#تناهيد_القلب ❦26❦

#بقلم:وعد_معاويه 💛


رابع يوم حتي مشتت اول م وصلتت م قعدت اصلا فون المكتب رنن رفعتو جاها صوتو بقول:ثانيه والقاك فوشيي
رفعت حواجبها وقامت بتقول الله يستر
مشت دخلت توووش
مراد:الله الله يخ كان تسيبيها اجازه مفتووحه ولا المدير راجلك قررة عينك م كان تجي
ربعت يدينها:راجلي!! الفهم دا م عندي لو سمحت ولو م عارف الظروف م تتكلم
وقف وج عليها ببطء لحد م وضلها دخل يديه فجيوبو وقال:مهما كان الظررف لو جاك ملك الموت تقولي ليه دقييقه اتصل للمدير واعتزر ع عدم جيتي بعداك استلم امانتك
اخدت نفسس هي صح غلطانه بس ح تتهزمم؟!!!
جوري:واذ رقم المدير م عندي!!
ضحكك وتاني عمل وضع الحديه وقال:بتغشي فتفسسك يخ قبل تلات ولا اربع ايام م اتصل ليك!!!
جوري:براك قلتها تلات او اربع ايام يعنيي اكيد م ح اقغد افتشش
مراد:محسساني عايز تفتيش+اكيد عندك رقم خد من الهنا الح يقدر ياخد ليك اذن
جوري:اذ خلصت ممكن انصررف يحضره المدير!!
صلح ساعتو وقال:قهووة
ومشي قعد فكرسيه وهي جااره ليه نوور
طلعت لقت ساره غوشها حضنتها شديييد قالت ليها ارجيني فالمكتب ومشت جابت القهوة ورجعت لسارره دقوها ونسسه وشمااراتت
لاخر الدوام جوري رجعت البيت نامت ساعتين كذا وصحت بفونها بررن ردت وكانت وئامم
جوري:المختفيين
وئام:انا ولا انتِ؟!!
جوري:الاتنيين خبررك يخ
وئام:الحمد لله بسس فبيتك؟!!
جوري:مع ناس ماما
وئام:اهاا وراجعه متيين؟!
سكتت شووي حتي قالت:م معررف والله ليه!!
وئام سكتت
جوري:لخص فاادي!!! م اتصافيتو للحظه!!!
وئام بضييق:لااا م اتصافينا
جوري:تعالي هنا ناس ماما
وئام:يخخ بصرااحه م بقدرر اريح بيتكم اقلاها مراد نفسو بكونن مفف
جوري سكتت شوي حتي قالت:والله م عاررفه يوئام
وئام:لو تلات ايام برحاك م مشكلها اخدي قعدتك بس اكترر ح انتحررر والله
جوري:بعدد الشررر+تمااام لبكرره بتصل علبيك
قفلت منها وقامت غسلت وشها وقالت البنت مهموومه شدييد ظاهر عليها يجووري زفرت بضييق ومشت جهزت الاكلل
ومشت صحت جود وجمال النايمين
بعد خلصو اكل جمال ساعدها فالترتيب ومنها مشو يذاكرو مع بعض
تاني يوم جوري مشت الشركه رنفس الروتين الفرق هي ونراد م كان ف بينهم اي كلام حتي بخصوص الشغل بأشر ليها بسس رجع الباردد الم بتكلم دااك
اخر الدوام اتصلت لوئام لقت صوتعا منتهي شدييد
م قدرت فقالت ليها:طيب اتحركي نتلاقي فالبيت
وئام:لو عايزه تقعدي مع ناس امك م مشكله
جوري:لا م اختلفنا يلاا
قفلت وبقت واقفه بره الشرككه م عارفه تعمل شنو اقلاها لو المفتاح معاها كان مشتت
ف وقفتها دييك ج ماري فيها م شافها اصلا مشي ع سيارتو واتحررك
جوري:بلا كذا امشي سااي كدا كدا ح يكون مشي هنااك
فعلا اتأخرت شووي لحد م ركبت مواصلات بس وصلتت
ضربت الباب وقفت مسااافه م ج
زهجت ختت يدها فالجررس وحلفت ترفعهااا اظن عشره دقايق حتي ج طالع مبلوول شدييد وشعرو اثار الشامبو فيه
منظرو كان بضحك ابتسمت بهدء
مراد وعيونو شرار:لا اضحكي بالمرره دا شنو هسي!!!
جوري:زح من وشي ادخلل
مراد:اعتزري بعدها قولي زح من وشي
وربع يديه
جوري رفعت حاجب:عادي بقيف ساعه ساعتين بس انت ح تلتهب والشامبو عامل شغل طبعا
مراد:م هاميني+ف بني ادم م ناوي يجي هنا تاني اساسا م عارف الحصل شنو
جوري اتغاظت سكتت شوي حتي قالت:م جايه علشان سواد عيونكك اصلا
مراد:عاين ليها فعيونها شدييد وم اتكلممم فضل مربع يديه
جوري لمن زهجت قالت:فزت انت احييك
وقبلت كانت عايزه ترحع تنتظر وئام تخت العماره بس اتصدمت لمن جراها من يدها ودخلها
جوري بعصبيه:سااطلها انت!!!
مراد:سطلتها لمن شفت عيونك
جوري اتجمدت وبقت منططه عيونها اجيي يالتبش البقي بمش
م وقف كتير اصلا ودخل غرفتو
جوري قالت م ح يهزك كلامو دا اصلا ساطلها جد جد
دخلت غرفتها غيرت ورتبتها ومشت بقت بتجهز فاكل وعصيير وكذااا لحد م الباب ضررب وجات داخله وئام
طلعت بإبتسامه لقيتها حاضنها مراد وبتبكي
مراد:رووقي يبت
جوري جات وقفت وقالت:وئام؟!!!!
وئام بعدت من مراد ومسحت دموعها وقالت:اسففه بجد م عارفه مالي بس م قادره اتحكم فنفسي
مراد ضغط ع راسو:ادخلي طيب
عاين لكوري مساافه شبه فهم هي ليه جاات
جوري مسكتها وقعدو فالصاله وئام ختت راسها فرجول جوري
جوري:لسه انتِ وفادي!!!
وئام:يخخ تعبت من السفه الحاصل بينا يخ اقلاعا كنا بنتكلم كلمتين عن الاولاد بس هسيي حفظ كل شي انتهي الكلام بينا
جوري:م تظهري ليه انو فارق معاك خاالص
وئام:بمثل ف دا اساسا بس م قادره
مراد ج قعد قصادنا وقال:وئام من الاخرر كذا انتِ م عملتي لفادي حاجه توصلو لكل دا!!! لوو م عملتي وواثقه وحابه تتطلقي هسي امش اضربو ليك لحد م يرمي اليمين
وئام بكت اكترر:م عارفه يخ وم عايزاه يطلقني

مراد:مش قبل فتره فمكانك دا قلتي ليه طلقني!!
وئام:انت بتستعبط صح!!!
رفع اكتافو:انتِ الم واضحه
وئام:يخ كلنا كذاا لمن نحس كرامتنا ملموسه بنقول عايزين نطلق لمن م نقدر نواجه بنقول عايزين نطلق لمن نحبب وم نقدر نعترف ونواجه الحب دا بنقول عايزين نطللق لمن...
وسكتت
مراد بقي بعاين لجوري ومثبت نظررو فيها جوري حاسه بنظراتو المقتحماها دِ فعملت رايحه
مراد:حلوو
وقف ع حيلو مشي فتح الباب ج داخل فاديي
وئام وقفت بربكه وبقت بتعاين لمراد
مراد قفل الباب:الموضوع دا لازم يتحل اليوم لو نهايتها تنفصلوو المهم ترتاحوو والمهم دموعك دِ تقييف
وئام:يخخ م عاايزه اشووف وشو حتيي بس اط..
فادي قاطعها:عسجدد
وئام ودموعها نازليين بقت بتعاين ليه
فادي زفر بضيق وج لعندها وقف قصادها وقال:م عارف اصلا اعتزر احكي م عارف اعمل شنو بس وئام يشهد ربي بحبك اكتر من نفسي والحصل دا نتيجه الحب اساسا الحب بعذبب
وئام بقت بتضرب فيه فصدرو وبتقول:كذااب مناافق لو بتحبب م بتعمل كذاا والله منافق م بتحبني ولا عمررك حبيتني
وانهاارت شدييد
جوري قربت تبكي من المنظر مشت وقفت جمب مراد وضغطت ع يدو شديييد

فادي حضنها بالغصب كانت بتقاوم وبتبكي وقال:اسف خلااص رووقيي علشان تعرفي الحاصل وبعدين احكميي لوحدك
وئام:مهما الكان حااصل م اظن يوصلك لهنا فزحح مني بس
فادي:وئام نحن اكبر من كدا صح!!
وئام:عمرنا م كنا كبارر بحركاتك دِ
ودفرتو شدييد وجات وقفت ورا مراد وقالت:بس طلعوا من هنااا بسس
مراد قبل عليها:ج علشان يوضح ليك سيبي المكابره دِ
فادي:سيبني احكي وبعدها لو عايزه تضربني تقتليني برااحتك والله
وئام:م عايزه اسمعكك انا اطلععع بسس
جوري:وئام روقي واديه فررصه يوضح لييك
وئام:حتي انتِ معاهم يعني!!
مراد:مف زول مع حدد بس انتِ اديه فررصه وانا فصفكك ومع قراارك صدقيني
فادي ج لعندها ومسك يدينها:يعمريي بلييز
وئام عاينت لجوري
جوري حركت ليها راسها
مراد اشر لفادي ومسك جوري من يدها وقال بهمس:تعالي نسيبهم شووي
طلعو بهدوء والمره دِ ركبو السياره مراد اتحررك كمان
جوري:دا شنو!! ماش وين
م ردد ولا كأنها بتتكلم
سكتت وبقت بتعاين قداامها لحد م دخل بشاارع جووري كانت وااثقه شافتو فمكانبقت بتحاول تجممع لحد م وقف قدام فله
جوري:المكان دا شفتو وينن انا؟!!!
مراد كأنو يداال انتبه عاين ليها واتحرك بسرعه:وقالل بتخييل ليك
مسكت يدو وقالت:اقييف بليييز
وفتحت الباب بسرعه ف انحبر يقيف نزلت ووقفت قدام الفله وبقت بترااقب وبتحاول تجمع لحد م في دمعه حااره نزلت ع خدها مسحتها بسرررعه ورجعت علشان تركب
ج وقف فوشها وقال:عرفتي المكان دا؟!!
جوري:عرفتو بس م عرفت انت ليه جايبني هناا
مراد اخد نفس:ناسي انك معااي والله ومتعود بجي اقيف هناا واستررحع طفولتي
جوري:تمام احييك استرجعت لي انا برضو طفولتي
ونزلت راسها ودموعها نزلو ركبتت وهي منزلله راسها م نفسهاا ترفعو خاالص وتشوف فلة عمها محمودد ولا فلتهمم الجمبها
اتذكررت حاجات كتييره بتحخليها تضعفف وهي م عايزه تضعف قداموو
ركب فحاجه فقلبو تقييله شدييد خصوصا بجدد م قصدو يجي هنا وهي معاه بس قدر الله وم شاء فعلل
اتحررك ووقف جمب مكان هاادي رجع كرسيه لورا ورقد وهو مغمضض عيونو وبحاول يتخلص من كل الافكار الف راسو دِ
جوري لمن لقت دا منظرو دموعها نزلو بغزااره وهي بتتذكرر فبيتهم ابوها ذكرياتهم شغبها ضحكها الكان مالي البيت بكتتت من غيير صووت بكت مطللعه الم ووجع كبيرين شدييد
مراد وهو مغمض!! :احسسن تطلعي الف قلبك اول بأول لانو لو اتراكمو ح تجني
عاينت ايه لقتو مغمضض وم ان فتح اصلااا
مسحت دموعها بسررعه
مراد:خليهمينزلو م تمسحييهم
جوري:اعووذ بالله من الشيطان الرجيمم
ابتسم نص ابتسامه وقال:حركااتك ظاهره اوو بتتحفظ
اخدت نفس وقبلت ع الشبااك وبتحاول تهدي
تقريبا قعدو ساعه الاَّ
جوري:ممكن نرجع؟!
مراد م رد بس اتحررك نزلو مع بعض ودخلو
لقوهم فالصاله بحضروو
جوري ابتسمت لمنظرهم وقالت بهمس:حلويين
مراد:جينا فوقت غلطط
فادي شافهم قال بهدوء:اهليين استوطناا نحن
مراد ابتسم:المهم حلوين ع قول جوري
وئام زحت من فادي ونزلت راسها وهي بتلعب بأصابعها
مراد:دا خجل ولا شنو!! +اها طلااق!!
فادي ضحك:قوول خيير انت
جوري:خليه اختو بعرف يعمل ليها الدايراه بس غيرها لااا
وئام ابتسمت:عايزه تتطلقي انتِ ولا شنوو
جوري فعلا دا كان قصدها وئام وفادي قايلنها بتهزر بس مراد فهمها
مراد:والله الخير فرحة اختي+فكونا من السيره دِ اللي الله لا دخلها بينا تاني ويلا انا جعان بجدد
جوري عاينت ليه بنظرات فهمها هو بس عمل رايح
وئام وقفت بإبتسامه وعيونها مليانين دموع وقالت يلا نعملو طيب
اول م مشو يعملوه
مراد قعد سرحان وفراسو فميه حاجه
فادي:فصراع حاليا بين قلبك وعقلك صح؟!
مراد اخد نفس:م عاررف المهم اولادك وين؟!
فادي عاين ليه وقال:فالبيت
مراد خرك راسو وسكتو

