hinnay maaci diifek sarra usuk genah (uxih) yanim akkaluk yokmek hinnay yooqobek aaxige kal kinniimih sabbatah soom kaak mayaddigille(mabaya).

4. Afat lee rukah yan waqdi kaak tuftuceh tanim aaxaguk abeh akke week soom kaakmabayissa.
Soonoh fidoh angaaraw abem yekkeleh shahwat kaak caxtek usuk faxah abem akke waytam kinniimih sabbatah soom kaak mabaya.

------------*********------------

#Soom_bayissah_tanim_bacaar (8) takke

1. #Soomut_anuk_fidoh_angaaraw_abeenik:- faxe numuy soom dirkih elle yanih yani loqo fidoh angaaraw abek soomam dubuh hinnay kaffaara (mago) yaceem kaal tan. Tohimi:- naqsu/ó currusaama, toh gee week nammâ(2) alsa siitallakeleh fanat rabbo aalle kalah soomaama. Soomam yefferek 60 miskintu yaskamem kaal tan.

2. Xiinit ane kalah qawrat xaganxagak takku hinnay say mari lab marih dagar xagak tonnah lab mari say marih dagar xagot shahwat caxte kaa tekkek

3. Tuxxiq lem takku tû-kalot leh yan caagid xagaanam.
Ceelalloh sigaaraytu yaaqabeenimih innah tanim takke way soom biyissah, miira (mastika)

4. Maaqoh afto kibtam xiqtah tan irba mudduteenik soom bayah. Tannah tan irba maaqoh afto kibtam kinnuuk. Laakiin maaqoh afto kibe waytah tan irbay caray gambik mudduteenik arraabal haan way tamu (salfa) taalle way soom mabayissa.

5. Soomuh yan numuk mango qabali caxteeh, too kaak caxte qabalih aftok gersi marih qabala kaat quleenik soom bayah.

6. Xalay qabala kee mayangali (caydi) qabali soom baysah

7. Qabala xuul takku qabali mattaco kee kalah taniimih aaxaguk isik yeyyeeqek soom kaak yaddigilleh(kaak bayah), laakiin aaxige kalah taniimiy sanuni kee boddina mawqah innah tanimih caxte qabali soom mabayisa

8. Soomuh yan num aaxagih isi alliisek toh soom bayissah

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

#Ramadhaan_muxxo

1 Hayto:-
Soomuh yan numih afak yawqeh yan suruy yallih garil miski suruy le. makmak maaqabak sooleh yan numih af suruy yaame. Afak yawqeh yan suruy seehadâ ruugul suruy umam takkay immay yallih garil miskik yayse suruy le.

Akah kinniimik sababa yallih qibaada kee yallih naqoosinnak yemeete caagid kay garil kaxxam inkiccinam kinniimi.

Yalli (s.w) meqe taama taamiteh yan numuh taysem kaa ciggiilisa. Yallih qangara fayya intuh yingicilleh rabe numuh caagid maay toobbem…? Qhiyaamatti ayro dalek qabala tifak yamaate, qabali yablen waqdi too qabala ikkah bisi milaagu mali, laakin suruy miski suruy luk yamaate.

Cajji uddurut tonnah qarafa booxal sooleh yan mara wagsiisak yalli malaykak iyyama: «..…Yî naqoosa elle tan inna wagita, dagor keenik wasakkoteeh, siisa sariteh anuk yoo lekke yemeetenim wagita…” iyya.

((Acmad kee ibnu cibbaan xaagisse))

Ta aracal dagortal tan siisa kee wasak yallih garil tinkiccinem kinniimi. Tahak ugutu yallih amrih dacayrih abaanah yaniinim kinnim kee icraamak yanfiddigeenimik tonnah meqe sara haanam kee bilaqak dacarsimaanamih sabbata yaanama.

2 Hayto:-
Soomuk yafturem fanah malayka yallal zambi cabsot kaah esserta.

Malayka yaanam yallih garil masakaxxa leh yan maray yalli ken elle amriseemik inti fakka aliffa haanah gide yalla aqsuye sinniih, ken akak waaseh yaniimil xayyoowe waah mara kinnon.

