*#سلسله_وخز _الدبابيس_3*
*#احتضار《23》*
*#بقلم_ايناس_ادم(ننس تمدين)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*"نتابع"*

_كنت منتظر منها إجابة مُقنعة وما عارف ليه!..قالت:- لالا يا مجدي ماف شي..ارص ليك اكل؟؟...ولا اعمل ليك عصير؟؟..بقيت اعاين ليها مسافة طويلة بعدها قولته:- لا اتعشيت مع مجتبى..قالت:- هو كيييف!؟ كويس..طول ما جاا علينا...سلم عليه💙..هزيت راسي ومشيت غرفتي..رجعت لمجتبى رد وقال:- يا أبني..قولته ليهو:- حصلت حاجه غريبة...حكيت ليهو الحوار..سكت شوية ورجع قال:- أممم بما أنك فتحتا الموضوع فخليني اوريك راي فيهو بكل صراحه..زمان ما كنت عاوز اتدخل..بس مدام حكيت لي يبقى اديتني حق التدخل💙..شوف يا مجتبى الانسانة دي ما تستاهل منك كل القسوة والمعاملة الجافة دي..قول لي يوم واحد داست ليك على طرف..يوم واحد شكت منك لأبوك..يوم واحد وقفت ضدك..يوم واحد عاملتك معاملة شينة..يوم واحد طلعت منها كلمة شينة!!..ح تفتش وما ح تلقى الا كل خير..حتى لو حاولت تكذب نفسك..خالة فاطمة زولة كويسة..ماف زول جابرك عليها والله حتى ماف زول قال ليك خُتها محل أمك لأنو صعب..بس أجبر خاطرها💙..عارف يعني شنو جبر خواطر...اللي هي بتعملوا معاك ده أسمه معاملة حسنة وجبر..بتحاول بكل طاقتها إنها تخليك تتقبلها..أو على الاقل ونستكم تكون وِدية..كلامك معاها يكون لطيف..هي حاولت وانت مستحيل تنكر ده..بالمقابل انت انسان بارد وعصبي في نفس الوقت ما بتفاهم..شايف الجانب السيء بس..شايف انها غلطت غلطة عمرها لما اتزوجت أبوك..شايف انها مُذنِبة لما حاولت تبقى ليك أم...على ما اعتقد انها بتبكي بسببك..أيوة بسببك..ماف إنسان طبيعي بغفر لينا زلاتنا واخطاءنا في حقه..إلا الأم💕...فشنوو خف عليها الله يرضى عليك يا صحبي..💕!..قفلت منه وبقيت افكر في كلامه..النتيجة الطلعتا بيها إني كسرت أقرب كباية جنبي..

*"عند ناس بيتنا"*

_أنا الخلاني أوافق على "علي" سؤالي عنه ناس غير اهله..ناس عرفهم بعد طلع من المصحه وديل الاكدو لي إنو بقى انسان تاني💙 هو من زمان كويس ما قلنا حاجه بس يا رشا كان بتعاطى..ده الشي الخلاني اتردد..

=ما ح تندم لأنو علي راجل بمعنى الكلمة..ح يسعد إنصاف إن شاء الله..

_عموماً اعملوا ترتيباتكم وربنا يكمل الموضوع ده على خير

إنصاف كانت بتتكلم مع علي:-

_أنتي عارفة إني دخلت المصحه عشانك💙عشان انا عارف الراجل البسكر ما بمسك بيت

=وانت عارف إني واثقة أنك ح تمسك البيت وتبقى زوج كويس واب كويس شديد

_بحبك..وربنا يتم لينا على خير

=بحبك..و اللهم أمييين

*"عندي"*

_أبتديت اجهز نفسي عشان ح اسافر الخرطوم..سلوان قالت لي:- اكيد لما تمشي هناك ما ح تكوني فاضية لينا تاني..مع اختك وصحباتك😂😂..قولته ليها:- هههههه والله انا في البيت وجودي وعدمي واحد..ما تشوفيني هنا بتونس وبضحك معاكم..وبالنسبة لصحباتي ف م عندي صحبات محتكه بيهم شديد..واحده بس كانت معاي في الجامعه هناك💙..قالت لي:- انتي الخلاك تجي وتصري تكملي جامعه هنا شنوو؟؟..حاولت اتجاهل السؤال..قالت لي:- خايفة من حاجه...هاربة من حاجه صح؟؟..سكتاا وهي شبه فهمت إنو في حاجه..غيرت الموضوع بقت تتكلم عن أجواءالعرس ح تكون كييف ووو..وانا سرحت بعيييد..!..لمتين ح أفضل كده؟؟..لمتييين!!...الوضع الفينا ده ح يتغير!؟....

أبتسمتا مؤكده لنفسي:- "ح يتغير يا مخملية ح يتغير 💙"

*"في جهه أخرى"*

_زط إلا خط

=درعة يا زولي

_قيم إمتيازي نااااجح☑

=أفوو ديل نحنا كمان..قرب

نا قربنا

_خايف اقول بحبك تقول لي دي حركات بنات🙈😂

=مايع مايع...خلصنا يلا خلينا ننزلهٌ و نطلع

_أعتبره حصل يا باشا...

"ضربوا كفيهم مع بعض وطلعوا💙"

*"عند مقداد"*

_مالك يا ولدي شايل هموم كدي؟؟؟

=ماف حاجه يا خالتي..نازلين امتحانات الاسبوع الجاي..

_ربنا يوفقك يا ولدي..ما حكيت لي ليه وقفوك من الشغل؟!

=عشان أنشغلتا بالجامعه..كلو لخير💙

*_ربٌ الخير لا يأتي إلا بالخير💙*

مقداد بينه وبين نفسه "كنت عاوز تخزل دي فيك!؟"

"جاا موعد السفر"

اتحركنا من هناك الصباح..انا وناس عمي كلهم💙..كنت ماسكه دفتري وبكتب في حاجه "لقدام ح تظهر ليكم"..كل ما اكتب إبتسامتي تتسع..كنت بكتب في جزء جميل جدا..بعد خلصته قفلت الدفتر..مرت الساعات ووصلنا الخرطوم...البلد الاخدت مني وادتني💙...وصلنا بيتنا...أستقبلونا أهلي..إنصاف دي اكتر واحده فرحت بجيتي💙...ما كنت قادرة أتفاهم مع زول..دخلت الغرفة وطوالي نمتا...صحيت بليل...طلعت برة لقيت أمي ومرت عمي بتونسوا..كنت طالعه الحوش..أمي نبهتني ب:- ألبسي توب أو طرحه بره في شباب قاعدين..رجعنا الغرفة شلتا لي توب وطلعتا..كانوا كتار ب أخواني واولادي عمي معاهم..مشيت الحمام...وانا راجعه محمد قال لي:- أعملي لينا سيرمس شاي سرعه...دخلت المطبخ عملت الشاي وجهزت الحاجات..بقيت انادي :- احمد..يا احمد..محمد..الشاي جاهز..جاا داخل واحد صاحب أحمد..مرة مرة بجينا..ناس أمي عادنو ولد البيت..بس انا ما عندي معاهو تفاصيل كتيرة..سلام عليكم وعليكم السلام..قال لي:- الشباب ديل طلعوا الشارع..اديني الصينية..مديت ليهو الصينية شالا ومشى..!

في يوم طلعنا السوق انا وسلوان وجميلة..أشترينا حاجات كتيييرة...ونحنا طالعين ضرب فيني واحد..بقى يعتذر:- معليش يا أختي أعفي لي💙..رفعت راسي عاينت ليهو كانت مجتبى..للحظة قلبي وجعني💔..لينا طُولة ياااخي..إحساس فرح ممزوج بحزن وما فاهمه نفسي وهو نفس الشي لما عاين لي...قال بصوت متقطع:- إيناس..يا زووولة..سلوان وجميلة قالوا ح يقيفوا لي في الموقف..قولته ليهو:- ما عارفة أقول شنو..بس حقيقي أشتقت ليكم وفاقداكم💔..قال لي:- ونحنا كمااان والله العظيم..جيتي متين وليه ووو!..قولته ليهو:- عرس اختي..وح ارجع طوالي بعد العرس حسب كلام ابوي..قال لي:- ياااخي..مبرووووك وعقبالك💙..مجدي معاي دقايق اسي بجي..بقينا واقفين على طرف وبنتونس..مجدي جاا اول ما شافني قال:- دقيقة دقيقة..جيتي من وين انتي يا زولة!؟...سلم علي وعرِفنا اخبار بعض..سألتهم من ليالي ومقداد..بعدها مجتبى قال:- يلا امشي..اتأخرتي على بنات الناس ديل..قولته ليهم:- طيييب..اتحركت خطوة..مجتبى كورك لي :-

"أسمعي! ح نتلاقى تاني...ح نتلاقى💙"

*"تاني يوم"*
*"على لسان ليالي"*

_كنا نازلين امتحانات سمستر 5..بعد الامتحان حق اليوم مجتبى ومجدي حكوا لي انهم لقوا إيناس..كنت مندهشة وما قادرة استوعب..قولته ليهم:- فارقة معاااااي ومشتاقاها شديد والله😭💙..مجتبى قال:- ربنا يجمعنا تاني إن شاء الله💙..المهم هوووي امتحان بكرة ده شكلي ما ح اجازفه..مجدي قال:- ارح معاي البيت نجازفه سواا!!..ولا شنو يا مقداد!..ارح معانا...مقداد قال:- قدام..بس ما تقضوا اليوم ونسة..الزمن ضييق..