جوري:اهااا
وئام انفقعت بالبكا:والله بحيوو مووت يخخ
جوري ضحكت وضمتها:خلاص حتي ولو بطلي دموع وبكا وفارغه يخخ
وئام اخدت نفس:ع قدر فررحي برجعتنا ع قدر م زعلانه بسبب الحاصل و...
سكتت وبقت بتبكي
جوري م قدرت تهديها خاالص جو بصوتها ديل مراد بعاين بعيونو وفادي مشي ضماها وقال:م ح نتجااوز؟!
م ردت بس واصلت بكاا
مراد ج وقف جمب جوري قال بهدوء مالها؟!!
جوري:م عارفه فجاءة بقت بتبكي وقالت لي ع قدر م فرحانه برجعتنا زعلانه ع وم قدرت تخلص
مراد:وئامم؟!
مسحت دموعها وقعدت فكرسي السفره سااكته
فادي ضغط ع راسو فسكوت
مراد ولا اتفاهم جاب الصحانه الاوردي جاهزه ختاها وقعدو كلهم ممحنين
جوري:وئام خلاص روقي واكلي يلا البكا م ينفع بحاجه
وئام:انا اصلا م عارفه اعمل شنو واخلي شنو
فادي بشوية عصبيه:كل العليك م تثقي فأي حدد الغاشي والماشي تديه سررك وبسس انتهينا
وئام بتمسح فدموعها:م حابة اتناقش معاك تاني فنفس الموضوع بسس.. م بقددر افهم م قادره استووعب ولا اي شي
جوري:طيب روقي وحاولي... يعني..اكلي الباقي هيين
مراد وهو بلعب بالملعقه:يخ خايف اقولها تزعلو بس ستينكم لكن صرااحه دموعكم دِ بشوفها حاجه تافهة جدااا
كلهم بقوا بعاينو ليه هو كأنو متوقع ردة فعلهم دِ ف م اشتغل بيهم اصلا
وئام:ليك حق تشوفها حاجه تافهة بس اكيد فوجهة نظرك م كلنا كتيم بنات بس نوعيه مرتك دموعهم م تافهة خالص صح؟!
مراد خت الملعقه وعاين ليها:لأنو دِ الحقييقه يخ الدنيا م بتستاهل تبكو ع اقل موقف وتخربو بيه مزاجكم ومزاج غيركم
فادي عاين لمراد واشر ليه نظام رووق خلااص
مراد اتصلح:لا م ح اروق دِ الحقييقه وهي تفهم كذا
وئام ودموعها نازلين اكتر:طيب اقول ليك اتخيل احمد صحبك واخوك يفتن بينك وبين مرتك وسبب الفتنه شنو؟! مواقق بتحكيها ليه بذات نفسك وهو ببساطه بغدرك وبحصل الح يحصل
جوري م كانت فاهمه اي حاجه ومراد كذلك اما وئام فكانت بتحكي بوجعع وألم شدييد وبتبكي وصوتها اتبح شدييد وفادي شووي ويبكي هو برضو
مراد:دا شنو هسي
وئام وصوتها بتقطع من البكا:لأنو ببساطة اسيل بتهرفها صح؟!
عاينت لجوري:اسيل دِ طبعا مش صحبة عمري وبس يخ فمنتهي الخووة متخييله؟! المهم هي ببساطه رسلت لفادي برقم غريب قبل فترره كنت مع واحد زميلنا فادي م بطيقو وهو قال انو محتاجني فحاجه ضروري وقرب يبكي لي ببساطه مشيت استشرت اسيل وكذا ومشيت ليه موضوعو كان عايز بنت وهي صحبتي وبتاع اظبط ليهم اسيل ببساطه رسلت لفادي وكذا دا سبب اول نقاشش فادي مررو وانا م حكيت ليه الا هسي
مراد:اها وبعدو
وئام:حصلت مواقف كتييره بتخاول تخررب فالنهاية وصل بيها بقت بتفبرك فالصور ويعني حرفياا انا م عارفه مالها بتحاول توصل صوره سيئه لفادي عني... وابمصيبه هي كانت اختي ومصدر كل شي وبالاخص كوني فبلد غريب وم عندي غيرها
وانفقعت بكااا
جوري اتهزت شدييد الغدرر كعبب ؛ كعب شديييد
فادي طبطب عليها شويوقال:ح نتخطي م بتستاهل تزعلي عليها كدا
وئام:لا بتستاهل يخخ لانها.... بجدد حاجه كبييره شدييد عنديي
مراد اخد نفس:م تختي قيمه لحدد تاني الحياة مدرسه دروسها قاسيه وعليك تتعلميي من اول درس
وقاام بسررعه ملامح وشو حرفيااا م بتتقابللل خاالص
فادي بقي بهدي فوئام وحوري م فاعمة اي حاجه قامت ببطء ودخلت غرفتها وقفت فالبكونه بتاخدد انفاسها وبتفكرر فالحااصل لحد م جاتها لحظه ادراك لكلام مرااد:دقيييقه هو قصدو بعليك تتعلمي من اول درس ابوه؟!! م هو اللي غدر بابا بإعتبارو وبابا كان روحو وكلل شي حرفيااا نزلت دمعه حااره شديييد منها مسحتها بسرعه ومشت قعدت فالسرييرر سرحاانه لحد م حاتها وئام عيونها منهية حضنتها وقالت:مشيناا نحنن
جوري:لييه بسس يخ اقعدو الليله دِ
وئام:اميير والوو م بقدرش ع فواقهم
جوري:اخخ نسيتهم بسس بجد ومن غير كذب ح اجي اسوقهم يومين تلاته ونسيبكن انتو فترة نقاهة
وئام ابتسمت نص ابتسامه:ان شاء الله
طلعت معاها لقت مراد واقف مع فادي جمب سيارتو
جوري وقفت فالباب اول م اتحركو جو داخلين مع بعض
مراد:عندي ملابس عايزه غسيل بكره اتصلي ع البنت البتجي وم تمشي الشركه او م واثقه فيها ارجيها
جوري:يكره وانت ماش ع الشركه نزلهم فبيتنا اصلا راجعه
مراد:ارجعب بعد تغسلهم
جوري:راجعه هسيي م اطن بستأذن منك يعني
مراد:وتقريبا بفرض فراي عليك انا
جوري:ودا اي رااي؟!!
مراد:ببساطه خطوه م ح تتخطيها من هنا فالوقت دا
جوري عاينت ليه ومشت غرفتها
لبست عبايتها وكل شي وطلعت لقتو خالف رجل ع رجل وبحضرر م فكرت تعاين ليه حتي ومشت ع الباب حاولت تفتحو مية مرره رفضض يفتح خاالص زهجت شدييد حتي ركزت انو مقفول مشت ع مراد وقالت بعصبيه شدييده ومن غير م تحس:افتح زفت الباب دا يخ م ليك الحق تحبسني هنااا

مراد وقف:عايزه اخليك تمشي الساعه وحده صباحا بيت اهلك!! دا معناه شنو بس وريني؟! والله اولها نقص فرجولتي
جوري ضحكت بإستفزاز وفجاءة عصبت اكترر:رجوله؟! يخ الرجوله ماتت فكرري فم تشبكني رجولتي وزفتيني
مراد ضغط ع سنونو شدييد :لو اتناقشت معاك ورربي ح اتهور فاحسن اتجاوز
جوري بإستفزاز:فعلا اتجاوزز يراجل
ج عليها مف مسافه بقت وقال:لو بتحاولي تقيسي فأعصابي وررربي بتلعبه لعبه م قدرك فطيري من وشي
جوري:افتح الباب
مراد ببرود:يعني انتِ هسي متخيله فالوقت دا ح افتحو واسيبك تمشي لوحدك او مثلا لو ح اوديك البخليني اوديك فالزمن دا لأمك شنو؟!!
جوري:يخ حررفيا م عارفه اقول شنوو بس بكررهكك
مراد ابتسم اقل من ربع ابتسامه:شعور متبادل
ومشيي لمن اتحاوزها حاولت تستفزو م تكون هي المعصبه وهو البارد فقالت:كان ممكن تقولها من الاخر انك بتخاف تبيت لوحدك فالبيت دا بسيييطه ياخووي
رجع خطوتين عاين ليها ببرود ومشي وقفل باب الغررفه
جووري اخدت نفس ودخلت طلعت العبايه بزهج وقعدت بتنبذ فيه
جوري:رووقي يجوري هددي م يستاهل بكره ح تمشي ونشوف اخرو الحيوااان


مراد دخل بارد بس من جواه بغليي وكل م يتذكر كلامها بغلي اكترر فضل بتكلم مع نفسو وبقول رووق يمرااد م تستاهل تاني اتراجع شوي وقال:بس هي جوري كيف تفكر فيك كذا؟!! هي.. يعني مراد اركز شوي هي شريكه حيااتك يعني تكون فنظرها كذا؟! م ينفعع
فجاءة حس ع نفسو ضرب يدو بالحيطه شديد بتكون انفصلت وقال:يخ خلااص ارركز استغفر الله م ضروري تكون واو فنظر حد ومشيي قعد فالسرير قافله معاه

جوري قعدت حاولت تهدي فاتصلت لجماال لقت فونو مقفول زفرت بضيق واتصلت لامها
جوري:مااما
فدوي:الغاليه بنت الغالي
جوري ابتسمت:خبراتك
فدوي:سيبينا من دا كويس حسيتي ع نفسك ومشيتي بيتك اقعدي مستوره
جوري:ماما يخ اصلا نا عايره جمالوو جمبك؟!
فدوي:كشحتيها عدييل يعني م عايزه تسلمي ع امك؟!
جوري: م كدا بس وااثقه لو اتصلت ليك ح تتكلمي فنفس الموضوع واتصلت ليه فونو مقفول
فدوي:قفلو للدراسه بس موضعنا م خلص واتأكدي برجعتك عملتي الصح يبتي
جوري:ماما لمعلومياتك بكره معااكم معاااكم
فدوي:دا كلام شنو و..
قاطعتها:ماما اديني جمال ولا ح اقفل لانو الموضوع انتهي
فدوي بشوية عصبيه:جوري انتِ عبيطه يبت؟! دا شنو..
جوري:مااماااا لو م عايزه تديني ليه قولي بسس بقفل الموضوع م خطير
فدوي بتذمر:جماااال تعال هاك اختك
شوي وسمعت صوتو
جمال:حقتييي
جوري ابتسمت:جماالو المجتهدد
جمال:خبراتكك
جوري:اشتقت ليكم بس
جمال:اثبتي هاا نحن ولا راجلك الليك ايام منو
جوري ضحكت:ايام بتاع الساعه كم يوميا فالشركه
جمال:لالا حلو اصلا دا الدايرو حبنا واشتاقي لينا نحن بس
جوري ابتسمت:لو م بحبكم م بتصل ليكم هسي
جمال:طيب صوتك مالو متضايقه من حاجه؟!
سكتت مساافه مما خلاه يتأكد حتي قالت:المهم يعني انت..
قاطعها:سامعكك المضايقك شنو؟!
جوري:لو ح تتعابط ح اقفل
جمال زفر بضيق:طيب تماام بس.. يعني لو احتجتي تحكي فأنا قاعد
جوري:جمال انت قبل كم يوم لمن قلت مش اخترتي تبعدي عنا وتتزوحي واخترتي هو كان قصدك شنو وقتها بالظبط؟!
جمال:هسي دا مطلعاه من وين
جوري:انت جاوب وبس وبكل صراحه
جمال:كنت بتكلم سااي يخ م تركزي
جوري:م هو الكلام الساي دا هو الحقييقه لانو كان فقلبك وطلعتو كلو فهسي علشان م استنتج لوحدي جاوبني
جمال:جوري من الاخر اعتبرني بيبي عندو سنتين وانتِ امو وفجاءة امي سابتني وبقت بتهتم ببيبي غيري ح اتفرج وتقول وااو سوبر ماما؟!!!
جوري:جماال اعرف انك انت وماما وحود وبابا ح تفضلو فقلبي وعقليي ومف غييركم ابدا اطمئن
جمال:اه كلهم بقولو كدا بس هو راجلك فالنهاية حتي لو بالكذب حبيه ودلعيه
جوري:الغيره م جايه معااك
ضحك فنص دموعو:بحبك يعبييطه
جوري ابنسمت من قلبها ودقوها ونسسسه لمن جوري نامت فالخطط


تاني يوم جوري صحتت لبست ولا اتفاهمت طلعت مشت ع الباب حاولت تفتحو ركزت انو مقفول قبلت بهدوء لقتو ماسك كباية الشاي وجااهز وبعاين ليها وبشرب ببروود
جوري:نسيت تفتحو ولا حابس القطه!!!
ابتسم بإستفزاز وااضح:م شايف قطه والله شايف نوعيه من الافترااس بس قدامي
جوري:افتحو قبل م تبقي فريسه
ضحككك ضحكة شدييدة وقال:والله م حصل ضحكت من قلبي كدااا سمححه سمححه والله
جوري عضت شفتها التحت لمحاوله تهدي وتكتم الغييظ
مشت عليه وهو بشرب فالشاي ومبتسم وبعاين ليها
مشت وراه لقت المفتاح فالتربيزه شالتو ومشت ع الباب قبل م تقتحو حست بيه وراها جر المفتاح حاولت تتقاوا عليه م قدرت شالو وقال:اشربي شاييك بعدو ح تركبي معي فالسياره والخيار التاني تتحبسي هنا وبس
جوري:والله بكررررهككك بكررهك بتلاته قلوب كمان
ومشت بكل زهح الدنيا كبت شايي وبقت قاعده فالسفره وصوت انفاسها عالي شدييد من الزهج والغضب

