ن_أ_م_آيس

تسنيم عبدون

_11_


هبه يا هبه تعالي حصلي يا هبه

طيبه مالك بتبكي في شنو

امي اغمى عليها اجري البسي عبايتك تعالي نوديها

طيب طيب اتصلي لي ابوي
طيب طيب
ايوا يا طيبه برجع ليك بعدين عندي meeting ضروري ودي صفقه قويه برجع ليك برجع ليك

بس قبل تتكلم لقت الخط قفل
طيبه طيبه انا حامشي انادي احمد ولد جيرانا يجي يرفعها معانا
طيب في المسافه دي حألبسها توبها

على بال يصلو المستشفى ارح لناس طاهر وحسام●○°•

طاهر وحسام صحو كأنهم كانو نايمين نومه طويله ولقو نفسهم مجدوعين برا الموقع في الشارع والكدايس جنبهم
حسام؟
طاهر ؟
مسكو بعض وحضنوا بعض شديد وقعدوا يبكو نحن الودانا الطريق دا شنو يا صحبي
طاهر انا اشتقت لأمي وزينب انا ماشي بيتنا
حسام نحن حنمشي لأهلنا بس اول شي لازم نشيل حقنا منهم
طاهر جرا على جهة الموقع
طاهر طاهر تعال اصبر م كدا حنمشي الشرطه
لا حاخد حقي بيدي
وفتح باب الموقع م لقى زول

ههه تفتكر يا طاهر بعد يطلعونا حيكونو قاعدين لسه م اكيد حيفكرو اننا حنجيب الشرطه وشكلهم رحلوا من الموقع كلو كلو


●○°°•○●●○°°•○●○•°•○°○•°
زينب
حسااااام
مالك يا زينب كدا وامي وين ودا شنو العفش دا ودي منو المره دي
كنت وين حسام خليتنا ومشيت العفش دا بتاع الناس الرحلو البيت ودا م بيتنا
خلينا من الكلام دا امي وين
امك هه امك ماتت يا حسام لا وقالت ليك عافيه وراضيه عنك انت لمن هربت وخليتنا دي كانت النتيجه حسام بدل تهرب كان توريني عادي اصلا كدا كدا خليت الجامعه وكنا قعدنا في خيمه عادي بس نكون ملمومين (وهي بتبكي) عارف يا حسام انا في لحظه لا لقيتك لا لقيت ابوي لا لقيت امي خليتوني وحيده

لاحولا ولاقوة الابالله العلي العظيم لا حولا ولا قوه إلا بالله العلي العظيم

تبكي تبكي لشنو يا حسام م تبكي دي طبخت يدك

●○•°°•○●●○•°°•○●●○•°

طاهرررررر كنت وين يا طاهر يا ولدي

امي اشتقت ليك يا امي (وهم حاضنين بعض ويبكو)

طاهرر
طاهرر
هبه وطيبه تعالو تعالو حضن اخوكم (برضو مسكو بعض يبكو)

#يتبععع

ن_أ_م_آيس

تسنيم عبدون

_12_ والأخيره



أمي حسام صحبي دا أمه اتوفت قال

متين لا حولا ولاقوة الابالله انا لله وانا اليه راجعون

تمشي معاي

ااي ارح


ماتت متين يا زينب

والله يا خالتي كانت مابيه الاكل ومنتظرة حسام ماتت على حسرتها
لا حولا ولاقوة الابالله ربنا يرحمها ويغفر ليها وحسام اخوك كيف

والله ياهو متجرس بس نعمل شنو غير نصبر
خالتي اعمل ليك كم ملعقه سكر
م تعملي لي يا بتي انا عشان السكري

سكري؟ انتي جاك سكري متين

برضو على حسرتك يا ولدي بس الحمد لله جات على السكري

بعد اخدوا قعدتهم طلعوا على بيتهم على بال م يصلو طاهر وامهم البيت●○•°

حسام جاهو تلفون انه ابوهو اتوفى ومفروض يجي يستلم التركه ابوهم كتب ليهم بيت باسم حسام ومفترض يستلمه
●○•°°•○●●○•° بعد مرور زمن

