مـو بـديَّـه ،، مـن اسـولـف عـالـجـروح
مـو بـديَّـه ،، اويـاك اروح ابــلايــه روح

انـتـه كــافـلـنـي امـن اجـيـت الـكـربـلاء
واطـلـعـت مـن عـدهـا " كـفَّـالـة نـسـاء "

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
١
يـم رمـحـك واســولـف كـل لـبّـالـي
بـس مــا ســولـفـت گــدام كـتـالـي
كــفّـالــة ظـعـن بـعــدك يـكـفـالـي
بـاريـت الـحـرم بـس يـاهـو يـبـرالـي


مـو بـديَّـه ،، ظـعــنـك ايـصـيـر ابـحـمـاي
مـو بـديَّـه ،، خـويـه بـس مـا عـنـدي مـاي

انـه بـعـدك كـافِـلـه الـظـعـن الـسـمـاء
واطـلـعـت مـن عـدهـا " كـفَّـالـة نـسـاء "

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
٢
اجـيـت الـكـربـلـه ابـكــفّـــالـي مـحـمـيَّـه
وهـسـه ابــلا كـفـيـلـي ابـهـمّــي مـحـنـيَّـه
ابـغـيـابـك يـابـو فـاضـل كـلـشـي مـر بـيَّـه
شـتـم واسـيـاط واعـلـه الـهِـزلَـه مـسـبـيَّـه


مـو بـديَّـه ،، امـن فـگــدت أخ او كـفـيـل
مـو بـديَّـه ،، الـصـار بـيـه ايـهـدلـه جـيـل

مــات كــلــشــي ابـكــربـلـه إلا الـعـزاء
واطـلـعـت مـن عـدهـا " كـفَّـالـة نـسـاء "

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
٣
مـشـيـت ابـطــولـك او مـحـد لِـمَـح ضـلّـي
ويـن الــرايــه صــوت احـســاســك ايـگـلّـي
ومـن رَف مـعـصـبـي اعـلـه كــافِـلـه ايـدلّـي
ونـسـاء الـظـعـن صـارن بـالـسـبـي ابـحـلّـي


مـو بـديَّـه ،، شـيّـبـت حـتـى الـزغـار
مـو بـديَّـه ،، الـلّٰـه شـاء او هـذا صـار

مـن مـشـيـت اتـحـول الـمـعـصـب لـواء
واطـلـعـت مـن عــدهـا " كـفَّـالـة نـسـاء"

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
٤
ابـجــرح لـلـشــام اروح واحـزنـي مــا يـزغـر
چــان الـيـكـبــر ابـمــمـشــانـه بـس الـحـر
وبــلايــه اخــيــام صــرنّــه اتـسـتِّـر الـخـدر
بـس الـصـعـبـه كـل احـنـه ابـحـبـل نـنـجـر


مـو بـديَّـه ،، گــوّه اگــصــد لـلـيـطـيـح
مـو بـديَّـه ،، ريـجـه يـابـس مـا يـصـيـح

يــاهــو لـتـعـنـالـه يـهـمـس عـمّـه مـاء
واطـلـعـت مـن عـدهـا " كـفَّـالـة نـسـاء"

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
٥
نـطـب لـلـشـام مـن بـعـد الـتـعـب كِـلّـه
واكــو ابــوّابــة الـســـاعــات ألــف عِـلّـه
نــوگــف والإعــيــون الـبـيــنّــه تـتـمـلّـه
تِـقـنـعـنّـه الـيـمـوت ابـكـربـلـه احـسـلّـه


مـو بـديَّـه ،، ابـكـربـلـه انـيـالـه الـيـمـوت
مـو بـديَّـه ،، مــا سـمـع بـالـقـصـر صـوت

كـلـمـة الـشـامـت عـلـى اضـعـونـك بـلاء
واطـلـعـت مـن عــدهــا " كـفَّـالـة نـسـاء"

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::
٦
وبـعـد مـوقـف صـعـب والـراح يـكـسـرنـي
اوصــل يـم يــزيــد امـحـمــلـه ابـحــزنـي
اخــوتــچ ويـن كـلـمـة اهـواي تـجــرحـنـي
بـس بـالـروس يـضــرب هــاي تــذبــحـنـي

مـو بـديَّـه ،، مـن نـظـر راس الـحـنــان
مـو بـديَّـه ،، ظـرب شـفـتـه ابـخـيـزران

واعـتـلـه مـن الـظـعـن صــوت الـبـكـاء
واطـلـعـت مـن عـدهـا " كـفَّـالـة نـسـاء"

مـو بـديَّـه ،،، مـو بـديَّـه

:::::::::::::::::::::::::::::::::::::::::::::::::::::::::::::

خـادم الـحـسـيـن
حـسـن مـسـلـم الـعـتـابـي

موتك بدايه ،،، لا مو نهايه
من فارگتني ،،، تبدي الحكايه

رحيلك بدايه ،،، ابـد مـو نهـايه
لَمَن فارگتني ،،، بدت چم حكايه
____________________________
١
بداية جرحي من موتك
يبويه او ضلعي حضرته
ششوف ابلا وجودك غير
باب اجذوع كاسرته
احس المحسن اوليدي
اعله باب الدار فاتحته
وانا من غِمضت اعيونك
عرفت ابنيتك ميته

اشوف ابغيابك ،،، منيتي اعله بابك
لان بس عفتني ،،، بـدت چم حكايه
__________________________
٢
مصابك بويه اخذ حيلي
وترك بس الحزن بيه
مدامع عيني من تنزل
احس بيها اني مسبيه
وقبل تغسيلك الوادم
ترد تعبد هبل هيه
لعد من هسه اشوف الباب
كتّالي ابحسن نيه


واذا تدري بابي ،،، سبب كل عذابي
اشوف ابحسرتي ،،، بـدت چم حكايه
__________________________
٣
مو بس دمعي الك بديت
العمر عالنعش متبدي
موتك يا رسول الله
مو بالسهله وايعدي
مو نعشك طلع حسيت
طلعت روحي من عندي
روحي الطلعت ابفراگاك
ما گلها بعد ردي


كبر بويه نوحي ،،، واخذ مني روحي
تگلـك دمعـتي ،،، بـدت چم حكايه
__________________________
٤
بدونك راح اعيش اشون
وانه اتلاوه وي همي
صار ابطولي دمعي اعليك
چا ليش احترگ دمي
اواسي ابحيدر ابفگدك
ويجي ايواسيني ابن عمي
ومنو اليمسحلي دمعاتي
اذا ما هيه يمي امي

علي اشگد بچالي ،،، وبچالك يغالي
عرف من كسرتي ،،، بـدت چم حكايه
__________________________
٥
اشيل اتراب من گبرك
اهل منه على براسي
واطب الگبرك ابدمعي
وابخر اللحد بأنفاسي
وما اتمدد ابطولك
امد وي طولك احساسي
واگلك بويه الله اوياك
يا اهلي واعز ناسي

كِسر ضلعي دهري ،،، وكِسر مني ظهري
يبويه ابصفنتي ،،، بـدت چم حكايه
__________________________

خادم الحسين
حسن مسلم العتابي

بـويـه مــوتــك بـي عـلامـه
امـودع الـلّٰـه او بـالـسـلامـه

فـاطـمـه مـن وحـشـتـك
هـيـه فـتـره او جـــايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
١
مـن طـلـع تــابـوتـك ادري
انـه مـتـحـضـّرلـي كـسـري ،، ابـروحـتـك

بـويـه مـا يـنـفـع سـكـوتـي
مــوتــك ايـگـرّبـلـي مـوتـي ،، ابـروحـتـك

انـه اسـألـك يـالـعـفـتـنـي ابـهـذا نـوحـي
بـويـه تــابـوتــك طـلـع لــو هــاي روحـي
ادري روحـي

فــاطـمـه اتــهــدم عــرشـهـا
ابـنـعـشـك اتـبـاوع نـعـشـهـا

مـا تـعـيـش ابـفـرگـتـك
هـيـه فـتـره او جـايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
٢
يـا رسـول الـلّٰـه اشـبـديـه
بـابـي اصـدلّـهـا الـمـنـيـه ،،،،،،،،،،،،، مـو وهـم

