ရေမျက်နီရဲကင်းရှိစစ်အုပ်စုတပ်ဖွဲ့ကို အင်အားထပ်မံဖြည့်တင်း

သြဂုတ် ၁၊၂၀၂၆၊ ထီးလင်း

ယောဒေသ ထီးလင်းမြို့နယ်မြောက်ပိုင်း ရေမျက်နီကျေးရွာရဲကင်းတွင်အထိုင်ချတပ်စွဲထားသည့် စစ်အုပ်စုကာကင်းစခန်းကို တပ်အားအင်အားများ ထပ်မံဖြည့်တင်းထားကြောင်း သိရသည်။

ရေမျက်နီကာကင်းသို့ ဂန့်ဂေါမြို့နယ်၊ ကျောမြို့ကပစ ၂၃ မှနေ၍ စစ်အုပ်စုတပ်သား ၃၀ ဦးခန့်ကို ယခင် ဇူလိုင်လ ၂၈ ရက်နေ့နံနက်ပိုင်းက ပုံညာနတ်ထိပ်ကာကင်းစခန်းမှ တဆင့် ဖြည့်တင်းပေးခဲ့တာဖြစ်ကြောင်းသိရသည်။

ပြီးခဲ့သည့် ဇူလိုင်လ ၂၁ ရက်နေ့က ကျောမြို့ကပစ ၂၃ ဖွတ်ချေးဂိတ်မှ အနောက်ဖက်ပုံညာတောင် စစ်အုပ်စုကာကင်းစခန်းကို စစ်အုပ်စုစစ်ကြောင်းတစ်ကြောင်းသွားရောက်ကာ ရေမျက်နီကာကင်းအတွက် စစ်အုပ်စုတပ်သားအင်အား ပို့ဆောင်ပေးထားခဲ့တာဖြစ်ကြောင်း သိရသည်။ထိုမှတဆင့် ထီးလင်းမြို့နယ်ဇင်းစယ်ရွာအရှေ့ဖက်ရှိ ဂိတ်စခန်းကိုထပ်မံပို့ဆောင်ခဲ့ပြီး ဇူလိုင်လ ၂၇ ရက်နေ့ညပိုင်းတွင် မျက်မြောင်ကျေးရွာနှင့် ကျောခေါင်းကျေးရွာကြား တောလမ်းပိုင်းကိုအသုံးပြုကာ ၅ ဦးလျှင်တစ်ဖွဲ့နှုန်းဖြင့် ရေမျက်နီကျေးရွာဖက်သို့ အင်အား ၃၀ ဦး၊ အဖွဲ့ ၆ ဖွဲ့ တစ်သုတ်စီဖြင့် သွားလာခဲ့ကြကြောင်းနှင့် ဇူလိုင်လ ၂၈ ရက်နေ့နံနက်အစောပိုင်းမှာ ရေမျက်နီရွာအတွင်း ဝင်ရောက်လာခဲ့ကြတာဖြစ်ကြောင်း သတင်းရင်းမြစ်က ပြောသည်။

" ဇူလိုင် ၂၈ ရက်နေ့မနက်အသော ဝေလီဝေလင်းအချိန် မျက်မြောင်နဲ့ ကျောချောင်းကြား တောလမ်းတနေရာမှာ စစ်သားတွေ ၅ ယောက်တစ်ဖွဲ့ ရေမျက်နီဖက်ကို သွားနေကြတာ မြင်လိုက်ရတယ်၊ အဲလို ၅ ဖွဲ့ ၆ ဖွဲ့လောက်က တစ်သုတ်ပြီးတစ်သုတ် ရှေ့နောက်မလှမ်းမကမ်းအနေအထားနဲ့ သွားကြတာပါ " ဟု ဒေသခံတစ်ဦးက ယောအလင်းတန်းကို ပြောသည်။

ထိုနောက်ရေမျက်နီ-ကျော-ပုလဲ ကားလမ်းမကြီးကို အသုံးပြုပြီးသွားလာနေသည့် ခရီးသွားပြည်သူတစ်ဦးကလည်း " အခုတလော ရေမျက်နီစစ်သားဂိတ်မှာ အရင်က မမြင်ဖူးတဲ့ စစ်သားရဲဘော်သစ်တွေက စစ်ဆေးရေးတွေလုပ်နေတာတွေရှိတယ် " ဟု ယောအလင်းတန်းကို ပြောသည်။

