።።ቅኔና--ውዳሴሽ።።
፨፨፨፨፨፨፨፨፨፨፨፨፨፨፨፨፨፨

ቅኔና ውዳሴሽ ምግብ መጠጣችን
ማር የሆነው ስምሽ የመንገድ ስንቃችን
ፍቅርሽ እንደ ዕሳት__ ይነዳል ውስጣችን
ንኢ ንኢ ስንል ባርኪን እናታችን።

ልቡ ያዘነውን አዳምን ሊያፅናና
ትካዜውን ሊቀብር__የሞቱን ጎዳና
ማደሪያው አድርጎሽ__የሰማዩ መና
አዳነው ክርስቶስ__ ይድረሰው ምስጋና
ከወጣበት ገነት___ ተመልሷልና።

ካንቺ ተወለደ__ ያለ ወንድ ዘር
የሔዋን እርግማን__ወድቆ ሊሰበር
ያሳታት ዲያቢሎስ__ሲዖል ሊታሰር
ሥጋ ለብሶ ታየ__ ወልደ እግዚአብሔር።

ሰው የሆነና በኛ ያደረ ቃል
ኢየሱስ ክርስቶስቅዱስ አማኑኤል
መሆኑን ነገረን__ነበዩ ኢሳይያስ
አየነው ተጽፎ__ በመጽሐፍ ቅዱስ።

ሰው ሆይ ደስ ይበልህ__ተነስ ለምስጋና
እግዚአብሔር ዓለሙን__እንዲሁ ወዷልና
በአንድ ልጁ እንድናምን
ልዑል ክንዱን ሰደደልን።

የነበረው የሚኖረው__የማያልፈው ለዘለአለም
ከላይ ወርዶ ሰጠን ሰላም
በሥራው ሁሉ አልተለየም
ወልደ እግዚአብሔር__ ወልደ ማርያም።

ቅድስት ሆይ ለምኝልን
በበደልነው እንዳይቀጣን
ለንሰሀ ዕድሜን ይስጠን
በኪዳንሽ ተማፀንን።

የእግዚአብሔር ቃል መለኮት
የለበትም ሦስትነት
አንድ ብቻ__ነው እውነት
የሥላሴ__ቸርነት።

እንደ አበው__ ባንበቃ
ስምሽ ሆኖን__ ዋስ ጠበቃ
ደስታችን ሆኖ__ሲቃ
ልመናችን ሰምሮ ባንቺ
አማለደሽን ሳትሰለቺ።

ተሰበሰብን ልንጠራሸ
ማርየም ሆይ ቆምን ደጅሽ
የዘለአለም ዓንባችን ነሽ
ዕርስታችን የወረስንሽ።

እመቤታችን ሆይ የቅዱስ ኤፍሬምን በረከት አሳድሪብን Amen
ኢትዮጵያን ሰላም አድርጊልን
ልመናችንን አሳ ርጊልን።

መ አብ ወወልድ ወመንፈስ ቅዱስ አሀዱ አምላክ አሜን!"
ጭውውት

ርዕስ፦ጊዜአችን ሳያልፈን ሰንበት ት/ቤት እንግባ
1,ሰንበት ተማሪ(ማኅሌት)
2, ዲያቆን(ፀጋያ 4,የሰንበትያልሆነ(ሙሉቀን) 3,ሰንበት ተማሪ(ሄለን 5,ፕሮቴስታንት (ዳኛቸው)
✝ትዕይንት አንድ✝
ማኅሌት: ሰላም ወንድሜ
ሙሉቀን: ሀይ ጀለስ! እንዴት ነሽ?ፒስ ነሽ?
ማኅሌት: እግዚአብሔር ይመስገን ደኅና ነህ
ሙሉቀን: አለን ምን አለብኝ ብለሽ ነው!
ማኅሌት: ሰላም
ሙሉቀን: ኧረ ጀለሰ ወዲያ ባይሆን እንደ አራዳዎች እንዲህ ሰላም በይኝ ቡሎ
(ወጣ ያለ የሰላም አሰጣጥ ያሳያታል)
ማኅሌት: ኧረ ኤዲያ ምንድን ነው ይሄ!
ሙሉቀን: አለም በሰለጠነችበት ወቅት እንደዚህ ስትዪ አታፍሪም?
ማኅሌት: ወንድሜ አንድ የማዋይህ ነገር ነበረኝ ፤ ፈቃደኛ ከሆንክ
ሙሉቀን: ዋው! ታዲያ ምን ቸገረሽ? ጨወታና ቀልድማ እወዳለሁ።
ማኅሌት: በመጀመርያ ስንተኛ ክፍል ደርሰኃል? ትምህርት እንደምትማር ስላወኩኝ ነው
ሙሉቀን: 10ኛ ክፍል ደርሻለሁ
ማኅሌት: ጎብዘሃል ቀጥልበት።ጨወታዬ በሰንበት ት/ቤት ዙርያ ነውና ሰንበት ት/ቤት ብንገባ ምን ይመስልሃል? ሁል ጊዜ ሳንቀር የቤ/ክርስትያት ኮርስ ብንማር መቼም አለማው ከት/ት ጋር አይጋጭም። እንዲያውም ጎበዝ ያደርግሃል።
ሙሉቀን: ኧረ አንቺ የምር ጌጃ ነሽ የምን ሰንበት ት/ቤት ነው ደግሞ?
ምኅሌት: ኧረ ተው ወንድሜ ይህ የወጣትነት ጊዜ ካለፈ በኋላ ተመልሶ አይመጣም። ካለፈህ በኋላ ብትቆጭ አታገኘውም። ለነፍስህ ስንቅ ከአሁን ሰንቅ?
ሙሉቀን: ሃሃሃ ትቆጫለህ በምንድነው የምቆጨው? የምትቆጪውሰ አንቺ ነሽ እኔማ ጊዜዬን ፏ ብዬ ተጠቅሜ አልፋለሁ? አንቺ ግን ሁሉን ነገር ሳትቀምሺው ታረጂና ይቆጭሻል።
ማኅሌት: ምን ጊዜም አይቆጨኝ አይገርምህም። ቤተክርስትያንን ዕወቅ ብዬሃለሁ ቤተክርስትያንን በአሁኑ ጊዜ እያቃጠሏት ካህናቱ እዬታረዱ ዝም ብለህ አትተኛ?
ሙሉቀን: በይ ይበቃሻል በወጣትነቴ ላይ አትምጭብኝ? በይ ሂጂ እኔ ደግሞ ስለ ፍቅር መስሎኝ የምታጫወተኝ ደስ ብሎኝ ነበር? እርሷስ አማረኛው ሁላ ጠፍቶባታል?ወጣትነቴ ተመልሳ የምትመጣ መሰላት እንዴ!
ማኅሌት: አዎ ወንድሜ ዛሬ ላይ ሰለቤተክርሰቲያን እንዲሁም ሰለፈተናዎቿ ልነግርህ ሞክሬያለሁ ነጌ ላይ አንገት ከመድፋት ይጠብቅህ ብቻ ግን ወንድሜ እግዚአብሔር ይርዳህ! የእግዚአብሔር ፈቃዱ ሁኖ ሰንበት ት/ቤት የምትከታተል እንድትሆን እመኝልሃለሁ!
ሄለን: ማኅሌት ሰላም ዋልሽ
ማኅሌት: አቤት እግዚአብሔር ይመሰገን
ሄለን: ከሰንበት ት/ቤት መርሃግብር አለ ተብሎ የለ እንዴ ነይ እንሂድ እንጂ
ማኅሌት: እሺ ይህን(ሙሉቀንን) እያናገርኩት ነበር አብረን እንድንሄድ ሳናግረው እንቢ አለኝ።
ሄለን: እኔም ሳናግረው አልሰማኝምኮ! አንድ ቀን ይመጣ ይሆናል
ማኅሌት ፡የለም ያ ቀን ዛሬ ነው ሰለ ነጌ የሚያወቅ ማንም የለም
ሄለን፡ እሱስ ልክ ነሽ የሚያስተውል ያስተውል
ማኅሌት: እሺ ሄሌዬ ስለ መንፈሳዊ ነገር እየተንነጋገርን ብንሄድ አይሻልም ?
ሄለን: እሺ!
ማኅሌት: ህይወት እንደት ናት?
ሄለን: ህይወት ምን አትልም! ከአንቺ ጋስ?
።
.✝ትዕይንት ሁለት✝