مـــا يـطــمــنــك بـويـه وضـعـي
ايـدي مـن هـسـه اعـلـه ضـلـعـي ،، مـو وهـم

مـن رحـت لـلـمـوت وحـدك مـا خـذتـنـي
وانـتـه تـدري الـبــاب تــاخـذ مـنـي ابـنـي
مـا خـذتـنـي

ألـمـن ابـقـه الـيـا مـصـيـبـه
بـويـه مــن بـعــدك غـريـبـه

مـن يــراعــي ابـنَـيـتـك
هـيـه فـتـره او جـايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
٣
طـفـح مـن اعـيـونـي هـمـي
يـبـقـه عـالـبــسـمــار دمـي ،،، ابـيـا ذنـب

نــار حــقــد الـجــــاهـلـيـه
ابـغـيـبـتـك تـچـويـلـي اديـه ،،، ابـيـا ذنـب

انـتـه يـم الـمـغـتـسـل رجـعـوا لأصـلـهـم
اجـنـازتــك عـافـوهـا لا يــزعــل هـبـلـهـم
مـن جـهـلـهـم

والـمـهـم نـصْـبـوا سـقـيـفـه
ونـصّـبــوا حــاقــد خـلـيـفـه

رد هـبـل مـن غـيـبـتــك
هـيـه فـتـره او جــايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
٤
مـن شــفــت يــا بــويــه ديـنـي
يـسـلـم بـصـطـره اعـلـه عـيـنـي ،، وافـقـت

والـ وأن هـضـمـتـهـا كــسـره
حـتـى لـو اسـمـعـهـا حـسـره ،،،،،،، وافـقـت

خـنـجـر الأبـتـر يـبـويـه احـچـايـه وحـده
بـالـ وإن يـطـعـنـي بـس يـــاهــو الـيـرده
والـمـصـيـبـه

يـدري { بـالأنــزع } تـوصّـه
مـنـك او صـارتـلـه فـرصـه

أم جـمـلـهـا الـخـانـتـك
هـيـه فـتـره او جـايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
٥
يـالـعـفـت ديـن اعـلـه مـتـنـي
وگـتـلـي صـبـري او حـزمـتـنـي ،،، ابـيـا عـلـي

انـه گـــد هـاي الـرزيـه
بـالـمـواقـف حـيـدريـه ،،،،،،،،،،،،،،، ابـيـا عـلـي

فـاطـمـه گـد الـمـصـايـب والـرزايـه
ضـلـعـي يـتـكـسـر ولا تـتـحـرف آيـه
مـن كـتـابـك

حـيـدر الشــايـل وصـيـتـك
بـالـدمـع فـارشـلـي بـيـتـك

دمـعـه وضّــح غـايـتـك
هـيـه فـتـره او جـايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::
٦
كُـلـنـه نـبـچـي او نـشـتـكـيـلـك
نـدري { مـقــتــول } ابـرحـيـلـك ،، مـن مـتـت

الـحـسـن يـبـچــي او شـبـگـنـي
ومـدمـع احـسـيـن الـهـظـمـنـي ،، مـن مـتـت

ابـن عـمـك مـن جـمـعـنـه ادمـوعـه زمــزم
گـال اصـحـاب الـكـسـاء يـجـمـعـنـه مـأتـم
عـن رحـيـلـك

مــأتـمـك مــو بـالـجــوامـع
صـار عـدنـه امـن الـمـدامـع

وعـلـي الـيـرفـع رايـتـك
هـيـه فـتـره او جـايـتـك ،، يـا رسـول الـلّٰـه
::::::::::::::::::::::::::::::::::::::::::::::::::::::::::::::

خـادم الـحـسـيـن
حـسـن مـسـلـم الـعـتـابـي

هـيــه فـتــره أو نــلـتــقــي جــوه الـتـراب
مـو بـعـيـد الـمـوت نـعـشـك شـفـتـه بـاب

نـعـشـك بـي روح ... يـشـرحـلـي أجـروح

________________________________
( ١ )
يـا بـويـه أنـي أبـنـيــتـك الـمــا عـاشـت
وأخـر نـِـفـس مـنــك طَـلــع بـي مـاتـت
إبـلا روح فـوگ الـنـعـش لـمّـن طـاحـت
إبـعـالـم الـمـوتـه فـاطـمـه مـن نـاحـت
_____________

أجـروح بـيـه أخـلافــك إبـلايـه ضـمـاد
وروحـي مـا تـنـفـع بـعـد صـارت رمـاد

بـس صـوت الـنـوح ... يـشـرحـلـي أجـروح

________________________________
( ٢ )
( يــوم الــثــنــيــن ) أجـروح تــارك بـيـه
أتـمـنـيـتــه مــا جـاي أو تـجـي الـمـنـيـه
مـصـبـاحـه أظـلـم بـي صـرت مـسـبـيـه
وبــاجـر أجــيــلــك لــلـگــبــر مـحــنـيـه
_____________

أگـصـد إلـ گـبـرك وأنـه أشـكـيـلـك حـزن
لـيـش بــابــك تـحــتــرگ وأسـمـع ( وأن )

ثـاري الـمـيـروح ... يـشـرحـلـي أجـروح

________________________________
( ٣ )
نـلـتــقـي لاكــن حـيــره شـرد أحـچـيـلـك
عــن الـصـحــابـه الـمــا رضـوا أبـچـيـلـك
لــو بــاب تِـكـسـر ضـلـعـي هـاي أرويـلـك
لـو عـالـخـيـانـه الـ مـن قـبـل تـغـسـيـلـك
_____________

عـن خــيــانـتـهـم شـسـولـف شـسـتـراح
فـدك مـو لـلـزهـره صـاحـوا كـلـشـي راح

وجـسـمـك مـطـروح ... يـشـرحـلـي أجـروح

________________________________
( ٤ )
أتـمـنـيــت نـعـشـي إلــي تـشـيـلـه إمـتـونـك
شـلّـي إبـحـيــاتـي الـخــالــيـه إمـن أعـيـونـك
الـحـسـن وأحـسـيــن أو عـلـي إيـشــيـعـونـك
وچــم واحــد إمــن أصــحــابــك إيــحـبـونـك
_____________

قِــلــه مــن أصـحــابـك إلــي شــيـعـوك
ولـلـسـقـيـفـه أتـعـنـو الـبـاقـي ونـسـوك

جـرحـك مـفـتـوح ... يـشـرحـلـي أجـروح

________________________________
( ٥ )
حـيـدر أخـلافـك بـويـه كـونـك شـفـتـه
دمـعـاتـه تـجـري أو حـسـرتـه إبـسـالـفـتـه
وإلـ أكــثــر أو أكــثــر بــعــد لاچــمــتـه
وصـيــتــه يـصــبـر بـعــد مـوتـك أنـتـه
_____________

حـيـدر أحـتـار إبـوصـيـتـك والـصـبـر
وصـعـبـه لاكـن هـوه مـا گـال أعـتـذر

وإيـضـل مـجـروح ... يـشـرحـلـي أجـروح

________________________________
( ٦ )
بــاچــر إلــك خــدام يــابــو الـقـاسـم
كـل واحـد إبـهـيـئـة مَـلـك مـو خـادم
أتــمــيــزهــم أنـتـه إبـيـن كـل الـوادم
يـحــيــون يـومــك فـقـط هــذا الـلازم
_____________

الـلّٰـه يـخـلـق نـاس إلـك تـحـيـي الـعـزاء
ويـوم مــوتــك بـي فــرض هــوه الـبـكـاء

دمـع الـمـسـفـوح ... يـشـرحـلـي أجـروح

________________________________

خـادم الـحـسـيـن
حـسـن مـسـلـم الـعـتـابـي

مـلـك الـمـوت خـطـاري
گــاصــد بـالـحــزن داري

يـنـاشـدنـي أو يـخـيـرنـي إعـلـه أمـريـن
يــاخـذ ولـدي لــو يــاخـذ الـسـبـطـيـن

________________________________
( ١ )
دگ بـابـي عـزريـل إبـخـجـل
گـلـي أنـه جـايـك مـؤتـمـن
إبـراهـيـم والـقـاسـم أعـز
لـو عـنـدك أحـسـيـن وحـسـن
الـلّـه أمـرنـي أنـزل إلـگ
والـيـوم صـبـرك مـتـمـحـن
لـلـمـوت تـخـتـار أو تِـرد
ألـمـن تـحـضـرلـك چـفـن


