အလင်းမဝင်မီ စစ်အုပ်စု လက်အောက်မှာ စစ်သားအဖြစ် တစ်နှစ်ကျော်ကြာ လုပ်ကိုင်ခဲ့ရတယ်လို့ တပ်သား သက်ဇော်ဦးက ပြောပါတယ်။

ပြီးခဲ့တဲ့ ဖေော်ဝါရီလအတွင်း MDY-PDF ထံ အလင်းဝင်လာတဲ့ စစ်အုပ်စု တပ်သား နှစ်ဦးရှိခဲ့ပြီး ဖေဖေါ်ဝါရီ(၉)ရက်က  ပြည်သူ့ကာကွယ်ရေး တပ်မတော် (မန္တလေး)ထံ (MA-3) တစ်လက်၊ ကျည်ဘောက် သုံးဘောက်၊ ကျည် (၂၅၀) နဲ့ အလင်းဝင်ရောက်လာတဲ့ စစ်ကောင်စီ တပ်ဖွဲ့ဝင်တစ်ဦးကို ဂုဏ်ပြုဆုငွေ ပေးအပ် ခဲ့တယ်လို့ MDY-PDF က ထုတ်ပြန်ထားပါတယ်။

#MFP
#HlaingInfo

"(၂၇၆)တပ်ရင်းက ခိုးထားတဲ့ ဆိုင်ကယ်တို့၊ ကားတို့ကို အခု ထုတ်ရောင်းနေတယ်။ ခိုးတဲ့ အထဲမှာ (၂၇၆)က အဆိုးဆုံးပဲ။ (၂၇၆)တပ်ရင်းက လက်ထောက်ဗိုလ်ကြီး ---၊ ဒုအရာခံဗိုလ် စာရေး ---၊ ရုံးအုပ်၊ ဒု-အရာခံဗိုလ် --၊ တပ်ကြပ်ဗိုလ် ---၊ တပ်ကြပ်ကြီး၊ တပ်စာရင်းကိုင်တွေက ခိုးထားတဲ့ ဆိုင်ကယ် အဟောင်းတွေရော၊ အသစ်တွေရော၊  ကားတွေရော၊ ဖုန်းတွေရော၊  ထုတ်ရောင်းနေတာ တစ်လလောက် ရှိနေပြီ။ ခိုးထားတဲ့ ပစ္စည်းတွေကလည်း အများကြီးပဲ။ အရင်က မန္တလေးဘက် ကားတွေနဲ့ ဆင်း ရောင်းကြတာ။ အခုကျ မိုးမိတ်မြို့ထဲတင် ပေါ်တင် ရသလောက်ဈေးနဲ့ ရောင်းချနေတာ"  လို့ တပ်တွင်း သတင်းရင်းမြစ်က ဆိုပါတယ်။

မိုးမိတ်မြို့ကို တော်လှန်ရေး ပူးပေါင်းတပ်တွေက ဇန်နဝါရီ လကုန်ပိုင်းမှာ မြို့သိမ်းတိုက်ပွဲ ဆင်နွှဲခဲ့ရာ လေးရက်ကြာ မြို့ကို ထိန်းချုပ်ပြီးနောက် မြို့တွင်းက ပြန်ဆုတ်သွားလို့ ဇန်နဝါရီ(၂၇)ရက်နောက်ပိုင်း  စစ်အုပ်စုက မြို့ကို ပြန်လည် ထိန်းချုပ်ခဲ့တာ ဖြစ်ပါတယ်။

မိုးမိတ်မြို့ကို စစ်အုပ်စုက ပြန်လည် ထိန်းချုပ်ပြီးနောက် နေအိမ်တွေ မီးရှို့ဖျက်ဆီးသလို စစ်အုပ်စုနဲ့ အပေါင်းအပါတွေက နေအိမ်တွေ ဖောက်ထွင်းပြီး တန်ဖိုးကြီးပစ္စည်းတွေ သာမက သံတိုသံစပါ မကျန် ဖြုတ်ခိုးလို့ မြို့လုံးကျွတ် ပျက်စီးသွားပြီလို့ ဒေသခံတွေက ပြောပါတယ်။