*"مجتبى"*
قولنا:- تمااام...بالفعل ده الحصل رجعت مع مجدي بيتهم..
فتحت لينا خالة فاطمة بااااسمة كعادتها...قعدنا في غرفة مجدي وطلعنا الشيتات..قولته لمجدي:- والله عطشاان عطش وجعااان..قال لي:- م عندنا اكل..لكن في موية..قولته ليهو:- لا فييي اكل..امشي لخالة فاطمة..عاين لي مسافةوبعدين طلع..!

*"على لسان مجدي"*

_مشيت المطبخ لقيت مرت ابوي بتجهز في سندوتشات..شلت جك موية وكبايات..قالت لي:- استنى يا مجدي..شيل معاك السندوتشات ديل لاخوانك..بتكونوا جعانين اكل الجامعات ده ما اكل..شلتهم معاي ولي أول مرة ابتسم ليها💕..أبتسامتها زادت ورجعت لشغل المطبخ..رجعت لاصحابي بقينا ناكل مرة اشرح انا ومرة مجتبى...في الشيت حقي كاتب " لياليَّ"..مجتبى قال لي:- ليالي لكن..خلاص بقت لياليك💕حليلنا نحنا..مقداد قال:- في شنو يا شباب..مجتبى حكى ليهو أني "مجنون ليالي"..وقلبوها طعمجهه وحركات..مقداد قال:- سنتين ونص ما قادر تنطقها..البت لو بتحبك ح تغير رايها منك😂😂..مجتبى قال:- وعيهو بالله وعيهو..قولته ليهم:- ما الفكرة..بس ما عاوز استعجل..كلو في وقته حلوو..ما حنك لو ما حبتني..في النهاية الحكاية قلوب وبتتألف💕...رجعنا المذاكرة..قعدوا معاي لحدي العشاء..بعدين كل واحد اتخارج بيتهم...وانا بدردش في التلفون سمعت صوت حاجه اتكسرت..طلعت برة لقيت مرت ابوي بتلقط في القزاز ويدها مجروحة...بدون اتكلم مشيت جبت ليها قطنة فيها ريحة..مديتها ليها وانا سرحان في حته تانية..ما بعاين ليها في وشها..قالت:- شكراً يا مجدي💙...

"هي ليه بطلت تقول ولدي؟؟؟"

"مرت الايام وجاا يوم العرس_كان يوم سبت"

_من الصباح امي قالت لي:- خلي اي حاجه في يدك و امشي مع اختك..بنات عمك وبنات خالاتك ح يظبطوا اي حاجه..يلا البس

ي ليك عباية واطلعي..وانا في الغرفة بلبس جاتني فكرة💙..فطوالي بدل العباية لبست لي لبسة تانية وطلعت مع إنصاف..عباس وصلنا الكوافير ومشى...بدوا ليها رسم💕..شلت تلفوني واتصلت على ليالي..في الاول ما ردت..تاني رجعت لي شاكلتني😂😂إنو ليه ما كلمتها بجيتي وكده..قولته ليها:- طيب ممكن تروقي..أنتو وين؟؟..قالت لي:- في الجامعه يدوووب خلصنا امتحان..باقي لينا امتحانين تاني...قولته ليها:- طيب انا نص ساعه وبكون معاكم💕..قالت لي:- واااااي😭💕اي عليك الله تعالي..تعالي سرعه...قفلت منها ومشيت كلمت انصاف..إنصاف قالت:- أعملي حسابك يا بت وما تتاخري..قولته ليها:- ساعتين او اقل وبجيك💙..قالت لي:- طيييب..

طلعت من الكوافير وبقيت واقفه في الظلط...مستنية مواصلات..ما عارفة صاحب احمد طلع لي من وين💔..وقف قدامي مباشرة ونزل القزاز سلم علي وقال:- أطلعي أوصلك في طريقي..قولته ليهو:- لا ح استنى المواصلات ما مشكلة..قال لي:- يا بت انا ما بستشيرك..اركبي..وبعدين المواصلات هنا صعبة ح تقيفي كتييير..اتوكلتا وركبتا..ما اتونس معاي ولا شي..كان بتكلم في التلفون نزلو شوية من أضانه وسألني ماشة وين؟!..قولته ليهو:- جامعة()....وصلني لحدي الجامعه..قال لي:- كده تمااام!..قولته ليهو:- شكراً يا مِشعل..

نزلت واتصلت على ليالي..المجنونة دي جات جااارية..ضمتني وفرجت علينا الجامعه كلها بصراخها💕💙💙😂😂😂..حالفة ما تفكني..مجدي بقول:- يا زولة فكيها عاوزين نسلم عليها..مجتبى قال:- أصلاً لو ما سلمت علينا زي سلام ليالي ده ما عاوزين😒😒..قعدتا اضحك😂😂..فكتني واخيراً..سلمت عليهم وبعدين قعدنا في الكافتيريا..

مجتبى قال:- ليييدو يلا ليدو...قولته لليالي:- الليلة ادريس وين؟؟..قالت لي:- أنتي من زمنه..أمي رفعت عني الحظر بتحاول تتجاهل احساسها بالذنب اتجاهي فهمتي💕..مجتبى قال لينا:- أيوااا بتطنشوا جدكم ده يا راسطات كويس كويس..مجدي اساسا ما كان مركز معانا...منتبه في التلفون وبضحك..ليادي خطفت منه التلفون وقفلته بالجنبة..قالت:- يريت لما نكون معاك تركز شوية..الناس الفي التلفون ما احسن مننا🙂🙂..قال ليها:- تمااام..اديني تلفوني يلا..قالت:- بعد قيم الليدو...أبتدينا نلعب..ولأول مرة مجتبى يجي الاول..كان فرحان الوهمي😂😂..ليالي قالت:- ياما جررربنا احساس الفائز الاول..ما تفرح ساي يا وهمي..قال ليها:- عيانة أتعالجي😌💅🏻...بعد القيم خلص..أخدنا صور كتيييرة سوا..وبعدها بقينا نسترجع ايام زمان..لما كنا برالمة😂😂..مواقف مجدي الغياظة..ومكياج تبوو وهو عجوز...مشينا في الشارع..الغنى والهبل..المحاضرات المملة...وحاجات كتيرة💕

قعدنا أنا وليالي برانا على الطرف..كلمتها بموضوع كده..قالت لي:- تاني يا إيناس تاااني..قولته ليها:- وتالت ورابع وألف..المهم معاي ولا مع الخيااانة!؟..قالت لي:- معاك طبعاً..خربانة خربانة💕..بس لو الموضوع ده ما ظبط ح نعمل شنو؟؟..قولته ليها:- ح يظبط إن شاء الله💕..ولو ما ظبط نقفل الصفحه دي وتاني ما نفتحها..قالت لي:- دن دن دن💕..!

الساعتين خلصوا وكان لازم ارجع الكوافير..خلوني اقول كانوا أجمل ساعتين مما جيت الخرطوم💕حسيت روحي رجعت لي أول ما شفتهم وقعدتا وسطهم..!

مجتبى و مجدي قبل نطلع كانوا بشوفوا حاجه في التلفون وبتناقشوا..ليالي قالت لي :- ليهم فترة على الحال ده..بعملوا في حاجه لكن هي شنو الله اعلم!!..قربت منهم شوية وقولته:- هييي انتو الاتنين في شنو بالضبط..؟!

*بحجمِ الترّقُبِ، اللهفة والاِنتظار الطويل*
*بحجم المسافاتِ، الأزمان -التي مرت فينا- والعشم*

*سيكون العِوض جميلًا*

*يشبه تفاصيلنا، صبرنا وآمالنا العريضة*

*لا تحيدوا عن الدربِ*
*ففي سكةِ المسير، كثيرٌ من البشارات وأثواب الفرح تلك التي تناسب مقاساتها عُرِي أرواحنا.*

#Alaa_aldin_Mahil🖤
--------------------------------------
------------

*#سلسله_وخز _الدبابيس_3*
*#احتضار《24》*
*#بقلم_ايناس_ادم(ننس تمدين)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
_قفلوا التلفون وعاينوا لبعض...مجتبى قال:- نحنا بنعمل في حاجه!؟..مجدي قال:- لالا ابداً..نطلع!؟..قولته ليهم:- يلااا..ووسجلوا رقمي معاكم بعد يومين كده بكون رجعتا البلد ضيفوني واتساب عادي💛وليالي لو أمك ما مركزة معاك أعملي باسورد ونرجع قروبنا القديم...قالت لي:- تماااام💕..طلعنا وكل واحد مشى على اتجاه..رجعتا الكوافير..لقيت إنصاف خلصوا ليها الرسم وبدوا ليها حاجه تانية..انا بس عملت شعري ونضفت وشي...حوالي الساعه 7 كانت جاهزة..أحلى عروس في الدنيا💕بفستانها الابيض المنفوش والطرحه الطويلة..الميك آب الأوفر..كل حاجه كانت فيها جميلة..ضميتهاا مسافة وقولته:- ربنا يسعدك إن شاء الله..علي حظه شديد بيك💛..أبتسمت في خجل وقالت:- والله أنا الحظي..بختي بختي🙈💛..شوية كده وسمعنا صوت عربات برة..انا كنت لابسة فستان لحمي وطرحه حمراء خاتاها على أكتافي..الاصوات بره بقت عالية صفافير وجملة "أبشر يا عريس"..إنصاف قالت لي:-واااي متوترة شديد ياخي..قولته ليها:- رووقي عشان اليوم يعدي..علي جاا داخل..البنات اللي في الكوافير زغردتوا سلم علي اول شي باركته ليهو..بعدين باس انصاف بين عيونها وقال :- ربنا يقدرني واخليك أسعد إنسانة في الدنيا..مُبارك علينا💛..قولته ليهم:- تتهنوا..بعدين طلعنا برة الكوافير..اصحابه كانوا كتاااار شديد..صفروا وشغلوا اغاني في شارع الكوافير ونزلوا يرقصوا😂😂😂..قريب ربع ساعة بعدين كل واحد مشى على عربيته..ركبتا مع العرسان..وكنت مركزة مع تلفوني
عباس قال لي:- جفاف يا حليلك ياخي😂😂حاولي ما تزكزي معاهم..قولته ليهو:- بحاول انشغل بالتلفون هههههه..!

