မြိုင်မြို့နယ်⚠

မြိုင်မြို့နယ်အနောက်ပိုင်း သင်းမရွာမှ ထွက်ခွာလာသော စစ်ခွေးကားများနှင့် စစ်ခွေးစစ်ကြောင်းသည် (၁၀:၃၀)အချိန်ခန့်တွင် ရှေးပြေးများမှာ ဘောင့်ဘင်ရွာသို့ ရောက်ရှိနေကြောင်း သိရပြီး၊ (၁၀:၅၀)အချိန်ခန့်တွင် စစ်ခွေးကားများမှာ ဘောင့်ဘင်ရွာအနီး ယာကြီးပြင်လမ်းခွဲသို့ ရောက်ရှိနေကြောင်း သတင်းရရှိထားပါသည်။


𝐀𝐮𝐠 1, 11:32𝐏𝐌


ThreeStarMyaing

7starmyaing

📩သတင်းပေးပို့ရန်>@Myaing3star

သတင်းချန်နယ်ကြည့်ရှုရန်>https://t.me/https7starmyaing

သတင်းစကားဝိုင်း>https://t.me/+lG1a27nrqP0xYTA1

⚠️မြေပြင်

မြိုင် - မကွေးတိုင်း

မြိုင်နယ် သနပ်ရင်းရွာနှင့် ယာကြီးပြင်လမ်းအား အသုံးပြုခွင့် ရက်အကန့်အသတ်မရှိပိတ်ထားကြောင်း သတင်းရရှိ။

#WES 12:06pm,Aug 1
#7starmyaing
📪သတင်းပေးပို့ရန်
@bnue_1234/@Myaing3star

မြိုင်မြို့နယ်💠

မြိုင်မြို့နယ် အနောက်ပိုင်း သင်းမ‌ကျေးရွာမှာ ရောက်ရှိနေတဲ့ စစ်ခွေး‌တွေဟာ 1.8.2026ရက်‌နေ့ ယနေ့မနက်ပိုင်းမှာ သင်းမရွာကနေ ထွက်လာသော စစ်ခွေးများသည် 10:30AM အချိန်ဝန်းကျင်းမှာ ဘောင့်ဘင်ရွာကို ရောက်ရှိသွားပြီလို့ သတင်းရရှိထားပါသည်။
ထို‌ ခွေးစစ်ကြောင်းဟာ မိုင်းဆွဲတိုက်ခိုက်မူများ ပြုခဲ့ရာ
‌10 ကောင်ခန့်အထိ အကျအဆုံးရှိနိုင်ကြောင်းလဲ သတင်းများရရှိထားပါသည်။

မိဘပြည်သူများ အနေဖြင့် မိမိရပ့်ရွာအပေါ် သံယောဇဉ်ကြီးကြောင်း ကောင်းစွာ သိရှိပါသည် သို့သော် တော်လှန်ရေးရဲဘော်လေးများ၏ ခွင့်ပြုချက်မရပဲ မိမိရပ်ရွာသို့ ပြန်လယ်ဝင်ရောက်နေထိုင်ခြင်း မပြုလုပ့်ကျရန် အသိပေး‌အကြောင်းကြားအပ်ပါသည်။

မြိုင်နယ် သနပ်ရင်း‌ကျေးရွာမှ ဘောင့်ဘင်သို့ လမ်းပိုင်းနှင့်အတူ ဘောင့်ဘင်ရွာကနေ ယာကြီးပြင်လမ်းပိုင်းကိုလဲ  အသုံးပြု သွားလာခြင်းများကို ရက်အကန့်အသတ်မရှိပိတ်ထားလိုက်ပြီးဖြစ်
ကြောင်းသတင်းရရှိထားပါသည်။

Date_1.8.2026.1:30PM

#MyaingNewsChannel...🦅


ThreeStarMyaing

7starmyaing

📩သတင်းပေးပို့ရန်>@Myaing3star

သတင်းချန်နယ်ကြည့်ရှုရန်>https://t.me/https7starmyaing

သတင်းစကားဝိုင်း>https://t.me/+lG1a27nrqP0xYTA1

ပေါက်⚠️

ပေါက်နယ် ဘုရားတောင် ကုန်းပေါ်ရှိ စခများ  ပတ်ဝန်းကျင်သို့ လက်နက်ကြီးများဖြင့် ပစ်ခတ်နေကြောင်းသတင်းရရှိ။


