عليك باللي من خدير الاعراقي
شاهي حمرّ ما شربوه الانجاس

يطرب من زاد قلبه بالاحراقي
ويودّع من كان قلبه مثل جساس

‏ماني على درب المقفين مجبور
‏لا حبهم سنّة ولا وصلهم فرض

‏الليل حالك والمساري موحشة والدرب خوف
‏والذكريات أشياء يستعصي علي إتلافها

‏أثر الأماني وارفات ظلال دانية القطوف
‏والأمنيات أكثر ما يخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة؟ اللي تخيلت ولمحت أوصافها

‏رحماك يا غفار يا ملجأ عبادك يا رؤوف
‏يا مجري الأقدار هبنا من لدنك ألطافها

‏حسبي على من دمر آمالي وأنا عيوني تشوف
‏کم بسمةٍ كانت طمأنينة! وصرت أخافها

‏أنا رواية حلم منسية على غبار الرفوف
‏أنا قضية تطلب من أهل العقول إنصافها

‏أنا قصيدة عشق ما مرت على قلب العيوف
‏أنا أراضي جرد ما غاث السحاب أطرافها

‏لي روح تبحث عن سكينتها من إرهاق الشفوف
‏يا مثقلين اللوم روحي فاقده ميلافها

‏يارب عطني أكثر من اللي رجيت
‏ وأنت الكريم اللي عطاءه سرمدي

‏أنا أمنياتي أكبر من اللي سعيت
‏ياربّ تشرق لي مثل صبحً ندي

‏دخيلك من الدرب لا مال وبكيت
‏وأعوذ بك يارب من حظٍ ردي

‏طلبتك تحقِّق دعاي اللي دعيت
‏تعبت أشيل أحلامي براحة يدي

‏كل ما لديت فـ النايفات من الجبال
‏شفت جرّة شرهتي راقيه و محوّله !

صاير امر المنازل واشوف الذكريات
وانفض يديني من اللي تبقى وابتسم

‏غديت اودع المقفي ولا احب اسمع التبرير
‏اشوف ان التفاصيل الكثيره مالها داعي.

من وقاري يحسبون إني بليد وما أتشرّه
وإلا أنا مبدأ التغاضي والتعامي من وقاري

‏: عمر الودعاني

كانت أفكاري تحب .. أحلامي الورديّة
وتالي أكثر لون أفكّر فيه "لون الشاهي"
كل شي أبيه واجد صرت أبيه شويّه
النزول ب سقف رغباتي جعلني راهي
اهتمامي قلّ في حاجاتي الشخصيّة
واهتمامي زاد في الجانب الإلاهي
السلام الداخلي والراحه النفسي
من ملكها ما يهمّه في الحياة إلا هي

: جابر بن علوش

أعمارنا مثل الحطب في طرف نار
شيء احترق واللي بقى جايه الدور
وأرزاقنا مثل السحايب والأمطار
اللي مهو مقسوم ماهو بممطور

تاهت اقدام الطموح اللي تبعته
واختلف مبدى الحياه وصار ضدي

وانطوت صحف القصيد اللي بدعته
وانتثر دمع المحاجر " فوق خدي

صرت احس خوفي اللي قد نزعته
لين هد اللي بنيت وباح سدي

ان زرعت الضحك ولا مازرعته
مالقيت لفرحتي موضوع جدي

والحصيل اللي من ايامي جمعته
صار شيٍ لا يجيب ولا يودي !

