🗯 لازم تستعد قبل رمضان لازم جدول عملي تمشي عليه من غير جدول عبادات ثابت هتضيع و هيضيع منك رمضان .

🌙رمضان مش للمجاهدة رمضان للعبادة اوعى تجاهد نفسك في رمضان هتتعب و مش هتكمل .

🤔 أنت عارف هتضيع إيه منك أنت هتضيع رمضان يعني هتضيع شهر الرحمات والبركات هتضيع شهر المغفرة هتضيع شهر العتق من النار لازم تفوق يا ابني قبل رمضان

🗓 جدول عملي في شعبان 💪

1⃣ قيام الليل
(أنت عارف إن قيام الليل فضله كبير جدًا ده ربنا بينزلك من سبع سماوات عشان تدعيه ويستجيب لك ويغفر لك ابدأ صل قيام الليل ولو بركعتين و حافظ عليه )

2⃣ ثبت صلواتك في وقتها
توضأ واستعد من قبل الأذان خلاص الأذان أذّن أنت ماتعرفش حد قوم وفر لنداء ربنا ربنا بينادي عليك عشان تصلي اوعى تسيبه

3⃣ جلسة الضحى و صلاة الضحى .
أنت متخيل أد إيه كام حسنة أخدتها في صلاة الضحى !!
أنت متخيل كام صدقة تصدقتها بجسدك في كل عضو فيك !! (كل يوم ركعتين)

4⃣ ورد القرآن
🌙 شهر رمضان ده الشهر اللي نزل فيه القرآن وده الشهر اللي بترجع فيه الأمة للقرآن

📮وسبب نزول القرآن ليكون هدى للناس ويهديهم لطريق مستقيم وطريق الخير (ابدأ ب50 آية كل يوم )

5⃣ ورد الذكر .
أنت متخيل يعني إيه لما تقول سبحان الله و بحمده 100 يبقي ليك نخلة في الجنة !!

🤔 أنت متخيل لما تصلي علي النبي هيروح ملك للنبي ويقول له فلان بن فلان بيصلي عليك و تشرب من حوض النبي !!

6⃣ السنن
من أراد حب الله عليه بفعل السنن
من أراد القربة من الله عليه بفعل السنن (دور كل يوم علي سُنة مهجورة و افعلها)

7⃣ الدعاء
الدعاء هو العبادة أنت متخيل إن الدعاء لوحده عبادة أنت متخيل لما بس ترفع إيدك الله يستحي إن تنزل إيدك ويخذلك !!

8⃣ لازم تشحن قلبك من غير شحن مش هتقدر تكمل لازم شحن عشان تعرف تفرمل و تثبت و تزيد ( مقطع كل يوم 10 دقائق)

9⃣ الصدقة ربنا هيفتح لك اتصدق حتي لو بجنيه يوميًا بس خرج صدقة

1⃣0⃣ سنن النوافل أنت متخيل هيبقي لك بيت في الجنة !!
عندك ركعتين قبل الفجر
4 ركعات قبل الظهر و 2 بعد الظهر
و 2بعد المغرب
و 2 بعد العشاء

⚡️الهمة الهمة ابدأ مفيش وقت الوقت بيجري يلا ابدأوا يا شباب

#جدول_عملي_في_شعبان
#استعد_لرمضان_مفيش_وقت
#دكتور_حازم_شومان
#فريق_سفينة_الدعوة

#جدول_عملي 😊💙

لأول عشر أيام من ذي الحجة ! 🙈

مالها الأيام دي ؟ 😉

ورقة و قلم بسرعة وأكتبوا معايا 😃✋

قال تعالى :- { وَالْفَجْرِ * وَلَيَالٍ عَشْرٍ }

- ايه دا هى مهمه اوى كدا عند ربنا لدرجة أنه سبحانه أقسم بيها ! 😳

أخرج البخاري من حديث ابن عباس رضي الله عنهما انه قال رسول الله صلى الله عليه وسلم: ما من أيام العمل الصالح فيها أحبّ إلى الله من هذه الأيام - يعني أيام العشر - قالوا: يا رسول الله ولا الجهاد في سبيل الله ؟ قال: ولا الجهاد في سبيل الله، إلا رجل خرج بنفسه وماله فلم يرجع من ذلك بشيء .

= يعنى ايييييية ؟؟

يعنى اللى زعل انه ضيع #رمضان منه ومقدرش يعمل اللى كان مخططله 😔

ربنا رحيم أووووى ❤❤ ربنا ادانا فرصة بس متضيعهاش هى كمان 👌 ربنا ادانا فرصة أكبر من فرصة رمضان !

