မြိုင်တွင် စစ်ကြောင်း တိုက်ခိုက်ခံရမှု ဗိုလ်မှူးတစ်ဦးနှင့် စစ်သားလေးဦး ထပ်မံသေဆုံးဟုဆို

23 Aug 2024 By Ra Wai / MPA

မကွေးတိုင်း၊ မြိုင်မြို့နယ်တွင် ဩဂုတ်၂၁ရက်က PDF တို့၏ တိုက်ခိုက်မှုကြောင့် ဗိုလ်မှူးတစ်ဦးအပါအဝင် စစ်သားငါးဦး ထပ်မံသေဆုံးကြောင်း တွေ့ရှိရသည်ဟု မြိုင်ပကဖ ကဆိုသည်။

ယနေ့ (ဩဂုတ် ၂၃ရက်) နံနက် လေးနာရီခွဲခန့်က ကိုင်းတောမရွာသစ်သို့ ရောက်နေသော စစ်ကောင်စီစစ်ကြောင်းသည် သရက်ကန်ပျူရွာသို့ ပြန်လည်ဆုတ်ခွာသွားပြီးနောက် နယ်မြေရှင်းလင်းရေးဝင်ရောက်စဉ် ဗိုလ်မှူးမင်းသိန်းကျော်၊ တပ်ကြပ်ကြီးခင်မောင်လွင်၊ တပ်သားရဲရင့်သွေး၊ အမည်မသိတပ်သား နှစ်ဦးတို့၏ ရုပ်အလောင်းနှင့် ၈၁(မမ)အဖူး၊ ၄၀(မမအဖူး)နှင့် RPG အဖူးတို့ ထပ်မံသိမ်းဆည်းရရှိခဲ့ကြောင်းသိရသည်။

သတင်းအပြည့်အစုံဖတ်ရန် >>>> https://shorturl.at/LNaN4
Telegram Link - https://t.me/MPANews
Twitter Link - https://twitter.com/mmpressphoto
MPA English Website - https://mpapress.com/en

❐ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများ လွတ်မြောက်ရေး နည်းလမ်းမျိုးစုံသုံး ဆောင်ရွက်သွားမည်ဟု NLD ထုတ်ပြန်။

သြဂုတ် ၃၁၊ ၂၀၂၄။

ယနေ့ သြဂုတ်လ ၃၁ ရက်နေ့တွင် အမျိုးသားဒီမိုကရေစီအဖွဲ့ချုပ် ဒုတိယဗဟိုကော်မတီ၏ ကြားကာလစတုတ္ထအကြိမ်အစည်းအဝေးကို Zoom မှတဆင့် ပြုလုပ်ကျင်းပခဲ့ရာ အဆိုပါအစည်းအဝေးတွင် ဒေါ်အောင်ဆန်းစုကြည်အပါအဝင် နိုင်ငံရေးအကျဥ်းသားများအားလုံး ခြွင်းချက်မရှိ အမြန်ဆုံးလွတ်မြောက်ရေး နည်းလမ်းမျိုးစုံ အသုံးပြုကြရန် ဆုံးဖြတ်ခဲ့ကြသည်ဟု NLD က ထုတ်ပြန်ထားသည်။

အမျိုးသားဒီမိုကရေစီအဖွဲ့ချုပ် ဒုတိယဗဟိုကော်မတီ၏ ကြားကာလစတုတ္ထအကြိမ်အစည်းအဝေးကို သြဂုတ်လ ၃၁ ရက်နေ့ နံနက် ၉ နာရီတွင် ကျင်းပခဲ့ခြင်းဖြစ်ပြီး သဘာပတိအဖွဲ့ဝင် (၁) ဦး၊ ဗဟိုကော်မတီဝင် (၄၀) ဦး၊ အရံဗဟိုကော်မတီဝင် (၁၁) ဦး၊ တိုင်းဒေသကြီးနှင့် ပြည်နယ်အလုပ်အမှုဆောင် (၂၁) ဦး၊ ဗဟိုရေးရာကော်မတီများမှ (၂၀) ဦး၊ စုစုပေါင်း (၉၃) ဦး တက်ရောက်ခဲ့ကြကြောင်း သိရသည်။