ሙሉቀን ሰልኩንን እየወጋጋ ዳኛቸው ያገኘዋል
ዳኛቸው: ሰላም ነህ ሙሉ ቀን
ሙሉቀን: Peace እንደት ነሽ! አለሽ
ዳኛቸው: ቅድም ከጎንህ ሁኜ እያዳመጥኩ ነበር እነዚህ ክርስትያኖች ምን እያሉህ ነበር?
ሙሉቀን: ዝም ብለው ያስቸግሩኛል ሰንበት ት/ቤት እንግባ እያሉ ይጨቀጭቁኛል
ዳኛቸው: ታዲያ አትገባም እንዴ?
ሙሉቀን: ወይ ጉድ አንቺም ልነዘንዥኝ ነው፣ምን አለበት ስለፍቅር ብታወሩኝ?
ዳኛቸው: እኔም አልማርም ግን ኮ አንተም አትሂድ እንግዳስ?
ሙሉቀን: ኧረ ተመቸሽኝ
ዳኛቸው: እኔ እምመክርህ ጌታን ተቀበል ይባርክሃልና
ሙሉቀን: ቆጣ ብሎ ዘፈኑን በመዝጋት የማነው ጌታ ደግሞ
ዳኛቸው: የሱስ ነዋ
ሙሉቀን: እኮ የማርያም ልጅ
ዳኛቸው: አዎን ጌታን ተቀብለህ ከአዳራሻችን ብትሄድ መንፈስ ይወርድልሃል
በሳምንት አንድ ጊዜ ብቻ ነው ጉባኤው ደግሞ!
ሙሉቀን: ይሄን የጠላው መሰለኝ ሁልጊዜ እንሂድ ሲሉኝ የበፊቶች!
ዳኛቸው: የኛ ምርጥ ነው የሱስ ይመስገን ሃሌ ሉያ
ሙሉቀን: እኔስ ልጠራጥርሽ ትንሽ ቀረኝ "ፕሮ" ነሽዴ በማርያም አማላጅነት አታምኑም ማለት ነው?
ዳኛቸው: እና መች ታማልዳለች?
ሙሉቀን: ምንድን?(በተቆጣ ድምፅ እጁን ሲያነሳ)
ዳኛቸው: ቆይ ተረጋጋና ማርያም አማላጅ ናት የሚል ከመፅሐፍ ቅዱስ አሳዬኝ!
ሙሉቀን: እኔማ ተምሬ አላውቅም ግን ማርያም አማላጅ መሆኗን ከልቤ አላወጣትም። ወይኔ(2(በመገረም)) በፊት እህቶቼ ሰንበት ት/ቤት እንማር ሲሉኝ እንቢ ብዬ አሁን ተጋለጥኩኝ በመናፍቃን? ብማር ኑሮ ለሚጠይቁኝ መልስ እሰጥ ነበር? ወይኔ(2) አሁንም ቅርብ ነው ሰንበት ት/ቤት ገብቼ በመማር ለሚጠይቁኝ መልስ እሰጣለሁ! ወይኔ ወይኔ ወይኔ ቆይ እኔ ባላቅም እህቶች ያውቃሉ ወደ እነሱ ልደውል ሄሎ ኧረ እህቶች ድረሱልኝ አንዱ መናፍቅ እያሰቸገረኝ ነው
ፀጋዬ:ሰላም ዋላችሁ?ምነው ፊትህ ተለዋውጧል ወንድም ሙሉቀን
ሙሉቀን:አዎ ማርያም አማላጅ ናት የሚል ከመፅሐፍ ቅዱስ አሳዬኝ ብሎ ጠይቆኝ ነው?
ፀጋዬ: ከእኔ እና ከእህቶቼ ጋር እንቀጥላለን ችግር የለም? ግን አንተም ለወደፊት ሰንበት ት/ቤት እዬሄድክ ተማር
ሙሉ ቀን: እሺ
ፀጋዬ: እመቤታችን አታማልድም ነው ያልከው ወንድሜ?
ዳኛቸው: አዎን
ፀጋዬ: አታማልድም የሚል ከመፅሐፍ ቅዲስ ታሳዬኛለህ?
ዳኛቸው: አይ አታጭበርብር አንተ ማማለዷን አሳዬኝ
ፀጋዬ: ለማጭበርበር ሳይሆን እንደሌለ እመን!
ዳኛቸው: እሺ አንተ ቀጥል:

ፀጋዬ: ወንድሜ እመቤታችን አማላጅ መሆኗን በዮሐ ምዕ 2 አንብብ?
ዳኛቸው: በልማ ጌታ አዋሪዷት የለምዴ እዚህ ምዕራፍ ላይ
ፀጋዬ: ሎቱ ስብሐት አንተ ጉድ እንዴት እናቱን ያዋርዳል ብለህ ታስባለህ! እናትና አባትህን አክብር ብሎ በዘፀ ምዕ 20 ያስተማረ አምላክ መሆኑን ልትኪድ ነውዴ? አንቺ ሴት ከአንቺ ጋር ምን አለኝ ማለቱ የክብር ንግግር ነው አጋንንት ኢየሱስ ወደ እነርሱ ሲሄድባቸው "ከአንተ ጋር ምን አለን ብለው መጮሃቸውን አሰታውስው አንዴ ?"
ዳኛቸው: አዎን! ግን ማክበርን ነው ኢየሱስ ያስተማረው እንዴት እናቱን ያዋርዳል ትክክል ነህ!
ፀጋዬ: አዎ ማማለድ እንደሆነ በዮሐንስ ወ 2፥1ጀምሮ ባለው ምዕራፍ ላይ አማልዳለች ይሄውልህ አስተውል በሰርጉ ላይ ክርስቶስ ,እናቱ ማሪያም እና ሐዋሪያቱ ነበሩ ታዲያ ለምን ለፈጣሪ አልነገሩም አየህ የተነገረው ግን ለድንግል ማሪያም ነው ምክንያቱም አማልዳ ከፈጣሪ ሁሉን ሰለምታሰጥ ነው ሌላው ድንግል ክብሯ ታላቅ ነው ለዚህም እኮ ዮሐንስ በራዕይው እንዲህ ያለው
“ታላቅ ምልክትም በሰማይ ታየ ፀሐይን ተጐናጽፋ ጨረቃ ከእግሮችዋ በታች ያላት በራስዋም ላይ የአሥራ ሁለት ከዋክብት አክሊል የሆነላት አንዲት ሴት ነበረች።”
— ራእይ 12፥1
ብሎ የተናገረላት ድንግል ማሪያም ናት።
ሰለዚህ ሁልጊዜ ሰንበት ት/ቤት እዬመጣህ የበለጥ ትማርና ከ3አመት ከ6ወር በኋላ ክርስትና ትነሳሃለህ።
ዳኛቸው: እሺ ደስ ይለኛል ለካስ እስከአሁን በተሳሳተ መንገድ ላይ ነበርኩ
ፀጋዬ፦በሉ ኑ ዋናው አምነህ መመለስህ ነው ወደ ቤተከርስቲያን እንሂድ ።
✝ተፈፀመ ✝

ወስብሐት ለእግዚአብሔር

ሰላም ለሀገራችን

🌺🌼አበባዮሽ🌺🌼

እሰይ /ደስ ደስ ይበለን/(፪)🌼
አዲሱ አመት መጣልን ደስ ደስ ይበለን

ሆ ብለን መጣን ሆ ብለን(፪)
ጌቶች አሉ ብለን🌻
ሆ ብለን መጣን ሆ ብለን(፪)
እሜቴ አሉ ብለን
ሆ ብለን መጣን ሆ ብለን(፪)
ዘመን መጣ ብለን
🌼🌼
አበባዮሽ - - - ለምለም(፪)
ባልንጀሮቼ - - - ለምለም
ግቡ በተራ - - - ለምለም🌼
በእግዚአብሔር መቅደስ - - - ለምለም
በዚያች ተራራ - - - ለምለም
እንድታደንቁ - - - ለምለም
የአምላክን ሥራ - - - ለምለም
ህይወት ያገኛል - - - ለምለም
እርሱን የጠራ - - - ለምለም

🌺አበባ አበባ ፈካ ዘመን ሲተካ(፪)🌼

አበባዮሽ - - - ለምለም (፪)
ክረምት አለፈ - - -ለምለም
ጨለማው ጠፋ- - - ለምለም
የመስቀሉ ቃል - - -ለምለም
ሆነልን ደስታ - - -ለምለም
እናገልግለው - - - ለምለም
ቤቱ ገብተን - - - ለምለም
ትንሽ ትልቁ - - - ለምለም
ተሰልፈን - - - ለምለም🌾

🌺አበባ አበባ ፈካ ዘመን ሲተካ(፪)🌼

አበባዮሽ - - -ለምለም(፪)
ያንን ኩነኔ - - - ለምለም
ዘመነ ፍዳ - - - ለምለም
የሞቱ በራፍ - - - ለምለም
ያ ምድረበዳ - - - ለምለም
ልክ አንደ ክረምት - - - ለምለም
ሄደ ተገፎ - - - ለምለም
ፀሐይ ወጣልን - - - ለምለም
ጨለማው አልፎ - - - ለምለም🌼

🌸አበባ አበባ ፈካ ዘመን ሲተካ(፪)🌺

አበባዮሽ - - - ለምለም(፪)
ይኸው መስከረም - - - ለምለም
ይኸው ፀሐይ - - - ለምለም
ንጉሡ ወርዶ - - - ለምለም
ከላይ ሰማይ - - -ለምለም🌼
አውደ ዓመት ሆነ - - - ለምለም
ደስታ ሰላም - - - ለምለም
ፍቅር ሲገለጥ - - - ለምለም
በአርያም🌿 - - - ለምለም

💐አበባ አበባ ፈካ ዘመን ሲተካ(፪)🌻

አበባዮሽ - - - ለምለም(፪)
ይኸው አበባ - - - ለምለም
ለምለም ቄጤማ🌾 - - - ለምለም
አዲሱ ዘመን - - - ለምለም
አምጥቷልና - - - ለምለም
በሩን ክፈቱ - - - ለምለም
መኳንንቶቹ - - - ለምለም
የክብር ንጉሥ - - - ለምለም
ይግባ ቤታችሁ - - - ለምለም

