*#لأنني~مطلقة《04》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
و فعلآ اجرنا شقة،، كانت مرتبة و مجهزة لعرسان، دخلت الحمام نزلتا التوب و غسلت الميكب و لبستا جلباب و ربطه لي توب هزاز،، قالي فترانة صح؟! ولا عاينت ليو😑 اخدت بعضي و رقدتا في نهاية السرير ، عبدالله غير ملابسو و قعد بشورط بس، قلبتا لقيتو شبه عريان و جسمو عبارة عن قطعة صوف (يع يع ) غمضتا عيوني، قالي ما تخجلي انا راجلك قلت ليو ما عاوزة اسمع صوتك عاوزة نوم، قالي دا ما يوم نوم و انت عارفة، خفتا ما يقاويني و اتورط ما في زول ح يقذني قلت ليو جاتني (العادة) ولا حتى ما بهمك،، قالي ليه ما قلتي لي و كمان دا شرع ربنا م ح اقرب منك لقايت ما تغتسلي، تمام (الليلة قدرتا اهرب، ح اقعد معاه اسبوع كامل الا ما يجي يوم و يكشفني لازم افكر في كذبة تانية ) قعدنا زي الاخوان لمن يحاول يقرب مني بتجنبو و ببعد مني ما بطيقو 😤 مرت خمسة ايام عبدالله زهج قالي لسع قلت ليو بكرة اخر يوم قالي تمام بدل اسبوع نقعد عشرة ايام لانو الايام الفاتت ما تتحسب 😳خلاص في اللحظة قلبي اتقبض في الدقيقة الف و ستين مرة، شكلي ح اتنازل😔.......
اليوم السادس، كان عبدالله في استعداد و انا في قمة التوتر كنت بعرق في عز الشتا، و للان ما جاتني افكار...... وصلتا لحاجة قبل اليوم سمعتا النسوان بقولو انو الرجال بتنفرو من ريحة التوم و البصل، طوالي نفذتا الخطة اكلت بصل تمام و نفسي بقا يع،، مشيت قعتا جنب عبدالله مسافة و كنت بفتح خشمي زيادة عشان يشم نفسي ووبرضو ما علق😔 اها اسوي شنو تاني،، خلطا بصل و توم في كباية عصير كبيرة و شربتو، بعد شوية ما استحملتا الريحة جاني طمام و بقيت استفرغ، عيوني حمرت بقيت اتنفس بصعوبة، عبدالله جا جري وداني الحمام، طلعتا باقي العصير من بطني، غسلي وشي و سندني وورقدني في السرير كنت تعبانة شديد فقام خلاني نفس اليوم وما قرب علي.... تاني يوم عملتا نفسي تعبانة و ما قادرة قالي بوديك المستشفى رفضتا نهائي قالي انت امانة في رقبتي لو حصلت ليك حاجة مافي زول مسؤول غيري، يلا قومي البسي نطلع...... ربطا توبي معاه شبشب عادي و مشينا المستشفى، الناس كلها كانت قعدة تعاين فينا لانو واضح علينا عرسان، خشينا الدكتور و عملتا فحص، النتيجة طلعت نضيفة الدكتور قال لعبدالله، البت كويسة دا خوف بس😉.....
رجعنا الشقة و رقدتا على ضهري لقيتو قاعد يعاين لي بلهفة،(رجعتا منطقة الخطر) قبلتا على الحيطة و قعدته ابكي و اشهق زي الطفلة، قالي مالك يا غزل انا غلطا معاك في حاجة؟! قلت ليو انا عاوزة امي حاسة نفسي مخنوقة عاوزة موت...... بعد الشر عليك خلاص (استغل الفرصة و حضني و قعد يهدي فيني، ☹️) قالي تمام الليلة نمشي البيت تاخدي يومين مع امك برجعك بيتنا، قلت ليو ارح طيب🥹.............. *♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《05》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ...... لمن جينا البيت امي اتخلعت سلامة قاليها سلامة يا عمتي بس غزل متحسسة شوية خليها معاكم بجي بعد بكرة بسوقا معاي،،، طيب خير..........
بعد ما عبدالله طلع جاتني امي قولي الحقيقة اكيد عاملة ليك مصيبة،،، مافي شي يمة زي ما قاليك عبدالله متحسسة شوية،، انت الشيطان يخاف منك ويني شنطتك؟! امي فتحت الشنطة و لقت الريحة و العجنة و كل الحاجات زي ماهي ما استعملتا حاجة سالتني دا شنو؟! يا امي انا من اتحركتا من هنا راقدة عيانة اسالي عبدالله حتى مشينا المستشفى و فحصتا عندي التهاب في الدم اوريك الادوية كمان عشان تصدقي......... ،، لا خلاص كان اول قولي زي دا خليتيني اقلق على الفاضي، ارتاحي........
مزو حبيبتي، واي السمحة تعالي ضمي اختك شديد ما اشتقتي لي،، اشتقت ليك امي قالت انت تاني ما راجعة البيت،،، هسي جيت تعالي وريني رسوماتك،، اثناء ما كنت بلعب مع مزن تلفوني ضرب الو... اسراء = عروس الموسم، شنو ما تسالي منناا،، عروس في عينك انا قاعدة في البيت تعاليني،، في البيت ؟! خير تعالي....... جاتني اسراء،، تعالي الشمار قاتلك صاح طيب اسمعي، حكيت ليها دراماتي مع عبدالله و قعدنا نضحك بصوت عالي 😂 مجتبى جا خاشي حمر لاسراء و فات ولا حاول يسلم، قلت ليها خلاص حضرت الفرعون شرف ارح نخش جوة...... اسراء = غزل بعيدة عن الهظار البتعملي فيهو دا غلط، ربنا ح يغضب عليك الزول دا انت لو ما دايراها ما كان تعرسيهو...،، ياخ الف مرو قلت ليم ما عايزاه حتى هو قلت ليو لكن ما كان في زول بسمعني اسوي شنو؟! 😔،، اسراء = خطتك دي فشلا مضمون احسن تتنازلي و تتقبلي الواقع...... ،، فكي السيرة دي عندك رقم رامي لانو بالجد اشتقت ليو،،، اسراء = 😳استغفر الله العظيم يا بت انت مرت راجل هوي يا غزل اوع من سكة الحرام، انا ماشة ربنا يهديك..................
اسراء دايرة تعمل فيها تقية و رضية لي انا، دا لو ما بعرف تاريخك الوس*خ........
