🇷🇺🇺🇦Ուկրաինական պատվիրակությունն այնուամենայնիվ մեկնում է Գոմել, որտեղ այսօր ամբողջ օրը նրանց սպասել են ռուս դիվանագետները: Վերջիններս Երևանի ժամանակով մինչ 16:00 ժամանակ էին տվել ուկրաինացիներին, որի սպառվելուց հետո հայտարարել են, թե բանակցություններ չեն կայանա:

Քիչ առաջ, սակայն, հայտնի դարձավ, որ Ուկրաինան պատվիրակություն է ուղարկում Գոմել: Համապատասխան պայմանավորվածություն, ամենայն հավանականությամբ, ձեռք է բերվել Լուկաշենկո-Զելենսկի հեռախոսազրույցի ընթացքում:

ℹ️Times.am-ը այսօր գործարկել է «Պատերազմներ v.5» Telegram-ալիքը։ Գրելու ենք մեզ համար կարևոր նշանակություն ունեցող պատերազմական գործողությունների մասին։

Բնականաբար, այս օրերին ուշադրության կենտրոնում Ուկրաինան է լինելու։ Բայց լուսաբանվելու են նաև մեր հարակից տարածաշրջաններում տեղի ունեցող մարտական գործողություններն ու պատերազմները։

Կարող եք միանալ այս հղմամբ։ Ալիքում տեղադրվում են միայն ամենակարևոր նորությունները։

✍️Զելենսկին կոչ է արել արտասահմանցիներին գալ Ուկրաինա, միանալ տեղի զորքերին և «պաշտպանել Եվրոպան ու աշխարհը»։ Ի պատասխան այդ կոչի, Բրիտանիայի արտգործնախարար Լիզ Թրասը հայտարարել է, որ ինքը միայն կողջունի, եթե իր երկրի առանձին քաղաքացիներ մեկնեն Ուկրաինա և պատերազմեն ռուսական զորքերի դեմ։ Այդ հոսքն արդեն սկսվել է դեպի Ուկրաինա: Ում ասես մենք դեռ կտեսնենք այնտեղ` սկսած վարձկան ահաբեկիչներից, վերջացնելով ԱՄՆ-ից եկած «կամավոր» պրոֆեսիոնալ զինվորականներով: Այսպես կոչված` «կանաչ մարդուկների» մի ողջ բանակ:

Երբ նայում ես ԱՄՆ, Միացյալ Թագավորության, Եվրոպայի և Արևմտյան դաշինքի այլ երկրներից Ուկրաինային տրամադրվող ֆինանսական ու ռազմական օգնության չափերին, երբ վերոնշյալ հայտարարությունները դնում ես այդ թվերի կողքին ու երբ տեսնում ես, որ Ուկրաինայի կողմից պատերազմին արդեն մասնակցում են, օրինակ, աշխարհի տարբեր տեղերից այնտեղ եկած Ջոհար Դուդաևի կողմնակից չեչենները (ի հակադրություն Կադիրովցիների), հասկանում ես, որ Ուկրաինայում Ռուսաստանը վաղուց արդեն միայն ուկրաինացիների դեմ չի կռվում։ Էլ չեմ խոսում բոլոր այն պատժամիջոցների մասին, որոնք կիրառվում են Ռուսաստանի դեմ։

Պատերազմի ձգձգվելը կարող է լուրջ խնդիրներ առաջացնել Ռուսաստանի համար։ Մոսկվան հասկանում է, որ Ուկրաինան կարող է իսկական ճահիճ դառնալ ու, հետևաբար, սկսելու է շտապել։ Իսկ դա նշանակում է էլ ավելի ինտենսիվ մարտական գործողություններ, էլ ավելի շատ ավերածություններ, էլ ավելի շատ մարդկային զոհեր… Բայց այլընտրանք չկա. այս վիճակում Ռուսաստանը չի կարող կանգնել։ Մոսկվային հաղթանակ է պետք և կարևոր է, որ այն պյուռոսյան չլինի։