🌹አበባ አበባ ፈካ ዘመን ሲተካ(፪) 🌼

አበባዮሽ - - - ለምለም(፪)
ቤታችሁ ይሙላ - - - ለምለም
ሰላም ደስታ - - - ለምለም🌼
ሰጥቷችሁ እርሱ - - - ለምለም
የሁሉ ጌታ - - - ለምለም
ከዘመን ዘመን - - - ለምለም
ያሸጋግራችሁ - - - ለምለም🌺
የሽበትን ዘር - - - ለምለም
ይሸልማችሁ - - - ለምለም

🌼አበባ አበባ ፈካ ዘመን ሲተካ🌼

ይሸታል ዶሮ የእማምዬ ጓሮ
ይሸታል ጠጅ ጠጅ የአባብዬ ደጅ🌼

አብዬ ኧኸ አባብዬ
ደግሞም እማምዬ
መጣሁ ለሰላምታ🌺
ከቤት አሉ ብዬ
እንኳን ለአዲሱ ዓመት
አደረሰዎት ብዬ💐
🌼
ከብረው ይቆዩን ከብረው
የክብርን ወንጌል ሰምተው🌼
የበጉን ሥጋ በልተው
የአምላክን ፊቱን አይተው
ከብረው ይቆዩን ከብረው🌸

መዝሙር
🌺በዘማሪያን🌼
ወርቅነሽ ተፈራና ፅጌሬዳ ጥላሁን

<< በቸርነትህ ዓመትን ታቀዳጃለህ
ምድረ በዳውም ስብን ይጠግባል >>
መዝ ፷፭፥፲፩🌼

#ትንሽ_ቦታ
በዚህ ዓመት፤
ብንጣላ መታረቂያ
ብንታረቅ ለመጣያ
ትንሽ ቦታ መጠለያ
ትንሽ ብቻ መሰደጃ።
ምንአለበት፤
ለምንአልባት ብንተውለት!

ፍጹም መሆን ስለማንችል
ትንሽ ባዶ እንዋዋል፣በልባችን ደግ በኩል
ለአንጎላችን መላወሻ
ትንሽ ቦታ እንተውለት
"ምንአልባት" የምንልበት።

ልክ እንዳምና ለዚህ ዓመት
ብንጣላ መታረቂያ
ብንታረቅ ለመጣያ
ብንታሰር ይቅር ማያ
ይቅር ብንል መታሰሪያ
ትንሽ እንተው ባዶ ቦታ

ጥግ ድረስ የለም ሥራ፤ጥግ ድረስ የለም ፋታ
በልባችን ደግ በኩል፣እንፈልግ ባዶ ቦታ
የጳጉሜን ዓይነት ትንሽ ቦታ
ለዘመን መለዋወጫ።
#እንኳን_አደረሳችሁ
Bura negn

++ ሥነጽሑፍ - የንስሐ መነባንብ !

(ርዕስ - ተንስዑ ለጸሎት )

ያኔ... ከቅዳሴዉ ሥፍራ ከጸሎቱ ቦታ
ሠዎች ነጭ ለብሰዉ ሲቆሙ በተርታ ቄሱም ተንስዑ ሲል ልቤ ሲያመነታ
ተስዐለነ ለማለት አፌም አይፈታ።

ያኔ... ቃጭሉ ሲቃጨል ዜማዉ ሲንቆረቆር
ደዉሉ ሲደወል ጌታን ለማመስገን ሁሉም ሲወዳደር
ካህኑም ሲቀድስ ተንስዑ ሲል ገና
ተሰጥኦ ይመልሳል ተስዐለነ ይላል ህዝቡ በየተራ
ከአርያም መንደር ከቅዱሱ ሥፍራ ቅዱስ ቅዱስ ሲሉ ከመላእክት ጋር
እጣኑ ሲያርግ ዉዳሴዉ ሲሰማ
የኔ ልብ እዚያዉ ነዉ ከመላእክቱ ጋር አልሄደም ራማ ።

ያኔ... ሁሉም በየተራ አክሊሉን ሲቀዳጅ
ጸሎቱ ሲሰማ ከእግዜር ከአምላኩ ደጅ እመቤቴ ማርያም ጸሎቱን ስትሰማዉ ፊቱ እንደ ፀሀይ ሲያበራ ለሚያየዉ መልአክ ይመስላል እዚያ ሚያስቀድሰዉ
ጌታንዉን ለማምለክ ከሚንበረከከዉ
ከጽርሀ አርያም ልቡ ከደረሰዉ
ከዚያ ሁሉ ቅዱስ መስቀሉን በመሳል ልቡ ከሚያለቅሰዉ
እኔም ከዚያ አለዉ ከቶ ባለማፈር በመሀል ቆምያለዉ
በልቤ ሳልሰግድ በእግሬ እወድቃለሁ የእጣኑን ሽታ በዉስጤ ሳይሰርግ እንዲሁ ምገዋለሁ ።

ዛሬ... ከቅዳሴዉ ሥፍራ ከጸሎቱ ቦታ
መሔድ የለም አሉ ሁሌ ጠዋት ማታ የለም የካህን ድምፅ የሚስረቀረቀዉ ተንስዑ ለማለት አልቆመም ከቦታው
ህዝቡም የለም ከቶ ተስዓለነ አይል አይንበረከክም እንደድሮ መቶ
ቁርባን አይቀበል ቃጭልም አይሰማ
የለም የእጣን ጢሱ የለም ጎንበስ ቀና
መሐረነ ናፍቋል ቅዱስ ቅዱስ ማለት ከመላእክት ጋራ ።

ዛሬ ግን የኔ ልብ በጸጸት ይደማል የካህኑን ተንስዑ ሁሌም ይናፍቃል
ምንም ድምፅ ሳይሰማ ተስዓለነ ማለት በጣም ይዳዳዋል
የእጣን ጢሱን ሽታ በልቡ ይምጋል
ያኔ ባለመስማት ያጠፋዉን ጊዜ በብርቱ ይረግማል ።

ተንስዑ ሚለዉን ቃል ደጋግሞ ይሰማል
የካህናቱን ሥርዓት በልቡ ይስለዋል
አሁንም ደጋግሞ በጸጸት ይደማል
ብቻ ይምጣ ይላል ደግሞ የዚያን ጊዜ
አንዴ ብቻ አይደለም ተስዓለነ እላለሁ እልፍ አእላፍ ጊዜ
አምላኬ እባክህ አምጣዉ ያንን ጊዜ
ካህኑም ደግሞ ይበል ደግሞ ደጋግሞ ይበል ተንስዑ ለጸሎት ተንስዑ ለቅዳሴ።

መፅሐፍ ቅዱሳችን እግዚአብሔርን በዘፈን አመስግኑ ሲል ምን ለማለት ነው?

ሀ) ዘፈን ለምን ተከለከለ?
በኦርቶዶክሳዊ ተዋህዶ ቤተክርስትያን አስትምህሮ መሠረት ዘፈን መስማት፣ መዝፈንም ሆነ በዘፈኑ መጨፈር የተከለከለ ነው። ይህም የሆነው በሚከተሉት ምክነያቶች ነው። ዘፈን የአጋንንት ሥራ ነው። የአጋንንት ግብራቸው ዘፈን መዝፈን ነውና። መጽሐፍ ቅዱስ ስለዘፈን በግልፅ አነጋገር እንዲህ ይላል "በዚያም አጋንንት ይዘፍናሉ" በማለት ስለ አጋንንት ዘፋኝነት ይናገራል (ኢሳ.13:2)። አትዝፈኑ ማለት የአጋንንትን ሥራ አትሥሩ ማለት መሆኑን መረዳት አለብን። ይህን በተመለከተ መጽሐፈ መቃብያን ደግሞ እንዲህ ይላል:- "እየዘፈኑም ከአጋንንት ጋር ይጫወቱ ነበር። አጋንንትም ጫወታቸውንና ዘፈናቸውንም ሁሉ ያደንቁላቸው ነበር" (1ኛ.መቃ.36:27-28)። በዚህ አገላለጥ ደግሞ ለየት የሚለው አጋንንት ዘፋኞች ብቻ ሳይሆኑ ከዘፈን አድናቂዎች ጐራ መሰለፋቸው ነው። ታላቁ የቤተክርስትያናችን የሥረዓት መፅሐፍ "ፍትሐ ነገሥት መንፈሳዊ" ሥራን አስመልክቶ ሲናገር እንዲህ ይላል:- "ስለ ተግባረ ዕድ ግን በዓለም ከሚሠሩ ሥራዎች መንፈሳዊ ሕግን ከሚቃወም ሥራ በቀር ሁሉንም ሊሠሩ ይገባል። ... እንደ ዘፋኝነት፣ እንደ መጥፎ ጫወታ፣ በእግር እንደ ማሸብሸብ (ዳንስና ጭፈራ) ካልሆነ በቀር ነው።" (ፍት.ነገ.መን.አን. 23:820)። ይህ የአበው ቃል ዘፋኝነት በመንፈሳዊ እይታ እንደ ሥራ መቆጠር እንደሌለበት ያስረዳል።