شربتو بسررعه وطلعت لقت الباب فاتح مشت ع السياره لقتو بسخن فيها ركبت من غير م تتكلم
ركب خالي من الريأكشنات
مشت ع الشركه وطول الطريق ساكتيين اول م وصلو نزلت سرييع قبل م يوقف زي الناس اصلا استغرب عمل رايح
جوري دخلت قعدت فمكتبها وبقت بترتب في الاوراق وكذا اشتغلت عاادي حتي مراد م نده عليها خاالص وم طلع من مكتبو الا وقت الفطور م عاين ليها ومشي مكتب احمدد
الساعه 4 بالظبط ج واحد كذا طالب مراد بالإسم
جوري:عندك موعد معاه؟!
... :ايوه بإسم نعمان الصديق
جوري:اتفضل دقييقه
ودخلت لمراد
مراد:لو م موضوع شغل ممكن تطلعي
جوري ابتسمت:مراد والله م ميته فيك لدرجه اجي اتناقش معاك فموضوع غير الشغل المهم فواحد اسمو نعمان الصديق منتظرك برا
وطلعت قبل م يرد وقلت ليه اتفضل
قلب لي مزاحي بطريقه رهييبه
قعدت جاتني ساره عاينت لي وقالت:وشكك بقع والله هدي انفاسك
جوري بنرفزه:يخخ عالم تجيب اخررك
ساره:فشنو؟!
جوري:والله يسااره شووي واجنن دا لو اصلا م جانه حاليا
ساره:دا كلو من شنو م فاهمة
قبل م تتكلم سمعو نقاش حااد من مكتب مرادد
ساره:دا منو المع مراد الجايط دا!!!
جوري بزهج:م عارفه ولا عايزه اعررف
وقامت علشان تطلع الباب فتح وطلع الاسمو نعمان دا معصب وبصراخ قال:تعالي هنا يالسكرتيييره
جوري عاينت ليه بإستفهام وقالت:افندمم!!
نعمان:ومف اسلووب بجددد كمان
جوري مشت عليه دخلت لقت مراد ولا بعاين ليه بشخبط فورق قدامو
جوري وهي مربعه يدينها:نعم؟!
مراد وهو بعاين للورق:يخ دا شغل بينا م اظن السكرتيره دخلها م تمحور المواضيع وتكتر كلامك ياستاذ
نعمان:كييف م دخلها وم بتعرف العايز يقابلك منوو
مراد:جوري ممكن ترجعي مكتبك
جوري عاينت ليهم الاتنين بضييق وقبلت قبل م تطلع
نعمان:يخ م بتطلعي قبل م تقولي قبل فترره حاتك مقابله هنا بإسمي م واقففتي عليها لبه؟! ولا اصلا شكلك م شفتيها
جوري:زدا شنو البتعملو فيه دا؟! انا م ربورت قدامكم دا بقول لي امشي ودا اقعدي احب اقول ليك ي استاذ انا ففتره كنت فيها مفف يمكن م كان فحد ماسك الشغل فعادي انت مف داعي تجي بالاسلوب دا
نعمان ضررب الطاوله:انتِ جايه تعلميني الاسلوب؟!! سكرتيرتك دِ جايبها من وين؟!! تفصلها هسيي ولا م ح يكون ف اي تعامل بين الشركات
مراد وقف ربع يديه وج عليه وقال: اول شي شايفك هايج وم عندك اسلوب اتجاوزتك بس تتكلم بإسلوبك دا مع القدامك دِ تحديدا اتجاوزت حدودك شدييد وبعدين انا اصلا م بتشرف اتعامل مع ناس م عندها اسلوب والله ف اتفضل من غير مطرود
طبعا حسيتو طقق من الغضببب عاين لمراد من فووق لتحت بتوعود ومشي
اول م طلع عاينت لمراد كان ضاغط عمود انفو ومغمض شدييد مما يدل ع انو مصدع وح يتفجر
بهدوء طلعت لقيت ساره منتظراني
ساره:فشنو؟!
جوري:اعملي راايحه
سكتو مساافه حتيجوري قالت:ممكن طلبب؟!



و كان القلب يهواكِ
و مازال الهوى أنتِ عنوانه ..

#تناهيد_القلب ❦27❦

#بقلم:وعد_معاويه 💛


ساره:بدينا هباله شكلو
جوري:طييب ممكن تودي قهوة لمراد؟!
ساره ابتسمت:وم تمشي انتِ؟!!
جوري:اول مره اطلب منك طلب
رفعت اكتافها ومشت
بعدخلصت جات ماره بعند جوري ابتسمت ليها ومشت ضربت الباب
اول م دخلت ختتها فالطاوله
مراد كان منزل راسو لمن قال اتفضل وسمع خطوات ومعاها طق مما يدل ع حاجه اتختت فالطاوله رفع راسو ببطء عاين لساره وللقهوة م قال حاجه
ساره:بعيدا عن كل شي بس ابتسم فزول حاسي بيك ووصاني اجيبها ليك
وطلعت
نهاية الدوام جوري كالعاده مشت ع بيتهم من غير م يشوفها اول ن وصلت لقت امها فوشها حضنتها شديييد وقالت مااما يقللب
فدوي:عملتي الف راسك!!!
جوري ابتسمت ببراءة:نا م بقدرش ابعد عنكوو
فدوي سلمت عليها وقالت:الله يهديكم يبتي
جوري دخلت غرفه جوود ع طول لقتو بذاكر ابتسمت بهدوء ومشت باستو فخدو وقالت:حبكك كييف وانت مجتهد كذا
جود:جيتينا
جوري:ارجعع!!
جود حرك راسو نظام لا ابتسمت ومشت شالت غيارر بعد خلصت وكذا اثناء م بتصلي حست راسها لافيي طنشت وواصلت شووي وحتي بطنها قلبت شديييد وحست ح تررجع لحظها كانت فاخر ركعه بعد خلصت رقدت فالصلايه راسها لافي شدييييد
شووي والباب فتح ج جمال ابتسم بهدوء وقاال:وانا اقول الدفي دا شنو
لمن م لقي رد ج عليها قعد فالارض وقال:مالك قاعده كدا؟!
جوري بصوت ضعيف:نعسانه
جمال:طيب قومي السرير
قامت بهدوء كانت ح تقع سندها فاخر لحظه وقال:براااحه
اتسندت فيه بحيلها كلو رقدها فالسرير وعاين لجود وقال:البت دِ مالها؟!!
جود:م قالت نعسانه
جمال زفر بضيق وغطاها قال لجود:يلا غرفتيي سيبها هنا ترتاح





مراد طلع من المكتب شافها مف اخد نفس ومشي ع احمد لقاه طالع
مراد:اررح معي البيت
احمد:؟!!
مراد:سبقتك
مراد كان زهجان وبتكلم بطرف انفو احمد حس بكدا وحس بإنو متضايق شدييد وواثق مراد م النوع البفضفض وبتاع ف مشي بوراه
اي واحد ركب سيارتو وع بيت مراد
مراد وصل واحمد اصلا كان بوراه فدخلو ساكتين احمد فضل واقف جمب باب الصاله ومراقب مراد المشي فتح الغررف وحدده وحده ومشي المطبخ حتي عاين ليه وقال يلا غرفتي
استغررب وعمل راايح دخل بوراه
مراد جدع الجاكيت وقعد فالسرير مرجع راسو لورا وبحنس فنفسو يتكلم
احمد يمكن اكتر بني اددم بفهم مراد ف طلع الجاكيت والجزمه ومشي اخد شاور ولبس بيجامه منو
حتي ج وقعد قصادو
مراد عاين ليه مساافه حتي قال:لو ربنا سألك وقال ليك سبب الطلاق شنو ح ترد بشنو
احمد كونو بفهمو يمكن عررف نص الحاصل بجملتو دِ فقال:لو انا اللي مقرر اتطلق ف اكيد عندي سبب واضح اذكرو بس لو الطرف التاني طالبو م ح اقدر ارد
مراد صلح قعدتو:حلوو دا الرد الراجيه طيب حتي لو الطرف التاني الطالبو اكيد فسبب وصلو لدا اكييد الطرف التاني اللي هو انا السبب فالوصول للطلاق ربنا ح يسألني ليه قصرتت ليه وصلتها مرحله انها تطلب الطلاق
احمد:رووق دقيييقه مرادد انت واعيي؟! متذكر انو اصلا زواجكم دا ع الورق؟!.... يعني...
مراد:وانت مشيت ويين؟!كونو نحن فشررط حتي نتطلق الشرط م خلص لمعلومياتك علشان تطلبو
احمد عاين ليه وقال:طيب اسأل نفسك عملت ليها شنو علشان تطلبو؟!
مراد:حبيتها... دا كان غلطي تقريبااا
احمد عاين ليه مصدوووم:دقييقه!!! قلت شنوو!!
مراد رجع راسو لورا وزفر بضييق:السمعتو
احمد اخد ربع ساعه بستووعب م قدر يفهم اي حاجه وقتها مراد كان قام ودخل ياخد دش
بعد خلصت الربع ساعه ومراد م طلع احمد مشي عمل قهوة بعد خلص مشي لقاه راقد فالسرير تايه
اداه كباايه
وقال:مراد انت م غلطان انا مصدوم انك انت طلعت بتعرف تحب اصلا والصدمني اكتر انك بتعرف تعترف بمشاعرك والصدمني اكبرر انها قابلت مشاعررك بالطلاق اقلاها تقابلها بالرفضض يعني
مراد:م تتصدم ساي لانو مراد الطاهر م بمش يعترف بالطريقه العويره دِ يخ اصلا اندمجت فنقاش وم ركزت بقول فشنو ف اترمت وم كإعترااف اصلا
احمد:يعني كان استنتااج منها؟!!
مراد:اشبه كذا كانت عباره عن جوطه او شكله بينا واترمت فنصها الكلمات
احمد:طيب من الاخر رووق انت م غلطاان ابدا هي التفكر فدا تفكر لمن ربنا يسألها ح ترد بشنو
مراد:خاايف من حساب ربنا خايف شدييد اقصر فحقها ح اتسئل عن كل دمعه نزلت منها عن اي زعله زعلتها ليها اذ بسببي او لا
احمد:ف احتماليه هي تدخلك الجنه او النار فاحسن انك عامل حسابك وخايف كمان
مراد رقد بهدوء وعايم فافكارو
اما احمد عاين ليه مساافه حتي اتنهد ورقد جمبو




جوري بعد طلعو حاولت تنوم كانت فترانه شديييد وم قادره خاالص نامت من الساعه 5
مع المغرب جات فدوي تصحيها للصلاة نقنقت واتقلبت شدييد ورفضت تصحي
سابتها ع راحتها م صحت الا بعد الفجر بمساافه قامت فتراانه وجسمها مكسر عملت رايحه استغفرت ومشت صلت بعد خلصت عملت ليهم الشاي ومشت عملت لجمال وجود فطور المدرسه وجهزت لامها فطورها م قدرت تشرب الشاي وحست راسها لافيي وبطنها قلبت شوي بريحه الاكل فطلعت بسررعه مشت جهزت

جات فدوي قالت:م شاء الله نشاااط لكن
جمال:البت دِ م تماام اصلا عيونها وااقعه
فدوي:فعلا شكلها ملاريا وكمان مع تايفويت
جوري:كويسه خاالص يلا بااي
فدوي:بتت ارتاحي اليوم يخخ
جوري:ماما الشركه م شركتي اغيب ع كيفي واجي ع كيفي هو شنو يخ
فدوي:تمام يبتي الله يحفظك
بستها فراسها
وقلت لجود وجمال يلااا نطلع مع بعض
نسكت يد جود وطلعنا وصلتهم لباب المدرسه ابتسمت وقلت:ركزو فالحصص هاا؟! وحاولو حلو الواجبات من المدرسه وصححو طييب؟!
جمال:خلي بالك من نفسك ولو حسيتي باقل ارهاق تعالي راجعه او اتصلي لي اجيك م تجي لوحدك طيب؟!
جوري ابتسمت وحركت راسها كان فشله كذا قدر جمال واقفين بعاينو لينا وبتكلمو وبضحكو
جمال عاين ليهم صر وشو وقال:ح يشتغلوني خلااص امشيي يخ
جوري عاينت ليهم كان ظاهر كبار شووي اصلا فمشت ع المحطه علشان تركب
جمال ج ماري فيهم
. :تربيه نسووان يخخ راجي منو شنو
.. :مني ومنك اشك ونستو كلها ماما عملت لي وبابا اداني وااختي علمتني
ضحكو وضربو كفوفهم
جمال عروق يدو برزت وبقي ضاغط يدو
جمال:ع الاقل فيه حبة رجوله البتقطعو فيه دا وانتو يرجال بطلو مطاعنة النسوااان دِ وارجلو
جو عليه اتنين دفرو من صدرو وقالو:يزول احترم كلماتك
جمال:وانتو م محترمين كلماتكم ليه؟!!يبطاله
واحد اداه بوووكس ف افنو نزفف
جمال جدع شنطتو فالارض وضرب الضربو ج التاني اتدخل وتالت كمان اتلمو فيه تلاته بقو بضربو فيه فاخر لحظه ج صحبو بقي بضرب معاه
ف طالب جر للمدير فنده عليهم
حمال كان نازف من انفو ومضروب وحتي الباقيين نازفين ومضروبين
دخلو للمدير ولا اتفاهم ولا قال ليهم الحاصل شنو شال الحزام ووقع فيهم ضررب من طرررف كان بضرب فيهم الخمسه بكل قسوة ج استاذ عاين ليهم
وقال:دقييقه يأستاذ جمال عبد الغفار ومحمد المصطفي!!! ديل من امييز الطلاب!!!
المدير بنرفزه وبخبت فيهم اكتر:امييز او لا يستاهلو
المدير شكلو اصلا كان زهجااان
فختمها ب:يلااا مفصولين لمده اسبوعين وواحد يفتح خشمو دا بسس ومطلوب اولياء اموركم فااهميين؟!!
جمال:استاد انا م عملت حاجه علشان تعاقبني قدر دا وانت اصلا م فهمت الحااصل
ج اداه خبته فنص ظهررو:جااي تعلمني انت شغلي!! يلا مفصول لاربع اسابيع وافتح خشمك دا علشان يبقو سته
الاستاذ الج:لالا يبروو والله علشاني انا بسس سيبهم ع اولياء امورهم فصل م ينفع يخ الاتنين ديل ح يرفعو هم رااس المدرسه
المدير اتناقش معاه فالنهاية قال ليهم بكره لو م معاك ولي امرك م بتتخطو باب المدرسه دا اتفضلوو بررره
كلهم طلعو
جمال:اقسسم بالله لو م ابوي الله يرحمو وطمحو فيني وقسما بالله خطوه جوه المدرسه دِ تاني م اتخطاها
محمد:م مشكله يصحبي نعصر ليموننه ع قلبنا
جو التلاته اولاد بضحكو:بكره فزول كدا ح يجيب اختو امو المهم مررره
وضحكوو بأعلي صووت
جمال كان ماش ليهم مسكو صحبو شدييد وقال:اعقللل كفايه لبكره
جمال عاين ليهم بطرف عينو ومشو الساحه



