💻 154 ekipo berreskuratu eta berrerabili dituzte Baionako ikasleentzat

Elkartenet, Bilbao Ekintza eta Seaskaren lankidetzari esker, 154 ekipo informatiko (ordenagailuak, pantailak, teklatuak eta saguak) berrerabili dituzte Baionako Etxepare Lizeoan eta Mugarik Gabeko Ikasgelak proiektuan erabiltzeko.

Ekonomia zirkularrean oinarrituta, digitalizazioa eta euskara sustatzeko helburuarekin, Seaskako beste bost ikastetxeri 600 ekipo gehiago ematea aurreikusten dute.

👉 Irakurri artikulua

🔍 Europako administrazio publikoak, software libreari begira

Teknopata.eus-en azaldu duten moduan, azken aldaketa geopolitikoek Europako administrazio publikoak mugiarazi dituzte burujabetza digitalaren alde.

🇺🇸 Enpresa pribatuek informazio estrategikoaren kontrola izateak arrisku larriak dakartza. Adibide esanguratsua: Microsoftek Nazioarteko Auzitegi Kriminaleko fiskalen email sarbidea blokeatu du AEBetako presio politikoaren ondorioz.

🇩🇪 Alemaniako Schleswig-Holstein estatuak erantzuna eman du: Microsofti uko egin dio eta software librea lehenetsi du. Funtzionarioen erdiak LibreOffice erabiltzen dute jada, eta GNU/Linux-era igarotzea da hurrengo pausoa. Danimarkan ere antzeko bidea hartu dute.

🎯 Helburua? Herritarren segurtasuna eta autonomia bermatzea, datuen kontrola eta azpiegitura informatikoen burujabetza publikoa berreskuratuz.

🔗 Artikulua

🤖 F-Droid aplikazio libreen webgunea, orain euskaraz

Webgunea euskaratzen ari dira, eta ekarpenak jasotzeko deialdia zabalik dago.

F-Droid-en ezaugarriak:

☑️ Android-erako software libreko eta kode irekiko aplikazioak biltzen ditu.

☑️ Erabiltzaileei aplikazioak modu garden eta pribatutasuna errespetatuz instalatzeko aukera ematen die.

☑️ Aplikazio guztiak komunitateak berrikusi eta era seguruan banatzen dira.

🔗 F-Droid

🐘Mastodon, ondare publiko digitala

📄 Mastodon Nazio Batuen Erakundearen “Digital Public Goods” ( Ondare Publiko Digitala) zerrendan sartu dute.

🌐 Aitorpen hau Digital Public Goods Alliance izeneko nazioarteko sareak egin du, eta xedea da Garapen Jasangarriko Helburuak lortzen laguntzea, baliabide digital ireki eta publikoei esker.

🎯🌱Aliantzaren arabera, Mastodon lagungarria da Garapen Jasangarriko helburu hauek betetzeko:

9️⃣ Industria, berrikuntza eta azpiegitura

1️⃣6️⃣ Bakea, justizia eta erakunde sendoak

1️⃣7️⃣ Helburuak lortzeko aliantzak

🔗 Teknopata.eus

💬 Zertarako hezten dugu, eta nork gidatzen du teknologia?
AA tresnak ez dira neutroak, eta hezkuntzan pentsamendu kritikoa itotzeko arriskua dute.

🎓 Irina Fernández eta Enrique Díez Gutiérrez irakasleek ohartarazten dute: AI kapitalistak errendimenduaren logika inposatzen du, gogoeta sakonaren ordez.

👉 Hezkuntza ez da tresnak erabiltzea soilik, baizik eta galderak egitea, etika kolektiboa lantzea eta ongizate komunerako pentsatzea.

📚 Pedagogia kritikoa beharrezkoa da: AAaren aurrean jarrera arduratsua eta kontzientea hartzea da hezkuntzaren erronka nagusia.

📎Irakurri artikulua

🔹 Euskarazko hedabideek presentzia nabarmena dute Fedibertsoan 🔹

📡 Teknopataren arabera, euskarazko hedabideek 7 aldiz eduki gehiago argitaratu dute gaztelerazkoek baino Mastodon sarean.

🌍 Mastodonen 409 hedabide-kontu egiaztatuta daude mundu osoan, eta horietatik 44 euskarazkoak dira — guztien %10a.

🔍 Euskal komunitatea sare federatuetan gero eta aktiboagoa da, eta komunikabideak aukera hori baliatzen ari dira.

🔗Irakurri artikulua

📅 AGENDA | Uztailak 24, osteguna
📍 Errenteria

📱Torrekua komunitateko kideek, fedibertsoa ulertzeko Udarako Fedifesta topaketa antolatu dute.

🍽️ Bazkari baten formatua izango du topaketak eta fedibertsora salto egiteko gakoak, tresnak eta komunitateak ezagutu ahal izango dira.

