حناني ومشيت لقيت ليك كل رجل في بلد والشعر واقف قنا🐸💔قلت ليها عمتي قومي أبت تصحى لي ضربتها ضربه شديده حتى صحت قالت لي ميامن ياخ م ممكن معاك خليني أتم باقي نومي قلت ليها تنومي السهر قومي قامت قايمتك قالت لي الله يصبرني لحدي م أتزوج قلت ليها ها البايره دي ورح الفطور🐸👊رجعت عند ناس جدو وقلت ليهم جايه بعد شويه جات فطرنا وهي غسلت العده وانا عملت الشاي ادينا جدو وحبوبه وشلنا انا وهي ومشينا الجينه بتاعتهم قلت ليها اها أخبار محمد شنو وعلي قول حبوبه م ناوي يجي يخطبك ويريحنا منك م شفتي قبيل زلتني ليك زلهة استغفر الله بس🐸🌚💔قالت لي هو انتي لاقياني وين حبييتي وبالنسبه لي محمد ح يجي قريب أن شاء الله❤بعد أذن الظهر صلينا قلت ليها عمتي انا ماشه انوم طبعا هي بتتغاظ لمن أنادي ليها عمتي😹❤قالت لي اول عندي اسم وبعدين شايفني كبيره عشان تقولي لي عمتي قلت ليها خلاص يا افاق قالت لي أي كدا ونوم العوافي حببيتي❤طلعت نظارتي ختيتها في الطربيزه ونمت طيب اوصف ليكم نفسي اول شي انا طولي متوسط لوني م بين الاسمر والقمحي جسمي مقسم تقسيم طبيعي❤شعري طويل واصل لي نهايه ظهري امي برضو شعرها كده هي ومهاد وعيوني مكحله طبييعي لكن بلبس فيها النظارات عندي ضعف نظر وعندي وجنات مع أقل كلمه كده بتظهر الناس بتقول علي سمحه وكده لكن الله يعلم بالجد الكلام ده صاح ولا مجامله😹❤❤صحيت قريب المغرب بصوت افاق قالت لي ميامن قومي صلي العصر زمنو فاات وح نطلع نأكل اسكريم قلت ليها طيب صليت ولبست عبايتي ومرقنا اكلنا الآيسكريم ايي عندنا محل اسكريم قولو م شاء الله ربنا يزيد🌚🐸👊الليل كلو قضيناهو ونسه قعدت معاهم يومين ويوم الجمعه رجعت بيتنا من رجعت سااي كنت تعبانه عشان كده طوالي استلمت السرير ونمت لما صحيت لقيت امي راسمه ومتجيهه قلت ليها امي خير ماشه وين ومتشيكه كدا قالت لي نسيتي صاح؟!الليله الجمعه والخطوبه بتاع بت عمك فاطمه قلت ليها نسيت والله😀❤قالت لي اصلك كده اسي قومي غسلي وشك وتعالي اصلا انتي م فالحه في شي غير النوم الزيك اسي ماسكين بيوتهم واولادهم الا انتي قاعده لي هنا بس لو م أبوك كان عرست ليك😒💔قلت ليها يمه م تبقي زي حبوبه كلامك كلو عرس ده شنو دا قالت لي بطلي قلت ادب😒💔امشي وتعالي اعملي لي مكياج اصلا غير ده والنقه الكتيره والنوم م فالحه في شي انا ح امش من حسي لأني عندي حاجات عملتها وعاوزه اديهم ليهم بعد الكلام ده حسيت جبتهي طارت نقول شنو بس🌚💔قلت ليها طيب برضو ح اكلم براءه تجي معاي قالت لي طيري اسي مشيت غسلت وشي وجيت عملت ليها المكياج طلعت سمحه❤قالت لي هو زاتو مكياجك م سمح لدرجه دي سكته بس🐸👊شالت حاجاتها وفاتت ضربت لي براءه وقلت ليها اديني امك ادتني ليها قلت ليها أهلين خالتي كيف قالت لي تمام الحمد لله يا بتي انتي كيف قلت ليها تمام والله بس عايزه براءه تجي عشان تمش معاي الخطوبه بتاعت فطومة قالت لي اي قبيل أمك وعمتك عزموني وانا اسي ماشه عليهم بخليها تجيك ومنها تجو مع بعض❤قلت ليها طيب جهزت ملابسي ومشيت حمام الحوش البهناك استحميت ولبست كنت لابسه فستان رمادي وطرحه رمادي نفس الدرجه براءه جات كانت لابسه قالت لي بس مكيجيني قلت ليها حاضر قالت لي والله يا ميامن انا شايفه انو في الاجازه دي تفتحي كوافير اصلا انتي م شاء الله نسوان وبنات الفريق كلهم بجو يتمكجيو عندك وانتي حاجات المكياج كلها عندك وكمان بتعرفي تعمليهو بطريقه عجيبه😻❤قلت ليها فكره والله وحتى انتي بتعرفي ترسمي رسم جد نعملو سوا انتي تمسكي الحنه وانا المكياج ولمن نجمع قروش كتير نجيب بضاعه تانيه قالت لي طيب قلت ليها بعرض علي امي الفكره وبشوف بتقول شنو❤عملت ليها مكياج خفيف بس طلع سمح وانا م عملت اي شي في وشي قالت لي اعملي قلت ليها م عاوزه قالت لي هبله بس😒👊قلت ليها يلا نمش لمن وصلنا كأن لسه أهل العريس م وصلو مشينا قعدنا مع مهاد وافاق تاني أهل العريس وصلو ضيفنهم بعد انتهى التعارف عمي قال ليهو صراحه يا ولد عبدالله نحنا فتره خطوبه وكلام فاضي م بينفع معانا دايرها بالحيل نمش نعقد اسي دي قال ليهو طيب يا عمي مشو الرجال عقدو وجو الحريم فكو ليك الزغاريد طبعا عندنا ماف حاجه اسمها فتره خطوبه ابدا اذا انت عاوزه البت تجيب اهلك وتعقدو وبعد اسبوع اسبوعين تتمو العرس اها مره أسبوع من الكلام ده وعملو العرس كان فطور بس يلا نحنا عندنا في البلد نادر زول يعمل حفله ده كلام فاضي العرس عباره عن فطور بس وبالعصر كده يجيبو العروس لابسه توب ويدقو ليها حبت دلوكه وتتفكك مع راجلها😹❤العروسات الفي القريه ال لبسو زفاف بتعدو بالأصابع م تامين خمسه زاتو وده غير انو البنات البعرسوهم كلهم شفع البت البتكون كبيره دي بتكون في تأمن كحد اقصى ياخ الواحده من يجيها عريس طوالي يطلعوها من المدرسه ويعرسو ليها💔هسي بنات اعمامي ديل كلهم عروسو وهم صغار وفاطمه دي مطلعنها من تامن💔إلا نحنا أبوي أهم حاجه عندو القرايه وهو واثق انو نحنا ح نرفع راسو عشان كده خلانا نتابع باقي

قرايتنا💙..