#MRSN
#WES
Aug 1 ,11:09AM
#Threestarsmyaing
#7starmyaing
📬သတင်းပေးပို့ရန်
@myaing3starbot

ရေမျက်နီရဲကင်းရှိစစ်အုပ်စုတပ်ဖွဲ့ကို အင်အားထပ်မံဖြည့်တင်း

သြဂုတ် ၁၊၂၀၂၆၊ ထီးလင်း

ယောဒေသ ထီးလင်းမြို့နယ်မြောက်ပိုင်း ရေမျက်နီကျေးရွာရဲကင်းတွင်အထိုင်ချတပ်စွဲထားသည့် စစ်အုပ်စုကာကင်းစခန်းကို တပ်အားအင်အားများ ထပ်မံဖြည့်တင်းထားကြောင်း သိရသည်။

ရေမျက်နီကာကင်းသို့ ဂန့်ဂေါမြို့နယ်၊ ကျောမြို့ကပစ ၂၃ မှနေ၍ စစ်အုပ်စုတပ်သား ၃၀ ဦးခန့်ကို ယခင် ဇူလိုင်လ ၂၈ ရက်နေ့နံနက်ပိုင်းက ပုံညာနတ်ထိပ်ကာကင်းစခန်းမှ တဆင့် ဖြည့်တင်းပေးခဲ့တာဖြစ်ကြောင်းသိရသည်။

ပြီးခဲ့သည့် ဇူလိုင်လ ၂၁ ရက်နေ့က ကျောမြို့ကပစ ၂၃ ဖွတ်ချေးဂိတ်မှ အနောက်ဖက်ပုံညာတောင် စစ်အုပ်စုကာကင်းစခန်းကို စစ်အုပ်စုစစ်ကြောင်းတစ်ကြောင်းသွားရောက်ကာ ရေမျက်နီကာကင်းအတွက် စစ်အုပ်စုတပ်သားအင်အား ပို့ဆောင်ပေးထားခဲ့တာဖြစ်ကြောင်း သိရသည်။ထိုမှတဆင့် ထီးလင်းမြို့နယ်ဇင်းစယ်ရွာအရှေ့ဖက်ရှိ ဂိတ်စခန်းကိုထပ်မံပို့ဆောင်ခဲ့ပြီး ဇူလိုင်လ ၂၇ ရက်နေ့ညပိုင်းတွင် မျက်မြောင်ကျေးရွာနှင့် ကျောခေါင်းကျေးရွာကြား တောလမ်းပိုင်းကိုအသုံးပြုကာ ၅ ဦးလျှင်တစ်ဖွဲ့နှုန်းဖြင့် ရေမျက်နီကျေးရွာဖက်သို့ အင်အား ၃၀ ဦး၊ အဖွဲ့ ၆ ဖွဲ့ တစ်သုတ်စီဖြင့် သွားလာခဲ့ကြကြောင်းနှင့် ဇူလိုင်လ ၂၈ ရက်နေ့နံနက်အစောပိုင်းမှာ ရေမျက်နီရွာအတွင်း ဝင်ရောက်လာခဲ့ကြတာဖြစ်ကြောင်း သတင်းရင်းမြစ်က ပြောသည်။

" ဇူလိုင် ၂၈ ရက်နေ့မနက်အသော ဝေလီဝေလင်းအချိန် မျက်မြောင်နဲ့ ကျောချောင်းကြား တောလမ်းတနေရာမှာ စစ်သားတွေ ၅ ယောက်တစ်ဖွဲ့ ရေမျက်နီဖက်ကို သွားနေကြတာ မြင်လိုက်ရတယ်၊ အဲလို ၅ ဖွဲ့ ၆ ဖွဲ့လောက်က တစ်သုတ်ပြီးတစ်သုတ် ရှေ့နောက်မလှမ်းမကမ်းအနေအထားနဲ့ သွားကြတာပါ " ဟု ဒေသခံတစ်ဦးက ယောအလင်းတန်းကို ပြောသည်။