اليوم الاول عدا، اليوم التاني جانا عبدالله الصباح بدري عشان يسوقني معاه، ما اعترضتا مشيت معاه، لقيت احسن استقبال من اهلو قعدنا اتونسنا النهار كلو، المسا عبدالله رجع من شغلو، استحما واتغدينا سوا،،، بعد العشا جا داخل الغرفة كنت لابسة فستان قصير اسود قالي طالعة قمر 😑 قرب مني ختا ايدو في كتفي قلت عادي فضلتا ساكتة، بعد شوية مسكني من نصي و باسني في رقبتي قمتا على حيلي قالي مالك قلت ليو خليك بعيد مني قالي ليه؟ انا زوجك على سنة الله ما تخافي،، انا ما خايفة منك انا ما بحبك تمام ما طايقة وجودك خلقتك دي ما عاوزة اشوفا انت بالنسبة لي ولا اي حاجة و فورآ طلقني + الايام الفاتت ما جاتني اي عادة كنت قعدة اتهرب منك و كل حركة عملتا كانت مقصودة............ ،، عبدالله = بتفهم زعلك تمام ما ح اقرب منك اقعدي ارتاحي ما ح اجبرك لقايت ما ترضي ما في شي ح يحصل بدون موافقتك........ انت متخلف ولا شنو انا ما عاوزة المح ولا خيالك قدامي اطلع برة او انا اطلع قمتا مارقة مسك ايدي و رجعني الغرفة هو مرق و قفل الباب من برة..... الليلة عدت على زي ال في القبر، الصباح بدري بعد صلاة الفجر مرقتا الشارع ما فيهو غير الكلاب حصلتا البيت و انفجرتا قلت لامي و مجتبى و ابوي اني ما بحبو و دقيقة ما ح اقعد معاه،، تعال يا كف و يا ضرب، وشي ورم ، مجتبى شحطني من شعري رماني قدام باب البيت قالي دا مكانك، ابوي رجعني قاليو انت جنيت ما ناقصين فضايح، هسي ترجع، غزل شفتي ترجعي بيت و ما عاوز منك ولا كلمة كفاية فضحتينا مع الجماعة....... ابوي اسمعني ما ح ارجع و لو رجعتوني بالغصب بقتلو و الله و الله تلاتة يا امي بقتل عبدالله اخير السجن من العيشة معاه....... *♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《06》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
سارة = سبحان الله غزل انت
في زول في بالك؟؟ يا امي مافي زول و عبدالله انا ما عايزاه،،.... طيب ليه بتكرهي؟! انا بكرهو بس ما حبيتو انت زوجتوني بالغصب😢 مافي زول سالني من رايي، همكم تتخلصو مني، انا لو ما بتكم وروني اهلي امشي اريحكم مرة واحد، ما حصل عملت شي على مزاجي كلو على كيفك حتى اصحابي عندكم فيم راي، لو عندك راي اتنفس كمان و الله هسي اموت ليكم هنا، امي اتاثرت ضمتني و قعدت تبكي معاي، اتكلمت مع ابوي عشان ما يرجعني، رفض نهائي و مجتبى كان غضبان شديد لو بايدو برصصني في ارضي،،، ...
*في بيت ناس عبدالله* ...
الواطة اصبحت عبدالله دخل الغرفة لقاها فاضية احتار ما كلم امو عشان الموضوع ما يكبر ضرب لي امي ردت قالت ليو تعال...... و فعلآ جا و حلف انو عاوزني كدا ح يصبر علي مع الايام يمكن احبو(لصقة بس، زول متخلف زي دا ما لاقاني) قلت ليو لو رجعتا معاك يبقى اتشهد على روحك، ابتسم قال شنو؟!! و الله بقتلك،،،، قعد يضحك باستفزاز بصوت عالي، قال لامي نحنا مشينا، رجعتا معاه، ناس بيتم لاحظو للضربة ال في وشي قلت ليم وقعتا (اكذب لشنو انا ما وقعتا) رجعتا قلت ليم اخوي مجتبى ضربني.. ،، كلهم بصوت واحد ليه؟! حكيت ليم كل القصة و قلت لامو انت لو قنعتي من ولدك عبدالله انا بريحك منو، شفتي الليلة دي اللليلة دي بقتلو.......... 😱😱 كان شكلهم زي دا........
دخلت الغرفة استحميت لبستا تلتربع و عملت ميكب و جهزتا سكيني تحت المخدة منتظراه يجي عشان اخلص عليو (لو بتسالو نفسكم اذا انا جادة؟! و الله جادة ما فهم بالتي هي احسن، بفهمو بالسكين ).....
امو من الخلعة ما اتكلمت معاي، مشت لامي و حكت ليها و اتكلمت مع ابوي و مع عبدالله قالت ليم غزل خوفتني و نظراتا قوية انا حاسة انو بتعملا، شوف الغالي لا اخسر ولدي ولا بتك تطلع مجرمة احسن ننهي الزواج دا قبل ما الفاس يجي في الراس، عبدالله رفض ووابوي برضو قالو مراهقة و طايشة بكرة تكبر و تضحك علي الايام دي،، امو قالت نهائي انت ما شفت غزل لمن هددتني لااا لا و الله معليش، عبدالله لو ما طلقتا غزل انا ما عافية ليك ......... بعد ساعات من النقاشات عبدالله طلقني، قلت ما عاوزة ولا قطعة من هدومي مرقتا رجعت بيتنا بعباية و كنت مبسوطة ماشة و اضحك زي المجنونة ما عرفتو دا انتصار ولا خسارة، يا ترا ح يجي يوم و اندم على قراري؟؟؟؟؟.............. *♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《07》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ *سجل يا تـــــــــــــاريخ ٢٠٢٣/١٠/٧ الان تقام صلاة الفتح في المسجد الاقصـــــــــى بعد ٣٣٣عام الله اكبر الله اكبر الله اكبر* 🫶🏻💛
________
حصلتا البيت الباب كان فاتح لكن قعتا اخبت فيو لقايت ما لميت الجيران (ما كنت واعية) يا الغالي يا حاجة سارة دا بيت ناس غزل يا ناس البيت،، امي جات في اخر لحظة جرتني دخلتني جوة البيت بركتا في الارض امي قالت لي قومي، عاينت ليها و ضحكتا هههه انت منو، انت اكيد ما امي وينو راجلك اي تعال و انت كمان ما ابوي، مجتبى جا و اتهجم علي امي وقفتو، وقف بعيد و فضل يعاين لي، تعال اخنقني ريحني و ارتاح، يا امي انت ولدتي مزن و مجتبى بس، و انت ابوهم (اشرت لابوي) مجتبى و مزن اخوان و انا مقطوعة من شجرة، عليك الله 😭يا امي وريني جايبني من ياتو ميتم، رجعوني من محل جبتوني، كفاية عذاب، رجعوني الكوشة الجبتوني منها، انا بالنسبة ليكم صفر، مزن تعالي حبيبتي (دابي لاحظتا لمزن كانت واقفة في الزاوية قعدة تبكي، خافت مني، ابت تجيني🥺) بقيت اضحك بهستريا ههههههه حمد لله اتخلصتا من الاسمو زوجي يا امي انا مطلقة يعني حرة انا مبسوطة بوضعي الجديد، سلبتوني شبابي و حياتي الله لا يسامحكم الله لا يسامحكم.....(فقدتا توازني و اغمى علي بالبطئ 💔) ناس البيت كلهم حزنانين حتى مجتبى زعل علي و ضميرو انبو، و امي خافت اكون جنيت لانو تصرفاتي ما طبيعية، البيت بقى عبارة عن بيت عزا 😭💔......
تاني يوم الصباح صحيت قرفانة من حالتي، قمتا بجلالة الله استحميت غيرت ملابسي حاولتا اتذكر الحصل امبارح لكن ما قدرتا، مشيت سلمت على امي قالت لي عافي لي و ابوي ما نضم فضل ساكت يعاين لي ساي، في اللحظة دي عرفتا انو الوضع ما طبيعي، قمتا مشيت ل ابوي قلت ليو اسفة على كل اغلاطي ما ح اغلط تاني بوعدك يا ابوي 🥹 ما قالي حاجة لكن من حقو بعد فضحتو في البلد.........