လမ်းပန်းဆက်သွယ်ရေးအချက်အခြာကျသည့် ရေမျက်နီကျေးရွာမှာ ယခင်ခေတ်အဆက်ဆက်က ရဲကင်းတစ်ခုထားရှိခဲ့ပြီး ၂၀၂၁ ခုနှစ် စစ်အာဏာသိမ်းပြီးနောက် စစ်အုပ်စုတပ်သားများဖြင့်ပါ ပြန်လည်အင်အားဖြည့်တင်းထားကာ စုစုပေါင်းအင်အား ၁၀၀ ဝန်းကျင်ခန့်ရှိခဲ့ကြောင်း သိရသည်။

ပြီးခဲ့သည် ၂၀၂၄ ခုနှစ်သြဂုတ်လပိုင်းက၊ အဆိုပါ ရေမျက်နီရဲကင်းကို ဒေသခံပြည်သူ့တော်လှန်ရေးဖွဲ့များက လျှပ်တပြက် စီးနင်းတိုက်ခိုက်ခဲ့ကြရာ စစ်အုပ်စုဖက်ကလည်း ကာကင်းစခန်းမကျရေးအတွက် လေကြောင်းပစ်ကူအဆမတန်ပေးခဲ့ကြောင်း၊လက်နက်ခဲယမ်း ကျည်ဆံလုံလောက်မှုမရှိတာကြောင့်ပါ ပြည်သူ့တော်လှန်ရေးတပ်ဖွဲ့များက နောက်ပြန်ဆုတ်ပေးခဲ့ရပြီး ယနေ့အချိန်အထိ စစ်အုပ်စုစခန်းအဖြစ်ကျန်ရှိနေသေးတာဖြစ်ကြောင်းသိရသည်။

ယခုနောက်ထပ် အင်အား ၃၀ ထပ်မံရောက်ရှိလာတာကြောင့် ရေမျက်နီရဲကင်းစစ်အုပ်စုစခန်းတွင် စုစုပေါင်း အင်အား ၁၀၀ ခန့်ရှိနေနိုင်ပြီဖြစ်ကြောင်း သိရသည်။

ရေမျက်နီကျေးရွာသည် ယောနယ်၊ချင်းပြည်နယ်တို့၏ ကုန်သွယ်ရေး၊ဆက်သွယ်ရေးများတွက် အရေးပါသည့် အချက်အခြာကျရာ လမ်းဆုံကျရာ နေရာတစ်ခုဖြစ်ပြီး စစ်အုပ်စုဖက်က နယ်မြေစိုးမိုးထားပြီး အထိုင်ချဂိတ်စခန်းဖွင့်ကာ စစ်ဆေးရေးများလုပ်ဆောင်နေတာဖြစ်ကြောင်းသိရသည်။

ထိုနောက် ရေမျက်နီ-ကျော-ပုလဲ ကားလမ်းကြီးတနေရာ ပုံညာတောင်ခြေရင်း ဇင်းစယ်ရွာ၏အရှေ့ဖက်တွင် ဒေသအခေါ် ဇင်းစယ်စစ်ဆေးရေးဂိတ် ဟုခေါ်သည့် စစ်အုပ်စုဂိတ်မှာလည်း ကျောကပစ ၂၃ မှ တပ်သားများက ခရီးသွားပြည်သူများနှင့် ကုန်သည်ကားများကို PSMS စနစ်များအသုံးပြုကာ ဖုန်း၊လတ်တော့ခ်၊ မှတ်ပုံတင်ကဒ်၊ဝန်ထမ်းကဒ် စသည်တို့ကို တင်းကြပ်စွာ စစ်ဆေးနေကြောင်း သိရသည်။

#တင်းကြပ်
#စစ်ဆေး
#စီးနင်းတိုက်ခိုက်
#လေကြောင်းပစ်ကူ
#ကျည်ဆံ
#ပြည်သူ့တော်လှန်ရေး
#စစ်အုပ်စု

@မင်းဒဲဿ
ယောအလင်း တန်း
#MRSN
Aug 1 ,2:05PM
#mcnews677
#Threestarsmyaing
#7starmyaing
📬သတင်းပေးပို့ရန်
@myaing3starbot

