‏حين تكسل عن قراءة القرآن تذكر أن:

‏الوجه الواحد: ٥٠٠٠ حسنة
‏الجُزء الواحد: ١٠٠ ألف حسنة
‏الختمة الواحدة : ٣ ملايين حسنة تقريبًا
‏والله يضاعف لمن يشاء !

‏اللهُمَّ بلِّغنا مانُود .. واجعل لنا دعوةً لا تُرد
‏وهب لنا رِزقاً لا يُعد .. وافتح لنا للجنَّةِ باباً لا يُسد.

أذكار المساء .

‏أتدري معنى أن تُعتق؟
‏لا تسمع للنارِ حسيسا، ولا تجد لها مسّا، ليس
‏ مَن قام كمن رقد، وليس من عمِل كمن زهد

‏اجتهد .. فإن العتق كل ليلة

‏ركعتين تحية المسجد
‏أربع ركعات العشاء
‏ركعتين سنة العشاء
‏ثمان ركعات التراويح
‏ثلاث ركعات الشفع والوتر

‏١٩ ركعة فيهن ٣٨ سجدة وبكل سجدة تُرفع درجة فى الجنة
‏كيف تضيع هذا الفضل!

‏استعن بالله وانهض للصلاة 🩵

الإسلام دين كله سلام نفسي وسكينة؛ ولذلك نهانا الله عن كل ما يعكر صفو علاقتنا بالله وبالآخرين، وعشان كده كان من ضمن ما نهانا عنه القرآن والسنة الجدال والمِراء بالباطل، حتى إنه من أكتر الصفات التي وُصِف بها الكافرون في القرآن الكريم!

قال تعالى: {...وَجَادَلُوا بِالْبَاطِلِ لِيُدْحِضُوا بِهِ الْحَقَّ فَأَخَذْتُهُمْ فَكَيْفَ كَانَ عِقَابِ}..

وقال تعالى: {وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَرِيدٍ}.

وربنا عز وجل قالنا إن الجدال هو طبع في البشر، فقد قال تعالى {وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِن كُلِّ مَثَلٍ ۚ وَكَانَ الْإِنسَانُ أَكْثَرَ شَيْءٍ جَدَلًا}، ولكن الطبع ده يمكن تهذيبه وإصلاحه بفضل الله.

▪︎ بس ليه الجدال صفة مذمومة؟
- لإنه صفة تصرف عن الحق وتُضِل صاحبها.

- لإنه غالبًا بيكون مقترن بالكِبر، وصاحبه بيكون هدفه الانتصار لنفسه حتى لو كان الحق مش معاه، والنبي ﷺ قال في ذلك: "...ومَن خاصمَ في باطلٍ وهو يعلَمُ لم يزَلْ في سخَطِ اللهِ حتَّى ينزِعَ..."

- لإنه أحيانًا بيكون هدفه إنه يقلل من الآخرين؛ عشان يرفع من قَدر نفسه أمامهم >> فتتزرع الأحقاد في قلوب المسلمين، وتزيد الخصومات، ويحصل فرقة وشتات بين صفوفهم.

وعشان كده ورد أكثر من حديث في الحث على البعد عن الجدال، فعن أبي أمامة رضي الله عنه قال: قال رسول الله ﷺ: "ما ضَلَّ قومٌ بعدَ هُدًى كانوا عليهِ إلَّا أوتوا الجدَلَ"، ثمَّ تلا رسولُ اللَّهِ ﷺ هذهِ الآيةَ {مَا ضَرَبُوهُ لَكَ إِلَّا جَدَلًا بَلْ هُمْ قَوْمٌ خَصِمُونَ}..

وقال ﷺ: "أنا زعيمٌ ببيتٍ في رَبَضِ الجنَّةِ لمَن تَرَكَ المِراءَ وإن كان مُحِقًّا..."

فادعي ربنا دايمًا إنه يرزقك قلبًا سليمًا منيبًا، ويرزقك حُسن الخُلق، ويجنبك الجدال والمِراء وكل ما هو مذموم.

#الجدال_والمراء
#الصفات_المذمومة_في_القرآن

اللهم إنها أيامٌ تمرُّ سريعة، فاجعل لنا فيها نصيبًا من رحمتك، واغفر لنا ذنوبنا، وبارك لنا في أعمارنا وأعمالنا، واجعل خير أعمالنا خواتيمها، وخير أيامنا يوم نلقاك.

أذكار الصباح.

"يا ربّ، إذا كانت نَسمةُ فجرِ الصيامِ تملأُ الروحَ طُمأنينة، فكيفَ بريحِ الجنّةِ وهي تجري في خلودِها؟ اللّهمّ لا تحرِمنا لذّةَ القرب، وجمالَ المستقر، وأعتق رقابنا من النّار."