ထိုနောက်ရေမျက်နီ-ကျော-ပုလဲ ကားလမ်းမကြီးကို အသုံးပြုပြီးသွားလာနေသည့် ခရီးသွားပြည်သူတစ်ဦးကလည်း " အခုတလော ရေမျက်နီစစ်သားဂိတ်မှာ အရင်က မမြင်ဖူးတဲ့ စစ်သားရဲဘော်သစ်တွေက စစ်ဆေးရေးတွေလုပ်နေတာတွေရှိတယ် " ဟု ယောအလင်းတန်းကို ပြောသည်။

လမ်းပန်းဆက်သွယ်ရေးအချက်အခြာကျသည့် ရေမျက်နီကျေးရွာမှာ ယခင်ခေတ်အဆက်ဆက်က ရဲကင်းတစ်ခုထားရှိခဲ့ပြီး ၂၀၂၁ ခုနှစ် စစ်အာဏာသိမ်းပြီးနောက် စစ်အုပ်စုတပ်သားများဖြင့်ပါ ပြန်လည်အင်အားဖြည့်တင်းထားကာ စုစုပေါင်းအင်အား ၁၀၀ ဝန်းကျင်ခန့်ရှိခဲ့ကြောင်း သိရသည်။

ပြီးခဲ့သည် ၂၀၂၄ ခုနှစ်သြဂုတ်လပိုင်းက၊ အဆိုပါ ရေမျက်နီရဲကင်းကို ဒေသခံပြည်သူ့တော်လှန်ရေးဖွဲ့များက လျှပ်တပြက် စီးနင်းတိုက်ခိုက်ခဲ့ကြရာ စစ်အုပ်စုဖက်ကလည်း ကာကင်းစခန်းမကျရေးအတွက် လေကြောင်းပစ်ကူအဆမတန်ပေးခဲ့ကြောင်း၊လက်နက်ခဲယမ်း ကျည်ဆံလုံလောက်မှုမရှိတာကြောင့်ပါ ပြည်သူ့တော်လှန်ရေးတပ်ဖွဲ့များက နောက်ပြန်ဆုတ်ပေးခဲ့ရပြီး ယနေ့အချိန်အထိ စစ်အုပ်စုစခန်းအဖြစ်ကျန်ရှိနေသေးတာဖြစ်ကြောင်းသိရသည်။

ယခုနောက်ထပ် အင်အား ၃၀ ထပ်မံရောက်ရှိလာတာကြောင့် ရေမျက်နီရဲကင်းစစ်အုပ်စုစခန်းတွင် စုစုပေါင်း အင်အား ၁၀၀ ခန့်ရှိနေနိုင်ပြီဖြစ်ကြောင်း သိရသည်။

ရေမျက်နီကျေးရွာသည် ယောနယ်၊ချင်းပြည်နယ်တို့၏ ကုန်သွယ်ရေး၊ဆက်သွယ်ရေးများတွက် အရေးပါသည့် အချက်အခြာကျရာ လမ်းဆုံကျရာ နေရာတစ်ခုဖြစ်ပြီး စစ်အုပ်စုဖက်က နယ်မြေစိုးမိုးထားပြီး အထိုင်ချဂိတ်စခန်းဖွင့်ကာ စစ်ဆေးရေးများလုပ်ဆောင်နေတာဖြစ်ကြောင်းသိရသည်။

ထိုနောက် ရေမျက်နီ-ကျော-ပုလဲ ကားလမ်းကြီးတနေရာ ပုံညာတောင်ခြေရင်း ဇင်းစယ်ရွာ၏အရှေ့ဖက်တွင် ဒေသအခေါ် ဇင်းစယ်စစ်ဆေးရေးဂိတ် ဟုခေါ်သည့် စစ်အုပ်စုဂိတ်မှာလည်း ကျောကပစ ၂၃ မှ တပ်သားများက ခရီးသွားပြည်သူများနှင့် ကုန်သည်ကားများကို PSMS စနစ်များအသုံးပြုကာ ဖုန်း၊လတ်တော့ခ်၊ မှတ်ပုံတင်ကဒ်၊ဝန်ထမ်းကဒ် စသည်တို့ကို တင်းကြပ်စွာ စစ်ဆေးနေကြောင်း သိရသည်။