جوري وصلت الشركه قعدت فمكتبها نبضات قلبها زايده وحاسه نفسها تعباانه ومكسره بدت شغلل لحد م ج مراد ماري م عاين ليها تووش دخل مكتبو
شوي وجات ساره ابتسمت سلمت عليها وقالت:مالك قرفاانه كذا؟!
جوري:مف حاجه
ساره رفعت حاجب:ظاهررر طبعا
قبل م ترد ج احمد ماري وقف عاين لينا وقال:كيفكم؟!
ساره:ي اهلاا
احمد:ممكن كبايتين قهوة ع مكتب مرادد يساره؟!
ساره:اووكي
ومشتت
واحمد دخل لمراد قعد وقال:اها اليوم كييف؟!!
مراد عاين ليه ونزل راسو وبشخبط عديييل فالورق القدامو
احمد عاين ليه ومشي قعد قصادو بهز فرجلو لحد م الباب ضرب
مراد طلع صوت كأنو زهجان
احمد:اتفضل
جات داخله ساره ختتهم وطلعت بسررعه لمن شافت الجو مكهررب
ساره:ديل مالهم الله لا ورااك الجو مكهرب كييف
جوري:بجاازهم
ساره عاينت ليها:والله انت برضو م تمام وغاايتو الحمد لله بس
ومشتتت
بعد مشت جوري قعدت ساعتين تقريبا حتي اتصلت لوئام
وئام:الحلويين
جوري:المختفيين
وئام:اخباركم
جوري:الحمد لله كيف انتو؟!!
وئام:بخييير الحمد لله
جوري:المهم من الاخر كذاا تجيبي لي الووش وامير يوم الخميس نهاية الدوام وتخلبهم معي ليوم السبت المسا قداام؟!
وئام:ي بت براااحه لا م بتقدري عليهم والله
حوري:انتِ جيبيهم بقدر او لا دِ علي بس
وئام: ي بت صعببه يخ يعني..
جوري:وئام!! لا اله الا الله
وئام:محمد رسول الله
بس يبت م اظن تقدري عليهم
جوري:دِ خليها عليي المهم جيببيهم
اتناقشنا كتيير لحد م اقتنعت وقالت:اصنن اليوم التلات فللخميس ربك كريم
قلتها منها جاتني ساره قالت لي يلا الفطورر
جوري:م عايزه
ساره:اججج وضحي م عايزه دِ شنو؟!
جوري:بذني قاالبه شديييد والله لمن تجيبي لي سيرت الاكل دِ بقرب اررجع
ساره:سلامتك امشي افحصي وم تشوفي شر ي رب

جوري حركت راسها ساره مشت
وحوري ختت راسها فالطاوله وبقت راقده
شووي وشافت احمد ومراد طالعيين من الممكتب مراد م عاين جهتها احمد عاين وشافتو قال حاجه مراد قبل لمن لقاها بتعاين ليه نزل عيونو سرييع
طلعو لو ساره فوشهم مشو عليها
احمد:صحبتك ويين الليله
ساره عاينت لمراد ولاحمد تاني وقالت:تعباانه قالت م عايزه تاكل
احمد:سلامتها
ساره:الله يسلمك
مراد:اسيبكم لوحدكم
ومشي نفسو قفلت من الاكل رجع المكتب رقد فالكنبه وهو بعاين للسقف
لقريب اخر الدوام كذا جوري كانت شغاله وبتنظم فموضوع اجتماع كانت ماشه من قاعه الاجتماع لمكتبها حست راسها لافي وطششت شووي وجات وااقعه بطولها
الشركه جاطت اتلمو فيها كتاار بعاينو بعيونهم فحد مشي لساره خبرها جرررت عليها
ختتها فرجولها جابو ليها مويه رشتها فيها حتي صحصحت
فتحت بتعب
ساره:كوويسه يبت؟!!
جوري:قوميني بسرررعه
سندتها سرييع ودخلتها مكتبها
ساره: يبت انتِ عندك ملاريا ظاااهر يخ امشي افحصي
جوري بصووت ضعييف:سااره وقسما بالله مراد يعرف ولا غيرو اخسسرك
ساره بإستغراب:جوريي!!! دا كلام شنو وليه تخبي منو اصلا!! ++الشرركه نصها كانت بتتفرج عادي ممكن يعرف منهم
جوري:يعرف منهم بس م يعرف منك وهسي سيبيني لوحدددي بس
ساره زفررت وطلعت لقت الشركه جايطه قالت ليهم:ايي وااحد ع شغلو والسيرره دِ م تتفتح لو فواحد فتحها ح ينفصلل
وربعت يدينها بقت بتعاين ليهم بحدده لحد ماي واحد مشي ع شغلو
جوري قعدت نص ساعه ولملمت عفشها وهي طالعه لاقتها ساره عاينت ليها وقالت:اكييد م ح تمشي لوحدك صح؟!
جوري:ساره بلييز بقدر
فحدود راسها كان مسخن شديييد
ساره:جوري طيب يلا ح اقدمك والله م تسيبك تركبي المواصلات لوحدك
قبل م ترد سمعت صوتو بقول:يلا
عاينت ليه وقالت:م يحتاج اص..
قاطعها لمن عاين لساره وقال:مُصره تمشي معاها ليه؟!!
ساره عاينت لجوري وقال بهدوء:اا لا بس مفروض نجيب حاجات وكذا قالت لي م يحتاج تمشي معي
مراد:تمام يلا ماش لخالتي اصلا
ومشي قدامها
ساره:اهاا اصلا ماش++مني ومنك مش راجلي والله لو ماش تركيااخليه اول يوديني بيت اهلي ان شاء الله لو يركبني فظهرو
جوري حركت راسها وطلعت بسررعه راسها كان لافي للحظه م كانت ناويه تركب ج وقف قدامها وقال وطبعا طبعا م عااين ليها خااالص:اركبي
اتحركت بسررعه اتجاوزتو وبقت ماشه سرييع سرييع
نزل وقفل باب السياره بكلل قوتو ومشي ثبتها من يدها وهو ضااغط عليها بكل قوتو وعروقو كلها ظاهره قال:عباطه وكلام كتير م بلزموني قدامي
جوري حاولت تفك يدها وعيونها مليانه دموع
فكاها وهو يعاين ليها بحده بسررعه رجعت ركبت عاينت ليدها اتمنت م تعاين ليها اثار مسكتو كانت مطبوعه طباعه فيدهاا
ج ركب دور بزهج واتحرك وجوري ماسكه نفسها بالعافيه
لحد م وصلو جوري لمن جات تنزل حست راسها تقييل غمضت عيونها شديييد ونزلت بتدعي م تحصل ليها حاجه لقت جمال فوشها قاعد جمب باب الشارع ببرا بهز فرجلو
مشت ليه وقالت:المقعدك هنا شنو؟!!
جمال منزل راسو:ادخليي يخ
جوري عاينت ليه مساافه م قدرت ترد اصلا
مراد:جمال يجمال
جمال وقف سلم عليه وم فتح خشمو خالص دخل جوه قدامنا كمان!!
عملت راسحه ودخلت ماما كانت فالصاله بتذاكر لجود مشيت بستها فراسها وقلت:اليوم جود مالو
جود:عندنا اختبار
جوري:تمااام ربنا يوفقكك
مراد ج سلم ع ماما وجود وقال:كيفكم؟!
فدوي:بخير الحمد لله يولدي اتفضلل
جوري قامت دخلت الغرفه م قدرت تطلع اي حاجه اترمت فالسريير وغمضت
مراد قعد معام ثانيتين وقال:اسيبكم تذاكرو وانا مع جمال
ومشي ع غرفتو ضرب الباب لحد م قال اتفضل
دخل ومشي قعد جمبو
جمال كان بطقطق ف اصابعو وظاهر زهجان
مراد:سامعكك
جمال عاين ليه مساافه وسكت نزل راسو وعمل رايح
مراد:م تعمل رايح وانا شايف الاثار الف جسمك دِ بالإضافه لوشك وحالتك فاحسن تحكي لي لانو لو م حكيت حتنجبر تحكي لجوري والله اعلم تستحمل
جمال زفر بضيق وضربها فراسو فحكي ليه اي حاجه من لمن جوري كانت واقفه معاه قدام المدرسه وختمها ب:ح اسوقك انت شكلو للمدير
مراد:طيب شوف بعيدا عن كل حاجه كلام الاولاد اثر فييك وم ح تقدر تنفي لي دا صح؟!!
جمال:م هو م ممكن يطلعوني تربيه نسوان بالطرييه دِ محسسني بتمايع ولا بدلع فيهم
مراد:جمال الناس الدايره تنتقدو او تطلع فيه غلط دا بتطلعو تمام؟! وانت ربوك جوري وامك مف حد ح يغيرها دِ بس ربوك احسن تربيه وبالحلال وطلعوك بميه راجل فاكيد م ح يهذك كلام خارم بارم سامعو من بره صح؟!
جمال زفر بضيق:م عارف يخ بتضايقق شدييد لمن اسمع الكلام دا
مراد:من الليله حاول بقيه مصدر فخر مثلا القالو ليك الكلام دا اكيد مربيهم ابوهم او كذا شوفهم طلعو كيف وبنتقدو فتربية غيرهم الاحسن من تربية ابأهم بالف مرره

جمال:الحمد لله بس يخ
مراد:والمدير م ليه الحق يضربكم بالطريقه الوحشيه دِ خالص لو عملتو السبعه وزمتها وبرو م ليه ااحق يضرب وم عارف الحاصل شنو
جمال:حالتك م شفت الف ظهري الحمد لله بس غايتوو
مراد:بكره بيجي اسوقك طيب؟!
جمال:لا انتظرني جمب باب المدرسه بس م ناقص محاضرات وم عايز جوري او امي يعرفو
مراد:تمام لو عندك مرهم امسحو
جمال طلعو واداه يمسح ليه ظهرو
اثناء م بمسح ليه الباب فتح وجات جوري عاينت ليهم بهدوء وقالت:جمال مالو؟!
الاتنين م كانو شايفنها فجمال بسرعه قام وقال:ااا... مف شي.. يعني..
مراد:ظهرو واجعو بعمل ليه فموفث بس
جوري عاينت ليهم الاتنين وجات ع جمال وقالت قبل اشووف
جمال:جوريييي!!!
جوري:جمال انا بعرفك اكتر من نفسي ففي حاجه من تعابير وشك
جمال:وانا قلت مف حاجه وزي م انتِ التعب ظاهر فيك وبتقولي تمام فانا تمام
جوري:وحده بوحده يعني؟!!
جمال:بالظبط كدا
عاينت لكراد وربعت يدينها ومتوقعه احراج تاني وقالت:جمال مالو؟!
مراد:ردو كان وااضح
جوري:بالله عليك!!
حركت راسها وجات نطت جمب جمال حاولت ترفع القميص حلف يخليها
جوري:وقسما بالله م بمسح ليك فيه علشان ظهرك واجعك واكدتو لي بتصرفاتكم دِ وقداام يجمال
وقامت زهجانه اول م وصلت الباب طششت وراسها لف
ثبتت فالباب
جمال ومراد وقفو
قبل م يصلوها اتحركت سريع ومشت غرفتها هم وقفو فنص الغرفه مستغربيين
جمال:اللهم بلغت مررتك دِ م تماام خاالص
ورجعع قعد فسريرو
مراد وقف خمسه دقايق بستوعب وبتذكر فكلام ساره زفر بضييق ورجع عاين لجمال وقال:حاول خليك هادي والبس تيشيرتات باكمام كامله علشان م يحسو
وطلع مشي قعد مع فدوي نص معاها ونص لا
لحد م وقف وقال:استأذن
فدوي:والله يمراد م ح تطلع م لم تتغدا فاقعدد وانا حلفت
مراد:م ضغطي علي+خليهم مرره تانيه واسحبي الحليفه
فدوي:م ح تنسحب اقعدد

جوري مشت الغرفه رقدت فالسرير غمضت عيونها وبتحاول تروق وتواسي نفسها بإنها تمام لحد م نامت بملابس الشغل


فدوي ختت الاكل ندهت عليهم وقالت لجود امش نادي اختك
ج داخل صحاها اتقلبت صحاها تاني وقال يلا الاكل
جوري:م عاايزه
طلع قال ليهم قالت م عايزه
فدوي:تمام اقعد
مراد سرح شووي حتي قام وقال دقييقه بس
دخل ومشي قعد فالسرير عاين ليها بإستغراب ظاهر الإرهاق فيها شدييد خت يدو فوشها م كانت محمومه
مراد:جوووري
جوري:هممم
مراد:قومي اكلي
جوري:م عايزه
مراد:م عايزه ليه؟! لمعلومياتك قبيل الفطور برضو ابيتيه امش اقول لامك كذا؟!
جوري بضيق:امش وتاني م تجيني بس سيبني انوم
مراد م رد بس كان بعاين ليها وهي مغمضه وظاهر الارهاق والألم ف ملامحها
طلع بهدوء شال صحن خت فيه شويه اكل و فدوي بتعاين ليه



‏هي لم تتغيّر ولكنها وضعت حدودًا لكل شيء، لعطاءها المفرط الذي سبب لها متاعب كثيرة، وثقتها العمياء التي جعلت مشاعرها في متاهة، وعدم التعمق مع أي أحد، وعدم الأسئلة الكثيرة لأشياء تخصّها لكي تظل قوية، لأن الاختصار بداية الشجاعة."