👉Informazio gehiago

Wetransfer: nirea, nire, eta zurea gure🔒

📩WeTransfer fitxategiak partekatzeko zerbitzuak erabilera-baldintzak aldatu ditu:

📂Erabiltzaileek igotzen dituzten edukiak enpresaren esku geratzeko aukera iragarri du.

💰Artxiboen erabilera komertziala egiteko atea zabalik uzten du, gardentasun gutxirekin.👁️‍🗨️

👉Irakurri albistea Teknopata.eus atarian

☀️😌 Udan atseden hartu dugu, baina indarberrituta itzuli gara!

Hilabete batzuetako atsedenaren ondoren, ikasturte berriarekin jarduerari ekiten diogu berriro eta teknologia burujabeari, hezkuntzari eta gehiagori buruzko artikulu, albiste eta baliabide berriez beteta gatoz.

📌 Eta albiste garrantzitsu batekin hasiko gara:

🇪🇺 Europar Batasunak berriz bozkatuko du ‘Chat Control’ lege proposamena

Xatakak informatu duenez, EBk haurren sexu abusua prebenitzeko araudia (CSAM edo ‘Chat Control’) jarri du berriro mahai gainean.

📌 2022an aurkeztu zen, adingabeak babesteko asmoz, eta muturretik muturrerako zifratzearekin amaitzea proposatzen zuen, eta horrek eragina izango luke herritarren pribatutasunean.
❌ 2023an atzera bota bazuten ere, orain berriro bozkatuko da irailaren 12an.

📄 Albiste osoa hemen

📢 Agenda | Teknologia denontzat

🗓️ Data: Irailaren 16a
🕘 Ordua: 17:00-19:00
📍 Tokia: Torrekuako 3. solairuan (Orereta kalea, 7)
🧑‍💻 Antolatzailea: Talaios

💻 Ekitaldiaren deskribapena: Eguneroko teknologiekin sortzen diren zalantzak argitzeko hitzaldia. Helburu nagusia da mugikorra, ordenagailua edo bestelako aparatuak modu seguruan eta pribatuan erabiltzen ikastea.

🔗 Izena ematea eta egitaraua

🤖 Albaniako gobernuak AA bat izendatu du ministro

Albaniako gobernuak IA “Diella” izendatu du erosketa publikoetako ministro. Chatbot hori urtarrilean sortu zen herritarrei arreta elektronikoa emateko, eta orain kontratazio publiko guztiak ikuskatuko ditu, legezkotasuna eta gardentasuna bermatzeko helburuarekin.

❓Inkognita handia: korrupzioaren aurkako benetako pausoa izango ote da, ala soilik makinari etorkizuneko akatsen errua botatzeko aitzakia?

📄 Iturria: Teknopata.eus

📢 Metak neskatoen argazkiak erabiltzen ditu gizonentzako iragarkietan Threads sustatzeko.

Teknopataren arabera, Metak 13 eta 15 urte bitarteko neskatoen irudiak erabili ditu —gurasoek Instagramen argitaratutakoak— gizonezkoei zuzendutako Threadsen publizitate sexualizatuan.

⚠️ Honek pribatutasunari, etikari eta haurren babesari buruzko galdera serioak pizten ditu.

📄 Irakurri albiste osoa Teknopatan.

📢 EHU: IKT zerbitzu etikoagoetarantz

🌍 2024ko apirilean EHUko Gobernu Kontseiluak konpromiso argia hartu zuen: Palestinan egindako gizateriaren aurkako krimenak espresuki gaitzesten ez dituzten erakunde israeldarrekin harremanik ez izatea.

🔹 Orain, euskal unibertsitate publikoak beste urrats bat eman du: enpresekin sinatuko dituen hitzarmenetan giza eskubideak errespetatzea eskatuko da, armen industriarekin loturarik ez izatea eta IKT zerbitzu burujabeago eta arduratsuago batzuetarantz aurrera egitea bilatuko da.

✨ Erabaki honek kostu ekonomikoak ekar baditzake ere, unibertsitate etikoago bat eraikitzeko urrats sendo eta txalogarria da.

📄 Iturria: ARGIA

🧠 Julen Linazasoro: "Enpatia simulatzeko diseinatutako AA arriskutsua da"

🔍 Laburpena: Julen Linazasoro neurozientifikoak enpatia simulatzeko diseinatutako adimen artifizialen arriskuez ohartarazten du. Adam Raine 16 urteko gaztearen kasua aipatzen du; ChatGPT bezalako adimen artifizialarekin interakzioan zebilela, sozialki isolatzen hasi zen eta, tamalez, bere buruaz beste egitera iritsi zen. Linazasorok adierazi du AA horiek emozio negatiboetan sakontzeko programatuta daudela, eta horrek erabiltzailea kateatu eta bere ingurune errealetik urrundu dezakeela. Gainera, azpimarratzen du, AA hauek ulertzen zaituen lagun baten plantak egiten dituzten arren, kontzientziarik eta gaitasun emozionalik gabeko makinak izaten jarraitzen dutela.