စစ်အုပ်စု၏စစ်ကြောင်းရန်ကြောင့် တောင်ယော(ဆော)နယ်မှာ တောင်သူလုပ်ငန်းခွင် ထက်ဝက်ကျော် ထိခိုက်

ဒေသခံစစ်ရှောင်များ အကူအညီလိုအပ်နေ

သြဂုတ် ၁၊၂၀၂၆၊ ဆော

ရွေးတုအစိုးရ၏ စစ်အုပ်စု စစ်ကြောင်းရန်ကြောင့် မကွေးတိုင်း၊ဂန့်ဂေါခရိုင်၊ဆောမြို့နယ် (တောင်ယော)ဒေသတွင် ယခု ၂၀၂၆ ခုနှစ်အတွင်း တောင်သူလုပ်ငန်းခွင်များသည် ၅၀ ရာခိုင်နှုန်းကျော်အထိ ကျဆင်း၊ထိခိုက်ပျက်စီးပြီး ဒေသခံစစ်ဘေးရှောင်များ အကူညီလိုအပ်နေကြောင်းသိရသည်။

မိုးစပါးအဓိက စိုက်ပျိုးချိန် မေလနှင့် ဇွန်လ များတွင်အင်အားအလုံးအရင်းဖြင့် စစ်ကြောင်းထိုးဝင်ရောက်လှုပ်ရှားနေမှုများကြောင့် ဒေသတွင်းပြည်သူများသည် ယခုလို ထွန်ယက်စိုက်ပျိုးချိန်တွင် လုပ်ငန်းခွင်များကို စွန့်ခွာ အိုးအိမ်ပစ် ထွက်ပြေးတိမ်းရှောင်နေကြရခြင်းကြောင့် လုင်ငန်းခွင်များပျက်စီးပြီး စိုက်ပျိုးဧက ထက်ဝက်ကျော်မက ပျက်စီးနိုင်ကြောင်း လေ့လာသိရှိရသည်။မိုးရာသီးနှံများတွင်မက ဆောင်းသီးနှံ စိုက်ပျိုးနိုင်မှုပါ မသေချာသည့် အနေအထားဖြစ်နေသည်ဟု ဒေသခံတစ်ဦးက ပြောသည်။

စစ်အုပ်စုက ဆောမြို့နယ်အတွင်းကို ယခုနှစ်မေလလယ်ခန့်မှစပြီး ပေါက်မြို့နယ်နှက့် စလင်းမြို့နယ်များဖက်မှနေ၍ အင်အားအလုံးအရင်းဖြင့် ၂ ဖက်ညှပ် စစ်ကြောင်းထိုးဝင်ရောက်လာခဲ့ကြတာဖြစ်ပါသည်။အင်အား ၃၀၀၀ ကို အသုတ်လိုက်ခွဲကာ တစ်ကြောင်းပြီး နောက်တသ်ကြောင်းအနေအထားဖြင့် ဆောနယ်အတွင်းကိုဝင်ရောက်လာခဲ့ကြပြီး ဆောမြို့နှင့် ကျောက်ထုမြို့ ၃၆၈ အမြောက်တပ်များတွင် အခြေပြုပြီးမှ တဆင့်စစ်ရေးလှုပ်ရှားမှုများပြုလုပ်နေကြတာလည်းဖြစ်ပါသည်။

လက်ရှိတွင် ဆော-လောင်းရှည်လမ်းပိုင်းဝဲယာနှင့် ဆောနယ်နေရာများမှာ စစ်အုပ်စုက စစ်ရေးလှုပ်ရှားမှုနေ့စဥ်ရက်ဆက်ပြုလုပ်နေသကဲ့သို့ ကျောက်ထုမြို့နယ် တပြင်း၊ကြီး၊ ကံကြီး၊ကံချောင်း၊ရေရှင် စသည့်ကျေးရွာများတွင်လည်း စစ်အုပ်စုတပ်သားများက အထိုင်ချ ခြေကုပ်ကာကင်းစခန်းများ ပြုလုပ်နေထိုင်လျက်ရှိနေကြကြောင်း သိရပါသည်။