Soomeenitih abaanah yanin dooqa yallih amril rakuh tanim kinniimih sabbatah yallih garil oggol lem bohoy mali. Too waqdi yalli macammad ummatah malayka dooqa akah abtah tan innah akah abem loonuh yanin Caddo kee yalli keenih abeh yan konnaba kee soom yallih garil kaxxam kinnim tascasse.

3 Hayto:-
Sheytaanti silaasilih edde yamuxxuye

Sheetanti axawa moominiin qibaada abe kalaah caqhi gitak ken yayyaaqeemik ken cattaama. Ta alsih addat meqe taama abaanamal yamballeh yan kaxxa uguugut sheytaanti alfimeemik geytimeh yan xalu kinni.

4 Hayto:-
Yalli (s.w) kulli ayro Jannat bilqisa

«…..Yî naqoosa kullim cabba hayteh imniqqibam kee niqiboonum inkih cabba heenih koo fan yamaaten, koo fan xayyoowan….» teetik iyya.

Yalli (s.w) isi naqoosah tet bilqisa, oson kaaduk ayrok ayro teetih lon baaker kee fayxi ossiisak ossissâ gidah.

Kaaduk qagitaak teetik iyyama «….Yî naqoosa addunyâ caagidiy ken taqabisaah, tet agexeexak kee tet addal ken ceenissah tanim inkih cabba heenih meqe taamah yittikiyyeenih geytiman. Toysa addunya kee akheerah rufto edde geyan gita yeexegeenih...»

5 Hayto:-
Yalli (s.w) ta barakat leh yan alsih addat elle faxxintah tan innal salaatah soolaah, faxxiima soomuh soomah yan macammad ummattah zimbi cabsot keenih aba. Taha sinam taamak gaba kaltah tan waqdi keenih mekkeltimtah taniimi. Taamâ baanitih aben taamah mekla abaanam gaba kalan waqdi ellecabo kinnim tamixxige.

6 Hayto:-
Jannatti afoofi edde fakkimtam Ramadhaan alsih adda kinni.

7 Hayto:-
Jahannam afoofi edde alfimtam Ramadhaan alsih adda kinni.
Sunnâ salaat fardi Salaatih gide ajrik eddelem Ramadhaan alsa kinni.

8 Hayto:- Ramadhaan addat Qumra abaanam Yallih farmoytallih (ﷺ) cajji abeenih gide.

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

Assalaamu qaleykum waracmatullahi wabarakaatuh.

Farmo shera aba

Toysa #Qusba_maacih bical Ramadhaan Dr macammad cuseeni luk iyya ammontal siinih xayyoowak geytima. Toysa engelaay, ixxigak elegga.

Nanu kaaduk yuo-tube katuk sin eleelisak geytimna
#shekh kadir qabdallay ta caagid nee aleelisah gadda gacisnaah, yalli kaah yaaxagay, Dr macammad yalli kaa qilmit baraka haay

https://www.facebook.com/groups/526628167519174/

Subscribe my you tube channal
👇
https://www.youtube.com/channel/UCXEEolrW8GseVR5EDy9BHwQ

መብሩክ ሳውዲ አረቢያ ለምትኖሩ‼
አስደሳች ዜና ከሳውዲ አረቢያከሃጅና ኡምራ ሚኒስተር።

መስጂደል ሀረም እና መስጂደል ነበዊ ከረመዷን 8 ጀምሮ ክፍት ይደረጋሉ። ይህ ሲሆን ግን ህግና ደንቦች ወተዋል።

1, ሁሉም የራሱን መስገጃ ምንጣፍ መያዝ አለበት።

2, መስጂድ ውስጥ ያሉ ቁርዓኖችን መጠቀም አይቻልም ፣ የፈለገ ከቤቱ ይዞ መምጣት ይችላል።

3, ማህበራዊ ርቀት ይጠበቃል።

4, የመስጂዶች ሽንት ቤቶች ዝግ ናቸው።

5, የአፍና አፍንጫ መሸፈኛ ማስክ መድረግ አለበት።

6, በመስጂዶች መግቢያ የሚዘጋጀውን ሳኒታይዘር መጠቀም ግዴታ ነው።

#Duddaluk_geytoonuh_takkeytat_bossu_xica...!
tube channal
👇
https://www.youtube.com/channel/UCXEEolrW8GseVR5EDy9BHwQ