العرس كان في الميدان الجنب البيت...وصلنا البيت..الحفلة كانت في أولها..نزلتا بعد العرسان..كنت ماسكه فستان إنصاف وهي كل ما تشوف زول من ناس البيت تدمع💕..محمد شافني منزلة الطرحه جاا هرشني لميت شعري واحده لفوق وكوزتها بالمرة...كان يوم جميل شديد وخرافي..إنصاف كانت مبسوطة وطايرة ب علي السماء💛..وهو نفس الشيء...نسبة انهم يجتمعوا في الحلال كانت ضئيلة بس ربنا كريم شديد وجمعهم..فمهما حصل ما تيأسوا💕...ما رقصت كتير..اكتر شي كنت بصور في اختي وعيوني مدمعهه..امي جات باستني في خدي وقالت:- عقبال ما نفرح بيك💕..بالرغم من كل الحصل معاي من سوء معاملة وإهانة وضرب من ابوي واخوي..إلا أنو وقفة أمي جنبي مخففه علي كتير💛..طالما هي معاي انا مستعدة أتحمل أي شي حرفياً أي شي💕💕..جرتقوا العرسان وودعناهم بالدموع والدعوات السمحه شديد..عرسهم كان بسيط ولطييف💕..بليل بعد رقدتا يدوب فتحت تلفوني ليالي اتصلت علي خلطتني🙈💛..اتكلمنا قريب ساعتين بعدين قفلنا...!

*"في حلة ناس مقداد_حوالي الساعه10ا"*
*"السُرة بالحيطة مع أم حسين وام الفكي"*

السُرة:- الليلة الفطور والقهوة في بيت نفيسة..شوية كدي واطلعن

أم حسين:- سمح انا فطوري جاااهز بسبقكن..

السُرة:- خلاص تبقي طالعه..بجهز قهوتي وبصلكن..

*"في بيت نفيسة"*

نفيسة:- مقداد..يا ولدي المنومك للزمن دا شنوو!؟

مقداد:- صليت الصبح وقريت شوية ورجعت نمتا..بكرة عندي امتحان..

نفيسة:- الله يوفقك يا ولدي ما باقيلك كتير

مقداد:- إن شاء الله..

"تلفونه برِّن"

نفيسة:- هاك ها..قول ألو

مقداد:- ألوو

مجتبى:- يا مكنة...ابقى مارق..تعال شارع النيل عاوزين نقرا لامتحان بكرة

مقداد:- استحمى بس واجيكم

م

جتبى:- مستنينك

نفيسة:- قوم استحمى وانا بعمل ليك فطور سريع كدي قبل النسوان ديل يجني..

"بعد المقداد استحمى وجهز نفسه..خالتو جهزت ليهو الفطوور ودعت ليهو كم دعوة حلوة💕"

نفيسة:- ما تتأخر سمح يابا!؟ا

مقداد:-كويس يا خالتي..في أمان الله

"النسوان جن لنفيسة بالقهوة والفطور..فطرن زييين وبعدين بدوا موال القهوة..الونسة كانت قطيعه في فلانة وعلان..ونفيسة تحدر ليهن ساي.."

نفيسة:-النقوم اتوضأ..أجهز لصلاة الضهر

السُرة:- أصبري لسة الزمن..

نفيسة:- أي بس بتوضأ لمن الزمن يجي..

أم الفكي:- طيب وانا بغسل العفش

"لمت العِدة في طشت كبير وقعدت في بنبر وبقت تغسل فيها..ونفيسة دخلت الحمام..!"

*"شارع النيل"*
*"على لسان مجتبى"*

_السمستر ده لو جبت جيد جدا ح اكون ما قصرتا مع نفسي..مجدي قال:- ح تجيبها إن شاء الله..كده تقريباً لخصنا الشيت كله💕..مقداد قال:- نخدمكم في الافراح يا شباب..قولته ليهو:- افراح شنو الح يعزمكم منو اساسا حدي معاكم رابعة بس😌..مجدي قال لي:- يا بليد نحنا ما عندك معانا حد💕..مقداد قال:-بالضبط كده...الله يعدي امتحان بكرة ده على خير...بقينا نتونس ونجيب مواضيع..تلفون مقداد ضرب..شفت المتصل قولته ليهو:-حسين..قال:- يا أبو الشباب..سكت مسااافة طويلة وكان ماسك في الكرسي شديد..حاول يقوم ما قِدر رجع قعد تاني..انا ومجدي بقينا نعاين ليهو ووشوشنا عليها استفهامات..بقى يقول:-لله ما أعطى ولله ما اخذ..أنا لله وأنا إليه راجعون..بعدها خت يدينو في راسه وبقى يبكي..يبكي بكى زول موجوع شديد..عارفين لما راجل يبكي!؟..منظره واحساسه بكون كيف!؟..الكسرة حقته مختلفة عن كسرة النسوان..شلت التلفون من رجوله ورجعت لحسين..فهمت الحاصل وفهمت مجدي..بقينا مصدومييين..
أول مرة في حياتي أحس بحزن زول ويوصل لجواي..عيوني دمعت بقيت اهدي في مقداد..مجدي زاتو انهار وبقى يبكي معاهو..تقريباً اتذكر امه...منظرهم الاتنين كان كفيل يخليني إنسان ضعيف وما عارف اتصرف كيف...

*""خالة المقداد اتوفت💔"...!*

*"على لساني"*

الصباح صحينا في ترتيب البيت والعدة وما إلا ذلك..البيت كان جايط جوطة ما طبيعية..انا مسكت النضافة..من 7 صباحاً خلصت قريب الضهر...كان لسه اصحاب اخواني معانا..فككوا الصيوان وكده..عذبوني عذاب بعمل الشاي والقهوة...بعد الضهر لقيت مكالمة من مجتبى..قفلت باب الغرفة علي ورجعت ليهو..رد لي بصوت بائس كده..قولته ليهو:- الاخ مالووو!؟..قال لي:- إيناس عاوز اقول ليك إنو..وسكت..قولته ليهو:-إنو شنو!؟..قال لي:- خالة المقداد اتوفت قبل شوية والله..حالياً نحنا في بيتهم..لسه ما ستروها وو..باقي الكلام ما استوعبت منو كلمة..بس لقيت نفسي يبكي بصوت وبقول:- مجتبى انت بتقول في شنو.. لا اله الا الله...قال لي:- تعالي عزيهو الليلة لو بتقدري قبل تسافري..قفلت منو وقعدت على طرف السرير..ياخ بقيت أبكي بكى..كل تفكيري أنو كيف ح يتحمل الوجع ده💔..استغفرت ربي ولبست أقرب عباية..ناس البيت كانوا منشغلين ماف زول فاضي لزول..طلعت سرعه سرعه..لقيت مِشعل ماشي على اتجاه عربيته..قولته ليهو بنفس متقطع:- مشعل..ممكن توصلني..عليك الله وصلني عليك الله..قال لي:- أهدي طيب بس وفهميني الحاصل عليك شنو!؟..بقيت ابكي زيادة..قال لي:- طيب اركبي..تحكي ونحنا في الطريق..ركبتا معاهو وقلبي متقطع على مقداد..اتصلت على ليالي..شكلها كانت نايمة ردت بصوت مليان نُعاس:- ألو نعم..قولته ليها:- ليالي اصحي..قالت:- إيناس في شنو!؟..الناس بتقول صباح الخير..قولته ليها:-خالة المقداد اتوفت قبل شوية..قالت لي بخلعه:- مقداد صاحبنا الواحد ده..واي ياخي استغفر الله لالاا ما قادرة اصدق..قولته ليها:- لو بتقدري تجي تعالي..ح أرسل ليك الوصف واتساب..قفلت منها ودموعي نازلة...مِشعل قال لي:- إيناس..أستغفري..الموت علينا حق..وصفت ليهو المكان..وصلني ونزل معاي..بقيت ماشة بسرعه..الصيوان قدامي..والرجال في كل حته...شوية وطلعوا الجثمان من البيت..مجتبى شايل العنقريب هو ومعاهو مجدي وحسين وماسكين مقداد💔..النسوان بكوركوا بأعلى صوت..منهم البتقول كانت معانا قبل شوية بس..و تانية بتقول يا حليلا ماتت وفي نيتها تصلي الضهر واسي ح يصلوا عليها💔..واحده تانية:-سبحان الله بروة صابونة بقت ليها سبب..ربنا يرحمها ويغفر ليها...