زوزة تعالي حبيبتي تعالي ناكل سوى، صرت وشها و جرت لامي، سبحان الله مزن متعلقة بي اكتر من امي هسي فجاة ابتني؟؟؟؟..... بصراحة ناس البيت كلهم ما متقبلني عشان بقيت عذبة وسمة عار، دخلتا غرفتي و قعدتا افكر في ال ح يحصل في حياتي في المستقبل...... اتذكرتا الفضيحة العملتها امبارح كنت ناووية امشي اعتذر، تاني اتراجعتا المفروض هم يعتذرو مني ما اناااا😌،، اتصلت لاسراء و حكيت ليها قالت لي يا بت الموضوع انتشر اسرع من شب النار هسي مافي زول في الشعبي الا و عرف بقصتك مع عبدالله،، خلي يعرفو ما عندي حاجة لزول، دي حياتي انا راحتي قبل اي حاجة،،، طيب يا غزل اخدي راحتك لو لقيت طريقة بجيك في باقي اليوم دا..............
نفس اليوم سرو ما جاتني،،، تلفوني ضرب، لقيتو عبدالله فصلت فيو الخط..... اتصل كذا مرة عمل لي ازعاج اضطريت ارد اها مالك؟ 🤨،، قالي انا آسف على الحصل و انا بالجد حبيت تكوني مرتي و ام عيالي لكن ربنا كاتب لينا غير كدا، يا غزل بخليك تفكري على راحتك، رد لي قبل ما تنتهي فترة العدة انا عاوز ارجعك في ذمتي........ ،، يا الله مش قلت ليكم الانسان دا ما طبيعي، انا ما صدقتا فكيت منك عاوز ترجعني بصراحة ما كان فيني طاقة ارد فصلت الخط و حظرتا رقمو.... اوووووف استغفر الله.......
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《08》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ .......... حاسة نفسي غريبة
بين اهلي مافي زول شايلني من ارضي، كن سلمتا ساي ما قعدة القى زول يرد، مافي غير امي بتتكلم معاي........
سارة = الراجل دا عجيب الف مرة قلت ليو قرع ما تجيب مافي زول بياكلا، لكن وين؟!! غزل تعالي امشي لياسر بتاع الخضار خلي يبدليك القرع دا باي حاجة،، سمح يمة..... قبل ما احصل الباب رجعتني انت في فترة عدة خلاص انا بمشي، يا امي عادي ح اتبلم،، لاااااا اديني........... امي مشت لبتاع الخضار لقت النسوان قاعدين يقطعو فينا (ما انتبهو لامي) سوسن سمعتي بالحصل مع بت سارة؟! بري انسمع منك، يختي البت عشرة يوم ما تمت في بيت راجلا طلقوها،، سجم خشمي لشنو؟! و الله اي زول توقفو يقوليك كلام، لكن سمعتا من مصدر موثوق من مظاهر قالت لي البت ابت الراجل نهائي،، ابتو كيف؟! يعني ما....... ما خلاص انتي افهمي 😱 هييي الا يكون راكبا جن لانو في وحدة في حلة ناس عمتي عندها مس ابت تتقبل الراجل نفس قصة غزل ،، و احتمال يكون في سبب تاني، يمكن طلقا عشان ما ش*ريف*ة، اصلا مستحيل يقولو السبب الحقيقي الله اعلم..... معقولة غزل بجمالا و بياضا + عندها حلاة جسم بقت عذبة بري بري يا رب عافينا ولا تبتلينا....... امي رجعت، جات البيت منهارة و جسمها شغال هزاز، قعدة ترجف و ما قادرة تتكلم يمة بسم الله مالك، عيونا حمرت فجاة جات خابطة في الواطة، كوركتا لميت الجيران و اتصلت لمجتبى كان قريب جا سرعة وديناها المستشفى و قعدنا منتظرين......... مجتبى قالي لو امي صحت و قالت لي انت السبب في حالتا دي و الله العظيم بقتلك..... ما رديت عليو حضنتا مزن علي و كنت خايفة على امي، قعدنا منتظرين على اعصابنا........ بعد ساعة جا الدكتور و قالينا امي ظهر ليها ضغط،، ادانا ارشادات....... ، كنت مصدومة حسيت راسي جايط قلبي وجعني، للان امي ما وعت..........
اخدنا تلاتة ايام في المستشفى، طلعنا بعدما امي اتعافت، امي تاكلي شنو، اطبخ ليك ولا اطلب ليك من برة؟! 😭على الاقل انت اتكلمي معاي 😔 عيونا دمعت قالت لي اتخارجي برة انت جبتلي المرض، موتيني و ارتاحي، ماما ليه قلتي كدا؟!! 😭 ،،، انتي سودتي وشي، سيرتا على كل من حب و دب، بقيتي عار علينا لو عرفتك بتفضحيني في الدنيا دي كان بدري نزلتك من بطني(اجهضتك) و ارتحتا،، 😭يمة عافيني ما قصدي ازعلكم كلكم،، جريت غرفتي و قعدتا ابكي و اتنهد ولهسي بسمع في كلام امي جوة اضاني 😭💔.........
مر اسبوع عايشة في غربة وسط بيتي و اهلي،، امي اتحسنت و نزلت المطبخ، مشت قلت ليها يمة انت لمن مشيتي لبتاع الخضار حصل شنو قابلتي منو؟! قلبها حن علي في النهاية قلب الام بلين على جناهو مهما قسى عليو... قالت لي تعالي قريب، مسكتا ايدا و بستها و اعتذرت مرة و مرتين و الفين مرة قالت سامحتك انت برضو سامحيني لانو سممت بدنك بكلامي،، بصراحة ما بتذكر غير حنيتك علي😊، حضنتني و قالت لي كلو. لخير....... اها يا امي الحصل........؟! حكت لي الحصل و السمعتو من نسوان الحلة، مافي زول طلع الكلام دا غير اسراء لانو النسوان سمعو من مظااهر (مظاهر ام سرو) اصبري لي و الله بفرج فيك امة محمد يا وسخة.......
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《09》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ...... يا بت ماشة وين، ثواني بس يا امي ما ح اطول،، غزل يا بت.............
حصلتا بييت ناس اسراء ولا سلمتا يا اسراء 🥹 اعتبرتك صحبتي عشان كدا بحكي لي سري معتبراكي اختي، ليه طعنتيني في ضهري يا خاينة يا.......،،، اسراء = دقيقة في شنو؟ اسالي امك شغالة قوالة ما خلت حي الا و نشرت فيهو الكلام، انا غيرك ما وريت زول،،، اسراء = انا اسفة و الله ما اتوقعتا امي بتنشر الكلام، مظاهر = ايوااا جاية تعملي لي فضيحة زي ما فضحتي اهلك اطلعي برة (ما قدرتا ارد ليها لانها مرة كبيرة) يا مفضوحة الحال انت مصيبة و لعنة على اهلك، جاية تنكدي علي لو كنت خايفة من الفضيحة كان قعتي في بيت راجلك سترتي نفسك يا مفضوحة، و اوع تاني اشوفك مع بتي زي ما عارفة الوضع اختلف، بتي فتا في عز شبابها الف زول يتمناها، انت الا كن امك تشوف ليك عجوز قرفان ضارب فيوز عشان يعرسك ، انت بقيتي عذبة امشي امك تفهمك معناها يلاا الله لا يردك قبيحة جاية لي نص بيتي و رافعة صباعك في وشي هوي يا غزل..................
اسراء = خلاص يا امي سيبي البت في حالا حرام عليك تشمتي فيها انت ما خايفة ربنا يردو ليك فيني☹️،،، اسكتي يا سجمانة قعدة تردي جواب لامك عشان الكلبة دي يلا خشي جوة انقبري.........
