စစ်ဖြစ်နေချိန် ရေနံတွေ သိုလှောင်ထားတဲ့ တရုတ်ဟာ အားကိုးလို့မရတဲ့ မိတ်ဖက်ဖြစ်တယ်လို့ အမေရိကန် ဝေဖန်

ဧရာဝတီတိုင်းမ်
ဧပြီ ၁၅ ရက်

အမေရိကန် ဘဏ္ဍာရေးဝန်ကြီး စကော့ဘစ်ဆင့်က အင်္ဂါနေ့မှာ တရုတ်နိုင်ငံကို ပြင်းပြင်းထန်ထန် ဝေဖန်ခဲ့ပြီး အရှေ့အလယ်ပိုင်းစစ်ပွဲမှာ တရုတ်ဟာ ရေနံတွေကို သိုလှောင်ထားပြီး တချို့ကုန်ပစ္စည်း တင် ပို့မှုတွေကို ကန့်သတ်ထားတာကြောင့် ကမ္ဘာ့အတွက် အားကိုးလို့မရတဲ့ မိတ်ဖက်ဖြစ်နေတယ်လို့ ဆိုပါ တယ်။

ဒီလုပ်ရပ်ဟာ ကိုဗစ်ကပ်ရောဂါတုန်းက ဆေးဝါးပစ္စည်းတွေကို ကန့်သတ်ခဲ့တာနဲ့ အတူတူပဲလို့ လည်း ၎င်းက ခိုင်းနှိုင်းပြောဆိုခဲ့ပါတယ်။

ဒီကိစ္စနဲ့ ပတ်သက်ပြီး တရုတ်အရာရှိတွေနဲ့ ဆွေးနွေးထားတယ်လို့လည်း ၎င်းက သတင်းထောက် တွေကို ပြောပေမဲ့ အခုလို အငြင်းပွားစရာတွေကြောင့် မေလလယ်မှာသွားမယ့် သမ္မတ ဒေါ်နယ်ထရမ့်ရဲ့ ပေကျင်းခရီးစဉ် ပျက်သွားနိုင်မလားဆိုတဲ့ မေးခွန်းကိုတော့ သူက တိုက်ရိုက်မဖြေခဲ့ပါဘူး။

သမ္မတ ဒေါ်နယ်ထရမ့်နဲ့ တရုတ်သမ္မတ ရှီကျင့်ဖျင်တို့ကြားမှာတော့ လုပ်ငန်းခွင်ဆိုင်ရာ ဆက်ဆံ ရေး အလွန်ကောင်းမွန်ပါတယ်လို့ပဲ သူက မှတ်ချက်ပေးပါတယ်။

အမေရိကန်-အစ္စရေးနဲ့ အီရန်တို့ကြား ဖြစ်ပွားနေတဲ့ စစ်ပွဲအတွင်းမှာ တရုတ်ရဲ့ လုပ်ရပ်တွေအပေါ် ဘစ်ဆင့်က ပြင်းပြင်းထန်ထန် ပြစ်တင်ခဲ့ပြီး ရေနံစျေးတွေဟာ ၅၀ ရာခိုင်နှုန်းလောက်အထိ ထိုးတက်သွား သလို ကုန်စည်စီးဆင်းမှု ကွင်းဆက်တွေမှာလည်း အနှောင့်အယှက်တွေ ဖြစ်ကုန်တာပါ။

“ပြီးခဲ့တဲ့ ၅ နှစ်အတွင်းမှာ တရုတ်ဟာ ကမ္ဘာ့အတွက် အားကိုးလို့မရတဲ့ မိတ်ဖက်ဖြစ်ကြောင်း သုံး ကြိမ်တိုင်တိုင် သက်သေပြခဲ့ပြီးပြီ။ ပထမတစ်ကြိမ် ကိုဗစ်ကာလတုန်းက ကျန်းမာရေးသုံး ပစ္စည်းတွေကို သိုလှောင်ခဲ့တာ၊ ဒုတိယတစ်ကြိမ်ကတော့ မြေရှားသတ္တုကိစ္စပဲ” လို့ ဘစ်ဆင့်က ပြောပါတယ်။

တရုတ်နိုင်ငံမှာ နိုင်ငံတကာ စွမ်းအင်အေဂျင်စီ (IEA) အဖွဲ့ဝင် ၃၂ နိုင်ငံပေါင်းထားတဲ့ ပမာဏ လောက်ရှိတဲ့ ရေနံအရန် ရှိနေပြီးသားဖြစ်ပေမဲ့ ရေနံတွေကို ဆက်ပြီး ဝယ်ယူနေတယ်လို့ ဘစ်ဆင့်က ဆိုပါ တယ်။