زينب دخلت الجامعه وحسام لقى شغل في مصنع ورحلو بيت ابوهم

فيروز بقت مجنونه وبتدخل جلسات ومافارزه ابوها من اخوها من امها بس تضحك براها وتنكش شعرها وتجرو ومره تبكي وطوالي تهلوس وطبعا خلت الجامعه

طاهر عمل مبادرة شبابيه اسمها(ن_أ_م_آيس)
الآن ماسك المايك في مؤتمر شبابي قايمه بيهو المبادره

انا واحد من ضحايا المخدرات وقدرت احصل نفسي ومعاي صحبي دا المؤتمر دا غير انه توعيه للشباب برضو عشان اقول ليكم انه صح انا ضحيه مخدرات لكن برضو باب التوبه مفتوح ومافي مبرر م يخليني اعيش حياتي من جديد انا واصلت جامعتي واتخرجت بامتياز هندسة إتصالات وصحبي القدامكم دا لظروف جامعة اخته خلى الجامعه لكن الان هو رجل بزنس كبير مشهور وقرا اخته اليتيمه والان قربت تتخرج
الناس بقو يصفقوا ليهم ويصفروا

كلكم نفسكم تعرفوا لي سمينا المبادره بتاعتنا دي (ن_أ_م_آيس) عارفين يعني شنو انا حأدي المايك لحسام يوريكم يعني شنو الاسم دا
حسام مسك المايك والناس صفقت ليهو
احمم السلام عليكم شباب انا حسام واحد من ضحايا المخدرات واتعالجت الحمد لله وقدرت اواصل الحياة دي من بعد امي بفضل اختي العزيزه شديد الدكتوره زينب واتلفت عاين ليها كانت قاعده في الكراسي القدام وهي بتصفق بقوه وتعاين ليهو بفخر وعيونها ملانه دموع

طيب شباب ن_أ_م_آيس

ن: نحن أ: اقوى م: من (نحن أقوى من الآيس)

ليه اخترنا الآيس بذات لانه دا اكتر انواع مخدرات منتشر ونحنا كشباب اوعى واقوى من الآيس واي مخدر حنقدر نقفل الباب ونرجع لحياتنا الطبيعيه ونحن قدرها ونحن اقوى من الآيس شباب

صفقوا ليهو وصفروا وزينب اختو وقفت على حيلها وبقت تصفق بحراره

●○•°°•○●●○•°

دي كانت روايتنا لفينا وشفنا احداث من مثلت واقعنا بالحرف ورتنا قدر شنو الدنيا دي تافهه ورتنا اننا بنضر نفسنا بنفسنا وبنضر غيرنا وبناكل في بعضنا زي الوحوش بنبكي بعضنا وورتنا قدر شنو المخدرات بتفكك أُسر وبتشيل طفل من حضن امه وبتشيل شاب كان امل أهله الوحيد نحن محتاجين شبابنا لأنهم أملنا #محن أقوى من الآيس

#النهاية

📖 اذا انتهيت من قراءه  الروايه اضغط علي #لايك 👇 واذا حصلنا علي #مائه   (100) لايك سوف نقوم بتنزيل   روايه #جديده