မိုးမိတ်မြို့သိမ်းတိုက်ပွဲ ဖြစ်ပွားချိန် စစ်အုပ်စုက လေကြောင်းဗုံးကြဲတာနဲ့ တိုက်ပွဲတွေ ငြိမ်သွားချိန်အထိ စစ်အုပ်စုက ဆက်လက် ရန်ပြု အကြမ်ူဖက်နေလို့ မိုးမိတ်က ဒေသခံ လေးပုံ သုံးပုံဟာ မြို့ကို စွန့်ခွာသွားပြီး လက်ရှိအချိန်ထိ မြို့လုံးကျွတ်နီးပါး စစ်ပြေးနေရဆဲ ဖြစ်တယ်လို့ ဒေသခံတွေက ဆိုပါတယ်။

မိုးမိတ် တိုက်ပွဲတွေအတွင်း ဒေသခံပြည်သူ ရာနဲ့ချီကာ သတ်ဖြတ်ခံခဲ့ရပါတယ်။

မိုးမိတ်မှာ စစ်အုပ်စုရဲ့ ခြေမြန်တပ်ရင်း ခမရ(၃၄၈)၊ ဗန်းမော် စစ်ဆင်ရေး ကွပ်ကဲမှု ဌာနချုပ် (စကခ) (၂၁)၊ ခြေလျင်တပ်ရင်း ခလရ(၂၂၃) နဲ့ ခလရ (၂၇၆)တွေ အခြေချတပ်စွဲထားတာပါ။

ပြီးခဲ့တဲ့ ဖေဖော်ဝါရီ(၂၈)ရက်မှာတော့ စစ်အုပ်စုက မိုးမိတ်မြို့နဲ့ မဘိမ်းမြို့ကို စစ်အုပ်ချုပ်ရေး မြို့တွေ အဖြစ် ကြေညာ ခဲ့ပါတယ်။

မိုးမိတ်မြို့ကို ပြန်ထိန်းချုပ်ပြီး အောင်ပွဲခံနေတဲ့ စစ်အုပ်စုနဲ့ မီးရှို့ဖျက်ဆီးခံရတဲ့ မိုးမိတ်မြို့/Photo – CJ၊ စစ်အုပ်စု

#MFP
#HlaingInfo

ကျောက်တံတားရွာမှာ တိုက်ပွဲဖြစ်နေချိန် စစ်အုပ်စုက မတ္တရာ - မန္တလေးကားလမ်းကို ပိတ်ဆို့ထားပြီး မန္တလေးတော်ငခြေအနီးက ရွှေကျင်မြို့အဝင်ဂိတ်မှာ မြို့အထွက်ကိုသာ လက်ခံပြီး မြို့ထဲ အဝင်မလံဘဲ ပိတ်ဆို့ထားတယ်လို့ ကိုယ်တိုင်ကြုံရသူတွေက MFP ကို ပြောပါတယ်။

"မနက်က မန္တလေး သွားတော့ ဝသုန္တရ(ရွာ)မှာ ပိတ်မိနေတာ၊ ကျောက်တံတားနဲ့ လင်းမြွေချောင်း(ရွာ) ကြားလေ၊ ဝသုန္တရကို မြကံသာလို့လည်း ခေါ်တယ်၊ အဲ့နားမှာ ပိတ်မိတာ၊ အဲ့နားက မြို့ရှောင်လမ်းဘက်က မောင်းခဲ့ရတာ၊ မနက်(၄)နာရီ လောက်ထဲက ဖြစ်တယ်ကြားတယ်၊ ကျောက်တံတားမှာ၊ အခုတော့ ငြိမ်သွားပြီ၊ ကျောက် တံတား လမ်းဆုံ အရှေ့ဘက်က ချောင်းမကြီး အကျော်လေ၊ ချောင်းမကြီးရဲ့ ဘေးမှာ သူက ဘုန်းကြီးကျောင်းမှာ စစ်တပ်က တပ်စွဲထားတာ၊ အဲ့မှာ ဖြစ်တာ၊ စစ်တပ်ဘက်က အကျအဆုံး များတယ် ကြားတယ်"