ဒီအပေါ်မှာ ဝါရှင်တန်ရှိ တရုတ်သံရုံး ပြောရေးဆိုခွင့်ရှိသူ လျူပန်ယုက “ကမ္ဘာ့စွမ်းအင်စျေးကွက် မှာ ပစ္စည်းပြတ်လပ်တာတွေ ဖြစ်နေရတာဟာ အရှေ့အလယ်ပိုင်းက တင်းမာတဲ့ အခြေအနေတွေကြောင့် သာ ဖြစ်တယ်လို့ တုံ့ပြန်လိုက်ပြီး စစ်ရေးလှုပ်ရှားမှုတွေကို ချက်ချင်းရပ်တန့်ဖို့ တောင်းဆိုခဲ့ပါတယ်။

“အရေးကြီးဆုံးက စစ်ဆင်ရေးတွေကို ချက်ချင်းရပ်ဖို့နဲ့ အရှေ့အလယ်ပိုင်းက မငြိမ်မသက်မှုတွေ ကြောင့် ကမ္ဘာ့စီးပွားရေးအပေါ် နောက်ထပ် ထိခိုက်မှုတွေ မရှိအောင် တားဆီးဖို့ပါပဲ” လို့ သူက ပြောပါ တယ်။

တရုတ်နိုင်ငံအနေနဲ့ ပဋိပက္ခတွေ အဆုံးသတ်ဖို့ တက်ကြွစွာ လုပ်ဆောင်နေသလို  အပြုသဘော ဆောင်တဲ့ အခန်းကဏ္ဍကနေ ဆက်ပြီး ပါဝင်သွားမယ်လို့လည်း ၎င်းက ဆိုပါတယ်။

ပိတ်ဆို့မှုကြောင့် တရုတ်သင်္ဘောတွေရော တခြားဘယ်နိုင်ငံက သင်္ဘောတွေပဲဖြစ်ဖြစ် ရေလက် ကြားကို ဖြတ်သန်းခွင့် ရတော့မှာ မဟုတ်ဘူးလို့ ဘစ်ဆင့်က သတင်းထောက်တွေကို အစောပိုင်းမှာ ပြော ကြားခဲ့ပါတယ်။

ကိုးကား - Reuters
Ref; US Treasury's Bessent says China has been unreliable partner by hoarding oil during war

#Ayeyarwaddy_Times
#HPC

7StarMyaing

ThreeStarMyaing

သတင်းပေးရန်>@Myaing3Star/
@myaing3starbot
သတင်းချန်နယ်ကြည့်ရှုရန်https://t.me/https7starmyaing

ရွေးတုသမ္မတ မင်းအောင်လှိုင် အိန္ဒိယသို့ ၅ ရက်ကြာ သွားရောက်

ဧရာဝတီတိုင်းမ်
မေ ၂၉ ရက်

ရွေးတု သမ္မတ မင်းအောင်လှိုင်ဟာ အိန္ဒိယနိုင်ငံကို ၅ ရက်ကြာ ခရီးစဉ်အဖြစ် သွား ရောက်မယ်လို့ အိန္ဒိယနိုင်ငံက ပြောကြားလိုက်ပါတယ်။

မြန်မာ နိုင်ငံခြားရေးဝန်ကြီးဌာနက အိန္ဒိယနိုင်ငံကို မကြာခင်
ကာလအတွင်း တရားဝင်ခရီးစဉ် သွားရောက်မယ်လို့ ပြီးခဲ့တဲ့ ကြာသပတေးနေ့က ကြေညာခဲ့ပြီး အဲဒီခရီးစဉ်မှာ မင်းအောင်လှိုင်နဲ့အတူ ဝန် ကြီးတွေနဲ့ တာဝန်ရှိသူတွေ ပါဝင်တဲ့ ကိုယ်စားလှယ်အဖွဲ့လည်း လိုက်ပါသွားမယ်လို့ ဆိုပါတယ်။

အိန္ဒိယနိုင်ငံခြားရေးဝန်ကြီးဌာနရဲ့ ထုတ်ပြန်ချက်အရ ဒီခရီးစဉ်ဟာ စနေနေ့ကနေ ဗုဒ္ဓဟူးနေ့အ ထိ ကြာမြင့်မှာ ဖြစ်ပါတယ်။
မင်းအောင်လှိုင်ဟာ ခရီးစဉ်အတွင်း အိန္ဒိယသမ္မတ ဒရုပဒီမူရ်မူ၊ ဝန်ကြီးချုပ် နာရင်ဒရာမိုဒီနဲ့အပြင် စီးပွားရေးလုပ်ငန်းရှင်တွေနဲ့လည်း တွေ့ဆုံဖို့ရှိတယ်လို့ နှစ်နိုင်ငံစလုံးက ထုတ်ပြန်ထားပါတယ်။

ဒီခရီးစဉ်ဟာ နှစ်နိုင်ငံကြား ကဏ္ဍစုံမှာရှိနေတဲ့ ဆက်ဆံရေးတွေကို ပိုမိုခိုင်မာ နက်ရှိုင်းလာစေလိမ့် မယ်လို့ အိန္ဒိယက ပြောကြားထားပါတယ်။