*اشوفكم💙..*

*#رغم_اعاقته_كان_ملجئي{{02}}*♥️

*By: Mäyämin Åhmëď*

اعمااامي كانو رافضين الفكره دي بس ابوي قال ليهم ماف اهم من رغبهة بنااتي وحتى عمتو افاق كانو عاوزين يعرسو ليها من سنه سابع لكن هي كلمت ابوي وقالت ليهو أنها م عايزه تعرس دايره تقرا وكدا ابوي طوالي لغى العرس بتاعها وقراها لحدي م اتخرجت عشان كده بتحب ابوي شديد وهي أكتر واحده مقربه لينا في العائلة كلها❤تقريبا اللسه فضل بيقرا بسااط شديد انا وبراءه ومعانا تلاته بنات نص الاولاد طلعو من المدارس واشتغلو مع ابهاتهم في الحوااشات وكده والواحد من يبني بيتو طوالي بفتشو ليهو عروس ويعرس🌚💔اها عرضت علي امي فكره الكوافير قالت لي اساسا انتي حياتك كلها م عملتي حاجه مفيده ياداب ح تعملي حاجه بتفيدك الله يكمل بعقلك بس😑👊اها واقفت ليك بالكوافير لكن عندك محل عشان تعمليهو فيهو؟!قلت لبها اي العريشه بتاعتنا البي ورا ديك قالت لي عديله تب كان كدا كلمت براءه بي قرار امي ومن الحماس مشيت جبت سريرين ومعاهم كراسي طبعا العريشه بتاعتنا كبييره وم فيها باب لكن اساسا الرجال م قاعدين يجو الحوش ده وفي باب شارع قصاد العريشه ده ح يطلعو بيهو النسوان كنست العريشه وريشيتها م عندنا مرواح ولا مكيفات ابدا ابدا هواء اللله الطبيعي ده🐸🌚💔الكوافير كان ماشي تمام وحتى بجوانا بنات من الحله التانيه وجوانا كم عروس كده عملنا ليهم المكياج ورسمنا ليهم طلعو عسل في يوم جاتنا عروس بت صغيره عمرها 12سنه ياخ انا لمن حنيت عليها قلت لي براءه هسي دي عليك الله بتقدر تتحمل مسؤوليه كبيره زي الزواج💔قالت لي نقول شنو بس أن شاء الله الح يعرسها يكون متفتهم لي عمرها قلت ليها يا رب وهي مسكينه م عارفه حاجه في الدنيا💔قلت ليها اساسا ناس البلد ديل كلهم كدا والواحد كان قلت ليهو دي صغيره يقول ليك السيدة عائشه اتزوجت الرسول وعمرها 9 سنواات اي صااح هي اتزوجتو صغيره بس نجي لي هي اتزوجت منو؟!!سيدنا محمد بحاالو وم أي زول ده رسول الله طبيعي يكون متفهم وح يقدر يتفهم السيدة عائشه❤م كل الناس زي سيدنا محمد م كلهم عندهم نفس فهمو هسي البت دي هل راجلها ح يعاملها زي معاملة النبي لعائشه؟!هل ح يقدر يتفهم عمرها م أظن والله💔حتي لو هم عاوزين الستره وبالجد واثقين في تربيتهم ح يخلوها تقرا وترفع رأسهم وم ح تخذلهم ابدا لمن يورها الصاح من الغلط وقتها م ح تغلط نهائي وبعدين العمر قدامها لي أنها تتزوج بس اذا هما لي نفسهم م فاهمين الصاح من الغلط تتوقعي ح يعملو اولادهم💔قالت لي فعلا كلامك صاح بس منو يفهم💔رجعت تميت لي البت مكيااجها بعد مكيجتها كانت عسل خلاص💋❤بليل كنت راقده في السرير وبعاين للنجوم وبفكر في البت الاتزوجت قبيل ديك وبسال نفسي هل ح تقدر تستحمل مسؤوليه الزواج وهل ح تقدر تربي جيل بحاالو وهي لي نفسها محتاجه زول يربيها الزيها بلعبو في الألعاب وهي تتزوج ليه الظلم ده الزواج ده م اي حاجه💔كميه البنات المظلومين في مجتمعنا ليه نحنا م عندنا قاانون بيمنع انو البت ال من عمر17ولي تحت م تزوج عشان يحاافظ علي حقوقها كتير منهم عاوز يتم بااقي قرايتو بس بسبب تفكير اهلهم الرجعي والمجتمع الي هما عايشين فيهو انو البت م ليها مكان غير بيتها والمبطخ م بيقدرو يحققو احلامهم💔لي البت ممكن تحقق نجاحات كبيره منهم البطلع دكتوره، محاميه، مهندسه، استاذه، محاسبه الخ... لي يحطمو حلمهم ده بالزواج لي يحرموهم من لقب"الدكتوره فلانه"والا "المحاميه بت فلان" ولا "الباشمهندسه " ولا "الاستاذه"💔م بنكر انو في بنات عاوزين يتزوج وهما صغار لانو العرس عااجبهم وبقولو بتمو قرايتهم بعد الزواج لكن الح يحصل شنو غير أنها ح تجيب عيال وتكره القرايه💔لمن الواحده تتزوج وهي صغيره وم تمت تعلميها ومثلا لا قدر الله اتطلقت وعندها عيال صااح ح ترجع بيت أبوها لكن نفترض انو راجلها م أداها النفقه ح تعمل شنو غير أنها ح تتجرر ورا المحاكم عشان تجيب حق عيالها لكن إذا كانت قاريه ومستلمه شهاادتها م ح تحتاج لي اي زول ح تتشغل وتوفر ليهم كل احتياجاتهم ساعات كتير بسال نفسي ليه نحنا م عندنا قوانين بتحافظ علي حقوق المراة في المجتمع💔عندي دفتر صغير بكتب في هو اقتباسات من القصص البتحصل معاي في حياتي اليوميه وبتلفت نظري وبكون مهم كتبت فيهو:-

*" تثير اهتماماتي عقول تلك الاشخاص الذين لا يدركون قيمه الانثي بشت انواعها أم أخت زوجه بنت طفله يعتبرون أحلام الانثي شي لا يستحق المحاربه لاجله فقط يعتبرونها خادمه ووزجه وربة منزل💔يعتقدون أنه يوجد مكان واحد للانثي وهو "المطبخ" لا يبدون أي اهتمام لتعلميها وهم لا يعلمون ان الملائكه تضع اجناحتها علي طالب العلم لكنهم ايضا لا يعلمون أن الانثي هي نصف المجتمع أنها هي من تربي جيل باكمله هي أنثي لذلك يحق لها ان تفرد جناحيها عاليا وإن تحقق احلامها يزوجنها لاي شخص حين يطلبها خشي من العار لا يهتمون برأيها فقط يزوجنها💔في بعض الاحيانا أسأل نفسي لماذا لا يوجد قانون يحفظ حقوق الانثي لماذا لا يوجد قانون يحفظ حق كل أنثي

ضعيفه؟!يتعبرون الزواج في سن الطفوله من الاشياء التي فعلها النبي عندما تزوج من السيدة عائشه وهي تبلغ من العمر تسع سنوات وهم لا يعرفون أن ازواج بناتهم لايشبهون النبي في شي💔"*

ونمت وانا بفكر تاني يوم بالظهر كدا كنا قاعدين انا وامي وابوي وامي ساكته على غير العاده ابوي براحه كده قال لي الليله امك ماله؟!قلت ليهو م عارفها والله كدي اسالها قلت ليها يمه انتي مالك الليله من الصباح م علي طبيعتك قالت لي حاسه انو ح تحصل حاجه م عارفه لي قلبي مااكلني شديد💔قلت ليها م تخاافي أن شاء الله م بتحصل حاجه ابتسمت لي💙في نفس قعدتنا ديك الباب ضرب شديد مشيت عشان افتحتو لقيتها دي مهاد أختي وكمان بتبكي وشايله بتها قلت ليها مهاد فشنو مالك بتبكي م ردت على شلت منها روان ودخلتها ودخلتا وراها امي قالت لي اختك دي مالهه كانت بتبكي؟!ولا حتي سلمت علينا طوالي خشت الاوضه فشنو💔قلت ليها انا زاتي م اتكلمت معاي قالت لي مش قلت ليك ح تحصل حاجه اصلا قلبي م كاان مطمئن💔قلت ليها أهدي يمه هسي بمشي اشوف الحاصل شنو اديتها روان ومشيت ليها لقيتها قاعده في السرير وبتكبي قعدت جنبها وقلت ليها مهاد عاينت لي وحضنتي شديد قلت ليها فشنو قالت لي اتشاكلت مع حسام💔قلت ليها لي فشنو؟!قالت لي اتخيلي عشان سبب تافهه ضربني كف💔بس عشان خليت روان مع الجيران لانو عندي أكل م عملتو وهي بتبكي وم بتسكت بسهولهه رغم انو عمرها اربع سنين بس انتي عارفه انها متعلقه بي شديد فقلت اخليها تعلب مع بت الجيران لحدي م انتهي بعد م عملت اكلي مشيت عشان اجيبها لقيتها ماف وحتى بت الجيران برضو ماف قلبنا البيت والشارع كلو م لقينهم💔ولمن حسام جا وكلمتو وشاكلني وقال لي كيف تخلي البت براها مع الجيران وتجي؟!هسي ح تكون فاتت وين يا ربي كلو منك💔قلت ليهو بدل م نقعد نتشااكل وندي ونجيب في كلام فارغ احسن نفتشها قلبنا الحته كلها عليها بس م لقيناها لي لحظه حسيت انو بتي ضاعت مني خلاص💔لمن بعد شويه جا ولدهم وسايقهم لمن سالناهو كنتو وين قال مشينا الدكان البعيد عشان نشتري حضنت بتي علي ودخلنا البيت ولسه كنت ببكي حسام قال لي بتبكي علي شنو بعد خليتها براها وجيتي😒💔هسي ولو بالجد ضاعت كنتي ح تعملي شنو؟!قلت ليهو لكن انا م كنت قاصده اخليها قال لي الحاجات الزي دي م فيها م قاصده قمت عليت صوتي وقلت ليهو بس انت كمانن م تقعد تلومني وكل خمسه دقايق تزكرني💔كان أحس ليك بكف في وشي بعدها طولي جبت بتي وجيت💔قلت ليها هو م كان يضربك كان يفهمك برااحه الضرب م هو الطريقه الصحيحه عشان توري الزول غلطو مهما كان كبير قالت لي اي انا غلطت في اني خليتها براها بس هو كمان م كان يتصرف معاي كدا ويضربني عارفه في اللحظه ديك حسيت بشنو انو حسام بقى م يحبني معقوله ده حسام السفه التراب عشان يتزوجني وده نفسو حسام العاافر عشان نكون مع بعض💔اصلا الفتره الاخيره تصرفاتو كلها كدا من اقل شي بيعمل مشكله💔قلت ليها طبيعي كل علاقه بتمر بمشاكل وفتره صعبه بس نحنا لازمم نحاول نتخطي المشاكل دي ونتذكر نحنا قدر شنو عاافرنا عشان نكون مع بعض ننسى كل السلبيات ونركز علي الايجايبات لما يكورك فيك ويضربك كف ويمنعك من حاجة انتي عايزها ما معناها انو هو بكرهك لا يا هبلة ده معانتو انو بخاف عليك وبحبك وخايف الحاجة دي تاذيك وانك م تقعي في نفس الغلط ده مره تانيه والحمد لله أنك جيتي هنا ح تقعدي معانا كم يوم وصدقيني في الكم يوم دي حسام ح يقعد مع نفسو ويراجع اغلطاتو وانا متأكده انو ح يجي يصاالحك بس أنني اديهو فتره قالت لي فعلا كلامك صاح وانا كمان متأكده انو ح يجي باذان الله💙قلت ليها ونعم بالله طيب انتي هسي ارتاحي وحاولي نومي بتكوني تعبانه بعد الحصل معاك ده قالت لي بالجد تعبانه وعايزه انوم طلعت بره امي سالتني قالت لي اها ماله؟!قلبي انقطع وانا بشوف في دموعها يا بتي قلت ليها م تخافي عندها مشكله صغيره مع حسام بس ح تتحل قريب انتي اطمنئي❤قالت لي إنا ماشه اشوفها قلت ليها لالا هي نامت قالت لي برضو م ح اطمئن عليها إلا اشوفها قلت ليها طيب جيبي روان اكلها بتكون م اكلت قالت لي هاك شلت منها روان وامي دخلت لي مهاد أكلت روان ونومتها قلت أعمل لي مهاد الكيكة لأنها بتحبها كان تغير مزاجها شويه عملتها طلعت ظابطه بس لمن وديتها ليها قالت لي م عاوزه قلت ليها انتي جاده مهاد بنفسها ترفض الكيكة😹❤قالت لي م نفسي قلت ليها غريب قالت لي اي انا زاتي مستغربه في نفسي قلت ليها ح اختها لي بعدين احتمال تاكليها قالت لي طيب مرو تلاته ايام لاحظت لي مهاد بقت غربيه م بتاكل الحاجات الكانت بتحبها وكل م تشم ريحه بيض او حاجه بشكل ده بتسفرغ وعندها حمه وصداع قلت ليها نمش الدكتور يا بكون عندك تايفود يا ملاريا يا انا انتي حاامل😹❤ضحكت وقالت لي يعني خلاص عاوزه تعملي لي فيها الدكتور ديك عشان قريتي عملي احياء🐸👊قلت ليها أي وبعدين م تنسي انا طبيبه المستقبل😌💙...