بعد حكاية ساعة الرجال جوا راجعين...ليالي جات لقتني قاعدة في الحوش مسكتني وقعدت تبكي..الاتنين بقينا نبكي شديييد.واي زول بسأل ديل منو ديل منو!!؟..

*"في المقابر"*
*"مقداد"*

_مجدي كان واقف بعيييد أعتذر إنو ما بقدر ينزل معانا الجثمان..مجتبى كان واقف جنبي..بعد نزلوا الجثمان..مسكني الكوريك في يدي وبقينا ننزل التراب سوا على خالتي..مجتبى بهمس:-قبرها واسع💛دي ما ببكوها ياخ..تم الدفن..ومجتبى وحسين واسوا القبر..مجتبى:- واسينا قبرها..سبحان الله اندفنت سريع..بيتها وااااسع..ادعي ليها يا مقداد ادعي ليها...!

*"بعد الدفن_وراء صيوان العزاء"*
*"على لسان مجتبى"*

_مقداد قاعد في الارض وجنبه مجدي وا

لاتنين ببكوا..كل واحد محروق على فقيدو💔..قولته ليهم:- أستغفروا يااخ استغفروا الله يرضى عليكم..مقداد قال لي:- لو استغفرت ح ترجع؟..ابوي ح يرجع؟؟..امي ح ترجع؟؟..قولته ليهو:- مقداد انت زول مؤمن..والموت علينا حق..اركز وابقى راجل شيل عزاء خالتك وخليك واقف للنهاية وبعد نقضي الناس ديل ابكي زي ما عاوز...عززها..قوم فوق في ناس كتار عاوزين يعزوك..ما ممكن تكون قاعد هنا..يلا قوم..غير ملابسك دي وتعال اقعد في الصيوان..عزاء خالتك ماف زول ح يشيلوا غيرك..كمل واجبك اتجاهها للنهاية..أكرمها💛..قوم يا مجدي قوم..ارجع بيتكم غير ملابسك وتعال راجع قوم يلا...قومتهم..مجدي طلع على البيت..وأنا دخلتا مقداد جوا..ناس إيناس اول ما شافونا جوو ناحيتنا..إيناس مسكت يدو وقالت:- البركة فيكم ربنا يصبرك يا مقداد وانهارت بالبكا..ليالي ما قدرت تعزي اصلاً بس بتبكي💔..خليتو يدخل الحمام..جهزت ليهو جلابيته..لبسها ومسكتو من يدو وطلعنا الصيوان...

*"عندي أنا وليالي"*

_ليالي قالت لي:- قطع قلبي يا إيناس..ربنا يصبره ويرزقها الجنة..قولته ليها:- صعبة والله ياخي صعبة..سألنا واحدة كانت بتبكي جنبنا..يا خالتو هي ماتت كيف؟؟..قالت لينا:- جيناها للفطور والقهوة..فطرنا وشربنا قهوتنا..كانت شديدة قامت عشان تتوضأ لصلاة الضهر..إلا سمعنا صوت حاجه قوية وقعت في الحمام..الصابونة زلقتها وضربت راسها في الماسورة من شالوها اولادنا ديل شالوها ميتة💔 ربنا يرحمها ويغفر ليها..كانت زولة ما سهلة والله..أطيب واحدة في الحلة..والما بعرفها هي ومقداد وشافهم بقول أم وولدها💛..بقينا نبكي بحرقة...!

*"بيت ناس مجدي"*

_رجعتا البيت وانا ما شايف قدامي..منظر مقداد بكاني غصب..أتذكرت تفاصيل موت امي..اتذكرت سنواتي العشتهم معاها💔..أتذكرت شكلها في اخر ايامها..بعد استحميت ولبست جلابيتي بقيت اعاين في صورتها وغصباً عني بكيت..الموت بشيل حبايبنا..بخلي لينا ذكرياتهم وبس

*"بعد رحيل الكُل..تكتشف أن التوابيت لاتعود فارغةبعد دفن الموتى..بل تعود مملوءة بالقصص والذكريات*
#أمنية"

مرت ابوي سمعت صوتي جات جارية وهي بتقول :-بسم الله في شنو؟؟..مالك يا مجدي!؟..اخدت نفس وجاوبتها:- خالة المقداد اتوفت..قالت:- لا حول ولا قوة إلا بالله..ربنا يرحمها ويغفر ليها..استناني البس واطلع معاك..قولته ليها:- ما بقدر..ح اوصف ليك(......)..بعد وصفت ليها طلعتا طوالي..وصلت هناك لقيت إيناس وليالي..سلمت عليهم..مقداد كان واقف مغصوب ومجبور من جواهو ما قادر أنا حاسس بيهو...بعد نص ساعة كده جات مرت ابوي..عزت مقداد وهي بتبكي قالت:- الله يصبرك يا ولدي ويقويك..ما غالية على ربها..قال ليها:- اتفضلي لجوه...مجتبى وداها مكان ناس إيناس قاعدين..قعدت معاهم وبقوا ياخدوا ويدوا في الكلام...

*"على لسان ليالي"*

_مرت أبوهو لمجدي جات وقعدت معانا..طلعت لطيفة شديد💛..كلامها رايق وموزون..في نص كلامنا قالت لي:- أنتي ليالي!؟..قولته:- ايوة...قالت لي:- اها...قولته ليها:- يمكن ما وقته بس اسفه على جية امي ليك البيت والحصل💔قالت لي:- ولا يهمك يا بتي..بتحصل..امم بس شكلها صعبة حبتين..نصيحه مني تاني ما تدسي عليها شي💛..إيناس قامت وقالت:- أمشي أنا..ناس البيت بكوني فقدوني..نتلاقى في وقت اوسع..ودعتني ومشت....بقيت قاعدة مع خالتو فاطمة..شوية وقمنا ضايرنا مع الناس وبقينا نعمل شاي للرجال...!

*"على لساني"*

_طلعت برة..لقيت مِشعل واقف قدام الصيوان..مشيت ناحيته وبقيت اعتذر..قال لي:- لالا عادي..خلينا نمشي..طلعنا على البيت..طول الطريق ما قادرة استوعب..كل ما اتذكر شكل مقداد ببكي...وصلنا البيت..نزلتا ودخلتا البيت طوالي..جاتني سلوان قالت لي:-يا بت طرتي وين انتي؟؟..بفتش ليك من قبيييل..قولته ليها:- حته قريبة..لما شافت وشي محمر وبقت تسأل كتير حكيت ليها..قالت لي:- ربنا يرحمها ويغفر ليها ويصبركم...!

*"بليل_بيت ناس مقداد"*
*"على لسان مقداد"*

_الخبر نزل على مسامعي زي الصاعقة..خالتي؟؟..كيف ومتين وليه؟؟..بستغفر كل ما اسأل نفسي بالطريقة دي..انا منحوس للدرجه دي!؟..منو فضل لي في الدنيا دي..لا ام لا اب لا خالة ولا غيرو💔..وانا في الصالون ببكي..جوو مجتبى ومجدي قعدوا جنبي..كل واحد ماسكني باتجاه..مجتبى قال:- اصبر..هي في مكان احسن💙..قولته ليهو:-ما قادر يامجتبى ما قادر..ومجدي ده صوته منتهي من البكاء..خالة فاطمة ما قصرت قعدت لحدي العشاء وبعدين رجعت..مجتبى ومجدي بيتوا معاي..أهلهم جوو عزوني خلال اليوم ورجعوا....تاني يوم كان عندنا امتحان..خليتهم يمشوا الجامعة وهم قالوا ح يحكوا للدكتور ظروفي يا هو يا شلت المادتين ملاحق أو بدايل...

خالتي ريحتها في كل ركن في البيت..وشها البشوش وكلامها السمح..كلمة يا ولدي منها💛دعواتها المحاوطاني..خلاص مشت مني وخلت الدنيا بعدها مسيخه..باهته..خالتي ماتت..!