#بعد_صبر #2و 1
بقلمي:#Noona_Elnour

بعد يجي زياد ما بقدر اخد راحتي عشان كدا بمشي بيتنا احسن بعد شربنا الشاي منن اتجهزت وودعتني وطلعت بعد مسافه التلفون إتصل وكان دا زياد سلمت عليه حبيبي كيفك وربي مشتاقين اخبارك والشغل كيف معاك م تعرف انا مشتاقه ليك قدر شنو اها جاي متين ؟ رد لي لسه يومين تلاته كدا طبعا أستغربت من جوابو لكن قلت عادي عشان هو عاملها مفاجأة وما عايز يخربها اتونست معاهو لمن قريب وقت الفطور بعدها قفلت منو خشيت استحميت و فطرته لبست عبايتي ومشيت السوق اشتريت لي توب وعبايه وكم جلباب بعدها طوالي علي الكوفير ماما اتصلت لي واتونست معااي ساتني دا شنو الهواء دا قلت ليها انا بره البيت عشان كدا قالت لي مشيتي وين قلت ليها ماشه الكوفير عشان زياد جاي لكن خلي الكلام دا بيني وبينك بدتت تتمتم قالت لي كيف جاي الليله قلت ليها اي بي طايره الساعه 9 م عشان كدا ماشه اتمزز وكدا قالت لي خلاص تمام اعملي حسابك قلت ليها تمام مشيت هناك عملو لي حناء تقول يا انا مع اللون بقيت نجفه وعملت ميج بسيط بالعنابي وعملت لي تاتو و منكير لمن ما اتعرفت علي نفسي رجعت البيت رقدت نمت ما صحيت الإالمغرب قمت صليت وبخرت البيت حضرت البرنامج الساعه كانت سبعه ونص قمت صليت العشاء واتجهزت لبست عبايتي الجديده سقت عربيتي وطلعت وصلت المطار وبقيت قاعده في الانتظار قاعده لمن تسعه وكم دقيقه بقيت متلفهة ومقلقله عشان اشوفو بتلفت وبعاين للمسافرين الجو. من بعيد لمتحو بس كانت معاهو واحده ماسكاهو من يدو لابسه فستان حكلي وجميله شديد بقيت بسال بيني وبين نفسي دي منو وماسكه يدو لي وهو لي ما فكاها؟ صبت فيني مطره يا ربي انا بتخيل ولا دا شنو من مكاني ما قدرت اتحرك بعد شويه شايفه في راجل وبت شكلها مرتو وقفو معاهم وسلمو عليهم والابتسامه ما فارقت وشو ووش البت المعاه بقيت مركزه معاهم وانا مصدومه من البشوفو دا . الراجل والبت الكانو جنبهم اتحركو وجاين اتجاهي وطوالي قعدت قلبت عكس عشان ما يشوفني بس سبحان الله البت جات قعدت جنبي راجلها قال ليها نسيت الباسبورت حقي اقعدي هنا اجيبو واجي خت الشنط حقتهم جنبها وفات انا قاعده بس كل شويه بتلفت وبعاين لي زياد والبت المعاه دي. جاتني فكره قمت سلمت عليها وسالتها من الراجل معاها قالت لي دا راجلها اتونست معاها عشان اديها إحساس الامان واحاول اسئلها من دون م تشك او تحس بشي بعد مسافه قلت ليها بتعرفي.......

#بعد_صبر3
بقلمي : #Noona_Elnour

جاتني فكره قمت سلمت عليها وسالتها من الراجل معاها قالت لي دا راجلها اتونست معاها عشان اديها إحساس الامان واحاول اسئلها من دون م تشك او تحس بشي بعد مسافه قلت ليها بتعرفي الراجل والبت ديك قبلت واشرت عليهم قالت لي اااا داك ذياد والجنبو البت الحلوه ديك اسمها روان بتكون مرتو مع كلاما دا وقفت علي حيلي بحاول استوعب هي بتقول في شنو بقت بتنده لي سمر ي سمر خير مالك وقفتي في شنو قعدت جنبها قلت ليها ولا حاجه انتي متاكده انهم متزوجين قالت لي اي لانو عرفناهم من كنا في قطر كانو قاعدين في الشقه الجنبنا وهم عرسان جداد وفاتو قطر عشان يقضو شهر العسل مع كلامها دا دموعي جرت بدون وعي قمت جاريه خليت سلافه بتكورك وبتناديني فضلت جاريه وببكي لمن طلعت من المطار ركبت عربيتي وسقتها بسرعه عاليه وصلت البيت في وقت جيز دخلت وانا مصدومه دا شنو البحصل دا يا سمر معقول كلام سلافه دي صح مستحيل زياد يكون عرس فيني لا هو بحبني ما بعملها بقيت قاعده بقول اكيد دا حلم انا اكيد بحلم وهسي حاصحي فضلت علي حالتي دي لمن الساعه ٢ صباحا وقت المنبه دقه اصلا انا ضابطاه علشان اصحي اصلى وادعى ربنا يرزقني بالذريه الصالحه لمن دقه المنبه وعيت علي انو دا واقع ما حلم بقيت ببكي بحرقه كيف بس يجي من قلبو يعمل فيني كدا يمكن انا قاعده علي الحال دا لمن الشمس شرقت بعدها هديت شويه دخلت غيرت ملابسي وصليت وقلت حانتظر زياد أشوف حيقول شنو اكيد في شيء غلط وهو لازم يبرر لي. خليت الواطه اصبحت اتصلت علي زياد بس تلفونو بديني مغلق فضلت اليوم كلو مغلقه اتصلت لي منن قالت لي صوتك دا مالو كدا يا بت انتي كويسه قلت ليها انا كويسه وقت م صدقتني اظطريت وكذبت عليها قلت ليها عندي وجع حلق قالت لي سلامتك. سالتني عن زياد بس خفت احكي ليها حاجه انا ما متاكده منهاوقلت ليها ما جاء. قال بجي بعد يومين .قالت لي طيب البات معاك امس منو؟ قلت ليها براي طبعا جاطتت شديد قالت لي كيف تبيتي براك انتي جنيتي طيب وقت ما جاء كان تتصلي لي هو مأمني عليك زعلت منك والله يا سمر وقفلت الخط . فوق العلي كمان منن زعلت مني شلتها بكي لمن صدعت رقدت نمت صحيت مخلوعه بصوت الباب الكان بضرب بصوت عالي وصوت التلفون البرن لقيتها دي منن ومزن اختها جريت غسلت وشي وفتحت ليهم الباب لمن شافوني اتخلعو شديد هاجموني بالاسئلة مالك حاصل ليك شنو عاينه
وكسرتني بابشع الطرق