ዘፋኝነት "የሥጋ ሥራ" በመሆኑ ኃጢአት ነው። የሚዘፍን የእግዚአብሔርን መንግስት ሊያይ አይችልም። (ገላ.5:21):: "በመንፈስ ተመላለሱ የሥጋንም ምኞት ከቶ አትፈጽሙ።" ተብሏልና (ገላ.5:16)። ዘፈን በመንፈሳውያን መጻሕፍት ተወግዟል። ሐዋርያት በዲድስቅልያ "ኢትኩኑ ዘፈንያነ" ~ "ዘፋኞች አትሁኑ" ብለዋል። (ዲድስ.አንቀጽ 7) ቅዱስ ጳውሎስ "በቀን እንደምንሆን በአግባብ እንመላለስ:: በዘፈንና በስካር አይሁን" ብሏል። (ሮሜ.13:13)። ቅዱስ ጴጥሮስ ደግሞ "በስካርና በዘፈን የተመላለሳችሁበት ያለፈው ዘመን ይበቃል።" ይለናል (1ኛ.ጴጥ.4:3)። መጽሐፈ ሐዊ ደግሞ "ከሰይጣን የተገኘ ነውና ዘፈንንና ዳንስን ከኛ ማራቅ ይገባናል።" ይለናል (መጽ.ሐዊ አን. 50)። ቅዱስ ዮሐንስ አፈወርቅ ደግሞ ከማዘዝ አልፎ ዘፈንን እንተው ዘንድ "ዘፈንን ትተዉ ዘንድ እማልዳችሗለሁ" በማለት ይማጸናል። (ተግ.ዘዮሐ.አፈ.28)። ዘፈንን አንተውም ላሉ ደግሞ መጽሐፈ ሐዊ "በዘፈን ጸንተው የሚኖሩ ይፈረድባቸዋል" በማለት ሲያስጠነቅቅ እናገኛለን። (መጽ.ሐዊ.አን. 12)::

ሁላችሁ ወዳጆቼ የእኛ ሳይሆን የእግዚአብሔር ቤተ መቅደስ የሆነውን ሰውነታችንን በከንቱ ዘፈን ዳንኪራ እና ጭፈራ አናርክሰው። እግዚአብሔር በባህርይው ንፁህ ይወዳልና ሰውነታችንን አንፅተን እንደተዘጋጀን የእርሱ ማደሪያ እና መቀደሻ እንድንሆን ፈቃዱ ይሁንልን።

ለ) መጽሐፍ ለምን በዘፈን አመስግኑ ይላል?
በኦርቶዶክሳዊት ተዋሕዶ ቤተክርስትያን አስትምህሮ መሠረት ዘፈን መስማት፣ መዝፈንም ሆነ በዘፈኑ መጨፈር የተከለከለ ነው። ይህም የሆነው ሐዋርያት እና ሊቃውንት እንዳስተማሩን በእግዚአብሔር የተወገዘ ስለሆነ ነው። በቤተክርስትያናችን ዘፈን የማይፈቀድባቸውን ምክንያቶች መጽሐፍ "በዘፈን የተመላለሳችሁበት ያለፈው ዘመን ይበቃል።" (1ኛ ጴጥ 4፤3) ይለናል። እንዲሁም ዘፈን የሥጋ ሥራና የዝሙት ማቀንቀኛ ስለሆነ ነው።( ማቴ14፤ 4 ገላ 5 ፣19 )።

ጥቂቶች ታዲያ የፅሁፉን መሰረታዊ ሀሳብ በጥልቀት ባለመረዳት እና ከመፅሐፍ ቅዱስ ላይም አገናዝበው ባለማስተዋል ተወዛግበውበታል። በተለይ በመፅሐፍ ቅዱስ በአንዳንድ ቦታዎች ላይ "እግዚአብሔርን በዘፈን አመስግኑ" የሚል ስለተፃፈ አሁን በየምሽት መዝናኛዎች (Night clubs) የምንሰማውን ዘፈን መልካም እንደሆነ በማሰብ በሌላም በኩል መፅሐፍ ቅዱስ ዘፈንን እንደሚደግፍ አድርገው ማስረጃ ሳይቀር እየጠቀሱ ሲከራከሩ እንሰማንለን።


በመፅሐፍ ቅዱስ "እግዚአብሔርን በዘፈን አመስግኑ" ለምን ተባለ? መዝሙር እና ዘፈን የሚሉት ቃላት በመፅሐፍ ቅዱሳችን በአንዳንድ ቦታዎች ላይ አንድ የሚያደርጋቸው ነገር አለ። ይሄውም ሁለቱም ቃላት "ኅለየ~ሃሌ ሃሌ" ከሚለው የግእዝ ግስ ትርጓሜ የወጡ ሰለሆነ ነው። የቤተክርስትያናችን የቀድሞ ሊቃውንት "ኅለየ" የሚለውን በአንድ በኩል "ዘመረ ፤ አመሰገነ" ብለው ሲተረጉሙት በሌላም በኩል "ዘፈነ" ይላል ብለው ያስተምራሉ። በተጨማሪም ሁለቱም ዜማ ያላቸው በመሆኑ ሊመሳሰሉ ይችላል። ከላይ እንደነገርኳችሁ ዘፈን እና መዝሙር የሚሉት በመጽሐፋችን ተለዋዋጭነት ስላላቸው በተለያዩ ቦታዎች ላይ በዘፈን አመስግኑ ተብሏል። ሁለቱ ቃላት የትርጉም ተወራራሽነት እንዳላቸው ምሳሌ እንስጣችሁ። "ስሙን በዘፈን ያመስግኑ፤ በከበሮና በመሰንቆም ይዘምሩለት" (መዝ 149:3)። በዚህ የእግዚአብሔር ቃል ላይ ያሉት ሁለቱ ዓረፍተ ነገሮች መልእክት በተመሳሳይ እግዚአብሔር የሚቀበለውን ስለማድረግ ነው። "በዘፈን" የተባለው ሥጋን ስለሚያስደስተው ሳይሆን በረከት ስለሚገኝበት መዝሙር መሆኑን ልናውቅ ይገባናል። "ይዝፈኑለት" እና "ይዘምሩለት" የሚሉት ቃላት የትርጉም ተወራራሽነት ባይኖራቸው ኖሮ በዚህ አግባብ መፅሀፍ ቅዱስን የሚጋጭ ነው ባልን ነበር። ከላይ "ስሙን በዘፈን ያመስግኑ" ብሎ ያስቀመጠው አሁን እኛ በሥጋና ደም በምናውቀው ወደ ስካር እና ዝሙት ስለሚስበው "አስረሽ ምችው" ሳይሆን እግዚአብሔር የሚቀበለው እና በረከት የሚገኝበት መንፈሳዊ መዝሙር ነው። "የእግዚአብሔር ታቦት ወደ ዳዊት ከተማ በገባ ጊዜ የሳኦል ልጅ ሜልኮል በመስኮት ተመለከተች። ንጉሡም ዳዊት በእግዚአብሔር ፊት ሲዘፍን ተመልክታ በልብዋ ናቀችው። እግዚአብሔርም ሜልኮልን እስክትወልድ ልጅ አልሰጣትም (መ.ሳ.ቀ 6:16-23)። በዚህም የመፅሐፍ ቅዱስ ክፍል ዘፈን የተባለው እግዚአብሔር የሚቀበለው እና የሚመለክበት ባይሆን ኖሮ ዳዊትን በዘፈኑ ያቃለለችው ሜልኮል ልጅ እንዳትወልድ ባልሆነች ነበር። የቤተክርስትያን አባቶቻችን ይሄንን ትክክል ያልሆነ ትርጓሜ በመረዳት በ2ሺህ ዓ.ም በብፁእ ወቅዱስ አቡነ ጳውሎስ የፓትርያርክነት ዘመን ከግሪኩ፣ ዕብራዊው፤ ግእዙ እና ከሰባው ሊቃናት መፅሐፍት በማመሳከር በታተመው መፅሐፍ ቅዱሳችን ተስተካክሎ ይገኛል። በመዝ 149: 3 እና በሌላም ክፍል ላይ "በዘፈን" የሚለውን " በሽብሸባ" ተብሎ ተስተካክሏል።

ይቆየን።

🌻🌻🌻🌻🌻🌻🌻🌻🌻
እንኳን አደረሳቹ 🌼
ለአዲስ ዓመት የሚሆኑ መንፈሳዊ ሥነ-ፅሑፎችን👉ግጥም፣ጭውውት፣ዜና፣መዝሙር፣ትረካ እና ሌሎችም የኪነ-ጥበብ ሥራዎችን የሚለቀቅበት መንፈሳዊ group 😍
ከታች ባስቀመጥንላቹ ሊንክ ገብታቹ ቻናላችንን ይጎብኙ 🙏 🌼መልካም አዲስ ዓመት🌼

አዲሱ ዓመት የሰላም
🌼🌼🌼 የፍቅር
🌼🌼🌼 የደስታ
🌼🌼🌼 የአንድነት
🌼🌼🌼 የመቻቻል
እንዲሆንልን መልካም ምኞታችን ነው
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻
👇👇👇
https://t.me/http7kidist

✨ዜና✨
🌻🌻🌻🌻🌻🌻🌻🌻🌻🌻🌻🌻
አዲስ ዓመት በመምጣቱ ጫማዎች ደስተኛ መሆናቸውን ተናገሩ፡፡
ከተለያየ ዓይነት ከኤርጌንዶ እስከ አንበሳ ጫማ ያሉ ጠቅላላ ጫማዎች ባካሄዱት ስብሰባ እና ባወጡት የአቋም መግለጫ እንደገለጹት ከሆነ የአዲስ ዓመት በዓል በመምጣቱ በጣም ደስተኞች ነን ሲሉ ገልጸዋል፡፡
የስብሰባው አስተባባሪ የሆኑት ሸራ ጫማ ጉባኤውን ለማካሄድ ያነሳሳችሁ ዓቢይ ዓላማ ምንድነው ተብለው ለተጠየቁት ጥያቄ ማብራሪያ ሲሰጡ እኛ ይህን ስብሰባ እንድናካሂድ እና ደስታችንን እንድንገልጽ ያደረገን ዋናው ምክንያት ወደ ቤተ እግዚአብሔር የምንመጣበት ጊዜ የለንም አለቆቻችን ከፅድቅ ይልቅ ኃጢአትን ወደ ቅድስና ስፍራ ከመሄድ ወደ ጭፈራ መሄድን ስለሚመርጡ እኛ አምላካችንን የምናመሰግንበት ጊዜ አጥተን ጨንቆን ነበር፡፡ነገር ግን በዚህ በሚመጣው አዲሱ ዓመት ምእመናኑ በወረት ወደ ቤተ ክርስቲያን ስለሚመጣ እኛም በዚያው በረከት ስለምናገኝ ነው ሲሉ ገልጸዋል፡፡በስተመጨረሻም አቶ ሸራ በሰጡት አስተያየት እባካችሁ የሰው ልጆች አምላካችሁን አትዘንጉ ቅድስናችሁን አታርክሱ እግሮቻችሁም እኛን ተጠቅመው ወደ ቤተ እግዚአብሔር ይገስግሱ ከኃጢአት ይሽሹ ለኛም በረከት ይትረፈን ሲሉ አስተያየታቸውን አጠናቀዋል፡፡
🌻

++ የመስቀል ሥነጽሑፍ !!