*الأمر الأكثر وجعًا من الفِراق نفسهِ*
*هو اللحظات التي ننسى فيها أنهم ذهبوا، اللحظات التي تصاب فيها الذاكرة بزهايمرٍ عابرٍ؛* *وتغشاها ن

وبة نسيانٍ مؤقتة*
*تُصاب بغيبوبة تفيق منها على واقعِ أنه لم يعُدْ لهم وجود بيننا،*
*فقط أنهم ذهبوا في رحلةٍ لا* *إياب فيها..*
___
#ماهِليّات
___________
#علاءالدين_عبداللطيف
--------------------------------------
---------------------

*#سلسله_وخز _الدبابيس_3*
*#احتضار《25》*
*#بقلم_ايناس_ادم(ننس تمدين)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*"صباح اليوم التاني"*
*"على لسان مجتبى"*

_طلعنا على الجامعة أنا ومجدي..والناس كانوا لسة قاعدين وبعزوا...وصلنا هناك ودخلنا الامتحان..اقسم بالله رغم القراية القريناها ما عارفين كتبنا شنو💔..وليالي نفس الشي..بعد الامتحان مشينا لدكتور المادة اتكلمنا معاهو بخصوص مقداد..قال لينا:- الافضل يمتحنهم ملاحق..ووصلوا ليهو سلامي وتعازيّ...بعد مشينا الكافتريا ليالي قالت لي:- خليتوا كيف؟؟..صابر ولالا؟؟..قولته ليها:- والله متجرس جرسة شديدة وليهو حق..واحد يتيم وخالتو بس الزول الوحيد ليهو في الدنيا دي..واتوفت فجأه..حاجه صعبة والله..ليالي كانت بتبكي وبتمسح دموعا بالمنديل..ومجدي ده اصلاً من أمس ما اتكلم..صوته رايح من البكى وبس بعاين لينا..ليالي قالت:- طيب بكرة كده بمشي أشوفه..لازم ارجع اسي..المادة الاخيرة اي يوم نسيت واتلخمتا..قولته ليها:- بعد بكرة..قالت لي:- تمام طيب سلموا عليه..بعد مشت..مجدي ختا يدينو في وشه مسااافة بعدين قال لي:- قوم ارح..امشي بيتكم لم ملابسك وانا نفس الحنك..مقداد الفترة الجاية صعب يقعد براهو..قولته ليهو:- كنت بفكر كده..تمام طيب..ارح..طلعنا كل واحد على بيتهم...شلنا ملابسنا والحاجات العاوزنها وأتنقلنا بيت مقداد..لما وصلنا لقيناهو ببكي مع مرة كده..في النهاية عرفنا إنها من قرايبهم..الوضع كان ضاغط والناس قاعدة و المفروض الرفع بكرة....قولته لمجدي:- أسمعني يا فردة..طالع مشوار ساعه كده وبظهر عليكم..قال لي:- تمام...!

*"على لسان مجدي"*

_بعد مجتبى طلع..انا ومقداد قعدنا في الصيوان بعيد من الناس..قولته ليهو:- عارف يا مقداد..لما أمي ماتت انا ما بكيت..ولا دمعه ما نزلت مني..كنت بعاين للناس باستغراب..ببكوا كيف؟؟..شفتهم لما كفنوها..ولما شالوها بالعنقريب..وفي المقابر لما جوا ينزلوها..قولته لأبوي أمي ماشة وين..ليه عاوزين تكبوا فيها التراب..ما كنت فاهم يعني شنو موت..دفنوها قدام عيني وبرضو ما كنت مستوعب..كنت بمسك صورها وبعاين فيهم..قريب سنتين لما باب الشارع يضرب بفتكر إنو دي أمي جات راجعه..كنت حاسس إنو هي ح ترجع..ما كنت عارف أنو البموت ما برجع..ما كنت عارف إنو البموت بكون عايش معانا..كل تفصيلة صغيرة يا مقداد كل حدث بذكرني بأمي..مقداد قال لي وهو ببكي:- اليوم داك جيت من المدرسة لقيت البيت مليان ناس بتصرخ وبكبروا وبهللوا..كل زول يشوفني بقول لي ولد الشهيد💙...خفتا من طريقه بكاهم وصراخهم..جريت غرفة أمي لقيتا قاعدة ولابسة توب أبيض وبتبكي بحرقة..أدسيت في حضنها وما رفعت راسي نهائي..اي مرة تجي بتقول حليلك اتيتمتا بدري..وكلام بالشكل ده..بعد يومين سألت أمي..يا أمي أبوي جاي متين من السفر..كانت بتحضني وبتقول :- أبوك أتوفى يا مقداد..أبوك مشى للاحسن مني ومنك💙ابوك في الجنة..وكانت بتدعي ليهو وعلمتني كل ما زول يجي يشيل الفاتحه انا ارفع يديني زيها واشيل الفاتحه معاهم..بليل بصحى بلقاها ماسكه صورته وبتبكي..انا كنت ببكي من بكاها هي..ما كنت مستوعب يعني شنو موت..في فهمي كان الموت سفر..بياخد زمن وابوي برجع لينا تاني شايل لي مسدس حق موية وبدلة شرطي زي كل مرة..بس ما رجع يا مجدي..أنتظرته كتير وما رجع..بعد شهور بسيطة أمي لحقته..يومها الاتوفت كانت بتتذكر أبوي وبتبكي مع خالتي..فجأه بقى ما بتحرك ليها ساكن..كانت كأنها نايمة..مستوعب معاي!؟..الاتنين بينهم شهو

ر بس..بكيت في عزاء أمي..مشيت المقابر وكبيت التراب فوقها..كنت بزور قبرها بصورة دائمة...لحدي ما خالتي وقفتي..لأنو كل مرة بجي مكسور اكتر من المرة القبليها..خالاتي الكبار كلهم برة البلد قالوا ما بقدروا يتحملوا مسؤوليتي وعندي عمة واحدة قالت ما بتقدر برضو تمسكني ودي مسؤولية كبيرة..قادر تتخيل!؟..خالتي نفيسة قالت ليهم انا بمسكو وبربي زي ولدي💛..كان الوقت داك حبوبة حسها في الدنيا..ياهو جيت معاهم البيت ده والحلة دي..سكنتا معاهم لحدي ما حبوبة اتوفت..خالتي اتقدموا ليها عرسان كتار..بس كانت بترفض..ما كانت شايفة أنها محتاجه راجل طالما أنا هنا..كانت بتقول لي كده دايما..ولا مرة يا مجدي ما حسستني أني حمل تقيل عليها..حتى بعد الحادث العملتو..حاولت كتير تخلي اخواتها يرسلوا لي عشان اعمل العملية بس كلهم طلعوا بحجج فارغة..قالت جملة مستحيل انساها..

*"ياتو يوم العمى بقى عارض في طريق زول بدور يصل السماء💙"...*

قالت لي ح تشتغل وما ح تحتاج لزول وتعمل عملية براك وترجع تشوف من اول وجديد...انا مهما أحكي ليك عنها وعن مواقفها معاي ما بكفيني قرن...

الاتنين سكتنا ودموعنا نازلة..شوية ومجتبى جاا معاهو خروف وشوية تموين..مشيت ناحيته:- جبتا الخروف من وين والحاجات دي!؟..قال لي:- ما وقته اسي..المهم الكرامة تتعمل💛...يارب يقضي الناس ديل..بالفعل عملنا الكرامة..الناس لحدي بليل خفوا...مرت ابوي اتصلت علي كم مكالمة ما رديت..المكالمة رقم 7 رديت ب:- نعم..قالت لي:- مجدي..طمني مقداد كيف!؟..قالته ليها:- كويس..قالت لي:- لو احتجتوا حاجه اتصل علي كويس..بكرة جاياكم من الصباح..عاوزين اجيب ليكم معاي شنو!؟..مجتبى خطف مني التلفون وقال:- جيبي لينا معاك أكل ظابط..اتكلم معاها شوية وقفل ورجع لي تلفوني..الوقت داك مقداد كان نايم..ما حبينا نزعجه فطلعنا الشارع..سألت مجتبى تاني:- الخروف جبتو من وين!؟..ما تقول لي اتجازفت وبتاع انت حق الرصيد ما معاك..وريني عملت شنو!؟..عاين لي مسافة وقال:- ياخ انت مالك..المهم انسترنا مع الناس💛..الباقي هين يا صحبي..قولته ليهو:- تماااام..بقيت تغنج..قال بنفاد صبر:- يا مجدي ما تحكها..اكسر الحنك احسن...سكتا و تاني رجع يونسني...لنص الليل حتى دخلنا جوه..

*"على لسان مجتبى"*

_كنت عارف إنو مقداد ظروفه هو وخالتو صعبة..حتى لو ناس الحلة وقفوا معاهو ح تبقى عيبة في حقنا نحنا..طلعت منهم ومشيت فكيت تلفوني..وبعتا اخر لوحات رسمتهم بسعر مناسب..اشتريت الخروف وشوية تموين...الحاجه الكويسة إنو الناس ما كتار..ده الخلا الكرامة تلحق ليهم..مجدي كان مُصر يعرف انا جبت القروش من وين...وما كان ينفع اتكلم نهائي..تاني يوم من الصباح صحينا بدري مشينا صلينا الصبح حاضر..جينا راجعين حاولنا نقنع مقداد يمتحن المادة حقت بكرة عشان يبقى عليهو ملحق واحد رفض..لحدي الساعه ،9 ونص خالة فاطمة جات..جايبة معانا كمية من الاكل الجاهز والما جاهز وجايبة تلاته جكتات..قالت عشان البرد تقيل❤...مجدي كان بظبط في شغلة كده في تلفونه..جاني في المطبخ قال لي:- اسمعني افتح لي واي فاي...في الاول سكتا تاني قولته ليهو:- أنا ما كلمتك يعني!..قال لي:-شنووو؟؟..قولته ليهو:- تمووني يا فردة امس..تلفوني اتسرق..قربتا أقول ليهم معاكم زميل😂😂..كنت بحاول الطف الجو واعمل رايح..مجدي كان بعاين لي بنظرات ثابتة وقال:- بعتا تلفونك..بعتا تلفونك صح !...قولته ليهو:- كده اتصل شوف ليالي وين قالت جاية مالا اتأخرت كده..وشوف خالة فاطمة..قال لي مُقاطع كلامي:- لو أنا أو مقداد لو عندنا أخوان..قسماً بالله مستحيل يعملوا ربع البتعملوا معانا...لما قال كلامه ده كان مدمع عديل ..قولته ليهو:-هوي هوي..دي شنو الحركات دي..ما بينا💕..وبعدين نحنا أساساً أخوان..أمشي ظبط الشغل ولو حصلت حاجه كلمني..المهم اتكلم برة البيت ما ناقصين كوابيس..قال لي:- زط...!