#بعد_صبر_4
بقلمي : #Noon_Elnour
# انا بنشر بي لايت عشام كدا البارت بكون قصير انا بكتبو طويل لكن في فالنشر بقسمو علي كم بارت .
كنت بفكر حيحصل شنو وحاعمل شنو طيب للان لسه زياد ما اتصل علي وكلمني انو وصل مزن لكذتني قالت لي مشتاقه ليهو للدرجه دي قلت ليها يعني ظاهر علي كدا نطت منن قالت لي شديد تقول ما متزوجين لكم عشره سنه حبكم عظيم والله الله يديني راجل زي زياد حمرته ليها هي ومنن بقو بصحكو قلت ليهم خلاص انتو تمو حضركم وانا ماشه انوم وبعدين هدا المفتاح ما تنسو تقفلو باب الشقه ومشيت خليتهم دخلت غرفتي وانا راسي جايط فوق تحت فكرت اتصل لي زياد بس تلفونو مغلق رقدت بفكر لمن نمت . صحيت الصباح صليت الصبح وقعدت انضف لكن حاسه نفسي تعبانه وجسمي مكسر واصلت شغلي اصلا منن ومزن نايمات تلفوني اتصل لاني ناسيه الشبكه شغاله جريت الغرفه ولقيتو دا زياد اخدت نفس عميق ورديت ليهو بلهفة زياد ي عمري كيفك وين من امس بتصل ليك تلفونك مقفول طبعا كنت متوقعه يقول لي حصل شنو بس قال لي امس كنت مشغول شديد وعشان جاي بعد بكرا مضغوط عشان اكمل كل الشغل العلي كلامو بقي بتردد لي وانا شفتو امس كيف يعني جاي بعد بكره وطبعا هو شغال يتكلم ويتكلم وانا بفكر كيف هو بكذب علي اكيد عيوني ما كذبتني يا رب تهونها علي. بعد مسافه قفلت منو لقيت منن ومزن صحو وبشربو في الشاي قالو لي كنا قايلنك لسه نايمه قلت ليهم صحيت من وقت الصلاة وتاني ما نمت اليوم دا كان جمعه عشان كدا قيلو معاي وباتو السبت منن فاتت الجامعه ومزن قالت ماشه لي صحبتها زيارة وانا من الصباح مضايقه وبطني بتقرصني وجسمي دا مكسر قلت اكيد حتكون دي مرايا العصر بمشي بفحص امي اتصلت لي قالت لي ما تجي الليلة تبيتي معانا والله اشتقنا ليك والصباح انا برجع معاك نرتب بيتك علي حسب كلام زياد انو جاي بكره قلت ليها تمام بجيكم المساء قالت لي تمام في أنتظارك .عدي اليوم جهزت لي غيار وسقت عربيتي ومشيت المركز عملت الفحوصات وقاعده منتظره النتيجه فتحت الشبكه ليقت رسائل من زياد قال لي وين من جبيل قلت ليهو انشغلت شويه وهسي حاسه زي العندي ملاريا جيت افحص وكنت حاتصل ليك اقول ليك عايزه أبيت مع ناس ماما اتصل لي طوالي جاط فيني انتي اصلا مهمله ومن متين ولي م قلتي لي قلت ليهو انا كويسه المهم بنتكلم كدا طلعت النتيجه قلت لي خلاص انا حاقفل قال لي بعد تخلصي طمنيني عليك قلت لي حاضر .
ستهون يوما ما 😞💔