#တင်းကြပ်
#စစ်ဆေး
#စီးနင်းတိုက်ခိုက်
#လေကြောင်းပစ်ကူ
#ကျည်ဆံ
#ပြည်သူ့တော်လှန်ရေး
#စစ်အုပ်စု

@မင်းဒဲဿ
ယောအလင်း တန်း
#MRSN
Aug 1 ,2:05PM
#mcnews677
#Threestarsmyaing
#7starmyaing
📬သတင်းပေးပို့ရန်
@myaing3starbot

ပခုက္ကူ⚠️

ညောင်းဦးလေဆိပ်တက် Gyrocopter ဂိုင်ရိုကော်ပတာ (3)စီး ပခုက္ကူနယ်ဖြတ် မြောက်အရပ်သို့ ပျံသန်း။

#NAS
Aug 1, 2:13PM
#7starmyaing

ကမ္မ⚠️

ကမ္မနယ် ဖြတ်၍ ညောင်ဦး လေဆိပ်မှ ဂျိုင်ရိုကော်ပတာ (Gyrocopter) ၃စီး အနောက်မြောက်အရပ်သို့ ပျံသန်း။

#SAS
Aug 1, 02:17 PM
#7starmyaing

သတိပြု

စစ်အုပ်စု၏စစ်ကြောင်းရန်ကြောင့် တောင်ယော(ဆော)နယ်မှာ တောင်သူလုပ်ငန်းခွင် ထက်ဝက်ကျော် ထိခိုက်

ဒေသခံစစ်ရှောင်များ အကူအညီလိုအပ်နေ

သြဂုတ် ၁၊၂၀၂၆၊ ဆော

ရွေးတုအစိုးရ၏ စစ်အုပ်စု စစ်ကြောင်းရန်ကြောင့် မကွေးတိုင်း၊ဂန့်ဂေါခရိုင်၊ဆောမြို့နယ် (တောင်ယော)ဒေသတွင် ယခု ၂၀၂၆ ခုနှစ်အတွင်း တောင်သူလုပ်ငန်းခွင်များသည် ၅၀ ရာခိုင်နှုန်းကျော်အထိ ကျဆင်း၊ထိခိုက်ပျက်စီးပြီး ဒေသခံစစ်ဘေးရှောင်များ အကူညီလိုအပ်နေကြောင်းသိရသည်။

မိုးစပါးအဓိက စိုက်ပျိုးချိန် မေလနှင့် ဇွန်လ များတွင်အင်အားအလုံးအရင်းဖြင့် စစ်ကြောင်းထိုးဝင်ရောက်လှုပ်ရှားနေမှုများကြောင့် ဒေသတွင်းပြည်သူများသည် ယခုလို ထွန်ယက်စိုက်ပျိုးချိန်တွင် လုပ်ငန်းခွင်များကို စွန့်ခွာ အိုးအိမ်ပစ် ထွက်ပြေးတိမ်းရှောင်နေကြရခြင်းကြောင့် လုင်ငန်းခွင်များပျက်စီးပြီး စိုက်ပျိုးဧက ထက်ဝက်ကျော်မက ပျက်စီးနိုင်ကြောင်း လေ့လာသိရှိရသည်။မိုးရာသီးနှံများတွင်မက ဆောင်းသီးနှံ စိုက်ပျိုးနိုင်မှုပါ မသေချာသည့် အနေအထားဖြစ်နေသည်ဟု ဒေသခံတစ်ဦးက ပြောသည်။