#تناهيد_القلب ❦28❦

#بقلم:وعد_معاويه 💛


جمال:تعال اكل
مراد:اسبقوني باكل مع جوري
ودخل خت الاكل فالكمودينه وشال كبايه مويه بارده ورشاها بيهت صحت مخلوعه قامت بتستوعب خمس دقايق وهو بعاين ليها حتي نطقت ب:زح من وشي لأني لو لحقت اقوم م ح اسيبك
كأنها بتتكلم مع حيطه شال الاكل ختاه فوشها وقال:ح تاكلي واذ م اكلتي الح يحصل م ح يعجبك
جوري من تحت اسنانها:لو م طلعت انت واكلك دا الح يحصل م حيعجبك
مراد:جوري حركات الاطفال الحاصله دِ رافعه كثافتي فبطليها
جوري الكلام اكل معاها جمبه للطيش حاولت م تتهور رقدت وادتو ظهرها وبتحاول تروق وتقنع نفسها بإنها تمام
مراد وبحاول يستفز فيها:تذ عايزه تتدلعني ويحنسوك وياكلوك وامور الهنود دِ قولي مف داعي للدراما دِ كلها
جوري قامت اول م فتحت خشمها قبل م تنطق دخل ليها الاكل الاصلا مجهزو فيدو
قامت وجرري الحمام لمن اتخلع وبقت بترجع
مشي وقف فالباب راجيها
لمن طلعت كانت دايخه سندها للسرير
مراد:البسي عبايه يلا المستشفي
جوري بتعب:م ماشه وم يحتاج واصر تاني علشان يحصل الحصل هسي
غمض عيونو وسكت م ح يقدر يناقشها تاني بعد شاف الحصل بعيونو
وقف قبل م يطلع
قالت:كراد ماما م تعرف حاجه لو سمحت بس
عاين ليها وسكت مشي رجع الاكل
فدوي:مالكم م اكلتو؟!!
مراد:م جعانين بس
فدوي بإستغراب:كيف يعني!!
مراد:لمن تجوع ح تاكل اكيد م تشيلي هم
فدوي:وانت!!
مراد:باكل يخالتي
ورجع قعد جمب جوري سرحاان وم عارف يتصررف خالص وهي شبه نايمه
بعد اتأكد انها نامت عاين ليها وطلع رجعع بيتو
تاني يوم جوري صحت مدروخه قبل م تقَوم فونها رن رفعتو من غير م تعاين للاسم
جوري:نعم
مراد:كيف اصبحتي!!
جوري:عادي
مراد:م تجي الشركه اليوم
جوري:قلتها كتير اطلع من دور الجنتله دا
وطقق قفلت اخدت نفس وقامت عملت الروتين الصباحي
ولبست وجمال بعاين ليها بطرف عينو م قدر يتكلم لانو شافها صاره وشها وزهجانه


مراد قفل منها قال م ينفع الحاصل دا طبيعي باخد شواكيش من وراها وقال خايف عليها قال
زفر بضييق وقام

جوري مشت وكان روتين عادي وهي ومراد م اتلاقو اصلا بس تعبت شديييد
بعد طلعت وجمال مشي المدرسه فعلا لقي مراد منتظرو جمب الباب ودخلو مع بعض ومشو للمدير ولقو ناس الاشتباك بأولياء امورهم فوشهم الاولاد اول م ج جمال ومعاه مراد ابتسمو بالجمبه وعملو رايحين مراد قال السلام عليكم بعد ردو السلام قعد بكل هدوء
المدير:كدا كلكم في فمن الاخر اولادكم ديل مشاغبين شدييد وكان ممكن عادي افصلهم
والد محمد"صاحب جمال" :ليه عملو شنو اصلا؟!
المدير:م سالت ولدك يعني؟!
مراد:مع انو م بحتاج نسألهم بس سألناهم ومف سبب واضح لإنك انت تضربهم من غير م تعرف الحاصل
المدير:م أكيد كطلابي م يحتاج اعرف الحاصل لانهم غلطانين كلهم كونهم يضاربو كأنهم حمير كذا
مراد:وكونهم اولادنا واثق جمال م بمد يدو سااي وم بلجأ للضرب سااي
والد واحد من الشله ديك:وولدي وااثق م بمد يدو ساي واصلا ج مضروب شديييد مهما عمل م سبب للضرب دا من تلميذ معاه
والد محمد:طيب انت سألت ولدك ليه اضاربو؟!
مراد:يخ انت سيب دا المدير نفسو هل سألهم ليه اتضاربتو؟! يخ هم اولاد يتضاربو وكذا عادي كلنا فاعمارهم اتضاربنا بس مف مدير بجي يعاقب ساي وبالطريقه دِ
المدير:دقييقه انت جاي تلوم المدير ولا سامع غلط انا؟!!
والد واحد من الشله:اصلا ياها التربيه ظاهرة بحاول يطلعك مدير م نافع ليه حق ولد اختو دا يطلع كذا
مراد ابتسم بالجمبه وغلبو يتكلم من الجهل الحاصل
والد محمد:اكيد قصدو وااضح لانو بجدد م صح يجي ويضرب ساي م ليه علاقه بقصدو!!
المدير:يخ انا اصلا كنت ح افصلهم وهسي لو كترتو كلامكم ح افصلهم
مراد بإستفزاز:بتهدد؟! اسمع م نحن المحتاجنكم انتو المحتاجين طلاب متفوقين ومميزين يرفعو راس مدرستكم
عاين لجمال:جيب شنطتك ويلا احسن مدرسه خاصه ح اسجلك فيها هسي
المدير عاين ليه وعمل مُصر ع كلامو
والد محمد:والله ولا نحن بشرفنا نقعد مع مدير ظالم كذا
مراد عابم ليه:يلا وبالمره صُحاب يتسجلو مع بعض
وطلعوبقو بتناقشو بره لحد م جاهم الاستاذ نفسو الحضر المدير وهو بضرب فيهم سألهم ادوه الصرااحه
وقف معاهم وبقي بهدي فيهم نظام هم محتاجنهم و... الخ
لحد م ج جمال صاري وشو وشوووي ويبكي
الاستاذ:م نفسك تقول خير يجمال؟!
جمال سكتتت
الاستاذ:وانت ي محمد؟!
محمد رفع اكتافو
مراد:فرصه سعيده ومشو
لمن طلعو بره جمال عاين لمراد قبل م يتكلم مراد قال عارفك ح تقول شنو بس انت عندك كرامه وفوق كل شي حتي لو قرايتك ف ح تتسجل فأحسن مدرسه
جمال:وبقروشك انت صح؟!!
مراد غمض عيونو:اخخ نسيت اختك بتكون منو جمال بليييز سيب الفهم دا بالجمبه حاليا وبيني وبينك وانت استعنت بي فسيبني اكمل الف راسي وبسسس

جمال:مراد اهو قلتها استعنت بيك بس انت م راعيت لاني عندي صُحاب هنا ومعلمين بقدروني وبقدرهم نسييت كل دا وركزت فكلمه كرامه دِ
مراد:جمال انت عايز مصلحتك ولا حاجه تانيه؟!!
جمال م رد بس مشي ع البيت امو قالت لي ليه جيت بدري قال ليها عندنا استاذ اتوفي ومشو ليه الاساتذه والطلبه
ودخل غرفتو زهجااان وبفكررر هل تصررف مراد صح او لا







جوري وصلت البيت المسا كانت فالغرفه قافلاها عليها وبتتململ وتعبانه وجسمها مسخن شدييد شووي وبقو بضربو باب الغرفه وااحد واحد وم قادره ترد علي حد من التعب فالنهاية فدوي وجمال قلقو شديييد فجابو النسخه التانيه بعد معاناة وفتحو الباب اتصدمو بمنظرها وإرهاقها شديبد فضلو مقلقين
جمال:امي لبسيها ح اسوقها المستشفي م ينفع الوضع دا
فدوي:لبسها عبايتها ح امش البس انا
جوري:م يحتاج م ح امش اصلا
جمال:م ع كيفك والله م شايفه حالتك!!
فدوي:عبايتها فالدولاب
جوري:طيب ماما م يحتاج تمشي والله جمال كفايه والا بجدد م ح امش
جمال:فعلا وبعدين خليك مع جود
لبسوها عبايه وسندها عليه وطلعو مشو عملو كل الفحوصات وفضلو راجيين وجوري خاته راسها فكتف جمال وهو بحاول يتكلم معاها علشان يطمئن انها م فقدت الوعي
لحد م فحوصاتهم خلصت
دخلت للدكتور معاها جمال
الدكتور ابتسم بهدوء وبقي بتكلم معاها شووي وكذا
جمال:اها يدكتور!!
الدكتور:م تقلق اخوها انت!!!
جمال حرك راسو
الدكتور:الفتره الجايه عايزه عنايه وم تتعب وان شاء الله أسرتكم دايما فزياده
جمال:ان شاء الله
جوري:اها يدكتور للحظه م عرفت عندي شنو؟!!!
الدكتور:قلت ليكم ان شاء الله اسرتكم دايما فزياده ح تكون مالها؟!
جمال سكتت وشبه فهم
جوري اصلا زهجانه فقالت بطرف انفها:ممكن م تتكلم بالغاز لاني والله بطلع بالباب دا هسي
الدكتور بإبتسامه:دِ هرمونات الحمل المهم مبرووك مقدما وربنا يجيو ع خير
جوري بقت بتحاول تستوعب
جمال بضيق:من متين؟!
الدكتور:مفروض اسال انا من متين حاسه نفسك م تمام؟! لانو الحمل دا ليه شهرين
جوري بقت شايفه اسوود اسودد ومطششه شديييد وحست خلاااص الدنيا قفلت فوشها
وقفت بتعب لا سامعه لا شايفه جمال ج بوراها كاره نفسو بالحرف الواحد قعدها فكرسي بره المستشفي ومشي جاب العلاجات
وجوري!!!!عايزه تبكي وم قادره عيونها محمره ويتحاول تستوعب الف بطنها دا ولدو!! يخ كلنا بنقول كرهنا نفسنا بس جوري فاللحظه دِ وصلت مرحله متآخره جدااا
جمال لمن ج وركبو حتي جوري فتحت خشمها وقالت:ممكن ماما م تعرف؟! بليييز يجماال متعرف خالص
جمال ابتسم بالجمبه:ليه جايباه بالحرام؟! م من مراااد القايمين بيه وقاعدين وانتِ الشابكاني م ح احبو اكتر منكم وبتاع اهو بكره تجيبي ولدكم دا وتنسي ريحتنا
جوري غمضت عيونها شديييد م نفسها فهموم تاني م ح تقدر تضغط ع نفسها خاالص حمدت ربها الف مره انو جمال فاهم كذا
جوري:جمال ماما م ح تعرف ولا بالتلميح ساي واهو وريتك
جمال م رد لحد م وصلو لقو فدوي قاعده جمب الباب جمال اتجاوزها ببرود ودخل غرفتو كان زهجان شدييد
فدوي:ياها ملاريا صح؟!
جوري:يب
ومشت بسرعه غرفه جود قفلتها عليها حاولت تبكي م قدرت من الصدمه واللي هي فيه م قدرت تعمل اي حاجه غير انها تلجآ لربها مسكت المصحف وبقت بتقرا وبتدعي بس لحد م نامت فالصلايه

تاني يوم صحو بمناقشه طبعا فجوري المصره اصرار رهيب تمش الشركه وامها الجايطه وجمال واقف بعاين بعيونو
فدوي:اتكلم معاها يجمال يخ م ممكن تعبت انا
جمال ببرود:هي ادري بصحتها+راجلها معاها م عليها خووف خاالص
ومشي
جوري فهمتو عملت رايحه كان ممكن تدخل فحاله وتوقف الدنيا ع نفسها بس جوري المعروفه بتحارب كل حاجه وبتتجاوزها وبتكتمها فعلشان تتجاوز اصرت ع انها تمش الشغل
طلعت تاركه كل حاجه وراها مشت من وصلت شافتو بنزل من السياره ضميرها انبها شديييد ذنبو شنو؟!! يستحمل حاجات م ليه فيها استحمل كتييير شدييد وهسي م مجبور يستحمل الف بطنها دا خاالص وم ليه فيه
كان عاقد حواجبو وهو داخل وم شايفها وهي مراقباه
لمن دخل حتي اتحركت مشت مكتبها قعدت فيه سرحانه وتاايهة شديييد مقتنعه بإنها مستحيييل توريه مستحييل يعرف ولوقتها مقتنعه ح تكون اقلاها اتطلقت وكانت مقتنعه برضو بإنو الف بطنها م ليه ذنب علشان تحاول تنزلو فكانت تاركه امرها للخالقها
لحد م طلبها فالمكتب لملفات وكذا بعد استلمتها قال وهو بعاين فورق قدامو بكره فجلسه فالمحكمه
جوري:وح يتحدد فيها مصير؟!
مراد:الله اعلم
جوري:طيب... لو المواضيع دِ ح تجر احسن نحسم الفوضى
مراد عاين ليها وملامحو حاده شدييد وقال بقيتي احسن؟!!
جوري م عرفت ترد وم فهمت الحاصل خصوصا ملامح وشو البتخوف وهو بتجاوز فنفس الموضوع
حركت راسها من الخوف بس بمعني احسن وطلعت

يمكن اليوم دا عدا على خير المسا لمن رجعت البيت نامت ع طول من التعب والارهاق وقت الاكل ج جمال صاري وشو صحاها وقال يلا اكلي
جوري بتمتمه:م عايزه يجمال الله يهديك
جمال بحده:جوري انتِ من اليوم م بتاكلي لنفسك وبس فاهماني؟!!
جوري قامت بخلعه عاينت يمين شمال حتي قالت:جماااال يخ!!!
جمال بكل برود:قدامي
قامت بتسب ليه مشت قعدت ريحة الاكل قفلتها معاها شديييد وم قادره تقوم علشان خايفه جمال يعلق قدام امها
فدوي:ملامحك اتغيرت تلقائيا كذا ليه؟!
جوري عاينت لجمال حتي قالت م عايزه أكل
جمال ابتسم بالجمبه وحرك راسو وبدا اكل
فدوي:قومي تمام جمال ياكل ويمش يجيب ليك جبنه بتنفعك
جوري م صدقت ادوها تصريح تقوم قامت بسررعه دخلت الغرفه ختت يدها فبطنها وقالت م عارفه اعمل شنو او ح يتقال ليك شنو لو جيت بس مقتنعه مستحيل انزلك وانت م جيت ع وش الدنيا مستحييل انزلك م عارفه بس مصيرك تتسجل بإسم بابا الله يرحمو م اظن فحل تاني نفسي ابكي واصرخ واقول للدنيا انا م قدر الحاصل دا وم لي ذنب فالحاصل
اخدت نفس ورقدت بتعاين للسقف وم قادره حتي تفكررر