( መስቀል ኃይላችን ነው )

የነገር መስቀሉን መነሻ
የታሪኩን መዳርሻ
መርምራ ለማወቅ ብትሻ
እመቆስጠንጢኖስ ንግስት እሌኒ
ተደብቋት መቼ ቀረ
ምስጢር ሆኖ እንደተቀበር፡፡
በባዕድ ሃገር በኢየሩሳሌም
ሐይማኖቷን ደብቃ
ለእውነት ተነስታ ፀንታ ታጥቃ
ተራ ሰው መስላ ራሷን ንቃ
መስቀሉን አስቀድማ
ስታስፈልግ በገጠር በከተማ
ኪራኮስ እስራኤላዊው
በአምላክ ቃል እያፅናናት
የመስቀሉን ቦታ እየመራት
ደመራውን ደምራ
የዕጣኑ ጢስ ምልክት ሆኖ
መስቀሉ ተገኘ ተቆፍሮ
ምቀኞችን አሳፍሮ፡፡
ደውያንን እየፈወሰ
አንካሶችን እየረታ
ጎባጣዎችን እያነፃ
ዕውራንን እያበራ
ሙታንን እያስነሳ
ዜናው ተሰማ በዓለም ዙርያ፡፡
ጥበበኞች ነን ባዮቹ
የአይሁድ ካህናት ግብዞቹ
መጎብኘታቸውን ያላወቁ
ሰላማቸውን የናቁ
መዳኛቸውን የርሱ
በስራቸው የረከሱ
መስቀሉን ቢቀብሩትም
አልቻሉም ሊሰውሩት
ከእሌኒ ንግስት ሊሸሽጉት
ዝናውን ከቁስጠንጥንያ
ከዚያም አልፎ በኢትዮጵያ
እየተባለ ሃሌ ሉያ፡፡
እስኪ እኛም ይመርብን
የመስቀሉን ቃል እንዲያድርብን
በአዲስ ምስጋና በዝማሬ
ደመራውን እንደምር
ተሰባስበን በመስቀሉ ዙርያ
መስቀል ኃይላችን ነው
መስቀል ፅንአችን ነው
መስቀል ቤዛችን ነው
መስቀል የነፍሳችን መዳኛ ነው
እየተባለ እያሰተጋባ
እየተበተነ አደይ አበባ፡፡
🌻🌼🌻🌻🌼🌻🌻🌼🌻

፨መስቀሉ በፊቴ፨
=======✞========

የቀራኒዮ አርማ የፍቅር ሰሌዳ
የሰላም ብራና ቀለሙን የቀዳ
የድህነት ማህደሯ ጠቋሚ መሪዋ
እንቅፋት ነቃፊ አዳኝ ጠባቂዋ
የሰማዩ ንጉስ ስጋው ቆርሶባት
ደሙን አፍስሶ ላቡን ደቅኖባት
የትውልድን አረም ሊነቅል ከስሩ
ባሪያውን መስሎ ወረደ ከክብሩ።
ኤሎሄ ብሎ ጮኸ አምላክ ሆኖ ሳለ
የጠላትን መንግስት ንዶ እየጣለ
ደብዳቤውን ደምስሶ በችንካሩ ፋቀው
የዕዳው ፅሕፈት በደሙ ጠረገው።
በመስቀል የዋለ ጎልጎታ ያደረ
እባቡን ቀጥቅጦ አዳምን የማረ
ሄዋንን ከጭንቀቷ ጎትቶ ያወጣት
ልጆቿን ከሲኦል አትርፎ ከእሳት
በመስቀሉ ገፅ በችንካሩ ጫፍ
በእሾህ አክሊል ብሳት በከሳሾቹ አፍ
መከራው ሲፀና ስቃዩ ሲበረታ
ፊቱን በጥፊ ሶስት ጊዜ ሲመታ
የአምላካችን ፍቅር ከልብ የፈለቀ
ቢሆን ነው እንጂ ይቅርታው የላቀ።
በቃ!
ታዲያ ከመስቀሉ ወዲያ መገለጫ ለእኔ
ከወዴት ይገኛል ማረፊያ ለአይኔ?
ኧረ ከየት ይመጣል ተግዳሮቱን ሚያክል
የዕዳዬን ጣጣ በነፍሱ ሚከፍል።
ትምክህቱ ይራቅ ከጌታዬ መስቀል በቀር
አይኔ ሌላ አያይም ከቀራኒዮ መንደር
የመስቀሉን ፍቅር የሚያደንቀው አለ
ልቤ ላይ ከትሞ ነፍሴ እየነዋለለ።
የክርስቶስ መስቀል በፊቴ ተስሎ
እኔ እንድጠነክር እርሱ ስለኔ ዝሎ
የምሸከመውን እርሱ ተሸክሞ
ለኔ እንዲበራ እርሱ ላይ ጨልሞ
መስቀሉን ደረሰው ፍቅሩን እየፃፈ
የአመፃን ማዕበል በምሕረት ቀዘፈ
ቸርነቱ በዝቶ ቅጣቱ አለፈ።
➴ከእህተ ማርያም
መጋቢት 10 የጌታችንና የመዳኒታችን የኢየሱስ ክርስቶስ ቅዱስ መስቀል የተገኘበት ቀን ነው። ቀኑ በጾም ወረ ስለሆነ ወደ መስክርም17 እንዲከበር ተደርጓል ይህም ቁፋሮ የተጀመረበት ቀን ማለት ነው።

የደመራ ዓመት

መስቀል የከበረው ትናንት መስሏቸው
ያዩ ተገረሙ ክብሩ አስደንቋቸው
ትናንትና አይደለም የበራው ደመራ
ዘንድሮ ዓመት ፈጀ የመስቀሉ ሥራ

ስንት አይሁድ ተነሥተው መስቀሉን ቀበሩ?
ስንትስ እሌኒዎች ሊያወጡት ቆፈሩ?
ጅጅጋ ሲዳማ ውጡ ተናገሩ

ቤተ ክርስቲያን ልክ እንደ ደመራ
በእሳት ተለኩሳ ደምቃ ስታበራ
ካህናት ምእመናን እንደ ችቦ ነድደው
ስንቴ አከበሩት ለመስቀሉ ታርደው?

ስንት ጊዜ አፏጨ ዲያቢሎስ ተቆጣ
ስንት ሟርት ተሰማ ስንት ቁጣ መጣ?
በዕጣን ያልተገኘ ጌታ ያልሞተበት
ቅርፁ መስቀል ሆኖ መዳን የሌለበት
የወንበዴው መስቀል መስቀሉ መስሏቸው
ስንቶች ትተው ሔዱ ከእሌኒ እናታቸው?

ዓለም የዳነበት መስቀሉን ጨብጦ
ስለዘር የሚሰብክ እጅግ ተመስጦ
የተቃጠለውን መቅደስዋን እያየ
"ራስሽን አድኝ" ሲል ሲስቅ የታየ
ዘንድሮ አይደለም ወይ አይሁዱ የለየ?

