ထို့အပြင် ကေအဲန်ယူနှင့်သက်ဆိုင်သော သတင်းအချက်အလက်၊ ဓါတ်ပုံများနှင့် ရုပ်သံများကို အကြောင်း အရာ နှင့်မသက်ဆိုင်သော (သို့မဟုတ်) ပြည်သူလူထုကို ထင်ယောင်ထင်မှား ဖြစ်စေသော သတင်းများတွင် ဖော်ပြခြင်း မပြုရန်နှင့် ဗဟို၊ ခရိုင်၊ မြို့နယ်၊ ကျေးရွာအဆင့်ဆင့်တို့မှ လုံခြုံရေးအရ သတ်မှတ်ထားသော နေရာများဖြစ်စေ၊ ရိုက်ကူးခွင့်ပိတ်ပင်ထားသော နေရာများဖြစ်စေ၊ ခွင့်ပြုချက်တောင်းခံထားမှုတွင် မပါ၀င်သော အကြောင်းအရာ များတို့ကို ရိုက်ကူးခွင့်မပြုကြောင်းလည်း ထုတ်ပြန်ချက်တွင် ဖော်ပြထားသည်။

၎င်းထုတ်ပြန်ချက်နှင့်ပတ်သက်၍ လွတ်လပ်သောမြန်မာသတင်းမီဒီယာကောင်စီ-IPCM ၏ အတွင်းရေးမှူး ဦးတိုးဇော်လတ်က “မီဒီယာတွေနဲ့ သတင်းမီဒီယာဆို့စ်တွေနဲ့ အထူးသဖြင့် တိုင်းရင်းသားအဖွဲ့အစည်းတွေ၊ အသစ်ပေါ်လာတဲ့အဖွဲ့တွေကြားထဲမှာ တစ်ယောက်နဲ့တစ်ယောက် အပြန်အလှန် အဆင်ပြေချော မွေ့ရေးဆောင်ရွက်တာကြိုဆိုပါတယ်။ ဒါပေမဲ့ မလိုလားအပ်ဘဲနဲ့ self-censorship ကိုအားပေးတဲ့ဟာမျိုးကိုတော့ အားမပေးဘူး မကြိုက်ဘူးပေါ့ဗျာ။” ဟု မှတ်ချက်ပြုသည်။

IPCM အနေဖြင့်လည်း သတင်းမီဒီယာကျင့်ဝတ်များနှင့်လျော်ညီစွာ သတင်းရယူရန်နှင့် သတင်းရ ယူပိုင်ခွင့်ကန့် သတ်ခံရခြင်းတို့အပေါ် အဆင်ပြေချောမွေ့စေရန် နှစ်ဖက် ညှိနှိုင်းဆောင်ရွက်သွား မည်ဖြစ်ကြောင်း ဦးတိုးဇော် လတ်က ဖြည့်စွက်ပြောသည်။

ဆက်လက်၍ KNU ၏ သတင်းနှင့်ပြန်ကြားရေးမူဝါဒနှင့်စည်းကမ်းချက်များတွင် အဖွဲ့အစည်း၏ လုံခြုံရေး၊ ဂုဏ်သိ က္ခာနှင့် ပုံရိပ်ကို ထိခိုက်နစ်နာပျက်စီးဆုံးရှုံးစေမည့် ပြုမူလုပ်ဆောင်ချက်များကို ရှောင်ကြဉ်ရမည်ဖြစ်ကြောင်း၊ လိုအပ်ပါက ရိုက်ကူးထားသည့် ရုပ်သံများဖြစ်စေ၊ ဓါတ်ပုံများဖြစ်စေတာ၀န်ရှိသူများမှ စစ်ဆေးရန်တောင်းခံ လာပါက ရိုက်ယူထားသည်များကို ပြသပေးရမည်ဖြစ်ကြောင်းနှင့် KNU က ထုတ်ပြန်ထားသည့် ရုပ်သံများကို ပြန်လည်သုံးစွဲမည်ဆိုပါက ခွင့်ပြုချက်တောင်းခံ၍ credit ဖော်ပြပေးရမည်ဟုလည်း ပြောဆိုထားသည်။

အထက်ဖော်ပြပါ စည်းကမ်းများကို မလိုက်နာသည့် သတင်းထောက်နှင့်သတင်းမီဒီယာများ KNU ၏ Black list (အမည်ပျက်စာရင်း)သွင်းခြင်းအပြင် သတင်းမီဒီယာကောင်စီသို့လည်း တိုင်ကြား ခံရမည်ဖြစ်ပြီး သတင်းမှား များဖော်ပြပါက တောင်းပန်ရန်နှင့်အမှားပြင်ဆင်ချက်ဖော်ပြရန်လည်း ထုတ်ပြန် ချက်တွင် ဖော်ပြပါရှိသည်။

အလားတူ ကရင်နီပြည်ကြားကာလအုပ်ချုပ်ရေး‌ကောင်စီ-IEC ကလည်း ကရင်နီပြည်အတွင်း သတင်းယူရန် ရောက်ရှိလာသည့် ပြည်တွင်းပြည်ပမီဒီယာသမားများ IEC သို့ ခွင့်ပြုချက်တောင်းခံရန်၊ ကရင်နီ၏စစ်ဆင်ရေး၊ အုပ်ချုပ်ရေးကို ထိခိုက်စေသည်တို့ကိုရှောင်ရှားရန်နှင့် ကျင့်ဝတ်ထက်ကျော်လွန်လုပ်ဆောင်သော မီဒီယာများ သတင်းရယူခွင့်ပိတ်ပင်ခံရမည်ဖြစ်ကြောင်း ဧပြီလ(၁၆)ရက်နေ့က ထုတ်ပြန်သတိပေးခဲ့သည်။

Photo crd: The Guardian

#KIC
#HlaingInfo