هذي يابن حمدان اول اصابة
فدا الوطن وعموم شعب(ن) كريمين

يوم الزمن قرر يكشّر انيابة
افديت نفسي لراية العز والدين 🇸🇦

اقبلت مثل الطير فوق السحابة
من دون ربعي يا لظى النار تبطين

ماهزني صوت الرصاص وصخابة
ما تنثني خطوات شيخ الميادين

لفّو علي الانذال لف العصابة
و ضعت بين سلاح وعشرة سكاكين

الطلقة اللي جات وسط الرهابة
صحّت ضمير(ن)في حشا خاطري سنين

خويكم روّح وروّح شبابه
تكفون لا يبطون ذولا الملاعين

اعزف على فرقاي لحن الربابة
الي خلق من طين بيعوّد لطين

-عزام الجهني

العزلة اشرف من مقابل بعض الوجية
ماتفرق ان كانت من العرب ولا بعض الافرنج

وجيه ما وراها خير لا فيك ولا حتى بأخية
ولا له باستراتيجيات لعبة الشطرنج

المجالس كبيرها وصغيرها يزدريه
وهو ماغير يلعب لعبة المجنون الاصنج

يحسب الطيب ميراث يقسّم من ابيه
وان المراجل تقاس بأكسنت ولا راكب الرنج

-عزام الجهني

اول ايامي يوم لفّو علي قطعة قماش
وانا حاس ان مستقبلي فيه علّة

اشوف دنيتي مثل نبتة الخشخاش
مايعرف فوايدها الا قلّة القلّة

اصبحت ضايع بين صادق وغشّاش
اساعد المحتاج واجيب مليون زلّة

احارب الدنيا وعلى فتاتها اعتاش
يوم تسعدني وعشرين يوم في مذلّة

لين حدا المرات قمت في غرفة انعاش
مدري وش حصل ولا ادري وش العلّة

ملتف في راسي قطعةٍ من الشاش
من طولها ماخذه اطراف السرير كلّة

يهرج الدكتور وانا خاطري ماش
اصد عنه وكبدي حيل مندبله

لفيت وجهي عليه واشتد النقاش
والممرضة تقول تكفى يادكتور خلّة

من يومها عرفت ان هذا الوضع ماش
ولا يدور في بالي وقتها غير جُملة

"خلك على راية الحق نقّاش"
جملة ابوي اللي جعلني قبلة

والحين سته وعشرين عام ياشلاش
ماعرف درب العربجة ولا ادلّه

افك المشاكل مثل فكة كلاش
ومجلسي تملاه الفناجيل والدلّة

الليالي محت آثار باقي الخماش
وتركت الماضي ومحيت كل الأدلّة

بس قلبي عجز ينسى اللي بداخله عاش
الله يستر من الماضي لا نعوّد له

-عزام الجهني

ولا تندمنا على ماعطينا
لو كنت ماتسوى ولو ربع ماجاك
وان كان ودك بالكلام اليقينا
علمٍ يطب بخاطرك ويتعداك
ماهو خطاك انك تكبر علينا
هذا خطانا فوق حجمك عطيناك
حنا على طيب التعامل ربينا
والطيب مايصلح لمثلك وشرواك
ولاهو معذربنا ليامن غدينا
عن سود شوفاتك وخايب نواياك
حنا الكرم مخلوق منا وفينا
بديهةٍ ماهو لأجل نكسب رضاك

يا أبوي مالي في حياتي مطاليب
إلا رضاك ودعوتك في صلاتك
أفداك من رجلك إلى نقرة الشيب
وأخدمك من صغري وخذني عصاتك
وإن كان مالي في حياتي مكاسيب
كسبي الوحيد إني على أربع جهاتك
واعرف ليا من أقبلنّ اللواهيب
كفي عن الرمضاء ترى اليوم جاتك
واعرف ليا من أقبلنّ المواجيب
يشدّ عزمي والعزم من صفاتك
وإن قالوا إني معتلي في المراقيب
بقول يا أبوي تراها وصاتك
ولا يلحقك يا أبوي شكٍّ ولا ريب
أبشر بنا يا أبوي قبل التفاتك 🤍

: جميل العتيبي

برقٍ تلالا قلت عزَّ الجلالا
وأثره جبين صويحِبى وأحسبه برق
يا شبه صفراً طار عنها الجلالا
طويلة السمحوق تنزح من الورق
له ريجٍ أحلى من حليب الجزالا
وأحلى من السكر الى من جا من الشرق
حنيت انا حنه هزيل الجمالا
ينقض روىَ الخيل قد مسّه الفرق
ويا قلته فى عاليات الجبالا
ماها قراح مير من دونها غرق
ماعاد للصبيان فيها إحتمالا
من كود فرقها يديهم لها طرق
قالوا تتوب من الهوى قلت لالا
إلا أن تتوب رماح ... من الزرق
قالوا تتوب من الهوى قلت لا لا
إلا إن تتوب الحناشل عن السرق
قالوا تتوب من الهوى قلت لا لا
إلا إن تتوب الشمس عن مطلع الشرق
أخذت منها حبتين تتالا
يوم أن نسناس الهوا تطرقه طرق

ارسل رماح الهوا وارسل سيوفه
يشتهيك القلب في كل الطواري .

‏يا ربي وأنت جلَّاي الظلام الراحم المنَّان
‏يا ربّ المرسلات وربّ قلبي وأنت تاوي له

‏أعوذ بنور وجهك لا تصيِّرني ضعيف إيمان
‏تلقَّاني بعطفك يا كريم إن قلَّت الحيلة

مِير هذا نصيبك يالعين الشقيّة…