စစ်အုပ်စုက ဆောမြို့နယ်အတွင်းကို ယခုနှစ်မေလလယ်ခန့်မှစပြီး ပေါက်မြို့နယ်နှက့် စလင်းမြို့နယ်များဖက်မှနေ၍ အင်အားအလုံးအရင်းဖြင့် ၂ ဖက်ညှပ် စစ်ကြောင်းထိုးဝင်ရောက်လာခဲ့ကြတာဖြစ်ပါသည်။အင်အား ၃၀၀၀ ကို အသုတ်လိုက်ခွဲကာ တစ်ကြောင်းပြီး နောက်တသ်ကြောင်းအနေအထားဖြင့် ဆောနယ်အတွင်းကိုဝင်ရောက်လာခဲ့ကြပြီး ဆောမြို့နှင့် ကျောက်ထုမြို့ ၃၆၈ အမြောက်တပ်များတွင် အခြေပြုပြီးမှ တဆင့်စစ်ရေးလှုပ်ရှားမှုများပြုလုပ်နေကြတာလည်းဖြစ်ပါသည်။

လက်ရှိတွင် ဆော-လောင်းရှည်လမ်းပိုင်းဝဲယာနှင့် ဆောနယ်နေရာများမှာ စစ်အုပ်စုက စစ်ရေးလှုပ်ရှားမှုနေ့စဥ်ရက်ဆက်ပြုလုပ်နေသကဲ့သို့ ကျောက်ထုမြို့နယ် တပြင်း၊ကြီး၊ ကံကြီး၊ကံချောင်း၊ရေရှင် စသည့်ကျေးရွာများတွင်လည်း စစ်အုပ်စုတပ်သားများက အထိုင်ချ ခြေကုပ်ကာကင်းစခန်းများ ပြုလုပ်နေထိုင်လျက်ရှိနေကြကြောင်း သိရပါသည်။

ယခုအချိန်တွင် ကျောက်ထုနယ် တပြင်းရွာမှာ တပ်မ ၉၉ စစ်ကြောင်းမှူး ဗိုလ်ကြီးသီဟအောင် ဦးဆောင်သည့် အင်အား ၁၅၀ ခန့်စစ်အုပ်စုတပ်သားများ အထိုင်ချတပ်ထားပြီး ကြီးရွာတွင် တပ်မ ၇၇ စစ်ကြောင်းမှူး ဗိုလ်ကြီးဇော်သူရ ဦးဆောင်သည့် အင်အား ၁၆၀ ခန့်စစ်ကြောင်းက ယာယီအထိုင်ချ တပ်စွဲနေထိုင်နေကြောင်း သိရသည်။

( ဗိုလ်ကြီးဇော်သူရသည် ဇူလိုင် ၂၁ ရက်နေ့ ကြီးတိုက်ပွဲမှ ရရှိသည့်ဒဏ်ရာကြောင့် ကျဆုံးသွားခဲ့သည့် တပ်မ ၇၇ မှ ဗိုလ်ကြီးသောထူးနိုင် (ခ) ထူးသာ အစား၊ အစားထိုးရောက်ရှိလာသူ ဖြစ်ပါသည်)

ဆော-လောင်းရှည် လမ်းပိုင်း၊ကျောက်ထု- မင်းတပ်လမ်းပိုင်း၊ ကျောက်ထု- ဆောလမ်းပိုင်းနှင့် ကျောက်ထု- ရွှေအောင်သာ လမ်းပိုင်းများမှာ စစ်အုပ်စုက စစ်ရေးလှုပ်ရှားမှုများအပြင်းအထန်လုပ်ဆောင်နေပြီး လေယာဥ်ဖြင့် နေ့စဥ်ရက်ဆက် ဗုံးကြဲတိုက်ခိုက်မှုတွေ ပြုလုပ်နေတာကိုလည်း တွေ့နေရသည်။

ထိုကြောင့် တောင်ယော ခေါ် ဆောမြို့နယ်၊ကျောက်ထုမြို့နယ် နေရာအများစုတွင် ရွေးတုအစိုးရ၏ စစ်အုပ်စုတပ်များက အခြေပြု စစ်ရေးလှုပ်ရှားမှုများပြုလုပ်လာခဲ့သည်မှာ ရက်ပေါင်း ၇၀ ကျော်ကြာမြင့်လာခဲ့ပြီး ဒေသခံပြည်သူအများအပြား အိုးအိမ်စွန့်ခွာ၊ လုပ်ငန်းခွင့်ပစ် ထွက်ပြေးတိမ်းရှောင်ပုန်းအောင်းနေကြရဆဲ ဖြစ်ပါသည်။