‏{ فَأَمّا مَن ثَقُلَت مَوازينُهُ فَهُوَ في عيشَةٍ راضِيَةٍ }

- ومما يُثقل الميزان:
سُبحَانَ اللهِ وبحمدِهِ، سُبحَانَ اللهِ العظيم 🌿

لو راقبت نفسك والناس اللي حواليك هتلاقي إن أكتر حاجة مسيطرة علينا كبشر هي العَجلة أو الاستعجال! مستعجلين على رزق، مستعجلين على رفع بلاء، مستعجلين على نهاية طاعة!!

وعشان كده رب العزة وصف الإنسان وقال {...وَكَانَ الإنْسَانُ عَجُولا}..

وكل المواضع اللي ذكر فيها القرآن العَجلة كانت كلها مواضع تنفير وذم كقول الله تعالى: {وَلَوْ يُعَجِّلُ اللَّهُ لِلنَّاسِ الشَّرَّ اسْتِعْجَالَهُمْ بِالْخَيْرِ لَقُضِيَ إِلَيْهِمْ أَجَلُهُمْ...}.

▪︎ لكن هل سألت نفسك ليه العَجلة مذمومة كده؟
- في الحقيقة العجلة بتيجي للإنسان لما يكون قلبه مُقبِل أوي على الدنيا ومُتعلِق بيها.

- وكمان الإنسان العجول صعب يشغل عقله بشكل كامل وصحيح؛ فحكمه على الأمور بيكون غالبًا خاطئ، وممكن كمان ياخد قرار سريع وغير مدروس في أمر مهم ويندم عليه بعد كده.

- ده غير إن تحمله للصعاب بيكون ضعيف جدًا؛ فبيقع في التسخط وعدم الرضا.

- وكمان بيفقد خير كتير لما يستعجل في أداء عبادة معينة وميقدرش يصبر عليها زي إنه ينهي صلاته بسرعة أو يقرأ قدر قليل جدًا من القرآن.

وعشان كده لازم كل مؤمن يتعلم الحِلم والأناة والصبر؛ لأن الصفات دي بتساعد الإنسان إنه يجتاز مواقف وصعاب كتير في حياته بنجاح، ويطلع منها بأكبر مكسب ممكن بفضل الله..
ويكفيك قول النبي ﷺ: "ومَن يَتَصَبَّرْ يُصَبِّرْهُ اللَّهُ، وما أُعْطِيَ أحَدٌ عَطَاءً خَيْرًا وأَوْسَعَ مِنَ الصَّبْرِ".

#العجلة
#الصفات_المذمومة_في_القرآن

أكثر من الصلاة والسلام على الحبيب المصطفى ❤️

أذكار المساء .

لو راقبت نفسك والناس اللي حواليك هتلاقي إن أكتر حاجة مسيطرة علينا كبشر هي العَجلة أو الاستعجال! مستعجلين على رزق، مستعجلين على رفع بلاء، مستعجلين على نهاية طاعة!!

وعشان كده رب العزة وصف الإنسان وقال {...وَكَانَ الإنْسَانُ عَجُولا}..

وكل المواضع اللي ذكر فيها القرآن العَجلة كانت كلها مواضع تنفير وذم كقول الله تعالى: {وَلَوْ يُعَجِّلُ اللَّهُ لِلنَّاسِ الشَّرَّ اسْتِعْجَالَهُمْ بِالْخَيْرِ لَقُضِيَ إِلَيْهِمْ أَجَلُهُمْ...}.

▪︎ لكن هل سألت نفسك ليه العَجلة مذمومة كده؟
- في الحقيقة العجلة بتيجي للإنسان لما يكون قلبه مُقبِل أوي على الدنيا ومُتعلِق بيها.

- وكمان الإنسان العجول صعب يشغل عقله بشكل كامل وصحيح؛ فحكمه على الأمور بيكون غالبًا خاطئ، وممكن كمان ياخد قرار سريع وغير مدروس في أمر مهم ويندم عليه بعد كده.

- ده غير إن تحمله للصعاب بيكون ضعيف جدًا؛ فبيقع في التسخط وعدم الرضا.

- وكمان بيفقد خير كتير لما يستعجل في أداء عبادة معينة وميقدرش يصبر عليها زي إنه ينهي صلاته بسرعة أو يقرأ قدر قليل جدًا من القرآن.

وعشان كده لازم كل مؤمن يتعلم الحِلم والأناة والصبر؛ لأن الصفات دي بتساعد الإنسان إنه يجتاز مواقف وصعاب كتير في حياته بنجاح، ويطلع منها بأكبر مكسب ممكن بفضل الله..
ويكفيك قول النبي ﷺ: "ومَن يَتَصَبَّرْ يُصَبِّرْهُ اللَّهُ، وما أُعْطِيَ أحَدٌ عَطَاءً خَيْرًا وأَوْسَعَ مِنَ الصَّبْرِ".

