كف عن الكسل وأعمل بجد
فلا مجال للراحة هنا
كما قال الإمام أحمد رحمه الله

"الراحة عند أول قدم تضعها في الجنة"

#د_محمد_الغليظ

هل جربت هذا الشعور من قبل؟؟

أن تبكي لله..
لا لذنب ولا لخوف!
بل تبكي بعد أن وفقك الله لطاعة
فإستشعرت أنه اختارك أنت
واستعملك لطاعته...
يالله مااجمله من شعور...

#د_محمد_الغليظ

#مخنوق_من_غير_سبب ...
#د_محمد_الغليظ

الحزن والغضب ما الفرق بينهما؟
الحزن يجعلك لا تفعل الشئ الذي تحبه الغضب يجعلك تفعل الشئ الذي لا تحبه
وكلاهما يحبهما الشيطان

فالشيطان يريد أن يجعلك حزين وغاضب
" إِنَّمَا النَّجْوَى مِنَ الشَّيْطَانِ لِيَحْزَنَ الَّذِينَ آمنوا وليس بضارِهِمْ شَيْئًا إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ"

#لاتحزن
#د_محمد_الغليظ

أصلحوا ما بينكم من التشاحن
والتقاطع والتخاصم ..
اعفوا عن المسيئين ..
توادوا وتحابوا وتراحموا ..
إنما المؤمنون إخوة ..
وإنما هى أيام قليلة نحياها
وإن طالت فى نظرنا....

#د_محمد_الغليظ

والله العظيم بجد لتتحاسب على حاجات عمرك ما كنت هتتخيل أنك ستُحاسب عليها..

يجي يسألك كدا أنتِ إغتابتي المدرسة بتاعتك ولما كبرتي في الكلية إغتابتي الدكتور بتاعك وفي المدرسة والكلية إغتابتي ابن خالتك وبنت خالتك وخالتك وإغتابتي صاحبتك

ولما كنتِ بتخرجي مش كنتِ لابسة بنطلون .. لأ دا البنطلون دا ذنب وفلان شافك فـ دا ذنب وفلان شافك فـ دا ذنب وفلان شافك فـ دا ذنب وفلانة شافتك وعجبها البنطلون بتاعك فنزلت إشترت واحد زيه ولبسته في الشارع فشافها فلان وفلان وفلان وفلان كل دا في ميزانك، ليه؟

مهو أنا اللي تسببت في الغلط فـ هشيله

جاهزة تشيلي أوزارك وأوزار غيرك؟

#د_محمد_الغليظ.

قال الله تعالى
"إِلَيْهِ يَصْعَدُ الْكَلِمُ الطَّيِّبُ"

،الكلمة الطيبة هي سلوك
شيك الناس بتحبه ..
وكمان النبي وصانا بيها .
قول شكراً ..قول لو سمحت ..
قول أنا أسف
قول نصيحة بطريقة طيبة ،
قول تسلم إيدك يا أمي أو يا زوجتي
قول الخير و انشره في كل مكان ...

#د_محمد_الغليظ

لو بتحبوا بعض متعصوش ربنا بالحب ده
#د_محمد_الغليظ

الخوف هنا احسن من الخوف هناك |
#د_محمد_الغليظ

📣كلمة عتاب للشباب
مش هنضحك على بعض كلنا عارفين أزمة الزواج
وإن في بنات كتير مستنيين حد مناسب بس مافيييييش

سيبك من اللي والدها عاوز وزنها ذهب دي خليها عنده يوزنها براحته
بس بتكلم على أصحاب الديانة اللي ميسرين الموضوع،
بجد عندهم مشكلة
مش بقول إن الشباب كلهم مش متدين أو مش مناسبين...
بس بصراحة عدد الجادين في تدينهم مُخجل

أنا عارف إن في شباب زي الفل
بس يا رب يكونوا هم الأغلبية
بعد كده طبعا المصيبة من الناحية التانية إن كتير من الجادين في تدينهم ظروفهم المادية مش أفضل حاجة، وكتير من الأهالي مش عاوزين يتفهموا الأمر ده

والنتيجة البنات إما مش بتتجوز أو بتتاخر جدا
(وكثيرا بيكون الأمر في تجارب عاطفية خارج منظومة الزواج)
أو بتتجوز حد مش على دين أوي، بس مناسب في باقي العناصر فتستقيم الدنيا ولا تستقيم الآخرة
فتحس إن الأزمة من جميع الأطراف وكأنهم متفقين علينا

فاللهم دبر لشبابنا وبناتنا فإنا نسيء التدبير..