😭 بكيت زي دا دموعي جرت شلالات، لو كانت اسراء كنت بسكتا بكلمة، لكن خالتو مظاهر اكبر من امي ما نطقتا بكلمة رجعت البيت خاطري مكسور، زيدتا فوق الجروح جروح،، اريتني لو متا و ما شفتا اليوم دا، امي سالتني كنت وين؟! مشيت لمناهل،،، كويس.......
اليوم بتطلع النسب، ان شالله من الناجحين،، مشيت المدرسة و لاقيت صحباتي شغالين يباركو لي 😔للاسف ما عارفين بالحقيقة.... ، جبتا ٧٠ فرحتا شديد لانو اكبر من توقعاتي لعبنا كتير🤤 اسراء جاتني حاولت تتكلم معاي قلت ليها شوفي ليك صحباتك فتوات ابعدي من العذباوات و فتا منها، حصلتا البيت ضميت امي شديد باركت لي ، جا مجتبى مشيت عليو شوف نسبتي، عاين لي بطرف عينو قالي مافي ليك جامعة........ قبل ما افتح خشمي امي قالت ليو، اوع احترمك نفسك غزل بتي خلي لمن تجيب بناتك عذبهم و ذلهم مافي زول بسالك، لا انت لا ابوك ما عندكم شغلة بغزل، ح تقرا الجامعة و ما دايرة اي دراما في الحوش دا..... مجتبي غضب شديد و قال لامي، اصلا مافي زول خرب تربيتا غيرك تمام انا تاني بتك لو شفتها في النار بزيدا قش........ مرق و ضرب الباب شديد بوراه، حضنتا امي و قعدتا ابكي قالت لي ح اقيف معاك للاخر لو اطرينا نسيب ليهم البيت 🥹،، امي انت بطلتي بستها في يدا و في جبينا........ المسا ابوي رجع من الشغل ورتو موضوع الجامعة قال تمام احسن تنشغل عن المصايب............
يا سلااام جامعة و اصحاب جداد و قراية، حياتي ح تتغير ح ابطل بكا و حزن 🥰........
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《10》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎مجتبى = غزل يا بت، نعم تعالي هنا،، نعم، قالي القبول طلع انا ما عاوزك تقري مع السجمانين ديل ح اقدم ليك في كلية تانية، سمح (كفاية انك وافقتا اقرا و بطلت عداوة😊) حمد لله المياه رجعت لمجاريها، ما اتوقعتا اني اتجاوز الاحزان العشتها لكن بعدا الحمد لله............
مجتبى قدم لي في الشرق الاهلية، و قبلوني(قسم المحاسبة) اول يوم في الجامعة كنت خايفة (ثقتي بنفسي مهزوزة بسبب العشتو😢) ما كنت بعرف زول، صحباتي قبلوم في الشرق (شمال الحلنقة، جامعة كسلا)...... دخلنا القاعة و كان في كمية اولاد، اكتر من البنات، قعدتا جنب بت انصارية اتعرفنا على بعض، اسمها فاطمة اسلوبا سمح و كلاما حلو، سيفنا ارقام بعض و قعدنا نحكي لبعض و نتذكر ايام الثانوي و مغامراتنا، نهاية الدوام ودعتها جاني مجتبي رجعني البيت و رجع السوق، لمن دخلتا البيت لقيت خالتو مظاهر قاعدة في الصالون مع امي(تكون جاية تشتكي لامي؟! ولا جات تشمت؟! عان ولا بتخجل ☹️) السلام عليكم،، و عليكم السلام،، كيفك خالتو مظاهر،، مظاهر = انا كويسة في احسن حال قلت اجي بنفسي اعزمك عرس اسراء لانو انت و هي اصحاب من الطفولة قمتو سوا، اها بكرة العقد شرفينا،، الف مبروك، الله يحيينا،،،، صحي قعدة تقري في الشرق الاهلية؟!، قالو مصاريفا تقيلة 😒،،، سارة =(جات تشمت😒) اي قادرين الحمد لله ربنا يخلي لينا الغالي و مجتبى فوق راسنا،،،، يخس عليك يا مظاهر زمن ما جيتينا حتى بعد الحصل مع غزل، الحلة دي كلها جات الا انتي، لا قلتي سلامة و لا كفارة، الجار معروف وقت الحزن و الفرح ما وقت الفرح بس ولا ما عندك خبر؟!! ،،، و الله جاني الخبر لكن خبر الشوم يا يمة عشان كدا ما عرفتا اقول شنو، صحي انا ماشة وراي مشوار، فتك عافية يا سارة.......... (امي قصدآ احرجتا، تستاهل😂) امي بقت مرة قوية، تكسر بلد......
فعلآ اتقدم لاسراء شاب من اسرة غنية، عريس سرو بقى حديث الحلة لانو بالجد من الطبقة البرجوازية....
كالعادة فتا الحامعة و قابلتا فطومة (فطومة تشبهني لمن كنت في الثانوية، تحب تخلط مع الاولاد، حكت لي قصتا قالت لي اخوانا كانو برة السودان لمن جو لقوها ما منقبة طوالي نقبوها، يعني بالغصب) ما قدرتا احكي ليها قصتي لانو خفتا تفري مني زي ما قاعدين ينفرو مني لاني عذبة😢.......
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《11》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎....... بصراحة ما قدرتا امشي احضر عقد اسراء، اتصلت و اعتذرتا لكن وعدتها احضر الدعوة(سرو بت كويسة بس امها الكعبة)......
انا و فطومة بقينا اصحاب شديد نطلع سوا و ننزل سوا عرفتها على ناس البيت و هي برضو عرفتني علي امها و اخواتا ، عرفتني على كمية اولاد، لكن ما كنت قعدة اتكلم، كنت بتلهي بتلفوني، فطومة = انت عارفة اولاد الدفعة سموك شنو؟!! ..... لا ما عاوزة اعرف. ما ناقصة توتر...،، فطومة = و الله الا اوريك كمان، انت ليه بتخجلي كدا زيادة عن اللزوم انت ما طبيعية، الحياة مرة وحدة عيشيها لحظة بلحظة،، المهم سموك🤤 المزة الصامتة 😂اسم فظيع جاي فيك عديل كدا، نفسي الفت انتباه الشباب زيك، ما شاء الله بجد مزة، ........ قاطعتها قلت ليها انا ما فرحانة بالاسم دا لانو دا عدم موضوع (الليلة قررتا احكي لفطوم قصتي) طيب يا مزة انت بصراحة انا مطلقة..... فاطمة = 😢 انت عمرك كم سنة؟! ..... ١٨ سنة..... فطومة = باين عليك اصغر و جاية تقولي انك عذبة، عليك الله ما تهظري،،،، اسمعيني للاخر، كنت قبل اليوم متزوجة اطلقتا بعد تسعة يوم من عرسي،، فطومة انصدمت زيادة و ما عرفت تقول شنو، حكيت ليها من يوم عقدو لي مع عبدالله لقايت ما طلقني، فاطمة اتاثرت شديد و قعدت تبكي، بقينا حاضنين بعض و نبكي، قالت لي انا لو مكانك بنتحر من يوم العقد، كيف قدرتي تواجهي المشاكل دي كلها براك، انت مرأة قوية، دي لو انا يا طلعتا من القصة منتحرة او مجنونة، مستحيل استحمل ضغوطات قدر دي،،،، دا الحصل معاي يا فاطمة، خفتا تسيبيني لمن تعرفي حقيقتي عشان كدا ما حكيت ليك من البداية....... فاطمة = يا بت نحن في القرن الواحد و عشرين اسيبك كيف + انت بت جميلة خلقة و اخلاق،،،،، لانو صحباتي فارقوني بعد طلقوني،، حضنتني و قالت لي الصداقة ما عندها علاقة بوضع الانسان، انا صاحبتك لوجه الله ان شاء الله صحبة في الجنة كمان 🤲🏻،،، فاطمة طمنتني بكلامها حسيت براحة ما بتتوصف، انتهى الدوام، مجتبى ماا جاني ضربت ليو ما رفع، لي اكتر من نص ساعة منتظرة، فطومة قالت لي بنتظر لمن يجي اخوك ما ح سيبك براك قلت ليها مافي مشكلة اصلي ما بعيدة ممكن امشي برجولي، بس خايفة امشي براي و اخوي يعمل لي موضوع،، ايوا.
