اوقات زوجتي بتعمل اشيا بقوم انا بصير فكر "يا عمي كيف عرفت إني بدي هالشغلة؟ ما انا نفسي ما كنت عارف انو بدي ياها".

مثلا، أوقات بتكون هي رح تضهر من البيت قبل ما ارجع. فلما اوصل عالبيت بلاقيها محضريتلي كل شي. حرفيا كل شي. يعني تياب البيت، والأكل، والأرغيلة ، والضيافة وحتى حبة الشوكولا اللي بحب آكلها بعد الأكل.

مع الوقت بتصيروا تعرفوا ازواجكم وزوجاتكم متل كف ايدكم وهول اللفتات حلوة كتير.

اليوم كانت هي برا البيت وكان شوب كتير فجيت عالبيت قبل ما هي توصل وشغلت المكيفات حتى تجي تلاقي البيت بارد وفعلا لما اجت كانت كتير مبسوطة.

صباح الخير

مش كل حدا عنده أولاد كبار يعني ربّاهم. في فرق بين الرعاية والتربية.

شوفوا جيل هالايام ..
أشيك تياب
احسن مدارس
احسن اكل
احسن شرب
أتقل موبايلات

بس هول كلهم مش ترباية وانما رعاية.

اما التربية يعني تعليمهم الدين والأخلاق ومحبة الناس والتمييز بين الصح والغلط.. فقليلة كتير إلا ما رحم ربي.

الله يعينا ويعينكم على تربية أولادنا.

علموهن أن الستر مش يعني انو تحطي صورتك fullmakeup بالعباية أو بالحجاب بطريقة ملفتة و تكتبي فوقها:
علموهن أن الستر لاينقص من جمالهن شيء..

هيدا مش ستر ولا حجاب

صباح الخير

الحب منه عبطات ولا بوسات ولا حتى انه نقول كل الوقت عبارات بحبك او انت عمري وقلبي و و ..

الحب هو افعال، الحب هو انه نكون على راحتنا ونتصرف بلا تكليف والشخص الاخر كذلك الامر.

الحب هو انه نسمع للشريك ويسمعلنا، الحب هو انه نتشارك الفرح والحزن والوجع الحياة والاوقات الصعبة.

الحب هو اننا نهتم ب الشخص والاخر يهتم فينا.

مشهد طلاق سعاد بعد ماقالت فشرت بالألماني 😂😂😂

المشكلة اني فهمت كل المشهد بدون ما كون بعرف احكي ألماني 😂 😂 😂

اوقات الأهل بينزعجوا من الأولاد لأنهم فوضويين ومش مرتبين غرفتهم مثلا.

بس الحقيقة انو الولد بخياله الواسع بكون شايف هاي الغرفة اللي مش مرتبة انها عالم كبير من الألعاب والشخصيات.

حاولوا شوفوا الأمور من وجهة نظر الطفل من وقت للتاني

صباح الخير

نحن مقبلين على موسم زيارات للعتبات المقدّسة.

تخيل معي تحديدا بين العتبتين الحسينية والعباسية المقدستين، يلي نحن الشيعة منعتبر هاي البقعة فضلا عن قداستها، إنها اكتر مكان ممكن نحس في بالغصة بالحزن بالقهر و و و..

بتتخايل مشاهد من واقعة كربلاء لوقت تستحضر مشهد السبايا.. هون ركض بعضهم؟ هون سُلِبوا؟ هون لحقوا الأطفال؟ من هون مرقت السيدة زينب ع باتجاه العباس ع؟ 

لوقت تستذكر اصعب عبارات بتنسمع بمجالس العزاء: "والله فقد خزينا من كثرة النظر إلينا....  وصرنا نستر وجوهنا بأيدينا"..

لنجي لحاضرنا، اخوات بتوقف ما بين الحرمين وبتاخد بوزات ونظرات والبعض بتكون مكحلة وممكيجة وركزولي على جمالي ووجي و و و و وبتزل الصورة لتشوف الخلايق!!!!!؟

بيوقفولك قدام مقام "أبو الغيرة والحمية" وبيعملوا هيك!

يُنقل إنو انسأل صاحب الزمان عج انو عبارة "لأبكين عليك بدل الدموع دما" على أي مصاب كانت؟

بصيروا يعددوا المصائب وهو يقول لا، ليوصل انو "لما جرى على عمتي زينب ع"..

طيب يا شيعة.. يا شيعية.. شو يلي جرى؟؟؟ بالأخير منستعرض حالنا وعرضنا بمحضرهن المقدّس؟؟ بالأخير منسمع مجلس ومنبكي على هتك الخدر والستر ومنضهر منتصور او منصور حريمنا!!