ယခုအချိန်တွင် ကျောက်ထုနယ် တပြင်းရွာမှာ တပ်မ ၉၉ စစ်ကြောင်းမှူး ဗိုလ်ကြီးသီဟအောင် ဦးဆောင်သည့် အင်အား ၁၅၀ ခန့်စစ်အုပ်စုတပ်သားများ အထိုင်ချတပ်ထားပြီး ကြီးရွာတွင် တပ်မ ၇၇ စစ်ကြောင်းမှူး ဗိုလ်ကြီးဇော်သူရ ဦးဆောင်သည့် အင်အား ၁၆၀ ခန့်စစ်ကြောင်းက ယာယီအထိုင်ချ တပ်စွဲနေထိုင်နေကြောင်း သိရသည်။

( ဗိုလ်ကြီးဇော်သူရသည် ဇူလိုင် ၂၁ ရက်နေ့ ကြီးတိုက်ပွဲမှ ရရှိသည့်ဒဏ်ရာကြောင့် ကျဆုံးသွားခဲ့သည့် တပ်မ ၇၇ မှ ဗိုလ်ကြီးသောထူးနိုင် (ခ) ထူးသာ အစား၊ အစားထိုးရောက်ရှိလာသူ ဖြစ်ပါသည်)

ဆော-လောင်းရှည် လမ်းပိုင်း၊ကျောက်ထု- မင်းတပ်လမ်းပိုင်း၊ ကျောက်ထု- ဆောလမ်းပိုင်းနှင့် ကျောက်ထု- ရွှေအောင်သာ လမ်းပိုင်းများမှာ စစ်အုပ်စုက စစ်ရေးလှုပ်ရှားမှုများအပြင်းအထန်လုပ်ဆောင်နေပြီး လေယာဥ်ဖြင့် နေ့စဥ်ရက်ဆက် ဗုံးကြဲတိုက်ခိုက်မှုတွေ ပြုလုပ်နေတာကိုလည်း တွေ့နေရသည်။

ထိုကြောင့် တောင်ယော ခေါ် ဆောမြို့နယ်၊ကျောက်ထုမြို့နယ် နေရာအများစုတွင် ရွေးတုအစိုးရ၏ စစ်အုပ်စုတပ်များက အခြေပြု စစ်ရေးလှုပ်ရှားမှုများပြုလုပ်လာခဲ့သည်မှာ ရက်ပေါင်း ၇၀ ကျော်ကြာမြင့်လာခဲ့ပြီး ဒေသခံပြည်သူအများအပြား အိုးအိမ်စွန့်ခွာ၊ လုပ်ငန်းခွင့်ပစ် ထွက်ပြေးတိမ်းရှောင်ပုန်းအောင်းနေကြရဆဲ ဖြစ်ပါသည်။

ဒေသခံပြည်သူ့တော်လှန်ရေးတပ်ဖွဲ့များနှင့် စစ်အုပ်စုတပ်များကြား ၂ ဖက်စစ်ရေးတင်းမာမှုများဆက်လက်မြင့်တက်လာနေခြင်း၊ လေကြောင်းမှနေ ဗုံးကြဲတိုက်ခိုက်မှုများ နေ့စဥ်ရက်ဆက်ပြုလုပ်နေခြင်းများကြောင့် ဒေသတွင်းစစ်ရှောင်များသည် စစ်ရှောင်ရက်ကြာမြင့်လာသည်နှင့်အညီ စားဝတ်နေရေး၊ကျန်းမာရေးများ တစထက်တစ ချို့တဲ့လာနေကြရသည်ကိုလည်း စိတ်မကောင်းစွာ လေ့လာသိရပါသည်။

ဤအကြောင်းအရာများကို ယေဘူယျသိရှိရဖြင်းဖြင့် ရပ်နီးရပ်ဝေး၊ ပြည်ပနိုင်ငံများမှ ပြည်သူများသည် လူသားချင်း၊တော်လှန်ပြည်သူအချင်းချင်း စာနာထောက်ထားနိုင်ကြပါစေကြောင်း သိရှိစေရန် ရည်ရွယ် တိုက်တွန်းအပ်ပါသည်။