مـن جـاوبـتـه أخـذ ولـدي
نــزلــت دمـعـتـي إبـخـدي

أبـد مـا عـنـدي أعــز مـن حـسـن وحـسـيـن
يــاخــذ ولــدي لـــو يـــاخــذ الــســبـطـيـن

________________________________
( ٢ )
لــو تــاخـذ أولادي الـحـزن
أنـه أو خـديـجـه بـي سـوه
نـصـبـر أو نـگـدر عـالـفـگـد
چــا غـيـر شــوفـتـهـم دوه
السـبـطـيـن لـو راحـوا بـعـد
إبـدنـيـانـه مــا نـلـگـه ضـوه
وأشـويـه لـو بـعـدوا نـحـس
شـح عـنـه كـل هـذا الـهـوه


إذا بـعـدوا كـثـر ونـي
يـا عـزريـل أعـز مـنـي

أنـه إمـن أرمـش عـلـيـهـم تـنـشـد الـعـيـن
يــاخــذ ولــدي لــو يــاخــذ الــسـبــطـيـن

________________________________
( ٣ )
مـن عـنـدي تـاخـذهـم ردت
بـالـدنـيـا بـس هـمـه إلـي
تـدري الـگـلـب بـيـهـم يـدگ
چـا غـيـر والـدهـم عـلـي
أعـزار الـلّٰـه أمـهـم فـاطـمـه
مـا ريـد ونـهـه يـعـتـلـي
بـس بـاوع الـنـعـمـه أو تِـحـس
جـنـة الـبـاري إبـمـنـزلـي


تـعـال وشـوفـنـي أشـبـيـه
مــنــهـــم بــيــه حــنـيـه

الـحـنـان الـ بـيـهـم إمـعـيـشـنـي عـزيـن
يــاخـذ ولـدي لــو يــاخــذ الــسـبـطـيـن

________________________________
( ٤ )
لـو خـذت مـن عـنـدي الـحـسـن
يـعـنـي الـكـرم جـاسـه الـضـمـه
مـن يـوگـف إمـعـزب بـعـد
وأولـيـدي رايـح لـلـسـمـه
مـتـروس مـن زغـره إبـهـلا
بـحـزامـي أنـه إمـحـزمـه
لا سامـح الـلّٰـه أو لـو مـشـه
عـالـكـرم يـعـنـي الـخـاتـمـه


كــريــم أو بــالـكـرم صـيـتـه
إبـمـضـيـف الـبـاري تـربـيـتـه

رسـالـه أو كــرم أبـنـي أيــأدي دوريـن
يـاخـذ ولـدي لـو يـاخـذ الــسـبـطـيـن
________________________________
( ٥ )
وأحـسـيـن ثـمـرة دنـيـتـي
يـومـيـه أبـوسـه إمـن الـنـحـر
شـلـتـه عـلـه أچـتـافـي إبـوكـت
شـايـل رسـالـه إعـلـه الـظـهـر
بـاچـر يـطـيـح إعـلـه الـثـره
وإيـضـحـي لـلـديـن إبـفـخـر
ويـنـذبـح وإيـعـيـش الـعـدل
چـي دمـه عـالـسـيـف أنـتـصـر


تـاخـذ روحـه بـس يـبـقـه
عــايـش بـالـ أرض صِـدقـه

لأن عـنـده گــمــر يــوفــيـلـه چـفـيـن
يـاخـذ ولـدي لـو يـاخـذ الــسـبـطـيـن
________________________________
( ٦ )
بـاچـر تـجـيـنـي إبـهـل أمـر
تـلـگـانـي جـاهـز لـلـوعـد
هـمـه الـيـحـضـرولـي الـچـفـن
يــدرون مــا أرجــع بـعـد
وهـمـه الـيـشـيـعـون الـنـعـش
أولادي وأعـرفـهـم سـنـد
يـقـرون إلـيـه الـفـاتـحـه
والـقـل هـوه الـلّٰـه أحـد


يـذبـحـهـم خــبــر مـوتـي
عـلـيـهـم كـلـفـه تـابـوتـي

عـلـيـهـم مـوتـي چـنـه إيـصـيـر طـفـيـن
يــاخـذ ولــدي لــو يــاخــذ الــسـبـطـيـن
________________________________

خـادم الـحـسـيـن
حـسـن مـسـلـم الـعـتـابـي

يـا جــداه ،،، وا ويــلاه

عايفنه ابدمعات او حسره
من اتـروح اتـمـوت الزهره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
١
اني ادري الرايـح مـا يرجع ليش اتروح
بيت العتره ابموتك يصفه بيت اجروح
حيدر والزهره وحسنـيـنـك كلها اتنوح
واحدنـه ابفگـدك لو شفته مـا بي روح

هذا الحال ،،، ما ينگال

ينعاش او بي عِبره وعَبره
من اتروح اتمـوت الزهره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
٢
موتك ياخذني الحسراتي وراح اطول
تستوطن صدري واتحسر بيش اتزول
چنت احـلـم اكبر گدامك بس انگول
ما يمشي الخطوه إلا ابحلمه كل مشلول

بالتوديع ،،، حلمي ايضيع

مـا تـصـفـالي إلا الذكره
من اتروح اتموت الزهره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
٣
من يطلع جسمك من بيتك بالتّابوت
راح اطـب نيران الفتنه ويبدي الموت
اصحابك تبچيـلـك قِـله وإلهم صوت
واكـبـرهم متـحـضر لاكـن مـو زاتوت

كلشي احتار ،،، يـا ستار

لضلوع امي امحضـر الكسره
مـن اتـروح اتـمـوت الـزهـره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
٤
من بعدك فتـره وتهظمني باب الدار
بيها امي اتفارگـني ابلـوعه يالمختـار
يدفعـها الظـالم عالـزهـره والبسمار
هوه الينـبت بضلوع امّي بس بي نـار

هذا الجاي ،،، من دنياي

بعدك نار او جمره او صطره
مـن اتـروح اتـمـوت الـزهـره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
٥
قَـولك عني ابهاي الدنيا كِله احساس
مني احسين او منك اني تدري الناس
لازم عدهم يبقى الاقدس چي مقياس
مو حافر يكسرلي اضلوعي وگطعت راس

خيل ادوس ،،، حتى الروس

واحسينك يتهشم صدره
من اتـروح اتموت الزهره

وا ويـلاه ،،، يـا جـداه
::::::::::::::::::::::::::::::::::::::::::::::::::::::::::
خادم الحسين
حسن مسلم العتابي

كـانَ هـنـاكَ حـديـثـاً لـلـوداع
مـن ذو الـفـقـار مـع مـولانـا عـلـي ( ع )
_________

عـلـى نـعـشـك طـحـت وأتـمـنـه بـالـطـيـف
أنـــــه أويــــاك ســيــف إيـــودع إبـ ســيـف

حـلـم نـرجـع لَـ أمـس ... تِــرد بـيـه الـشـمـس

أنـــــه أويـــاك ســيــف إيـــودع إبـ ســيـف
_______________________________
( ١ )
وكـت سـيـف الـلّٰـه بـالـتـابـوت
وفـقـاره إيـسـولـف أو يـحـلـم
بـ أن راســـك طـبــرتــه أوهـــام
ويــفــز أو إيــروح ذاك الـهـم
ويـرد بـأحـزامـك أو لـلـصـيـت
شـابـگ چـفـك إلـ يـنـشـم
ويـمـشـي أويــاك مـن أتـروح
تـنـطـي أو وجـهـك إمـلـثـم
____________

حـلـم بـي ذكـره ذكـره أو عـمـري ويّـاك
عـلـي مـا لـحـضـه عـايـف أنــه يـمـنـاك

بـعـد عِـنْـدي نَـفِـس ... تِـرد بـيـه شـمـس

أنـــــه أويـــاك ســيــف إيـــودع إبـ ســيـف
_______________________________
( ٢ )
عـشـت بـيـن الـسـيـوف أول
ولاكــن يـمـك أخـر شـيّ
حـدت نـظـرتـك تـنـشـاف
بـحـيـث إلـهـا أبــاوع فـيّ
إمـوت إبـلا يـمـيـنـك لـيـش
وأنـتـه إبــلا فـقــارك حـيّ
إذاً أنـتـه إلـ قـبـل عـيـسـه
گـدر يـمـشـي إعـلـه ظـهـر الـمي
____________