Ո՞նց են հասնելու այդ նպատակին, անկեղծ ասած, չգիտեմ։ Ռուսներն ամեն դեպքում շատ չեն ուրախանալու իրենց հաղթանակով։ Դա ի սկզբանե էր պարզ։ Բայց այդ ռիսկերն էլ, կարծում եմ, Մոսկվայում նույնպես նախօրոք են հաշվարկել։ Տեսնենք։ Մեզ համար այս փուլում ամենակարևորն այն պետք է լինի, որ Ռուսաստան-Արևմուտք ռազմական դիմակայության թատերաբեմը հանկարծ չընդլայնվի։ Մանավանդ դեպի մեր տարածաշրջան։

Ես շատ ուշադիր եմ հետևում պատերազմի ընթացքին և կարող եմ ասել, որ Ուկրաինայում հիմա «հաղթելու ենք» տրամադրությունն է գերիշխում։ Այնտեղ էլ, ինչպես 44-օրյա պատերազմի ժամանակ մեզ մոտ էր, մարդիկ չգիտեն, թե ինչ է կատարվում ռազմաճակատներում։ Ընդ որում, իրավիճակը լավ չեն պատկերացնում նաև Ուկրաինայի ռազմաքաղաքական իշխանությունները։ Իսկ դա նշանակում է, որ կազմակերպվածության լուրջ խնդիրներ կան Ուկրաինայում։ Սա ևս խոսուն փաստ է, որը վկայում է Ռուսաստանի՝ ավելի քան հաջող ռազմական գործողությունների մասին։ Դրա համար ես կարծում եմ, որ Ռուսաստանն այնուամենայնիվ լուծելու է իր առջև դրված հիմնական խնդիրները։

https://times.am/?p=306763&l=am/t

Բելառուսիայի Գոմելի շրջանում ավարտվել են ռուս-ուկրաինական բանակցությունները։ Արդյունքներում հուսադրող նոտաներ կան։ Մանրամասները Times.am-ի բացած նոր «Պատերազմներ v.5» Telegram ալիքում:

Գրանցվեք - https://t.me/paterazmner/30

✍️Երեկ գրել եմ, որ կամավորների անվան տակ Արևմուտքը սկսել է պատրաստված զինվորներ ուղարկել Ուկրաինա։ Շուտով նաև առաջին մասնավոր ռազմական ընկերությունների մասին կլսենք։ Եվ սա բնական պրոցես է։ ԱՄՆ-ն ու իր դաշնակիցներն ամեն ինչ արեցին, որ պատերազմն Ուկրաինայում անխուսափելի լինի՝ զուգահեռ Ռուսաստանի համար հաջորդ թշնամի պետությունն են աճեցնում՝ Մոլդովան։ Ընդ որում, պաշտոնական Քիշինևը լավ է հասկանում Ռուսաստանի հետ բախման հետևանքներն ու ամեն գնով փորձում խուսափել դրանից, սակայն դա չի կանգնեցնում Արևմտյան դիվանագիտությանը։ ԵՄ արտգործնախարար Ժոզեֆ Բորելը շուտով Մոլդովա կայցելի, ինչպես ինքն է խոստովանում՝ հասկանալու, թե ինչ է կատարվում այդ երկրում։ Նման մի այց էլ եվրոպացի դիվանագետը Վրաստան կանի։

Ինչևէ, խնդիրն այն չէ, որ Արևմուտքն ամեն ինչ անում է Ռուսաստանի դեմ մղվող այս պատերազմում հաղթանակ տանելու համար։ Սա նույնպես բնական և կանխատեսելի վարքագիծ է։ Խնդիրն այն է, որ այս ճգնաժամը, իսկ ավելի ճիշտ՝ ճգնաժամի ռազմական փուլը, կարող է շատ ձգձգվել։ Չի ստացվի Ուկրաինայում, կփորձեն այլ տեղ։ Սա մի յուրահատուկ խաչակրաց արշավանք է, որի թիրախում ոչ միայն ռուսական պետությունն է, այլև ռուս ժողովուրդն ընդհանրապես։ Եվ հիմա մենք դառնում ենք մարդկանց ազգային պատկանելիության հիմքի վրա հետապնդման ակնհայտ քաղաքականության ականատես։ Ռուսներին հեռացնում են Արևմտյան երկրների բուհերից, խլում նրանց գույքը, արգելում հանրային վայրեր դուրս գալ, անգամ՝ ժամանցի ատրակցիոններից օգտվել։ Սա մի երևույթ է, որը ժամանակակից աշխարհը հաղթահարված խնդիր էր համարում։ Բայց տեսնում ենք, որ ոչ։ Ամեն բան հնարավոր է և ամեն ռիսկ շարունակում է գոյություն ունենալ։