تاني يوم صحت فدوي حاولت تتناقش معاها للمره الالف ف انها م تمش جوري اتجاوزتها بس فدوي عصبت لدرجة قالت راجلك دا اصلا م مفروض يخليك تجي و.. الخ
جوري عملت م سامعه وصلت باب الشارع كذا لقت مراد شخصيا فوشها
مراد:يسعد صباحك
جوري:وصباحك
مراد:ع الشركه؟!
حركت راسها
فدوي جات وراها عايزه تتم ردح شافت مراد انفتحت فيه هو
فدوي ومربعه يدينها:انت مرتك دِ م تعبانه فداعي يوميا تمش؟! يخ ارحمها شوي
جوري:ماما!!!!
مراد:روقيي ي خالتي+مالها؟!
فدوي ابتسمت يإستهتار:دا اخر اني وافقت ازوجكم لبعض بالغصب مالها م عارفها!! يخ الكلام القلتو لي قبل فتره لو صح من غير م تتكلم او انا اتكلم مفروض تقرا التعب فوشها
ومشتت
مراد حاول م يظهر ولا ضيق حتي فملامح وشو
عاين لجوري ببرود وقال:ح ترجعي معي البيت اليوم بعد المحكمه
جوري:شفت عاين لا ناقصاك انت لا ماما فأختاني
مراد وبقيف فوشها:بعد المحكمه ح نمش البيت ونشوف انا ولا انتِ وهسي ارجعي مف مشي شركه
جوري:انت مصددق نفسك شديييد بالمناسبة وماااااا راجعه
مراد:نحن م فبيتنا م تخليني اتصرف تصرفات م جايه بحقها وهسي بتكلم معاك بصفتي مديرك اليوم انا اوف تمشي من غير مديرك تعملي شنو
ودخل سابها بتضرب فيها فراسها وقالت كدا كدا يجوري جاتك لعندك
دخلت عامله فيها زهجانه لقتو براضي فأمها م سامعاه بقول فشنو بس كان ماسك يدينها وبتكلم معاها بكل هدوء ج جمال اول م شافو خريطه وشو اتغيرت ورجع مكانو جوري لاحظت بعد م كانت ماشه غرفه جود مشت غرفه جمال اللي اترمي فالسرير بزفر بضيق قعدت جمبو وقاالت:المضايقك شنو؟!
جمال:مُر...
سكت بخلعه وقال:ولاشي م مضايق اصلا
جوري بإستغراب:بلي مضايق وفسرحتك الهسي دِ كنت عايز تحكي


سيسقي الله جفاف الروح سنرتوي و نلين و ننبُت مجدداً

#تناهيد_القلب ❦29❦

#بقلم:وعد_معاويه 💛


جمال:جوري الله يرضي عليك سيبيني فاللحظه دِ
جوري عاينت ليه مسافه حتي طلعت وهي طالعه لاقت مراد داخل ليه
جوري ببياخه:كلامكم مع بعض كتر
مراد باستفزاز:القمر بغير لا سمح الله!!
جوري:وااو من سماحتك
رجع شعرو لورا مع ابتسامه مستفزه كدا ودخل
جوري ضربت يدها مع الحيطه وضغطت ع سنونها
لاقتها امها اللي لوت خشمها وقالت:ولا كآنك عملتي حاجه
جوري:ماما بلييز م مروقه حاليا
ومشت دخلت الغرفه اترمت فالسرير ختت يدها فبطنها وغمضت شدييد قلبها كان فيه حجاره وم قادره تقسمهم مع حدا ابدا



مراد دخل لجمال قعد جمبو وقال:فك صرة وشكك دِ يخ
جمال م رد
مراد:طيب جيتك حاليا من المدرسه شفت ليك مدرسه وكويسه خالص واي حاجه ها؟!
جمال:م عايز يخ م عايز اقرا اصلا
مراد:اتكلم بعقل عاين لجوري المجهجهة. كل حياتها ومستقبلها علشان خاطر ترجع حقوقكم وبتقول انك انت الح تبقي مسؤول عن الشركه او غيرو لانك ح تبقي مهندس!!
جمال دموعو نزلت فلحظه ضعف
بسرعه اداه ظهرو بس مراد شافهم قبلو عليه وقال:جمال!!
جمال مسحهم زح منو وقال:مدرسه شنو؟!
مراد:مدرسه خاصه
جمال:مستحييل اقرا بقروشك بشوف اي مدرسه حكوميه وخلاص
مراد:اخخ نسيتك اخو منو طبعا فالمهم م عايز عبطط انا يجمال والتكلفه م كبيره خصوصا اخر سنه ف اسمع مني وم بينا ي اخوي وبطل
جمال:مراد خلاص بجدد بكره ح اشوف لي مدرسه وانتهينا
مراد:جمال م تحسسني بالذنب سااي انا بفتش ليك فمدرسه تكون كويسه من م سبت ديك م ح تجبر نفسك تدخل مدرسه وتكون اي كلام
جمال:الحكومي اقوي من الخاص اصلا برتاح للحكومي
مراد زفر بضيق:بشوف بكره بس لو م لقيت حكومي نافع صدقني غصب عنك ح تدخل السجلتك فيها دِ
جمال:كويس
سكتو مساافه حتي مراد قال:جوري مالها؟!
جمال لمحاوله الهرب:مالها؟!
مراد:م حاولتو تفحصو ليها نا حاولت بس رفضت
جمال وهو بعاين بعيد:عندها ملاريا وتايفويت مشينا قبل يومين
مراد:دقييقه وبملاريتها وغيرو صبحيتها جات الشركه صح؟!
جمال حرك راسو وقال:وحتي امي اتكلمت معاها كتيير بس م اشتغلت بيها
مراد:اخخخ . تمام يجمال عند موضوعنا لبكره بس اجتهد ذاكر فالبيت وكذا لحد م يظبط ولو فحاجه وقفت ليك جوري عايانه بس انا قاعد
جمال ابتسم وحرك راسو
مراد قام طلع ركب سيارتو واتحرك متجه مكان وااحد كان كل م يقرب قلبو بضرب اكترر لحد م وصل ووقف فالمكان المعتاد يقيف فيه كل م يجي اثناء م بعاين اتصددم بالشخص البجي طالع بقي بحاول يركزز اكتر يمكن مشبه!!
ج بوراه محمود الطاهر مبتسم ودعو ودخل بيتو!!! هنا اتصددم شدييد
مراد:مستحيييل.... طيب... يعني... معقول!!!!
قعد تلت ساعه بستوعب حتي رفع فونو واتصل بشخص وحاول يكون هاادي
مراد:محاميينا
المحامي:اهلين مراد باشا
مراد:الليله عندنا محكمه وكذا ف اي تطورات؟!
المحامي:الا بعد المحكمه وكذا نشوف
مراد:اها ان شاء للان ف حاجات لصالحنا وكذا
المحامي:واله يمراد باشا بإذن الله ندعي بس
مراد قفل منو واتحرك مشي الشركه بسرعه

طبعا مراد مشي بيتهم وكذا وشاف محاميه طالع من بيتهم وَقدمو محمود الطاهر ف اتصدم وكذا

وصل الشركه السياره م وقفها نزل وساب الباب فاتح وقال للامن وهو بدخل بسرعه اركنها لي
وجرري ع مكتبو فتح الخزنه وفضل بنزل فالورق المهم اتصل لاحمد وقال ليه بسررعه تعال مكتبي
احمد ج مستغرب لحالة مراد وقال:رووق ف حاجه لقيتها مف ولا مالك؟!
مراد:ي ريت ي احمد انا وربي م عارف فدنيتي دِ اثق فمنو
احمد:فشنو؟!
مراد:المحامي ياحمد شكلو ولد كلب خااين
احمد بعدم استوعاب:كييف؟!.. كيف يعني
مراد:عديل قبل شوي شفتو طالع من محمود الطاهر وم اظن فسبب بخليه يمش ليه صح؟! فهسي لازم نشوف كل بيانات الشركه وكل حاجه وننظف لو فحاجه لحد م اغيرو
احمد قعد فالكرسي بستوعب
مراد:م وقت استيعاب هسي شوف معي البيانات سرييع ي احمد يخ شوف اسهم الشركه قروش الخزنه العاملين حساب الشركه كلل شي شوف خايف يكون عمل حاجه متفق مع مخمود الطاهر يفلسو بي يخ
احمد قام وبقو شغالين اظن ساعه ومراد دا يمكن اكترر لحظه كان خااايف فيها وقلبو بضررب الساعه دِ لمن حسا خلاص كل انجازاتو يتضيع منو
احمد:مراد انت عندك محكمه بعد ساعه كذا ف روق هسي وفضي راسك ليها وانا بكمل لحد م تجي
مراد:د م وقت اروق فيه ي احمد+عندي فكره
احمد:هاا؟!
مراد:ح اجيب محامي شاطر يهتم بالشركه من م القاه لو الليله واقول ل عمك اسامه د انو انت اتفرغ لي لموضوع المحكمه وجبت د فتره مؤقته وكذا
احمد:طيب فكره بس تجيبو كيف او بالاصح تجيب واحد شاطر وتقدر تثق فيه كيف؟!
مراد:دقييقه
فضل بتصل كتيير اتصل ع معظم اصحابو ودفعتو البزنس الجوه وبره السودان
قالو بشوفو ليه وكذا
احمد: وفموضوع المحكمه م كذا م هناي يعني
مراد:م هو الجلسات بدت م عارف اتصرف بس اغيرو احسن صح؟!
احمد رفع اكتافو
مراد:بعد الجلسه دِ ح اتصرف

لحد م الوقت ضايق وانجبر يمش لجوري علشان يسوقها فقال لاحمد بمش وبجيك والشغل د بينا ولا النمله الف الارض م تعرف وم تحسس المحامي بحاجه
احمد:د كلامك يمان خليها عندي
مراد مشي وراسو ضاارب شدييد لمن قرب اتصل ليها وقال اجهزي وانزلي لي منتظرك تحت انا ولو م بتقدري م مشكله بمش لوحدي
جوري كانت تعبانه بس مجبوره وم عايزاه يمش لوحدو قامت لبست عبايتها وطلعت عاينت لامها وقالت ماشين المحكمه
فدوي:لو م بتقدري م تمشي
جوري:حتي لو م بقدر د هدفنا من الزواج اتكاسلل!!
فدوي:طب ربنا يقدرك يبتي
جوري اخدت نفس ومشت حضنت امها شدييد وقالت:اعفي لي ورربي الفتره دِ م هارفه نفسي بعمل فشنو
فدوي ربتت ع كتفها:عافيه ورضيانه عنك يبتي عافيه عنك
نزلت مستأة شديييد لقتو فعلا منتظرها ركبت من غير م تعاين ليه
اتحرك فسكات تقريبا لحد م وصلو استوب ف وقفو جوري قبلت عاينت ليه وقالت:ف امل يتحدد فيها مصير محكمة اليوم؟!!
عاين ليها :المحامي قال بشوف بعد المحكمه
جوري:طيب دقييقه انت ملامحك دِ مالها.. يعني.. فحاجه حاصله؟!
عاين ليها بملامح م مفهومه قبل م يرد الاستوب فتح فاتحرك
جوري قبلت وسبت لنفسها السآلتو بعد الكان حاصل بينهم الصباح
مراد:ح يهمك اذ قلت ليك فحاجه حاصله يعني؟!
جوري غمضت عيونها وقالت:مراد اعتبرني غلططه بس سألت واعتبرني م سالت من الاساس
م رد عمل رايح لحد م وصلو
دخلو ومراد كان ماش قدامها بكل غرور لمن الجلسه بدت وبدا الكلام والسينايرو مخمود الطاهر كان كلام محاميه قووي شدييد عكس كللم محامينا يعني جوري اللي م ليها علاقه بامجالات ولا الحوارات دِ كانت فاهمة انو القضيه م ح يكسبوها هم الا تحصل معجزه حرفيا تقلب الطاوله كانت يأسه شدييد همست لمراد ب:ح تندم انك ضيعت مستقبلك مع وحده فاشله فقيره ماديا عذبتك خسرتك شغلك خسرتك أبوك اهلك ف ح تندم شدييد اتاكد من كدا
مراد قبل م يتكلم القاضي ضرب المطرقه بتاعتو وقال كلام كتيير الزيت انو الجلسه الجايه الاخيره والح يصدر فيها القرار
المحكمه بدت تفضي ومراد م قام من مقعدو خاالص عاينت ليه بإستفهام لقيت بأشر للمحامي
المحامي ج وقعد
مراد:الحاصل!! يعني تقريبا بالحاجات القلتها ليك م اظن نكون ضعيفين كذا
المحامي:م نحن الضعيفين هم الاقوياء يعني... ادلتهم ذكائهم كلو
مراد ابتسم بالجمبه:ذكائهم!! يعني كأنك بتقول انك غبي او كذا؟!
المحامي:يمكن استاذ محمود هو اللي ذكي
جوري:عفوا!! علي م اعتقد يعني مراد قال ليك الوضع زي م هو بس انت م اظنك اجتهدت تقول المهم+الموضوع م بذكاء اللي رافع القضيه او المتهم الذكاء ذكاء المحامي
مراد:او غباء المحامي او استغباء المحامي ورفع اكتافو وهو بعاين للمحامي فعيونو بطريقه تحيير
المحامي:عن اذنك
وقام بسرعه طلع
جوري:واضيف انها شبه خسرتك محاميك
مراد قبل عليها يجسمو كلو:شوفي م تحملي نفسك اكبر من طاقتها تمام؟! يعني.. اندم او لا حاجه بترجع لي بالإضافه م كان عندي اب علشان اخسرو
جوري:هي حاجه بترجع ليك بس م لوحدك سببو منو الندم د؟!
مراد:انا قلت ح اندم يعني؟! بالعكس مبسوط حتي لو خسرنا القضيه
جوري:اصلا د الح يحصل من الواضح
ووقفت
قبل م يقيف قبلت عليه وقالت:واستعد لمحكمه الطلاق لانها ح تكون تاني يوم من اخر جلسه
وقف ملامح وشو اتغيرت اتحرك قدامها
ركبو السياره وطول الطريق ساكتيين
لمن قربو قال وهو مركز فالسواقه:بالمناسبه فحاجه خاصله معاك ليها يومين صح؟!
جوري ملامح وشها اتغيرت سكتت
مراد:هااا؟!
جوري اخدت نفس:اذ قلت ليك فحاجه ح يهمك يعني!!
ابتسم بإستهتاار:وحده بوحدده؛ اممم ايوه بهمني وشديييد كمان يلا جاوبي
جوري اتصدمت من ردو غمضت عيونها وقالت:ايوه من غير م تعرف هي طبعا
مراد:وبكيتي فيها شديييد او ضايقتك شديييد
جوري:بتجيب الكلام د من وين؟!
مراد ببرود:منك
جوري:افندمم!!
مراد:متخيله انو دموعك مف حدا بشوفها وانا شبعان منها فاحلامي
جوري:شوف انت عايش فخيالك اكتر واذ ح تقنعني من اليوم لبكره انك بتشوفني بجعر فاحلامك م ح تقنعني
مراد:عادي م ضروري تقتنعي بس اعرفي من قبل م اشوفك وانتِ بتجيني مره بتبكي ومره ماده لي يدك وبتطلبي المساعده
وقتها جوري كانت مصدومه وم مركزه هو وقف وين!!
لمن وقف السياره قبلت قالت بعصبيه:د شنو!!! مراد انا ماشه ناس ماما يخخخ
مراد:كلامي قلتو الصباح
جوري:يخخ ابييت بس واصلا كلها اسبوع الاسبوع الجاي م تنسي الطلاقق
مراد:كل دقييقه بتذكري ليه؟! بالمناسبه هو م محتاج محكمة ح يحتاج فحاله وحده اذ انا رفضتت وجرجره شهور
جوري:بكررررهكك يخخ عاير تحرمني من ناس ماما كمان واثقه لو بابا في او عندي اخ كبير م كان بتعمل كذا ونزلت قبلو
مراد الكلام اكل معاه جمبه خصوصا هو م كذا ولا حارمها
اما جوري ف كان رمت كلمتين م ف مكانهم ولا وقتهم اصلا جدعتهم وخلااص
وقفت جمب باب الشقه بترجف من الغضب والزهج ج بعد مسافه فتح الباب دخلت وع غرفتها ع طول
كانت بتعاين للسقف وعيونها بتحكي الف وجعع