عـلـي كـلـشـي آلـ يـلامـس چـفـك إيـعـيـش
بـيـدك عــش حـنــان أنــعــم مِــنَ الـريـش

حـنـيـن أو بـالـلـمـس ... تِـرد بـيـه الـشـمـس

أنـــــه أويـــاك ســيــف إيـــودع إبـ ســيـف
_______________________________
( ٣ )
ســكــوتــك هــذا خــوفــنــي
إبــد هـ الــلــيــلـه مــا مـرتـاح
حــديــد أنــه أو صـلـب لاكــن
دمـع مـن قـوّتـي أشـگـد طـاح
الـزرع وكــت الـعِــطــش أدري
الـيـشـربـه الـمــاي بـس فــلاح
يـزارعـنـي أعـطـشـت صـوتـك
أريـد أعـرُف عــلــي مــا راح
____________

تــره الـمــاي الـخـلـگ بـي تـحـيـه مـولاي
وحـيـه أو صـار إبـحـيـاتـك يـاعـلـي الـمـاي

عـطـش صـوتـك هـمـس ... تِـرد بـيـه الـشـمـس

أنـــــه أويـــاك ســيــف إيـــودع إبـ ســيـف
_______________________________
( ٤ )
سـفـيـنـة نــوح مــا تـحـمـل
ونـيـنـي آلـ يـاكـل إبـروحـي
لـو مـوجـده هـسـه أتـسـيـر
تـرسـي إبـسـاحـل أجـروحـي
كـل سـيـف إعـلـه گــاع الـلّٰـه
مـتــأكــد سـمــع نــوحـي
وعـكـسـك سـري مـو بـالـبـيـر
سـري إيـلالـي مـن سـوحـي
____________

بــيــه أتــوچــه حـيـدر أو أفــتــح الـعـيـن
حـتـه أتـگـوم مـن نـعـشـك يـبـو حـسـيـن

عـلـي أو بـيـدك أحـس ... تِـرد بـيـه الـشـمـس

أنـــــه أويـــاك ســيــف إيـــودع إبـ ســيـف
_______________________________
( ٥ )
ضـجـيـج الـلـيـلـه بـي مـقـتـل
مـتـت وإبـيـا عـلـي أتـنـفـس
خـفـت بـس شـابـگ الـتـابـوت
مـثـل دايـر شـذر مـحـبـس
ولـچـمـنـي الـواقـع الـمـؤلـم
سـيـفـك وإبـمـمـاتـك حَـس
إبـسـيـف إبـن الـيـهـوديـه
عـلـي إبـمـحـرابـه راسـه أنـمـس
____________

عـلـي أنـتـه الـصـلاه والـقـربـه لـ الـلّٰـه
والـلّٰـه إبـطـبـرتـك رادك عـلـي أحـذاه

وأبـد مـا تـحـتـرس ... تِـرد بـيـه الشـمـس

أنـــــه أويـــاك ســيــف إيـــودع إبـ ســيـف
_______________________________
( ٦ )
أكـو أسـيـوف أعـتـنـت نـعـشـك
لاكــن بـيـهـا بـحّـت صـوت
الـحـسـن وأحـسـيـن والـعـبـاس
حـمـلـوه گـــوه لـلـتــابـوت
شـيـعـو نـعـشـك إعـلـه الـروس
ورحـت بـأجـنـازتـك زاتـوت
ومـشـيـنـه آلـ گـبـرك أو صـارت
بـالـخـطـوه إلـنـه روح أتـمـوت
____________

مـشـيـنـه آلـ گـبـرك آلـ بـي تـهـدء الـروح
وعـلـي آلـ يـدفـن عـلـي بـالأرث مـن نـوح

وبـقـه هـذا الـدرس ... تِـرد بـيـه الـشـمـس

أنـــــه أويـــاك ســيــف إيـــودع إبـ ســيـف
_______________________________

خـادم الـحـسـيـن
حـسـن مـسـلـم الـعـتـابـي

سـلام ،،، يــابـو الـيـتــامـىٰ او كـعـبـة الـفـقـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
١
يـا مـصـدر اهــل الـبـيـت جـرحـك بـيـه
روحـي اعـلـه راسـك سـلـمـت مـحـنـيـه
كـل مـا ازورك وانـحـنـي اعـلـه الـشـبـاچ
ابــدي ابـسـلامـي الـروحــك الـقـدسـيـه

سـلام ،،، مـن دمـعـة اعـيـونـي الـتـهـل حـمـره
سـلام ،،، مـن ابـنــك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
٢
كـل عـام مــوتـك مُـخـتـصـر سـالـفـتي
ومـوطـن مـنـاجـاتي وكـهـف عـاطـفـتي
گـبـرك يـظـل عـاصـمـة نـوحـي بـرمـضـان
ومـن جــرح راســك حــددت خـارطـتي

سـلام ،،، مـن عـاصـمـة نـوحـي وبــدت عَـبـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
٣
ابـلـيـلـة وفــاتـك يـا عـلـي اتـبـاوعـنـي
فــوگ الأرض مـحـد وصـل يــم حـزنـي
انـه ابـنـك الـمـا نـاسـي جـرح لــو يـوم
شـلـون انـسـه يـالـمـحـرابـك ايـذكـرنـي

سـلام ،،، مـن حـزنـي حــد مـا تـقـبـل الـزهـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
٤
مـن اوگــف اگــبــال الــگــبــر اتـلـوه
چـن يــوم مـوتــك عـنـدي صـايـر تـوه
گـدامـي تـنـزف طـبـرتـك بـالـمـحـراب
واتـشـوغ روحـي الـجـرحـك او اتـچـوه

سـلام ،،، مـن شــوغــتـي وآهــاتـي والـحـسـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
٥
مـن طـفـت گـبـرك يـا عـلـي ابـدمـعـتـاتـي
وصـلـيـت بـالـحــضـره او فـرشـت آهــاتـي
تـبـچـيـلـي وابـچـيـلـك واطـيــح او أنـخـاك
تـسـنـدلـي ظـهـري الـمـنـحـنـي ابـحـسـراتـي

سـلام ،،، مـن كـلـشـي بـيـه ايـطـوف بـالـحـضـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::
٦
بـاوعـت نــاســك بـالـمـجــالـس رايـه
لـلـعـشـگـك والإخـلاص هـمـه إمـرايـه
گـد مـا يـحـبّـون اسـمـك وهـامـوا بـي
كـلـمـة عـلـي ايـشـوفـهـا مـثـل الآيــه

سـلام ،،، مـن شـيـعـتـك واتـوافـي بـالـعِـشـره
سـلام ،،، مـن ابـنـك الـمـهـدي عـلـىٰ الـطـبـره
:::::::::::::::::::::::::::::::::::::::::::::::::::::::::::::::::::

خـادم الـحـسـيـن
حـسـن مـسـلـم الـعـتـابـي

نـزلـه

عِـلَـه صـوت الـمـصـيـبـه ،،، واعـلـيـاه
مـشـه ابــدمــه الـحـبـيـه ،،، واعـلـيـاه
_________________________
١
عـلـي يـاهــو الــيـــرده ،،، واعـلـيـاه
عـلـي مـا عـدنـه بَـعـده ،،، واعـلـيـاه
عـلـي هــوه إلـنـه سـده ،،، واعـلـيـاه
عـلـي بـالـهَـم نـگـصـده ،،، واعـلـيـاه

عـلـي الـنـزفـت حـســرتـه ،،، واعـلـيـاه
عـلـي الـثـگــلـت دمـعـتـه ،،، واعـلـيـاه
عـلـي الـقُــربـت طــبــرتـه ،،، واعـلـيـاه
عـلـي ايـمـوت ابـسـجـدتـه ،،، واعـلـيـاه

صـفـت كــلـش قَـريـبـه ،،، واعـلـيـاه
مـشـه ابـدمـه الـحـبـيـه ،،، واعـلـيـاه

_________________________
٢
عـلـي ابـدم راسـه سـابـح ،،، واعـلـيـاه
عـلـي بـمـحــرابـه طـايـح ،،، واعـلـيـاه
عـلـي مـن جـرحـه واضـح ،،، واعـلـيـاه
عـلـي الـوجــه الـلّٰـه رايـح ،،، واعـلـيـاه