ဒေသခံပြည်သူ့တော်လှန်ရေးတပ်ဖွဲ့များနှင့် စစ်အုပ်စုတပ်များကြား ၂ ဖက်စစ်ရေးတင်းမာမှုများဆက်လက်မြင့်တက်လာနေခြင်း၊ လေကြောင်းမှနေ ဗုံးကြဲတိုက်ခိုက်မှုများ နေ့စဥ်ရက်ဆက်ပြုလုပ်နေခြင်းများကြောင့် ဒေသတွင်းစစ်ရှောင်များသည် စစ်ရှောင်ရက်ကြာမြင့်လာသည်နှင့်အညီ စားဝတ်နေရေး၊ကျန်းမာရေးများ တစထက်တစ ချို့တဲ့လာနေကြရသည်ကိုလည်း စိတ်မကောင်းစွာ လေ့လာသိရပါသည်။

ဤအကြောင်းအရာများကို ယေဘူယျသိရှိရဖြင်းဖြင့် ရပ်နီးရပ်ဝေး၊ ပြည်ပနိုင်ငံများမှ ပြည်သူများသည် လူသားချင်း၊တော်လှန်ပြည်သူအချင်းချင်း စာနာထောက်ထားနိုင်ကြပါစေကြောင်း သိရှိစေရန် ရည်ရွယ် တိုက်တွန်းအပ်ပါသည်။

#ရွေးတုအစိုးရ
#စစ်ကြောင်းရန်
#ဗုံးကြဲတိုက်ခိုက်
#စစ်ဘေးရှောင်
#စစ်ရေး
#တော်လှန်
#ထိခိုက်

@မင်းဒဿ
ယောအလင်းတန်း
#MRSN
Aug 1 , 3:07PM
#Threestarsmyaing
#7starmyaing
📬သတင်းပေးပို့ရန်
@myaing3starbot

ဘောင့်ဘင်ရွာကိုစစ်တပ်မီးရှို့
1.8.2026

ယနေ့မနက်ပိုင်းက မြိုင်မြို့နယ်အနောက်ပိုင်း
သင်းမရွာကနေထွက်လာပြီး
ဘောင့်ဘင်ရွာကို ဝင်ရောက်ခဲ့တဲ့
စစ်ကောင်စီတပ်တွေဟာ
နေ့လည် 2:45 ဝန်းကျင်မှာ
ဘောင့်ဘင်ရွာကို မီးရှို့နေတယ်လို့
သိရပါတယ်။

အခြေအနေအသေးစိတ် မသိရသေးပါ။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#ဘောင့်ဘင်ရွာ #မီးရှို့

#7starmyaing
📪သတင်းပေးပို့ရန်
@bnue_1234/@Myaing3star

⚠️ရေစကြိုမြို့နယ်

ရေစကြိုမြို့နယ် ဆင်ချောင်းပျူရွာမှ အကြမ်းဖက်ပျူခွေးများမှလက်နတ်ငယ်များရမ်းသမ်းပစ်ဖောက်နေ​ပြီး ခြံထဲအငြိမ်မနေပဲဂျိုကြွဇောင်းထနေပါသဖြင့် ညဘက်တွင်လဲလက်နက်ကြီး အထူးသတိထားနေထိုင်ကြပါရန်အသိပေးအပ်ပါသည်။

Aug 1,5:01PM
#7starmyaing
📭သတင်းပေးပို့ရန်@Myaing3star //@ArrDanYso2234

မြိုင်မြို့နယ် အနောက်ပိုင်း ကျေးရွာများကို စစ်တပ်က မီးရှို့ပြီး လေကြောင်းဖြင့် အနည်းဆုံး ၇ ကြိမ် ဗုံးကျဲတိုက်ခိုက်ကာ မြေပြင်တွင်လည်း စစ်ကြောင်းဆက်ထိုးနေ

