انا. فكني ي واطي
هو. 😂بوريك اسي كلمه واطي حقيقة م كلام ساي عاملة فيها صعبة وكدا
ضربتو كف ف فكا يدي ووقعت وكان في كباية في الربيزة اتكسرت
جا على مسكني من شعري ورفعني من الأرض والداني كفين صرخت لانو يدو عملاقة
هو. عشان تاني تفكري قبل تمدي يدك على
انا. زح مني يخخخخ.. والله كمال م ح يرحمك
هو. يعني ح يصدقك... اكيد انتي واحدة تافه وكان شايف جسمك عشان كدا عرسك
شوية الباب فتح عاينت لقيتها نور طبعا غرفتها جمب غرفتي
انا. الدولاب ينور
نور بقت خاتة يدها في خشمها جات عايزة تفكني منو بس م قدرو
نور. فكها زح منها
دفرها بي يدو ووقعت
انا. نور افتحي الدولاب سريع
بعد كلامي مسكني من وشي بيدو التانية تفيت في ووشو نور فتحت الدولاب لقت سلاح شالتو ووجهتو عليهو وكانت بترجف ضحك وقال ليها خفت انتي هو م قادرة تمسكيهو زي الناس اما هو رجعني لي ورا ولسه ماسكني من شعري وقال لي م كنت فاكر جسمك بالجودة دي
ونحنا كدا كمال دخل
هو. محمممدد
وجا عليهو وضربو بي الأرض لمن حسيت راسو اتكسر ف اشتغل فيهو القرف ونور رمت المسدس وجات سندتني واصواتهم ملت المكان وعلى حسها ديل جو ف عرفت انهم كانو سامعني بس مطنشين شوية جا محمود جاري وقال ليهم فشنو لقى كمال دق محمد دق العيش عاين لينا انا ونور الكانت حاضناني تاني دخل شال الغطا لفاهو فينا
محمود. كمال وقف خلاص
وكمال م شغال بيهو كانو م بتكلم معاهو اما عمو جا من تحت وبقي بحاول يمسكوهو بس م راضي
محمود. طب م قدامهم عاين ليهم خايفين كيف
عمو. كمال الله يرضي عليك فكو
شوية كمال وقف وكان بتنفس زي الكان جاري لي ساعة عاين لي انا ونور قبل واخد نفس
كمال. زحو من وشي م عايز اشوفو والا قسما بالله ح اقتلو
عمو. يا مرة سوقو الود دا برا
سندهو وطلعوهو برا
عمو. اعفي لي يا ولدي
كمال م ردا عليهو وم عاين ليهو اصلا لانو كان غضبان شديد بعد طلع كمال عاين لي يدينو الكان فيها دم وعاين لينا نحنا طلع فنيلتو وقشا يدينو شوية الباب دقا وجا محمود داخل شايل وجن ختاها في السرير وادا كمال حبوب وطلع كمال وجا على انا ونور
هو. انتو كويسين؟
انا وهي كنا بنبكي
نور. انا كويسة بس هي لا
كمال شالني من الأرض ختاني في السرير بعدها شال نور
رقدني في النص ونور رقدت بالجهة التانية وبينا وجن نزل جاب موية وجا خلا نور تديني المسكن و هو لقط القزاز ألفي الأرض ورفع السلاح
هو.نور حبيبي بجد انتي كويسة
أشرت ليهو بي إي باسها في رأسها وغطاها
هو. اسف على الحصل
ابتسمت ليهو من سكات
بأس يدها وجا قعد جمبي
هو. بيبي انتي كويسة
عاينت ليهو وعيوني ملانه دموع شوية نزلو براهم رقد جمبي وحضني
هو. اسف بجد اسف م ح يتكرر تاني وانا حي وبتنفس ماف زول ح ياذيكم
مرت الليلة دي ويمكن تكون واحد من أصعب الايام في حياتنا اليوم التاني عمو حلف الا يسافر وكمال اتكلم معاهو بس رفض لانو كان خجلان شديد وكمال وضح ليهو انو م زعلان منو وعمو اعتذر مني ومن نور... الصراحة م يستاهل اولاد زي ديل اما امو كانت واقفة في صف ولدها وانو م غلط وقالت انو انا الغلطانة وانو كيف اقعد بي هدوم زي دي وهم قاعدين وقالت انو انا كنت بغويهو و24 ساعة بمش وبجي قدامو وسحر كذلك مع امها طبعا ابوهم م عارف انهم قالو كدا واصلا م ركزت معاهم وكمال رد ليهم ودافع عني

كيفكم يشباب💃
الليلة طولت ليكم الجزو 😂💃اتفاعلو ووروني رايكم 💃

#راجل_مرتين25
بقلم :#nano_Ibrahim

اليوم التاني كمال م مشي الشغل وطلعنا من الصباح ك تغير جو عشان ننسى الحصل وم خلا شي م عملو لينا وحرفيا نسانا كل شي بعد رجعنا البيت نمنا من التعب
حياتنا بقت ماشة للأحسن وكل يوم علاقتنا بتقوي ف في يوم نور جاتني في الغرفة وجابت لي كيس
انا. دا شنو؟
هي. افتحي
فتحت الكيس وطلعت الفيهو وبقيت بعاين ليهو وقلت ليها دا شنو
هي. فحص بتاع حمل
انا. شنو؟؟ ليك انتي ؟ 😏
هي. لا ليك انتي 😂
انا. م عايزاهو
هي. جربي م ح تخسري
انا. نور م عايزة اجرب
هي. بطلي هبل يخخخ ارح وانا زاتي من فترة شاكة فيك ولو م كدا م كنت جبتو ليك
انا. شاكة فيني كيف؟
هي. انك حامل
انا. م حامل
المهم بقت بتنق فيني لغاية م عملتو
طلعت من الحمام وكنت مخبياهو ورا ضهري
هي. اها؟ الحصل شنو
دنقرت وعملت زعلانة جات حضنتني وقالت لي م تزعلي بيبي لسه...
فجأة صرخت وقلت ليها لسه شنو انا حامل وحضنتها قالت لي بجد؟ وبقيت بنطط
هي. لالالا كمال بقتلك خلاص بعدا ماف هبل
بقيت حاضناها
انا. نور انا حامل ح يكون عندي بيبي وح ابقى ام تاني
هي. ح يكون عندنا بيبي جديد... وح نبقى أمهات للمرة التانية
انا. بحبك يوووخخ
هي. انا كمان بحبك
المسا جهزنا البيت وعملنا عشان عشا ظريف كدا ولبسنا وجن لكن نامت م انتظرت ابوها يجي ونحنا كمان اتجهزنا
لمن جا كمال زاتو اتفاجأ بعد سلم علينا قال لينا دي شنو الحاجات السمحة دي الليلة
ضحكنا وم ردينا عليهو بعد طلع غير وجا نازل اتعشينا مع مع بعض
هو. لا بجد في فشنو هببتو حاجة وبتغفلو فيني؟ 😂
بقينا بنضحك وم ردينا وغيرنا الموضوع شوية مشي قعد قدام التلفزيون ومشينا معاهو لقى علبة بتاعت هدايا في التربيزة
هو. دي لي منو؟
نور. انت
هو. بالله شكلها حاجة سمحة😂الليلة عيد ميلادي وانا م عارف
نور. احلى من كدا
شالها فتحها وعاين فيها بقى بضحك وختا يدو في خشمو وعضي اصبعو
هو.نور انتي بتستخدم موانع م وقفتيهم صح؟
هي. يسس
هو. يعني ألفي بالي صح؟
هي. اجل نعم
هو. احلفو
طبعا كان بعاين لينا بي فرحة كدا وكان م مصدق وانا م قدرت دنقرت بسبب نظراتو لي
نور حضنتني عليها وقالت اقسم بالله
كمال جا حضني وشالني لفا بي وحرفيا فرحتو م كانت أقل من فرحتو بي وجن
لمن جينا ننوم عملت الروتين ورقدت جمب كمال حضني وقال لي م تعرفي انا مبسوط قدر شنو يعني م كنت متخيل في يوم انو اجيب بيبي منك باسني في راسي وختا يدو في بطني
هو. ح يتدلع دلع البيبي

مرت الشهور الأولى وحرفيا نور وكمال كانو مدلعني دلع ومانعني اي شغل
في يوم كنا التلاته قاعدين وانا بلعب في وجن وشغالة ليها قولي توته وهي بتعاين لي وبتضحك
كمال. عان دي.. دي كما قالت بابا م بتناديك
نور. هوى ي جماعه اول كلمه بتعملها البيبي ماما
انا. ماف ليكم دي حقتي انا
.. تته
التلاته سكتنا فجأة وقبلنا على وجن الكانت بتضحك انا نطيت من مكان وقلت ليهم قالت توته سمعتوا
هو. توته يا زفت م قلنا ليك م تنططي
مشيت مسكتو من ياقتو وقعدت في رجولو
انا. قالت توته
نور. م راضية م راضية انا اتعب فيها والدها عشان تقول توته وبجد كانت زعلانه شديد كمال ضحك وحضنها
انا بستها في خدها وضحكت قلت ليها معليش بيبي
انا. اخخخخ
الاتنين. مالك ؟
انا. البيبي بنتقم ليك 😂
نور. اتحرك
طبعا بقت بتضحك ونست وبقت بتهبش في بطني وكذلك كمال
انا. شباب م كدا براحة على...كمال🥺
قلت كدا وبنفس النظرة
كمال. بدينا 😂
نور. 🤣😂🤣استحمل عمايلك
هو. عايزة شنو
انا.عايزة بيتزا ممكن تطلب لي ومعاها اندومي وشطة وليمون
هو. توته نحنا أكلنا اسي
انا. بس انا جعانة 😭
هو. خلاص خلاص ح اعمل العايزاهو بدون زعل
نور. 😂🤣😂🤣😂🤣انا زاتي جعت مع كلاما ارح ارح
فعلا طلب بيتزا وجاب اندومي وظبطوها لي واكلنا زي الكانو م ماكلين قبل شوية
اليوم التاني كنت مع نور
انا. نور تعالى اعمل لي ميك اب
هي. توته اقسم بالله وحمك كعب شديد😂🤣😂🤣😂🤣
انا. انا مستغربة من روحي خلي انتي
هي. ارح خلاص
فعلا طلعنا وبحثت في اليوتوب عن ميك اب جاني فديو بتاع ميك اب رجالي سرحت فيهو
نور. اوعي تكون بتفكري في حاجة زي دي 😂
رفعت راسي وضحكت ليها نظام أجل نعم
هي. كمال بطلقنا الاتنين😂
انا. بعملها بس يرجع 😌
عملت لي نور ميك اب وصورتها وكانت عسولة المسا بعد كمال جا واتعشينا كنت بعاين ليهو وساكتة وقاعدة بعيد وبفكر اجيبها ليهو كيف طبعا هو استغرب فيني
هو. توته انتي كويسة
اشرت ليهو بي أي ونور عارفة انا مالي وضحكت بتحت تاني كمال عاين ليها وقال ليها مالها دي قالت لي م عارفة
بعد مسافة كدا مشيت قعدت جمبو ونور بس كاتمة الضحكة مسكت يدو وبقيت بلعب بيها
انا. كمال انتي بتحبني صح