Հետևաբար… Մենք նույնպես ապահովագրված չենք նման սպառնալիքներից։ Ավելին, մեզ համար դա ավելի ակտուալ խնդիր է, քան աշխարհի շատ այլ պետությունների ու ժողովրդների համար։ Ուստի, պետք է լավ իմանալ աշխարհի իրողությունները։ Իմանալ ու հասկանալ, թե ումից ինչ է կարելի սպասել, ինչպիսի պլաններ կառուցել և ինչ ակնկալել հեռու ու մոտիկ «ոխերիմ» բարեկամներից։

🔥🔥🔥Ռազմական գործողություններ Ուկրաինայում։ Օր 5-րդ։

✅Ուկրաինայի և Բելառուսի սահմանում տեղի են ունեցել ռուս-ուկրաինական բանակցություններ, որոնք տևել են ավելի քան 5.5 ժամ։ Բանակցություններից հետո կողմերը տեղեկացրել են, որ կան կետեր, որտեղ Ռուսաստանի ու Ուկրաինայի մոտեցումները կարող են նույնական լինել։ Կողմերը տեղեկացրել են, որ բանակցությունների հաջորդ փուլը տեղի կունենա առաջիկա օրերին՝ Բելառուսի և Լեհաստանի սահմանում։

✅Վաղ առավոտից շարունակվել են ռուսական զորքերի առաջխաղացումը Ուկրաինայի տարբեր շրջաններում։ Ըստ պաշտոնական տեղեկությունների Լուգանսկի զորքերն առաջացել են ևս 3, իսկ Դոնեցկինը՝ 16 կիլոմետր։ Երեկոյան ժամերին Դոնեցկի և ՌԴ բանակները հասել են Մարիուպոլի առվարձաններին՝ փաստացի ամբողջական շրջափակման մեջ առնելով քաղաքը։

✅Կեսօրին ակտիվ մարտական գործողություններ էին ընթանում Խարկովում։ Ռուսական կողմը քաղաքի տարածքում կիրառել է համազարկային կրակի տարբեր կայաններ, որի արդյունքում մեծաթիվ զոհեր են եղել նաև խաղաղ բնակչության շրջանում։ Ուկրաինական սոցցանցերն այսօր հեղեղված էին Խարկովից ստացված դաժան կադրերով։

✅Ուկրաինական բանակն իր հերթին այսօր ակտիվ կրակի տակ է պահել Դոնեցկը ու Դոնբասի երկու հանրապետությունների բազում բնակավայրեր։ Այստեղ նույնպես զոհվել են քաղաքացիական անձինք։

✅Կիևի ուղղությամբ ռուսական բանակը շարունակել է բարելավել իր դիրքերը՝ հետզհետե էլ ավելի մոտենալով քաղաքի եզրագծին։ Ռուս-ուկրաինական բանակցությունների ավարտից անմիջապես հետո ռուսական բանակը բալիստիկ երեք հրթիռներով ոչնչացրել է Կիևին հարող Չերնիգովի շրջանում տեղակայված ռազմական օբյեկտներ, որից հետո զինտեխնիկա ուղարկել այդ տարածքներ։

✅Օրվա ընթացքում հակամարտող կողմերը բազմիցս հայտնել են թշնամու ոչնչացված կենդանի ուժի և սպառազինության մասին՝ տեղադրելով համապատասխան տեսա և ֆոտո ապացույցներ։ Նշենք, որ այսօր հատկապես շատ էին թուրքական արտադրության Bayraktar TB-2 ԱԹՍ-ի կիրառումը վկայող կադրեր։