*_هذه الحياة لن تقف لتراعي حزنك اما ان تقف انت وتكملها رغم انكسارك او انك ستبقى طريحا للابد💙.*

*اشوفكم💙*

*#رغم_اعاقته_كان_ملجئي{{03}}*♥️

*By: Mäyämin Åhmëď*

قالت لي اي واضح انك دكتور بنظاراتك دي😹💙بس ربنا يحقق ليك حلمك قلت ليها أمين يا رب هسي ورح نمشي المستشفي قالت لي طيب لبست عبايتها ومشينا المستشفى دخلنا لي الدكتوره قالت لينا نعمل كم تحليل عملنهم ورجعنا ليها قرتهم وقالت لينا مبروك المدام حامل ليها شهر حضنت مهاد وهي فرحانه شديد رجعنا البيت امي قالت لينا اها طلع عندك شنو قالت ليها طلعت حامل يا امي💙امي قالت ليها مبروك يا بتي يتربي في عزكم قالت ليها اللهم امين💙قلت ليها ح تكلمي حسام بتين قالت لي لمن يضرب ح اكلمو قلت ليها تمام بالمغرب جانا حسام شكلو مهاد كلمتو خلينهو يدخل ليها💙مشيت جبت العصير وجايه اديهو ليهو سمعتو قال ليها انا اسف عارف غلطي وم كان المفروض اضربك بس كنت زهجان من الشغل وجيت لقيت الحته جايطهه ضربتك في لحظه غصب انا اسف قالت لي وانا كمان اسفه وحضنها عليهو💙دقيت ليهم الباب ودخلت العصير وطلعت اتكلم معاها مسافه طويله بعدك جانا طالع قلنا ليهو مبروك ليكم الببيي الجديد قال لينا الله يبارك فيكم كان حاصل بيناتنا سوء تفاهم وحاليا حليناهو وانا ح أسوق مرتي وبتي عشان بكون مطمئن وانا شايفهم قدامي❤حسام ساق مهاد وروان خلو لينا البيت مسيخ خصوصا روان لأني كنت بلعبها واضحك معاها طول الوقت بتكون قاعده معاي😔❤الايام ماره وماف موضوع لحدي م في يوم كان عندنا شغل كتير في الكوافير أثناء م نحنا بتشتغل كده جات عمتي افاق قالت لينا الحلوين كيفيكم قلت ليها كويسين والله انتي كيف قالت لي تمام الحمد لله قالت لي شايفكم شغالين م اعطلكم ح اخش لي أمك جوا اتونس معاها لحدي م تنتهو قلت ليها طيب مشت ونحنا تابعنا باقي الشغل ياخ يوم متعب بشكل قلت لي براءه اقعدي معانا وتاني أنا وافاق بنقدمك قالت لي طيب مشينا لي افاق عملنا جنس عمايل من ونسه للاكل لي رقيص😂💙تاني براءه قالت ماشه لانها اتاخرت وداينها ورجعنا في الشارع افاق قالت لي رأيك شنو في علاقتنا أنا ومحمد قلت ليها ولي بتسالي قالت لي ناس البلد ديل بقو يطلعو اشاعات💔علي حسب فهمهم انو البت البتتكلم بالتلفون قليلت أدب بس أنا م شغاله بيهم لانو أهلي عاارفين بكل شي💙ده كلو م بهمني بس البهمني كلام صحباتي في الحله اتخيلي قالو لي شنو انو هو من الخرطوم واكيد هناك ح يكون في الاسمح مني وهو بس بيلعب بي م أكتر وم تنسي انتي من الريف وهو من المدينه قلت ليها طالما انتي واثقه فيهو م تشتغلي بي كلام صحباتك وبعدين يعني شنو لو انتي من الريف💙قالت لي فعلا المهم اني واثق فيهو حتى لو أنا من الريف هو مقتنع بي كدا قلت ليها وده المطلوب لمن تكون الثقه بين الطرفين قويهه صدقيني ماف حاجه بتكسر العلاقه دي ابدا وإذا ربنا كاتب ليكم انكم تتجتعمو في بيت واحد ح تتجتمعو لو مهما حاولو الناس انو يفرقوكم💙عاينت لي مسافهه وقالت لي كبرتي يا ميامن صاح أنا الاكبر منك بس انتي اوعى مني بكتير ابتسمت ليها♥فضلنا نتكلم في الموضوع ده لحدي م وصلنا البيت طوالي فتحت دفتري وكتبت فيهو:-

*"يظنون بإنهم خبريين في كل شي يهدمون كثير من العلاقات تحت مسمى "المستوى الاجتماعي" أن كل شخص وطبقته ويفرقون بين الغني والفقير وبين المدينه والقرى وهم لا يعملون أن الحب بالافعال ليس بالمال او الجمال في الحب لا يعرف غني أو فقير من مدينه او من قريه فقط يعرف بالقلب ليس الا يعتبرون الحب عيب وهم لا يعملمون قيمه الحب❤"*

في قلبي قلت أكيد صحبات عمتو ديل غيرانين م اكتر كيف يقولو ليها كدا حتى ولو على الاقل يدوها أمل شويه شنو يعنى لو من الريف م انسانه زيها وزي ناس المدينه واحد بس مجتمعنا عموما بفرق بين الناس فقير يزلوك غني يحترموك💔عمتو جات لقتني بكتب قالت لي بتكبتي في شنو قلت ليها دي اقتابسات بكتبها قالت لي حلو شديد قلت ليها ايوا💙قالت لي تعالي سرحي لي قلت ليها وااي م ح انتهي منو هسي وبعدين ح أتعب انا يالله يامين بسرح شعري🐸❤أفاق شعرها طويل واصل لي آخر ظهرها ونص عماتي كده وجبدونا انا ومهاد شعرنا زيهم كدا قالت لي تعالي يااخ قلت ليها خلاص طيب جيتك سرحت ليها شعرتين ولفيتهم ليها قالت لي بهدلتيني🐸💔قلت ليها يعني دايراني اسرح ليك كيف دي أبسط تسريحه🌚❤ونمت وانا نايمه كدا حلمت بي اني قاعده في كرسي وفي ولد قااعد جنبي أكبر مني بكم سنه ونحنا صغار مسك يدي وقال لي تعالي نعلب مشيت معاهو بقينا نلعب وأنا فرحانه شديد لدرجه يدو أبيت افكاها بعد شويه هو فكى يدي وجرا انا ببكي وبعاين ليهو لحدي م اختفي والحته فاضيه وانا بقيت برااي💔صحيت مهجومه ده نفس الحلم البحلم بيهو دايما الصداع كان ح يكسر راسي لمن م قادره أشوف خشيت الحمام ومشيت لي أمي قلت ليها يمه الصداع ح يكسر راسي قالت لي كر علي يا بتي دقيقة اجيب ليك بندول واديك جبنه تشربيها لانو ح تتخفف عليك قلت ليها طيب جابتهم لي قلت ليها يمه تاني حلمت بنفس الحلم داك انا خايفه💔حسيت بيها اتوترت شويه وقالت لي لا لا بس بكون ده حلم عادي قلت ليها لكن ليه دايما نفس الحلم