اثناء ما كنا بنتكلم انا و فطومة جات عربية مارة فطوم كوركت يا علي، علووو،جا راجع قاليها يا مجنونة نسيتي روحك لابسة نقاب هسي اديك بوكس في وشك التخيخوني دا،، فاطمة = 😒سجمان معفن واحد وصلني بيتنا +مشتاقة ليك ياخ🥹 بقيت دولااار ........ ، اسكتي ساي بس الحمد لله، ما عرفتيني علي صحبتك؟!!! ،، دي صحبتي اسمها غزل ،، علي = الغزل و النسيج ههههههههه، 🤭اسف،، دا اهبل ولا تشتغلي بيو ارح نوصلك معانا، قلت ليها لااا،، اقنعتني بصعوبة وافقتا ركبتا معاها، قعتا ورا وكل شويتين علي بعدل في المراية، قدر ما ارفع عيني بلقا قاعد يعاين لي لمن اضايقت، قلت ليهو نازلة، في البداية رفض لمن اصريت وقف و نزلني، مشيت البيت برجولي.............
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《12》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‎....... لمن جيت لقيت البيت فاضي بسم الله، زوزة، ماما، ماما.... مسكت تلفوني ضربتا لامي الو امي في شنو، انتو وين؟! قالت لي في مركز الشرطة، سجمي ليه؟؟ قالت لي ابوك نزل بضاعة جاتو الحكومة و قالت البضاعة مهربة هسي ابوك و اخوك في الحراسة، انا و خالك فهد مشينا نجيب محامي....
الله متين ح نخلص من المصايب، 💔😔، يا امي انا ماشة لابوي، لا ما تمشي خليك مزن مع عوضية تكون هسي قعدة تبكي، امشي جيبيها و انتظرونا في البيت، طيب يمة..... جبتا مزن من الجيران بكت لمن نامت، جبتا رقدتها في السرير و رقدتا جنبها و بقيت امرر ايدي في شعرا و افكر في حظي المعتر، معقولة انا ملعونة و مطرودة من رحمة الله عشان كدا اموري كلها جايطة😤 استغفر الله و الحمد لله على كل حال في ناس مصايبا اكبر من مصيبتي يلااا كلو لخير..... شالتني نومة بدون ما احسن على روحي...... صحيت بصوت امي، فتحت عيوني ماما جيتو، اي الحمد لله حضنتا ابوي و قعدتا ابكي شوية تاني حضنتا اخوي مجتبى (ما بتذكر متين اخر مرة حضني، يمكن من كنت صغيرة، لانو عصبي على طول ) قالي بشنو رجعتي من الجامعة قلت ليو برجولي قالي اسف و باسني في جبيني😳 انا حلمانة صح؟!!!!!! حمد لله ابوي و اخوي اتبراو......
بعد بكرة الدعوة، (دعوة سرو) ما متاكدة اذا بقدر امشي ولا لا خايفة من امها تقوم تطعني بكلام و تفضحني قدام الناس، لكن بتوكل الله كريم، حسبنا الله و نعم الوكيل عليها، ربنا يكفيني شرهاا
تاني يوم اتصلت لفطومة و قلت ليها ما جاية الجامعة حابة اقعد مع ناس البيت 🥰

*يا جماعة المرأة المطلقة انسانة زينا + تظل انثى، لمن ربنا نزل الزواج حلل الطلاق فما تنسو انو الزواج و الطلاق نصيب من ربنا عاملوهم بطريقة حلوة خففو عنهم ما تزيدو عليهم الهموم* 🌹
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《13》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
....... احلى لمة، دا. اجمل ايام حياتي اسرتنا رجعت مترابطة اكتر من اول، اتخيلو مجتبى بقى يهظر معاي 😂 و يضحك معاي بدون حواجز و رسميات زي زمااان 💛💛💛......
😤قررتا احضر الدعوة، لبستا فستان جديد كحلي معاه طرحة كحلية و شبشب ابيض و عملت ميكب كنت عسل بدون مجاملات😁... مشيت بيت المناسبة (لي زمن ما مشيت مناسبة او اتواجدتا في لمة كبيرة) مشيت و انا كلي خوف لكن من برة رافعة مناخيري و عاملة نفسي قوية و واثقة، قابلتا وجن و مناهل، شنو يا؟!!! واي غزل، سلمو علي بالاحضان ، قلت ليم انتو بالجد مشتاقين لي، وجن = كيف ما نشتاق ليك يا مرت رامي😂،،، مناهل = تعالي حبيبتي ما نسينا العشرة،، و تاني حضنني، قعدنا نتونس و نحكي لبعض قصصنا وجن قالت لي زعلتا عليك شديد لكن لخير ربنا اكيد كاتب ليك الاحسن،، مناهل = فستانك حلو 🫶🏻 ممكن تحضري بيو الحفلة،، تسلمي حبيبة، لكن ما ح احضر اخوي ما ح يخليني........ تمام يا زولة خير..... بعد الغدا، البنات استئذنو مني مشو الكوفير عشان ميكب الزفاف، طيب ما مشكلة بقعد شوية و بمش، البنات فاتو خلوني مع بت خالتا لاسراء بنتونس، شافتنا خالتو مظاهر حدرت لي قلت في قلبي حسبنا الله جات قالت للبت ليه ما مشيتي مع اسراء قالت ليها حملي خطير ما ح استحمل مشاوير كتيرة بقعد قبلي، قالت ليها طيب قومي شوفي ليك مكان غير دا،، ليه يا خالتي؟؟ مظاهر = لانو الجنبك دي عذبة اكيد غشتك بملامحا البريئة، دي كلها خطط العذباوات تصاحبك و بكرة تشلبك راجلك و نبقى في يا ريت.......... قمتا على حيلي و قلت بصوت عالي خلاص كفاية ذلة يا مظاهر انت انسانة مختلة و حاقدة انا ما قدرك لمن تختيني في راسك، طالعة و نازلة ختاني في عينك، ربنا ياخد لي حقي الليلة قبل بكرة..... (المرة دي مظاهر وصلتني اخر زرارة ، نزلت فيها حارتي و كل وجعي،،ناديتا باسمها عشان تعرفني اكتفيت من معاملتا) مافي زول ما سمع او ما عاين لينا لمن كملتا كلامي و مرقتا (مرقتا منهارة اعصابي تلفانة و الدنيا ضاقت بي كنت لابسة شبشب في رجل وحدة و ما حاسة) ....
علي = دي ما نفسها غزل صحبت فطوم، يا بت ي غزل، وقفتا العربية، لقيتا تعبانة و ما واعية كانت بتعاين لي و عيونا مليانة دموع، ما قدرت تنطق بكلمة ،، ما قدرتا اخليها كدا في الشارع ركبتها معاي و دروتا العربية..............