هو. ايوة
انا. وبتحب البيبي صح؟
هو. شديد
انا. بتعمل اي شي عشانا
هو. أي شي
طبعا نور كاتمها وعاملة بتلعب مع وجن
انا. انا.. اناا عايزة...
هو. شنو.؟عايزة شنو
انا. عايزة اعمل حاجة
هو. والمشكله وين؟ والحاجة شنو
عاينت لي نور تاني رفعت راسي عاينت ليهو وعيوني دامعة
انا. عايزة اعمل ليك ميك اب
هو. نعم نعم؟ دا آخر م اتوصلتي ليهو؟ 😒
نور فكت ضحكتها وكمال عاين ليها وقال ليها وانتي عارفة يعني 😒
انا. كمال مرة واحدة بس نفسي اجرب 🥺
هو لا طبعا اطلبي اي حاجة بعملها ليك بس م حاجة زي دي
شوية بقيت بتنهد وعيوني رقرقو وبكيت مع انو م كورك فيني ولا اي حاجة
هو. توته؟
انا. م تتكلم معاي 😭
هو. يا ربي م تبكي خلاص اعملي العايزاهو 🤦‍♂️
انا. عايز تسكتني
هو. لا بتكلم بجد اعملي العايزاهو بس م تبكي
طبعا نور اتفقعت بالضحك
رفعت راسي ودموعي مالية وشي وقلت ليهو ح تخليني اعمل ليك ميك اب اتنهد وقال لي اي ومسح دموعي حضنتو وقلت ليهو بحبك يوووخ يلا
هو. دي مصيبة وين بجماعة 🤦‍♂️
نور. دا عملك استحملو 😂🤣
فعلا طلعنا فوق اول حاجة ظبطنا ليهو لحيتو ونور زاتها م صدقت بقت بتعمل معاي
بعدها غسلنا وشو ونضفناهو مع انو م محتاج بس الصراحة لاحظنا التغير وبقي أمز شعرو غسلناهو وقبضناهو بس بنادات وجن 😂عملنا ليهو ماسك ومرطب وكوينا شعرو وظبطناهو وعملنا ليهو تسريحة تاني جينا للميك اب م اوفرنا فيهو بس حددنا ملامحو وحاجة بسيطة كدا كحل علي روج بدرة وكم حاجة كدا دا كلو وهو م شاف روحو
انا. خلصنا 😍
هو. والله القاكم جلبطو لي وشي م إخليكم🙂
نور. انت شوف اول
انتهد ولفا على المراية عاين لي روحو ورفع حاجبو وعاين وراهو تاني عاين في المراية
انا. رايك 😌
هو. متأكدين دا انا 😂
نور. بقيت أمز مش 😂
هو. افتكرتكم ح تعملو لي ألوان وحاجات وتبوظو لي وشي
انا. لو عجبك ح اعمل ليك كل يوم
هو. نعم نعم تاني ولا تفكري في حاجة زي دي😒
ضحكت وقلت ليهو دا طفلك م انا
هو. متين يطلع عشان نرتاح من العمايل دي
انا. لسسسيه😂
نور. الصور يتوته 💃
فعلا صورتو تاني هو ووحن تاني معاهو نور تاني صورتهم التلاته سوا بعدها اتصورت انا وهو وفي الصورة كنت مظهرك بطني وتاني معاها وجن والأخيرة كانت صورة جماعية وطبعا البيبي دخلناهو لانو السبب، 😂

اتفاعلو ووروني رايكم 💃

#راجل_مرتين26
بقلم :#nano_Ibrahim

كمال كان نايم مع نور عملت روتيني وشلت تلفوني بقلب فيهو جاتني مكالمة من واحدة صحبتي اتونست معاها بعد قفلت لقيت ماما متصلة على
انا. الووو ماما كيفك
هي. بخير الحمد لله كيف انتي وكيف مع الحمل
انا. بخير الحمد لله م عندي اي مشكلة ونور وكمال مهتمين بي شديد
هي. الحمد لله ربنا يجزيهم خير
انا. آمين
هي.. اتصلت عشان اقول ليك انو بكرة تجو تتغدو معانا
انا. ساي ولا في مناسبة 😂
هي. اجي الا بمناسبة
انا.قلت يمكن في مناسبة.. ح نجي إن شاء الله
هي. وجيبو معاكم نور
انا. حاااضضضرررر
بقينا بنتونس وغايتو راحة نفسية اليوم التاني وريت نور وكمال وعلى كدا مشينا ناس امي...سلمت علينا وضيفتنا وكانت بتونس فينا بعدها جا بابا سلم علينا وكانت قعدة ظريفة وبابا مستلم وجن على حسابو
بابا. اخبار الوريث شنو
انا. 😂احتمال تطلع بت يبابا
بابا. لو طلعت بت ح اربيها م ح تشوفها
انا. عندك اتنين نفر بجاي جاي مترصدين برضو
ابوي عاين ليهم وضحك وقال ليهم م كفاية شالوك انتي
المهم الونسة جرت واتغدينا ونحنا بنتونس الجرس ضرب قام كمال فتحو طبعا معتبر الحالة واحد ودا الحاصل بعد مسافة جا داخل ومعاهو واحد
... السلام عليكم
مع الصوت دا انا اتلفتت وكنت بحاول اتأكد انو نفس الزول م بتوهم
كلهم. وعليكم السلام
.. توته؟
انا. اسلام؟
ماما. اتفضل يا ولدي
انا. كمال يلا البيت
بابا. توته؟عيب كدا
انا. انا تعبانة عايزة أمس البيت
ماما. توته يا بتي
أنا. كنتو عارفين انو ح يجي؟
... لا م كانو عارفين.. يداب جيت اصلا شنطي في الحوش لو م مصدقة
انا. عموما انا ماشة بنجيكم مرة تانية
طلعت الحوش فحد مسكني من يدي قبلت لقيتو هو
انا. ممكن تفكني؟
هو. توته على الاقل اسمعيني
انا. م عايزة اسمع شي. فكني بس
اتفكيت منو جراني لحضنو وبقي ماسكني قوي وانا بحاول اتفكا منو
انا. اسلام فكني
هو. والله ي توته يشهد الله م كنت عايز اعمل كدا بس اقسم بالله ظروفي جبرتني..
انا. انت عارف انا قدر شنو كنت متأملة فيك.. حتى بعد عملتك كنت كل يوم بنتظرك.. وحتى لو رساله منك... انت فاهمني..
جاني. صوتو وهو ببكي
هو. والله ي توته الظروف كانت أقوى مني.. يا توته انا يومها كنت وراك حتى شفتك لمن طلعت كنت عايز اعمل زي كل مرة واخلعك بس المرة دي انا الاتخلعت.. جاني اتصال.. أمي كانت في الإنعاش بين الحياة والموت... لحظتها انا م فكرت في شي غير انو لازم الحقها وكنت مطمن لانو فاكرهم كانو معاك... توته والله دي كانت أصعب سنين في حياتي م تتخيلي انا عانيت كيف... كنت برأي يا توته
انا. طب لي م وريتني
هو. لكمن وصلت هناك.. تلفوني اتسرق.. وم اشتريت تلفون قريب... بعد اشتريت اتصلت ليك بس م دخل معاي اتصلت ليهم كلهم بس م كان في رد من زول
زحيت منو وقلت ليهو بس لي م وريتني
هو. م كنت قادر اوصلك ليك والله
انا.يي انا انتظرت كتير
هو. حقك علي
ورجع حضني تاني وقال لي اشتقت ليك شديد اكتر مما بتتخيلي
حضنتو وانا ببكي وقلت ليهو وانا كمان اشتقت ليك
هو.. دقيقة بطنك كبيرة ولا انا بتخيل
زحا مني وعاين لي وانا بضحك بين دموعي
هو. احلفي... عملتيها يخاينه...عرستي؟
انا. دي قصة تانية بحكيها ليك مرة تانية
كان بهبش في بطني وهو م مصدق قال لي السادس ولا السابع ضربتو وقلت ليهو حاسب يداب الرابع
هو. متأكد لانو كبيرة
انا. الله أكبر
ضحك وحضني وقال لي مبروك لي
نا. ح امشيها ليك
قبلنا عايزين ندخل لقيت كمال واقف وبدون مقدمات قال لي يلا البيت ومشى من قدامي
اسلام. اصلا عصبي ولا في حاجة
انا. م عارفة.
فعلا نور طلعت ومشينا وكان ساكت طول الطريق وانا كنت في عالم تاني ونور بتعاين لينا بالدور لمن وصلنا كانت الدنيا ليل نزلت مع نور وكمال كان شايل وجن دخلت غرفتي وعملت روتيني وقعدت في السرير منتظرة كمال بس م جا نزلت تحت م لقيتو رجعت فوق دقيت لي نور الباب فتح لي هو
هو. عايزة حاجة؟
انا. ااا لااا بس كنت بفتش فيك
هو. ح انوم هنا م تنتظريني
قبل ارد ليهو قفل الباب في وشي بقيت مستغربة في حركتو والصراحة زعلت شديد مشيت غرفتي وفتحت البلكونة كان الجو حلووو لكن نعست دخلت نمت صحيت اليوم التاني لقيت نور تحت صبحت عليها وبقيت بلعب مع وجن
انا. كمال نايم؟
هي. لا طلع من الصباح..
انا. ايواا كويس
هي. متشاكلين انتو؟
انا. لا بس م عارفة. مالو... م قال ليك حاجة؟
هي. م اتكلم معاي اصلا سالتو مرة قال لي خليني انوم انا تعبان و روراي شغل
اتنهدت وقلت ليها لمن يرجع😓
المسا رجع البيت كنا انا ونور في المطبخ حضن نور وباسها في رأسها وانا مشيت عليها وفتحت يدي وبضحك بس سفهني وطلع من المطبخ
نور. توته فشنو؟ دا م كمال😳