ده؟!قالت لي في بعض الاحلام بتكرر انتي م تخاافي وخشي نومي تاني عشان يخفف💙قلت ليها لكن ح يجو ناس لي الكوافير قالت لي م مشكله اخدي اليوم اجازه قلت ليها طيب مشيت نمته وانا بفكر في الحلم ده بعد كم يوم بتذكر كان يوم جمعه ابوي اداني جلابيتو اكويها ليهو وانا بكوي فيها كدا جاتني أفاق قالت لي ورح معاي قلت ليها وين؟!قالت لي الحواشه قلت ليها دايره تعملي شنو في الحواشهه قالت لي اتخيلي محمد جاي من الخرطوم عشان يقابلني🙈❤قلت ليها ههه ظريفه اصلا الخرطوم من هنا بالعربيه الخاصه ساعه ونص بس بتتكلمي كانو جايك من أمريكا ولا حاجه😑💔قالت لي تافهه انتي😕❤قلت ليها هسي ناس الحله م ح يعرفوهم من عربيتهم ويكشفونا قالت لي هو جاي اصلا لانو عندو شغل هنا وقال لي ح اشوفك بعد اخلص شغلي وانا نبهت عليهم انو يخلو عربيتهم في حتت شغلهم وتاني شي هم ح يكونو لابسين جلاليب لانو الليله الجمعه وغير كدا عادي الناس بتقول أنهم من الحله التانيه اها ماشه معاي ولا لا قلت ليها ماشه أساسا ماف موضوع طبعا هي لبست عبايتها الجابيها من الخرطوم تسوي كدي وطرحتها الجديده وعملت روج وقالت لي اظبطت ليها الايلانير زبطتو ليها قلت ليها عاد محمد السرور البعلمو ليهو كده🌚💔قالت لي اصلا هو محمد السرور والنور😌💙أما انا لبست أقدم عبايه عندي وطبعا مسرحه شعرتين وطرحتي قديمه ولا غسلت وشي حتى🐸🌚💔قالت لي ماشه معااي كدا؟!قلت ليها لالا ماشه معاك بفستان سهره م أكيد كده قالت لي انتي عاينتي في المرايا؟!🐸🌚💔قلت ليها ايي مش حلوه بالله😌❤قلت ليها حلوه انا يا بت جااي معااهو صحبو احتمال يعجبك وتعريسهو عاينت ليها كدا☺😕💔وقلت ليها ومنو القال ليك انا أصلا عاوزه اعرس يا باايره إلا كان انتي انا عندي بااقي قرايهه عاوزه اتمها😒💔قالت لي خلاص يلا انكرري قدامي قلت ليها اممم ورح قالت لي صلحي نظارتك دي صلحتها ومشينا لي أمي قلت ليها ماااشين الحواشه وجاين قالت لي سمحح م تتاخرو قلت ليها طيب اها مشينا وهي ضربت ليهو وصفت ليهم حتننا طبعا انا نهائي م حصل شفت محمد ده في الحقيقه بس شوفتو في الصور بعد شويه كدا يجواانا ليك ولدين م شاء الله بس ولدين زي صبااح العيد وبعليي انا من السمااحهه😍❤سلمو علينا وآفاق عرفتني عليهم محمد وحاتم محمد وآفاق مشو بعيد مننا وانا طوالي مشيت علي الاتجاه التااني قام الاسمو حااتم ده لحقني قال لي يعني بتمشي وتخليني بري؟!قلت ليهو بتخااف ولا جاحه عشان م اخليك براك؟!قال لي مالك لئيمه كدا قلت ليهو انا أصلا بطبعي كده☺👊قال لي طيب بعد لائمتك دي ينفع نبقي اصحاب؟!قلت ليهو نحنا من بتين بنعرف بعض عشان نبقي أصحاب طبعا م ينفع وبعدين طالما انت شايفني واحده لائيمه عاوز تصاحبني ليه🌚💔قال لي وكمانن صريحه لاا انا اعجاابي بيك زااد قلت ليهو يزيد ولا ينقص دي م شغلتي ممكن م تتكلم معاي🌚☺💔قال لي لا م ممكن قلت ليهو وأنت مالك لايوق كده😒👊قال لي طبعي اعمل شنو😂❤قلت ليهو يعني بتحاكي فيني قال لي اها م قولتي لي بتدرسي في كم؟!قلت ليهو ولي اقول ليك😒👊قال لي طيب بطلي سخاافهه قلت ليهو طيب امتحنت شهاده سودانيه يا بااشه قال لي كويس أنا بقرا طب في جامعه الخرطوم المستوي التالت قلت ليهو واو الجامعه دي نفسي اخشها❤قال لي حلو باذان الله بتجينا وبتقري فيها قلت ليهو أن شاء الله😊❤قال لي طيب اسمك منو قلت ليهو م عندي اسم أهلي م عملو لي سمايهه😊🌚💔قال لي لا يااخ😂💔طيب ح اسميك بدون اسم قلت ليهو شنو قال لي يعني ح أناديك يا بدون اسم😂❤قلت ليهو بكفيك قال لي طيب رقمك قلت ليهو يا شييخ من قبيل قول كده مااف داعي تصرف عربي كتيير😒👊قال لي صدقيني نيتي نضيفه بس كنت عايز اصحابك لاني شايفك واحده لائيمه لبعد حد وصريحيه جدن😂❤قلت ليهو شكرا بس انا م عااوزه ابقى صاحبت زول قال لي يرضيك كدا قلت ليهو ايوا يرضيني☺❤قال لي حرام قلت ليهو طيب سجل مليتو رقم أبوي😂💔قال لي امسكل ليك فيهو قلت ليهو لالا ماف شبكه م ح يجيني إلاتصال اضرب لي بعدين قال لي طيب اسجلك بمنو قلت ليهو بي بدون اسم قال لي طيب افاق جاتني وقالت لي يلا نمش ورجعنا البيت قالت لي شايفاك اتكلمتي مع حاتم قلت ليها بلاي المتخلف ده قال شنو اديني رقمك😒👊💔قالت لي وانتي اديتو ليهو قلت ليها لا طبعا اديتو رقم ابوي🌚😂❤قالت لي وايي😂❤بالعصر ونحنا قاعدين في الراكوبه بتاعتنا وبنشرب في القهوه ابوي تلفونو ضرب ردا بعد شويه قال ليهو كيف يعني بدون اسم يا ولد انت مجنون ومنو معاي أساسا وهو بقول ليهو معاي بدون اسم؟!ابوي سب ليهو سب🌚💔وفصل الخط في وشو قلت لبهو ده منو قال لي وأحد متخلف م اكتر سبحان الله من عيال الزمن ده قلت ليهو فعلا😂❤دخلت جوا الغرفه لقيت افاق بتتكلم بالتلفون قالت ليهو هدي ميامن زاتها جات قالت لي ميامن حاتم قال ليك اصبري ليهو تديهو رقم غلط قلت ليها يستاهل انو ابوي يشاكلو😊👊لقيت براءه رسلت لي رساله قالت لي إنو بكره النتيجه وبعلي من قريت كلمه النتيجه جسمي هبط😿😹❤...

*_ ‏كلما أتبع قلبي يدلني إليك كأنني منك ثم إليك💙.*

*اشوفكم💙*

*#رغم_اعاقته_كان_ملجئي{{04}}*♥️

*By: Mäyämin Åhmëď*

طبعا نحنا بتنونس بالرسايل العاديه دي م عندنا واتس ولا اي شي ده اساسا لو عندنا تلفونات جلكسي ابدا كان بنشوفها في التلفزيون🌚💔الحله كلها ما في زول عندو تلفون جلكسي والعندهم تلفونات ربيكا زااتو بسااط🐸💔قالت لي وااي انا خايفه شديد قلت ليها انا زااتي لكن انتي م تخاافي انا متأكده أنك ح تجيبي نسبه كببره قالت لي النسبه ال ح اجيبها ح تكون زي حقتك لانو نحن قرينا اي شي سوا😹❤قلت ليها اي يا ح تكون زيها يا قريبه منها كلمت امي بالنتيجه طبعا اليوم مره ببطئ شديد كانو عارف انو بكره النتيجه🐸💔الليل كلو اتقلب وقلبي في يدي والصباح قاعدين علي اعصابنا وانا من شده الخوف م قاادره اقعد في حته واحده حمت البيت كلو لحدي م المؤتمر بدا وانا ماسكه تلفوني عشان بعد المؤتمر أرسل رقم جلوسي كان اسمع ليك براءه جعفر إبراهيم الفكي 91،8 ولايه النيل الابيض امي قامت تزغرت وسمعنا كمان زغاريد جاايهه من بيت ناس براءه❤❤❤بعد شويه نسمع ميامن احمد حماد أحمد 90،9 ولايه النيل الابيض😭❤امي تاني فكت الزغاريد وجاات حضتني وهي تبكي وانا ابكي😭❤حتى ابوي جا بارك لي وقال لي كنت عارف أنك ح تجيبي نسبه كبييره ترفع راسي في اللحظه ديك بكيت بكي وعمتو افاق كمان باركت لي❤مشينا انا وامي وافاق لي ناس براءه بااركنا ليهم وهم كمان بااركو لينا حضنت براءه وقلت ليها شوفتي الاتنين جبنا نسبه سمحه😭❤❤❤قالت لي اي مبسوطة شديد أننا ح نقرا طب سوا قلت ليها وانا كمان قعدنا شويه ورجعنا البيت لانو الناس بجو بباركو لينا لمن رجعنا لقيت مهاد اختي ومعاها حسام باركو لي وادوني هدايا كان يوم حلو شديد💃❤بليل كدا صحيت عشان كنت عطشانه وماشه أشرب مويه لمن طلعت بره لقيت أمي سجاادهه في المصلايه وبتبكي وبتقول يا رب اجمعنا بيهو قريب استغربت شديد في منظرها وده منو البتدعي ربنا انو يجمعها بيهو بس م حبيت اسالها❤بعد فتره بسيطه من الكلام ده ابوي جا من الحواشهه بالمغرب كده مشيت ليهو في غرفتو وقلت ليهو ابوي قال لي اهلن يا بتي فشنو قلت ليهو انا عاوزه أقدم في جامعه الخرطوم قال لي تعالي اقعدي جنبي مشيت قعدت جنبو قال لي والله يا بتي انا م عايز احطمك💔لكن نجي لي الحقيقه طيب انتي إذا مشيتي الخرطوم ح تقعدي مع منو؟!وغير كده الزمن بقى صعب شديد والبلد م مضمونه وحتى الدخليات م مضمومه وحتى المضمونات انتي بالذات م ح تقدري تتاقلمي معاهم وريني اعمل شنو؟!وانا شايف أحسن انك تقدمي في جامعه هنا في النيل الابيض💔قلت ليهو لكن انا من زمان عااوزه ادخل جامعه الخرطوم م عايزه الجامعاات الهنا😭💔قال لي انا عارف انو حلمك انك تقري فيها بس انا م بقدر اخليك تمشي برااك كدي قولي لي ح تقعدي وين بس وريني؟!تذكري مهاد اختك لمن جات تقرا الا مشينا اجرنا لينا بيت في الخرطوم عشان هي تقرا لكن هسي نحنا نخلي بيتنا ونمش نسكن بالايجار ده غير الايجار الزاائد الايام دي ونقعد نصرف قروشنا علي الفاضي بدل نستفيد منها وبعدين البلد ديك غريبه علينا تماما ودرااسه الطب سته سنه ده غير التخصص والخدمه وكلو نحنا نقعد في بلد غريب وأهلنا واحبابنا هنا💔وانا شايف من كل النواحي انك احسن لو قريتي هنا💔بعد كلام ابوي ده فقدت الأمل تماما طلعت بره لقيت امي جنب الباب مشيت غرفتي وبقيت ابكي يعني كلام أبوي كلو صااح بس اعمل شنو اذا انا رغبتي طب في جامعه الخرطوم💔امي جاتني قالت لي م تزعلي يا بتي الربنا كااتبو ببقى قلت ليها ونعم بالله امي دي صحبتي قبل تكون امي في اي حاجه بتوقف معاي❤لمن كلمت براءه بالموضوع ده قالت لي طيب انتي قدمي في جامعات كتيره هنا وبرضو قدمي في جامعه الخرطوم احتمال يشليوك وأبوك يوافق فعلا قدمت معاها وشالونا الاتنين جامعه الخرطوم طب❤اصلا براءه أبوها شغال في الخرطوم وعندهم بيت هناك بس م عايزين يمشو يخلو البلد عشان اهلهم كلهم هنا لكن بعد الجامعه تتفتح براءه ح تمش لي ابوها هناك وتقرا الجامعه انا بس كان فضل لي القى طريقه معيشه هناك وابوي يقتنع بيها❤امي عرفت بي موضوع اني قدمت في الجامعهه وشاالوني هي زاتها عاايزني اقرا هناك لكن م في يدنا حيلهه قالت لي يا ريت لو بقدر اساعدك يا بتي قلت ليها بس خليك معااي وانا ح انجح❤اي صاااح امي داايما كلامها عن العرس بس هي أكتر زول عاوزني انجح وأحقق حلمي بي اني ابقى دكتوره❤مشيت اتوضيت وصليت ركعتين ودعيت فيهم ربنا يجبر بخاطري ويقدم لي الفيهو الخير كنت تعبانه شديد مرهقهه من التفكير فعشان كدا طوالي مشيت نمته صحيت بكوريك وجوطهه حااصلهه غسلت وشي بسرعه ومشيت وقفت جنب الباب لأني م لابسه توب لقيت عمي وابوي بتنااقشنو عمي قال لي لي ابوي صدقني يا أحمد انا بدورلك ليك الخير❤ابوي قال ليهو عارفاك بتدور لي الخير قال ليهو بس البتعمل فيهو ده غلط ابوي قال ليهو وانا رااجل كبيير وبعرف الصاح من الغلط عمي قال ليهو لكن م لي درجه انها تصل معاك لي انك تبييع واحده من اراضيك عشان تفتش لي زول ضاايع ليهو 18 سنه💔ابوي قال ليهو وتصل