عـلـي الـمـــارف دلــيــلـه ،،، واعـلـيـاه
عـلـي ابــدم يـعـتــنــيـلـه ،،، واعـلـيـاه
عـلـي الــقـــرر رحــيـــلـه ،،، واعـلـيـاه
عـلـي اشـتـاگ الـخـلـيـلـه ،،، واعـلـيـاه

بـقـت هـاي الـعـجـيـبـه
مـشـه ابـدمـه الـحـبـيـه ،،، واعـلـيـاه
_________________________
٣
عـلـي ايـجـمـع الـيـتـامـه ،،، واعـلـيـاه
عـلـي انـطــاهـم عــلامـه ،،، واعـلـيـاه
عـلـي او مــا ظَــم كـلامـه ،،، واعـلـيـاه
عـلـي الـگـــال ابـســلامـه ،،، واعـلـيـاه

عـلـي ابـهـلـيـلـه يـصـعـد ،،، واعـلـيـاه
عـلـي اشـتـاگ الـمـحـمـد ،،، واعـلـيـاه
عـلـي الـمــا مـثــلـه أحـد ،،، واعـلـيـاه
عـلـي ابـمــوتــه مــســدد ،،، واعـلـيـاه

بـقـه حــايــر طـبــيــبـه ،،، واعـلـيـاه
مـشـه ابـدمـه الـحـبـيـه ،،، واعـلـيـاه
_________________________
٤
عـلـي عــدنــه الـعـقـيـده ،،، واعـلـيـاه
عـلـي اكـبـرنـه اعـلـه أيـده ،،، واعـلـيـاه
عـلـي نــمــشـي ابــوريـده ،،، واعـلـيـاه
عـلـي ايــحــب الــيــريـده ،،، واعـلـيـاه

عـلـي ذكـــره عــبـــاده ،،، واعـلـيـاه
عـلـي ذكـره إلـنـه عـاده ،،، واعـلـيـاه
عـلـي ضـگــنــه مُــراده ،،، واعـلـيـاه
عـلـي كـل نـسـلـه قـاده ،،، واعـلـيـاه

ورفـعـنـه ابـراسـه شـيـبـه ،،، واعـلـيـاه
مـشـه ابــدمــه الـحـبـيـه ،،، واعـلـيـاه
_________________________
٥
عـلـي ســــــور الـــولايـه ،،، واعـلـيـاه
عـلـي الـمـدمـعـنـه رايـه ،،، واعـلـيـاه
عـلـي الـكــلـشـي بـدايـه ،،، واعـلـيـاه
عـلـي بـأسـمـه الـنـهـايـه ،،، واعـلـيـاه

عـلـي حـبـل الـلّٰـه هـوه ،،، واعـلـيـاه
عـلـي مـن گــبـره ضـوه ،،، واعـلـيـاه
عـلـي الـيـنـطـيـنـه قـوه ،،، واعـلـيـاه
عـلـي نـبـچـيـلـه يـسـوه ،،، واعـلـيـاه

تـره الـكـسـره ابـمـغـيـبـه
مـشـه ابــدمــه الـحـبـيـه ،،، واعـلـيـاه
_________________________
٦
عـلـي الـيـجـبـر خـواطـر ،،، واعـلـيـاه
عـلـي بـالـشــده حـاضـر ،،، واعـلـيـاه
عـلـي صـوت الـمـشـاعـر ،،، واعـلـيـاه
عـلـي ابـحـبـه نــكــــابـر ،،، واعـلـيـاه

عـلـي هِـمـنـه ابـصـفـاتـه ،،، واعـلـيـاه
عـلـي الـظـمـنـه ابـغـلاتـه ،،، واعـلـيـاه
عـلـي ايـلـمـنـه ابـعـبـاتـه ،،، واعـلـيـاه
عـلـي انـطــانـه ابـرضـاتـه ،،، واعـلـيـاه

وأحـذ كـلـمـن نـصـيـبـه
مـشـه ابـدمـه الـحـبـيـه ،،، واعـلـيـاه
_________________________

خـادم الـحـسـيـن
حـسـن مـسـلـم الـعـتـابـي

وداعـاً تِـعـلـه يـابـو أتـراب
جـرحـك لـلـنـزف مـحـراب

گـطـراة الـدمـه إبـراسـك عـلـي إيـصـلـن
وتــراتــيــل الـفـجـر بـمـصـابـك إيـرتـلـن
____________________________
( ١ )
عـلـي أنـه أعـتـقـادي الـجـرحـك إيـفـسـره
مـثـل مـحـراب بـي دمــك سـجـد حـسـره
عـبـادات أو مـنــاسـك تـحـيـي كـل گـطـره
ولــيــالـي الـقـدر صــارت داخــل الـطـبـره


حِـيَـنْ أعـظـم لـيـالـي الـلّٰـهْ
وسـط الـطــبـره بــالــويـلاهْ

وبِـدالـك يـا عـلـي فـرض الـصـبـح كـمـلـن
وتــراتــيــل الـفــجــر بـمـصـابـك إيـرتـلـن

____________________________
( ٢ )
( أآذان )أرتــفــع مــن جــرح إلـ بــراسـك
وگـطـراة الـدمـه قـبـلــتـهـن أحـسـاسـك
صــلاة أوداع صــلاً بـس قـــبـــل نــاسـك
ولاكـن مـن جـلـوس إمـوشـلـه أنـفـاسـك


لـِ وداعـك يـا عـلـي قـد حـان
عَــلــه ألـسـان الـجــرح أآذان

يـعِـلـن عَـلـه أنـفـاسـك بـالـقـدر وشـلـن
وتــراتــيـل الـفـجـر بـمـصـابـك إيـرتـلـن

____________________________
( ٣ )
گـطـراة الـدمـه إبـحـب ديـنـك إيـنـزلـن
وبــيـمـان أو بـلاغـه أو صـبـرك أتـحـلـن
وبــدروب الــســمــاوات أدري يــنـدلـن
وحــاشــاهــن إذا بـالــمــوت يــنــذلـن


لـلـمـحـشـر الـگـلـتـه إيـدوم
وربُ الـكــعـبـه فـزت الـيـوم

وإبـدم الـشـهـاده أحـروفــه يــتــجـلـن
وتـراتـيـل الـفـجـر بـمـصـابـك إيـرتـلـن

____________________________
( ٤ )
عَــلــه أيــتــامـك بِــقـه بــاب الأمـل مـسـدود
ومـو بـيـرغ .. دمــع ظـل بـيـهـا إلـك مـعـگـود
الـلـيـالـي الـبـيـض چـانـن بـيـض مـن مـوجـود
ومــن أتــمــوت يــتــبــدلـن عــلــيــهــم سـود


مــو مــن شـافــوا الــتــابـوت
سِـود إيـصـيـرن إمـن أتـمـوت

وعَـلـه فـرگـة أعـيـونـك يـا عـلـي إتـبـدلـن
وتــراتــيــل الـفــجـر بـمـصـابـك إيـرتـلـن

____________________________
( ٥ )
يـبـو أحـسـيـن الـيـتـامـه إبـبـابـك أتـريـدك
وحـبـهـم يـا عـلـي ظـل يـمـشـي بـأوريـدك
عـلـيـهـم بـيـنـت إبـوجــهــك تــجـاعـيـدك
وغـفـلـه أو عـن رأسـهـم غــاب چــف أيـدك

مـنـو الـيـنـطـيـهـم إمـلـثـم
وأنـتــه إبــمــوتــك إمـحـزم

وأحــلام الـيـتــامـه إبـمـوتـك أخـتـلـن
وتـراتـيـل الـفـجـر بـمـصـابـك إيـرتـلـن

____________________________

خـادم الـحـسـيـن
حـسـن مـسـلـم الـعـتـابـي

يـا عـيـد اِلـيـجـيـنـي أو والـدي اِبـگـبـره
أعـيّـد بــيـش غـيـر اِبـنـوح وابـكـسـره