مراد دخل غرفتو م كان ناقص ولا نص هم دخل اخد شاور وطلع ع المطبخ م كان ف حاجه ف نزل الماركت جاب حاجات ختاهم ف المطخ وركب سيارتو رجع الشركه
احمد:والله ف حاجات م مطمنه يمراد وم ح يعرفها لينا الا المحامي
مراد:زي شنو؟!
احمد وراه حاجات كتييره شبه فتلاعب ف اسهم الشركه
مراد تللج يمكن شغلو م بفررط فيه خاالص وعندو اغلي حاجه فحياتو
احمد سندو فكرسي مراد ضغط ع راسو
مراد:ف حلجه حاصله بجدد
احمد:روق انت حاليا تمام اخد نفس وبتتسهل
مراد:تتسهل!!! احمد انا شبه فقدت شغلي حاليا عارف تعب ست سنين بفقد فيه
احمد اخد نفس وسكتت مراد عيونو كانت شراار
اتصل تلفون
مراد:اسمعني ي ياسر المحامي تبعك ممكن تخصص لي ساعتين بس يتكلم معي كول ويشوف لي الحاصل
ياسر:اووكي يخ لكن مالك والحاصل شنو فشوكتك وصوتك م تمام؟!
مراد:والله موضوع طويل شكلو ف لعبب حاصل
ياسر:اخخ ان شاء الله خفيفه يخ ي اخوي
مراد:تسلم
ياسر:طيب اشوف المحامي وكذا وبرسل ليك
مراد:منتظررك
قفل منو
احمد:ياسر؟!!
مراد:ياسر كندا المحامي تبعو ح اسيبو يتكلم معي فيديو ويشرح لي الحاصل لحد م القي محامي شااطر
احمد:حلووو
تقريبا ربع ساعه ورسل ليه *المحامي حاليا فاضي شوي وح يتصل عليك اديتو رقمك*
مراد اتصل للشوفير بتاع الشركه جاه
مراد:اسمعني ي مان كان شفت لي مدرسه خاصه كويسه واي شي ف هسي شوف لي وحده حكوميه وتكون بجدد كويييسه
حرك راسو ومشي
احمد:دا شنو؟!
مراد:جمال اصلا ساب مدرستو بسببي وكذا لازم ينزل سريع علشان يلحق
احمد:وااو فعز مشاكلك بتفكر فيهم
مراد:اولاد عبد الغفار احب اذكرك
احمد حرك راسو وبقو ساكتين لحد م فون مراد اتصل وكان المحامي شرح ليه وحدده وحدده
المحامي:طيب ي باشا ف سحب تدرجي ف الاسهم د الواضح لي حاليا
مراد:ومشت وين الانسحبت دِ؟!
المحامي:تقريبا وع حسب علمي مكتوب لشريك بس
مراد:وح اقدر ارجعها اولا وكيف وبنسبه كم الانسحاب د؟!
المحامي:للحظه نسبه بسيطه 10% وم بترجع الا السحبها د يتنازل
مراد:وانسحبت كيف اصلا؟!
المحامي:م عارف والله هايزه وقت حتي تعرفف انسحبت كيف بس غالبا الخاين د حاجه كبيره فالشركه
مراد:شاكي فالمحامي تبع الشركه
المحامي:لو د المحامي بجدد ح تتعب لانو المحامي دايما بكون مصدر ثقه ولو عمل حاجه زي د وهو محامي لشركه كبيره زي شركتك دِ اكيد عملها بسياسه غايتو
مراد:طيي ي استاذ فتصواصل وم ح اشغلك من شغلك لمن تلقي م عندك حاجه
اتشكرو وقفل
احمد:اخخ محامي ودد كلب يخخ
مراد:م ح اقدر اخسر ولا نص سهم م ح ارحم المحامي خاالص م ح ارحمو
احمد:رووق حلها بسياسه انت م يحس بيك ويتفاجأ بعدين بس
مراد قام:ح امش اراجع بنفسي المحاسبه والامور الماليه م ناقصص انا
لحمد:تماام احسن
مراد مشي وشغلو كان ضاغط شدييد اليوم د وكان زهجاان لدرجه عيونو شرار وصاري وشو
رجع الشقه الساعه 8م
دخل غرفتو اخد شاور ومشي المطبخ
جوري روتينها كان عادي جداا للساعه 4 بالظبط ضغطت ع تعبها ومشت نظفت وطبخت
المغرب لمن اذن ومراد م ج قلقت شووي وتاني قالت يمكن بقي بجي بعد المغرب عاددي بس كان كل نص ساعه تمر هي بتقلق اكتر م اهتمام ولا حب منها بس خوف خايفه تحصل ليه حاجه
بطنها المتعا وحست بنفسها ح ترجع مشت الحمام بسرعه بعد طلعت حست ف حركه فالبيت طلعت بهدوء ومشت المطبخ لقتو واقف وحواجبو معقوده
جات وقفت فوشو وهي بتفرك فيدينها بتوتر
اول م عاين ليها بزهجو دلك قربت تقوم جاريه كانت قافله معاه شديد
جوري:مراد انت كويس؟!
غمضت عيونها شدييد الكلام طلع غصب عنها
كان بعاين ليها من غير رد
جوري:م تتبايخ وتقول لي م بهمك لانك من قبل المحكمه م تمام وانا قلت ليك كلام م صح اقولو وهسي حاساك قافله معاك اكترر
مراد:الف قلبك وقلتيه عادي
جوري:مرادد!!.
وهو بتحرك:تعالي
مشي البلكونه الكبيره قعد ف كرسي وهو ماسك كبايه نسكافيه
جوري جات قعدت بتفرك فيدينها
مراد:انا ح احكي لانو لازم تعرفي اصلا
جوري:ها؟! م مممن نتطلق ولا شنو؟!
مراد تلقائيا اتضايق زياده
مراد:القصه م كدا القصه المحامي تبع الشركه ونفسو المعينو لقضيتنا خاين ومتفق مع محمود الطاهر
جوري:نعممم؟!! وانت عرفت كييف؟!
مراد حك ليها كل حاجه وحتي بالحاضل فالشركه ختمها ب:علشان كدا م تمام ونفسي حاليا اشيل سلاح وارصص زفت محمود
جوري:مرادد!!! فالنهايه هو ابوك م صح منك البتقول فيه د
مراد:ابوي!!! ابوي مات من 12 سنه د ابوي البعرفو
حصلت لحطه من السكوتت كسرها مراد لمن طلع الجاكيت بتاعو وختاه فيها وقال:الجو بارد
جوري:وانت؟!
مراد:مسخن اصلا من الحاصل
جوري:طيب المحامي نفسو العرض عليك فكره الزواج د تحتها ف حاجه؟!
مراد سكت مساافه كانو يداب استوعب:دقييقه فحاجه ناقصه يعني معقوله محمود الطاهر هو اللي خلاه يعمل كذا؟!

جوري:ومصلحتو شنو يعني؟!!
مراد:م قلت فحاجه ناقصه
جوري:وح تعمل شنو انت فموضوع الشركه... يعني الحاصل ليك د بسببي برضو؟!.
مراد:مف حاجه فالدنيا دِ كعبه حصلت لي بسبك يجوري اطمئني
جوري:اقنع نفسك بكدا
مراد رفع اكتافو:مقتنع باقي انتِ
جوري اتنهدت وقفت ومدت ليه الجاكيت وقالت ادخل الجو برد شدييد بجد
ودخلت رقدت مغمضه عيونها شدييد مراد البخسر فشغلو والقضيه الح يخسروها مأكد زواجها كان م منو اي هدف حتي الف بطنها كانت مقتنعه انها مستحيل تسجلو بإسم مرادد يعني زواج وبعاد من اهلها وبس
مراد كان فعالم تاني شغلو البخسر فيه ومرتو!! م كان نفسو يخسرها خالص بضايق لمن يتذكر قصه الطلاق فضل بهدي فنفسو وبقنع فيها انو دِ مجردد اوهام منها وم هاميهو الطلاق خالص
تاني يوم صحو ومشو الشركه مع بعض عادي فحدود مراد قال ليها بعد تخلصي علاج بس قالت هي تمام ف الشغل كان كتيير لانو مراد واحمد وجوري كانو ضاغطين نفسهم فموضوع المحامي د اللي مف غيرهم عارف بالحصل
مراد لمن خبر أستاذ اسامه اللي هو المحامي بزنو يرتاح الفتره دِ وكذا اتوتر وقلق وبقي شابكو فحاجه وبتاع مراد كان بارد شديييد قال ليه منها وتفضي نفسك لموضوع المحكمه وتجتهد لينا فيه وكذا
بس المحامي قال ليه اصلا كذا كذا الاسبوع الجاي اخر جلسه ف م مهم
بس صدمني مراد لمن قال بعدو ح تمسك موضوع الطلاق برضو الاوراق وكذا المحامي عاين ليه وسكت مساافه حتي قال تمام بعد طلع احمد عاين لمراد ورجع عاين لي وقال جادين عايزين تتطلقو؟!! مراد حرك راسو وعايت فالورق القدامو احمد اتصدم شدييد وقف وج علي وقال جوري!! يعني... هسي لو مراد كان بحبك وكذا برضو ح تتطلقو؟! مراد فاللحظه دِ بقي بعايت لاحمد بإستغراب وقال افندم!! جوري عاينت لمراد وقالت ببياخه واضح لو بحبني طبعا احمد عاين لمراد وقال طيب انت لو جوري بتحبك ح تصر ع الطلاق!!
مراد:براك قلتها لو لاحظظ
احمد:شوفو من الاخر م عايز اتدخل فخصوصياتكم بس ورربي انتو الجوز مناسبين لبعض شدييد وانا ك زول قاعد معاكم فالشركه طبيعي واحيانا فالطلعات البره كمان ففي اهتمام لبعض فعيونكم وخوف ويمكن حب!! بس مكابرين الاتنين
بقو بعاينو لبعض مساافه حتي جوري قالت بتخيل ليك
مراد:بالظبط كدا ف اقفل الموضوع ونهايتنا طلاق اصلا
احمد:تمام راحتكم
قبل م حد يتكلم جوري بطنها قلبت شدييد وعرفت نفسها ح ترجع ف اللحظه دِ جات داخله ساره وجوري جررت عالحمام جرري
مراد لونو اتغير ومشي وقف جمب الحمام مقلق عليها
ساره:البنت دِ مالها ليها فتره
احمد:مش ع اساس عندها ملاريا وكذا
ساره كانت سارحه بعييد وم ردت عليه
جوري طلعت دايخه شووي وبطنها مألماها م فكرت انو يمكن فحدا راجيها بره فطلعت مغمضه عيونها بألم وخاته يدها فبطنها
مراد:جوري
اتخلعت حاولت تبين انها تمام ف قالت:انا كويسه
مراد:الملاريا عايزه حد يرتاح ف يلا ارجعك البيت من غير عناد
جوري:مرااد قلت ليك انا تمام بجدد وم تكبر الموضوع
بعد خلصت جملتها دِ مسكت راسها بألم
مراد:باين انك تمام طبعا
اتجاوزتو ج وراها جوري اتصدمت شدييد لمن ساره قالت ليها:عملتي فحص كامل؟!.. يعني اختي لمن كانت حامل كان د البحصل معاها
جوري سكتت وبقت بتعاين ليها مصدوومه
مراد كان وراها فسكت وهو مقتنع تماما انها ملاريا بجد واحمد كذلكك
جوري بصعوبه قالت:ي بت حمل شنو ايوه عملت فحص ملاريا وكذاا
ساره:م مقتنعه وبعدين م بعيده يلا نعمل إختبار ف الصيدليه التحت بجد حاسه انو حمل
احمد:م تضغطي عليها سااي قالت ليك انها عملت فحص كامل
ساره:عادي مرات بحصل غلط وانتو محسسني ليه انها م متزوجه تجررب م خسراانه
جوري:ساره حبيبي بجدد م عايزه اوهم نفسي سااي ولا اوهم غيري واحسسو بجد فحاجه زي دِ وانا مقتنعه انو مف
ساره سكتت وقالت ماشي
مراد:يلا البيت
جوري:قلت ليك تم...
قاطعها:عارف انك تمام بس علشا ترتاحيي بجدد لأنو المسا عندنا مشوار مهم ومهم جداا تمشي


أتحبها ...؟
لا
لماذا لا ..؟
عنيـدة تتكلم قبل أن تُفكر لا تعرف ماذا تقول .. صريحةٌ أكثر من اللازم .. لكن هي خجُولة كثيرًا تبكي بسرعـةٍ وتضحك أسرع
غير مفهـومة مزاجها متقلب
لكن
لكن ماذا..؟
هي ناعمـة وبريئة .. وتخلق من مأساتها ضحكة ومن مُشكلتها نكتـه لاتعرفُ التفكيـر بنفسها وأيضا حنونـة كثيرًا كأنها أخذت دور الأمومة مع الذين تحبهم لاتأذي
ولا تكذب ومهما حاولت ملامحها تفضحها هي إنسانة غريبة ...!!
كل هذا ولا تُحبها ... !!
نعم لأن مشاعري إتجاهها وارتباطي وتعلقي بها فاق مرحلة الحب بل أنا مجنون بها ..
..