عيوني رقرقو وم عرفت ارد ليها بشنو وم قدرت اتكلم
ختينا العشا لمن جيت اقعد هو قام
كمال. نور جيبي لي اكل فوق معاك
وطلع غرفتها نور حضنتي وقالت لي م تزعلي بتكلمو معاهو ابتسمت ليها وم رديت.. طلعت غرفتي وم أكلت حرفيا نفسي اتسدت ونور قدر م حنستني ابيت.. النوم غلبني وبقيت بفكر هو زعل من شنو.. كنت في البلكونة وانا سارحة في أفكاري.. وعيت على احساس زول بطقطق لي لقيتو كمال
هو. امشي اكلي... م عشانك عشان البيبي
ختيت يدي في بطني اصلا م كنت جعانة ف م ركزت معاهو
انا. كمال
هو. تعالي اكلي
انا. طب انا عملت شنو غلط
هو. ح امش واجي م القى الاكل في مكانو
طلع وخلاني في مكاني م ركزت معاهو كتير.. وم اتحركت من مكاني جاتني مكالمة دخلت اشوفو كان رقم غريب م رديت اتصل لي تلاتة مرات تاني رديت ليهو
انا. الووو
اسلام. مساء الخير
انا. مساء النور... اسلام؟
هو. يب.. م يكون راجلك معاك
ضحكت وقلت ليهو لا..
هو. كويس... كيف انتي
انا. بخير الحمد لله
هو. ممكن نتلاقى
انا. لي؟
هو. عشان عندي كلام كتير عايز اقولو
انا. اوك رسل لي الموقع والزمن في رسالة
هو. تمام.. يلا تصبحي على خير
انا. وانت من اهل الخير
قفلت الخط وسجلت رقمو وختيت التلفون في السرير لقيت الاكل قاعد مكانو ختيت يدي في بطني وقمت شلت الصينية وقعدت اول م عايزة اكل الباب فتح كان كمال م ركزت معاهو وقلت اخليهو براحتو واصلت اكل وهو زحا التلفون وشالو في يدو وقعد في السرير...
هو. توته
انا. اممم
قبل يتكلم جاني إشعار وهو عاين في التلفون اخد نفس وقال لي م تطلعي من البيت
أنا. السبب؟
هو. مزاجي السبب
انا. كمال انت مالك المضايقك شنو وريني
هو. لو متهمة وبتحبيني بجد كان عرفتي المضايقني شنو
قام من مكان ودخل تلفوني في جيبو
انا. تلفوني؟
هو. ح ارجعو
طلع من الغرفة وفعلا اليوم التاني اداني التلفون
أنا. كمال
هو. امممم
انا. عندي مشوار ممكن...
هو. ماف طلعة
انا. بس..
هو. قلت ماف طلعة انتهينا
أنا. اوك
شلت تلفوني وعانيت لي نور كانت بتعاين لي بزعل ابتسمت ليها نظام ماف شي وطلعت غرفتي رسلت لي اسلام انو م بقدر الاقيهو لانو مشغولة وقفلت على كدا انا مخي كان بودي وبجيب وراجعت نفسي الف مرة بس ماف شي يخليهو يزعل كدا

لايك وكومنت 💃

#راجل_مرتين27
بقلم : #nano_Ibrahim

مرت فترة وانا وكمال بقينا م بنتكلم مع بعض خالص وم بتتعامل مع بعض ونور كانت في نصنا وانا كنت منفسنه بسبب الحمل ووبكي بسبب وبدون سبب بس م قدامو في يوم صحيت زهجانة بسبب كمال وتصرفاتو دخلت الحمام غسلت وشي وعاينت لي روحي في المراية كان الإرهاق ظاهر في وشي اخدت نفس وفكرت انو لو كمال شافني كدا ح يفكرني مهتمة وميته عليهو ودي الحقيقة عاينت للبيبي تاني رفعت راسي وكنت مقررة أتجاوز كمال من الليلة وم افكر فيهو مليت البانيو وكبيت صابون وعطر وقعدت حكاية نص ساعة وانا في الموية صراحة احساس حلو والموية حلوة بعدها كملت حمامي ولبست منشفة وطلعت فتحت الدولاب وفكرت البس شنو تاني طلعت بنطلون وفنيلة ولبستهم ولبست عباية ونزلت اصلا كمال ح يكون مشي الشغل لقيت نور بتحضر
انا. صباح الخير
هي. صباح النور... على وين 🤨
انا. ماشة كوفير زهجت انا ارح وديني ومنها نغير جو
ضحكت وقالت لي قدام 💃
فعلا لبست وطلعنا الكوفير عملنا نضافة وشقرنا حواجبنا وانا قصيت شعري بي قدام وبقي مع نهاية وشي وميجتو بي كبدي وقصيت الاطراف ونور كوت شعرها ورسمنا نقش بسيط كدا بعد شلنا جسمنا ويعني ظبطنا أمورنا لمن رجعنا البيت نور ولعت الحفرة قلت ليها م عايزة لانو عارفة كمال بموت فيهو ولو عملتو ح يقول عشان اما هي حلفت لو م قعدت انا هي م بتقعد ف اضطريت وقعدت بعدها قعدت نور تأتي جهزنا الغدا وانا ساعدتها واتغدينا لانو كمال يا يتغدا براهو أو مع نور بعدها قعدنا نحضر كنت بلعب في وجن وخاتاها في رجولي ولابسة قميص قصير وضاق وبقي مبين جسمي بسبب بطني حرفيا بحسها أكبر من الطبيعي نور جاتها مكالمة من صحبتها وطلعت فوق الباب فتح وكان كمال مع انو م مواعيد رجعتو استغربت بس م اشتغلت بيهو وعملت مركزة مع وجن وم شايفاهو ولا حتى رفعت راسي شوية حسيتو ماشي على تاني وقف قصادي وقبل ارفع راسي شال وجن مني ووجن بقت تقول بابا رفعت راسي وحمرت ليهو نظام شلتها لي عاين لي من فوق لي تحت شكلو لاحظ التغيرات
كمال. نوووررر.. يا نورررر
نور جات نازلة
كمال. امسكي وجن وم تخليها تشيلها تاني وريتك الف مرة اعتقد
نور مسكتها منو حرفيا كلامو صدمني وعيوني رقرقو للدرجة دي؟ حتى وجن م عايز يخليني اشيلها قمت من مكاني ودفرتو وقلت ليهو بكرهك وبكره اليوم العرفتك فيهو
وطلعت غرفتي وبقيت ببكي م أتوقعت من كمال يصل مرحلة زي دي المسا كدا الباب فتح م عاينت دا منو وعملت نايمة
كمال. عارفك م نايمة قومي.. توته بطلي ثقالة وقومي
انا. قمت اها عايز تطردني صح لانو م فضل شي تاني؟😠
هو. اوووف يا زفتين انتي ناسية انك حامل وم مفترض تشيليها
انا. طب م تقول لي كدا بدل تحسسني بشعور مقرف زي دا😠
هو. طب انتي اسي بتبكي لي؟
انا. دايرني اضحك ليك يعني اصلا بهمك فشنو بكيت ولا لا
قلت كدا وضمت رجولي على وختيت راسي فيهم وزدت في البكا اتنهد وقال لي انا اسف طيب م تبكي م اشتغلت بيهو شوية حضني وخلاني ببكي وم اتكلم معاي لمن هديت شوية زحيت منو ودخلت الحمام غسلت وشي وبقيت واقفة مسافة جا داخل وراي وكان باين عليهو مسخن شديد م ركزت معاهو جا وقف يميني وكان مقبل علي فكا المشبك من شعري وختاهو على نزل راسو وبقي بشم في شعري ومغمض عيونو واخد نفس طويل وانا م اتحركت خالص شوية نزل وباس خدي ولفا يدو في خصري وبعدها نزل رقبتي وفضل خاتي راسو مسافة وحاسه بي انفاسو تاني باسني لمن عمل علامة ف عرفت انو م بي وعيو و أما أنا حركتو دي خلت جسمي يتقل وحرفيا م كنت قادرة اقيف وأتسندت عليهو فجأة شألني ومشى بي السرير وحصل الحصل حرفيا كان بعبر عن كل شي وقتها الحب والشوق وكل المشاعر بس عيونو كانت البتكلم
صحيت الصباح وانا بتمغي حسيت بس يدين محاوطني ف عرفتو كمال وعلى حركتي شكلو صحي شتمت نفسي الف مرة لانو استسلمت ليهو بكل بساطة كدا ولا حتى قاومت رفعت راسي وهو نزل عيونو لمن شافني عقد حواجبو ف اتاكدت انو بحد وقتها كان ماشي ورا شهوتو وم واعي وهنا شتمت روحي مليون مرة قام من جمبي واداني ضهرو تاني عاين لي كانو بتأكد انو دي انا ابتسمت ليهو بسخرية كدا نظام م قدرت تقاومني حمر لي وعاين بقرف كدا وقام دخل الحمام بدون ينطق بي حرف اما انا كنت مرهقة لي درجة م قادرة افكر زاتو كنت راقدة زي الجثة وبتعاين في السقف تاني ختيت يدي في بطني من فوق الملاية المتغطية بيها و غمدت عيوني صحيت على صوت الباب فتحت وقبلت راسي لقيتو كمال طالع زي م دخل اي م لابس حاجة بس كان متحمم عاين في عيوني وقبل فتح الدولاب شال ملابس لبسا وصلى وطلع من الغرفة اما انا استسلمت للنوم جات نور صحتني
هي. توته المقابلة الليلة يلا اجهزي