زمــانـي اِلــمــا رعــانـي
اِبـفـگـد حـيـدر سـبـانـي
_________________________
( ١ )
اِلـعـيـد الأول هـذا اِلـي
بـس بـيْ نـقـص روحـيـه
بـهـلالـه جـايـبـلي اِلـحزن
مــا جـايـب اِلـحـنـيـه
‏
خـــلانـي مــن دون الـبــشـر
اَشـبـع بـچـي واَشـبــع قــهـر
اَفـراگ الإبـو يـحـنـي الـظـهـر
لـو لـيـلـه مـر بـبـنـيـه


حـرت ويـن اَنـطـي وجـهـي وراح اِلـمـعـدل
عـيــد الـلّٰـه اِعـلـه زيـنـب مـأتــم اَتــحـول

اَخـــذ عــزي وحــنــانـي
اِبـفـگـد حـيـدر سـبـانـي
_______________
( ٢ )
لـيـلـة اِلـعـيـد اكـبـر جـرح
بـحـسـاسـي يـبـدي الـمـغـرب
لـمـن يـهـل أهـلالـه أحـس
يـم ظـهـري سـهـلـه إمـحـدب

بـي مـا يـمـر مـوقـف صـعـب
حـتـى يـظـل مـدمــع يـصـب
فـگـد الـ إبـو إيـذوب الـگـلـب
بـس يـبـدي بـي مـن الـلـب


راح الـگــبـره بـس مــا راح مـن بــالـي
صـبـاح الـعـيـد مـن افـراگـه چـتـالـي

إذا مــوتــي نــســانـي
اِبـفـگـد حـيـدر سـبـانـي
____________
( ٣ )
عــيــد الله مـن مـا بـي إبــو
مـا يـنـوصـف حـد ضـيـمـه
مـثـل الـورد وكـت الـعـطـش
يـتـلـفـت اعـلـه الـغـيـمـه
‏
هـاي الـحـقـيـقـه لـو حـلـم
رايـح عـلـي أو جــاي اِلـيـتـم
صـح يـمـي خــوانـي أو زلــم
بـس فـارگـيـنـه خـيـمـه


كـل يــوم اِلـيـمـر اَخـلاف اَبـو اِلـحـسـنـيـن
تـتـشاهـد دمـعـتـي اَو تـنـزل اِمـن اِلـعـيـن

عـلـى عَـــدّ اِلـــثـــوانـي
اِبـفـگـد حـيـدر سـبـانـي
___________
( ٤ )
اِبـعـيـد الله اَسـود مـلـبـسـي
ومـن چـان لـبـسـي اِلاَبـيـّض
واِلـفــارگ اَعـيــونـي عــلــي
بـيـمـن بـعـد يـتـعـوّض

مـن نـاري دفـيّـت اِلـشـمـس
بـفـراگــه مـكـسـورة نــفـس
اِمـچـان اِلإبــو مـــا يـنـتـرس
واِلـعـيـد اَحـسـّه اِمـرضـرض


راح إمـن أيـدي غـفـلـه او مـا تِـفـيـد إلـ لـيـش
حـگـهـا اِلـراح أبـوهـا أخــلافــه تـقــنـع بـيـش

جـرح فـگـده إبـمـكـانـي
اِبـفـگـد حـيـدر سـبـانـي
_____________
( ٥ )
بـالـظـيـم عـمـري اِلـجـاي اَحـس
بـفـراگ اَبـوي وعــطـره
مـحـتـاجـه حـضـنـه اِلـحـسـرتـي
ومـحـتـاجـه مـنّـه الـنـظـره
‏
حـضــن اِلإبــو هــوه اِلــوطـن
يـحـمـيـنـي مـن جـور اِلـزمـن
بـغـيـابـه لـ إشـمـوع اِنـطـفـن
واِبـگـلـبـي وجّـت حـسـره


نـــار اَفــراگ اَبــوي اِبــصــدري مــا تـطـفـي
گـمـت بـحـسـاسـي اَدور لـمـسـتـه اِبـجـفـي

واَشــم بــيــهــا تـــرانـي
اِبـفـگـد حـيـدر سـبـانـي
_____________

خــادم الـحـسـيـن
حـسـن الـعـتـابـي

اول عـــلامـــات الـيـتـم
تـتـبـده مـن فـرض الـصـبـح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا
_________________________
1
تـركـض عـلامـات الـيـتـم
گـدامـي مـن صـارت گـلـت
تـشـمـي اعـلـه طـولـك مـا اضـن
مـن رجـفـت اجـدامـي او طـحـت

دم الـطـفـح مـن طـبـرتـك
ضـي شـفـتـه صـابـغ شـيـبـتـك
يـرسـمـلـي لَـوحـة فـرگـتـك ،، يـا ابـا الـحـسـن

عـمـري الـيـجـي ابـلَـوحـه انـرسـم
بـعـدك يـبـو وجـه الـسـمـح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا

_____________________
2
لا تـمـشـي لـلـمـوت انـتـضـر
بـعـدك تـضـل زيـنـب لِـمَـن
وانـه ادري بـخـوانـي زلـم
يـحـمـونـي لـو جـار الـزمـن

مـوتـك كـسـر ظـهـر اخـوتي
و يـا چـف يـنـشـف دمـعـتي
بـالــحـســره رفــت رايـــتي ،، طـول الـعـمـر

مـا ضـل طـعـم بـالـدنـيـا مـن
شـفـت ابـعـنـش شـيـعـوا مـلـح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا

_____________________
3
يـتـزاحـم ابـروحـي الالـم
مـنـا لـحـد يـوم الـحـشـر
اتـلـوه كـل رمـضـان اضـل
واتــهــدم ابـلـيـل الـقـدر

يحـنـيـني حـد مــا انـهـشـم
وابـعـيـني مـيـت چـم حـلـم
ابـجـيـلــك او عـنــدي عـلـم ،،، مـتـرد الـي

شـيـلـمـني بـويـه اطـشـرت
يـم ذكـريـاتـك مـن تـصـح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا

_____________________
4
لـو بـيـدي عـالـمـوت انـتـچـي
حـد مـا احـس روحـي مـتـت
ومـا فـارگ اعـيـونـك ولا
حـنـيـتـك الـبـيـهـا عـشـت

انـتـه الـچـنـت خـيـمـة بـخـت
روحـي اعـلـه فـيـهـا اتـعـلـمـت
مـن عـنــدي راحــت مــا بـقـت ،، والـهـم بـقـه

شـمـس الـيـتـم طـلـعـت بـعـد
مـا غـابـت اعـلـه الـمـنـجـرح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا

_____________________
5
حـزن الأرض كِـلـه ولا
يكـفـيـهـا لـلـفـگـدت أبـو
مـن تـلـتـفـت غـربـه او بـرد
بـس يـم ابـوهـا اتـحـس دفـو

والـعــدهـا أب مـثـلـك عـلـي
ايـفـارگـهـا يـاهـو ايـضـل الـي
هـم گــلـبي بـيـمـن يـنـجـلـي ،، وانـتـه ارحـلـت

مـوتـك اخـذ كـل فـرحـتي
وخـلالـي هـم بـعـدك صَـرح
صـارت مـلامـح فـرگـتـك
سـاجـد وأكـو ابـراسـك جـرح

عـلـيـاً وا عـلـيـا ،،، عـلـيـاً وا عـلـيـا

_____________________
خـادم الـحـسـيـن
حـسـن مـسـلـم الـعـتـابـي

مـوتـك مـن اَجـاك •• إبـدم راسـك لـگـاك

إمـن أتـگـابـلـتـوا اِلـعـيـن أبـعـيـن
خـايــف مــوتــك يــا بـو حـسـيـن
___________________________________
( ١ )
اِلـمـوت خـايـف مـن اَجــالـك
يـا عـلـي أو أبـسـط دلـيـل
مـن رجــف كــون الـلّٰـه كِــلــه
ثـاري گـاصـدلـك دخـيـل
بـس لَـمَـن غـمـضـت أعـيـونـك
چـنـت نـاوي اِعـلـه اِلـرحـيـل
واِلـيــتــامــه اِبــيــش تــقــنــع
هـوه هـذا الـمـسـتـحـيـل



مـن يـقـنـع بَـعـد •• ضـيْ وجـهـك بـِعـد

تـدري أيــتــامـك تـِعـرُف زيـن
خـايـف مـوتـك يـا بـو حـسـيـن
___________________________________
( ٢ )
أنـتـه سـيـف الـلّٰـه ومُـراده
إبـلايـه شــك ولا نـضـيـر
وأنـتـه لـلأسـلام قـبـلـه
وأنـتـه بـاب الـلّٰـه اِلـجـبـيـر
يـالـشـلـت ديـن اِعـلـه ضـهـرك
ويــن أكــو مـثـلـك أمـيـر
چـان أكـبـر حـلـم عـنـدك
مــا يـضـل واحـد فـقـيـر



