‏نوبٍ أقول إليا طلعت شمسه ونوب
‏أقول لو غيري سبقني وعايد؟

‏مباركٍ عيدك ولا هو بماجوب
‏الواجب أكبر من كلام وقصايد

ترا خطاويك على قلبي خِفاف
‏سيّر

ياس .. يا لون الشفق في ليلي المترامي
طالبك حلقة وصل يالحلقة المفقوده

اتّجه لك ، واخفي آلامي ، واجرّ الهامي
والرجل لا ساق عمره غايته محموده

ليه اعاف اللي بقى منّك واعض ابهامي؟
العيون تشوف ودروب الرجا موجوده

والظروف كبار لكن راية استسلامي
من ثلاث سنين من فضل الولي موؤوده

جاذبيني يالمقام الفارق المتسامي
والهميني كل كلمه فالهوى موعوده

واقبليني لا بديت احتاجلك قدّامي
عودك اللي يرسم احساسه على جلموده

لك شجاع يسلّم عذوقه ويرجع ضامي
ما يخوّفْه العمر وايامه المعدوده

عادي الكحل يتسلل دفتري واقلامي
شاعرك شاعر حزن يـ ام العيون السوده

أحمد البحا ❤️

‏كل ما قلت أنا سامح ونفسي معيفه
‏أنتكس وأرجع أحبّك ولا أدري علامي

‏بدر الدويش*

‏يجود العمر، ويحطّ الرحال، وتثمر الأحلام
وصبحٍ يستردّك في الخيال السالي أحبّه
‏– صالح بن حمد

‏خبِّني بين الضلوع إن كان ما فيها كلافه
‏ما دخلت إلا على شيٍ أبيه وفيه شفِّي

المحبة ماهي مقرونة بالبقاء البتة البتة، ساعات تترك لأنك تحب وتصد لأنك تحب وتتصنع اللامُبالاة لأنك تحب، وهالشيء لو عشت شعوره بتعرف أن ساعات -مو كل من ودّه الكون مايردّه- ساعات ودك وكل شيء يردك وضدك/لكن يكفيك الشعور الطفيف بداخلك أنه هذا كله يومًا ما مردوده أحلى وأبهى وتمضي واثق بهذا وتحب مرّة تحب

مساء الخير، الله يخلّي لكل عينٍ رجاها
ويخليلي اميمتي

بشارككم قصيـد تسمحون لي ؟

يابعد الدنيييا أنتم تستاهلونها

في ليالي الشكّ وزحام العوايق
ما مشيت الّا على درب اليقين

السنين تروح في حسبة دقايق
والمحبّه ما تعزّ الخايفين

وش بلا قلبك من ايّام مْتضايق
ليه احبّك جاتني بصوتٍ حزين

وين احبّك ذيك يوم الصوت رايق
ونبرتك فيها فرح ، مدري حنين

عاتبيني قولي بـ صدري حرايق
قولي اللي بخاطرك لا تسكتين

قولي اكره كلّ عينٍ بك توايق
وكلّ مدح اللي بقصيدك طايرين

ولا يهمّونك حواليني الخلايق
وحدك اللي وسط قلبي تسكنين

والله انّ الحزن أبد ما هو بـ لايق
فاقدك بالحيل وانتي تضحكين

يالله بصبحٍ من صباح العالمين / ‏تفتح مغاليقه على الِّلي سارحه

ولازلت أحبك وأدري إنك أهم أشيائي وأشوفك أمانٍ كل ما أحتجته أجي له 💙

‏يارب وإجاباتك تبي قلب داعي
‏يقينه أكثر وااااااجد مْن أرتجافه

‏سخِّر لعبدك ماسعى من مساعي
‏قرِّب له أحلامه وبُعد المسافه

‏- الوتر ❤️

‏أنت لولا صفات الستر ما صرت جذّاب
‏لو جمالك يكفّ العُرْب والغَرْب والصين‏

الخصال الحشيمة تسحر أصحاب الألباب
‏لا تحلّت بزين النطق واللطف واللين
- سفر الدغيلبي