#بعد_صبر_5
بقلمي :Noon_Elnour
شغلت الفحوصات ودخلت اديتا للدكتوره قالت لي م عندك ملاريا لكن بكون دي إثار جانبيه للحمل انتي متابعه مع ياتو دكتور قلت ليها كيف يعني حمل انتي متاكده قالت لي اي وليك شهرين كمان ما عارفه ولا شنو طبعا في اللحظه ديك فرحت شديد وبقيت ببكي معقول انا حامل . كتبت لي شويه ادويه وقالت لي لازم تعملي حسابك وتتابعي عند دكتوره قلت ليها تمام تسلمي .طلعت قعدت في كافي قريب من المستشفي كيف يعني انا حامل ولي ما عرفت ولي شهرين كمان يا الله يا كريم الحمد لله معناها المره دي البريود ما جات عشان الحمل وانا كنت فاكره خلل في الهرمونات كالعاده. كنت طايره من السعاده وبلمس كل دقيقه في بطني لحد ما تلفوني اتصل وكان زياد قعدت مسافه بعاين للمكالمه فكرت لو كلمتو حيفرح قدر شنو ما هو صابر معااي عشرة سنين بس اتراجعت وما رديت قلت هو اتزوج ولا لا انا ما متاكده وحتي كذب علي وما قال لي انو وصل السودان قعدت فكرت قلت احسن حاليا ما اكلم زول بحملي لمن اعرف الحاصل شنو .مشيت ناس امي لقيت امي وابوي وأمين لكن مراد مافي سلمت عليهم وشربت معاهم الشاي سالتهم من مراد قالو طلع قبل شويه أمين فات جاب البوم الصور طبعا امين اصغر مني بي اربعه سنوات مراد اكبر مني باربعه سنوات متزوج وعندو ولد وبت مرتو سافرت الجزيرة لامها فتحنا الالبوم بقيتنا بنشوف في صورنا حقت زمان ونضحك وبابا بقول لينا عان كنتو حلوين كيف . وبهناك زياد يشيل ويتصل وانا ما جايبه لي خبر بعد خلصنا دخلت غرفتي غيرت توبي ومسكت التلفون لقيت منو مكالمات كتيره والمره دي المكالمات كانت من رقمو الهنا في السودان دخلت الواتساب قلت ليهو انا كويسه وما عندي ملاريا بس ارهاق وشويه التهاب وقفلت الشبكه ما رجيتو يرد لانو لو كتر كلامو حأسألو وانا عايزهو يحكي لي براهو و يفهمني الموضوع وبكره قريب حافهم كل شئ وقت يجي نمت بعدها علي كدا ..
كيف تقدرو تشيلو حُزن ما راضى يطلع اصلا حتى بشكل دموع؟!..
يعني كيف تاخذو حُزن روحكم اصلا ما راضية تعترف بيهُ؟!..🔐🖤
❤