ዘንድሮ ከበረ ለአንድ ዓመት ደመራ
በማያቆም ጥቃት በማያቆም ሴራ
ቅድስት ተዋሕዶ በጭንቅ ተወጥራ
አባቶችዋን ከፊት እንደ ጦር ሰድራ
በልጆችዋ ጩኸት በገና ደርድራ

በሰማዕታትዋ ደም ተረጭታና ርሳ
በየአደባባዩ ምሕላን አድርሳ
በፓትርያርክዋ ዓይን በምሬት አልቅሳ
እንደ ራሔል ለአምላክ ዕንባዋን አፍስሳ

ለመስቀሉ ቀን ግን ነጭ ልብስዋን ለብሳ
እንደ ቆስጠንጢኖስ በድል ልትነሣ
አምላክዋን ከፍ አድርጋ ኀዘንዋን ልትረሳ
ተስፋ ያደረገችው በመስቀል ታድሳ

ዘንድሮ ነው በዓል ዘንድሮ ደመራ
በዚህ ዓመት ተገኘን ከመስቀሉ ሥፍra


✍እንኳን ለብርሃነ መስቀሉ በሰላም አደረሳችሁ አደረሰን መልካም በዓል 🕯
✍ ቡሩክ Ashebir

​​#በተለይ_ለኦርቶዶክሳውያን

አምልኮ/ምስጋና/ ማለት ክርስቶስ ራስ ለኾነላት ቤተ ክርስቲያን ለተባለችው አንዲት አካል ብልት ለመኾን የምንጋደልበት ሰማያዊ ሥርዓት ነው። ኦርቶዶክሳውያን በአምልኮ ጊዜ እርስ በእርሳችን ብቻ ሳይኾን ከመላእክትም ጋር ረቂቅ አንድነት አለን። "በሰላም ማሠሪያ (ይህን) የመንፈስ አንድነት ለመጠበቅ እንድንተጋም" ታዘናል። (ኤፌ.4÷3)።

ወደዚህ ሰማያዊ ኅብረት ይመጡ ዘንድም ለዓለም ኹሉ እንደ ሐዋርያቱ እንጮኃለን፤ "ወደ ክርስቶስ ኅብረት በሃይማኖት ኑ" እንላለን። "እናንተ ደግሞ ከእኛ ጋር ኅብረት እንዲኖራችሁ ያየነውንና የሰማነውን ለእናንተ ደግሞ እናወራላችኋለን። ኅብረታችንም ከአባት ጋር ከልጁም ከኢየሱስ ክርስቶስ ጋር ነው " እንዲል ሐዋርያው።
(1ኛ ዮሐ. 1÷3)።

ይህን በማድረግ ፈንታ ግን በማይመች አካሔድ ከማያምኑ ጋር መሰለፍ በሃይማኖታችን አይፈቀድም። ስለዚህ ማንም ኦርቶዶክሳዊ በሌላ ማኅበረሰባዊ ጉዳይ እንጂ በሃይማኖት ከማያምኑ ጋር ቢተባበር ራሱን ለካህን ያሳይ፣ በንስሐ ይመለስ።

ወንጌላችንም የሚለው የሚከተለውን ነው:-

"ከማያምኑ ጋር በማይመች አካሄድ አትጠመዱ፤ ጽድቅ ከዓመፅ ጋር ምን ተካፋይነት አለውና? ብርሃንም ከጨለማ ጋር ምን ኅብረት አለው? ክርስቶስስ ከቤልሆር ጋር ምን መስማማት አለው? ወይስ የሚያምን ከማያምን ጋር ምን ክፍል አለው?" (2ኛ ቆሮ. 6÷14-15)።

እኔም እላለሁ - ኦርቶዶክሳዊ ከኢሬቻ/ዋቄፈና ጋር ምን ኅብረት አለው?

+ የኢሬቻና የኢኩሜኒዝም አካሔድ መመሳሰል - ሌላው ሥጋት?

የዓለማዊነት (Secularism) አቀንቃኞች ከፖለቲካ ዲሞክራሲን ፣ ከምጣኔ ሀብት የነፃ ገበያ ኢኮኖሚን ፣ ከሃይማኖት ፕሮቴስታንቲዝምን ይመርጣሉ፣ ይደግፋሉ። እነዚህ ሦስቱም በዓለማዊነት አቀንቃኞች መደገፋቸው: ለአንድ ማኅበረሰብ በኹሉም መልክ ለዘብተኝነትን ( Liberalism) ስለሚያለማምዱ ነው። አንድ ማኅበረሰብእ ለዘብተኛ ከኾነ ደግሞ ቸልተኝነቱ ይጨምርና ኹሉን ችላ በማለት በእነርሱ ቁጥጥር ሥር ለመዋል ምቹ ይኾናል። ስለዚህ ለዚህ አካሔድ ወግ አጥባቂ (Conservative) ኾነው የሚያስቸግሯቸው ኦርቶዶክሶች ኹሉ (Orthodox Christians, Orthodox Jews, Orthodox Muslims) ጥርስ ውስጥ የገቡ ናቸው። በተለይ የኢትዮጵያ ኦርቶዶክስ ተዋሕዶ ቤተ ክርስቲያንን የመሰሉ በሥርዓትና በዜማ የደመቁ አብያተ ክርስቲያናትን ለዘብተኛ ለማድረግ በተሐድሶ እንቅስቃሴና በተለያዩ መንግሥታዊ ተጽዕኖዎችም ጭምር እንዲጎዱ ተደርጓል።

ለዚህ ለዓለማዊነት እንቅስቃሴ የተሸረበው ሌላው ሴራ ደግሞ (ምንም እንኳን ጠቃሚ ጎን ቢኖረውም) የኢኩሜኒዝም (Ecumenism) እንቅስቃሴ ነው። ይህን እንቅስቃሴ በቅርቡ እነ ዶክተር ወዳጄነህን የመሳሰሉት እንደሚከተሉት በግልጽ አስረድተው ነበር። በዚሁ እንቅስቃሴ ስም የሚንቀሳቀሱት አንዳንዶች ታዲያ "ከኹሉም ሃይማኖት ጥሩ ጥሩውን ፣ የጋራውን እንውሰድ" በሚል መርሕ ሌላ ዓይነት ፕሮቴስታንቲዝምን ይዘውና ሃይማኖትን በልካቸው አበጅተው ብቅ ብለዋል። ይህንን የሚደግፉት በዋናነት ግላዊነትን የሚያበረታቱት ፕሮቴስታንቶችና ዓለማውያን ናቸው።

ኢሬቻም የዚሁ ኮፒ እየኾነ ነው። በኦሮሞ ፕሮቴስታንቶችና በፕሮቴስታንታዊው ኦዲፒ ከሞላ ጎደል ካለ ምንም ማንገራገር ይደገፋል። ኢኩሜኒዝም በክርስትና ስም የሚንቀሳቀሱትን ማዕከል ያደረገ ቢሆንም፣ ኢሬቻ/ዋቄፈና ደግሞ ሙስሊሙንም፣ ኦርቶዶክሱንም ፣ ፕሮቴስታንቱንም ማዕከል አድርጓል። ይህም በተለይ ኦርቶዶክሱን በኦሮሙማ ስም ከኦርቶዶክሳዊነት ለማለዘብ የተነደፈ ሴራ ይመስላል።

"ምን ችግር አለው?" የሚል ለዘብተኛ ኦርቶዶክስ ደግሞ በስም እንጂ በግብር የቤተ ክርስቲያን ሊኾን አይችልም። ስለዚህ በተለይ የኦሮሞ ኦርቶዶክሳውያን ትልቅ አስተዋይነትን የሚጠይቅ ጊዜ ላይ እንዳላችሁ ልትገነዘቡት ይገባል። ከኦርቶዶክሳዊነትና በተወዳጅ ባሕል ስም ከመጣ ሌላ እምነት መካከል ያላችሁ የምትወስኑበት ጊዜ እንደኾነ ይሰማኛል።

ኹለቱንም መኾን አይቻልም። ወይ ከጊዜ በኋላ በቅርቡ የሚበርደውን የወቅቱን ሞቅታ መምረጥ ወይም ደግሞ ካለችበት ከፍታ ላይ ሳትወርድ ለዘመናት የኖረችውን ተዋሕዶን መምረጥ ያሻል።

እግዚአብሔር ቤተ ክርስቲያናችንንና ምዕመኖቿን፣ ሀገራችንንና ዜጎችን ይጠብቅልን። አሜን።

የከበሮ ምሳሌ

~ቤተክርስቲያናችን በዘፈቀደ የምትመራ አይደለችም
ስርአቷን ጠብቃ በሚስጥርና በማስተዋል በመመርመር
የምትተዳደር ናት እንጅ።
==>የከበሮ አመታት፦ ከበሮ ሲመታ ቀጥ ተብሎ
አይመታም፤ መዘምራን ግራና ቀኝ እያሸበሸቡ ይመታሉ
ይህም ጌታ ከሐና ቀያፋ ፤ ከቀያፋ ወደ ጲላጦስ
ያደረገውን እንግልት ያስታውሰናል።
==>ከበሮ መጀመሪያ በርጋታ ይመታና በፍጥነት
ይዘዋወራል ይህም ጌታችንን አይሁድ እንደያዙት
መጀመሪያ በቀስታ እየዘበቱ ይመቱት ነበር፤ በኋላ ግን
ጲላጦስ ተመራምሮ ነፃ ሳያወጣው የሰንበት ቀንም
ሳይገባብን ኑ እንደብድበው የማለታቸው ምሳሌ ነው።
==>በማሕሌት ላይ ከበሮው መሬት ላይ ተቀምጦ ሲመታ
ጌታችን መሬት ላይ ወድቆ መንገላታቱን ለማሳየት ነው።።።
።።።።። ።።።።።።።የከበሮ 2 ክፍሎች
==>ከበሮ ስታስቀምጡ ሁልጊዜ ሰፊው አፍ ወደ ላይ
መሆን አለበት፤ ትንሹን ክፍል ወደ ላይ ካስቀመጥን ግን
ስህተት ነው።
==>ሰፊው የከበሮ ክፍል የመለኮት ምሳሌ ነው፤ ይህም
የጌታችንን የባህርይ አምላክነትና ምሉዕ በኹለሄ መሆኑን
ለሥልጣኑ ወሰን ድንበር እንደሌለው የሚያስታውሰን ነው።
==>ጠባቡ የከበሮ ክፍል ደግሞ የትስብእት ምሳሌ ነው፤
ይህም ጌታችን በጠባብ ደረት በአጭር ቁመት ተወስኖ
ሥጋን ተዋህዶ መገለጡንና የዮሐንስ ወንጌልን
ያስታውሰናል