အစည်းအဝေးတွင် NLD သဘာပတိအဖွဲ့ဝင် မန်းဂျော်နီက သဘာပတိအဖြစ် ဆောင်ရွက်ခဲ့ပြီး ဗဟိုအလုပ်ကော်မတီအပါအဝင် တိုင်းဒေသကြီးနှင့်ပြည်နယ်အသီးသီးမှ ဗဟိုကော်မတီဝင်များ၊ ဗဟိုရေးရာကော်မတီများမှ လုပ်ငန်းဆောင်ရွက်မှု အစီရင်ခံစာများ၊ အကြံပြုစာတမ်းများ တင်ပြဆွေးနွေးခဲ့ကြကြောင်း NLD ၏ ထုတ်ပြန်ချက်အရ သိရသည်။

အဆိုပါအစည်းအဝေးတွင် ဆုံးဖြတ်ချက် (၁၄) ချက်ကို ကန့်ကွက်သူမရှိ အတည်ပြုချမှတ်နိုင်ခဲ့ကြောင်း၊ ဆုံးဖြတ်ချက်များထဲတွင် စစ်အာဏာသိမ်းမှုကြောင့် ပေါ်ပေါက်လာသော မြန်မာ့နိုင်ငံရေးပြဿနာများကို ဖြေရှင်းရာတွင် NLD ဥက္ကဋ္ဌ ဒေါ်အောင်ဆန်းစုကြည်နှင့် တွေ့ဆုံဆွေးနွေးမှုမပါဝင်ဘဲ ပြေည်ရေးလမ်းစ ရရှိနိုင်မည်မဟုတ်ဟု ယုံကြည်သဖြင့် မတရားဖမ်းဆီးခံထားရသော ဒေါ်အောင်ဆန်းစုကြည်အပါအဝင် နိုင်ငံရေးအကျဥ်းသားများအားလုံး ခြွင်းချက်မရှိ အမြန်ဆုံးလွတ်မြောက်ရေး နည်းလမ်းမျိုးစုံသုံးပြီး ကြိုးပမ်းဆောင်ရွက်ကြရန်ဟူသောအချက် ပါရှိကြောင်း သိရသည်။

ထို့အပြင် စစ်ကောင်စီက ပြုလုပ်ရန်ကြံစည်နေသော ရွေးကောက်ပွဲကို မည်သည့်နည်းနှင့်မျှ အသ်အမှတ်ပြု၊ ပူးပေါင်းဆောင်ရွက်ခြင်မပြုရန်လည်း ဆုံးဖြတ်ခဲ့ကြကြောင်း ထုတ်ပြန်ချက်အရ သိရသည်။

ဆုံးဖြတ်ချက် ၁၄ ချက်အပြင် ဗဟိုအလုပ်ကော်မတီ၏ လုပ်ငန်းအစီရင်ခံစာကို အတည်ပြုပြီး တင်သွင်းလာသော အကြံပြုချက်များနှင့် အသွင်ကူးပြောင်းရေးကာလ ပြည်ထောင်စုဖွဲ့စည်းပုံအခြေခံဥပဒေ (တတိယမူကြမ်း) ကို မှတ်တမ်းတင်ခဲ့ကြောင်း သိရသည်။

သတင်းဓာတ်ပုံ - အမျိုးသားဒီမိုကရေစီအဖွဲ့ချုပ်

———————————

Subscribe to us on;

Telegram >>> https://t.me/towardsweeklynews

SoundCloud >>> https://soundcloud.com/towards-podcast

YouTube >>> https://www.youtube.com/@SiTho-Towards-Media

Website >>> https://towardsmedia.com