#العجلة
#الصفات_المذمومة_في_القرآن

"الفشل هو أن تفتحَ عينيك فتجد نفسك في حُفرةٍ من حُفرِ النارِ، ما دون ذلك فهو إخفاقٌ يمكننا القيام بعده".

«كل خسارة دون الجنة، فهي دون »

- د. عبد الرحمن ذاكر الهاشمي.

‏هل تعرف معنى: جزاك الله خيرًا؟

‏- بأن تدخل الجنّة
‏- بأن يُمتّعك الله بالنَّظر لوجهه الكريم
‏- بأن يهديك للصِّراط المُستقيم
‏- بأن يصرف عنك الشَّياطين
‏- بأن يبارك رزقك ويشمل المَال والأهل والصِحَّة والعِلم ..

‏لذلك قال رسول الله ﷺ:
‏«أبلَغ في الثَّناء من قال لأخيه جزاكَ الله خيرًا»

قيل لأعرابي :
أتحسن دعاء ربك؟
:قال: نعم، قيل: فادع
فقال:
«اللهم إنك أعطيتنا الإسلام
من غير أن نسألك
فلا تحرمنا الجنة ونحن نسألك»

أذكار الصباح.

كان أحد السلف أقرع الرأس، وأبرص البدن، وأعمى العينين، ومشلول القدمين واليدين.
وكان يقول: "الحمد لله الذي عافاني مما ابتلى به كثيرًا ممن خلق وفضلني تفضيلًا".
مر به رجل فقال له: مما عافاك الله؟
(أعمى وأبرص وأقرع ومشلول .. فمما عافاك)؟
فقال: ويحك يا رجل؛ جعل لي لسانًا ذاكرًا، وقلبًا شاكرًا، وبدنًا على البلاء صابرًا.

اللهم لك الحمد حتى ترضى ولك الحمد إذا رضيت ولك الحمد بعد الرضا.🤲🏻

أغلبنا هيقرأ النهاردة الجزء السادس من القرآن، الجزء اللي بيعمل أشعة مَقطَعيّة على القلوب، علشان نشوف أكتر مرض خبيث ممكن يُصاب بيه الإنسان؛ وهو العِناد والمُكابرة!

​في الجزء دا بنختم سورة النِّساء العظيمة، وبندخل على سورة المائدة اللي هي وثيقة الوداع وآخر ما نزل من الأحكام، وعندنا ٣ محطات أساسية.. لازم تفهمهم كويس جدًا، علشان الأشعة بتاعتك تطلع سليمة بإذن الله:

​١. المحطة الأولى - الجِدال والعِناد:
في أواخر سورة النساء، القرآن بيورّينا مشهد عجيب جدًا عن العِناد الأعمى، لمّا المُشركين وأهل الكتاب في زمن النبي ﷺ شافوا مُعجزات تقشعر الأبدان، فكان لازم ينزلهم مُعجزة مخصوصة بتلمس واقعهم، وهمّا أصلاً كانوا صنايعية في اللغة العربية، فالقرآن نزل يتحدّى صنعتهم وفصاحتهم، والتحدّى كان إنه بس يجيبوا ولو سورة واحدة بنفس فصاحة وبيان ودقّة القرآن.. وعجزوا تمامًا!

​بس لأن قلوبهم مقفولة ومريضة بالعِند والكبر، سابوا التحدّي اللي في ملعبهم، وراحوا يطلبوا طلب في قمة الاستفزاز والبجاحة، وقالوا للنبي ﷺ: إحنا مش مُقتنعين بالكلام دا، ولو عايزنا نؤمن بجد.. خلِّي ربنا ينزل علينا كتاب جاهز ومكتوب من السماء قدام عنينا علشان نمسكه بإيدينا: (يَسْأَلُكَ أَهْلُ الْكِتَابِ أَن تُنَزِّلَ عَلَيْهِمْ كِتَابًا مِّنَ السَّمَاءِ).

​والرد الإلـٰهي في الآية دي هيكشفلنا إن العِناد عندهم جينات متوارثة، وربنا -سُبحانه- طَمَّن النبي ﷺ علشان مايزعلش ولا يستغرب، وقاله دول أجدادهم طلبوا من مُوسى طلب أبجح وأعجز من كدا بكتير، دول قالوله: (أَرِنَا اللَّهَ جَهْرَةً) يعني إحنا عايزين نشوف ربنا بعنينا كدا وجهًا لوجه علشان نصدق!