#بعد_صبر6
#Noona_Elnour
حمستوني شديد فكتب شويه يدي وجعتني لكن انبسط بتفاعلكم ❤
في الصباح صحيت وانا راسي تقيل طلعت لقيت امي ابوي ومراد قاعدين قلت ليهم صباح الخير ردو علي صباح النور مراد قال لي ما علي أساس راجلك جاي صاحيه الساعه تسعه مع قوله تسعه دي جريت اتجهذت وظبط اموري سريع جيت قلت لي امي اها ماشه معاي ولا كيف قالت لي والله نسيت الليلة الجلسه عندي وانتي عارفه الحريم لو قلت ليهم ما بقدر تاني ما بدوني ليها عشان كدا م بقدر امشي معاك قلت ليها طيب بمشي انا قالت طيب اقعدي اشربي الشاي قلت ليها بشبو قدام عشان ما إتأخر جيت بست راس بابا قال لي ربنا يحفظك. مراد قال لي يعني السماحه دي كلها عشان زياد جاي ما اتعرفت عليك يا سموور وقعد يضحك قلت ليهو الواحده لو ما بقت مزه راجلها عينو بتزوغ وبشوق غيرها ولا ما كدا وبقيت اضحك هم عاينوا لي سااي بعدها طلعت وصلت البيت رتبتو وبخرتو ورسلت لي زياد انا جاياك المطار الطيارة بتصل الساعه كم طوالي اتصل لي شكلو كان متوتر قال لي انا وصلت شويه كدا وبجي البيت انتي ما تتحركي وجهزي لي الفطور اشتقت لي طبخ يديك قلت لي طيب حاضر قفلت منو وبقيت مقلقه دخلت رتبت شكلي واتسرحت ولافه في البيت هو حيجي طيب حيحكي لي ولا. هو بالجد لو طلع معرس روان انا موقفي حيكون شنو لالا زياد بحبني انا. وانا ماشه وجايه في الصاله الجرس رن جريت علي اول من وصلت الباب وقفت مسافه اهدي اعصابي وابين اني طبيعيه اول من فتحت الباب فضلت مبحلقه فيهو اتامل ملامحو وهيبتو وريحه عطورو في اللحظه دي بس فضلت سارحه فيه ضماني عليهو وباس جبيني قال لي ما تعرفي انا مشتاق ليك كيف دخلنا جبت لي المويه ومشيت ختيت الفطور هو المره دي ما جاني في المطبخ كالعاده وانا خايفه ومتوترة حيحصل شنو جبت الفطور وبقي بياكل وياكل فيني بعد خلصنا جبت العصير وقعدت جنبو اخدت نفس وقلت لي اها رحلتك كانت كيف والطيارة وصلت الساعه كم لانك ما حدد لي بتصل متين قال لي وصلت الساعه تسعه بعدين انتي ما مشتاقه لي ولا شنو بقيت بعاين ليهو هو بشرب في العصير وطبيعي جدا وشكلو ما ناوي يقول لي قلت ليه انت متاكد انك جيت الليلة طوالي اتشرق بالعصير وبدأ يكح جريت جبت لي مويه قلت انت كويس قال لي اي كويس قلت لي ما جاوبتني قال لي اي جيت الليله حاجي متين ولا لو جيت قبل حاقدر اقعد بعيد عنك وغمز لي .
ولقد وثقت فيك لدرجه العما واصبحت لا أرى غير حبك 💛⚡