တိုက်ပွဲဖြစ်စဉ်နဲ့ စစ်အုပ်စုရဲ့ လေကြောင်းဗုံးကြဲမှု တိုက်ခိုက်မှုကြောင့် ထိခိုက်သေဆုံးမှု အသေးစိတ် အခြေအနေတွေ ကိုတော့ MFP အနေနဲ့ မသိရသေးပါဘူး။

စစ်အုပ်စုဟာ မတ္တရာမြို့ အဝင်အထွက်ကိုလည်း ပိတ်ထားဆဲ ဖြစ်ပြီး မန္တလေး - မတ္တရာ - စဉ့်ကူး - သပိတ်ကျင်း - မိုးကုတ် ကားလမ်းတလျှောက် တိုက်ပွဲတွေကြောင့် လမ်းတွေ ပိတ်ဆို့နေဆဲ ဖြစ်တယ်လို့ ဒေသခံတွေက ဆိုပါတယ်။

လက်ရှိမှာ စစ်အုပ်စုက မန္တလေးမြို့ရဲ့ မြောက်ဘက်၊ မတ္တရာနဲ့ ပုသိမ်ကြီးနယ် ကျေးရွာတွေမှာ အင်အား ဖြန့်ကျက်ထားသလို မန္တလေး - မေမြို့ ကားလမ်း တလျှောက်မှာလည်း စစ်အုပ်စုက ဂိတ်တွေ တိုးချဲ့ဖွင့်ထားပြီး ကားလမ်းဘေးမှာ တစ်စုကို ငါးယောက်နှုန်း၊ (၁၀)ယောက်နှုန်းနဲ့ တပ်ဖျောက်ကာ နေရာယူထားယ်လို့ ဆိုပါတယ်။

ဇွန်(၂၅)ရက်မှာ စတင်တဲ့ ၁၀၂၇ စစ်ဆင်ရေး အပိုင်း(၂)နဲ့အတူ ဟန်ချက်ညီ စစ်ဆင်ရေးတွေ ဖော်ဆောင်နေပြီး မတ္တရာမြို့အနီးက ရေနံ့သာ ရဲစခန်း အပါအဝင် မတ္တရာနယ်ထဲက စစ်အုပ်စု စခန်း(၂၆)ခုကို သိမ်းပိုက် ရရှိထားပြီး ဆက်လက် ထိုးစစ်ဆင်နေတယ်လို့ ပြည်သူ့ကာကွယ်ရေးတပ်မတော်(မန္တလေး) MDY-PDF က ထုတ်ပြန် ထားပါတယ်။

ဇူလိုင်(၁၄)ရက် ဒီမနက် တိုက်ပွဲဖြစ်တဲ့ မန္တလေး - မတ္တရာ ကားလမ်းပေါ်က ကျောက်တံတားရွာ/Photo – G
#MFP
#HlaingInfo

“လွန်ခဲ့တဲ့ လေးလလောက်က ပျူခေါင်းဆောင် ကိုကျော်ဆန်းဝင်းက ပျူတွေကို အစည်းအဝေး ခေါ်တယ်တဲ့။ သူ ပိုက်ဆံထုတ်မယ့် အကြောင်းနဲ့ တကယ်လို့ ဆိုင်တွေ ဘာတွေကနေ ဝယ်မယ်ဆိုလည်း ဒီပိုက်ဆံနဲ့ လာဝယ်မယ်ဆိုရင် လက်ခံပေးဖို့ပေါ့။ ဆိုင်ကတော့ သူ့အိမ်ကဆိုင်နဲ့ သူ့အမျိုးတွေ ဖွင့်ထားတဲ့ဆိုင် နှစ်ဆိုင်ပဲ ရှိတာ‌။ ပိုက်ဆံက ထုတ်တာ ၁၀၀၀ တန်ရယ်၊ ၅၀၀၀ တန်ရယ်၊ ၁၀၀၀၀ တန်ရယ် ထုတ်တာတဲ့။ အခု ထွက်လာတဲ့ သူမှာ ၁၀၀၀ တန်တစ် ရွက်ပဲ ပါလာတာ” လို့ ဒေသခံကာကွယ်ရေးတပ်ဖွဲ့ တာဝန်ရှိသူက ပြောပါတယ်။