*"على لسان ليالي"*

_طلعتا من البيت قريب الضهر...كنت بتكلم مع إيناس اللي كانت مسافرة في نفس اليوم..المكالمة كلها بتوصيني على مقداد💕..بعد وصلتا..لقيت مجدي في الشارع اللي قبل حق البيت بتكلم بالتلفون وبقول :- اي اي الفترة الجاية نحنا ما فاضين..لكن لو لقينا طريقة بنجي..المهم بس اعمل زي ما قلت ليك..تمام تسلم يا فردة..كان لابس جكت برد وبرجف من البرد..قولته ليهو:- رُسلان..جاا ناحيتي سلم علي وانا زااتي برجف..قال لي بصوت مليان اهتمام:- عارفة الدنيا بدت تبرد..ليه جاية كده!؟..تعالي💕..مشيت معاهو ودخلنا البيت..لقيت خالة فاطمة بتكنس في الحوش وفي كم مرة بغسلوا العدة..وبدوا يفرتقوا الصيوان..سلمت على خالة فاطمة ومجتبى..مشيت قعدتا جنب مقداد..قولته ليهو:- بقيت كيف؟!..قال لي:- نحمد الله..الحمد لله..قولته ليهو:- إيناس بتسلم عليك..سافرت اليوم..قال لي:- توصل بالسلامة يارب...ليالي..حتى لو انتي ساكتة عارفك زعلانة على موت خالتي زي بالضبط...انتي ومجدي ومجتبى وايناس..كتر خيركم💕..ما عارف اقول شنو عنكم...قولته ليهو:- مقداد..نحنا حاسين بيك والل

ه..وما تقول شي..ده واجبنا..جات خالة فاطمة ختت ليهو صينية قدامه..وقالت:- الله يرضى عليك أُكل يا ولدي ثبت نفسك بكم لقمة..أكل عشان ما تقع..كان رافض الاكل تماما...

*"على لسان مجتبى"*

_مشيت ناحية مقداد وقولته ليهو:-بتدلع صح..يا زول والله تاكل..وبقيت أأكل فيهو وهو بقول كفاية كفاية...خالة فاطمة قالت:- أمشي انا يا اولادي..ليالي قالت:-ح اطلع معاك..مجدي مشى قدمهم لحدي الموقف وجاا راجع..جاا لقاني بغسل في غيارات مقداد..طوالي جاب حقاته..اتناقشنا في موضوع كده..ختمته ب:- مش احسن؟؟..قال لي:- فكرة ظابطة بس خلي تنفيذها شوية...بعد خلصنا من الغسيل..عملتا قهوة وبقينا نذاكر انا ومجدي للساعه 2..ومقداد كان بين صاحي ونايم..

*"عندي"*

_إحساس صعب لما يكون نفسك تقاسم اصحابك كل لحظاتهم بس مجبور وغصبا عنك بتكون بعيييد..الظروف أقوى منك وخارجه عن سيطرتك..انا مما كنت في البص ولحدي ما وصلتا ببكي..صحيت نص الليل برضو قعدتا ابكي💔...طلعت دفتري وبقيت اكتب في جزء مليان توتر وخوف..بعد خلصتا..رسلت لليالي:- عارفة ما وقته بس الموضوع ممكن ياخد مننا سنة عادي..عشان كده رتبي اموورك💕..ردت طوالي كانت صاحية:- حالياً بظبط ليك في()...الموضوع ده ح يهز الناس كلها...اتناقشنا شوية وقفلت الشبكهه..!

*"بعد مرور ايام وايام"*
*"على لسان مجدي"*

_خلصنا امتحانات سمستر5..وكنا لسه قاعدين مع مقداد..حالته كانت ماشة لاحسن..مرت ابوي كل يوم ثابت بتجينا..تشوفنا محتاجين حاجه ولا لا...كنت حاسي إنو احساسي اتجاهها بدا يتغير..بس ما بينتا ليها..مكابر شديد وما عاوز احساسي يوصلها..مجتبى كان مضغوط في شغلتنا "ح تعرفوها قدام" بجي اخر الليل زول نوم بس..مجتبى ده لو يطول يدينا عمره ما ح يقصر ولا يبخل💕..النوع ده نادر شديد...ما عارف كيف ومتين علاقتي معاهو بقت قوية كده وانا من زمان اصحابي بكسرو حنكي عشان استهتاري وعصبيتي..مجتبى ما بديني فرصة اتعصب..كان بتجنب الحاجه دي تماما💕..في يوم قال راجع بيتهم عندو ألوان عاوز يجيبهم وكم حاجة..طلع زي المغرب كده..وانا ومقداد قضيناها ونسة وذكريات!!

*"بيت ناس مجتبى"*
*"أبو مجتبى بتكلم مع واحد مكالمة"*

_وين انت اختفيت كده..امممم..لاقيت مجتبى؟؟..جاك لشنوو!؟..امممم..يكون زهج بس عشان كده باعو..اها طيب يا اخوي يديك العافية..

"أبو مجتبى عِرف إنو مجتبى باع تلفونه..بقى يتعصب ويتزاهج وفي الاثناء دي جاا داخل مجتبى"

*"على لسان مجتبى"*

_سلام عليكم..مالكم جايطين!؟..ابوي كان بعاين لي بغضب..جاا علي وقال:- وديت تلفونك وين؟!..قولته ليهو:- كلمتك أنو اتسرق لما جيت المرة الفاتت..قال لي بغضب وصوت عالي:- كذاب..اسي كنت بتكلم مع ماهر "زبونهم"..وقال انك جيت وبعتا التلفون..بتكذب علي ليه..عشان اشتري ليك واحد جديد مش..طول عمرك انتكالي وما بتعتمد على نفسك..تلفون اشتريته ليك بالشي الفلاني وجديد تمشي تفكه..وريني سرعه عملت بالقروش شنو!..من يومك ما مسوؤل ومستهتر وقاعد للضحك والفارغه..عمرك ما ح تبقى زول زي باقي اخوانك..طول ما ماشي في همجيتك دي...

رديت وانا الفيني كملت:- طول عمري بحاول ارضيك وأكون ولد بار..طول عمري بدي بدون ما افكر اخد..مرات كتيرة بتحرجني قدام الناس بكلام اقسم بالله العلي العظيم ماف ولد من اولادك الواقفين ديل بتحملوا..انا كنت بتحمل..انا كنت بجد على نفسي عشانك...وصلت الحد ياخي وطاقتي خلصت وانا بحاول استوعب انت عاوز شنو في النهاية..مطلوب مني شنو عشان تعاملني زي ما بتعامل البقية..ويمكن حالياً تطلعني عاق وفاشل و ما عندي موضوع ومستهتر..انا يمكن أفشل في اني ارضيك..بس عمري ما ح افشل أني اكون صاحب كويس💕..!

*الوسائد يا صديقي*
*تُجيد المواساة رغم صمتها وصمتنا المُغلّف بالألم؛ وحدها العُيون تضج بالأحاديث الغزيرة!*

#Alaa_aldin_Mahil🖤I
--------------------------------------
---------------------

*#سلسله_وخز _الدبابيس_3*
*#احتضار《26》*
*#بقلم_ايناس_ادم(ننس تمدين)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*"نتابع"*

_بعد قلت كلامي ده..جسمي كله برجف وكلهم بعاينوا منهم المتفاجيء من كلامي ومنهم الحاول يتكلم معاي ويهديني...لما الواحد يفضل يتملي ويقول لنفسه معليش بجي يوم وبنفجر...بس المصيبة لو الانفجار ده طلع متأخر وفات أوانه...طلعت من البيت ماشايف قدامي من الزهج والغضب..ماشي وبترنح في الشارع..فجأه بقيت ما حاسس بنفسي..بحاول اتنفس وافتح عيوني..جيت واقع قصاد الميدان..أولاد الحلة جوو جارين وهم بقولوا:- مجتبى يا زول بسم الله مالك..شيل معاي يا ابراهيم شيل..بقيت بين واعي وما واعي...فقدت الوعي لما صحيت..لقيت نفسي في المستشفى وجنبي اولاد الحلة وعم كبير معانا في الحلة..حمدلو لي السلامة..الدكتور جا قال:- يا زول حمد لله على السلامة...جيت منتهي عديل انت..شكلك مغبون ولا زعلان من حاجه..الزعل الكتير ما كويس وبجيب ليك مرض..حاول خفف منه وما تخفي زعلك..كتب لي على خروج...اولاد الحلة والعم قايلني راجع البيت..قولته ليهم إني قاعد مع صحبي والقصة دي💕...قعدوا معاي شوية وطلعوا..كنت تعبان ومرهق شديد رجعت بيت مقداد..مجدي كان صاحي ومقداد نايم..الزمن وقتها كان 12:30..واضح من شكلي إني ما كويس...مجدي طوالي سألني :- يا زول في شنو مالك!؟..وأتأخرتا كده ليه؟!..ووين ألوانك القلت جايبهم؟؟..كنت بعاين ليهو بعيون منتهية من التعب..قولته ليهو:- ماف شي يا مجدي..أنا كويس..دخل يدينو في جيوب بنطلونه ووقف قدامي وقال:- ما كويس..أنت ما كويس
وريني حصل شنو؟..الازمة قامت عليك ؟!..ما هو ما ممكن تجي راجع بهيأتك دي وتحاول تقنعني أنك كويس..وانا ما بقتنع ليك ولا شي..يلا احكي !؟..كنت بغمض وبفتح وعاوز متين اصل السرير..هو لاحظ لي مسكني ورقدني في سرير في الحوش..مشى جاب لي موية...بعد شربتها..قعد جنبي وكان مُصر يعرف..حكيت ليهو نقاشي مع أبوي...قال لي:- بتحصل يا زولي..قلبك خفيف انت..تعال أعلمك تقوي كيف..قولته ليهو:- قوة القلب ما حبابها ياخي💕..الله يهون بس...بعدها مشى رقد في سريرو..متخيليين معاي انا بين نايم وصاحي...مجدي الليل كلو يراقب فيني..بشوفني بتنفس ولالا..هو ما نام نهائيا والله💕..!