✅Ռազմական գործողություններին զուգահեռ ակտիվ էին նաև քաղաքական զարգացումները։ Ուկրաինայի նախագահ Զելենսկին այսօր Եվրամիությանն անդամակցելու դիմում է ներկայացրել Բրյուսել։ Արևմտյան երկրները շարունակել են խստացնել Ռուսաստանի դեմ կիրառվող պատժամիջոցները՝ զուգահեռ մեծացնելով Ուկրաինային տրամադրվող ռազմական և հումանիտար օգնությունը։ Այսպես, քիչ առաջ հայտնի դարձավ, որ Կիևը Բուլղարիայից, Սլովակիայից և Լեհաստանից կստանա 70 ռազմական ինքնաթիռ։

✅Թուրքիան պաշտոնապես հայտարարել է Բոսֆորի և Դարդանելի նեղուցները փակելու իր որոշման մասին։ Իսկ Ռուսաստանում հակապատժամիջոցային միջոցառումների փաթեթ են ընդունել։

✅Միացյալ Նահանգաներն այսօր հայտարարել են Բելառուսում իրենց դեսպանատան աշխատանքների դադարեցման մասին։

❗️Հարգելի ընկերներ, հիշեցնում եմ, որ Times.am-ը գործարկել է «Պատերազմներ v.5» հայալեզու Telegram-ալիքը։ Գրելու ենք մեզ համար կարևոր նշանակություն ունեցող պատերազմական գործողությունների մասին։

Կարող եք միանալ այս հղմամբ։ Ալիքում տեղադրվում են միայն ամենակարևոր նորությունները՝ ամփոփ, հասկանալի և հայ ընթերցողների համար արված հատուկ մեկնաբանություններով։

Խնդրում եմ միացեք։

🙏Լավ ընկերները ճիշտ պահին են օգնության հասնում։ Շնորհակալ եմ։

P.S. Կարծես մեր նոր «Պատերազմներ v.5» ալիքը հետաքրքրություն է առաջացրել, հա՞։

https://t.me/twentyfournews/48687

Ծանր օր Ուկրաինայի համար։ Ռուսաստանի ռազմական հատուկ գործողության վեցերորդ օրը մեծ ավերածություններ ու կորուստներ է բերել Ուկրաինային։

💣🔥Օրն առանձնացել է հրետանու, հրթիռային զորքերի, ռազմական ավիացիայի ակտիվ աշխատանքով, որի արդյունքում ռազմական նշանակության օբյեկտների ոչնչացումից բացի մեծ թվով խաղաղ բնակիչներ են զոհվել։ Ընդ որում, արկակոծումներն ու հրետակոծությունները եղել են երկկողմ։ Ուկրաինայում ամենաշատն այսօր տուժել է Խարկովը։ Իսկ ահա դիմակայող կողմից՝ Դոնցեկը, որն ամբողջ օրվա ընթացքում հրետակոծվել է համազարկային կրակի տարբեր կայանքներից։

Իրավիճակը ռազմադաշտում։ Կիևի մերձակայքում Ռուսաստանը շարունակում է մեծացնել իր զորքերի թիվը։ Արևմտյան լրատվամիջոցներն այսօր հրապարակել են արբանյակից ստացված լուսանկարներ, որտեղ երևում է թե ինչ ահռելի քանակությամբ զինտեխնիկա է շարժվում դեպի Կիև։ Ամեն ինչ խոսում է այն մասին, որ Ռուսաստանը մեծ հարձակում է պատրաստում Կիևի վրա։

🔺Ռուսական զորքերն այսօր ներխուժել են Ուկրաինայի հարավում գտնվող Խերսոն քաղաք։ Օրվա ընթացքում նրանց հաջողվել է գրավել քաղաքի կեսը՝ այդ թվում կենտրոնական շրջանը։ Քաղաքի ծայրամասում դեռևս գտնվում են ուկրաինական ինքնապաշտպանական ուժեր, որոնց ուղղությամբ այս պահին հրետանի է աշխատում։