حـلـمـك هـذا چـان •• كـل نـاسـك بـأمـان

إبـحـكـمـك عـاشـو مـرتـاحـيـن
خـايــف مـوتـك يـا بـو حـسـيـن
___________________________________
( ٣ )
رايـح ومـشـتـاگ لـ الـلّٰـه
وهـوه هـم مـشـتـاگ إلـك
وأنـتـه لـو مـا نـاوي تـرحل
يـــاهــو يـگـدر يـوصـلـك
قـررت فـي شـهـره لاكــن
بـالـقـدُر بـس مـقـتـلـك
إبـلـيـلـة الـقـرآن نـازل
قِـبـلـة لـلـحـب نـزلـك



گـبـرك بـي مـصـيـر •• قـبـلـة حـب يـصـيـر

والـعــاشــگ يــنــدلــهـا إمـيـن
خـايــف مـوتـك يـا بـو حـسـيـن

___________________________________
( ٤ )
سـاعـة اِلـمـوت أو رجـفـتـه
بـيـك مــا مـرت أبــد
راسـك إعـلـه أجـفـوف زيـنـب
وگـلـبـك اِعـلـيـهـا اَنـمـرد
صـحـت يـا عـبـاس أريـدك
يـبـنـي تـنـطـيـنـي وعَـد
هـاي زيـنـب بـويـه بـيـدك
لـو بـچـت صـيـرلـهـا خَـد



هـاي أم الـخـدر •• إبـعـيـنـك تـسـتـقـر

إبـهـاي أخــوانـك مــطـمـنــيـن
خـايــف مـوتـك يـا بـو حـسـيـن
___________________________________
( ٥ )
لـيـلـة اِلـوحـشـه اِعـلـه نـاسـك
حـيـرت اَهـل اِلـعـقـل
بـيـهـا صـوت اِلـنـاعـي عـالـي
وتِـذهـل اِلـمـا يـنـذهـل
وبـچّـت اِلـمـا تـبـچـي عـيـنـه
وشـيـبـت حـتـه اِلـطـفـل
يـبـو أحـسـيـن إعـلـه الـيـتـامـه
أفـراگ وجـهـك مـو سـهـل


لـيـلـة أو بـيـهـا صـوت •• وي كـل دمـعـه مـوت

لـيـلـه أو بـيـهـا الـيـعـلـه أونـيـن
خـايــف مـوتـك يـا بـو حـسـيـن
___________________________________

خـادم الـحـسـيـن
حـسـن مـسـلـم الـعـتـابـي

يـآيـة هــل أتىٰ
يصاحب لا فتىٰ
علي علي علي

يمـزان الصدگ
يبيـبان العشگ
علي علي علي
:::::::::::::::::::::::::::::::::::::::::::::::
١
انت باب الله الچبيره ابدنيا كلها امسدده
يا علي الْـفَـيْ من عطائك يا فطن ليحدده

گـبـرك صار ،،، موطن رحمه
ينطي الناس ،،، كـلمن حلمه

يابو الايتام احنه ايتامك بأسْمك عشنه
من تنـطيـنه ابـلا منينه اشـگـد اتحبنه
يـا والـدنـه

عطـائك لـلبشر
عِبر مو بس عُبر
علي علي علي

بـدايـتـنـه هَـواك
نـهـايـتـنـه رضاك
علي علي علي
:::::::::::::::::::::::::::::::::::::::::::::::
٢
انت ايـد الله الكريمه وانت ايـده الي تطگ
وحده تصطر باليضدك وحده لتوزع عشگ

والـرَّحـمٰـن ،،، صاغ اچفوفك
شلت الكون ،،، فوگ اچتوفك

انت الما والاك ايضيع ابهذا الكوكب
ميطب للجَّنه ابلا حُبك وابـلا مذهب
بي يتذهَّب

طريقك بي ثَمر
مشياناه ع الأثَر
علي علي علي

بقه نهجك صرح
لأن بأسْمك فتـح
علي علي علي
:::::::::::::::::::::::::::::::::::::::::::::::
٣
انت ميزان الحقيقه وأي عمل بأسْمك كِمل
تشهد ابهاي الخليقه بس عـلـي خير العمل

ذو الـفـقَّـار ،،، للحگ اسس
فوگ الروس ،،، ضل يتنفس

لـو مـا عادل انت وحكمك مـا تتخلد
ذو الـفـقَّـارك عادل مثلك يشطر عالحد
مـا يـتـردد

للإسلام انت مَد
ابـد ميحدَّه حَد
علي علي علي

لأن خـيـر العـمـل
طحت فوگ العلل
علي علي علي
:::::::::::::::::::::::::::::::::::::::::::::::
٤
يا علي انت الكل بدايه منهج او رايه او وتَـد
من نِـذِكـرك نُعرف احنه منـك العُدَّه وعدد

من طـرواك ،،، نرسـم مشهد
ظهره الناس ،،، بأسْمك ينشد

اسمـك شَـد اظهور العـالـم وكت الكسره
ينطي الراي وينطي الحكمه وينطي الفكره
ويحي النظره

يضل اسمك نبُض
عـزم لأهـل الأرُض
علي علي علي

بـقـه ايـوزع الامل
بقه الكل شده حَل
علي علي علي
:::::::::::::::::::::::::::::::::::::::::::::::
٥
كل خضار الدنيا منك يالأريجك بوصله
دلَّت العالم عليك او لَمْـلِـمتْـهم قافله

رَد ارواح ،،، هــذا اريجك
للعشاگ ،،، يبقه خليجك

انت خليجك يروي احبابك بالحنيه
ذكرك هـوه الغـذَّه الوادم بالروحيه
بي قدسيه

يرحـمـٰن ورحـيـم
صراطك مستـقيم
علي علي علي

حُروفـك بسمله
ودليل او بوصله
علي علي علي
:::::::::::::::::::::::::::::::::::::::::::::::
خادم الحسين
حسن مسلم العتابي

يَـا كَـعْـبَـةَ الْأَيْــتَــامِ كَـيْـفَ سَـتُـجْـرَحُ
وَالـشَّـيْـبُ فِـيْ أَزْكَـىٰ الـدِّمَـا يَـتَـوَشَّـحُ

فَـمَـنْ الَّـذِي يَـرْعَـىٰ يَــتَــامَـاكَ الَّـتِـي
تَــرْنُــو فِـــرَاقـــاً دَامِــيــاً يَــتَــوَضَّـحُ

فَـالْـيُـتْـمُ هَـٰـذَا خِـنْـجَـرٌ وَبِـظَـهْـرِهِـمْ
مُـسْـتَـوْطِـنٌ غَـدْراً فَـكَـيْـفَ سَـيَـبْــرَحُ

وَلِــسَــانَـهُـمْ فِـيْ كُـلِّ فَـجْــرٍ صَــادِحٌ
مَــحْــرَابُ حَـــيْـــدَرَةٍ بِـــهِ نَــتَــذَبَّـحُ

فَــبِــهِ فَــقَـــدْنَــا وَالِــــدَاً وَمُــرَبْــيـاً
مِــنْ حِــجْـرِهِ أَوْ عَــطْـفِــهِ لَا نَـلْــمَـحُ

قَـدْ أُزْهِـقَـتْ كُـلُّ الـنَّـفُوسِ بِـحَـسْــرَةٍ
فَـقَـلُـوبَـنَـا مِـنْ حُــزْنِــهَــا تَــتَــقَــرَّحُ

وَعُـيُـونُـنَـا تَـلْـظـىٰ لِـفَـقْـدِّ جَـمَـالِـهَـا
وَجُــفُــونِّــنَـا أَبْـــوَابُــهَــا تَـتَــفْــتَــحُ

فَـالـدَّمْـعُ فِـي خَـدِّ الْـيَـتِـيـمِ مَـحَـطَـةً
وَمَــصَــائِـبـاً تَـبْـقَـىٰ بِــهِ تَـتَــمَـسْـرَحُ