📄 Iturria: Euskalerriairratia.eus

🇮🇱 Israelgo gobernuak enpresa berri bat kontratatu du edukia sortzeko eta ChatGPT Israelen aldekoa izan dadin gaitzeko.

Israelgo gobernuak Clock Tower X enpresa kontratatu du Z Belaunaldiari zuzendutako edukia sortzeko eta ChatGPT bezalako AAko sistemak Israelen aldeko ikuspegitik trebatzeko.

📌 Konpainiak webguneak garatuko ditu eta optimizazio tresnak erabiliko ditu algoritmoek bilatzaileetan eta sareetan informazioa nola erakusten duten eragiteko.
📌 Ekimen hau Gazako genozidioaren inguruko salaketa gero eta ugariagoen testuinguruan dator.

🔗 Iturria: The New Arab

📞 “Hitz egin, grabatu eta kobratu”: iPhonerako gehien deskargatutako aplikazioetako batek IAko modeloak entrenatzeko deiak grabatzeagatik ordaintzen du

Neon app-ak, App Store-n gehien deskargatu denetako batek, erabiltzaileei ordaintzen zien elkarrizketak grabatu eta adimen artifizialeko ereduak entrenatzeko erabiltzeagatik.

💬 Jendeak datuak ematearen truke urtean ehunka edo milaka dolar irabaziko zituela agindu zuen, baina sistema segurtasun desastre bat izan zen: edonork eskuratu zitzakeen zenbakiak, audioak eta transkripzioak.

⚠️ Gainera, enpresak grabazioen gaineko eskubideak gordetzen zituen. Polemikaren ostean, bere zerbitzariak itxi ditu aldi baterako, hobekuntzak argudiatuz.

🔗 Iturria: Xataka

🔒 Chat Control: pribatutasunaren aurkako mehatxua

Europako Batzordeak Chat Control araudia onartu nahi du, komunikazio digital guztiak (mezuak, deiak, posta eta txat enkriptatuak) ikuskatzeko aukera emango lukeena, “haurren segurtasuna” argudiotzat hartuta.

📡 Praktikan zaintza masiboa eta online pribatutasunaren amaiera ekarriko luke, plataformak mezu guztiak automatikoki aztertzera behartuko lituzkeelako. Enkriptazioa hautsi eta oinarrizko eskubideak urratuko lituzkeela ohartarazi dute adituek.

🇪🇺 Eztabaidak zabalik jarraitzen du: 8 herrialde aurka daude, 12k babestu egiten dute (tartean Espainia eta Frantzia) eta 7k oraindik ez dute jarrerarik hartu. Urriaren 14an Kontseilu Europarrak bere etorkizuna erabakiko du.

🔗 Iturria: Teknopata

🗓️ Mintegia: Burujabetza digitala eta teknologikoa, herri eta hizkuntza gutxituak

📍 Lleidako Unibertsitatea
📅 Urriak 9 eta 17
Antolatzaileak: CIEMEN, Fundació pels Drets Col·lectius eta Universitat de Lleida

Subiranotasun teknologikoaren eta hizkuntza zaintzearen arteko harremana landuko da mintegian, tresna digitalek hizkuntza gutxituak nola indartu ditzaketen aztertuz.

📌 Programa:

🗓️ Urriak 9
09:30 – Tresna digitalak aranera eta aragoierarako — Ryan Furness
11:30 – Okzitanieraren bizitasuna eta 2024–2028 bide orri digitala — Benaset Dazêas

🗓️ Urriak 17
09:30 – Eremu digitalean erabat katalanez bizitzea — Gerard Vélez Vives
11:30 – Zeinu-mintzaira katalana ingurune digitaletan — Aida Villaécija

📺 Streaming bidez jarraitu daiteke

🔗 Informazio gehiago: Lleidako Unibertsitatea

"Gaur egun kontrakoa den arren, gizartearentzat onuragarria den adimen artifiziala posible da”

Manuela Battaglini datuen etikan eta pribatutasunean espezializatutako abokatua da. Azaroaren 4an Donostiako San Telmo museoan egingo den Euskarabildua jardunaldian azalduko du adimen artifizialari buruz munduan hartzen diren erabaki politikoek gure bizitzetan zer nolako eragina duten.

💬 Albiste osoa Argia.eus-en

“ICANN hainbat interes batzeko ahalegina egin nahi duen gobernantza globalaren esperimentu gunea ere bada”

Aurtengo Euskarabilduan Amadeu Abril abokatuak ICANN erakundearen funtzionamenduari buruzko argibideak emango ditu eta Josu Waliño PuntuEus Fundazioko zuzendariak erakunde horretan euskaldunon ahotsaren ordezkaritza zer nolakoa den azalduko digu. Jardunaldiaren izen ematea itxita dago baina streaming bidez jarraitzeko aukera egongo da webgunean.

💬 Albiste osoa Euskarabildua.eus-en