🚨 ထိုင်းရောက်ရွှေ့ပြောင်းလုပ်သားများနှင့် မိဘပြည်သူများ သတိပြုရန်။ 🚫 ယနေ့မှစ၍ အသက်ဝင်ပြီဖြစ်သော အရက်၊ ဘီယာ ရောင်းချခြင်း/သောက်သုံးခြင်း လုံးဝမပြုရမည့် နေရာ (၈) ခု

ထိုင်းနိုင်ငံရဲ့ တော်ဝင်အစိုးရပြန်တမ်း (Royal Gazette) ဝက်ဘ်ဆိုက်မှာ အရက်ယမကာ ထိန်းချုပ်ရေးကော်မတီရဲ့ ထုတ်ပြန်ချက်အရ သတ်မှတ်ထားတဲ့ နေရာ (၈) ခုမှာ အရက်နဲ့ ဘီယာ ရောင်းချခြင်း၊ သောက်သုံးခြင်းတွေကို ယနေ့မှစတင်ကာ လုံးဝပိတ်ပင် တားမြစ်လိုက်ပြီဖြစ်ပါတယ်။
မိမိတို့ မသိဘဲ သွားရောက်သောက်သုံးမိပါက ဥပဒေအရ အရေးယူခံရနိုင်တဲ့အတွက် အထူးသတိပြုနိုင်ရန် ဖော်ပြပေးလိုက်ရပါတယ်။

🛑 တားမြစ်ထားသည့် နေရာ (၈) ခုမှာ -

၁။ 🚗 လမ်းပေါ်နှင့် ယာဉ်ပေါ်များတွင် - လမ်းမပေါ်၊ ကားပေါ် သို့မဟုတ် လမ်းပေါ်ရှိ မည်သည့်ယာဉ်အတွင်း၌မဆို အရက် ရောင်းချခြင်း မပြုရ။ ထို့ပြင် ကားမောင်းနေစဉ် သို့မဟုတ် ကားပေါ်တွင် လိုက်ပါစီးနင်းနေစဉ်အတွင်း သောက်သုံးခြင်း လုံးဝမပြုရ။

၂။ 🏢 အစိုးရဌာနနှင့် နိုင်ငံပိုင်လုပ်ငန်းခွင်များတွင် - အစိုးရရုံးဝင်း သို့မဟုတ် နိုင်ငံပိုင်လုပ်ငန်းခွင်များအတွင်း ရောင်းချခြင်း၊ သောက်သုံးခြင်း မပြုရ။ (သီးသန့်သတ်မှတ်ထားသော ဆိုင်ခန်း သို့မဟုတ် ဝန်ထမ်းအိမ်ရာများမှလွဲ၍)

၃။ 🚢 ဆိပ်ကမ်းနှင့် ခရီးသည်တင်ရေယာဉ်ပေါ်များတွင် - အများပြည်သူသုံး ရေယာဉ်ဆိပ်ကမ်း ဧရိယာအတွင်းနှင့် ပုံမှန်ပြေးဆွဲနေသော သင်္ဘော/စက်လှေများပေါ်တွင် ရောင်းချခြင်း၊ သောက်သုံးခြင်း မပြုရ။

၄။ 🚌 အဝေးပြေးကားဂိတ်များတွင် - ကုန်းလမ်းပို့ဆောင်ရေးဥပဒေအရ သတ်မှတ်ထားသော မော်တော်ယာဉ်လိုင်းဂိတ်ဝင်း (အဝေးပြေးကားဂိတ်) များအတွင်း ရောင်းချခြင်း၊ သောက်သုံးခြင်း မပြုရ။

၅။ 🏭 စက်ရုံလုပ်ငန်းခွင် ဧရိယာများတွင် - စက်ရုံဥပဒေအရ သတ်မှတ်ထားသော စက်ရုံဝင်းအတွင်း ရောင်းချခြင်း၊ သောက်သုံးခြင်း မပြုရ။ (အရက်ချက်စက်ရုံများ မပါဝင်ပါ)

၆။ 🏛️ အစိုးရပိုင် မြေနေရာများတွင် - အစိုးရနှင့် နိုင်ငံပိုင်လုပ်ငန်းများက ကြီးကြပ်ကွပ်ကဲပြီး အသုံးပြုနေသော မြေနေရာများအတွင်း ရောင်းချခြင်း၊ သောက်သုံးခြင်း မပြုရ။

၇။ 🌳 အများပြည်သူဆိုင်ရာ ပန်းခြံများတွင် - ပြည်သူလူထု အပန်းဖြေရန်အတွက် သတ်မှတ်ထားသော နိုင်ငံပိုင် သို့မဟုတ် အစိုးရပိုင် အများပြည်သူဆိုင်ရာ ပန်းခြံ/ဥယျာဉ်များအတွင်း ရောင်းချခြင်း၊ သောက်သုံးခြင်း မပြုရ။

၈။ 🚂 မီးရထားဘူတာရုံနှင့် ရထားတွဲများတွင် - မီးရထားဘူတာရုံဝင်းအတွင်း သို့မဟုတ် ပြေးဆွဲနေသော ရထားတွဲများအတွင်း ရောင်းချခြင်း၊ သောက်သုံးခြင်း မပြုရ။ (ခြွင်းချက် - ဘန်ကောက်မီးရထားဘူတာကြီး (ကရုင်ထေပ်/ဟွာလံဖေါင်) ၏ လေအေးပေးစက် ခန်းမဆောင်အတွင်း ကျန်းမာရေးဝန်ကြီးဌာနမှ ခွင့်ပြုချက်ရရှိထားသည့် အထူးပွဲလမ်းသဘင်များတွင် စနစ်တကျ ကန့်သတ်ချက်ဖြင့် သောက်သုံးခြင်းကိုသာ ခွင့်ပြုမည် ဖြစ်သည်။)

💡 မိမိတို့ရဲ့ သူငယ်ချင်း၊ မိတ်ဆွေများလည်း သိရှိပြီး သတိထားနိုင်အောင် ဒီသတင်းလေးကို အမြန်ဆုံး မျှဝေ (Share) ပေးလိုက်ကြပါဦးနော်။

#ထိုင်းနိုင်ငံသတင်း #ဥပဒေအသိပညာ #အရက်အန္တရာယ်တားမြစ်ချက် #ရွှေ့ပြောင်းလုပ်သားများသတိပြုရန်#MapRadio