#ရွေးတုအစိုးရ
#စစ်ကြောင်းရန်
#ဗုံးကြဲတိုက်ခိုက်
#စစ်ဘေးရှောင်
#စစ်ရေး
#တော်လှန်
#ထိခိုက်

@မင်းဒဿ
ယောအလင်းတန်း
#MRSN
Aug 1 , 3:07PM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်

မြိုင်မြို့နယ် ဘောင့်ဘင်ကျေးရွာသို့ရောက်ရှိနေသော စခစစ်ကြောင်းသည် ဘောင့်ဘင်ကျေးရွာရှိ ပြည်သူပိုင်နေအိမ်များအားမီးရိူ့ ပြီး အနောက်တောင်ဘက် သို့စတင်ထွက်ခွာနေကြောင်သိရ။


🇼🇸မြိုင်🦚ဒေါင်းမင်းမြေပြင်သတင်းမှန်ပြန်ကြားရေးအဖွဲ့

#MRSN
Aug 2 ,10:11AM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်အတွင်းနောက်ဆုံးရသတင်းများ
2.8.2026

မနေ့ညက မြိုင်မြို့နယ်အနောက်ပိုင်း
ဘောင့်ဘင်ရွာမှာ ညအိပ်ခဲ့တဲ့
စစ်ကောင်စီတပ်တွေဟာ
ယနေ့မနက် 10:00 ဝန်းကျင်မှာ
ဘောင့်ဘင်ရွာမှ ပြည်သူနေအိမ်များကို
မီးရှို့ဖျက်ဆီးပြီးနောက်
နေ့လည် 12:00 ဝန်းကျင်မှာ ယာကြီးပြင်ရွာကို
ရောက်ရှိသွားကာ
ယနေ့ညဦးပိုင်းအချိန်ထိ ယာကြီးပြင်ရွာ
ဘုန်းကြီးကျောင်း စာသင်ကျောင်းနဲ့
ရွာထဲက နေအိမ်တွေမှာ တပ်ဖြန့်ထားတယ်လို့
သိရပါတယ်။

နောက်ရက် ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
မြိုင်မြို့နယ်အနောက်ပိုင်းမှ
မိဘပြည်သူများအားလုံး သတိဝရိယနဲ့
နေထိုင်ကြဖို့ အသိပေးအပ်ပါတယ်။

ဘောင့်ဘင်ရွာ မီးရှို့ခံရမှု အခြေအနေ
အသေးစိတ်ကိုတော့ မနက်ဖြန်မှ
ထပ်မံ ဖော်ပြ ပေးပါမည်။

#ပြည်သူတွေဘေးကင်းကြပါစေ
#wovemyaing #ချစ်သောအညာမြေ
#စစ်ကြောင်းသတင်း
#MRSN
Aug 2 , 10:31PM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်စစ်ကြောင်းနဲ့လေကြောင်းသတင်း
3.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
လက်ရှိအချိန်ထိ ယာကြီးပြင်ရွာမှာ ရှိနေပြီး

ယနေ့ညနေ 5:30 ဝန်းကျင်ကစပြီး
ယာကြီးပြင်ရွာနဲ့ အနီးတဝိုက်ရွာများအနီးကို
မိတ္ထိလာလေတပ်မှ Y 12 စစ်ထောက်ပို့
ဗုံးကြဲလေယာဉ်တစ်စီးဖြင့်
လေကြောင်းတိုက်ခိုက်မှုတွေ ပြုလုပ်နေတယ်လို့
ကနဦးသတင်း သိရပါတယ်။

အခြေအနေ အသေးစိတ် မသိရသေးပါ။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#လေကြောင်းတိုက်ခိုက်မှု
#MRSN
Aug 3 , 5:52 PM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်အတွင်းနောက်ဆုံးရသတင်းများ
3.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ ယာကြီးပြင်ရွာမှာပဲ
ရှိနေပါတယ်။

ယနေ့ညနေ 5:30 / 6:30 အတွင်းမှာ
စစ်ကြောင်းရောက်ရှိနေရာ
ယာကြီးပြင်ရွာနဲ့ အနီးတဝိုက်ကို
မိတ္ထိလာလေတပ်မှ Y 12 စစ်ထောက်ပို့
ဗုံးကြဲလေယာဉ်တစ်စီးဖြင့်
စုစုပေါင်း (12 ကြိမ် ဗုံးသီး 44 လုံး)
လေကြောင်းတိုက်ခိုက်မှု ပြုလုပ်ခဲ့တယ်လို့
သိရပြီး