*"الصباح"*
*"على لسان مجدي"*

_بعد الحكى لي مجتبى جد زعلتا..أهلنا ما عارفين ظروفنا بتكون كيف..ما عارفين برة البيت بنمر بشنوو..شايفين أنو مدامك بتتنفس خلاص دي أقصى أنواع الراحه وما مطلوب تفتح خشمك تاني..التلفون الجابو ليك ما يحق ليك تتصرف فيهو....لابتوبك ملابسك أي شي بخصك..طالما هم جايبنو..ما ينفع أنت تتصرف من راسك...معظمهم بحسسوك أنك ما عندك فايدة وزيك زي الكرسي واحد..في حين أنو بكون عندك أصحاب محسسنك أنك أي حاجه وأكبر حاجه في الحياة دي💕...لما مجتبى نام بقيت اراقبه..نفسه كيف..خفتا الازمة تقوم عليه بليل او يضايق وما ألحقه..فما كان عندي حل غير إني أراقبه للصباح..كنت بتريض برة ومركب سماعاتي بتكلم مع ليالي...قالت لي:- كفاية رياضة يخ وركز معاي..ارتاح شوية..قولته ليها:- أسي لو دي أنتي بتعملي يوغا..مستحيل تركزي معاي..قالت:- لأنو اليوغا ذات نفسها عاوزة تركيز يا رُسلان..ما قادرة اتخيلك بتحب حاجه غير الرياضة وخصوصي الكورة وبقت تضحك💕.لحظتها وقفت رياضتي وكان نفسي أقول :- الكورة في كفه..وأنتي في كفه تانية خالص..حتى لو مجنون كورة..فأنا أشد جنون بيك أنتي💕💕..رجعت للواقع بصوتها وهي بتقول:- رُسلان..رُس

لان..قولته ليها :- عيون رُسلان...قالت مستغربة:- عيون لكن..والله بقينا نقول كلام سمح..المهم أقطع وشك وخلي تبو الزفت ده لما يصحى يرجع لي..من تلفونه اتسرق ما لميت فيهو تاني..قولته ليها:- طيب تمام..قفلت الخط..دخلتا جوه لقيت مجتبى صحى وكان بصلي الصبح..بعد خلص..قام ومشى ناحية المطبخ..عمل شاي الصباح..أثناء ما بنشرب الشاي..قولته ليهو:- بقيت كييف؟!..حاسس نفسك أحسن؟؟..مقداد قال:- ليه هو مالو!؟...حكيت ليهو القصة بس غير قصة التلفون..قولته ليهو بس ابوهو اتناقش معاهو بخصوص الرسم وكده..مجتبى قال لي:- الليل كله بتراقب فيني شاااايفك..خفت علي حبيبي أنا🙈💕..قولته ليهو:- بالله كنت صاحي..قال لي:- صاحي أي..قايلني ح أموت انت ولا شنو😂😂😂..ربك كريم💕..شغلها لي اليوم كله بإني حنين وقلبي أخف من قلبه وبحبو وما بعرف شنو🙂..يعني مجتبى ده لامي كوكتيل عجيب..تفاهه وخفه دم وذوق وحلاوة تعامل واخلاق ورووقة...ده غير إنو شكله تلقائيا بتشوفه جميل..مع إنو ما بالجمال داك..لكن روحه عاكس على وشه💕..اديتو تلفوني رجع لي ليالي اتكلموا شوية وقفل منها..لحدي العصر كده..قال لي:- جاا الوقت المناسب خلاص نكلمو..قولته ليهو:- شايف كده!؟..طيب تمام..اساسا محتاجين ليهو معانا...

فرشنا الحوش ومرت ابوي جات مع ابوي...كانوا جايبين لينا غداء....اتغدينا كلنا في صينية واحده💕..بعدها مرت ابوي عملت لينا شاي..أتونسوا معانا مسافة وقاموا ماشين..وانا واقف معاهم ومعاي مجتبى جنب الباب دخلت لي حاجه في عيني..بقيت بحكها وبحاول افتحها...

هي لاحظت لي..قربت مني شوية ونزلت لي راسي لتحت وبقت تنضف لي عيني بتوبها وتنفخها لي..قالت:- دي شعرة..عاين حمرتا عينك كيف..غسل وشك بموية باردة وما تهبشها كتير...بقيت أعاين ليها بس وقولته:- طييب..أبتسمت لي..ابوي كان بعاين لينا مبسوط💕..بعد طلعوا..مشينا قعدنا جنب مقداد.!

*"على لسان مجتبى"*

_أنت عارف بعد جيناك هنا اخر مرة وأنسحبت من اصحاب الابداع والحوار ده..عارف حصل شنو!؟..مقداد قال لي:- شنوو..قولته ليهو:- لقينا نفسنا انا ومجدي برانا..وكان من الصعب نواصل شغل..والحصل أننا غيرنا فكرة الشغل توتلي...في يوم مشينا شارع النيل وطرحت لمجدي فكرة إنو ليه ما نقلب الشقة حقتنا مدرسة لتعليم الموسيقى..انا كده كده ماشي كويس شديد في الكورس وانجزتا وبقدر افيد غيري..وصراحه لقيت لي عدد كبير من المكفوفين النفسهم يتعلموا الموسيقى والتمثيل..فنحنا عملنا شنو!!. بعد قلبنا الشقة لمدرسة..بقينا نمشي كل يوم تقريبا..نديهم درس درسين وننزل ليهم فيديو في الانستجرام..طبعا اصحاب الابداع في انستجرام أنتو ما عارفين عنها حاجه..بس اخر فترة لفتت نظر لأنو الناس بدت تتكلم ومتعجبين ومتأثرين بالموضوع + أننا بنتموضع بفيديوهات وننزلا تيك توك..في الاول الموضوع كان هظار فجأه بقى ضمن الشغل..واحد من المكفوفين كان بعزف وانا ابتديت أغني ومجدي ما صدق صور فيديو ونزله تيك توك
"الفيديو كان مُثبت على الكفيف فقط "

المهم يا زولي نحنا قطعنا نص المسافة فكان من الصعب نرجع ألف خطوة وراا..نحنا عذرناك انت والبنات لأنو جد جد اتختيتوا في مواقف ما بتحسدوا عليها..المطلوب حالياً شنو!؟..أنت محتاج شغل عشان تقدر تقيف من تاني وتعيش نفسك..محتاج شغل عشان تقدر تطلع من الحالة الانت فيها..محتاج شغل عشان تقدر توصل للعاوزو..الاسبوع الجاي تكون جاهز انك تنزل تستلم شغلك!..كل العليك توصل للمكفوفين ديل فهم التمثيل بطريقة ظابطة وانت ذاتك تكون مليت زمنك ووقتك لمن السمستر ال6 يبدأ...طبعا الشغلة دي برسوم معقولة شديد وفي متناول اليد..بس محتاجين لينا بت للتسجيل لأنو غالباً ما بنكون فاضين..والموضوع زاتو عاوز زول 24 ساعة فاضي..مجدي قال:- بشوف الموضوع ده..ها..مقداد قلت شنوو!؟..سكت مسافة بعدين قال:- معاكم💕..الكنت خايف على زعلها وكسرها..ما هنا💕..قولته ليهو:- صدقني هي كانت ح تتفهمك وتتقبل موهبتك..عموماً يا زولي دي كل القصة..وخلي بالك إيناس وليالي ما عارفين شي..!