معااي طالما انا عارف اني ح القاهو عمي قال ليهو والله يا احمد نحنا سكتنا السنين دي كلها عشان بنحترمك لأنك كبييير البيت بس تاني م ح نسكت أكتر من كدي وأنت إلا يبقى رأسك ده فيهو عوجهه لانو ماف زول طبيعي بقعد 18 سنه بفتش ليك في زول ماف أمل انك تلقااهو💔ابوي قال ليهو تتكلم معااي انا كدا انا اخوك الأكبر منك و ااي أبيع واحده من الاراضي بتاعتي عشان افتش لي جنااي كان م ضيعتهم فيهم اضيعهم في منو؟!عمي طلع مننا زعلان وانا جنب الباب ومنصدمههه من كلام ابوي الاخير ده كيف يعني انا عندي اخو؟!أمي دي بس كانت بتبكي وجنبهاا أفاق ابوي قال ليها م تبكي بنلقااهو نحنا لينا 18سنه بنفتش فيهو قولتك ربنا بيضع تعبنا؟!قالت ليهو ونعم بالله❤وانا بس دموعي جاااريه كيف يعني عندي اخو وانا م عاارفه بيهو💔وببكي كدا لمن انتبهو لي امي قالت لي تعاالي يا بتي قلت ليها يمه السمعتو ده شنو قالت لي تعالي لي انتي بعد كدا لازمم تعرفي مشيت عليها ورجولي م شاايلاني قعدت جنبها في الارض قالت ح احكي ليك اي حاجه نفسك تعرفيها لي تتذكري لمن كنا في الخرطوم عشاان مهاد أختك كانت بتقرا في الجامعه؟!قلت ليها ايي قالت لي انتي عندك اخو اسمو حاازم مهاد كان عمرها 16 وهو عمرو 6 سنوات وانتي 3 كنتي دايما معاااهو اي شي بيعملوا انتي بتعمليهو مثلا لو هو في يوم ابى يااكل انتي كمان م بتااكلي نهائي م كنتو بتفترقو وأربعة وعشرين ساعه مع بعض❤بتذكر وقت يعمل غلط واجي اضربو انتي كنتي بتبكي بدلو وتقولي لي إلا تضربيني زي م ضربتي ولمن يزعلك بتكوني ماده بوزك وزعلانه شديد وهو بيجيب ليط شوكولاته ويراضييك حاازم هو كمان م كان بيرضي فيك ابدا كنتي كل م يشاكلك زول تحضنيهو وتبكي وهو يمسح ليك دموعك ويمش يدق الزول الزعلك تتطلعو الشارع سوا وترجعو سوا💙لحدي م في يوم انتو قلتو إلا يودكم الحديقه تلعبو وقتها خلينا مهاد مع خالتك حنان لانها كانت ممتحنه ومشينا الحديقه ونحنا في الحديقه كدا لاقانا بتااع العااب وانتي قلتي إلا يشترو ليك عروسهه منو ونحنا بشتري ليك فقدنا حاازم محل م مشى م عرفاانهو💔قعدنا لحدي بليل ونحنا بنفتش فيهو بس م لقينااهو وانتي بس كنتي بتبكي دايراهو ديك أصعب ليله مرت علينا كلنا لحدي م قفلو الحديقه ورجعنا البيت انتي عااارفهه انك الليل كلو م نمتي بس بتقولي انك عايزهو أساسا ماف زول فينا نام اليوم داك💔مرت علينا ليالي سوداء وأبوك بقى كل يوم يمشي هنالك على أمل انو يلقاهو او يجيبو ليهو زول ويقول ليهو قال ضايع بس للاسف م لقيناهو خمسه سنين ونحنا بنفتش💔وحتى بعد رجعنا هنا كنا لسهه بنفتش عليهو وانتي بديتي تكبري حبه حبه وتنسيهو وم حبينا نوريك عشان كنتي ح تززعلي خصوصا انو كان قريب ليك شديد💔قالت لي دقيقه مشت جابت لي صوره فيها انا وحاازم لمن عاينت في الصوره كان ده هو نفس الولد البشفو في حلمي دايما قلت ليها يعني الحلم البحلم بيهو دايما ده حقيقه والفيهو ده حازم أخوي؟! قالت لي ايي والصوره دي صورانكم ليها وانتي شلتي واحده وهو واحده حتى لمن رااح كانت معاهو الصوره دي عشان كده ابوك مؤجر ناس هناك يا يلقو عندو الصوره دي يا يسالوهو كنتي دايما بتنادي ليهو بي حالم وهو لمن اتعود علي الموضوع بقى اي زول ينادي ليهو كدا😂💔قلت ليها ليهه حصل معاانا كده انا دايما م بحس انو عندي أخو وسند اتكل عليهو ولمن حسيت انو عندي راحح مني😭💔قالت لي كلو قضاء وقدر يا بتي انا كل يوم بدعي انو ربنا يجمعنا ليهو أتذكر لمن لقيتها بتبكي يوم داك💔عدينا اليوم ده كلو بكي وامي تحكي لي عنو💔مشيت صليت ركعتين عشان حازم اخوي ودعيت ربنا انو نلقاهو بعد انتهيت من الصلاه طلعت بره لقيت امي بتتكلم بالتلفون وفرحااانهه شديد قفلت قلت ليها امي ماالك مبسوطهه كدي وقالت لي وااخير يا بتي حلمك ح يتحقق قلت ليها في شنو قالت لي ماف شي مهمم لكن يوم الاربع ح يجواانا ناس خالتك حنان وأولادها يلا خالتو حنان ديل ساااكنين في الخرطوم كانو جيراانا زمان لمن كنا قااعدين في الخرطوم عشان قرايه مهاد وكده عندها ولدين وبتين أكبر واحد عمر بعديهو مصطفي وتاني مي حتي الاء الاء دي قدري كااانو نعم الجيران بالنسبه لينا في الخرطوم حتى بعد رجعنا البلد هنا لسه امي بتتوصل مع خالتو حنان صحباات شديد❤قلت ليها يشرفونا طوالي قالت لي لكن عاوزه منك طلب يا بتي قلت ليها قولي يمه مالك؟!قالت لي يوم الخميس في موضوع ح ينفتح وح نااخد رأيك في الموضوع ده بتمني أنك تواقفي والشي ده لي مصلحتك وغيرهو م عندنا حل عشان انتي تتحققي حلمك وتبقي دكتورة اوعديني أنك ح توافقي قلت ليها بووعدك يا امي لانو الموضوع لو م فيهو خير لي م كان طرحيتهو علي وطلبتي مني أوفق بس الموضوع شنو؟!قالت لي بتعرفي يوم الخميس اتشوقت شديد طبعا الحله عرفت انو جاين ناس من الخرطوم طبعا عندنا أي زول جااي من الخرطوم كاانو جااي من بريطانيا العظمه😹🐸💔والعجب البمشي من البلد ويقعد هناك اسبوع كانو اغترب سبعه سنين م سبعه ايام😹😭😹💔ولو عرفو انو في زول جااي يمشو يرجوه جنب باب