كل وحدة من هول البنات هي مشروع أم تجيب عيلة وتربي أولاد.. كيف رح تربيهم وأي مجتمع رح يكون عنا بعد 20 سنة؟

{وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئًا وَسَيَجْزِي اللَّهُ الشَّاكِرِينَ}

إنا لله وإنا إليه راجعون
والحمد لله الذي لا يُحمد على مكروه سواه

فقط في تلك الجمهورية
تكون خادمًا وسيّدًا في آن
المعنى الآخر للتسامي في الدنيا والآخرة

لن يفهم هذه العلاقة اولئك الذين لا يدورون إلا حول أنفسهم..

سيقول لك عالم الاجتماع إنها بساطة الجمهور المغيّبِ وعيُه، وعالم النفس سيقول عقدة ستوكهولم، وسيقول لك السياسي لديه مصلحة مع النظام، اما الأمني فسيقول إنه مجبر، والإعلامي سيقول صورة مفبركة.. لكن الحقيقة أن أبصار قلوب هؤلاء الناس متعلقة بإشراق تواضع وإخلاص وتفاني قادتهم.. إنهم قادة وليسوا فقط رؤساء.. "يلي بتقاتل فينا هي الروح" .. إنها سلطة الروح ويا لها من سلطة..

علاقة جمهور محور المقاومة بقادته يا سادة، هو اهم سلاح استراتيجي.

ستكبُر هذه التلميذة، ربما مهندسةً تُتقِن فن عمارة أهل الأرض، أو باحثةً في علم الكيمياء تمزُج الكرامة بالفداء،
أو ربما أستاذةً لمادة التاريخ الحديث، و تعلِّم بالقلم الحازم الحاسم أن "إسرائيل" أوهن من بيت العنكبوت.

الصورة صباح اليوم من اصابة طلاب مدرسة بغارة صهيونية.

كتير صعب انك تكون الشخص العقلاني.

كل ما تمر مجموعة - او عيلة مثلا - بأزمة بينقسم الأشخاص ل3 فئات:

1. الشخص اللي بيعزل نفسه وما بيتحمل أي مسؤولية.
2. الشخص اللي بيسمح لعاطفته تسوقه وقد ينهار كل ما تشتد الأزمة.
3. الشخص العقلاني اللي بده يتحمل المسؤولية اللي عليه وعلى غيره ويضل يفكر صح وما ينجر ورا العواطف.

اصعب شي بين هول هو العقلانية، هو انك تتحكم بمشاعرك او تجمدها - لو قد ما كانت قوية - لأن هيدا مش وقت العاطفة وانما وقت تحمل المسؤولية واتخاذ القرارات الصحيحة.

اصعب شي تضلك متماسك وانت عارف حالك صرت هش من جوا.

انتقلت إلى رحمة الله والدة سماحة السيد حسن نصرالله.

فليجدنا الحزن نحن، وليظفر بنا جميعًا ولكن نرجوه أن يضيّع دربك يا سيدنا.

نرجوا أن لا يجد الحزن إلى قلبك سبيل يا حِمانا.

كيف فيقتني بنتي الصغيرة؟

عم تسألني أيا ساعة رح ناكل لأن مشغول بالها عشان اختها الكبيرة عندها نشاط بالكشاف وخايفة عليها تروح بلا أكل.

قلبي بدوب بدووووووب

مجزرة رفح اليوم على بعد عشرات الامتار من مصر.
مصر اللي فيها ١٠٠ مليون بيغنوا للثورة وللحلم العربي وللوحدة العربية.
مصر اللي بيقولوا عنها ام الدنيا.
مصر اللي لو كل واحد فيها كب سطل مي على اسرائيل بتغرق.
بس ما هني مش مقصرين، قلوبهم مع الفلسطينيين والقضية.
قوموا بقى
حلوا عنا شوي
نحنا ام الدنيا، وانتو اولاد الدنيا،
فلسطين الثورة وانتو الأغاني
اليمن هني العرب، وانتو اولاد هند عالأغلب.
ايران هيي اللي رح تمحي اسرائيل وتغرقها، وانتو عم تسبحو بشرم الشيخ وتحضرو حفلات
ان شاء الله رح تخلص الحرب، ورح ننتصر، وذكروني

تعلموا الحب من كبار السن.

كل واحد فينا لما بلش يوعى ويحب، فكّر انه الوحيد اللي بيعرف يحب ويعشق ويعبر عن حبه بمختلف الطرق من كلام وهدايا وأفعال.

كنا ننظر لكبار السن بنظرة سخرية انهم ما بيعرفوا شو يعني حب وما عايشين ولا فاهمين اللي عم نحسه.

لكن طلعوا هني اللي بيعرفوا الحب،
بالزوجة اللي بعد 60 سنة زواج بتهتم بأدق تفاصيل زوجها وشكله وهندامه وأكله.
وبالزوج اللي حرفيا قلبه توقف عن النبض شوقا لزوجته المريضة ليتحول من زائر بالمستشفى لمريض على التخت المجاور لتختها.

ستي وجدي،
الله يخفف عنكم ويطول بعمركم