​والنتيجة؟ (فَأَخَذَتْهُمُ الصَّاعِقَةُ بِظُلْمِهِمْ) لأن اللي بيشوف مُعجزة ويفضل يِجادل ويُراوِغ ويُكابر ويُطلب طلبات تعجيزية دا بيتسلَّى، ومابيفكرش أصلاً في الهُدى، ودي جينات وأمراض متوارثة وبتزيد مع الوقت والزمن.

​تعالى بقى أورّيك لقطة مُرعبة علينا إحنا، وماحدش بياخد باله منها:
إحنا بنشوف ناس حوالينا -وممكن نكون إحنا نفسنا- بنقع في الفخ وبنجادل في ثوابت الدين الواضحة وضوح الشمس، والآيات بتكون صريحة وقاطعة والسُنّة الشريفة بتكون مفسّراها بوضوح؛ سواء في المواريث، أو الحجاب، أو الربا، أو غض البصر، أو الزواج، وتلاقي الحُكم مفيهوش ذرة شكّ، ويطلعلك واحد مُحنّك على السوشيال ميديا أو التلفزيون ويقولك: النص دا محتاج قراءة عصرية، أصل الزمن اتغيّر والقرآن بيخاطب البيئة الصحراوية! وتطلعلك واحدة شديدة الحناكة وتقول: أصل ربنا ربّ قلوب، ومُستحيل يعاقبنا على حتة قُماشة على الراس أو معاملة بنكيّة!

​الناس دي يا جماعة همّا الامتداد الطبيعي لـ (أَرِنَا اللَّهَ جَهْرَةً).. هو مُشكلته مش في إن الآية مش واضحة، ولا إن الحُكم محتاج تفسير، لأن كدا كدا القصور عندنا إحنا، لكن هو مشكلته الحقيقية إن الحُكم مش جاي على مقاس دماغه، فبيلف ويدور ويجادل، لدرجة إن أغلبهم بيصنّف نفسه مُفكّر ومُثقّف علشان الهبدة تبقى مُحكَمَة وليها قِيمة!

​ولازم نقتنع تمامًا إن اللي قلبه سليم وبيدوّر على الحقّ بصِدق.. هتكفيه إشارة واحدة أو دليل واحد بس علشان يطاطي راسه ويقول: (سَمِعْنَا وَأَطَعْنَا).

​لكن المُجادل والمُكابر المريض بالعِناد والكِبر.. هيفضل يطلب تبريرات ويجادل بالباطل، ولو نزِّلتِله مُعجزة من السماء وشافها بعينه، هيقولك دا سِحر وتهيؤات، وهيفضل يراوغ لحد ما الصاعقة تلسعه، والصاعقة ممكن تكون انتكاسة في دينه أو حياة تعيسة، مش شرط كارثة مرئية.

​إيّاك حبيبي، وإيّاكِ أختي.. تِجادلي في ثوابت الدين، سَلِّم تَسْلَم، لأن العِناد مع ربنا آخرته -وربِّ الكعبة- مُهلكة، والدين ماينفعش أبدًا يكون تفصيل، ولو فيه حُكم خالِف هواك؛ إنت مش في مجلس الشعب علشان تناقِش وتتفاوض، تأدَّب.. أنت في حضرةِ ربِّ العالمين.

​٢. المحطة التانية - المَكيدة العُظمى:
في نفس سياق العِناد اللي اتكلِّمنا عنه، أواخر سورة النساء بتعرضلنا قمة الفُجور في الخصومة، وبتحكيلنا قصة السيدة مريم وسيدنا عيسى -عليهما السلام- علشان تصحح وتثبِّت عقيدتنا.

​أُمِّنا السيدة مريم -أطهر نساء العالمين- ربنا اختارها لمعجزة محصلتش قبلها ولا هتحصل بعدها، وهي ولادة سيدنا عيسى بدون أب، زي ما ربنا خلق آدم بدون أب ولا أم علشان يُثبت طلاقة قدرته المُطلقة، وكالعادة.. ​المُعاندين بدل ما يشوفوا المعجزة ويسجدوا لله، عملوا إيه؟

عملوا أكبر حملة تشويه في التاريخ، واتهموا السيدة مريم اتهام بشع، وخاضوا في عِرضها وهي من بيت النبوة الطاهر: (وَبِكُفْرِهِمْ وَقَوْلِهِمْ عَلَىٰ مَرْيَمَ بُهْتَانًا عَظِيمًا).

​وهنا لازم نُقف وقفة مؤثرة جدًا في نفسي..
السيدة مريم كانت في موقف مُرعب، لوحدها، والمُجتمع كله بيهاجمها وبيغتابها بأبشع الاتهامات، بس هنا ربِّ العزة مابيسيبش أولياءَه في المِحن، ربنا ألهمها بالسكوت.