👈🏻أول ذنب هنتكلم عنه هو خاص بالسوشيال ميديا
انتشر بين الشباب فى جروبات الواتساب و على الفيسبوك
أحاديث وفتاوى وعبادات من غير أي تبين!!
بحجة إن الامر خير فإيه المشكلة؟!
ياشباب الموضوع كبير جدا مش مجرد رسالة لعمل الخير ف #انشرها_ولك_الاجر
وهقولكم ليه مينفعش👇🏻

📌أولهم الكذب عن الله ورسوله
الله جل في علاه بيقول
((وَلاَ تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلاَلٌ وَهَذَا حَرَامٌ لِّتَفْتَرُوا عَلَى اللهِ الْكَذِبَ إِنَّ الَّذِينَ يَفْتَرُونَ عَلَى اللهِ الْكَذِبَ لاَ يُفْلِحُونَ * مَتَاعٌ قَلِيلٌ وَلَهُمْ عَذَابٌ أَلِيمٌ))
يعني مش هينفع نقول ده حلال وده حرام الا ببينه ودليل صحيح

وكمان اننا نننشر أحاديث مش عارفين صحتها
النبي بيقول
" من حدث عني بحديث يُرى أنه كذب فهو أحد الكاذبِِينَ"
وكمان قال صلى الله عليه وسلم : " إن كذبا علي ليس ككذب على أحد من كذب علي متعمدا فليتبوأ مقعده من النار"

📌وتاني حاجة هي الكلام بغير علم
ربنا قال
(قُُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُوا بِاللهِ مَا لَمْ يُنَزِّلْ بِهِ سُلْطَانًا وَأَن تَقُولُوا عَلَى اللهِ مَا لاَ تَعْلَمُونَ )
يعني بعد الشرك والظلم ودي ذنوب عظيييمة جدا ييجي معاها.. اننا نتكلم بغير علم ودليل صحيح..!
وكمان النبي قال
إِنَّ اللَّهَ لاَ يَقْبِضُ الْعِلْمَ انْتِزَاعًا ، يَنْتَزِعُهُ مِنَ الْعِبَادِ ، وَلَكِنْ يَقْبِضُ الْعِلْمَ بِقَبْضِ الْعُلَمَاءِ ، حَتَّى إِذَا لَمْ يُبْقِ عَالِمًا اتَّخَذَ النَّاسُ رُءُوسًا جُهَّالاً فَسُئِلُوا فَأَفْتَوْا بِغَيْرِ عِلْمٍ فَضَلُّوا وَأَضَلُّوا
يعني انت مش بس هتاخد ذنب لا انت هتضل الناس وتضل نفسك.. لو اتكلمت في الدين بغير علم.

📌ثالث حاجة هي البدع!!
ساعات بتاخدنا الحماسة و نخترع عبادة ملهاش أصل
ونفضل نتداولها وننشرها ونيتنا هي عبادة ربنا
ياشباب العبادات لابد فيه من شرطين لكى تقبل
..الاخلاص لله و اتباع السنة.
مش الفهلوة يعني..

فــ #انشرها_ولك_الاجر بس اتأكد الأول من المعلومة من خلال المواقع الثقة أو من العلماء الثقات.
علشان متبقاش #انشرها_وعليك_الوزر

👈🏻خد بالك من #رصيدك

#رصيدك
https://t.me/httbhTabon75