#بعد_صبر_7
بقلمي :#Noona_Elnour
من جانب تاني
#عند مزن
كنت راقده وبحضر في التلفزيون تلفوني رن لقيتو دا مازن براجه جريت قفلت الباب ورديت علي سلم علي وقال لي وين ليك يومين لا حس لا خبر قلت لي قاعده بس كنا انا ومنن عند سمر بت خالتي راجلها كان مسافر. ولمن رجعت البيت ماما قالت لي الا امشي معاها السوق وبعد رجعنا نمت والتلفون كان قافل شحنتو وقلت يكتمل الشحن واتصل ليك. قال لي جد قلت لي عندك شك .قال لي لا ابدا. وبقينا نتونس وهو يحكي لي وانا بضحك لمن دموعي جرت في الاثناء ديك جات منن داخله طوالي صريت ليها وشي خطفت مني التلفون وقعدت تكورك فيهو انا مش حزرتك تبعد من اختي عايز منها شنو وكمان بتبكيها تاني اوعك تتصل عليها فاهم وقفلت الخط في وشو قبل ما تفهم اي شئ قالت لي ميتين مره حزرتك وبتبكي ليهو كمان الزفت الاسمو مازن دا لو لقيتك او سمعت بالغلط انك بتتكلمي معاهو بكلم ليك عثمان يتكفل بالباقي طوالي اتنفض فيها انا ما ببكي انتي عامله القومه والقعده دي كلها بس عشان شفتي الدموع دي يااخ هو كان بحكي لي وانا بضحك ولمن جيتي اتخلعت وكشرت وشي بعدين حيلك حيلك انا بحبو وعثمان زاتو اخوي وحيعرف عم قريب لانو بعد تلاته شهور حيقدم لي بعد يسافر ويرجع طوالي منن سكتت وبقتت منططه عيونها يتقدم ليك كيف يعني قلت ليها عديل قالت لي التلاته شهور بتجي وبنشوف اذا اتقدم ليك بعدين مازن دا انا ما برتاح ليهو واكيد بكون عندو بنات وحركات اصلو ظاهر علي قالت لي المظاهر خداعه يمكن عشان انتي بتكرهي بتشوفي عيوبو بس قالت لي وانتي عشان بتحبيهو بتشوفي محاسنو بس وبينتا الايام يا منن وبكره بثبت ليك هو بحبني اكتر مم انا بحبو .
_______
قضينا انا وزياد اليوم كلو ونسه وانا علي امل انو حيحكي لي بس شكلو ما ناوي وكل ما اجيب ليهو سيره قطر بتهرب وبقول لي يعني انتي ما مشتاقه لي ولا همك كلو كيف قضيت شغلي هناك قلت لي لا م كدا بس حبيت اعرف سالتو انت ما عايز تعمل كرامه اتخلع قال لي لي قلت لي ما عشان جيت سالم قال لي بعملها لكن ما هسي لاني عايز ارتاح و لسه ما شبعت منك .🤤❤
ولكنني احببتك وانت اتلفت قلبي دون ان تشعر 💔