رسولنا الحبيب قال :- " أفضل أيام الدنيا ايام العشر "

يعنى أفضل من رمضان .. اللى من صامه أو قامه إيماناً واحتساباً غفر له ما تقدم من ذنبه !!! أجرها أكبر تخيييل ❤

ثواب العشر الأوائل .. ثواب واحد أنفق كل ماله وحياته وروحه فى الجهاد فى سبيل الله ☺

أما بالنسبة للصيام بقى !! 😉

صيام يوم هيكفر ذنوب سنتين !! وهو يوم عرفه 💗

نجتهد فى الصيام على قد ما نقدر احنا عايزين نكفر عن ذنوبنا والله . 😢

الصيام أجره إنه بيبعد عن وجهك النار 70 خريفا 🌸

الأجر ده بيتضاعف أضعاف مضاعفة فى ذى الحجة 🌼

رسولنا الحبيب قال :-
" يوم عرفة يكفر السنه الماضية والسنة القابلة " 💙

جرب تعمل كمان حاجة مختلفة .. حاجة جميلة كدا تفتخر قدام ربنا انك قدرت تعملها 😊😎 علشان ربنا يفرح بيك ويحبك وتكون من عبادة الصالحين ويدخلك الفردوس الأعلى 😌

اللي حاسس انه قصر في رمضان دي فُرصته ..
اللي حاسس ان فى قلبه شىء من الفتور أو أنتكاسة دي فرصته علشان يرجع بقلب سليم ✊

هم 10 ايام بس مش كتير والله لكن عند الله أعظم وأفضل أيام فى السنة كلها . 💝

🌞 طيب هعمل اية علشان أنال الثواب العظيم دة ؟ ❗

1 - صيام هذة الأيام و ان لم تستطع فلا تحرم نفسك من صيام يوم عرفة ولا تحرم نفسك من ثوابها 😇

2 - قراءة وِرد يومي ثابت و لو حتى صفحه واحدة .. بس انت تقدر تختم القرآن فيهم زى ما كنت بتختم فى رمضان بالظبط .. لو قرآت كل يوم 3 أجزاء هتختمة .. قسمهم على الصلوات الخمس وقبل وبعد كل صلاة إقرأ وانت مش هتحس بتعب فى قراءتهم + أذكار الصباح بعد الفجر .. وأذكار المساء بعد العصر 🎀

3 - الصلاة على أوقاتها الأذان يأذن على طول أتوضى وأنزل على المسجد وصلي 👍

4 - الدعاء بين الأذان و الاقامه " سنه مهجورة " حافظ عليها

5 - صلاة الضحى من ركعتان لـ 8 ركعات و أفضلهم انك تصلي 4 ركعات ( براحتك يعني ) و دي معادها من بعد الشروق بربع ساعة لـ قبل الظهر بربع ساعه 💟

6 - كل يوم تفرح قلب مسلم .. " والدتك _ اختك _اخوك _ والدك _ او حتى حد متعرفوش بأبتسامة أو بدعوة بظهر الغيب " وصل أرحامك 🌚

7 - جدد نيتك في اي عمل انه لله فقط + حافظ على أذكار ما بعد الصلاة .. { سبحان الله _ الحمد لله _ الله اكبر .. كل ذكر 33 مرة } على ايدك الجميله دى مش هتاخد وقت وأختم بالمئة { لا إله الا الله وحده لا شريك له له الملك وله الحمد يحيى ويميت وهو على كل شئ قرير } + قراءة آيه الكرسى بعد كل صلاة 🌝

8 - القيام القيام القيام و لو بركعتان لو صليت بـ 10 ايات لم تكتب من الغافلين و لو صليت بـ 100 آيه تكتب من القانتين " صدقني مش كتير الـ 100 آيه " سورة الواقعه فى ركعة و سورة الأخلاص فى ركعة هيبقوا 100 آيه 💚

9 - مهما بتعمل ذنوب و مهما غلطت فى حق الله إياك تسيب ركعة الوتر ، حافظ كل يوم على الوتر و هي ركعه واحدة بتختم بيها صلواتك في اليوم

10 - السنن الي بعد الفروض دى ! 😀
بص هم 2 قبل الفجر و 4 قبل الظهر و 2 بعده و 2 بعد المغرب و 2 بعد العشاء "
كدا 12 و دى أجرها بيت فى الجنة 💓
شوفت اجمل من كدا ؟ 😃

11 - الدعوة بظهر الغيب لـ اي شخص ييجي فى بالك و لك مثلها يوميا عند الأفطار 😍

12 - الصدقة حاول تطلع صدقة فى الأيام دى والله والله أيام ممكن متتعوضش تانى وهنندم عليها .. طلع باللى تقدر علية 💜

كفاية دول 😃

علو الهمه ، اللى ملحقش رمضان و ندم ، رمضان كانت الشياطين مصفدة دلوقتى العمل هيبقى ضعف اجرة و معاه كمان جهاد النفس ، الايام دى الى هتثبتلك حالك بجد و التزامك بينك و بين نفسك بجد ، جهاد نفسك هيكون قوي بس مش ببلاش ! 👍
شير ومنشن لصحابك‌❤️⁩
#أستقبلوهم_بتوبة_صادقة
#أجتهدوا_فى_هذة_الأيام_العشر
#أفضل_أيام_الدنيا

🌹اللهم أعنا على ذكرك وشكرك وحسن عبادتك يا خير معين