​لأنك لمَّا تكون على الحق، والمُجتمع اللي قدامك مريض وجاهز ينهش فيك ومُتحفِّز يغلطك، الدفاع عن النفس بيكون تضييع وقت واستهلاك للروح.. أحيانًا السكوت وتفويض الأمر لله بيكون أقوى رد، وربنا هو اللي بيتولى الدفاع عنَّك.

​وبالفعل.. هي ماردّتش وأشارت للولد الرضيع عيسى، فاستغربوا جداً وقالوا بسخرية واستهزاء: (كَيْفَ نُكَلِّمُ مَن كَانَ فِي الْمَهْدِ صَبِيًّا)؟ وهنا بتنزل الصاعقة تفلِق دِماغهم، والطفل الرضيع بيتكلم في المهد وينطق بأول وأعظم حقيقة: (قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا) أول كلمة قالها سيدنا عيسى في حياته هي (إِنِّي عَبْدُ اللَّهِ) علشان يقطع الشكّ باليقين، ويسد الباب قدام أي حد هييجي بعدين يغالي فيه ويدّعي إنه إلـٰه أو ابن الإلـٰه، ونطق علشان يبرَّأ أمُّه، ويُثبت رسالته للدنيا كلها.

​طيب، شافوا طفل بيرضع وبيتكلم.. هيؤمنوا بقى؟
طبعاً لاء، بقولك عندهم جينات قديمة والعِناد كمّل معاهم، ولما كَبَر سيدنا عيسى وبدأ دعوته، اصطدم بـ كِبار الكهنة اللي كانوا وقتها بيحرَّفوا الدين وعاملين منه سُلطة وبِيزنس لمصالحهم الشخصية، سيدنا عيسى كشف أوراقهم وبدأ يدعو للحق، فقرَّروا يعملوا معاه المكيدة العُظمى ويتخلَّصوا منه للأبد.

​راحوا للحاكم الرُوماني وقتها وسخِّنوه عليه وقالوله: دا بيفسِد علينا الناس ولازم نِخلَص منه قدام الناس! وهنا الحاكم وافق تحت الضغط، وأصدر قرار بتنفيذ الحُكم علنًا.

​وهنا بتيجي الآية اللي بتأسس عقيدة كل مُسلم على وجه الأرض، وتصحح أكبر تزييف حصل في التاريخ، همّا خططوا ورتِّبوا وجهِّزوا كل حاجة، وفعلاً نفِّذوا الحُكم الباطل دا، بس نسيوا إنهم بيتعاملوا مع (الْقَوِيِّ الْعَزِيزِ) وإنه مابيسيبش أولياءَه، والراجل اللي جابوه دا مكانش سيدنا عيسى (وَلَٰكِن شُبِّهَ لَهُمْ) 😃

​مهو أنا قايلك إن القوي العزيز مابيسيبش أولياءَه، وربنا ألقى شَبَه سيدنا عيسى على راجل تاني (قيل إنه الخاين اللي دلُّهم عليه)، فأخدوه ونفذوا فيه الحُكم وهمّا مُقتنعين ومَخدوعين.

​طيب وسيدنا عيسى؟
(بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا) ربنا نجَّاه، ورفعه للسماء حيّ، علشان يحميه من شرُّهم، ويأجل موعِده لآخر الزمان، في وقت هينزل يملى الأرض عدل ويُنفذ علامات الساعة الكُبرى.

​وافتكر إن لو الدنيا كلها اجتمعت علشان تدبَّرلك مكيدة، وإنت في مَعِيّة الله وعلى الحق.. والله مكرهم كله تحت رِجلك، ومش هيضرك غير اللي ربنا كتبه (وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ).

​٣. المحطة التالتة - بداية سورة المائدة:
بندخل بقى بقلبنا على سورة المائدة، والسورة دي بالذات ليها هَيبة ورَهبة مش طبيعية، ليه؟
لأنها تُعتبر "وثيقة الوداع" بين كلام ربنا وبين الأمَّة، السورة دي نزلت في أواخر حياة النبي ﷺ، وفيها آخر الأحكام وآخر التكاليف، تِحس إنها بتلَمْلِم كل اللي فات، ومحتاجة منك تركيز مضاعف، بدليل إنها أكتر سورة في القرآن اتكرر فيها نداء (يَا أَيُّهَا الَّذِينَ آمَنُوا) ١٦ مرة يا مؤمن.. يعني ركّز، وانتبه، الكلام دا ليك إنت شخصيًا!