فِـيْ كُـلِّ سَـيْـلٍ فِــيْــهِ بَـانَـتْ لَــوْعَــةٌ
كَـفَّـيْـكَ غَـابَـتْ مِـنْ سِـوَاهَـا يَـمْـسَـحُ

إنّــا فَــقُــدْنَـــاكَ جَــلِـــيـسُ مَـــوَدَّةٍ
أنْـتَ الَّــذي بــحِــوارِهِ قَــدْ يَــسْــمَـحُ

أَنْــتَ الَّــذِي غَــذَّيْــتَــنَــا بِــمَـشَـاعِـرٍ
إِذْ كُــلُّ قَـــوْلٍ كَـــانَ خُــبْــزاً يُــطْـرَحُ

يَـا مَـوْطِـنَ الـتَّـقْـوَىٰ وَصَـوْتُـكَ نَـاصِـحٌ
لِــلّٰــهِ مَــنْ بِـحَــدِيْــثِــهِ قَـدْ يَـنْــصَـحُ

مَــا كَـــانَ هَــٰـذَا الْــحُـــبُّ إِلَّا رَايَــــةً
وَبِـحُــبِّــهِ فِـي الْـحَــشْــرِ إِنَّــا نَـفْـلَـحُ

رَصَّـعْـتَــنَـا عِـلـمـاً لِـنَــعْـلُـوا حِـكْـمَـةً
وَعَـلَـىٰ طُـغَـاةِ الْـجَـهْـلِ فِـكْـراً نَـصْـدَحُ

أَمَّــــا حَــنَــانِـــيَّــكَ إِلَــيْــنَــا جَــنَّــةٌ
مَــيْــدَانُــهَــا مِــنْ كُــلِّ أرضٍ أَفْــسَـحُ

إِنَّ الـسَّـنِــيْـنَ إِلَــيْــكَ خُـطَّـتْ لَـوْحَـةٌ
مِــنْ بَــعْــدِهِ فِـــيْ دُنْــيَــةٍ لَا نَــفْــرَحُ

فِـي الْـجُـرْحِ صَـوتٌ قَـدْ عَـلَا مِـنْ نَـزْفِـهِ
الْـيَــومُ حَــتْـمــاً فِــيْ فِــرَاقٍ تُـذْبَـحُـوا

مِـنْ " لَـيَـالِـي الْـقَــدْرِ " لَا يُـمْـحَـىٰ لَـهُ
فَــوْقَ وَجْـهِ الـصُّــبْــحِ نَـزْفــاً يَـطْـفَـحُ

وَالْـهَـمُّ قَـدْ خَـنَـقَ الـصِّـدُورَ وَمَـنْ لَـهَـا
حَـتَّىٰ " أَلَــمْ نَــشْــرَحْ " لَـهَـا لَا تَـشْـرَحُ

فَـالْـقَـدْرُ مَــدَّ سَــواعِــداً لِــكِــتَــابِــهِ
وَبِـفَـجْـرِهِ يَــبْــكِــي كِــتَــابٌ أَفْــصَـحُ

:::::::::::::::::::::::::::::::::::::::::::::::
خـادم الـحـسـيـن
حـسـن مـسـلـم الـعـتـابـي

بـيـن الـبـقـيـع او كَـسـرتـي
تـبـچـيـلـي لـو ابـچـيـلـك
شـاء الـلّٰـه نـتـلاگـه او گـلـت
بـضـلـوعـي اشـدلـك حـيـلـك

اربــع اگــبـور ابـزيـاره
لا ضـريـح او لا مـنـاره
____________________________
١
يـالـبـاچـي دم يـم كـل ضِـلـع
نـتــلاگــه لـيـش ابـهـل وضـع
أنــــه ابـضـلـع وانـتـه ابـدمـع ،،، يـالـمـهـدي

بـأرض الـغـرقـد شـاء الـخـالـق
نـتـلاگـه ابـهـل الـحـال او تـدري
اگـبـور اولادي وأم عـبـاسـي
مـن هـدمـوهـن لـچـمـوا كـسـري
وادري الـبـاري ايـعـظـم اجـرك
وانـه ابـدمـعـي ايـعـظـم اجـري


لأحـزامـك الـمـدمـع وصـل
شـد أزرك امـن ادمـوعـك
لا تـنـحـي بـيـه الـكُـسـر
شـيـل ايـدك امـن اضـلـوعـك

دمـعـك الـيـبـدي اعـتـذاره
لا ضــريـــح او لا مــنــــاره
____
٢
يـم الـحـسـن طـحــنـه ضـوه
واتــرابـــه نـشـتــم بـي سـوه
حـسـيـنـه بـي مـن هَـب هـوه ،،، يـتـعـذر

هـذا الـمـا حـط بـاب ابـيـتـه
خـاف يـسـدهـا او ظـيـف ايـمـرَّه
هـسَّـا گـبـره اتـشـوفـه الـعـالـم
مـا بـي گـبـه او مـا بـي حـضـره
بـس احـجـاره او مـخـطـوط اسـمـه
وامـتـانـيـك اتـشـيّـد گـبـره


يـتـنـطـرك وسـط الـلـحـد
تـظـهـر او شـايـل رايـه
تـبـنـيـلـه گـبـره او بـالـصـحـن
رادك اتـسـوي اقـرايـه

ابـرايـتـك تـكـتـب عـبـاره
لا ضــريــح او لا مــنــاره
____
٣
نـمـشـي الـكـبـر بـي كـلـشـي مَـر
مـن الــقــهــر ،،كـــســرة ظــهــر
أب عــنــده حــاچــاه مـن نــحـر ،،، يـنـزف دم

نـوصـل گـبـر الـسـجـاد احـنـه
ونـتـخـيـل يـم گـبـره الـعـاشـر
نـتـخـيـل بـس مـوقـف واحـد
عـشـنـاه كـلـنـه ابـكـسـرة خـاطـر
مـن شـاف احـسـيـن ابـنـص هـيـمـه
وصـدره الـطـاهـر بـي ضـل حـافـر


خـل نـبـچـي عـالـشـافـه لأن
يـــاذنّـــك او يـــاذنّـي
مـن كـربـلـه يـدري اشـكـثـر
هـظـمـنّـك او هـظـمـنّـي

بـالـخـيـم دزلـنـه اشـاره
لا ضـريــح او لا مـنـــاره
____
٤
نـگـصـد گــبـر عــاش الـسـبـي
ابـعـمـر اربـعـه بـس مـو صـبـي
( كَــــهَّــلـــه ) الـتـل الـزيـنـبـي ،،، عـلـه زيـنـب

بـاوع عـمـتـه او عـمـتـك رگـضـت
وي كل خـطـوه ابـشـوغـات ايـشِّـب
بـس مـن بـاوع صـعـدت عـالـتـل
راسـه او رمـشـه ابـلـوعـه ايـشـيِّـب
كـل مـا تـعـثـر عـثـره اعـلـه الـتـل
يـكـبـر عـام او ظـهـره ايـحـدِّب


لـلـطـف بـقـه الـبـاقـر مـثـل
مـصـحـف حـزن بـي نـخـشـع
لـو سـولـفـت قـصـتـه الـجـبـل
چـا بـالـحـزن يـتـصـدع

مـيـت او بـي لـسّـه نـاره
لا ضـريــح او لا مــنـــاره

____
٥
ونـمـشـي الـگـبـر مـنَّـه انـفـلـق
صـبـح الـعـلـم حــد مــا نـطـق
كُـونـيـتـه الـصـادق چـي صـدق ،،، بـفـعـالـه

ابـقـلـعـة حـزن الـطـف ايـأسـس
مـنـهـج قـدسـي او كـوّن مـذهـب
وبـثـواب الـمـحـسـن مــن درّس
عـلـمـه او خَـلـه الـديـن امـذهَـب
كـبّـر نـهـجـه الـحـد مـا سـوه
حـوزه ابـيـتـه اتـعـلـم كـوكـب


چـا لـيـش گـبـره يـنـهـدم
چـي عِـلـمـه عَـلَّـم أُمَّــه
ويـتـسـاوه وي وجـه الأرض
وشــال الـعـلـم لـلـقـمـه

بـعـد مـا حـرگـولـه داره
لا ضـريـح او لا مــنـــاره

____
خـادم الـحـسـيـن
حـسـن الـعـتـابـي