ဩဂုတ်လ ၁ ရက်

မကွေးတိုင်း၊ မြိုင်မြို့နယ်အတွင်း စစ်ကြောင်းထိုးနေသော စစ်ကောင်စီတပ်သည် သင်းမကျေးရွာကို ထပ်မံမီးရှို့ဖျက်ဆီးခဲ့ပြီး လေကြောင်းမှ အနည်းဆုံး ၇ ကြိမ် ဗုံးကျဲတိုက်ခိုက်မှုများ ပြုလုပ်ကာ မြေပြင်၌လည်း စစ်ကြောင်းဆက်လက် ထိုးစစ်ဆင်နေကြောင်း ဒေသခံပြည်သူများက ရန်ကုန်ခေတ်သစ်သတင်းဌာနသို့ ပြောကြားသည်။

ဇူလိုင်လ ၃၁ ရက် နံနက်ပိုင်းတွင် မြိုင်မြို့နယ် အနောက်ပိုင်းရှိ သင်းမကျေးရွာမှ စစ်ကောင်စီစစ်ကြောင်းသည် ကျေးရွာမှ ထွက်ခွာမည့်ဟန်ပြုလုပ်ခဲ့ပြီးနောက် မွန်းလွဲပိုင်းတွင် မကွေးလေတပ်မှ ထွက်ခွာလာသည့် Y-20 စစ်ဘက်သယ်ယူပို့ဆောင်ရေးလေယာဉ် တစ်စီးက လာရောက်ချထားခဲ့သော ခဲယမ်းနှင့် ရိက္ခာထုပ်များကို ပြန်လည်ကောက်ယူခဲ့ကြောင်း သိရသည်။

ယင်းသို့ ရိက္ခာများကောက်ယူနေစဉ် တံတားဦးလေတပ်မှ တက်လာသော ဂျက်တိုက်လေယာဉ်တစ်စီးက မြိုင်မြို့ အနောက်မြောက်ဘက်ရှိ ရွာသစ်ကြီးကျေးရွာအနီးကို လေကြောင်းဖြင့် ဗုံးကျဲတိုက်ခိုက်ခဲ့ကြောင်း၊ ထို့အပြင် မကွေးလေတပ်မှ ထွက်ခွာလာသော ဂျက်တိုက်လေယာဉ်တစ်စီးကလည်း မကျည်းကန်ကျေးရွာနှင့် ဖန်းကန်ကျေးရွာတို့ကို ထပ်မံဗုံးကျဲတိုက်ခိုက်ခဲ့ကြောင်း ဒေသခံများထံမှ သိရသည်။

ယင်းနေ့ ညနေပိုင်းတွင်လည်း ညောင်ဦးလေဆိပ်မှ ထွက်ခွာလာသော Gyrocopter သုံးစီးဖြင့် မန်ကျည်းကန်ကျေးရွာကို ဗုံးကျဲတိုက်ခိုက်ခဲ့ကြောင်း သိရသည်။ အဆိုပါ လေကြောင်းတိုက်ခိုက်မှုများကြောင့် ပြည်သူများ ထိခိုက်သေဆုံးမှု ရှိ၊ မရှိကို အတည်မပြုနိုင်သေးသော်လည်း နေအိမ်အချို့ ပျက်စီးခဲ့ကြောင်း၊ ယင်းတိုက်ခိုက်မှုများ ပြုလုပ်ပြီးနောက် ရိက္ခာထုတ်ယူခဲ့သည့် စစ်ကြောင်းမှာ သင်းမကျေးရွာအတွင်းသို့ ပြန်လည်ဝင်ရောက်သွားကြောင်း သိရသည်။

ယနေ့ ဩဂုတ်လ ၁ ရက် နံနက်ပိုင်းတွင် သင်းမကျေးရွာအတွင်းရှိ စစ်ကြောင်းများသည် ဘောင့်ဘင်ကျေးရွာဘက်သို့ ဆက်လက်ထွက်ခွာလာခဲ့ပြီး ကျန်ရှိနေသော စစ်သားအချို့က ကျေးရွာအတွင်းရှိ ပြည်သူပိုင်နေအိမ်များကို ထပ်မံမီးရှို့ဖျက်ဆီးခဲ့ကြောင်း၊ အဆိုပါ စစ်ကြောင်းသည် လက်ရှိတွင် ယာကြီးပြင်လမ်းခွဲဘက်သို့ ဆက်လက်ဦးတည်နေကြောင်း သိရသည်။