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《14》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
....... علي = عندنا في ارشاي فسحة كبيرة منها للسواقي وقفتا هناك، شربتها موية، و سالتها مالك يا بت الناس قالت عاوزة انوم قلت ليها طيب نومي😂 عجيبة خلاص صلحت ليها رقدتا و رفت ليها راسا بقطعة الصوف و بالجد نامت، سبحان من سواك يا غزل عيون واسعات و حواجب مقرونة شفايف وردية ناعمات، جسم يندي 🥺عيب كدا اعاين في البت و هي ما واعية لكن و الله ما قادر اشيل عيوني منها عسل و ربي، اثناء ما كنت بتامل ملامحا صحت، ......
فتحت عيوني لقيت نفسي في عربية دي اكيد ما عربيتنا، قمتا كدا شفت علي، قالي اهدي اوريك الحاصل، وراني و حاول يسحب مني كلام لكن ما قلت ليو حاجة، قالي لمن تحسي نفسك عاوزة تحكي دا رقمي،، طيب،، جابني الحلة لمن حصلتا باب البيت مرقتا الشبشب وومسكتو في يدي امي سالتني مالك حفيانة قلت ليها الشبشب ضيق شان كدا 🥹 دخلتا غرفتي و غيرتا ملابسي المرة دي ما بكيت نهائي لاني كسبتا المعركة ضد المنافقين 😌😌.....
مرت الايام و كل يوم علي بجي الجامعة يشوفني بحجة انو عاوز يوصل فطوم، بصراحة حاسة بانجذاب اتجاهو (لونو فاتح، وسيم عدييييل🙈) احسن ما افكر فيو لانو طرقنا مستحيل تتقابل ولا في الخيال 😔 نسيت نفسي عذبة و قعدتا افكر في شب كمان وحيد امو، انا متاكدة لو عرف بحقيقتي تاني ما ح اشوفو، لكن ح احذر فطوم من انو توريهو، ما شبعتا من شوفتو🥹...
بهناك اسراء سكنوها في قصر، لكن قصر من برة بس من جوة عبارة عن جهنم مسعرة و عياذآ بالله😔 راجلها فعلآ اهلو اغنياء لكن هو طلع منحرف و ما نافع و التعاطي انتهى منو، و كل يوم بجي سكران و يضرب اسراء،، انا ما شفتها لكن سمعتا من الناس قالو جسمها كلو علامات ضرب وشها اشوه تقريبآ،، حزنتني و كل يومين تجي البيت امها ترجعا خوفآ من الفضيحة 💔........
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《15》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ *من الجهل معايرة المطلقة لان المصطفى صل الله عليه و سلم تزوج المطلقة و كفى برسول الله قدوة*


________
فاطمة = انت و علي قصتكم شنو(غمزت ليها)، قالت لي ما فاهمة قلت ليها بالعكس فاهمة كويس انت و علي بتحبو بعض قالت استغفر الله احبو لشنو + انا مطلقة مستحيل يعاين لي 😔 ما تقلبي المواجع، تمام ما تضايقي، الحب ما عندو معايير وانت عذبة بالاسم بس، قالت خلاص يا فاطمة انسي الموضوع............
ما من حقي احب زي باقي البنات نسبة لوضعي ح افضل قاعدة كدا لمن القى راجل مطلق يتزوجني 😔،، نفس اليوم علي جا قعد معانا سلم علي و قعد يتعاور مع فطوم كنت شاردة طقطق لي هي مالك؟! ابتسمت خفيف قلت ليو لاا مافي شي، قالي صحي انت شايلة رقمي صورة ليه ما حصل اتصلتي علي، ساي بس، امممم انت هادية و ساكتة على طول؟! قلت ليو ما عارفة 🥺 حاول يتكلم معاي و فتح معاي كذا موضوع لكن لا حياة لمن تنادي،، مجتبي ضرب لي قالي اطلعي، طيب يا جماعة لبكرة.......
علي = بصراحة انا حابي غزل 🤤 ما تشمتي تمام، يعني البت حلوة و صوتا حنين، جمالا يبصر العميان....... 😁،،، فطومة = 😂 عارفة حتى هي بتحبك لكن ما عاوزة تعترف، لانو....... ،، لانو شنو ما تلعبي باعصابي البت مخطوبة يعني؟؟،، لا غزل غزل يا علي عذبة انت فاهمني، انصدم و فضل ساكت مسافة، قالي ما فاهم؟! حكيت ليو قصة غزل و اتعاطف معاها و حن عليها و وعدني يتزوجا مهما كان التمن..........
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《16》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎علي = يا امي لقيت عروس🥰،، مبروك وريني صورتا بيتم وين هسي امشي اخطبا ليك،، هدي ماما انا لسع ما اعترفت ليها بمشاعري، يلا عروسي اسمها غزل + عذبة، انتظري امي ما تقاطعيني، غزل بت مسكينة زوجوها مغصوبة و ابت الراجل طلقا بعد تسعة يوم من عرسها + ما قرب عليها البت طيبة يا امي، دا كان نصيبا،،، انا فخورة فيك يا ولدي كبرتا و عقلتا قدر دا، نقول مبروك🥰،، حضنتا بحبك يمة ❤️، عاوزة اشوفا 🥹 تممام بخليك تشوفيهاا.......
السمستر انتهى، تاني ما ح اشوف علي😔 احسن عشان ما اتعلق بيو، فاطمة قالت لي امبارح علي قالي انت بتعجبيهو،، و الله🙈،، عجبك الكلام صح 😂 معفنة ما تدسي من صحبتك وريني، عمومآ علي الليلة ما جاي ما تنتظري على الفاضي،، طيب 😔اتصلت لاخوي و جا ساقني بعد مشيت علي جا و قال لفاطمة وين مزتي قالت ليو الليلة اختبرتا ليك قلت ليها علي ما جاي اضايقت و فاتت😂،،، ياخ انت عارض كنت ناوي اوريها مشاعري اتجاها و اعزما بيتنا لانو امي حابة تشوفا،، واو🫠 اح عشق مجنون 😂،، طيب كلم خالتي بكرة تجينا البيت و انا ح اعزما و كدا بتشوفا،،، راسك الكبير دا طلع شغال، يلااااا.........
صحيت بدري و خاتة في بالي امشي الجامعة و نهاية الدوام اشوف علي، اتذكرتا😔انو الجامعة مقفلة، تلفوني ضرب الو،، اي يا السمحة، كيفك اليوم،، كويسة الحمد لله،، لو فاضية ممكن تجيني بيتنا لانو عندي ضيوف و حابة انك تساعديني، طيب،،، كلمتا امي قالت لي امشي....
مشيت لفاطمة لقيت خالتا احسان استغربتا لانو سلمت علي بالاحضان كانو بتعرفني من زمان قعدنا نونس و نضحك فجاة سمعت صوت علي قلت في قلبي قعد يتهئ لي،، بجد دا علي😍 سلم و قال لامو اها كيف و كيف؟! قالت ليو ظابط 👍🏻،، 😳ديل قاصدين شنو؟!!! ، مسكني عدم استقرار ما كنت مرتاحة لوجود علي خفتا افضح نفسي لانو ما قادرة اشيل عيني عنو، استغفر الله اتوترته شديد، قلت لفاطمة مشيت، قمتا طلعتا فاطمة حصلتني و قالت مالك يا مخلوعة قلت ليها مع السلامة. 😳.....