انا. عايزة انوم
هي. بعد نرجع نومي زي م عايزة يلا يلا ارح
خليتها تطلع و قمت عملت روتيني وصليت ولبست ونزلت تحت لقيت كمال قاعد م ركزت معاهو شلت كباية الشاي بتاعتي وطلعت الحديقة بعد خلصت دخلتها جوا لمن طلعت لقيت كمال طالع قدامي ركب عرببتو وانا مشيت ركبت حقتي دورتها جاني كمال
هو. م تضيعي زمن وانزلي
أنا. افتح ليك الباب؟تمام
نزلت من العربية ومشيت على الباب مسكني
هو. توته
انا. ايوه؟
هو. اركبي
واشر لي على عرببتو
انا. كمال انا م ح اركب معاك تمام.. ف مدام اصلا بتتعامل معاي كدا م تتوقع مني امش معاك مكان
فكيت يدو ومشيت فتحت الباب
هو. اوك.. ح تمش معاك نور
انا. احسن
دخل جوا وبعد مسافة جات نور وفعلا مشينا سوا..
نور. توته م ناوين تتصالح؟
انا. انا م عندي معاهو مشكلة هو براهو المنفسن وانت شايفة كل شي وشايفة مطنشني كيف
هي.و الحصل امبارح؟
انا. م كان واعي على نفسو ووقعني في الفخ.. والصباح لمن صحي كان مستغرب انو نايمة ف اتأكدت بجد انو م كان واعي
نور. صراحة هو مانع نفسك منك بالعافية وقدر م اسالو ي يطنش يا يغير الموضوع
انا. ماف زول جابرو بطريقتو والله.. ولو م عايزني في حياتو بس أولد وتأتي م ح يشوفني
نور. هي هي انا مالي تخليني بسبب كمال 😑
انا. م هو ماف سبب مقعدني غيرك انتي ووجونه والبيبي لو م كدا كنت زمان نهيت الفارغة دي
نور. ربنا يهديكم.. حاولت معاهو بس رفض يوريني السبب
وصلنا المستشفى وعملنا فحوصات ومسافة تطلع عملنا موجات الدكتورة كانت ساكته وبتعاين لمن طولت نور قالت ليها فحاجة؟
الدكتورة طلعت نظرتها وعاينت لينا
هي. ماف حاجة بس عندي ليكم خبر حلو
نور. احكي
هي. عندك توأم في الطريق
مع كلامها عيوني دمعو من الفرحة
نور حضنتني وباستني في راسي
شوية جات الممرضة ادتها نتايج الفحص
هي. شكلك م قاعد تهتمي باكلك... المهم لازم تهتم يأكلها ونفسياتها وم تزعلوها... وختو نقطة انهم اتنين م واحد..
المهم اداني نصايح كتيرة وطلعنا اول م طلعت حضنت نور ودموعي بقت بتنزل مسحت دموعي قبل تشوفني نور بعد ركبنا العربية مشينا أكلنا ايسكريم
انا. نور ممكن طلب؟
هي. احكي
انا. م توري كمال
هي. لي؟
انا. لانو انا م ح اوريهو بحاجة طول م هو يعاملني كدا..
هي. بس ممكن ينبسط ويصالحك.
انا. بس انا م عايزاهو يصالحني عشان البيبي... عايزاهو يصالحني عشان هو عايز كدا..عشاني انا توته.. عشان بحبني.. فهمتني
أشرت لي بي أي وقالت لي ح اعمل رايحة
انا. ممكن توعديني
هزيت لي راسها وقالت لي وعد رجعنا البيت لقينا كمال قاعد مع وجن عاين لينا انا طلعت غرفتي ونور سلمت ليهو ودخلت المطبخ.. جاتني بعد مسافة جابت لي اكل
انا. م كان في داعي اصلا كنت نازلة
هي. لازم ترتاحي زي م قالت الدكتورة
حضنتها وقلت ليها شكرا لانك في حياتي.
بعد أكلت نمت من الإرهاق اصلا بقيت بنوم كتير
صحيت العصر كدا اتحممت ولبست بجامة ونزلت تحت دخلت المطبخ لقيت عصير في التلاجة شربت منو.. طلعت الحديقة وقعدت في طوطحانية وبقت بتحرك
جا كمال داخل من برا عاين لقاني قاعدة وقف مسافة تاني دخل جوا
جاتني مكالمة من اسلام رديت ليهو واتونست معاهو وغير لي مودي
هو. اها م ناوية نتلاقى
انا. لمن القى زمن برسل ليك خليك مستعد
هو. تمام.. اها كيف البيبي
انا. قصدك البيبيهات
هو. م فهمت.. دقيقة قصدك توأم
انا.أجل نعم
انفعل وقدا لي اضاني وكان مبسوط شديد ضحكت وانا بسمع فيهو بعد مسافة ودعتو وقفلت المسا جاني كمال في الغرفة وانا كنت راقد بتونس شات مع اسلام قعد جمبي في السرير قفلت التلفون وختيتو جمبي وعاينت ليهو
هو. توته
أنا. نعم
هو. بتحبني بجد
انا. أسأل السؤال دا لنفسك اول ولمن تلقى جواب تعال وريني
هو. م ح اتجادل معاك... نور قالت لي انو انتي م بتهتمي باكلك... ممكن تاكل عشان البيبي ألفي بطنك خلي خلافاتنا على جنب وركزي معاهو
م رديت ليهو اتنهد وقال لي م تدخليهو في مشاكلنا لانو م عندو ذنب قام من مكانو كان طالع بس رجع وقبل مشي على التسريحة الكان فيها الأوراق مشي عليها رفعها وقبل يركز لفتو
انا. كمال
عاين لي
انا. ممكن تقفل النور انا نعسانة
هو. اوك
حتا الأوراق وقفل النور وطلع وانا شلت الورق دخلتو الدولاب ونمت على كدا
في يوم مشيت ناس امي بعد وريت كمال ووافق بس وصلني هو وانا هناك لاقيت اسلام اتونسنا وفرفشنا وكدا
العصر كنا انا وهو قاعدين برا في الحديقة وحكي لي الحصل معاهو وصراحة ندمت شديد لانو زعلت منو ختا يدو في كتفي وحضني عليهو وقال لي عادي لو كنت مكانك كنت برضو زعلت منك ويمكن اكتر ونحنا كدا شفنا كمال جاي علينا

مسا الخير يشباب 💃
اتفاعلو ووروني رايكم 💃

#راجل_مرتين28
بقلم :#nano_Ibrahim

ونحنا كدا شفنا كمال جاي علينا صلحت قعدتي وإسلام فكاني اما كمال اتجاوزنا ودخل جوا بعد طلع قال لي ارح مشيت ودعوتهم وشلت حاجاتي وطلعت ليهو ورجعنا البيت دخلت سلمت على نور وهو جا داخل ورزع الباب وراهو انا ونور قبلنا عليهو نظام دا مالو وكان بعاين لي وعفاريت الدنيا كلها في راسو جا على ومسكني من ياقتي
هو. وقسما عظما لو ما ألفي بطنك دا م كنت سكت ليك.. إياك تختبري صبري😡
انا. ألفي بطني؟دقيقة ألفي بطني دا بكون طفلي انا تمام... وم محتاجة منك حاجة ولو مضايقك كدا انا بربيهو برأي م عايزة منك حاجة😡
هو. م تحوري المواضيع
انا. طب انت م ملاحظ لي روحك بتعاملني كيف... المشكلة م هنا المشكلة انو ماف سبب لي تصرفاتك دي.. قبل تتكلم معاي راجع روحك😡
هو. اراجع روحي ولا انتي المفترض تراجعي روحك.. انا بقيت بقرف منك... اتخيلي بقيت أشك انو دا م ولدي بسببك😡
نور. كماال دا كلام شنو
مع كلامو دا انا وقفت واتصنمت في مكاني زي الصبت فيني مطرة وبقيت بحاول استوعب هل الكلام السمعتو دا صح كمال شاكي انو انا بخونو م اتكلمت معاهو وم رديت ليهو لانو بجد ماف شي ارد ليهو بيهو م حصلت أتوقعت أمر بي موقف زي دا ومن منو؟من كمال الكان في يوم احن زول على؟ كمال البحبني وم برضى فيني ويدافع عني؟ طلعت غرفتي قعدت مسافة لمن القعدة غلبتني شلت مفتاحي ونزلت وم كان عندي نفس اشوف زول ولا الاقي زول
نور. توته...
انا. نور الله يرضى عليك م توقفيني وم تتكلمي معاي اسي عشان م عايزة ازعلك بس خليني انا ح اكون كويسة
طلعت وخليتها واقفة في مكانها دورت عربتي وطلعت
كنت ماشة وم عارفة روحي ماشة وين والدموع كانو مالين عيوني والأفكار بتضارب في راسي وكلمات كمال كل مرة بتعيد نفسها في اضاني.. استغفرت ووقفت على جنب كدا وبقيت ببكي وكنت بجد مخنوقة شديد ومضايقة الحاجة الكانت مصبراني نور ووحن والبيبيهات ألفي بطني بقيت ماسكة بطني و ببكي بحرقة لمن كنت بطلع صوت وبشهق من البكي
أنا. اتخيلو ابوكم شاكي انكم م اولادو... شاكي اني بعمل حاجات غلط
رجعت كرسيني لورا ودموعي بس الكانت بتنزل وشهقاتي هي البتتكلم م كان نفسي ارجع اشوف كمال تاني قلبي كان واجعني شديد وكل م اتذكر كلامو بزيد في البكي لمن جفوني تقلت وحسيت روحي م قادرة ابكي اكتر غمضت عيوني ونمت

فتحت عيوني بسبب صوت كان بتردد في اضاني استوعبت اني في عربتي قبلت لقيتو نذار بدق في القزاز عاينت للساعة كان واحدة صباحا قما من وضعتي ديك وعدلت الكرسي ونزلت القزاز
نذار. بتعملي فشنو هنا؟
انا. شالتني نومة بس وشكلي ح اتهرش..وانت بتعمل فشنو ومتين المطرية صبت؟
هو. افتحي الباب اول
فتحتو ليهو وركب بالجهة التانية وكان شبه مبلول
هو. كمال قالب على الدنيا من قبل المغرب
أنا. ايواااا كويس... وانت هنا لي؟
هو. كنت بفتش فيك
انا. كلمتو؟
هو. أي وهو اسي في الشارع جاي علينا
اتنهدت وقلت ليك خير م فعلت
هو. توته مالك انتي وكمال ملاحظ ليهو فترة مضايق؟
انا. والله يا نذار م عارفة اقول ليك شنو الموضوع دا أكبر مني بكتير..
هو. ماف شي وم ليهو حل
انا. بكون في حل لمن اكون عارفة السبب شنو.. نذار انا م فاهمة كمال مالو انا م عملت اي حاجة غلط ولا زعلتو في أي حاجة بس فجأة كدا قلب
هو. متأكدة انك م عملتي حاجة
انا. اقسم بالله م عملت شي يزعلو مني كدا
هو. طب عندك علاقات مع اولاد
انا. ابدا انا والله العطيم م عندي اي علاقات كمال دا اول واخر زول يدخل حياتي.. دقيقة لي سألت كدا؟
هو. ااا سوال بس جا في بالي
انا. سوال بس؟.. للدرجة دي حتى انت يا نذار؟
سكت وم ردا لي ودنقر
انا.. عارف كمال قال لي قبيل شنو؟
عاينت ليهو والدموع مالية وشي وهو رفع راسو عاين لي
انا. قال لي انو شاكي ألفي بطني ديل م اطفالو
نذار بلع ريقو وغلبو يرد لي بس حسيت انو ندم على كلامو مسحت دموعي واخدت نفس
هو. اسف م كان قصدي كدا بس..
انا. اسفة انفعلت شوية بس كنت مضايقة.
هو. عادي م يهمك
انا. ممكن م تقول لي كمال اني قلت ليك حاجة
هو. بس..
انا. اعتبرو معروف وح اردو ليك
اتنهد وقال لي اوك م ح اكلمو شوية الباب فتح كمال جراني وم جرتو ضربت الدكرسون وصرخت
نذار. كمال دا شنو ضربتها
نذار نزل وانا كنت ماسكة بطني والمطرية حممتني والجو كان بارد وكمال واقف مصدوم وم عارف يعمل شنو نذار هزاهو وقال ليهو كمال
كمال انتبهت وشألني رقدني ورا وخلا نذار يسوق مشو المستشفى وصادف انو الدكتورة البقابل معاها اصلا قاعدة كشفت على وأدتني مسكن للالم.. كمال ونذار برا جات الدكتورة وسالوها
الدكتورة. م تخاف ح تبقى كويسة إن شاء الله.. كمال تعال معاي مكتبي
كمال خلا نذار معاي ومشى معاها