မင်းအောင်လှိုင်ဟာ စစ်အာဏာသိမ်းပြီး ၅ နှစ်အကြာ ပြီးခဲ့တဲ့ ဧပြီလမှာ မြန်မာနိုင်ငံရဲ့ သမ္မတအ ဖြစ် ကျမ်းသစ္စာဆိုခဲ့ပြီး ယခုအခါမှာ အရပ်ဘက်ရာထူးကို ရယူပြီး သူ့ရဲ့အုပ်ချုပ်ရေးကို ဆက်လက်လုပ် ဆောင်နေတာ ဖြစ်ပါတယ်။

သူဟာ ၂၀၂၁ ခုနှစ်မှာ တပ်မတော်ကာကွယ်ရေးဦးစီးချုပ်အဖြစ်နဲ့ လူထုထောက်ခံမှုရရှိထားတဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ရွေးကောက်ခံအစိုးရကို ဖြုတ်ချပြီး အာဏာသိမ်းခဲ့ ကာ ဒေါ်အောင်ဆန်းစုကြည်ကို ဖမ်းဆီးထိန်းသိမ်းခဲ့သလို ဒီလုပ်ရပ်ကြောင့်ပဲ နိုင်ငံတစ်ဝှမ်းမှာ ပြည်တွင်း စစ်မီး တောက်လောင်နေရဆဲ ဖြစ်ပါတယ်။

စစ်အုပ်ချုပ်ရေးသက်တမ်း ၅ နှစ်အကြာမှာ မင်းအောင်လှိုင်ဟာ ပြီးခဲ့တဲ့ ဇန်နဝါရ်ီလမှာ ရွေး ကောက်ပွဲကို ကျင်းပခဲ့ပေမဲ့ အဲဒီရွေးကောက်ပွဲမှာ ဒေါ်အောင်ဆန်းစုကြည်ရဲ့ ပါတီကို ပါဝင်ခွင့်မပြုခဲ့သလို တော်လှန်ရေးအဖွဲ့တွေ ထိန်းချုပ်ထားတဲ့ နယ်မြေအတော်များများမှာလည်း ရွေးကောက်ပွဲ မကျင်းပနိုင်ခဲ့ ပါဘူး။

ရွေးကောက်ပွဲရလဒ်အရ မင်းအောင်လှိုင်နဲ့ သူ့ရဲ့မဟာမိတ်တွေဟာ လွှတ်တော်ထဲမှာ ပြိုင်ဘက်မ ရှိ အလွယ်တကူ အနိုင်ရရှိခဲ့ကြပြီး အဲဒီလွှတ်တော်ကနေပဲ သူ့ကို နိုင်ငံရဲ့ အမြင့်ဆုံး သမ္မတရာထူးနေရာ ရောက်အောင် ပံ့ပိုးပေးခဲ့တာ ဖြစ်ပါတယ်။

မင်းအောင်လှိုင်ရဲ့ သမ္မတကျမ်းသစ္စာဆိုပွဲကို အိမ်နီးချင်းနိုင်ငံတွေဖြစ်တဲ့ တရုတ်၊ အိန္ဒိယ၊ ထိုင်းနိုင် ငံတို့အပြင် တခြားနိုင်ငံပေါင်း ၂၀ က ကိုယ်စားလှယ်တွေလည်း တက်ရောက်ခဲ့ကြတယ်လို့ သိရပါတယ်။

ကိုးကား - AFP
Ref; Myanmar leader to visit India for first trip abroad as president

#Ayeyarwaddy_Times
#HPC

Threestarsmyaing
#7starmyaing
📬သတင်းပေးပို့ရန်
@myaing3starbot

ကမ္ဘာ့အဆိုးဆုံး စာနာမှုအကူအညီ လိုအပ်နေမှုစာရင်းထဲ မြန်မာနိုင်ငံ ဆက်လက်တည်ရှိ

13 July 2026 By Ko Myo/ MPA

မြန်မာနိုင်ငံသည် ကမ္ဘာ့အဆိုးရွားဆုံး လူသားချင်းစာနာမှုဆိုင်ရာ အကျပ်အတည်းများထဲမှ တစ်ခု အဖြစ် ဆက်လက်တည်ရှိနေပြီး လူဦးရေ ၁၆သန်းကျော် အကူအညီလိုအပ်နေကြောင်း UNOCHA Myanmar က ယနေ့(ဇူလိုင်၁၃ရက်)သတင်းထုတ်ပြန်သည်။

ပဋိပက္ခ၊ နေရပ်စွန့်ခွာတိမ်းရှောင်ရခြင်း၊ ကာကွယ်စောင့်ရှောက်ရေးဆိုင်ရာအန္တရာယ်များနှင့် သွား လာကူညီနိုင်မှုဆိုင်ရာ အခက်အခဲများကြောင့် နိုင်ငံတစ်ဝန်းရှိ အရေးပေါ်လိုအပ်ချက်များ ပိုမိုဆိုးရွား လာကြောင်းလည်း ဆိုသည်။

သတင်းအပြည့်အစုံ ဖတ်ရှုရန် >>> https://mpanews.info/headline/11050/
#HPC