ယနေ့ည 10:00 / 10:45 အတွင်းမှာလည်း
စစ်ကြောင်းရောက်ရှိနေရာ ယာကြီးပြင်ရွာသို့
မကွေးလေတပ်မှ E 20 စစ်ထောက်ပို့
လေယာဉ်တစ်စီးဖြင့် ခဲယမ်းရိက္ခာထုပ်တွေ
(9) ကြိမ်ခန့် ချပေးခဲ့တယ်လို့ သိရပါတယ်။

အဆိုပါ စစ်ကောင်စီတပ်များရဲ့ အန္တရာယ်ကြောင့်
မြိုင်မြို့နယ်အနောက်ပိုင်းမှ
ဒေသခံပြည်သူအများအပြား
နေရပ်စွန့်ခွာ စစ်ဘေးရှောင်နေရပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#လေကြောင်းတိုက်ခိုက်မှု
#MRSN
Aug 4 , 6:30 AM
#Threestarsmyaing
#7starmyaing
📬သတင်းပေးပို့ရန်
@myaing3starbot

ကျောက်ထု အမတ ၃၆၈ တပ်ထဲမှ စခတွေ လှည်း(၃)စီး၊ဆိုက်တွဲတစ်စီးအပါအ၀င် ကြီးရွာဘက်ဦးတည်စစ်ကြောင်း‌ထွက်နေ။

၂၀၂၆ ခုနှစ် ဩဂုတ်လ ၄ ရက်

အမတ ၃၆၈ တပ်ထဲမှ စခအင်အား (၁၀၀)ခန့်ဟာ ပန်းဆန်ကျေးရွာသို့ ယနေ့မနက်မှာရောက်ရှိလာကာ ပန်းဆန်ကျေးရွာတွင်းမှ နွားလှည်း (၃)စီး၊ ဆိုက်တွဲ တစ်စီး ယူဆောင်ကာ မြောက်ဘက် ကြီးကျေးရွာဘက်သို့ ဦးတည်ထွက်ခွာသွားတယ်လို့သိရပါတယ်။ စခတွေဟာ ကျောပိုးအိတ်၊ခြင်းကြားတွေလဲပါ၀င်တာမို့ မိအယ်ကျေးရွာ၊နှော်ကျေးရွာ၊လယ်ဆောကျေးရွာနှင့် ရွာသာကျေးရွာဘက် မိဘပြည်သူများအနေဖြင့် စစ်ရေးအသိ၊စစ်ရေးသတိရှိကြပါရန် အသိပေးအပ်ပါတယ်။ လတ်တစ်လော စစ်ရေးအခြေအနေတွေအရ မိဘပြည်သူများအနေဖြင့် စခစစ်ကြောင်းနှင့် ဝေးရာနေရာတွေမှာသာ ရွေးချယ်နေထိုင်ကြပါရန် အသိပေးအပ်ပါတယ်။

Aung Gyi
ယောအလင်း တန်း
#MRSN
Aug4 ,10:41AM
#Threestarsmyaing
#7starmyaing
📬သတင်းပေးပို့ရန်
@myaing3starbot

4.8.2026
မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ စစ်ကောင်စီတပ်တွေဟာ
လက်ရှိအချိန်ထိ ယာကြီးပြင်ရွာမှာပဲ ရှိနေပါတယ်။

ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
အနီးတဝိုက်မှ ပြည်သူများ သတိဝရိယနဲ့
နေထိုင်ကြဖို့ လိုပါမယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 4 ,10:18PM
#Threestarsmyaing
#7starmyaing
📬သတင်းပေးပို့ရန်
@myaing3starbot

ဩဂုတ်လ ၄ ရက် မနက်က ကြီးကျေးရွာဘက်ထွက်တဲ့ လှည်းသုံးစီးပါ အမတ ၃၆၈ တပ်မှ စကစစစ်ကြောင်း ထိခိုက်စစ်ခွေးများ ပြန်တင်ဆောင်လာကာ တပ်ထဲပြန်၀င်ရောက်