🔺Ուկրաինայի հարավում գտնվող մեկ այլ քաղաք, Նիկոլաևը, որը քանի օր շարունակ գրեթե շրջափապատված էր, այսօր անակնկալ կերպով ապաշրջափակվել է։ Ռուսական զորքերը պարզապես շրջանցել են այն և շարժվել դեպի հյուսի, որտեղից բացվում են Օդեսա և Կրիվոյ Ռոգ տանող ճանապարհները։

🔺Ուկրաինայի արևելյան շրջաններում գտնվող Էներգոդար և Զապորոժյե քաղաքների մերձակայքում ռուսական զորքերն այսօր մի շարք փոքր բնակավայրեր են գրավել։ Ուկրաինական մի շարք լրատվամիջոցներ սակայն տեղեկացնում են, որ այդ հատվածում Ուկրաինայի բանակը հասցրել է ամրաշինական աշխատանքներ տանել և հիմա ռուսական կողմը փորձում է հրետանու օգնությամբ հաղթահարել նրանց դիմադրությունը։

🔺Դոնբասում ինքնահռչակ հանրապետությունների և Ռուսաստանի բանակները սկսել են պայքարել Վոլնովախ քաղաքը գրավելու համար։ Այսօր կեսօրին ՌԴ ՊՆ-ն տեղեկացրել է, որ Ուկրաինայի հարավ-արևելքում ռուսական զորքերին հաջողվել է միանալ Դոնեցկի բանակին և կտրել ուկրաինացիներին Ազովի ծովից։ Այդ հատվածում Ուկրաինայի վերջին հենակետը՝ Մարիուպոլը, շրջափակված է և ամենան հավանականությամբ շուտով կանցնի Դոնեցկի Հանրապետության ձեռքը։

🔺Հյուսիս-Արևելքում ռուսական բանակն առաջ է շարժվում դեպի Խարկովի շրջանում գտնվող Իզյում քաղաք։ Ակնհայտ է, որ այդ հատվածում Ռուսաստանի մարտավարական ծրագիրը Դոնբասում գտնվող ուկրաինական ողջ զորքն օղակի մեջ առնելն ու նրանց պարտություն պարտադրելն է։

🔺Այսօր՝ ուշ երեկոյան Ռուսաստանը հերթական հարվածն է հասցրել Խարկովի մերձակայքում գտնվող ուկրաինական բանակի ենթակառուցվածքներին։ Չուգուևի օդանավակայանին հասցված ուժգին հարվածի կադրերը մինչ այս պահը տարածվում են ուկրաինական սոցիալական ցանցերում։

☎️📺Հիշեցնենք նաև, որ Ռուսաստանն այսօրվանից սկսել է ոչնչացնել Ուկրաինայի կապի և հեռահաղորակցման հանգույցները։ Այդ ծրագրի շրջանակում ցուցադրական երկու հարված է հասցվել Կիևի հեռուստաաշտարակին։ Այս պահին ընթացող մարտական գործողությունների գրեթե բոլոր շրջաններում ուկրաինական կողմը կապի լուրջ խնդիրներ ունի։

Նիկոլի երեկվա ցնցումները պատահական չէին։ Նույնիսկ հոգեպես անկայուն մարդիկ հենց այնպես, առանց պատճառ չեն խախտվում։ Ուրեմն կա պատճառ։ Եվ այդ պատճառների մասին հենց ինքը՝ Նիկոլը, երեկ ակնարկել է. «Օրակարգում է տարածաշրջանային կոմունիկացիաների բացման, Հայաստան-Ադրբեջան սահմանների դեմարկացիայի և դելիմիտացիայի հարցը, Ադրբեջանի հետ խաղաղության պայմանագրի բանակցությունների մեկնարկի հարցը»:

Նիկոլի դավաճան լինելու հազար ու մեկ փաստ կա։ Ընդ որում, նրա դավաճանական գործունեությունը սկսվել է շատ ավելի վաղ՝ նախքան իր կողմից երկրում իշխանության զավթումը, հետո շարունակվել վարչապետի պաշտոնոնում, պատերազմի ժամանակ ու դրանից հետո։ Հիմա էլ մարդը Ադրբեջանի հետ խաղաղության պայմանագիր կնքելուն է նախապատրաստվում։ Բա ի՞նչ էիք ուզում, որ գա ԱԺ-ում հիմնավորի՞ իր քայլերը։