==>በመጀመሪያ ቃል ነበረ ቃልም በእግዚአብሔር ዘንድ
ነበረ “ቃልም እግዚአብሔር ነበረ … ቃልም ሥጋ
ሆነ” [ዮሐ. 1-14]
==>ከበሮ የሚለብሰው ልብስ አይሁድ ጌታችንን በእለተ
አርብ ያለበሱት የቀይ ከለሜዳ አና እንዲሁም አይኑን
የሸፈኑበትና በጥፊ እየመቱ ትንቢት ተናገር ማን መታህ
በማለት የዘበቱበት ምሳሌ ነው።
==>በከበሮው ላይ የተጠላለፈው ጠፈር በጌታችን ጀርባ
ላይ የታየው የግርፋት ሰንበር ምሳሌ ነው። የከበሮው
ማንገቻ አይሁድ ጌታን የጎተቱበት ገመድ ምሳሌ ነው።
(ልብሱን ገፍፈው ቀይልብስ አለበሱት ማቴ 27፥28)።።።

==>ከበሮ ውስጥ የሚደረጉ 3 ወይም 5 ጠጠሮች፦
*3* ከሆኑ ምስጢረ ስላሴን *5* ጠጠሮች ከሄኑ ደግሞ
አምስቱ አእማደ ምስጢራትን ያስረዳል።
ቤተክርስቲያን ከጣራዋ እስከ መሬቷ ሁሉም ሥርዓቷ
ያስተምራል ፤ ባህረ ጥበብ ቤተክርስቲያን እየተናገረች
ታስተምራለች ሳትናገር ዝም ብላም ታስተምራለችና!!

በእንድ ወቅት አንድ ገበሬ አህያው ጉድጎድ ውስጥ ትገባበታለች፡፡ ጉድጓዱ ሩቅ ከመሆኑ የተነሳ አህያዋ በራሷ ለመውጣት በእጅጉ ተቸገረች በጣምም መጮህ ጀመረች ባለቤቱም አህያዋን ለማውጣት ብርቱ ሙከራ ቢያደርግም ሊሳካለተ አልቻለም፡፡

አህያዋም ብዙ ያገለገለችና ያረጀች ስለሆነች እንዲሁም ሌሎች እንስሳትም ወደ ጉድጓዱ እንዳይገብበት በማሰብ ጉድጓዱ ውስጥ ሊቀብራት ወሰነ፡፡

ጎረቤቶቹንም አስተባብሮ ጉድጓዱን በአፈር መሙላት ጀመረ አህያዋ ይህን ስትመለከት እየቀበራት መሆኑነ ተረዳችና በሰቀቀን አለቀሰች፡፡ይሁን እንጂ አህያዋ አፈር ሲደፋባት አንድ ነገር ታደርግ ጀመር፡፡ አፈሩ በተደፋባት ቁጥር አፈሩን እያራገፈች ከአፈሩ ውስጥ ብቅ ትል ጀመር፡፡በተደጋጋሚ ከሚደፋባት አፈር ላይ መቆምም ትጀምራለች፡፡

በሂደት ውስጥ በአፈሩ ላይ በቆመች ቁጥር ከነበረችበት ጉድጓድ ከፍ እያለች ከፍ እያለች በመጨረሻም ጉድጓዱ ውስጥ ሙሉ ለሙሉ መውጣት ቻለች፡፡

በሚገርም ሁኔታ አህያዋን ሊቀብሯት  የሞከሩት ሰዎች በአህያዋ አወጣጥ በእጅጉ ተደነቁ፡፡
ሰው ያስባል ፈጣሪ ይፈፅማል!

አባቶቻችን እንዲህ አሉ፦

"እሳትና ውኃን ማዋሐድ እንደማይቻል በሌሎች ኃጢአት መፍረድም በራስ ኃጢአት ከመጸጸት ጋር አብሮ አይሔድም።"
ቅዱስ ዮሐንስ ዘሰዋስው

"የማያማትብ እጅ ቀኙም ግራውም አንድ ነው።"
አባ ፓስዮስ ዘደብረ አቶስ

"እግዚአብሔር ለኃጢአተኛ ሰው ያለው ፍቅር ጻድቅ ሰው ለእግዚአብሔር ካለው ፍቅር ይበልጣል።"
አባ አርሳኒ

"ሕፃን ልጅ እናቱ ስታጥበው ያለቅሳል:: ሕፃን እምነት (ትንሽ እምነት) ያላቸው ሰዎችም ነፍሳቸውን የሚያጥብ መከራ ሲመጣባቸው እግዚአብሔርን ያማርራሉ።"
አባ ስምዖን

"ዕለትን የሠጠህ እርሱ ለእለት የሚበቃህንም ይሠጥሃል።"
ቅዱስ ጎርጎርዮስ ዘኑሲስ

"እጅግ ምርጡ ጸሎት "ጌታ ሆይ አንተ ሁሉን ታውቃለህ የፈቀድከውን አድርግልኝ" ማለት ነው።"
ባሕታዊ ቴዎፋን

"ሲያመነዝር ያየኸውን ሰው አንተ ንጹሕ ብትሆንም አትናቀው። ምክንያቱም አታመንዝር ያለው ጌታ አትፍረድም ብሏል።"
አባ ቴዎዶር

"አንድ ሰው ኃጢአት ሲሠራ ብታይ እንኳን አትፍረድበት:: አንዳንዴ ዓይንህም ሊሳሳት ይችላል።"
ቅዱስ ዮሐንስ ዘሰዋስው

"ለኃጢአተኛው ክንፍህን ዘርጋለት:: ኃጢአቱን ልትሸከምለት ባትችል እንኳን ሸፍንለት።"
ቅዱስ ይስሐቅ ሶርያዊ

ከአበው አንዱን ትሕትና ምንድርን ነው? ብለው ጠየቁት:: እርሱም "ትሕትና ማለት ወንድምህ በበደለህ ጊዜ እርሱ ይቅርታ ሳይጠይቅህ በፊት ቀድመህ ይቅር ማለት ነው" አለ።

"ይቅር ካላልክ ገነትም ይቅርብህ።"

እመቤታችን ሆይ የሚለው ፀሎት ከየት መጣ!!

👉አንድ እህቴ እንዲህ በማለት ጥያቄ
ጠየቀቺኝ እናተ ኦርቶዶክሶች ስትፀልዩ
አባታችን ሆይ ካላቹ ቡሀላ እመቤታችን
ብላቹ እምትፀልዩት ፀሎት
ፍፁም ከመፅሐፍ ቅዱስ ውጪ ነው
ስለዚህ መፀለይ የለበትም አለቺኝ!!

እንግዲህ እኛም ተዋህዶ እንዳስተማረችን
የተወደደች እናታችንን
እንዲህ እያልን ከቃሉ ሳንወጣ በፀሎታችን
እንጠራታለን
እንዲህም እንላለን፦
👇👇👇👇
እመቤታችን ንፅህት
ቅድስት ድንግል (ማቴ1:23)

ማሪያም ሆይ(2ቆሮ11:2)
በመልአኩ በቅድስ ገብርኤል ሰላምታ
ሰላም እንልሻለን (ሉቃ1:28)

በሀሳብሽ ድንግል ነሽ (2ቆሮ11:2
ንፅህት )

በሥጋሽም ድንግል ነሽ(ማቴ1:23)
(ህዝ44:2)

ያሸናፊ የልዑል እናት ሆይ (ሉቃ1:35)

ሰላምታ ላንች ይገባሻል
ከሴቶች ሁሉ ተለይተሽ አንች የተባረክሽ ነሽ
(ሉቃ1:28 ናሉቃ1:32)

የማህፀንሽ ፍሬ የተባረከ ነው (ሉቃ1:32)
ፀጋን የተመላሽ ቅድስት ሆይ ደስ ይበልሽ
ልዑል እግዚአብሔር ካንች ጋር ነውና
(ሉቃ1:28-30)

ከተወደደው ከልጅሽ ከጌታችን
ከመድኃኒታችን ከኢየሱስ ክርስቶስ ዘንድ
ይቅርታና ምህረትን ለምኝልን
በቆሮ5:20
#በፅድቅ #ስራ #የኖሩት #ይለምኑ #ዘንድ
#ተሰጥቷቸዋልና
#ሃጢአታችንም #ያስተሰርይ #ዘንድ #ለዘላለሙ
#አሜን

እኛም ይህን ከመፀለይ ቸል ብለን
የእናታችንን ውለታ አንረሳም፡፡
ነገር ግን ባገኙት አጋጣሚ ሁሉ ተዋህዶን
ሊተቹ የሚነሱትን እግዚአብሔር ልቦና
ይስጣቸው፡፡ አሜን፫

🎁Safaricom ethiopia ሽልማት🎁
በተጠቃሚዎች ዘንድ እውቅናን ለማትረፍና ደንበኞችን ለማብዛት የቴሌግራም bot ከፍተናል
በውስጡም ብዙ ሽልማቶችን አዘጋጅተናል።
🎁ለእርስዎ እና ለ2 ጓደኛዎ የ 3000 ብር ስጦታ
🎁smart phone( s21 ultra)
🎁Asus personal computer
ይህንን ለጓደኞችዎ በመላክ ተሸላሚ ይሁኑ

ማሳሰቢያ! ይህ ሊንክ የሚያገለግለው ለ ◔͜͡◔ BirukAshebir 19 ◔͜͡◔ ብቻ ነው

https://t.me/Safaricom_ethiopia_new_bot?start=r08649280900

Blog

>

2019>

January>

16>

Biblical Teachings>

ከሞት በኋላ ምን ይሆናል?