အဲဒီ မိတ္တူငွေစက္ကူ အတုတွေကို ကျေးရွာထဲရှိ လောင်းကစားဝိုင်းတွေမှာ အများဆုံး‌ အသုံးပြုပြီး ကျေးရွာထဲရှိ ဈေးဆိုင်တွေမှာလည်း ဝယ်ယူ အသုံးပြုကြတယ်လို့ ဆိုပါတယ်။

ကန်နီကျေးရွာဟာ အိမ်ခြေထောင်ချီရှိတဲ့ ရွာကြီးဖြစ်ပြီး ဖြစ်ပြီး ကန်နီရွာ ပျူစခန်းမှာ စစ်အုပ်စုနဲ့ပျူစောထီး အင်အား(၇၀)ခန့် အထိုင်ချတပ်စွဲထားတယ်လို့ ဆိုပါတယ်။ စစ်အုပ်စုဟာ မကွေးတိုင်းထဲက တခြားသော ပျူရွာတွေလိုပဲ ကန်နီရွာက ဒေသခံတွေကိုလည်း ပျူအဖြစ် လက်သပ်မွေးကာ လက်နက်ထုတ်ပေးထားတာ ဖြစ်တယ်လို့ ဆိုပါတယ်။

ကန်နီရွာ ဒေသခံတွေအနက် စစ်အုပ်စုကို ထောက်ခံသူတွေက ကျေးရွာအတွင်း ဆက်လက် နေထိုင်ကြပြီး လူဦးရေ (၃၀၀)နီးပါးကတော့ ဒေသခံ တော်လှန်ရေးတပ်တွေထဲ ဆက်သွယ်ခိုလှုံလာတယ်လို့ ဒေသခံ တော်လှန်ရေးတပ် တာဝန်ရှိသူက ပြောပါတယ်။

လက်ရှိမှာ တော်လှန်ရေး တပ်တွေကလည်း ကန်နီရွာ ပျူစခန်းဘက် ရိက္ခာပို့တဲ့ လမ်းကြောင်းတွေကို ပိတ်ဆို့ ဖြတ်တောက် ထားတာကြောင့် စစ်အုပ်စုနဲ့ပျူတွေ ရိက္ခာပြတ်ကာ ငတ်နေတယ်လို့လည်း ဆိုပါတယ်။

မြိုင်နယ် ကန်နီရွာမှာ ပျူခေါင်းဆောင်နာမည် တံဆိပ်တုံးထုထားတဲ့ မိတ္တူကူး ငွေစက္ကူ ၁၀၀၀ ကျပ်တန်/Photo - ပေးပို့

#MFP
#HlaingInfo

ပခုက္ကူကနေ ပေါက်ကို စစ်ကြောင်းထိုးနေတဲ့ စစ်အုပ်စုက တိုက်ခိုက်လို့ တော်လှန်ရေးရဲဘော် သုံးဦး ကျဆုံး၊ လက်နက်တွေ ဆုံးရှုံး၊

ဇူလိုင်လ ၆ ရက်

မကွေးတိုင်း ပခုက္ကူမြို့ကနေ
ပေါက်မြို့နယ်ကို ရိက္ခာပို့၊ စစ်ကြောင်းထိုးနေတဲ့ စစ်အုပ်စုက အလစ်အငိုက်ချောင်း စီးနင်းတိုက်ခိုက်လို့ တော်လှန်ရေးရဲဘော် သုံးဦး ကျဆုံးကာ လက်နက်တွေ ဆုံးရှုံးတယ်လို့ ဒေသခံသတင်းရင်းမြစ်က MFP ကို ပြောပါတယ်။

ဇူလိုင်လ ၆ ရက် မနက် ၅ နာရီခန့်က ပခုက္ကူမြို့နယ်၊ ကမ္မမြို့အနောက်ဘက် ပေါက်မြို့နယ်အစပ်က သာကြီးတောင်ရေနံမြေ အနီးမှာ စစ်အုပ်စုရိက္ခာပို့စစ်ကြောင်းရဲ့ အင်အား ၁၅၀ ခန့်ပါ ရှေ့ပြေးစစ်ကြောင်းနဲ့ တော်လှန်ရေးတပ်တွေ ထိတွေ့တိုက်ပွဲ ဖြစ်ပွားခဲ့တာလို့ ဆိုပါတယ်။