Չկա դրան հիմնավորում, ինքն էլ լավ գիտի։ Ինչպես նաև գիտի ամեն ինչ մարսելու ձևերը։ Գիտի ու մարսում է։

Եվրամայդանի հետևանքները՝ պատերազմներ Արցախում և Ուկրաինայում

«...Ուկրաինայում տեղի ունեցող զարգացումները, անկասկած, ազդելու են նաև մեր տարածաշրջանի անվտանգային համակարգի վրա։ Ցավոք, սա անխուսափելի է։ Հայաստանում հիմա դրա մասին քիչ են խոսում, բայց պետք է արձանագրել, որ 90-ականների պատերազմից հետո հայ-ադրբեջանական հարաբերություններում առաջին լուրջ լարվածությունը, որը հետզհետե վերաճեց Ապրիլյան, իսկ հետո նաև 44-օրյա պատերազմների, տեղի ունեցավ 2013-ի վերջում Ուկրաինայում սկիզբ առած հեղափոխական շարժմումից անմիջապես հետո։ Մեր ցավալի կորուստների հիմքն էլ, Ուկրաինայում տեղի ունեցող այսօրվա զարգացումների հիմքն էլ դրվեց հենց այն ժամանակ՝ 2013-ի նոյեմբերին Կիևի՝ «Եվրամայդանի» վերածված կենտրոնական հրապարակում»։

https://www.patreon.com/posts/63321736

❗️Հարգելի ընթերցողներ, նյութն ամբողջությամբ հասանելի է «Ոսկանապատ»-ի մեր բաժանորդների համար։ Խնդրում եմ հնարավորության դեպքում բաժանորդագրվել և այդկերպ օգնել մեր հետազոտական աշխատանքներին։

Իսկ Նիկոլի պատկերն այսպես ոչ ոք չէր ստացել...(((

🔺💲Հատված «Եվրամայդանի հետևանքները՝ պատերազմներ Արցախում և Ուկրաինայում» վերլուծական հոդվածից.

«...Ռուսաստանի պայքարը ոչ թե Ուկրաինայի համար է, այլ հետխորհրդային տարածաշրջանում և Արևելյան Եվրոպայում իր ազդեցության վերականգնման։ Կամ, առնվազն, այդ տարածաշրջանները Ռուսաստանի համար լիարժեք անվտանգ դարձնելու համար։ Իսկ սա նշանակում է, որ Ուկրաինան այդ հակամարտության հարթակներից մեկն է միայն։ Այս շրջանում Մոսկվան ակտիվ աշխատում է նաև մնացած բոլոր ճակատներում։ 2022-ի առաջին իսկ օրերին մենք դարձանք Ղազախստանում տեղի ունեցած փաստացի իշխանափոխության ականատեսը։ Ուկրաինայում ռազմական գործողություն սկսելու անմիջապես նախաշեմին ՌԴ նախագահ Վ. Պուտինը դաշնակցային հարաբերությունների հռչակագիր ստորագրեց Ադրբեջանի նախագահ Իլհամ Ալիևի հետ։ Երկրորդ այս դեպքում Ռուսաստանի շտապողականությունն արդեն իսկ խոսում էր այն մասին, որ Հարավային Կովկասում Մոսկվային անհանգստացնող որոշ գործոններ կան»։

✅ https://www.patreon.com/posts/63321736

❗️Հարգելի ընթերցողներ, խնդրում եմ բաժանորդագրվել Ոսկանապատի Patreon էջին և ստանալ այս ու մնացած բոլոր հետազոտությունների ամբողջական տարբերակների հասանելիություն։ Կանխավ շնորհակալ եմ։