الدكتور. انا نبهتها المرة الفاتت انو لازم تبعد من الضغوطات النفسية دي ولازم تهتم بصحتها عشان الأطفال ألفي بطنها وبعدين هي اضربت كيف وكان ممكن يجيها التهاب بسبب البرد والموية
هو. اتضربت بالغلط
هي. عموما اطمن الأطفال كويسين وم فيهم حاجة بس لازم م تتحرك الفترة الجاية وتهتم بأكلها وابعدوها من الصغوضات النفسية والزعل لانو ح يأثر عل أطفالك
هو. دكتورة؟
هي. ايوة
هو. انتي ملخبطة بينها وبين واحدة تانية
هي. لي
هو. لانو شابكاني أطفال أطفال
اخدت نفس وطلعت نظارتها
هي. واضح انو في مشكلة بينكم ودا سبب الحالة ال هي فيها اسي .. عموما يا سيد مرتك حامل بتوام ويبدو انو هي م ورتك
كمال. توأم؟
هي. ايوة توأم كنت شاكة في البداية بس اتضح لي بعد آخر مقابلة انهم توأم
كمال كان بعاين للدكتورة وساكت
هي. دي فيتامينات لازم تأخذها في المواعيد المحددة
هو. شكرا دكتورة
هي. كمال انا بعرفك من فترة انت وتوته بعيد من المستشفى ... أي اتنين متزوجين بتحصل بينهم مشاكل بس م يعني النهاية في ناس بستمر زواجهم عقود وهم لسه عندهم نفس الحب... الثقة والصراحة والاهتمام الحاجات دي لازم تكون في أي علاقة وم بتكتمل من دونها... ف ي ولدي اقعد مع مرتك ومهما كان السبب اتناقشو فيهو براحة خليها تحكي ليك الماضيقها وانت احكي ليها المضايقك وانا عارفة انكم بتحبو بعض قدر شنو ف الله يرضى عليك استهدي بالله واتكلم معاها ماشي
هو. حاضر كلامك على عيني وراسي وشكرا على النصيحة وعلى كل شي
طلع منها وكان مبسوط وزعلان في نفس الوقت
هو. طب معناها نور عارفة؟ تالا حامل بتوام؟ انا كنت بعيد للدرجة؟ هل انا غلطت؟ يمكن ظلمتها؟ يا رب لطفك
رجع لقى نذار قاعد جنب باب غرفتها
كمال. معليش يا نذار تعبتك معاي
نذار. عان دا نحنا فشنو وهو فشنو... كمال
كمال. ايوة
نذار. ممكن تقعد معاها وتحل مشالكم براحة عشان الاولاد ألفي بطنها
اتنهد تاني عاين ليهو
هو. كيف عرفت انهم م واحد
نذار بلع ريقو وقال ليهو مش وريتني انت
هو. م قلت ليك انهم توأم
نذار م ردا ليهو وقبل قدامو
هو. نذار احكي عرفت من وين
نذار. قبيل قبل تجي كان بتبكي وبتتكلم ويعني فهمت انو هم توأم
هو. قالت شنو؟ ومالك م داير تتكلم
نذار. ماف كلام يتقال.. بس طلبت مني اوعدها انو م اقول ليك حاجة من الكلام البينا
هو. واللي هو
نذار. لو هي حكت ليك احسن انا شايف.. كمال انت اوعي من كدا م تخلي قصة الود داك تخرب بينكم.. انت اصلا م عارفو دا منو.. اسالها وهي بتوريك اي حاجة انا متأكد انو توته م ح تخبي عليك حاجة... وبالمناسبة من طريقة كلامها قبيل مستحيل توته تعمل حاجة غلط هي بتحبك اكتر مما بتتخيل
هو. والله يا نذار انا ضايع شديد وم عارف اعمل شنو
نذار.اقعد معاها وحلو مشاكلكم لانو ماف واخد فيكم ببقى بدون التاني
اتنهد واشر لي بي حاضر وقال ليهو ح اتصل لي نور وادخل اشوفها
فعلا قام واتصل على نور اطمن عليها وبعدها دخل لقاني نايمة قعد جمبي ومسك يدي بي بديهو الاتنين وباسها مع حركتو انا وعيت عاين لي
هو. كيف بقيتي
انا. بخير
ختيت يدي في بطني هو لاحظ لي حركتي وقال لي م تخافي كويسين... بالمناسبة اسف... عندي حاجات كتير عايز اعرفها منك بس اول لازم تبقى كويسة
انا. م حاسي انك اتاخرت
ابتسم بحزن كدا وقال لي اتاخرت شديد.. بس اداركت نفسي قبل اخسرك بجد
انا. واثق للدرجة دي انو ممكن اسامحك وارجع معاك
هو. ايوة ح تسامحيني وترجعي معاي
انا. والأولاد القلت انهم م أولادك ح يسامحك برضو؟
سكت وم ردا علي
انا. انا م عارفة السبب الخلاك تفكر فيني كدا شنو أو انا عملت شنو غلط... بس وحات ألفي بطني ديل انا م غلطت ولا في يوم ح افكر اغلط غلطة زي دي
كمال. اسفة يا توته اسف بجد
قبل علي وختا يدو في بطني وكان لسه ماسك يدي شفت دموعو وهي بتنزل بدون احس دموعي نزلت برضو كان بحرك يدو في بطني شوية باسها مرتين وانا حسيت بي دموعو في بطني
انا. كمال م تبكي يرووخ
هو. م قادر أوقف حاسي اني بجد ظلمتك
قرب على وباسني في راسي وقال لي سامحيني
ابتسمت ليهو وقلت ليهو مع انو م راضية تراضيني بالبساطة دي بس ماشي سامحتك بس م بيعني انو م زعلانة منك
ضحك وقال لي نومي اسي
انا. اوك
كان طالع
انا. ماشي وين؟
هو. قاعد برا
عاينت ليهو وم رديت وهو شكلو فهمني
هو. ح اجي اسي
طلع وانا غمضت بعد مسافة حسيت بي حركتو وجا قعد جمبي ومسك يدي وباسها وحرك يدو في شعري وانا عملت نايمة بس بجد كنت مشتاقة ليهو واخيرا كمال البعرفو رجع

قربنا للنهاية ابسطوني بالتفاعل ووروني رايكم💃

#راجل_مرتين29 (قبل الأخير)
بقلم : #nano_Ibrahim

الصباح طلعنا ورجعنا البيت نور دي كانت بتبكي وعيونها مورمة حضنتها وقلت ليها انا كويسة بعد خذت واطمنت طلعت فوق عشان ارتاح جو الاتنين خلوني اخد ادوتي واكل ونمت بعد طلعو
اما كمال كان قاعد مع نور
كمال. لي م وريتني انو هي حامل بتوام؟
نور. هي طلبت مني كدا وخلتني اوعدها انو م اكلمك
كمال. طب م حكت لي حاجة؟
نور. ماف حاجة تحكيها لأنها اصلا م عارفة سبب تصرفاتك ولو في متأكدة انها كانت ح توريني ..... م نفسك تفهمني الحاصل عشان اقدر اصالحكم ؟
باسها في رأسها وقال ليها ح احكي لي كل شي بس عايز افهم انا الاول القصة كلها.. بس اطمني نحن شبه اتصالحنا
نور. الحمد لله.. بس يا كمال طريقتك غلط... انت على الاقل وريها الحاجة المزعلك يمكن انت فاهم ها غلط... وبعدين انك تعاملها كدا في فترة زي دي ح تضرها شديد
كمال. ندمان الصراحة وأسي ح أصلح كل شي
نور. ح تسامحك؟
باسها وحضنها وقال ليها لازم تسامحني
صحيت من النوم لقيت كمال قاعد جمبي في السرير وماسك يدي ومشبك اصابعنا حاولت اقعد
هو. خليك مكانك م تتحركي
انا. فحاجة؟
هو. عايزة اتكلم معاك
انا. انا العايزة اتكلم معاك
هو. احكي
انا. عايزة امش لي ماما
هو. لي؟
انا. بس كدا أشتقت ليها
هو. توته انتي لسه زعلانة صح؟
انا. م عايزة اتكلم في الموضوع.. وم عندي نفس اصلا ح توديني؟
هو. تمام.. بكرة بوديك
انا. لا ماشة اسي
هو. توته..
انا. كمال ح توديني ولا امش برأي؟
هو. اللهم طولك يا روح... البسي خلاص منتظرك تحت
طلع من الغرفة وانا اتجهزت ونزلت تحت
نور. على وين بي شنطتك كمان.؟
انا. ماشة لي ماما كم يوم اغير جو
هي. لسه زعلانة؟
انا. م قدرت أتجاوز كلامو يا نور حتى بعد قررت اسامحو جا في بالي نظراتو لي لمن نام معاي وكلامو بتردد في راسي يا نور.. امبارح م قدرت انوم... عموما وين كمال؟
هي. طلع برا قبل شوية
انا. تمام
ودعتها وطلعت لقيت كمال راكب في العربية فتحت الباب الورا وركبت
هو. شايلة شنطة لي؟
انا. عشان ح اقعد كم يوم هناك
هو. توته...
انا. كمال م عندي نفس احكي اي شي معاك
هو. م هو لازم نحكي.. لي غيرتي رايك فجأة كدا؟
انا. لانو م قدرت أتجاوز كلامك لانو اتذكرت نظراتك ويداب عرفت لي كنت بتعاين لي كدا... لي كنت قرفان يوم نمت معاي.. عرفت لي؟ ح توصلني ولا امش برأي؟
هو. تمام ح اوصلك
فضلنا طول الطريق ساكتين لغاية م وصلنا سلمت على ماما وبابا وهو قعد معانا شوية وطلع.. المسا جا اسلام سلم على
هو. بايتة هنا.؟
انا. ايوة
هو. ساي ولا في حاجة ؟
انا. ااا ساي
هو. توته احكي فشنو؟
انا. مختلفة مع كمال بس
هو. اضربو ليك؟
انا. 😂لالا ماف داعي
هو. احكي الحاصل؟
انا. مرة تانية اسي احكي انت بتعمل فشنو وبتمش وين وكدا
اتونسنا لي وقت متأخر وبجد فرق لي شديد عديت اسبوعين معاهم كمال كان بتصل لي وم برد على مكالماتو وجا كم مرة بس كل مرة كنت بتجنب الاقيهو وحتى فكرت أطلق بس فكرت في الأطفال ألفي بطني
في يوم وهو قاعد قال لي بابا انو عايز يسوقني جات ماما وكلمتني وقلت ليها م ماشة
امي. اجي يا بت كيف م ماشة 😳
انا. يا ماما عايزة اقعد معاكم انا لسه مشتاقة ليكم م عايزة امشي.. عليك الله م تخليهو يسوقني😭
ضحكت وقالت لي سمح بتكلم معاهو
بعد مسافة جا داخل وقفل الباب وراهو كنت بعاين ليهو وساكتة جا قعد جمبي في السرير وفضلنا ساكتين
هو. ممكن نتكلم؟
انا. فشنو ؟اعتقد ماف شي يتكلمو عنو😊
هو. م تتكلمي بس اسمعيني
انا. خمسة دقائق بس
هو. طيب. توته انتي عارفة انا راجل صح؟ والراجل م برضى في عرضو.. صح؟
انا. ايوة صح
هو. وعارفة لو زول لمسك ممكن اقتلو.. لانو بغير شديد
قلت ليهو عارفة وشفت بعيني
هو. توته بصراحة كدا وبدون زعل في حد في حياتك غيري
انا. ابدا والله
هو. ولا كان في قبلني؟
انا. خالص م كان في انت اول واخر زول يدخل حياتي
هو. طب في حاجة مجنناني وراسي ح يطق بسببها
انا. اللي هي؟
هو. الود الاسمو اسلام دا علاقتك بيهو شنو؟؟ ... قدر م حاولت القى تفسر منطقي بس ماف حاجة قدرت تبرر لي... توته انا شفتو وهو بحضن فيك وقريب منك.. شفتو وهو ببوسك في جبينك... حتى انو انو كان خاتي يدو في بطنك بطريقة خلتني أشك.. توته انا النوم غلبني.. من يومها م نمت زي الناس... انا بموت كل يوم م قادر أسألك ولا انتي عايزة تتكلمي...
انا. دا السبب ؟طيب لو جيت سألتني م كان اختصرت على روحك وعلي؟ اصلا انا كنت ناوية احكي ليك وقتها بس انت م جيت بعدها ولا اتكلمت معاي وم كنت فاكرة انو دا ح يزعلك كدا ؟ م كل البنشوقو بكون صح ي كمال
هو. طب ريحيني وقولي لي دا منو لانو انا بموت يتوته بمووت فاهمة؟..دا منو؟احكي؟