“အလွတ်ထိတွေ့ဖြစ်တာ၊ခွေးတွေ တတ်လာတာ မသိတာလို့ ပြောတယ်၊လေးဆယ့်ငါးမိနစ်လောက်ကြာချိန်ရှိတယ်၊ရန်သူဘက်ထိခိုက်တော့ မသိရသေးဘူးဗျ”

တိုက်ပွဲကြာချိန် တစ်နာရီခန့်အတွင်းမှာ တော်လှန်ရေးရဲဘော်သုံးဦးကျဆုံးခဲ့ကာ လက်နက်ခဲယမ်းတွေဖြစ်တဲ့ သေနတ်လေးလက်နဲ့ကျည်တွေ လည်း ဆုံးရှုံးခဲ့တယ်လို့ ဆိုပါတယ်။

စစ်အုပ်စု ဝါဒဖြန့်တယ်လီဂရမ်ချန်နယ်တွေမှာတော့ တော်လှန်ရေးတပ်တွေနဲ့ထိတွေ့တိုက်ပွဲဖြစ်ပွားပြီး တော်လှန်ရေးရဲဘော်သုံးဦးရဲ့ဓာတ်ပုံ‌နဲ့လက်နက်ခဲယမ်းပုံတွေ ဖြန့်ထားပြီး  စစ်အုပ်စု တစ်‌ဦး ထိခိုက်ဒဏ်ရာရတယ်လို့ ဖော်ပြထားပါတယ်။

မေလကုန်ပိုင်းကတည်းက ပခုက္ကူမြို့ တပ်မ ၁၀၁ က ထွက်လာပြီး
ပေါက်မြို့နယ်ကို ဦးတည်နေတဲ့ ကားအစီးရေ ရနဲ့ချီ၊ အင်အား ရာနဲ့ချီပါတဲ့ စစ်အုပ်စု စစ်ကြောင်းကဟာ ကမ္မမြို့မှာ တစ်လခန့်ကြာအောင် နေခဲ့ပြီး ဇွန်လ ၂၅ ရက်က ပေါက်မြို့နယ်ဘက်ကို စတင်ထွက်ခွာတာဖြစ်ပြီး ပခုက္ကူနယ်နဲ့ပေါက်မြို့နယ် အစပ်က သာကြီးတောင် ရေနံမြေ‌ စခန်းအနီးကို  ရောက်ရှိနေတာဖြစ်တယ်လို့ ဆိုပါတယ်။

စစ်အုပ်စု စစ်ကြောင်းကြောင့် ပခုက္ကူနယ် အနောက်ခြမ်း ကမ္မမြို့နဲ့ ပေါက်မြို့နယ် ရေပြာကျေးရွာ လမ်းတလျောက် ကျေးရွာတွေက သောင်းနဲ့ချီတဲ့ ပြည်သူတွေ အိုးအိမ်စွန့်ခွာ စစ်ဘေးရှောင်နေကြရတာ တစ်လကျော်လာခဲ့ပြီး စားဝတ်နေရေးတွေ အခက်အခဲရှိနေကြပါတယ်။

မနေ့က မြိုင်နယ်နဲ့ပခုက္ကူနယ် အစပ်က အိုရင်းကျေးရွာကိုလည်း ပခုက္ကူတပ်မ ၁၀၁ က တက်လာတဲ့ စစ်အုပ်စု စက်တပ်လေထီးနဲ့ဗုံးကြဲတိုက်ခိုက်ခဲ့တာကြောင့် ပြည်သူတစ်ဦး ဗုံးစထိမှန်သေဆုံးခဲ့ပါတယ်။

ပခုက္ကူမြို့နယ်၊ ကမ္မမြို့အနောက်ဘက် ပေါက်မြို့နယ်အစပ်က သာကြီးတောင်ရေနံမြေ အနီးမှာ စစ်အုပ်စုရဲ့ တိုက်ခိုက်ခံရပြီး ဆုံးရှုံးသွားတဲ့ လက်နက်တွေ/Photo - စစ်အုပ်စု
#MFP
#HlaingInfo
#3SM
Jul -6 , 9:52PM
📬 သတင်းပေးပို့ရန် @myaing3starbot