بيتو😹😭😹💔 الحله كلها بتكون واقفه جنب البيت ويقعدو يشوفو العربات والناس كااانو جاي وزير ولا حاجه حااالتهم متعصيه🐸💔المهم م علينا يوم التلات ده امي م خلت حاجه في البيت وسخااانهه الحيط بقت نضيفهه انضف من ضميري والله والحله كلها زي م قلت ليكم عرفت بالموضوع صحيت تاااني يوم بي صوت شفع الحله جنب الباااب بتاع بيتنا🐸💔خشيت الحمام وطلعت امي قالت لي الحلهه كلها عند خشم الباب رااجين عربية الخرطوم تجي ضحكت فيهم ضحككك وقت الفطور كده سمعنا أصوات الاولاد بقولو عربيه الخرتوم جاات عربيه الخرتوم جااتت😹❤امي قالت لي مااشين انا وابوك نستقبلهم انتي جهزي المويه بتاعت الشرااب قلت ليها سمح كنت لابسه توب بيت عادي خشيت المطبخ مليت الكبابي مويهه وطلعت بره لقيتهم جو وقاااعدين مشيت سلمت عليهم كااانو كلهم موجودين سلمت عليهم لكن لسهه م عرفتهم لأنهم اتغيرو انا لمن شفتهم آخر مره كنت في تانيه اساس عشان كده م بتزكرهم يلا في واحد قااعد في كرسي متحرك ومكشر وشو تقول م عاااجبهو الجيه قلت ده مالو دا🐸❤خالتو حنان قالت لي عرفتينا يا ميامن قلت ليها ايوا لكن م مستحضره اشكالهم وهم صغااار بالظبط قالت لي طيب هسي اوريك ليهم ده مصطفى ودي الاء ودي مي والقاعد في الكرسي ده عمر ومعااهم عمو حسن ده ابوهم❤اتزكرت عمر ده كنت بتشاكل معاااهو دايما😂🌚❤هو كاان في تاامنن وانا في تانيه اساس بس كنا بنتشاكل شكل نهائي م بنقعد في محل واحد😂💔لكن بتذكر انو زمان كان عااادي بمتشي بي رجليهو م عارفه الحصل ليهو شنو لدرجه بقى م بمشي صراحه حزنت عليهو💔💔قعدت جنب الاء وبقينا نتونس ونتذكر في زماان قلت ليها اها النتيجه كانت كيف؟!قالت لي كويسه والله قلت ليها سؤال قالت لي اتفضلي قلت ليها انتي ماالو عمر أخوك بقى كدا زماان كاان بيمشي عادي الحصل ليهو شنو لمن بقى واحد من ذوي الاحتياجات الخاصه؟؟!!💔قالت لي والله عمر ده دايره تقول لي كده امي نااادتني مشيت ليها قالت لي امشي سريع جيبي ليمون من الشجره حقت عمك محمود قلت ليها لكن عمو محمود م ح يديني غير واحده او اتنين وم ح يكفو لي الضيوف🐸💔قالت لي اي عاارفهه اقول ليك شي احسن تمشي تجيبيهم من الشجره بدون م تكلميهو وبعدين انا بكلمو قلت ليها سمح يلا نااس عمو محمود ديل جيرانا بالحيطه وعندو شجره ليمون كبيييره وفي جزو منها ممدتي لي بيتنا لكن فرع ساي والفرع الفيهو الليمون جوا بيتهم لكن شنو بخيل بخل لو شحدتو م بديك غير ليمونه او ليموتين بس وزاااتو بديك ليهم بي نظرة كدا كااانو مجبور تم عايز يديك ليهو يعني أبخل زول في البلد كلوو😂❤مشيت لقيت الباب بتااعتهم فاااتح وهو مافيش برااا لكن كرسيهو قاعد قلت احسن اشليهم بسرعه وبعدين امي تكلمو جريت الكرسي بتاعو وطلعت فيهو وبقيت أحااول شب في الشجره عشان الحق محل الليمون لحدي م لحقتو بقيت اشيل في الليمون وعااين كل خمسه دقايق عشان كان جا اجري بيتنا طوالي عاينت في اتجااه بيتنا بالغلط لقيت الاسمو عمر ده بره في الحوش بتاع الديوان بتناعنا وبتكلم بي التلفون وبعاين لي باستغراب نظام بتسرقي🐸🌚💔.....

*- ولسه متفقين، انو مافي أحلا من إرتباك البداايات🖤🖤.*

*اشوفكم💙*

*#رغم_اعاقته_كان_ملجئي{{05}}*♥️

*By: Mäyämin Åhmëď*

عاينت في اتجااها بيتنا بالغلط لقيت الاسمو عمر ده بتكلم بالتلفون في الحوش وبعاين لي باستغراااب نظام بتسرقي🐸💔حمرت ليهو ورجعت اتم بااقي سرقتي اقصد شغلي🐸👊💔كان اسمع صوت عمو محمود بقول اصبري لي يا حراميه مسكت ليموني قوي وعااايزه انزل من الكرسي وبعاين ليهو وهو جااي علي وقعتا وقعه لمن شلوفتي دقت الواطه وليموني اتشتت خميتو سريع وقمت علي حيلي وجريت علي البيت😂💔وهو سااكيني بالعكاز دخلت جوا شكلو هو رجع بيتهم انتضفت كدا لقيت الاسمو عمر ده قدامي وبضحك في منظري حمرت ليهو ومشيت أديت امي الليمون قلت ليها سااكني بالعكاز لمن وقعت🐸😂💔قالت لي الله نجاك وإلا هسي كنتي في خبر كانهه امي عملت العصير وادتني اوديهو ليهم ضيفتهم اليوم كلو قضينااهو ونسه بالمغرب كده مشيت رتبت ليهم الغرف عشان يرتااحو فيها الاولاد وعمو حسن وابوي كلهم في الديوان وخالتو ومي في غرفه وانا معاي الاء❤تااني يوم كعاده طبعا قمت بدري من سته صباحا وعملت الروتين اليومي ولبست توبي وطلعت بره قشيت الحوش اساسا م كان وسخان شديد بقيت بغرف من البرميل وبرش في الحوش وانا برش فيهو كده م ألقي نفسي إلا وانا برش المويه في زول والزول ده كان عمر🐸💔قال لي انتي غبيه ولا حاجه م بتشوفي انتي؟! رغم أنك لابسه نظارات بس برضو عميهه شوفي هسي مليتني مويه كيف😷👊💔قلت ليهو اسفه م شفتك قال لي طبييعي م تشوفيني بعد نظارتك دي كلها مش😒💔قلت ليهو م قلنا اسفين في داعي تكبر الموضوع كده م كلها حبة مويه خلي عندك احترام واتقبل اعتزر الناس😐👊💔عاين لي من فوق لي تحت وقال لي احترام؟؟!!تعااالو شوفو منو بالبتكلم عن الاحترام الحرامية بذات نفسها امباارح تسرق في الليمون والليله جايه تتكلم عن الاحترام☺😒👊ولا انتظرني اتكلم طوالي ساق كرسيهو وفاات غااظني كيف الحيوان ده تابعت باقي شغلي ومشيت جوا لقيت خالتو حنان صحت كبيت ليها شاي وقعدت معاها قالت لي اصلا بتصحي بدري كده قلت ليها ايوا عشان بكون عندي شغل قالت لي كويس والله م قولتي لي حابه تقري شنو قلت ليها طب ان شاء الله قالت لي حلو❤تاني صحت الاء قعدت معانا قالت لي الليله عاوزك تفسحيني في البلد قلت ليها سمح بعد الفطور نمرق قالت لي طيب اتفقنا بعد فطرنا سقتها هي ومي وكلمت براءه تلاقينا اتلاقينا مع براءه ومشينا اول شي الحواشه وتاني البحر قالو إلا يتصورو بتلفوناتهم عاد م تلفونات قايلنهم زي الربيكا بتاعتنا كاميرا م فيها🐸💔اتصورنا نحنا كمان معاهم ورجعنا بعد اليوم المتعب ده بالمغرب كده طلعت السراير بره وفرشتها وعملت شاي المغرب وناديتهم قعدنا كلنا سوا أثناء قااعدين كده اعمامي كلهم جو بي حريمهم استغربت شديد من انهم جوا كلهم سوا بس مشيت الموقف عاادي عمو حسن قال لينا طبعا يا جماعه انتو كلكم عارفين نحنا جينا من الخرطوم اساسا لي إلا انتي يا ميامن بس أحس انو جا الوقت المناسب عشان تعرفي قبل م ابدء الموضوع عايزك تفكري كويس حتى تديني رايك م تستعجلي نهائي في الرد طيب نحنا جينا هنا عشان نطلب يدك لولادنا عمر انا لمن سمعت الكلام ده قلبي بقى شغال يدق دق دق مصدومه شديد كيف يعني اعرس ومنو عمررر💔خالتو حنان قالت لي اي عاارفههه انك مستغربه من الكلام ده بس قبل تردي ممكن اتكلم معاك علي انفراد قلت ليها حااضر وانا زااتي م عرفت كيف نطقت الكلمه دي مشينا منهم شويه قالت لي طيب ح ابدء ليك لما امك كلمتني انك عاوزه تقري في الخرطوم بس ابوك رفض بحجه أنو م معاك زول هناك وكده انا استغليت الفرصه دي وخطبتك منها لي ولدي عمر لاني عاارفاك كويس وعارفه اخلاقك ومتااكده اني م ح القى واحده مناسبهه لي عمر اكتر منك وم تصدقي أمك فرحت كيف وكانت مبسوطه لأنك ح تقري في الخرطوم وده حلمك❤اول م عرضت الفكره علي عمر كان رافض رفض نهائي انتي عارفهه انك البت الواحد وعشرين الأنا أعرضها عليهو وهو يرفض💔تقربيا اصعب فتره مرت علينا قبل اربعه سنين لما اتصاب في رجلو وبقى م بيمشي وقتها هو انهار كليا وبقى عمر غير عمر الي نحنا كنا بنعرفو دايما حااصر نفسو في غرفتو وم بيمرق منها م بتذكر متين اخر مره عمر اتنونس فيها معانا جبنا ليهو كمم ممرضه عشان تتهم بيهو بس هو م كان راضي وأي زول بساعدو في حاجه بعتبرها شفقه منو💔لكن تعرفي شنو حتي هو وبالحاله دي حاول يصلح من نفسو لحدى م اشتغل وبنى بيتو وجاب بت تتشتغل ليهو في البيت وعايش بعيد مننا عارفهه من اربعه سنين انا م شفت ضحكت ولدي بتمني لو في يوم ارجع اشوفها قبل اموت💔💔حااولت معاهو كتير عشان يقتنع يتزوجك وزعلت منو حتى رضى يتزوجك وقال لي دي اخر بت وإذا رفضتت تاني م تفتحي معاااي موضوع الزواج ده نهائيا املى كلو معتمد عليك يا بتي مستقبل عمر في يدك أنا زيي زي اي ام نفسها تشوف ولدها مستقر وعندو اولاد وزوجه زيك كدا عليك الله م ترفضي يا بتي اتخيلي امك في نفس الموقف ده💔وانا بسمع في الكلام وقلبي بدق بسرعه وم عارفه أرد بشنو وغير كده كلامها كلو وجع ودموعهااا في طرف