#بعد_صبر_8
#بقلمي:#Noona_Elnour

باليل زياد نايم في سابع نومه صحيت قلت اصلي وادعي زمان كنت بدعي ربنا يرزقني بطفل قعدت احمد ربنا علي حملي وادعي انو زياد ما يكون معرس روان كملت دعاء ورجعت نمت الصباح لمن صحيت ما لقيتو جنبي طلعت في الصاله ما لقيتو وانا ماشه افتح باب الشقه سمعت صوتو شكلو كان جوا الصالون بتكلم ومعصب لمن قربت من الباب سامعه بقول ليها روان لا إله الا الله انا كلمتك ما بقدر اجيك هسي خليك قاعده لمن القي لي طريقه واطلع واجيك انا راسي لف وحسيت نفسي حاستفرق جريت الحمام قبل ما اصل وقعت لمن وعيت لقيتو جنبي وكان باين عليه الخوف مالك يا سمري حاصل عليك شنو مش قالو ليك ارتاحي ما بتسمعي الكلام مالك بتخوفيني عليك قالها بكل لهفة وحنيه قلبي حن لكلامو لكن ما قادره اصدق يعني روان دي في موجوده يعني في حياتو طيب موقعاها شنو يا رب ما يكون معرسها لكن هو قال ليها بجيك يعني هو معرسها بقيت ببكي وبصرخ هو اتخلع مالك يا سمري حبيبي مالك الواجعك شنو نمشي الدكتور انا حاشيلك قلت لي لا من بين بكاي ودموعي انا كويسه بقي قاعد بحنس فيني لمن سكتت بعد رقت قلت لي انا تعبانه عايزه انوم ممكن تطلع تخليني ارتاح قال لي تمام بعدين حنتفاهم في بكاك دا بس اذا حاسه بحاجه بتوجعك هسي نمشي الدكتور قلت لا انا كويس طلع وخلاني . بقلبي قلت انت سبب البكي والوجع وبتسألني💔 لي بس يا زياد لي هسي انا ما قادره اتاكد انك معرسها ولا لا انا لازم اعرف وانت الحتقول لي الحقيقه دي من غيرك ما حاسمعها او اصدق اي شيء لاني بثق فيك وبحبك اكتر من اي حاجه تانيه ختيت يدي علي بطني وضميت رجولي علي وبقت بتكلم مع طفلي انا لسه ما شفتك بس انا بحبك انت املي في الحياة دي انت الحاجه الانا صبرته عليها واتمنيتك من قبل عشره سنين وهسي انا بوعدك اني حاعمل كل جهدي عشان احافظ عليك وفي الوقت المناسب بابا حيعرف انك جواي وحيفرح بيك كتير بس لازم نصبر ونتصرف بحكمه يا حبيبي انت الحتقويني غمضت عيوني وغرقت في النوم .
تاني يوم صحاني باسني في خدي وقال لي طمنيني عنك كيف هسي قلت ليهو تمام انا كويسه قال لي يا سموري لي كنتي بتبكي كدا امس انتي ما عارفه خوفتيني عليك قدر شنو قلت لي ولا حاجه بس كنت حاسه باني مضايقه عشان كدا بكيت حسيت بيه ما اقتنع لكن م كتر كلامو معاي قال لي طيب قومي انا عملت الشاي عشان الليلة لازم انزل الشغل قلت لي ما بدري قال لا عندي شغل ضروري اتحملي حبه ي عمري بس الايام الجايه حاكون مضغوط شديد قلت لي في شنو قال لي في مشروع مع شركه V.R.S تابع لي أمريكا عايزين نعمل عقد معاهم فلازم ننجح في المشروع دا قلت لي تمام بالتوفيق ان شاء الله. شربنا الشاي وهو اتجهز واتعطر قدمتو لي الباب وبستو وطلع . بعدها رجعت قعدت اخ منك يا زياد لي ما عايز تحكي لي لي بس؟ بتخبي عني بديت تدخل في قلبي الشك .قعدت استغفر تاني قمت انضف بعد الظهر كدا الجرس رن قلت معقول دا زياد يكون رجع بدري كدا تاني قلت يمكن ما هو دخلت لبست توبي وفقتحت الباب بقيت واقفه بستوعب الواقفه قدامي معقول دي نفسها روان بعدين كيف ولي جات هنا . اتخلعت شديد لمن شفتها وقت المسافه طالت ابتسمت لي ومدت لي يدها قالت لي انا روان قلت ليها معليش بس انتي بتعرفيني من وين قالت لي يعني ما حتخليني اتفضل .قلت ليها طيب اتفضلي دخلتها وجبت ليها مويه وعصير كانت ساكته وبتشرب في العصير وانا بعاين ليها لابسه فستان اسود وراسمه جديد الميكب والدبله والحال انا قربت اجن هي ما شاء جميله جدا . لمن شافتني مركزه معاها قالت لي انتي بتعرفيني يا سمر إلتقينا قبل كدا بس شكلك نسيتيني قلت ليها وين ممكن تزكريني قالت لي قبل تلاته سنوات في الشركه وقت كان في حفل تكريم جيتي مع زياد بعاين ليها عيوني بقت قدر الفنجان. واصلت كلامها قالت لي انا بت الشريك في الشركه مع زياد عصام نصر الدين قلت ليها اي صح اتزكرتك بس ما كان اتكلمنا كتير قالت لي اي عرفتيتي قلت ليها غريبه سبب زيارتك لي بعد تلاته سنين شنو وانتي اصلا جبتي العنوان من وين قالت لي انا اصلا جايه عندي موضوع معاك فاحكي ليك كل شيء بس رجاءا خلي الموضوع يكون بيني وبيك وخليك رايقه ومحاظه علي اعصابك لمن قالت كدا انا ياداب اعصابي تلفت قلت اكيد في إنه. يا رب تهون وما يكون الفي بالي ....😔💔
*كُن أقوى من أن يمُر بك يوم دُون أن تبتسِم ، كُن أقوى من أن تنام وقلبُك مُكتظ بالهمُوم ، كُن أقوى من أن تستيقِظ كل يوم دُون أمَــل وتفاؤل ، كُن أقوى مِن الحياة ..😴💜💭*
اها كدا قصرت معاكم ❤
بس ممكن ترفعو البارت بلايك عشان الاجزاء تنزل مرتبه بحسب التفاعل 🤚💛⚡