#د_محمد_الغليظ

مجاهدة النفس 🤍🤍
#د.حازم شومان

أهل العافية يوم القيامة هيحسدوا أهل البلاء بل هيتمنوا لو "جلودهم قرضت بالمقاريض" من عظم الأجر اللى هيأخده أهل البلاء.

#متخيل_الأجر 🤍

النبي صلى الله عليه وسلم يقول :

" ما يصيب المسلم من نصب ولا وصب ولا غم ولا حزن ولا أذي ولا هم إلا يكفر الله له به خطاياه "

مفيش حاجة هتعدي .. حتى الشوكة لو إنت بتاكل سمك وفي شوكة جرحتك .. حتى ولو بتقعد على كرسي وفى مسمار ألمك ... الألم دا ... الشوكة دى ... الهم دا ... الحزن دا هيكفرلك الله عز وجل به من خطاياك ..

والبلاء اللى هينزل عليك هتاخد عليه أجر بصبرك ورضاك فلما تكون جوا البلاء والله فى علاه يري منك الرضا
والإستغتاء وحسن التعامل والصبر وحسن المقال والذكر وإطمئنان القلب والسكينة كل دا إنت متخيل إنه هيضيع..

مش هيضيع هتلاقي عليه أجر كبير جداً يوم القيامة فلو إحتسبت الأجر وجعلت عينك على الآخرة وإن صحيفتك بيتكتب فيها حسنات وإن الميزان بتاعك عمال يتقل يتقل يتقل يتقل ... هتبقي حاسس إن البلاء دا حاجة تشكر ربنا سبحانه وتعالي عليها .

أة بتألم بس عارف إنى هفرح بالأجر بتاعه.

#د_محمد_الغليظ

إذا صلُحَت صلاتك صَلُحَت حياتك 👌

- الحياة عاملة زي الساعة لازملها تروس علشان تدور .. و الترس الاساسي لسعادتك و راحتك و رضاك في الحياة دي هي صلاتك ☺

- مبتصليش خالص
- بتصلّي فرض وتفوّتي فرض
- مبتصلّيش الفجر
- بتأخري الصلاة عن موعدها
- بتصلّي من غير تركيز
- بتصلّي علشان تُسقط الفرض
- بتصلّي من غير حضور و خشوع

وجع .. خنقه .. فشل .. تخبّط .. خيبه .. أي إضطرابات ... ممكن جدا يكون سببها حاجه من ال ٧ حاجات اللي فوق دول.

روُي عن بعض العارفين ( إذا صحّت صلاتُك .. صحّت حياتٌك )

الصلاة مش حاجة اختيارية

يعني مش بنتكلم هنا عن سُنة مثلا ليها فضل فممكن لو اتحمست تعملها و لو متحمستش ماتعملهاش

الصلاة فرض .. مهما كانت الظروف.. ومهما كان مزاجِك و حالتك .. لازم تصلي ✋ ده سؤال إجباري في الامتحان .. ماينفعش يتساب.

الله عز و جل قال "إن الصلاة كانت على المؤمنين كتابا موقوتا"

يعني الصلاة ليها مواعيد .. مش متسابة للمزاج

المواعيد دي ضروري نراعيها 👌 ماينفعش نصلي الصلوات مع بعضها آخر اليوم .

الصلاة ليها مواعيد لازم نلتزم بيها .. وإلا هنأثم وهنتحاسب على التأخير ده

قال الله تعالي "ويلٌ للمصلين الذين هم عن صلاتهم ساهون "

ربنا بيحذرنا اننا نكون زى الناس دى 👈 ويل لهم مع أنهم بيصلوا بس مشكلتهم انهم مش بيدوا الصلاة اهتمام .. يعنى هبقى اصلى لما افضى او اروح او اخلص المكالمة او اخلص مذاكرة او الفيلم او المسلسل .. و نفضل نأخر فيها بدون أي عُذر لحد ما يدخل موعد الصلاة اللي بعدها فنقوم نصليها بسرعة

سيدنا عبد الله بن مسعود رضى الله عنه سأل الرسول صلى الله عليه وسلم 👈🏻 "أي العمل أحب الى الله؟
قال "الصلاة على وقتها" .
ف إنك حاطة ميك أب في الجامعة ده حرام و إن كمان ده يأخرك عن فرض زي الصلاة ده كبيرة من الكبائر
يابنات الحجاب الشرعي فرض والصلاة هي أول و أعظم العبادات إوعوا تتهاونوا فيها