انا. دا اخوي دا لحمي ودمي عرفت دا منو؟
عاين لي بعدم استيعاب كدا
هو. انتي م عندك اخوان لكن
اخدت نفس وقلت ليهو اخوي من ابوي
سكت وعاين لي
هو. بس ماف شبه بينكم؟
انا. أي لانو امو م سودانية.. عشان كدا م يشبهني
هو. انا.. انا... م عارف اقول ليك شنو... بس انتي م حصل جبتي لي سيرة ولا كنت عارف انو عندك اخو
أنا. م انت لو خليت عنادك واتنازلت وجيت سألتني م كنا وصلنا لي هنا
هو. اسف يا توته والله م كنت عارف انو اخوك بس اقسم بالله م قدرت أتجاوز منظركم انا للان بشوفو كانو قدامي اسفة ممكن تسامحيني
انا. لو كنت بتثق فيني م كنت فكرت كدا
هو. توته انا والله لو م شفت بي عيوني كنت كذبت الكلام دا وم كنت صدقت وانا بثق فيك اكتر من نفسي
انا. عايزة انوم انا ممكن تطلع
هو. توته انا اسف سامحيني
انا. كمال ممكن تطلع؟
هو. تمام
طلع برا وقفل الباب اما انا كنت مخنوقة شديد ولقيت روحي ببكي بدون احس شوية الباب فتح ومسحت دموعي عاينت لقيتو بابا
هو. السمحة كيفك
انا. كويسة الحمد لله
هو. كمال قال لي انو زعلانه منو وانا حصل بينكم خلاف
انا. حاجة بسيطة م محتاجة
هو. اسبوعين وبسيطة؟ توته انا ابوك وعارف انو زعلك م بدوم للفترة دي وعارف انك بترضي بسهولة.. بس لمن الموضوع يصل انك ترجعي البيت وتقعدي اسبوعين وم ترضى تلاقيهو اكيد موضوع كبير صح
انا. م كدا يا بابا بس..
هو. بس شنو؟
انا. م عايزة ارجع معاهو
هو. طيب يا بتي فكري في كلامك دا وبكرة تديني قرار.. يا تقعدي معاي وبطلقك منو اول م تولدي لو كان مضايقك وكان الموضوع كبير يا تجهزي حاجاتك وتمشي معاهو لو كنتي م عايزة تطلقي
انا. يبابا..
هو. خلاص انا قلت كلامي يلا انتي فكري وانا م ح اجبرك على شي وبالنسبة لي كمال هو عارف وانا وريتو بالكلام دا لو هو باقي عليك بكرة ح يجي ولو لا م ح يجي
طلع وخلاني سارحة في أفكاري اي نعم انا زعلانة منو وعايزة أطلق بس في نفس الوقت بحبو شديد طول الأسبوعين ديل م كان بتمر لحظة بدون افكر واشتاق ليهو حتى جيتو لي هنا كانت بتخفف على شوقي ولو شوية قمت اتوضيت واستخرت ورقدت نمت جاتني صحية بليل على احساس البيبهات ضحكت وفكرت ديل ذنبهم شنو عشان يتحرمو من الحنان والجو الأسرى واستخرت تاني ونمت
اليوم البعد كلو كنت بفكر وماف زول جاب لي سيرة حتى بابا المسا كمال جا وقعد معاهم جاني بابا في الغرفة
هو. كمال جا برا... قررتي شنو؟
انا. ح ارجع مع كمال
هو. الله يحفظك يا بتي كنت عارف انك واعية وم ح تخربي بيتك وم ح تضيعي أولادك
ابتسمت ليهو وحضنتو
هو. يلا اجهزي
انا. حاضر
هو طلع وانا قمت جهزت حاجاتي وطلعت لمن كمال شافني ابتسم سلم على وباسني في راسي
طلعنا وكنا طول الطريق ساكتين وهو كل شوية بعاين لي
لمن وصلنا سلمت على نور ووجن وحرفيا كنت مشتاقة ليهم شديد بعدها طلعت غرفتي غيرت ملابسي ورقدت جا كمال داخل قفل الباب وجا قعد جمبي مسك يدي وباسها
هو. بحبك كنت متأكد انك. م ح تتخلى عني
انا. لي واثق كدا
هو. لانو عارفك اكتر من نفسك وعارف انك بتحبني.. ممكن تحكي لي قصة إسلام دا.. والحصل شنو بالضبط عشان تعملو الموقف دا
انا. اوك ح احكي ليك... زمان قبل بابا يتزوج ماما كان شغال برا... ووو اتزوج هناك وجاب ولد سماهو اسلام..امو كندية... ف حصل بينهم خلاف وأطلقو... بعدها نزل السودان وكان معاهو اسلام... لانوو امو اتخلت عنو وتزوجت... بعد نزل اهل بابا قالو ليهو الا يتزوج... ف المهم اتقدم لي ماما وقبل يتم الزواج وراها بي قصتو و وافقت... المهم ماما بعد كم سنه من الزواج حتى جابتني لانو وقتها اسلام كان صغير وكان مشاغب في أجلت فكرة الولادة... بعد اتولدت اسلام كان بحبني شديد من قمت وهو معاي م فارقني ولا لحظة... يمكن دا السبب الخلاني م ادخل اولاد في حياتي لانو كان مكفيني بجد... في يوم... اللي هو كان يوم تخريجي... كنت متفقة معاهو انو يجي يسوقني من الكوفير وكنا مخططين لاي شي وو حرفيا يمكن دي كان أهم لحظة في حياتي وقتها.. انتظرت كتير بس م جا... بابا قال يجي يسوقني بس انا رفضت.. كنت متأملة انو يجي... بس م جا... كنت عايزة اقطع الشارع لانو حرفيا كنت فقدت الأمل وكنت زعلانه شديد وم انتبهت لي روحي وانا بقطع في الشارع.. وحصل حادث... بعد الحادث دي انا دخلت في غيبوبة واحتجت علاجي نفسي وقصة طويلة يمكن اخدت حكاية سنه وانا بتعالج من اثارو... الحاجة المزعلني انو طول الفترة دي اسلام كان ماف.. م اتصل ولا سأل ولا حتى جا عشان يشوفني... حسيت اني اتخذلت شديد ومن يومها ماما وبابا م كانو بحيبو لي سيرتو..واسي جا.. يوم شفتو دا كان أول مرة اشوفو بعد السنين دي كلها... وكل الذكريات رجعت تاني... ف هو كان بحاول يهديني عشان يفهمني وانت شكلك فهمت غلط...