عينها وشكلها وهي ببتتكلم والوجع الظااهر في حروفها طبعا اكيد م ح اقدر ارفض في الموقف ده وكمان اتذكرت امي لمن قالت لي انو في موضوع ح يتفتح وعاوزني أوفق وانا كماانن وعدتها اني ح اوفق متااكده أنها م عايزه غير مصلحتي قلت ليها طيب يا خالتو الجواب البجابوهو اهلي انا معاااهو قالت لي وأنا متاكده انهم مواقفين لكن ورح عليهم❤رجعنا ليهم قالت ليهم انتو رايكم شنو يا سااميه وأحمد قالو ليها نحنا موافقين قالت ليهم معاانتو العروس زاتها مواقفه لمن شفت الفرحه في عيون امي نسيت كل حاجه❤واتفااجت أكتر لمن عرفت انو اعمامي كلهم كانو عارفين بالموضوع ولا كمان موافقين❤عمي الفاضل قال ليهم طبعا يا جماعه زي م انتو عارقين انو نحنا م عندنا فتره إسمها خطوبهه او حاجه بالشكل ده بكره الجمعه نعقد طوالي إذا انتو بالجد دايرين البت وشارينها وم عايزين اي حفله بس العريس يسوق عرستو وخلاص عمو حسن قال ليهو طوالي ونحنا كمان م عندنا م مشكله بكره نعقد ابشر بالخيرر وبعد بكره ح نرجع الخرطوم قال ليهو عديلهه تب امي قاامت تزغرد وخالتو كمان زغردت عمر ده بس بعاين وسااكت💔تقريبا انا في اللحظه ديك كل الحاسه بيهو عباره عن صدمهه م اكتر حاسهه انو ده حلم وبكره ح اصحي منو بس للاسف دي الحقيقه يعني بكره ح أكون مرت راجل أنا حتى م بعرفو كويس💔دخلت الغرفه قعدت في السرير وبقيت ابكي على حظي واليوم الكلو مفاجاات زفت ده😭💔امي جاتني لقتني ببكي قالت لي م تبكي يا بتي ومسحت لي دموعي وقالت لي بعدين احسن م اخترتي يا بتي انا كده يادب ح أكون مطمنئه عليك لأنك ح تقري وكمان جنب راجلك حتى لو مت م ح اكون خاايفهه عليك صاح ماف فرصه اجهزك زيك زي اي عروس بس لي كلو خير❤حضنتها وبكيت قلت ليها م تقولي كدا انتي لسه ح تعيشي لمن تزهجي وانا ببكي لاني م متقبلهه فكره اني ح اكون بعيده عنك ح اشتاق ليك شديد يمه قالت لي حتى انا يا بتي بس نعمل شنو دي سنه الحياه وناس مهاد وحسام جونا في نفس الليله ديكك طبعا الليل كلو م نمت بفكر في الح يحصل بكره ده وكيف بين يوم وليله حيااتي اتغيرت كليا💔نمت والدموع في طرف عيني صحيت بصوت براءه وهي بتكورك قالت لي يعني ح تعرسي وم تكلميني لي كده وبعدين مش انتي عايزه تقري وتتحققي أحلامك كيف واقفتي؟؟!وانتي من بتين بتعرفي العريس عشان تواقفي ميامن وريني انتي بتعملي فشنو بالظبط كدا؟!طبعا انا لمن أكون في لحظه ضعف واكون ببكي لازم احضن زول واتم بكيتي صااح😂❤قلت ليها براءه ممكن احضنك؟!قالت لي ايوا طوالي حضنتها وبقيت ابكي قالت لي ميامن مالك يا بت قلت ليها ما في يدي حيلهه يا براءه م عارفه هل هو ده الخيار الصحيح ولا لا انا ضاايعهه😭💔قالت لي أحيانا في قرارات بتكون في نظرنا غلط بس هي في الحقيقه اكبر صاااح نحنا ممكن نعملو في حياتنا وربنا اكيد كاتب لينا الحاجهه السمحهه ومع الوقت ح تعرفي ربنا لي ختاك في الموقف ده بالذات وبعدين انا برضو بشوف أنك عملتي حاجه كويسه بي أنك واقفي تعالي نركز علي الايجاابيات وننسى السلبيات طيب اول شي ح تمشي الخرطوم وتقري في الجامعه الانتي عاوزها وحتى ح تحققي حلمك بس انا كمان في راي انو غلط كبيير انك تواقفي لأنك م بتعرفي الزول الح تعيشي معاهو كويس بس اكيد ح تعرفيهو مع مرور الوقت وربنا م بسخر لينا الحاجه إلا لي خير💔قلت ليها زي م قلتي مع الوقت ح اعرفو قالت لي كلو لي خير دخلت الحمام وطلعت لقيت امي في الغرفه قالت لي ضربت لي الحنانه عشان بعد شويه تجي تحننك قلت ليها انا م عاوزه أرسم رجليني يديني كفايه قالت لي معقوله يا بتي قلت لي عليك الله يا امي م تناقشيني في الموضوع ده انا حااليا م لي خلق ارسم💔قالت لي طيب رسمت يديني بس بعدها غسلت الحنه وبقيت افتش في الدفتر بتاعي قلت لي براءه وين الدفتر بتاعتي شوفتيهو؟؟!!قالت لي لا لا قلت ليها طيب ح أمشي اسأل أمي منو قالت لي جااده يا بت في ناس بره في الهول قلت ليها بمشي بي باب المطبخ التاني مشيت بهناك لقيت امي وعمتي في المطبخ عايزه أدخل كده سمعت عمتي قالت لي أمي يعني خلاص قنعااانين من بتكم لي درجه تعرسو ليها واحد مشلول هو لي نفسو م قاادر يمش ويتحمل مسؤؤليتو قولتك ح يقدر يتحمل مسؤوليه بتك وم قولتو دايرين تخلوها تقراا فلقتونا بي قريتها دي😶💔كنت عايزه أرد ليها كده بس امي قالت ليها بتنا عمرنا م بنقنع منها متى م احتاجتنا بتلقاانا وم تقولي عليهو مشلول يعني شنو لو هو معااق الاعاقه م عيب لانو ده حكم ربنا وهو عارف مصلحه بتي شنو واكيد كلو لي خييير وبعدين هو لو م بقدر يتحمل المسؤؤليه م كان وافق علي العرس ده وبعدين هو رغم اعاقتو دي شغاله وبنى بيتو ومتاكده انو م ح يحوج بتي لي شي وربنا كريمم وبتي كدا ح تقرأ اخيير من انها تترمي ليها مع واحد هنا وم يقريها😊♥عمتي لوت ليها خمشها وطلعت😒💔قلت ليها أمي قالت لي انتي هنا من بتين قلت ليها قبل شويه قالت لي م تهتمي لي كلام عمتك قلت أيها اصلا م شغااله بيها بس شفتي دفتري وين وصفت لي محلو رجعت الغرفه وشلت الدفتر بتااعي الظهر كده