يا شباب عاوزين يبقى شعارنا مع الصلاة "وعجلت إليك رب لترضى" 🏃

#د_محمد_الغليظ

حقيقة الدنيا
اسمع بقلبك. 🥺🤍

#د. محمد الغليظ

عشان تكون من أحسن المسلمين وتوري العالم جمال أخلاق الإسلام، لازم تؤدي حقوق الله وحقوق المسلمين..
تؤدي حقوق الله بإنك تتبع كل ما أمرك بيه ربنا في كتابه أو علمهولك النبي ﷺ
وتؤدي حقوق المسلمين بإنك متأذيش مسلم زيك بلسانك فماتسبوش ولا تلعنه ولا تغتابه
ولا بإيدك فماتعتديش عليه ولا تاخد فلوسه غصب عنه
قال النبي ﷺ: (المُسْلِمُ مَن سَلِمَ المُسْلِمُونَ مِن لِسانِهِ ويَدِهِ)

#د_محمد_الغليظ

﴿مَنْ كَانَ يُرِيدُ ثَوَابَ الدُّنْيَا فَعِنْدَ اللَّهِ ثَوَابُ الدُّنْيَا وَالْآخِرَةِ ۚ وَكَانَ اللَّهُ سَمِيعًا بَصِيرًا﴾
هل تريد السعادة في الدنيا؟ كن مع الله
هل تريد سعادة الآخرة؟ كن أيضا مع الله
فهو الأعلم بحالك وأعلم بما يسعدك وأعلم بما هو خير لك.. هو يسمعك ويراك ويعلم سرك ونجواك
ويعلم كل ما يجول بخاطرك..
أطع أوامرة و اجتنب نواهيه ادعوه و توسل إليه .
هكذا تكن معه و هكذا تربح كما لم يربح غيرك .


#د_محمد_الغليظ

﴿فَمَا لَكُمْ فِي الْمُنَافِقِينَ فِئَتَيْنِ وَاللَّهُ أَرْكَسَهُم بِمَا كَسَبُوا ۚ أَتُرِيدُونَ أَن تَهْدُوا مَنْ أَضَلَّ اللَّهُ ۖ وَمَن يُضْلِلِ اللَّهُ فَلَن تَجِدَ لَهُ سَبِيلًا﴾
هداية التوفيق من الله يهدي بها من يشاء ويضلل عنها من يشاء
و أنت لم تكلف سوي بهداية الإرشاد والبلاغ.
فلا تشغل نفسك بأثر نصيحتك فما عليك سوى إخلاص النية لله والاستعانة به والتوكل عليه فهو الهادي..!


#د_محمد_الغليظ

﴿وَلَا تُفْسِدُوا فِي الْأَرْضِ بَعْدَ إِصْلَاحِهَا وَادْعُوهُ خَوْفًا وَطَمَعًا ۚ إِنَّ رَحْمَتَ اللَّهِ قَرِيبٌ مِنَ الْمُحْسِنِينَ﴾
كثيرا ما نسمع من يقول انا احب الله ولا اخاف منه!!
الله أمرنا أن نرجوه ونخاف منه و علمنا كيف ندعوه ..

ندعوه خوفًا من عقابه .. خوفًا من رد الأعمال ..
وندعوه طمعًا فى ثوابه .. طمعًا فى عفوه ورضاه ..
طمعًا فى قبول الأعمال على ما فيها من تقصير .. طمعًا فى جنته.
فتأدب فى دعائك وكن عبدًا ذليلًا خائفًا راجياً.

#د_محمد_الغليظ

(فَإِنْ كَذَّبُوكَ فَقُلْ رَبُّكُمْ ذُو رَحْمَةٍ وَاسِعَةٍ وَلَا يُرَدُّ بَأْسُهُ عَنِ الْقَوْمِ الْمُجْرِمِينَ)

خلي عندك يقين إن رحمة الله واسعة
وإن مهما ضاقت هتفرج عما قريب...

#د_محمد_الغليظ

﴿وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ ۖ وَالَّذِي خَبُثَ لَا يَخْرُجُ إِلَّا نَكِدًا ۚ كَذَٰلِكَ نُصَرِّفُ الْآيَاتِ لِقَوْمٍ يَشْكُرُونَ﴾

تفقد حال قلبك حين تقرأ الوحي وتعلم حكم الله ..
فالقلوب الطيبة تقبل الوحي وتُنبت بحسب طيب أصلها ..
أما القلوب الخبيثة - عافانا الله - على النقيض لا تتقبل وحيا ولا تُنبت طيبا لأنها قلوبا معرضة غافلة.
فداوى قلبك .. وخذ بأسباب صلاحه واستعن بالله
وقل يارب هب لى من لدنك قلبا سليما كما تحب وترضى.

#د_محمد_الغليظ