ام علي طيبانة و علي حلو (ااول مرة احب من جوة قلبي و حبيت الزول الغلط) اوف من حظي................

اقتباسة.......... 🌹
*المرأة المطلقة هي امرأة قوية تصدت لقهر الرجال فسلام على المرأة الحرة* 🌹🌹
#سومةةة
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《17》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ مزو حابة تاكلي شنو؟! عاوزة بيض🥹،،، من عيوني هاتي بوسة😘...........
كل يوم بجي زي البعدو ، حاسة بحياتي واقفة،، جهزتا البيض لمزن و اكلتا بعد شوية حممتا و نامت طوالي امي جات راجعة من الجيران و جايبة لي الشمار، غزل عدالة الهية كن قلت ليك ما تصدقي،، خير يمة؟ قالو راجل اسراء مجنون ضربا و عوقها و امها مشت فتحت فيو بلاغ، و هسي لافين في المحاكم هههههههه،،، ماما انا عارفة اي حاجة، عليك الله يا امي ما تشمتي فيها اسراء مسكينة امها الكعبة وضعها حزني شديد و الله ما تستاهل،،، هييي خلي تدفع تمن عمايل امها ساي، تحني عليها لشنو، نسيتي شن سوت فيك،،، خلي تسوي لي اي حاجة ربنا هسي وراها في بتها انفضحو اكتر مني مع ذلك انا ما مبسوطة بوضعها مهما حصل اسراء صحبتي وقفت معاي كتير مستحيل انكر الجميل،،، صح كلامك لكن ما تنسي مظاهر جابت لي المرض مستحيل اسيبها ح اسمم بدنا زي ما سممت بدني،، امي عشان خاطري خليها ما تبقي زيها حتى لو سامحتيها خليها لربنا ،،، سمح خليتا بعيبا ........
تلفوني ضرب، الرقم غريب ما رديت من اول مكالمة الا في التانية الو (بنبرة حادة)،، الو مرحب كيفك؟! ،، طيبة الحمد لله (علي🤤) و انت؟؟؟ قالي انا في احسن حال، امك قريبة؟! ،، ليه؟! عاوز اسلم عليها،،، تسلم عليها لشنو + ما بتعرفك و ح تدخلني في سين و جيم،، انت مالك عنيدة لو سمحتي،،، سمعت امو بتقوليهو خليني انا اتكلم معاها و يقوليها اصبري، اخيرآ شالت التلفون و سلمت علي قالت لي حابة اسلم على امك، ما قدرته اقوليها حاجة وديت التلفون لامي (امي م كانت ناقشة شي ) سلمو على بعض و اتعرفو على بعض، قالت لامي ولدي حب بتك وولو ربنا اراد بركة جاينكم البيت عشان العلاقة تبقى رسمية امي قالت ليها بتي عذبة (دابي بديت افهم الحاصل، معقولة علي بحبني و طلبني للزواج،، هي ما تسرحي في خيالك😔) قالت ليها عارفة بوضع بتك انا عاوزاها لولدي بكرة نجيكم نتفاهم و المسا نرسل الرجال نعقد طوالي بس معليش ولدي مستعجل 😂،، تمام خير...... امي بعد فصلت المكالمة قعدت تبكي حضنتا و قعتا اهدي فيا عشان افهم الحاصل، قالت لي الود الاسمو علي طلب ايدك للزواج و انا وافقتا و بكرة جايين يعقدو طوالي، حتى بعد ما عرف انك عذبة قال عاوزك و حتى امو حبتك 🥹 شعوري ما يتوصف (هل انا انسانة صالحة للدرجة دي ، 🥹)...........
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《18》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌......... امي سالتني تعرفي من بتين قلت ليها ما طولت من اتعرفت عليو و ما حصل فتح معاي الموضوع لكن امبارح لمن مشيت لفطوم حسيت بحاجة غريبة لمن امو حضنتني و اتونست معاي كويس كنت شاكة و هسي اتاكدتا،، ربنا يتمم على خير🥹 آمين يارب.......
دخلتا غرفتي و رقدتا بجد علي بحبني و لا انا في حلم طويل🥹، الحمد لله صحي بعد الضيق فرج قمتا صليت ركعتين و شكرتا ربي، اتصلت لفطومة قالت الف مبروك بكرة جاينكم الصباح 😉، حبابكم، طيب لبكرة، الليل كلو منتظراه يتصل ما اتصل نهاي 🥺 ....
تانيه يوم جا علي و امو ، كنا قاعدين في الصالون كلنا مع بعض يشيل و يعاين لي بدون ملل، خشيت ضفوري من الخجل، رسلي رسالة (بحبك😘) ابتسمت لا شعوريآ😊، رديت ليو، اها كن رفضتك؟! قالي ما بترفضيني لاني ما بتكرر😌، قلت ليو من وين جايب الثقة المفرطة في نفسك،، قالي من عيونك العسلية 😉 رفعت عيني عاينت ليو ابستم و غمز لي، ابيت ارد ليو..... تاني رسلي😘 لعيونك،، 🙈 شكلي ح ارفضك، قالي جربي و شوفي بعمل فيك شنو،، 😜 ما بتقدر........، دي المحادثة ال كانت بيناتنا... عدا اليوم على خير و العقد تم، اخوي مجتبى كان مبسوط شديد و ابوي اعتذر مني على الحصل قلت ليو نسيت اي حاجة لانو الدنيا ضحكت لي و قدري اتعدل للاحسن.........
اليوم جمعة صحيت الصباح بدري صليت حاضر و نضفتا البيت و قعدنا للشاي كلنا مع بعض و ناقشنا موضوع الزواج،، علي ضرب لي قالي عازمك!! امممم تمام، و فعلآ طلعنا و قعدنا مع بعض لاول مرة قالي انت مرة قوية المريتي بيو ما ساهل، و ما تفتكري حبي ليك شفقة و الله حبيتك لوجه الله، و الحمد لله بقيتي نصيبي و حلالي 😊،،، بصراحة ارتحت ليك و حبيتك لكن كلما اتذكر واقعي عقلي برفض الفكرة كنت بدعي و بقول ربي لا تعلق قلبي بما هو ليس من نصيبي 🤲🏻😊.....
علي = قاعدين في امان الله + مزتي قدامي في واحد قاعد جنبنا من قعدنا ما نزل عينو من غزل و كل مرة بسكت عقلي و بقول يمكن بعاين في حتة تانية، الموضوع زاد عن حدو، عصبتا و قمتا ضربتا الراجل بوكس في وشو ، نزلت فيو ضرب الناس اتخلعت و غزل قعدت تبكي و تقولي خليو يا علي بعداك قمتا منو و مرقتا برة، قالت لي دا ود عمي، قلت ليها حتى لو ود عمك انت مرتي ما يعاين ليك،، قالت لي عبدالله نفسو طليقي، لمن سمعتا كلمة طليقي غرت اكتر رجعتا ضربتو تاني و كسرت ليو انفو، غزل هدتني بصعوبة و طلعتني ركبتا في العربية و دورتا غزل خافت شديد، اعتذر ليها و حضنتا و طمنتها، انا اسف حبيبتي ما كان لازم اعصب قدامك خلاص هش،،،،، دفنتا راسي في حضنو ريحة عطرو سطلتني، غمضتا عيوني و حسيت نفسي نعسانة قلت ليو عاوزة نوم قالي انت بتحبي تنومي في عربيتي، تذكري يمكن قابلتك برضو نمتي في عربيتي، قلت ليو المرة دي غير لانو هسي ح انوم في حضنك 🫂 حضني عليو شديد 🥹....