ከሞት በኋላ ምን ይሆናል?

Post author:admin

Post published:January 16, 2019

Post category:Biblical Teachings

ክፍል ሁለት

“ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው” ዕብራውያን 9.27

በዕብራውያን መልእክት ውስጥ የሚገኘውና ከዚህ በላይ የተቀመጠው ጥቅስ የሚያሳየው ስለ ሞት ነው፡፡ ለሰዎች አንድ የማይቀር ነገር መሞት ተመድቦባቸዋል፡፡ ሞት እውነትና በፍፁም ሊቀር የማይችል ነው፡፡ መጽሐፍ ቅዱስ ሞት ወደዚህ ዓለም እንዴት እንደመጣ በምን ምክንያት እንደመጣ እና የሰው ልጅ የተባለ በሙሉ ለምን እንደሚሞት ይናገራል፡፡ ሞት የሚለው ቃል በመጀመሪያ የተነገረው ወደዚች ዓለም ከመግባቱ በፊት ነበር የተነገረውም ወደ ዓለምና ወደሰዎች ልጆች ታሪክ ውስጥ እንዳይገባ ለማድረግ ነበር፡፡ ይህም እግዚአብሔር ለአዳምና ለሔዋን በሰጠው የመጀመሪያው ትዕዛዝ ውስጥ ተቀምጧል፡ “እግዚአብሔር አምላክም ሰውን ወስዶ ያበጃትም ይጠብቃትም ዘንድ በዔድን ገነት አኖረው። እግዚአብሔር አምላክም ሰውን እንዲህ ብሎ አዘዘው። ከገነት ዛፍ ሁሉ ትበላለህ፤ ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና።” ዘፍጥረት 2.15-17፡፡

ይህ ትዕዛዝ ከተሰጠ ብዙ ሳይቆይ ትዕዛዙ ተጣሰ አዳምና ከዚያም ዘሩም ሁሉ ሞትን የሚሞቱ ሆኑ፡፡ ይህንን በማወቅ ነው ሐዋርያው በሮሜ ምዕራፍ 5 ውስጥ ከቁጥር 12 ላይ “ስለዚህ ምክንያት ኃጢአት በአንድ ሰው ወደ ዓለም ገባ በኃጢአትም ሞት፥ እንደዚሁም ሁሉ ኃጢአትን ስላደረጉ ሞት ለሰው ሁሉ ደረሰ፤” በማለት የሞትን ምክንያትና ሞት ለሰው ሁሉ እንዴት እንደደረሰ ይነግረናል፡፡

ከሞት በኋላ ምን ይሆናል? በሚል ርዕስ የቀረቡት እነዚህ ሁለት ተከታታይ ጽሐፎች ሐሳብ ከሞት በኋላ ምን እንደሚሆን ትንሽ እይታን በመስጠት አንዳንዶችን ለማንቃት ነው፡፡ እናም በክፍል አንድ ካያነው ቀጥሎ የሚከተለውን እስኪ እንመልከት፡

ከሞትኩ በኋላ የምሰራው ምንድነው?

የምድር ስራዬ እንደጌታ ፈቃድ ከሆነ!

አሁን ሳልሞት በፊት በሕይወት እያለሁ የምሰራው ነገር ምንድነው? ጌታ ኢየሱስ የእኔ ጌታ ሆኖ እርሱን በማስቀደም እየኖርኩ ነውን፣ የእርሱ አገልግሎት የእኔ ደስታዬ ነውን፣ የእርሱ ክብር የእኔ ፍፃሜ ነውን? አሁን እኔ የምኖረው ለእግዚአብሔር ከሆነ፣ የምራመደውም ከእግዚአብሔር ጋር ከሆነ፣ የምኖረው እርሱን ለማስደሰት ከሆነ፤ በዓለም ውስጥ ካሉት ሰዎች ሁሉ ይልቅ በጣም እድለኛ ሰው ነኝ ማለት ነው፡፡ ምክንያቱም ከሞትሁ በኋላ የምሰራው በጣም አስደናቂና ግሩም ስለሆነ ነው፡፡ ከሞትሁ በኋላ ዋናው ስራዬ እርሱን ለዚያ የመንግስተ ሰማይ ክብር ያበቃኝን የወደኝንና የወደድኩትን ጌታ ማክበር፤ ስሙን ማክበር ይሆናል፡፡ እርግጥ ነው ስራዬ ፍቅሩን ማድነቅ ይሆናል፣ ከዚህም በላይ የእርሱን ክቡር ፍፁምነት ከፍ ከፍ ማድረግ ይሆናል፡፡ በእዚያ በመንግስተ ሰማይ የእኔ ሌላው ስራዬ የሚሆነው ደስታዬ ነው፣ መደሰት ሐሴት ማድረግ ሌላው አግልግሎቴ ነው፣ ያም የማያልቅ እና ገደብ የሌለው የየዕለቱ ተግባሬ ነው፣ ሌሊትም ቀንም በእርግጥ እንደዚህ የሌሊትና የቀን ገደብ በዚያ ባይኖርም ለማለት የፈለግሁት ሁልጊዜ መደሰት ስራዬ ነው፡፡ በዳኑት መካከል እቆማለሁ፣ ነጭ በነጭ ለብሼም ከክርስቶስ ጋር እመላለሳለሁኝ የእርሱንም ስም የወርቅ በገናዬን ይዤ ለዘላለም በዘላለም እውነተኛ ዜማዎች ማክበር ይሆናል፡፡

እነዚህን ከላይ የጠቀስኳቸውን ስራዎቼን ሳከናውንም እዚያ ለእኔ የማይኖሩኝን ነገሮች መጥቀስ ይኖርብኛል እነዚህም፡

እዚያ በመንግስተ ሰማይ የተከፋፈለ ሐሳብ (ሁልጊዜ የሚዞር ሐሳብ) አይኖረኝም፣ የተምታታ ሃሳብና የማይጨበጡ ግምቶችና ስጋዊ የቀን ህልሞች አይኖሩኝም፡፡ ልቤን ለመከፋፈል የሚፈትነኝ የሰይጣን አሰራር አይኖርም፣ ልቤ ንፁህ ስለሚሆን የተበላሸ ሐሳብ ምኞትም ሁሉ አይኖረኝም፣ ስለዚህም የምሰራቸው ስራዎች ሁሉ ንፁሃን ይሆናሉ፡፡

ቅዱስ ያልሆነ ህብረትና ጓደኝነት እዚያ ያለኝን አገልግሎት ሊያቋርጠው ሊረብሸው ወይንም ሊያደናቅፈው አይችልም፡፡ እዚያ የሚኖረው ሁሉ እንደ ብርሃን ንፁህ ነው፣ እንዲሁም ልክ እንደ እግዚአብሔር እቅፍ ሰላም የሞላበት ነው፣ በእግዚአብሔር ህልውና ትክክለኛ እውቀት ውስጥ ስለሚደረግ ሰላምና ደስታ የሞላበት ነው፡፡ እዚያ ስለማንኛውም ነገር ጭንቀት እንዲሁም ሐዘን የሚባል ነገር አይኖረኝም

Arif gitim NW anbibut y silase lijoch

✝ምንድን🤔 ነው ድርሻዬ✝

ሰው ሆይ እስቲ ዕወቅ
ዕዋቂውን ጠይቅ
ምንድን ነው ድርሽዬ
ንገረኝ ጌታዬ!
ድርሻህን ሳትለየው
ጉዞ አትጀምር
እንዲያው በግርግር
ምንድን ነው ሥራዬ
ንገስኝ ጌታዬ
በልና ጠይቀው
በጸሎት አሳስበው
ሥራህን ዕወተው
ድረሻህን ተረዳው
ልከተል ጊዮርጊሰን
ቅድስት ኢየሉጣን
ሕፃኑ ቂርቆስን
ሠለስቱ ደቂቅን
የሰማዕቱን ሕይወት
ዋጋ እንዳገኝበት
በኃይልህ በረከት
ወይስ በዓለም ልዙር
ወንጌልን ላስተምር
ላልሰሙት ልናገር
የልደትሁን ምሥጢር
ለልምድ ተመላላሽ
በአካል ብቻ ገሥጋሽ
በማያውቁት መኻል
ልናገር ያንተን ኃይል
ላስተምር ጥምቀትን
እንዲሁም ስቅለትን
ልናገር ስለዕርገት
ስለ ዳግም ምፅዓት
ወይንስ ጌታዬ
መካሪ አለኝታዬ
በበአት ልወሰን
በጸሎት ልለምን
ያልተከተለህን
ያላወቀ ሕግን
እንድታሳውቀው
በፍቅር እንድትቀርበው
ከግባበት ዓለም
እንዲድን በአንተ ደም
መካሪ አለኝታዬ
የሆነውን ለእኔ
ባለችኝ ዘመኔ
በልና ጥይቀው
ድርስህን ዕወቀው
ለእኛ የሆነውን
ባለን ዘመናችን
የምንፈጽመውን
እንድታሳውቀን
ቸር ፍቃድህ ይሁን
ማለቱ ይሻላል
እርሱም ይመራናል።

መንፈሳዊ ግጥም
https://t.me/httpbiruk