براءه لبستني توب وقالت لي عاوزه اخت ليك مكيااج قلت ليها م يكون تقيل عملت لي مكياج خفيف مشيت الدولاب لميت ملابسي وجبت كل القروش الجمعناها من الكوافير وقسمتها اديت براءه حصتها وادخلت حصتي شنطتي قلت احتمال احتاج ليهم وختيت دفتري البحبو استحالة انساهو قلت ليها دي شنطتتي قالت لي بمناسبه شنطتك دي امك ختت ليك التيااب ديك وقالت ليك شيليهم شلتهم ودخلتهم الشنطه قالت لي سبحاان الله عرس ذي عرسك ده نهائي م شفت عروس لا راسمه غير يدينها ولا مدخنه ولا عندها شيله لكن عندها عريس لقطه وبعلي انا منو سماحه تلخم🐸💔قلت ليها وانتي شفتي وين قالت لي قبل شويه شفتو واي حظكك يا ميامن😭❤عاينت ليها بطرف عيني وسكت منها قلت هسي العاجبها في الحيوان داك شنو ادتني توب قالت لي ده مني ليك قبيل مشيت مع امي اشترينهو ليك قلت ليها شكراا حبيييتي م بتقصري❤بعد شويه سمعنا الناس بتقول عقدو والحريم بزغردتو انا بس بقيت ابكي تقريبا دموعي خلصت كلها في اللحظه ديك يعني بين يوم وليله لقيت نفسي في زمه راجل💔امي جات تبارك لي والضيوف برضو جوا وأنا بس شغاله ابكي دموعي نهائي م وقفت😭💔بعد الناس خفو شويه من الغرفه امي جات قالت لي براءه عمر عايز يشوفها ويبارك ليها قالت ليها طيب طلعت انا كنت قاعده في السرير عمر جا داخل الغرفه و وقف كرسيهو جنب السرير قصادي طوالي وقريب لي قال لي انا عااارف أنك مجبوره علي الزواج ده زي م انا كمان مجبور بس عشااان امي انا واقفت اتزوجك نحنا الاتنين م لينا دخل في الحصل ده قدر ربنا من هسي بقول ليك انتي حره في حياتك وانا كمان بعد نرجع الخرطوم ح نمشي بيتي انا م ح نقعد مع ناس امي اي زول ح يكون في غرفتو الخااصهه بس ح نعمل نفسنا مبسوطين قدام الناس وخصوصا اهلي واهلك وح تتمي بااقي قرايتك وانا م لي اي دخل فيك بس اي زول وليهو خصوصيتو وانا ابدا م معتبرك زوجتي نهائي لاني اساس م معتبر المهزله الحصلت دي زواج💔ح نعيش كاننا اخوان وم تخاافي م ح أقصر منك في حاجه واذا احتجي لي اي حاجه ح اساعدك غير كده لا وإذا م عجبك الوضع بعد اربعه خمسه شهور نطلق عاادي ده كلامي معاك مواقفه💔عاينت ليهو وسكت قال لي اعتبر من سكوتك أنك مواقفه علي الكلام ده في قلبي قلت دي أحسن حاجه عملها معااي كده اداني راحتي وزي م قالت أمي كلو لي خير💙....

*- إن الله يجمعنا بالطيبين دون سعي منا فالقلوب على نقائها تقع💙💙.*

*اشوفكم💙*

*#رغم_اعاقته_كان_ملجئي{{06}}*♥️

*By: Mäyämin Åhmëď*

براءه دقت باب الغرفه وقالت لينا اطلعو الناس بره عايزه تبارك ليكم غسلت وشي وطلعنا انا وعمر انتهي اليوم الكئيب ده💔بليل كنت نايمه مع امي في غرفتها قالت لي عاوزه اقول ليك يا بتي راجلك ونسابتك ديل تتحرميهم وتختهيم في رأسك وم تقصري منهم وخلي بالك من راجلك وبيتك وكوني مجيهه طول الوقت وخلي بيتك نضيف دايما ومتي م جوك ضيوف استقبليهم أحسن استقبال قلت ليها حااضر يمه❤قالت لي الليله آخر يوم لي معاك يا بتي ح افقدك قلت ليها انا أكتر وحضنتها تاني اديتها التلفون الربيكا قلت ليها خليهو معاك كل م تشتاقي لي وتلقي شبكه اضربي لي في رقم خالتو حنان هو مسجل هنا لانو المره الفاتت ضربتي ليها منو سمح قالت لي سمح يمه❤تاني يوم بعد الفطور قالو بعد كده نمش ودعت أهلي كلهم قلت ل براءه لمن تجي الخرطوم لي الجامعه ح اشوفك قالت لي طيب نتلاقي هناك❤اتحركنا طبعا هم اساسا جاين في شريحه السايق مصطفي ومعاهو عمو حسن قدام وانا والاء في كنبه قصادنا مي وعمر وخالتو حنان في كنبه براها ورا آخر شي اتحركنا وخالتو حنان خلاص نامت وديل اي واحد شغال بتلفونو الا انا قاعده جنب الشباك وشارده وبفكر كيف ح أعيش في بلد انا م بعرفها مع واحد غريب اسمو راجلي💔وكيف ح أقعد بدون امي واهلي لدرجه دموعي جات جاريه مسحتها بسرعه قبل م زول يشوفني😭💔وانا بشوف في قريتنا لاخر مره لحدي م طلعنا في حته كدا كلها اسمنت شكلو ده الزلط فجاه داخلنا علي حتاتت كده كلها عمارات وبنايات عاليه وزحمه وجوطه في الشارع وكلو كنت مخلوعه شديد من المناظر الأنا بشوف فيها أي صاح نحنا جينا الخرطوم بس الوقت داك انا كنت شافعه في سنه تانيه اساس اكيد ح أستغرب وانا بشوف في الحجات دي😂💔واقفنا قدام بيت كده عالي عباره عن متاهه م شاء الله عماره كبيره كده عمر قال لي ابوهو نحنا ح نمش طوالي بيتنا مصطفي ح يوصلنا ابوهو قال لي خشو علي البيت اقعدو لي بكره امشو قال ليهو لالا أحسن نمش الليله قال ليهو طيب يا ولدي ربنا يعدلها عليكم قال ليهو امين يا رب❤اتحركنا تاني لحدي م وصلنا حته كده جميله شديد بيوتها كلها حلووه وقفنا قدام بيت بيجي بي بني تركيب البيت زاتو غريب حاجه في منتهي الروعه جا مصطفي فتح الباب قال لي انزلي نزلت وساعد عمر ينزل وقعدو في الكرسي بتاعو ونزل لي كمان شنطتتي عمر قال ليهو تسلم ياخ❤قال ليهو العفوا يلا بعد كدا انا بستاذان عمر قال ليهو خش أشرب ليك حاجه وامش قال ليهو لالا والله المره الجايه ماشي ارتاح في البيت طوالي قال ليهو طيب ودعنا وفات والاسمو عمر ده ساق كرسيهو وفات وأنا واقفه في حتتي بعد شويه انتبه لي اتفلت علي وقال لي ست الحسن مستنيه شنو ان شاء الله؟! م تتحركي واقفه كدا زي الصنم ولا راجيني اجي اشيلك😐💔قلت ده شنو السخيف ده كريت شنطتتي ولحقتو فتح الباب ودخلنا البيت كان نضيف تقول قاعد فيهو زول قال لي طيب ديك ح تكون غرفتك ودي غرفتي لكنن نهائيا م ألقاك جنبها فاهمه☺😒💔قلت ليهو طيب مشيت علي الغرفه كانت سمحه خلاص كبييره دي تشيل ناس البلد كلهم🐸💔ولا السرير كاابير شديد والعجب الدولاب ده بدسا فيهو عديل🐸🌚👊رتبت ملابسي ولقيت وتواليت انا اصلا جبت معااي مكيااجي كلو مع إني م بعملو كتير بس بحب المكياج شديد ممكن أضيع قروشي كلها فيهو بس م بعملو ختيتو في التواليت قلت امش استحمي واجي انوم شلت لي بجامه وطلعت بره الغرفه م عرفت الحمام وين مشيت علي غرفه عمر دقيت الباب قال اتفضل دخلت وقلت ليهو ممكن اعرف الحمام وين؟!قال لي طيب وصفو لي ولا قلت ليهو شكرا🌚💔طوالي خشيت الحمام عاد لكنن هو م حمام تقربيا قعدتا تلاته ساعات في الحمام شدة م سمح والصابونه زاتها قربت تكمل😹💔حمام يخليك تشتهي انك تعيش فيهو طلعت من الحمام ونمت م صحيت إلا العشاء لبست توبي وطلعت بره كنت جعانهه شديد فتشت البيت كلو حتى لقيت المطبخ فتحت التلاجه كانت مليانه بس م عرفت أكل شنو😹🐸💔لمحت فوق رأس التلاجه كرتونه بتاعت اندومي طوالي قبلت عليها شلت كيسين اندومي عملتها في النار وطلعت بره الصاله فتحت التلفزيون وبقيت احضر بعد انتهيت من الأكل غسلت العده ومشيت تاني نمت اصلا بطبعي نوامه🌚👊بعد يومين من الكلام ده كنت قاعده في الصاله وكعاده بحضر في التلفزيون اساسا م عندي شغله غيرو هو والاكل باب الشارع ضرب مشيت فتحتو كانت دي بت شابه كدا قالت لي انا جيرانكم المقاصدنكم ديل قلت ليها يا اهلين اتفضلي دخلتها وضفيتها بقتت تنونس معاي اسمها رزان طلعت معرسه وعندها بت عمرها تلاته سنين واخير لقيت زول اتكلم معاهو كنت حاسه نفسي عايشه في غاابه🐸💔قعدت معاي وقالت لي زورينا قلت ليها ان شاء الله حتي بعد داك رجعت بيتهم مره شهر رزان بقت فردتي دايما بتجيني ومع بعض مرات بمشي ليها حتى يوم الجمعه بنمشي نشتري الخضار سوا هي علمتني الطريق بي وين ومركب مواصلات شنو وكدا لكن دايما بنمش سوا😂♥احلى جااره والله في الشهر ده م قاعده ألمح عمر كتتيير بكون دايما في المكتب بتاعو