​العنوان العريض للسورة وأول أمر فيها هو أتقل كلمة على النفس البشرية: (أَوْفُوا بِالْعُقُودِ) الكلمة دي بتعمل فورمات لأي فكرة عن الفهلوة والخِداع في ديننا، والعقود هنا مش ورقة بتمضيها في شغل أو مصلحة أو شقّة، لكن العقد دا هو عهدك مع ربنا أولاً، وبعد كدا هي كل العقود والعهود اللي بتاخدها مع الناس، سواء كلمة وعدت بيها حد ولازم تعملها، أو عهد الزواج الغليظ اللي بين الأزواج وماينفعش يِتخان، وهكذا كل العقود والعهود اللي مافيهاش شيء مُحرّم.

​ومن أعظم اللقطات في السورة دي، آية تُعتبر هي تَاج النعيم، آية بتخلي قلبك يطير من الفرحة، لدرجة إن أهل الكتاب قالوا لسيدنا عُمر بن الخطاب: لو الآية دي نِزلت علينا، كنّا هنعمل اليوم دا عيد: (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا).
يا الله! الآية دي جميلة ومُبهجة جدًا، بتقولك: خلاص الدين اكتَمَل، والدستور اتختم بالكمال والمثاليّة، إحنا مش محتاجين أفكار مُستوردة، ولا قوانين شرعية متعدّلة، كل حلال ربنا أحله ليك فهو لمصلحتك، وكل حرام اتحرّم عليك فهو لحمايتك ونجاتك.

​نيجي بقى لأخطر لقطة في السورة كلها:
ربنا -سُبحانه وتعالى- بيفضح صنف من أهل الكتاب، بدَّلوا كلام ربنا ولعبوا في الأحكام علشان تناسب أفعالهم ومصالحهم: (يُحَرِّفُونَ الْكَلِمَ عَن مَّوَاضِعِهِ) يعني مش بس بيكدبوا، لاء، دول بيطوّعوا الدين على مزاجهم، والمصيبة يا جماعة إن الصنف دا موجود وسطينا..

تلاقيه بيختار من الدين اللي يعجبه، واللي مايعجبوش يقولك: دا حديث ضعيف، ورأي قديم ومحتاجين نجدد! والناس دي رفضت حُكم ربنا علشان يرضوا أهواءهم، فربنا سَلَب منهم نور الهداية، لأن اللي بيرفض شرع ربنا دا إنسان مُجرم، ومايستحقش نِعمة الهُدى.

​وقت الفِتن والمواقف الصعبة اللي محتاجة ثبات وقوّة وموقف واضح، هتلاقي الصنف المريض دا بيعمل إيه؟ (فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ).. بيجروا على الباطل، ويقفوا في النُص، خايفين، مُتردّدين، وعايزين يمسكوا العصاية من النُص، لا معاك ولا عليك، هو مع المصلحة أينما كانت، علشان كل الأطراف ترضى عنه.

​بس الدين -للأسف- مافيهوش منطقة رمادية، هو يا أبيض يا أسود، يا حقّ يا باطل.. إيّاك تُقف في النُص، خليك واضح ونفِّذ عهودك مع الله ومع النّاس، وقول دايمًا: (سَمِعنَا وأطَعنَا).

​وكالعادة.. ​لو وصلت لحد هنا، ارفع البوست بتعليق وشير لعله ينفع غيرك.

​#عبدالرحمن_مهدي #ختمة_الفهم

أذكار المساء .

س / يا شيخ يعني ايه أعوذ بعظمتك أن أُغتال من تحتي

ج /

الدعاء ده جاي في أذكار الصباح والمساء
في حديث النبي صلى الله عليه وسلم لما كان يقول
اللهم إني أعوذ بك من زوال نعمتك…
وفي آخره
وأعوذ بعظمتك أن أُغتال من تحتي

طب يعني إيه أُغتال من تحتي؟

يعني ييجي الهلاك أو الغدر من جهة أنا مطمئن لها

الإنسان وهو واقف على الأرض بيبقى حاسس بالأمان
ثابت
مستقر
مش متوقع إن الأرض نفسها تنخسف

فالمعنى
يا رب احفظني من خطر ييجي فجأة
من حيث لا أحتسب
من مكان أنا شايفه أمان

ممكن تكون
علاقة مطمن لها
شغل واثق فيه
قرار شايفه مضمون
أو حتى صحة شايفها مستقرة

الاستعاذة دي فيها اعتراف
إننا ضعاف
وإن الأمان الحقيقي مش في الأسباب
لكن في حفظ الله

فإنت كل يوم بتقول
يا رب لا تكلني لثبات ظاهري
ولا لأمان كاذب
احفظني بعظمتك

الدعاء ده بيفكرك
إن الأمان مش إن الأرض ثابتة
الأمان إن رب الأرض حافظك

📩

اللهم ادم صلاتنا على الحبيب المصطفى وذكرنا بها إذا غفلنا عنها

‏ليت كل الأيام رمضان…
‏لكنَّ الله جعله أيامًا معدودات
‏ليُربّي فينا الشوق،
‏ويوقظ فينا العزيمة،
‏ويعلّمنا أن العبادة ليست موسمًا… بل حياة.