၂၀၂၆ ခုနှစ် ဩဂုတ်လ ၅ ရက်

ဩဂုတ်လ ၄ ရက်မနက်ပိုင်းမှာ အမတ ၃၆၈ တပ်မှ ပန်းဆန်းကျေးရွာဘက်ထွက်လာပီး ပန်းဆန်ကျေးရွာမှ နွားလှည်း (၃)စီး၊ ဆိုင်ကယ်ဘေးတွဲတစ်စီး ချောဆွဲယူဆောင်ကာ ကြီးကျေးရွာဘက် ဦးတည်ထွက်ခွာသွားတဲ့ စစ်ကြောင်းဟာ ကြီးကျေးရွာဘက်မှ ခြေပြတ်၊လက်ပြတ် နှင့် ထိခိုက်ဒဏ်ရာရ စခတွေကိုပြန်လည်သယ်ဆောင်လာခဲ့ကာ ဩဂုတ်လ (၄)ရင်နေ့ နေ့လည် (၀၃:၀၀)နာရီခန့်မှာ တပ်ထဲပြန်၀င်သွားတယ်လို့သိရပါတယ်။ စခတွေဟာ ရှေ့တန်းစစ်မြေပြင်မှာ ခြေပြတ်၊လက်ပြတ် ထိခိုက်ဒဏ်ရာရလာကြတဲ့ စခတွေကို
မိအယ်ကျေးရွာ ဇရပ်မှာ အချိန်းအပြောင်းလုပ်ပီးသယ်ဆောင်လာကြတယ်ဖြစ်တယ်လို့သိရပါတယ်။ နွားလှည်း (၃)စီးပေါ်မှာတော့လမ်းမလျှောက်နိုင်တဲ့ ခြေပြတ်၊လက်ပြတ် စခ (၂၀)ကောင်ကိုတင်ဆောင်ပီး လှည်းမဆန့်လို့အနည်းငယ်လမ်းလျှောက်နိုင်တဲ့ ထိခိုက်ဒဏ်ရာရ စခ (၆)ကောင်ကိုတော့ လမ်းလျှောက်ခိုင်းကြတယ်လို့ စစ်ရေးသတင်းရင်းမြစ်ရသိရှိရပါတယ်။

တပ်မ ၉၉ ဦးဆောင်တဲ့ စကစ စစ်ကြောင်းဟာ လက်ရှိအချိန်ထိ ကြီးကျေးရွာထဲမှာ အထိုင်ချထားကာ ရွှေအောင်သာဘက်ကို စစ်ကြောင်းထိုးဖို့ လုပ်ဆောင်နေကြဆဲဖြစ်တယ်လို့ စစ်ရေးသတင်းရင်းမြစ်အရ သိရပါတယ်။

ဓါတ်ပုံ - ပုံဟောင်း
Aung Gyi
ယောအလင်းတန်း
#MRSN
Aug 6 , 4:10AM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်အတွင်းနောက်ဆုံးရသတင်းများ
5.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ ကားတန်းနဲ့ အင်အား 400 ခန့်ပါ
စစ်ကောင်စီတပ်တွေဟာ
ယနေ့ညဦးပိုင်းအချိန်ထိ ယာကြီးပြင်ရွာမှာ
ရှိနေတယ်လို့ သိရပြီး

အဆိုပါ စစ်ကောင်စီတပ်တွေဟာ
ယနေ့မနက် 9:50 ဝန်းကျင်က
ယာကြီးပြင်ရွာက ပြည်သူနေအိမ်များကို
မီးရှို့ဖျက်ဆီးခဲ့တယ်လို့ သိရပါတယ်။

မီးလောင်ပျက်စီးမှု အခြေအနေကိုတော့
မသိရသေးပါ။

နောက်ရက် ဘယ်ကို ဆက်ပြီး စစ်ကြောင်းထိုးမလဲ
မသိရတာကြောင့်
မြိုင်မြို့နယ်အနောက်ပိုင်းမှ
မိဘပြည်သူများအားလုံး သတိဝရိယနဲ့
နေထိုင်ကြဖို့ အသိပေးအပ်ပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 6 , 4:10AM
#Threestarsmyaing
#7starmyaing
📬သတင်းပေးပို့ရန်
@myaing3starbot