"ဒီနေ့ နံနက်ပိုင်းမှာ စစ်ခွေးတွေက သင်းမရွာကို ထပ်မံမီးရှို့သွားတယ်။ မနေ့ကတော့ ရွာပတ်ဝန်းကျင်ကို ဗုံးအလုံးရေ အများအပြားနဲ့ ပတ်ကျဲခဲ့တယ်။ နေအိမ်ပျက်စီးမှုတွေ ရှိပေမယ့် ပြည်သူထိခိုက်သေဆုံးမှု ရှိ၊ မရှိတော့ အတည်မပြုနိုင်သေးပါဘူး" ဟု ဒေသခံပြည်သူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။

အလားတူ ဇူလိုင်လ ၂၂ ရက် မွန်းလွဲပိုင်းတွင်လည်း သင်းမကျေးရွာ၌ ရောက်ရှိနေသည့် စစ်ကောင်စီတပ်၏ ရှေ့ပြေးစစ်ကြောင်းသည် ကျေးရွာအနောက်ဘက်သို့ ဆက်လက်ထွက်ခွာလာခဲ့ပြီး သင်းမလမ်းခွဲအနီးသို့ ရောက်ရှိလာချိန်တွင် သင်းမလမ်းခွဲ ကတ္တရာလမ်းနှင့် အနီးပတ်ဝန်းကျင်ကို Mi-35 တိုက်ခိုက်ရေးရဟတ်ယာဉ် တစ်စီးက မွန်းလွဲ ၁ နာရီဝန်းကျင်တွင် ၇ ကြိမ်၊ ညနေ ၅ နာရီဝန်းကျင်တွင် ၈ ကြိမ်၊ စုစုပေါင်း ၁၅ ကြိမ်ခန့် လေကြောင်းမှ ပစ်ခတ်တိုက်ခိုက်ခဲ့ကြောင်း သိရသည်။

ဒေသခံများ၏ ပြောကြားချက်အရ အဆိုပါစစ်ကြောင်းသည် ဇွန်လ ၂၃ ရက်မှစတင်၍ မြိုင်မြို့နယ်နှင့် ပေါက်မြို့နယ်တို့အတွင်း စစ်ကြောင်းထိုးစဉ် သာစည်၊ နှမ်းဆီကန်၊ မိတ္ထီလာ၊ ဝက်ပုတ်၊ ကုန်းရွာ၊ ထောက်ရှာပင်၊ ကန်နက်၊ မြင်းကိုးသစ်၊ ကိုင်းတောမ၊ ဝါးရင်းချိုင်၊ ကွန်လပ်၊ ဘောတုံနှင့် သံချောင်းကျေးရွာများတွင် အရပ်သားအများအပြားကို သတ်ဖြတ်ခဲ့ကြောင်း၊ ထို့ပြင် ဇူလိုင်လ ၂၂ ရက်နေ့တွင်လည်း သင်းမကျေးရွာရှိ ပြည်သူပိုင်နေအိမ်များကို မီးရှို့ဖျက်ဆီးခဲ့ပြီး ဝက်ဖိုးကျေးရွာကို လက်နက်ကြီးဖြင့် ပစ်ခတ်တိုက်ခိုက်ရာ အရပ်သား ၂ ဦး သေဆုံးခဲ့ကြောင်း ဒေသခံများထံမှ သိရသည်။

စစ်ကောင်စီစစ်ကြောင်းသည် မည်သည့်ဘက်သို့ ဆက်လက်ဦးတည် စစ်ကြောင်းထိုးမည်ကို မသိရှိရသေးသဖြင့် မြိုင်မြို့နယ် အနောက်ပိုင်းနှင့် အနောက်မြောက်ပိုင်းရှိ ပြည်သူများအနေဖြင့် စစ်ဘေးလွတ်ရာသို့ ကြိုတင်ရွှေ့ပြောင်းနိုင်ရေး အထူးသတိဖြင့် နေထိုင်ကြရန် ဒေသတွင်း တော်လှန်ရေးအင်အားစုများက သတိပေးနှိုးဆော်ထားကြောင်း သိရသည်။

#KTM
#HlaingInfo
#7starmyaing