هو. صراحة راسي ضرب وقتها... يوم جبت ليك الاكل كنت عايز اسالك منو بس وانا شايل تلفونك رسل ليك رساله في عنوان وزمن..
انا. وقتها كان عايز يحكي لي بس انت رفضت ويوم مشيت ناس ماما آخر مرة هو حكي لي كل شي.. يومها كان واقف وراي حتى انو صورني وكان عايز يرسلها لي عشان يلعب بي ف قبل يرسلها جاتو مكالمة ردا عليهو ووو ياهو عرف انو امو في الإنعاش حالياً... هو اي نعم قاعد معانا بس صراحة ماف زول فينا كان حارمو من امو والأم في النهاية ام ف هو من مكانو مشي البيت لمى ملابسو وعلى المطار بدون م يكلم زول لانو كان مصدوم... بعد وصل هناك اكتشف انو تلفونو ماف ف م قدر يوصل لينا... هناك اسلام عاني شديد م كان عندو بيت ولا شغل ولا حتى قروش ولي حظو كان شهادتو وأوراقو في الشنطة ف قدر انو يلقى شغل بعد تعب وغير شغلو كان بشتغل حاجات جانبية.. كان متحمل كل المصاريف حقات امو لغاية ما اتحسنت واخدت وقت طويل عشان تتحسن... بعد اتحسنت وطلعو من المستشفى هو كان مقرر يرجع ف هي رفضت يرجع وهو قعد معاها عشان صحتها... بعد فترة امو اتوفت... وكانت صدمة بالنسبة ليهو بس هو قدر يتحاوزها لانو م كانت معاهو من زمان... وبعد شهر من وفاتها هو رجع هنا. ووو دا كل شي
م ردا على بس حضني وقال لي اسفة بجد اسف شديد سامحيني..
انا. لا دا م غلطك... كان مفترض اجيب ليك سيرة أو كدا.. بس حرفيا وقتها م كان نفسي اتذكرو..
مسح دموعي وقال لي واسي كل شي اتصلح اخوك رجع وانا معاك ونور ووجن
ختا يدووفي بطني وقال لي والبيبهات ضحكت وختيت يدي في يدو وقلت ليهو بس لسه زعلانة منك على فكرة
هو. ليك حق تزعلي... غمضي عيوني
انا. لي؟
هو. اعملي القلتو بس
فعلا غمضت عيوني وانتظر مسافة
هو. فتحي عيونك
فتحت ولقيتو شايل هدية في يدو
انا. دي لي انا ؟
هو. اجل
كنت عايزة اشيلها بس شالها
هو. أول زعلانة مني
انا. حسب الهدية
هو. لالا اول تسامحني
انا. كمااال
هو. م سامعك
ضحكت وقلت ليهو سامحتك هات
ضحك واداني ليها كان جايب لي شوكولاتات أشكال وأنواع ومعاها اسورة في نص الشوكولاته كانت حلوة شديد
هو. اها عجبتك؟ 😎
انا. شديد😍😂

اتفاعلو ووروني رايكم 💃

#راجل_مرتين30 (الأخيرة)
بقلم : #nano_Ibrahim

مرت الايام ورجعنا زي زمان واحسن
صحيت من النوم على حركة التوأم ألفي بطني ابتسمت وقمت بصعوبة دخلت اتحممت وغيرت ملابسي وحركتي كانت تقيلة بسببهم نزلت تحت وانا خاته يدي في ضهري وماسكة عشان م أقع وبنزل سلمة سلمة دخلت المطبخ لقيت وجن قاعدة في كرسيها ونور بتعمل في الأكل
انا. صباح الخير
هي. صباح النور... نزلتي لي؟ كنتي تناديني
انا. زهجت عايزة اتمشى شوية
وجن. تته تته تته
عاينت ليها وضحكت مشيت عليها قعدت في كرسي جمبها وبستها وهي كذلك باستني
خت يديها في بطني وبقت بتضحك وبتعاين لي كتلة من اللطافة زي نور
انا. ارح نفطر في الحديقة
نور. قدام منها نظبطك ونتظبط نحنا
فعلا ساعدتها وشلنا الفطور وطلعنا برا بعد فطرنا ولعت حفرتها وقعدت وانا بلعب في وجن وبنتونس شوية الجرس دقا انا ونور عاينا لي بعض لانو نادر م يجينا زول.
نور. خليهو احتمال زول ساي
لمن الدق اتواصل
انا. ح اشوف في منو واجي
نور. خلي بالك
انا. حاضر
لبست توبي وفتحتو لقيتها بت لابسه بنطلون وبلوزة قاصة شعرها لغاية اكتها وحلوة كدا ابتسمت ليها وقلت ليها اهلا
هي. يا هلا دا بيت كمال صالح
انا. ايوة في مشكلة؟
هي. لا ابدا.. كمال قاعد
انا. لا
عاينت لي من فوق لي تحت وقالت لي انتي نور
انا. لا
هي. نور وين؟
انا. انتي منو وعايزة شنو؟
هي. عايزة الاقي نور انا صحبتها
عاينت ليها مسافة تاني قلت ليها اتفضلي دخلت وراي وفضلتها في الصالة اما نور جات داخلة ورانا
نور. هبة؟
هبة. اهلين نور مشتاقين
نور. بالاكتر والله
سلمو على بعض
نور. توته دي هبة صحبتي من ايام الجامعة هبة دي تالا
انا. اتشرفت
هي. لي الشرف
قالت كدا وعاينت لي من فوق لي تحت نور قامت تجيب ليها عصير
هبة. من متين الاسياد بشتغلو والخدم بقعدو مع الضيوف؟
انا. عفوا؟
هي. نضفي اضنيك عليك الله.. آخر مرة اتحممتي متين
انا. انتي مخبولة ولا حاجة؟
شوية جات نور فضلتها
هبة. دي منو لانو لسانها طويل وم صدقت فتى واستلمتني ليك شتيمة وطعين
نور. عاينت لي هبة تاني عاينت لي
هبة. شكلها بشبه الخدم.. من يومك حنينه حتى الخدم بتعامليهم بلطافة لي درجة ينسو نفسهم
نور. هبة مالك والبت تكلمي عنها دي بتكون ست البيت دا تمام م تتجاوزي حدودك وفكري قبل تتكلمي
هبة. كيف
نور. دي مرت كمال زي م انا مرتو وبعدين حاجة م بتخصك وم عارفة عنها م تفتي فيها
هبة. خلاص خلاص اسفين ياهانم افتكرتها خدامة
نور. هبببةةة
هي. سكت خلاص... وين كمال
نور. ماف
انا. نور انا ح اطلع فوق عايزة انوم
هي. ماشي وانتبهي في السلم
انا. حاضر
طلعت فوق وبفكر في المصيبة التحت دي واصلي م ارتحت ليها غايتو السلم نساني أفكاري لمن وصلت فوق خلاص كنت ح أولد بجد دخلت غرفتي وطلعت توبي ورقدت نمت اصلا كان العصر قرب صحيت علي احساس يدين في بطني لقيتو كمال شايل وجن ومعاهم نور ورافعين الفنيلة وبهبشو في بطني وكل م يهبشوها البيبي بتحرك وكانت عاجباهم الحركة ووجن بتضحك بطول حسها
كمال. صباح الخير
انا. صباح النور الساعة كم؟
نور. الدنيا ليلت الساعة 8 😂
انا. بجد انا نمت كل دا؟
كمال. كانو اول مر🤣
شوية وجن ضحت بسبب حركة البيبي.
كمال. متين ح تولدي ييخخخ
نور. تاني ح تهبش شنو😂
كمال. ياخي حاجة حلوة
نور. زمان كنتو بتعذبوني اسي يداب اكتشفت سرها😂م كنت قايلاهو احساس حلو كدا
انا. بجد الدنيا دوارة
عاينت لي كمال لقيتو خاتي وشو في بطني وبحاول يسمع
انا. راسك كبير ح تفطسهم😂
هو. راسي انا كبير؟
انا. لالالا م انت بتكلم عن راسي 😂
هو. كلبة
مع كلبة دي في واحد رفسو في وشو
نور ضحكت وقالت ليهو أولادك واقفين في صفنا😂
كمال. بناتي م أولادي
انا. لو طلعو اولاد
هو. مقلنا بنات وخلاص.. وبعدين م تنسو انا الزرعتهم
انا ونور. كمااااللل
هوو. مالكم؟ كلامي غلط
انا. وريتك يا نور بخرب ليك بتك😂
نور. م اكتفي بي انو يخربنا نحنا😂
هو. على اساس م عاجبكم يعني😏
نور. عاين انا ماشة جاي بتي دي قبل تبوظ اكتر
شلتها وكمال بقى بضحك فيها وهي طلعت
انا. وانا كمان ماشة
هو. على وين
انا. اصلي وجعانة زاتو
هو. طيب ح اجيب ليك الاكل مسافة تصلي ساعدني اتوضيت وقعدني في الكرسي عشان اصلي وطلع جاب الاكل بعد خلصت لقيتو قاعد بعد أكلت قعدت في التسريحة جا سلك لي شعري طبعا كان مهتمي بشعري شديد عشان بحبو وم عايزو يبوظ😂 بعد خلصت الروتين رقدنا وبقي بونس فيني وانا النوم م جايني
انا. بكره المقابلة
هو. اجل نعم
انا. وبعد ح امش ناس ماما
هو. دايرة تعملي عملة نور
انا. م بيدي
هو. اخوك قاعد؟
انا. اي ح يسافر بعد اولد
هو. للان شاميهو😑
انا. حرام عليك 😂انت اقعد معاهو مرة بس وح تغير رأيك
هو. لا مرة ولا اتنين كنت ح اجن بسببو

ضحكت وبستو في خدو وقلت ليهو. معليش
هو. فكري في قصة انك تولدي هنا دي
انا. وين يا حتى بابا دايرني اقعد معاهم ولقوها فرصة
هو. طيب ح انتظر شهرين وحاجة زي المرة الفاتت
انا. واكتر
هو. نعم نعم؟ ما عندي كلام زي دا
ضحكت وقلت ليهو الله كريم
اليوم التاني مشينا المقابلة ولانو م عندي مشكلة وماف خطورة على التوأم الدكتور قرر انو ح تكون طبيعية رجعت البيت وانا بودي وبجيب من زمان شايلة هم واسي بعد كلامو انا خلاص خفت بجد
نور وكمال بسألوني مالك وبتهرب منهم
كنت قاعدة معاهم وسارحة
نور. توته مالك
انا. الولادة حارة
كمال بقى بضحك وقال لي دا السبب يعني🤣😂🤣
انا. م تضحك يخخخ
هو. معليش معليش
قرب مني وحضني
هو. م تخافي انا ح اكون معاك ونور برضو وامك وكلنا ح نكون معاك
المهم بقو بطمنو فيني ونسوني الموضوع
بعد يومين جهزت حالي ومشيت ناس امي وهناك انا وإسلام عاملين موضوع لقيتو بجهز في الغرفة وكان مبسوط اكتر مننا كلنا في في الشهر دا جهز الغرفة وظبطو البيت وكان معاي حرفيا نور وكمال بجونا طوالي ومرات ببيتو معانا لغاية م ولدت بالسلامة وجبت بتين سميناهم ريتان وريتال طبعا يوم الولادة عملت عمايل وبكيت بكى وكمال ماسكاهو وحالفة افكو 😂في النهاية دخلو معاي بسبب عباطي نور وكمال ووحن كانو قاعديم معانا لغاية يوم السماية تاني مشو وبجو كل فترة
كمال طبعا من اول يوم شاف اسلام تاني م اتكلم معاهو ولا اداهو وش هو م بكرهو بس شاميهو شديد
في يوم قاعدين بابا. شايل واحدة من التومات واسلام واحدة طبعا الاتنين بموتو فيهم ومرات بتشاكلو فيهم عديل المهم الباب دقا وفتحو اسلام بعد مسافة جا كمال وراهو اسلام كمال سلم عليهم وعلى وباسني في راسي ولقط بناتو وبقي شايلهم سوا😂
بعد شوية استأذن لانو الوقت اتاخر ونور براها واصلا جا يجيب لي حاجات ومصاريف
اسلام. راجلك دا اصلا كدا ولا معاي بس؟
انا. صراحة معاك بس😂
هو. لي عملت شنو.
انا. قصة طويلة عشان كدا نافر منك
اسلام. يلا انا ماش
طلع سريع وخلانا
بعد طلع مننا مشي برا لقى كمال ركب عربيتو ودور مشي سريع ركب معاهو بدون مقدمات كمال حمر ليهو
اسلام. ارح ارح نزلي في أي مكان
كمال. عايز شنو
هو. عايز اتكلم معاك
كمال دور وكانو ساكتين
اسلام. طبعا زي م عارف انا اخو توته م جات فرصة عشان اتعرف عليك قبل العرس أو بعدو ... م عارف حكت ليك أو لا بس انا آخوها من ابوها وم اتلاقينا لانو كانت حاصلة لي ظروف عائلية.... أي عارف انو جيت فجأة وحتى توته م جابت ليك سيرتي يمكن عشان كدا .. المنظر الشفتنا بيهو صراحة لو كنت مكانك كنت قتلتني.. م بلومك... المهم لانو توته بتعني لي شديد واكتر من اختي.. م حابي يكون بينا عدواة أو حاجة كدا... م عايزها في يوم تختار بينا وتتختا في موقف صعب... م عارف السبب الخلاك تاخد مني موقف بس انا بعتذر عنو... ممكن نبدأ صفحة جديدة ونبقى أصحاب
كمال وقف على جنب وعاين لي اسلام الكان مادي يدو ومبتسم اتنهد وصافحو وقال ليهو اوك
هو. عندي سؤال محيرني من زمان بس كان غالباني أسألك 😂
كمال. أسأل🤨
هو. انت عرستهم مرتين كيف ومتمكن كيف ومقعدهم سوا كيف 😂🤣انا راسي ضرب
كمال ضحك وقال ليهو دا سر المهنه🤣😂
اسلام. بتحب منو فيهم
كمال. الاتنين
اسلام. جادي معاك
هو. وانا زاتي جادي... هو صعبة م اكذب عليك لانو انت لازم تعدل بينهم في. كل شي بس هم برضو مساعدات لانهم عملو علاقة بعيد مني...
اسلام. بتفقو عليك؟ ،🤣
كمال. انا بعيش ايام سوءا بسببهم... مرة انا قضيت اسبوع نايم في الصالة عشان وجن سمعتني بقول كلمة ورددتها 🤣😂
اسلام. 🤣🤣😂🤣😂😂حنيت عليك
اتونس حبه تاني اسلام نزل منو في الطريق ورجع البيت