دوستويفسكي

#تناهيد_القلب ❦30❦

#بقلم:وعد_معاويه 💛


حركت راسها واصلا هي تعبانه بجدد بس بتكابر وكمان عايز يطلعها بعدين
مشت جابت حاجاتها وطلعو ف الطريق مراد لاحظ ليدها بترجف
جوري كانت تعبانه وحاسه نفسها مهبطه وكانت اطرافها بترجف حتي رجولها
مراد م اتردد ومسك يدها وظغط عليها كانت بارده فقال متأكده انك تمام ومف داعي امش المستشفي؟!
جوريو هي يتعاين ليدو سحبتها ومسحت ه وشها البقي عياره عن مويه فحدود وشها متلج
مراد وقف وعمل خلف دور ع طول
جوري:مراد!!
مراد:اكيد م ح اعاين لحالتك دِ واسكت
جوري:مراد اسمع كلامي واحترم قراري ووديني البيت
جوري هبطتت زياده لفكره يمكن يمشو المستشفي ومراد يعرف بالف بطنها كانت خايفه شدييد وم عايزاه يعرف خالص
مراد م رد عليها فهي عصبت فحدود مقادره اصلا وقالت قلت ليك وديني البيت يخ م تعمل فيها خايف علي ومهتم
برضو م رد
جوري:مراد رجعني البيت للمره الاخيره ولا ح اتصرف تصرف م ح يعجبك
كأنها بتأذن فمالطه ف م اترددت ومشت ع الدركسون وبقت بتخرك فيها مراد عصب وقال ي يت ح تعملي بسنا حاادث
وهي مصره جاهزه تموت بس م يعرف السياره كانت بتتحرك يمين يسار ف سياره كانو ح يدخلو فيها لولا مراد دفرها واتخطاها ف اخر لحظه وضغط فرامل شدييد وقبل عليها:جنيتي صح؟!!! د شنو البتعملس فيه د؟! اا
جوري:مراد م تضغط علي بلييز يخ م تضغط علي م تتحكم فيني وتجبرني ع حاجه م عايزاها يخ انا كدا م بحكي حاليا صح حاسي بي م تمام بس انا ادري بمالي لموضوع خصوصي م عايزه احكي ف قلت ليك رجعني البيت وبس م تعمل فيها خاايف علي يخخ اطلعع من الدور د
مراد كان بعاين ليها وحس بيها مخنوقه شدييد فبجدد م حب يضغط عليها سكت دور ورجعع وصلها البيت نزلت بسررعه دخلت غرفتها قفلتها عليها وانفقعت بكا وهي بتقعد فالارض جمب الباب كانت بتبكي وخاته يدها فبطنها وم عارفه ح تعمل شنو وح تفضل ساكته لمتين خاالص
لحد م نامت فمكانها
مراد بعد نزلها خت راسو فالدركسون ودموعو حرت ولنفسو مرعارف ليه مسحها لسرعه وقال ارجللل يمرااد يخ ارجلل د شنو البتعمل فيها د يخخ زفر بضيق ونزل اخد شاور ونام من غير تفكير
جوري صحت لقت الساعه 9م غمضت بألم كانت احسن بكتيير من قبيل اتذكرت الحصل اتنهدت وقامت استحمت واتوضت صلت اتذكرت مراد قال فمشوار مهم قالت بعد د خلاص الوقت روح معناها المشوار طرشق قالت لكيد مراد متذكرو بس م حب يضغط عليها بسبب كلامها القبيل وهومشوار مهم بحددد فطلعت اترددت كتيت قبل م تضرب ليه باب غرفتو سمعتو بقول بصوت ناعس ادخلي
دخلت بهدوء عاينت ليه وعاينت للارض بسرعه وهي يتفرك فيدينها
وقف جمبو وقالت:قلت فمشوار مهم شكلك م حبيت تصحيني علشان كلامي القبيل بس.... يعني.. لو هو مهم بالنسبه ليك وشايف مهم بالنسبه لي كان تصحيني عادي
مراد بكل برود:المشوار لسه اصلا ح نتحررك 12 من هنا ونعم مهم بالنسبه ليك واصلا المشوار د بالأخص لو واقفين محاكم وشكل ح اطلعك ليه لانو مهم شديييد
م ردت كانت مستغربه د مشوار شنو وم قادره تسآلو ف طلعت بسرعه غرفتها فتحت الشاشه علشان م تفكر كتير وتصدع لحد م باب غرفتها ضرب قالت ادخل ج داخل عاين ليها وقعد جمبها!.
مراد:شوفي ي بت الناس م عارف تصرفي القبيل د ضايقك او الحاضل شنو بس لو ضايقك بجد للدرجه دِ ف بحب اقول م كان قصدي ازعلك كان نفسي اعرف مالك وتبقي تمام وبس وحاجه طبيعيه لحد مكاني اذ شاف حالتك القبيل يوديك المستشفي علشان يطمئن
جوري:اممم جاي تعتزر يعني!!
مراد:انا واعتزر!! لا طبعا
ابتسمت لا إراديا
عاين ليها بإستغراب
جوري:لو جاي تعتزر سامحتك بس لو جاي بحاجه تاني ف اعلم اني مخنوقه منك شدييد وم طايقاك
مراد:العلي عملتو فتاني فستينك
جوري:تمام ممكن تطلع
مراد وهو بخلف رجلو:جاذبني الفلم
جوري رفعت حاجب:عادي امش احضرو فشاشتك
مراد:جاذباني القعده هنا
رفعت حواجبها وبقت بتحضر كانت بتحضر ف فلم تامر حسني تبع بحبك مع هنا الزاهد
جوري كانت بتضحك للهبل الحاصل د ومراد بعاين ليها سااي تامر حسني كان مستهبل فيه شدييد وعلي العلي معاه حمدي المرغني يعني جاها فالصمييم
لمن ظهرت خطييتو القديمه وكذا الكان بحبها جوري ركزت فحاجه
بقت مرركزه لنهايه الفلم انو هي سابتو علشان كانت خايفه تموت وم يقدر يكمل بعدها وهنا الزاهد وقتها كانت فحياتو وح تتزوجو ولمن ظهرت الامور اتعقدت فيعد خلص جوري قبلت ع مراد وقالت:دقييقه بجدد انا م فكرت فيها انت مف وحده فحياتك؟!.. يعني م تكون وقفت حياتك ولا كذا لا سمح الله
مراد:واذ وقفتها!! عايزه تعملي شنو
جوري:ممكن تبطل عبط لمره فحياتك معاي؟!
مراد:بس بحب اتعابط عارفه ليه؟!! علشان الحديث الانفتح د يجر واتكلم معاك اطول فتره ممكنه

جوري سكتت بقت بتحاول تستوعب
مراد:ف وحده فحياتي حاليا اهو د رد
جوري اتصدمت اكترر:يعني؟!!
مراد:يعني ح اتزوج
جوري فلحظه قلبها قبضها شدييد فقالت وهي ضاغطه عليه:ربنا يتم ليك ع خير مسبقا كدا
مراد:اول خطوه الطلاق طبعا والجمعه البعدها العقد ف اول المعزومين
جوري ببرود:الف مبروك والله
وهو بقيف:الله يبارك فيك وطلعع
طبها كان جاادي شديييد مف مساحه الزول يقول بهظر واصلا م ح تقدر تقول بهظر بعد الفلم الحضرتو د لقت دموعها بتنزل وللحظه اتخيلتو ماسك يد وحده ومبسوط معاها دموعها نزلو مسحتهم سريع وقال فشنو يخ اصلا د اللازم يحصل م هو كدا كدا الطلاق قايم سعنس يوقف حياتو؟!.
للساعه 12 كانت ماسكه فونها رسل ليها باجهزي المشوار
كانت نفسياتها تحتت قامت بتتجنب نقاش معاه لبست فستان بترولي وعملت قلوس وطلعت لقتو كاشخ
عاين ليها شوي ومشي قدامها ركبو واتحركو وهم ساكتين مف واحد اتكلم مع التاني خااالص لحد م وقف بيها جمب استاد تقريبا كان فيه كميه من السيارات وف حفله فيه تقريبا عاينت لمراد بإستغراب قبل م تقول كلمه مسك يدها وقال:مهما شفتي جوه ومهما حصل م ح تنهزي خاالص اوكي؟!!
جوري:جايين وين نحن ود شنو م فاهمة وليه يتقول كذا!!!
مراد اخد نفس:اوعديني ح تكوني تمام وح تكوني جوري البعرفها
جوري:مراد انت وترتني وبعد د م بنزل معاك بجدد يخ
عاين ليها مسافه ونزل وقتها الوقت كان متأخر
هي م نزلت كانت مستغربه شدييد ج فتح ليها الباب ومد ليها يدو عاينت ليدو مساافه حتي مدت يدها بتردد واضح مسكها وضغط عليها وقفل الباب
اتقدمو لمن دخلت اتضح حفله وقفت جمب الباب وقالت:د شنو يخ؟! اتكلم
مراد:اثقي فيني بس
جوري:لو م واثقه فيك م كان طلعت معاك من البيت اصلا لمشوار مجهول بس خايفه
مراد:انا جمبك
اتقدمو ومشي بكل هدوء قعدها ف كرسي وجر واحد قعد جمبها ورجع ضهرو لورا
جوري:مراددد!!!
مراد:قلبي
جوري بقت مستغربه ف قبلت وبقت بتعاين قدامها واتضح انو حفله عيد ميلاد
شوووي وم تشوف الا عبدو وقفت لا اراديا مراد مسكها من يدها وضغط عليها وقعدها
جوري:دشنو يمراد جبتني مكان فيه الوسخ د ليه؟!
مراد كان مركز قدامو عاينت مكان م بعاين شافت ليك كم راجل كذا وتقريبا نيابه حكومه حاجه بالشكل د فمراد وقف وقال:م تتحركي خاالص من مكانك
جوري كانت شوي وتبكي مسكت يدو وقالت:لاا بخاف
مراد مسكها وقال تمام يلا معي معناها
مشي وقف لعبدو فوشو هبدو عاين لينا الاتنين بإستغراب
مراد:كل سنه وم تشوف عافيه نهائي يخ وحبيت اجي اديك هدية عيد ميلادك لانو م صح فحقي والله
جوري فاللحظه دِ فكت يد مراد وعاينت ليه وقالت:م بعرفك بتعمل فشنو وكمان هايز تهديه صح؟! يخخخ يكررررهك بكرررهك ومشت
حصلها ي الله مسكها هزاها شدييد وقال:اثبتي وكملي للاخر روقي حاليا
جوري احاولت تتفك منو حضنها شديددد وكان بهمس ليها ف اصانها اتكلم معاها كتير حتي هدت مسكها قعدها فكرسي فمكان معين وقال اثقي فيني بسسس شويي ورجال الحكومه ديلك شالو المايك الكان بغني بيه الفنان وقالو كلام كتير جوري بقت مصدووومه شديييد الخلاصه بتاعت الكلام انو م يرضينا فدينا واحد يعتدي ع بنت وانو ذكر فالقران اذ كان بكر ينجلد 100 جلده واذ متزوج الرجم حتي الموت وانو عبدو بإعتبارو وراحد زاني وح بأدله وشاهد عيان ساتر العمل معاها كذا ف ح انو ح يتعاقب قدام ملأ من الناس هلشان يتوبو وم يفكرو يعملو كذا..
جوري:بس... يعني قدام اهلو واصحابو دِ فضيييحه.
مرادد:ايوه احسن علشان يتأدب اكتر وقاصد راجي اليوم د بفارق الصبر
جوري من غير م تحس حضنتو شديييد وقالت بحبببك والله
حس روحو ارتدت ليه
بقت متابعه البحصل عبدو د جاااط شديييد وامو جات وااقعه بطولها لمن ادو اول سوووط بالغصب
الناس جرت عليهااا وقفت علشان امش مراد ثبتني وقال:الناس اهو مشت بسعفوها روقي
جوري:بسس هي طيبه يعني..
مراد:عاارف حبيبي بس اسمعي الكلام بعد تبقي تمام لو فبيتها بوديك بس هسي الناس كتار حولها
حركت راسي ومسكت يدو كان بجلدو فيه بأعنف الطرق الخمسه الاوائل م بعرف استحملتهم كيف غمضت عيوني وقلت م قاادره يخ كفاايه ارررح.
مراد:بالعكس علشان يعرف انها م سايبه ساااي وعلشان م تخافي منو او من غيرو افتحي عيونك.
فتحت ببطء كان بعاين لمراد بإحتقار شديييد
فجاءه ختيت يدي فبطني الالمتني بسييط فاللحظه دِ اتذكرت الفيها عاينت لعبدو البجلدو فيه يخ معقوله!! معقوله وبس!! ابوهو اهو بجلدو فيه اخخ بس
فاقت ع سرحتها لمن مراد خت يدو فوق يدها الف بطنها وقال:موجوعه؟!
جوري اتوترت نطت وبعدت يدها فتلقائيا يدو بعدت وقالت:لااا بس خلاص بطني طمت من الحاصل نررجع؟!
مراد عاين ليها خمس دقايق تقريبا حتي قال بهدوء:فييك حاجه وااثق بس تمام