‏رمضان مدرسة،
‏ومن صدق فيه… حمل روحه معه بعده.

‏فلا تجعل أمنيتك أن يبقى رمضان،
‏بل اجعل همّك أن تبقى أنتَ كما كنتَ في رمضان:

‏قريبًا من الله،
‏خفيف القلب،
‏كثير الذكر،
‏سريع الرجوع،
‏مُقبِلًا لا مُدبرًا.

‏إذا خرج رمضان وبقي فيك أثره…
‏فقد دام لك رمضان وإن انتهى الشهر .

أذكار الصباح.

اللهم لاتشغلنا بسواك واجعل شغلي بك يغنيني عن محبة غيرك🤲🤍

أذكار المساء .

معنى العِتق من النيران الذي نُلِحُّ به في رمضان:
أن يَهديك الله في رمضان هدايةً تستمر بعده وحتى الممات، فترجح حسناتك عن سيئاتك عند الموت، فتفوز!

- د. خالد أبو شادي.

يا ربّ
علىٰ بابكَ يقف عبدكَ الذلِّيل، قليل الحيلة، ضعيف النَّفس، كثير الذُّنوب!
يسألك الهُدىٰ، وصدق التَّوبة، وثبات الخُطىٰ، وهدأة الأنفاس، وشيءٌ انت بهِ عليم."!

"‏إذا لم يختم المسلم القرآن تلاوةً في رمضان شهر القرآن، فلن يختمه في سائر السنة إلا أن يشاء الله، وعدم الختم خذلان يستوجب إدامة الدعاء بكشف الغُمَّة ورفع الغفلة عن القلب".

أذكار الصباح.

تسبيحةٌ في رمضان خيرٌ من ألفِ تسبيحةِ في غيرِه.

- الإمام الزهري.

أذكار المساء .

‏"رَّبُّكُمْ أَعْلَمُ بِكُمْ"

الآية دي بتغمرني بالسَّكِينة والطُمأنينة دايمًا.

يقول السعدي فِي تفسيرها:
"هوَ أَعْلَمُ بِكُمْ مِنْ أنفُسِكُم، فلذلك لا يُريد لكم إلا ما هو الخير، ولا يأمُركم إلا بما فيه مصلحة لكم وقد تريدون شيئًا والخيرُ في عكسه"

فيه حاجة ممكن تخلينا نطمئن أكتر من كدة؟

في القرآن نجاتك!
تمسك بالقرآن، ومتفوتش يوم من غير تدبر حتى لو الكمية قليلة >> الأهم الاستمرارية.

ومن الحاجات اللي هتساعدك تستمر إن لو فاتك في يوم وِرد تدبر القرآن اللي إنت محدده لنفسك >> عوّضه بعدها ومتسيبهوش يقع منك.

قال ﷺ: "مَن نامَ عن حِزْبِهِ، أوْ عن شَيءٍ منه، فَقَرَأَهُ فِيما بيْنَ صَلاةِ الفَجْرِ وصَلاةِ الظُّهْرِ؛ كُتِبَ له كَأنَّما قَرَأَهُ مِنَ اللَّيْلِ".

فتمسك بالقرآن مش بس عشان هيصلحك أو عشان الأجر والثواب، ولكن عشان كمان فيه نجاتك من الفتن.

حذيفة بن اليمان رضي الله عنه لما سأل النبي ﷺ عن الاختلاف والفُرقة اللي هتحصل بعد وفاته ﷺ وإزاي ينجو من الفتنة دي فقاله ﷺ: "تعلَّمْ كتابَ اللهِ واتَّبِعْ ما فيه"..

والرسول ﷺ رجّع سبب حدوث الفتن دي لعدم تدبر القرآن فقال: "سيكونُ في أُمتي اختلافٌ وفرقةٌ، قومٌ يُحسنون القيلَ ويُسيئونَ الفعلَ، يقرأونَ القرآنَ لا يجاوزُ تراقِيهم، يمرُقون من الدينِ مروقَ السهمِ منَ الرَّميَّةِ…"

فمتخليش قرآتك للقرآن في وادي وأخلاقك وسلوكك في وادي تاني!

وتدبر واقرأ القرآن؛ عشان تتغير، وينصلح حالك، وينضبط سلوكك، وتنجو وتفوز في الدنيا والآخرة.

#في_القرآن_نجاتك
#القلب_والقرآن

‏وامنن عليَّ بلطفك في كل خطوة
‏وامنن عليَّ بقرّة عينٍ غير منقطعة
‏وارزقني نور البصيرة
‏ووفقني للخير
‏الخير الذي ترضاه لي وتحبه
‏وارضَ عني رضًا لا أشقى بعده أبدًا يا ربّ