(ما اتخيلت ممكن يكون بالعصبية دي و الغيرة)........


اقتباسة🌹
*المرأة المطلقة هي ام مضحية غالبآ ما تقوم بكلا الدورين، فتاخذ بدورها كام و دور الاب و كفى بهذه البطلة مفاخرة* 🌹
سومةة🌹
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《19》*😢
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ........ ♡♡علي انت جنبي ما ح اقدر انوم، ليه؟ حضني ما مريح؟! 🥹،، لا بس خايفة تروح مني،، قالي اروح منك وين، انا جنبك على طول و باسني في جبيني، كنت سامعة دقات قلبو جوة اضاني......
*اجمل موسيقى و اعذب لحن هي دقات قلب المحب لاجلك* 🌹
قالي وصلنا انزلي خشي بيتكم نزلت غصبآ عني و خشيت بيتنا ما نفسي افارقو🥹.....
ماما انا عاوزة امشي اطمن على اسراء ،، لااا مظاهر مابتخليك في حالك الا تطعنك بكلام بعرفا سلفآ،، ما مشكلة انا حابة اقيف مع اسراء في محنتا،، طيب راحتك...... مشيت لاسراء سلمت لخالتو مظاهر استغربته لمن ردت السلامة حسيت عليها ندمانة و الحزن باين في ملامحا و شكلو ضميرا انبها، اسراء سلامتك قالت لي الله يسلمك و شكرآ ليك قلت ليها ما بيناتنا شكر احكي لي..... قالت لي احمد(راجلا اسمو احمد) كان كويس في الايام الاولي قبل ما اتم اسبوع في يوم كدا جا سكران و ريحتو عفنة و شكلو رقد في الارض و اتمرمط جا علي قمتا صديتو قام عصب + ما كان واعي فضربني كف و لازني وقعتا امو صحت على اصواتنا فجات قالت لي الليلة تبيتي معاي، و قالت احمد ما كعب بس الظروف بقتو زي دا ، قلت ليها مالو قالت لي عندو اختو (تومتو اريج) اغتصبوها حتى الموت 😔الحادثة دي ياها اثرت فيو بقى يتعاطى عشان ينسى حزنو و المو و كل مرة يتذكرها بلوم نفسو لانو ما قدر يمسك القتلا و يعاقبو، قعدة ادعي ليو في كل صلاة ربنا يهديهو و انا اسفة عشان غشيتك المفروض تعرفي حقيقت ولدي قبلي ما تعرسيو سامحيني قلت ليها انتو غلطو في حقي و لصقتي لي ولدك الما نافع قعدت تبكي و تعتذر، تاني يوم الصباح جيت راجعة بيتنا و حكيت لامي، امي قالت لي ارجعي بيتك و رجعوني بالغصب،، و قبل اسبوعين برضو جا بالليل بنفس الحالة ضربني شديد و ورم لي جسمي كلو لقايت ما اغمى علي، امو ودتني المستشفى و اتصلت لامي، لمن جات امي و لقتني غمرانة طوالي مشت فتحت فيو بلاغ......... لمن صحيت لقيتو فوق راسي اعتذر لي و وعدني يتغير و يخلي السكر و كل سلبياتو دا بعد ما عرف اني حامل.،،، ما شاء الله، انا شايفة احسن تديهو فرصة يمكن ولدك دا يغير حياتكم للافضل،، بصراحة حتى انا فكرتا بكلامك لكن امي مصرة تطلقني منو و بكرة عندنا جلسة....... خلي امك علي 😊.......
خالتو مظاهر انا اسفة عشان اتكلمت معاك بلئم قالت لي انا الاسفة لانو ضوقتك الويل في الحلةدي، عليك الله سامحيني، قلت ليها بسامحك على شرط، تسحبي الشكوة الرافعاها ضد احمد و تقفلي القضية و ترجعي اسراء بيتها عشان خاطر ولداا🥹....... سكتت مسافة بعداك قالت تمام،، اسراء ضمتني و شكرتني،، اتصلت لاحمد عشان يجي يسوقا معااه😊......
بهناك علي و امو قاعدين يجهزو للمناسبة فرشو البيت باثاثات جديدة فخمة ، و نحنا بجاي دهنا البيت و جهزناه للمناسبة.........
*♡سووومه♡*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#لأنني~مطلقة《20》*😢
*#♡الاخــــــــــــــــــــــــــــــــــــــــيرة♡*
*#بقلمي~اسماء~محمد{سومه}* 🫶🏻💛
*ـــــــــــــــــــہہہـ٨ـــ٨ــــــہہـ٨ــــہہہـــــــــــــــــــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ *كـــــــــــل الود ل مــــــــارياا محمد كانت متابعة معاي القصة من اول كلمة لآخر حرف* 🫶🏻💛

______
حاسة بالرضى عن نفسي😊
بدت ايام السعد، جوني صحباتي القداما وجن و مناهل، فطومة اتوسطت لي مع احسن كوفير، جيهوني و ظبطوني و سيروني ل علي، عملنا حفلة في صالة كبيرة و عزمنا الدنيا و العالمين ..... اتخيلو خالتو مظاهر حضرت حفلتي و رقصت اكتر مني😂😂
عبدالله اتزوج بت خالتو و حاليآ مقيم في تركيا
اختي مزن تمت الخمسة سنين و اتسجلت في المدرسة و شايلة نفس طباعي، امي بقت تقولي خربتي لي بتي😂..
فطومة مع الاسف قلعت النقاب لكن بقت انسانة ملتزمة في حياتا بعدما قابلت واحد اسمو اشرف غيرا للاحسن...
اسراء جابت توام سمتم احمد و اريج، احمد كان رافض لانو اسمو احمد ف ما ممكن ولدو يكون احمد اسراء قالت ليو انت حملتا بيو ولا اتوجعتا طلقات الوالدة عني قال لا قالت ليو طيب انا احق منك اسمي عيالي و سارو على كدا (احمد و اريج عيال سارة و احمد) 😂.....
*و اخيرآ انا و على* ❤️...
بقيت اقول لعلي عوضي الجميل لانو ربنا عوضني بيو عن مآسي و آلام عشتها، كنت بصحا قدامو، الليلة صحيت لكن ما قمتا من السرير كنت مغمضدة عيوني، طبع لي بوسة حارة في شفايفي قالي الليلة كسلتي قلت ليو انا صاحية قالي يعني قعدة تمثلي و تحتالي علي رقد بفوق على و فضل يتعاور لقايت ما صحى داني (طبعآ جبتا لي قطعة من علي سميتو داني عمرو سنة) قمتا سرعة و رفعتا ولدي و سكتو رجع نام...... علي واحد مجنون بغير من ولدو😂😂


كل شي قسمة و نصيب


*اللهم انصر اخواننا في غزة* 🤲🏻
*فاليحرقو كل النخيل بساحنا سنطل من فوق النخيل نخيل* 🇵🇸✌🏻
*و ليهدمو كل المآذن فوقنا نحن المآذن فاسمع التهليل* 🇵🇸✌🏻
*نحن الذين اذا ولدنا بكرة كنا على طهر الخيول اصيل* 🇵🇸✌🏻
*كـــــــــــل الود ســـــــــــــوومة 🫶🏻💛*
*النهـــــــــــــــــــ💛ـــــاية*
*