⚡️Ուկրաինայում Ռուսաստանի ռազմական հատուկ գործողության տասներորդ օրը

⚔10 օր է Ուկրաինայում շարունակվում է ՌԴ նախագահ Վ. Պուտինի հայտարարած հատուկ ռազմական օպերացիան։ Ինչպե՞ս է Ռուսաստանն լուծում իր առջև դրված խնդիրները և ի՞նչ վիճակ է այս պահին Ուկրաինայում։ Times.am-ի անդրադարձը:

https://times.am/?p=306897&l=am

🚩Մենք ուշադիր հետևում ենք Ուկրաինայում տեղի ունեցող զարգացումներին: Հաջորդ անդրադարձը վերաբերելու է քաղաքական և աշխարհաքաղաքական գործընթացներին:

📌Ամբողջ լրատվական դաշտը ռուսական բիզնեսի՝ Հայաստան տեղափոխվելու մասին է խոսում։ Տուրիստական հոսքն էլ է արդեն, կարծես, մեծացել։ Համենայն դեպս, վիզուալ դա այդպես է՝ Երևանի փողոցներում ահագին ռուսներ են շրջում։

Ես չգիտեմ, թե որքան կտևի այս իրավիճակը և կոնկրետ ինչ կշահեն իրենց բիզնեսը Հայաստան տեղափոխող ռուսաստանցի գործարարները, բայց կարծում եմ մեզ համար սա, առաջին հերթին, Ռուսաստան հեռացած մեր հայրենակիցներին հետ կանչելու լավ առիթ է։ Նաև Ուկրաինա գնացած մեր հայրենակիցներին։ Պետությունն ահագին անելիք ունի այս իրավիճակում։ Ամեն ինչ պետք է ճիշտ հաշվարկել ու պլանավորել։

Բայց ո՞վ է հիմա մեզ մոտ այդ հաշվարկ անողը։ Քերոբյա՞նը… Նիկո՞լը… Խոսքս հիշեք, այս մի հնարավորությունն էլ են պատուհաս սարքելու մեր գլխին։

📌Հարգելի ընկերներ, «Ոսկանապատ» վերլուծական կենտրոնում որոշել ենք ևս երկու պրոդուկտ պատրաստել մեր բաժանորդների համար։ Այսուհետև շաբաթական կտրվածքով՝ չորեքշաբթի և ուրբաթ օրերը, նրանք կստանան ամփոփ տեղեկագրեր հետևյալ երկու թեմայով.

✅Հարավային Կովկասի աշխարհաքաղաքական զարգացումներ

✅Հայ-ադրբեջանական հակամարտություն

Տեղեկագրերում ներկայացնելու ենք երկու նշված թեմաներով կարևոր զարգացումները, ներգարվված կողմերի մոտեցումներն ու մարտավարությունները, բացահայտելու դրանցում առկա ռիսկերն ու ակնարկելու հայկական երկու պետությունների հնարավորությունների մասին։ Երկու պրոդուկտ, որոնք հնարավորություն կտան ընթերցողին մշտապես մատը պահել մեզ համար կարևորագույն նշանակություն ունեցող գործընթացների զարկերակի վրա։

Բաժանորդագրվելու համար խնդրում եմ անցնել հետևյալ հղմամբ:

❗️Հարգելի ընկերներ, մեզ անհրաժեշտ է ձեր օգնությունը։ «Ոսկանապատ» կենտրոնը ֆինանսավորվում է բացառապես բաժանորդագրման և նվիրատուների աջակցության միջոցով։ Առավել խոր և հետևողական աշխատանքներ իրականացնելու համար անհրաժեշտ է տարբեր փորձագետների ներգրավում։ Ցավոք, այս պահին ստիպված ենք բավարարվել մասնագիտական նվազագույն ռեսուրսներով։ Մինչդեռ աշխատանք շատ կա անելու։ Մանավանդ հիմա, երբ մեր տարածաշրջանում ու ընդհանրապես՝ ողջ աշխարհում, ուժերի վերաբաշխման նոր գործընթաց է սկսվել։ Բոլոր նրանց, ովքեր կարևորում են մեր երկրում վերլուծական նման աշխատանքի իրականացումը և կարող են թեկուզ փոքր չափով ֆինանսավորել մեր կենտրոնի գործունեությունը, խնդրում արձագանքել։ Նախապես շատ շնորհակալ եմ։