مرت فترة ورجعت بيتي وعملنا كرامة بسيطة البيت وجن كانت مبسوطة بالتومات شديد و٢٤ ساعة معاهم حتى انو بقت بتنوم معاي
في يوم كمال جا داخل وكان كل م يجي ينوم معاي بلقاهم التلاتة نايمين في السرير معاي من يوم جيت البيت😂
شال التومات رقدهم في عربيتهم وشال وجن بي يدو زي الشوال وهي بتضحك
انا. كمالل دا شنو😂
هو. شنو دا الشنو انا كل مرة القاهم نايمين هنا
طلع بيهم من الغرفة ووداهم لي نور وانا بضحك بس جا داخل الغرفة اتحمم وغير وجا رقد جمبي حضني وقال لي اشتقت ليك شديد شديد شديد
انا. وانا كمان
هو. وأخيرا برانا 😂
انا. تافة دا
هو. بوريك التفاهة الليلة ماف نوم
وفعلا دا الحصل وحرفيا نمنا الصباح
مرت حياتنا حلوة شديد
بعد سنوات
وجن. ماما ماما
انا. ونور. نعم
عاينا لي بعض وضحكنا عاينا ليها لقيناها مطينه كلها وماسكة كرم الكان مطين زيها بعدها جا كمال ومعاهو التومات والاتنين مطينين كان شايل كريم وهو زاتو زيهم
انا. دا شنو؟
وجن. بابا كبا لينا موية في الطين وقال لينا ارح نلعب لانو كريم قال عايز يلعب في الطين

نور. حتي انت يا كمال.؟
انا. كمال تحمم الشفع ديل😠
نور. وتغير ليهم وم تنسو تنضو البيت😠
طبعا الاتنين بنحمر ليهو
كمال. براحة براحة 😂🤣😂🤣
ارح ارح يا اولاد رجعهم برا تاني ونحنا لحقناهم بعد مسافة لقيناهو مطلع حوض كبير كان مشتريهو مخصوص وملاهو موية وطلع ليهم ملابسهم وهو زاتو ودخلو يلعبو بالموية حرفيا كان عاجنهم عجن
طبعا كرم ولد نور عمرو ٤ سنين أكبر من كريم ولدي العمرو سنتين ونص
طبعا انا ونور لمن يكون كمال في م بنقدر نسيطر على زول فيهم ف بقينا بس بنعاين ليهو وهم بلعبو وهم كدا جو اسلام ومحمود و كلهم انبسطو
اسلام. بتلعبو بدوني
محمود. نور وتوته اسفين على الح تشوفوهو بس م ح تعاين ليهم
وفعلا طلعو ملابسهم ودخلو معاهم 😂ف هنا اتاكدت انو الشغلة وراثة م ساي خالهم وعمهم وابوهم خلينهاهم ومشينا جهزنا الغدا وخلينا كمال ينضف الطين ألفي البيت 😂 واتغدينا كلنا سوا
المسا مشيت وديت ملابس المدرسة لي وجن وكانت في سابع حلمة صلحتها وغطيتها وبستها في خدها وطلعت وبعدها وديت ملابس ريتال وريتان وكانو نايمين في نفس السرير وفي يدهم قصة مصورة شكلهم كانو بقرو فيها شلتها منها وعايزة اشيل ريتان مسكت في ريتال وريتال مسكت فيها ضحكت وخليتهم مع بعض وغطيتهم وبستهم وطلعت نزلت تحت لقيت اسلام ومحمود وكمال ومعاهم نور
كمال أشر لي اقعد جمبو هو ونور
اسلام. وايش تقصد؟
محمود. لا يعني عشان انا م معرس
كمال. نسواني وانا حر 😂🤣😂🤣
محمود. اصبرو لي اعرس كلكم خاينين
اسلام. م انصحك 😂انا أسى في اجازة من النقة
طبعا اسلام عرس قبل سنه من حبيبتو واسي نزل السودان عشان ح تولد مع أهلها وجا يقضي معانا كم يوم وصادف انو ام كمال وابوهو مشو زيارة لي اختو ف محمود جا قعد معانا والتلاتة لمن يتلمو احسن منهم الشفع طبعا محمود بعرف اسلام من صغير بحكم انو كان بجينا على طول وبلعب معانا وكمال انضم ليهم
قضينا ليلنا ونسه تاني محمود جاهو تلفون من خطيبتو ومشي يخلط😂وإسلام ضرب لي مرتو وخلانا
نور. انا ح انوم عشان بكرة الحق الاولاد المدرسة.. تصبحو على خير
نحنا. وانتي من اهل الخير
طلعت انا وكمال دخلت اتحممت وغيرت ملابسي بي بجامه خفيفة طبعا وزني زاد بس م كتير ولسه محافظة على جسمي وكمال محافظ لي على شعري 😂
قعدت في التسريحة سلكت شعري ومشيت رقدت جمب كمال في حضنو كنا ساكتين وهو بحرك يدو في شعري شوية قبل علي
هو. رايك شنو نجيب بيبي تاني
انا. كمااال ماف بيبي تاني.. كفاية الشفع الخربتهم
هو. بي حقي مش أولادي
انا. الدور على نور م على
هو. مالو الاتنين سوا
انا. فكرة ياخي لي م فكرت نحمل شو عشان نعذبك ونخليك حكاية تلاته شهور براك
بلع ريقو وقال لي جربو اعملوها قايلني بخجل من أهلكم
انا. 😂🤣😂🤣تافه خلاص براك اقترحت
هو. م مهم يلا يلا نجيب بيبي قرب على وهو ببوس فيني الباب فتح زحيتو بسرعة لانو لمن يبدأ م بقيف وعاينت لقيتهم كرم وكريم وكانو نعسانين
كرم. ماما انا جعان
كريم. وانا كمان ماما
كمال طنطن واخد نفس
كمال. مش قلنا لمن نجي داخلين الغرفة نعمل شنو؟
كرم. ندق الباب اول
كمال. ولمن اكون نايم مع ماما تمشو وين؟
كريم. لي ماما التانية
كمال. واسي ح نعمل شنو؟
كرم. بس انا عايز ماما دي
كريم. عايز اكل
انا. طب يلا ناكل
كمال طنطن وعارفاهو زهجان قمت من السرير ولبست توب ونزلنا تحت عملت ليهم اكل جا كمال لاحقنا وكان زهجان قعد يعاين ليهم تاني ضحك بسبب تصرفاتهم وطريقة اكلهم
انا. لسه بتفكر تجيب بيبي بعد الحصل
هو. وح اجيبهم ميه واملا البيت😂
انا. سمح نشوف 😂
بعد خلصو اكل غلسنا ليهم يديهم ووشوشهم وطلعنا فوق كمال شايل كريم وماسك كرم
كرم. بابا
كمال. عيونو
كرم. عايز انوم مع ماما
هو. ماما نور؟
كرم. لالا ماما تالا
هو. بس نحنا اتفقنا على شنو؟
كريم. وانا عايز انوم مع ماما
بقو بنقو فيهو في النهاية استسلم ليهم دخلنا الغرفة ورقدت وجو رقدو التلاتة جمبي اي واحد باتجاه وكمال بالجهة التانية وكمال دا منتظر متين ينومو وهم برغو ساي في النهاية زهج وقبل ونام صحيت الصباح على صوت دق في الباب كانت نور فتح ليها كمال شالت الاولاد عشان روضة كرم وكمال مرة واحده أداها كريم وجا صحاني
هو. صباح الخير
انا. صباح النور... فشنو من الصباح
هو. في انا وانتي وحبنا
وحصل الحصل

النهاية💃💃
كدا الرواية خلصت بتمنى تكونو استمتعو استفدتو منها حاجة
طبعا ي شباب بالرغم من انو انا الكتبت الرواية بس م عندي قصد اشجع بالتعدد أو حاجة كدا كانت مجرد فكرة جاتني من موقف ظريف بين ضرتين😂
بالنسبة للعندهم ضرات اي عارفة صعبة تتشاركي راجلك مع واحدة تانية بس لو صفينا نفوسنا واتصالحنا مع زاتنا وقعدتي فكرتي ح تلقى ماف سبب للخلافات والمشاكل م ح تستفيد شي وممكن زاتو تخربي بيتك.