*"على لساني"*
*"صباح اليوم التاني"*

_كنت بتكلم مع ليالي فيديو..قالت لي:- ظبطها وكنت أظنها لا تظبطو😭😭..بقيت اضحك..قولته ليها:-درععه💕..لكن لسة ياااخي باقي لينا حاجات كتيرة..خايفة الزمن يضايقنا..قالت لي:- لالا ما بضايق يا بت..قدامنا ستة شهور بحالها..وتاني سنة كاملة..سنة الفاينل👌🏾💕..قولته ليها:- يا استاذة الكلام ده المفروض يحصل قبل الفاينل..قالت:- لالا..بعده كده يدوووب ببقى رهيب ومؤثر وحزين..قولته ليها:- تمااام..وقت واسع والله...سألتها من الشباب وكده..قبل أقفل قالت لي:- عايني انا نازلة اتونس مع اهلي شوية..نتكلم بعدين..قولته ليها:- طيب..قفلت منها من هنا جاتني مكالمة من رقم غريب..رديت:-ألو..المتصل قال:- وعليكم السلام..أنتي ايناس آدم مش كده!؟..قولته ليهو:- أيوة..قال لي:- أنا تبع تيم قفة فرح..لو سمحتي وصفي لي انا حاليا في(....)..جاتك قفة من مجهول ولازم تستلميها..طبعا ما عرفت أقول شنو..كنت مستغ

ربة من القصة..أول مرة زول يعبرني..خليت سلوان وصفت ليهو..واساسا كانت طالعه...الولد جاا سلمني ليها ومشى..متخيلين معاي..قفة كبييرة شديد..دخلت بيها جوه وقفلت باب الغرفة..بقيت اطلع في الزينة وافتحها شوية شوية...كانت مليانة شوكلت وورد طبيعي ودفترين شكلهم قديم وكباية وردية وبرطمان سعادة وطقم فضة💕💕💕..في ورقة اخر القفة شلتها وفتحتها..مكتوب فيها :- أتمنى تعجبك💕..وعينك على الدفاتر بالله..فتحت الدفتر من اوله عرفتٌه حق ليالي..أتصدمتا صدمة وقربتا ابكي..اتصلت عليها وبقيت اتعاور..قالت لي:- يا هبلة ما كان في طريقة اظبط من دي عشان اقدر اوصل ليك بيها الدفاتر...شوفيهم واديني رايك ولو في اي تعديل عدلي وكلميني..قولته ليها:- انا بحبك شديد على فكرة وحقيقي اول مرة زول يعبرني..انتي ليه لطيفة كده!؟..قالت:- عشان مصاحباك💕..أنبسطي يلاااا...بعد قفلت بقيت اعاين للحاجات بهبل عن كمية الانبساطة والفرح الحسيت بيهم وقتها..يا الله ما تحرمني منها ولا من اصحابي💕..!

*"المساء"*
*"عند ناس مقداد"*
*"على لسان مجدي"*

_يا بت اصبري يدوب داخل البيت انا..والله برة في برد خيالي..ها كنتي بتقولي في شنو!؟..قالت:-حبيبتك حبيبتك كيفها كويسة؟!..قولته ليها:- يا زولة بالغصب عاوزة تعملي لي حبيبة..ما عندي حبيبة ولا شي..قالت:- واضح واضح والله من الاستوريهات..قولته ليها بإستهبال:- ليه أنا كاتب شنوو..ذكريني!؟..

قالت كاتب:-

*"معاذ الله أن يدق القلب لِغيرها💕"*
*"أستثنائية في كل شيء حتى في قلبي لها ما ليس لِأحد غيرها💕"*

بقيت ابتسم وقولته:- يا زولة ما تركزي..مجرد كلام بس وانكتب..قالت:- يعني ماف واحده في حياتك..قولته ليها:- لا طبعا في..وكمان اتنييين..قالت بنرفزة:- كمان اتنيين والله ماشاء الله..قولته ليها بضحكه:- أنتي..وإيناس💕..فصلت طوالي 😂😂💕..كنت شايل كرتونة تلفون في يدي..مشيت لمجتبى الكان بكوي في قميصه بقينا نتونس..ختيت العلبة جنبه ومشيت الحمام..لمن جيت طالع كان واقف وشايل العلبة بقى يقول بهدوء:- ده شنو..جبتا لي تلفون ليه!؟..انا شكيت ليك! مكلف نفسك مالك..قولته ليهو:- حلوة مكلف نفسك دي..يا ود انت غبي..ما عندي قروش اجيب ليك تلفون غالي زي ده..على قولك اجيب ليك حقه من وين حبيبي انا..دي قروشك انت💕قال لي :- كيف يعني..قولته ليهو:- التسجيل فاتح ليهو اسبوع وناس كتار سجلت..ودي القروش جبت ليك بيها تلفون + شلت شوية من قروشنا اللي في البنك..دي كل الحكاية..بقى بعاين لي وقال:- بس دي ما قروشي براي..دي قروشنا كلنا..كان ترجع لي قبل تتصرف تصرف زي ده..قولته ليهو:- عليك الله يا فردة افصلني وبطل وهمك ده..ما كفاية علي غباء ليالي وغيرتا موضوع التلفون طوالي..وبقينا نتكلم عن ليالي..مجتبى قال:-هي يمكن تكون غبية..بس شكلها عندها حاجه ليك💕..ياخ قوي قلبك وخش في الحديد..قول يا ليالي انا بحبك بحبك يا بت الناس..داخل في السنة التالتة وانتي ما جايبة خبري..وبقى يقلد في صوتها وقال:- طوالي هي ح تقول ليك..واااي يا مجدي ما مصدقة...طلعت بتحبني واهي اهي اهي ودرامات بنات ما ليها لازمة..بقيت اضحك ضحك لمن بطني وجعتني😂😂😂😂😂😂😂😂😂💕..!

*"اليوم التاني_بيت ناس مجتبى"*

_أخوكم ده بقيت ما قادرة عليه..اها اسي يومين ما جاا راجع البيت..ياربي يكون مع صحبو داك ولا غطس وين؟! قلبي ما مطمني نهائي..أثناء كلامها مع بناتها جوها جاراتها اتنين..سلموا وقعدوا..واحده قالت:- سلامة ولدك يا رانيا..والله بقى لينا شين..التانية:- اي والله ولدي قال لي وقع وقعه حارة الا جروا بيهو المستشفى..لينا يومين عاوزين نجيك بس براك عارفة اللخمه..ام مجتبى:- ولدي منووو بسم الله!؟..اولادي كلهم كويسين...الاولى قالت:- مجتبى يا رانيا مجتبى..دمووعها جات نازلة وقالت:- كيييف يعني وقع وجروا بيهو مستشفى...سجمي ده كلام شنوو!؟

*"مهما تعددت أسباب غضبي منك وعليك...لا يهون عليَّ رؤيتك تتأذى يا صغيري"*
--------------------------------------
---------------------

*#سلسله_وخز _الدبابيس_3*
*#احتضار《27》*
*#بقلم_ايناس_ادم(ننس تمدين)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*"بيت مقداد"*
*"على لسان مجدي"*

_حوالي الساعه 10 كده..جهزت نفسي وجهزتا لمقداد ملابسه بعد لِبس..رشيت عليه عطر ولبسته نظارته الشمسية "سوداء"..ورتبتا ليهو شعره..مجتبى بقى يصفر وقال:- ولد ده..مكمل الوجاهه والله يا صحبي..مقداد قال:- إن شاء الله طلابكم يكونوا النوع الدمو خفيف عشان اقدر اتجاوب معاهم..قولته ليهو:- شفتا مجتبى..بس نفس الخفة..مقداد قال لي:- انت ما تبالغ كمان..مجتبانا ده ماف منوو اتنين يا زول💙..مجتبى خت يدو في قلبه وبحركه درامية قال :-تصدق جسمي قشعر..بقينا نضحك..قال لينا:- اطلعوا الزمن..البت الجبناها تشتغل دي بتكون جات قبييل..قولته ليهو:- انا اساسا خليت معاها نسخه من المفاتيح عشان ما تقيف بره ومنو ترتب الامور💙..قال لي:- زولة ثقه هي؟؟..قولته ليهو:- من طرف عمر الليبي💙..قال لي:- لو كده أمان واطمئنان..انا بعد الضهر كده طالع..ليالي عازماني🙈..قولنا ليهو:- بختتك..طلعنا خليناهو عايز يبدا نضافة..لأنو البيت ليهو كم يوم ما اتنضف...وصلنا انا ومقداد الشقة "المدرسة"..لقينا "وعد" البت البتسجل جات وقاعده في مكتبها "مدخل الصالة" وفي كم طالب جوو..قامت على حيلها سلمت علي..قولته ليها:- وعد ده المقداد سُليمان الحكيت ليك عنه..ودي وعد يا مقداد..برلومة صيدلة والفترة الح تشتغل فيها معانا دي هي في اجازة من الجامعه💙سلمت عليه وقالت:-تشرفنا..شفت فيديوهاتك في اصحاب الابداع..ماشاء الله عليك مُبدع💙قال ليها:- تسلمي إن شاء الله..قولته ليهو:-تعال يا ديمكس تعال..قعدتو في الصالة..ومشيت لوعد..قولته ليها:-براك شايفة وضعه الصحي..هو هادئ نوعاً ما..كان حافظ تفاصيل الشقة لمن كانت استديو..فحاليا لما غيرنا كل حاجه ح يلاقي صعوبة إنو يتأقلم..فشنو وانتي بتسجلي وكده راقبي..ما أوصيك عليه بالله💙..قالت:- لالا ما تخاف..رجعت لمقداد قعدتا معاهو لحدي ما عدد الطلبة اكتمل..عرفتهم بيهو وسبحان الله اندمج معاهم سرعه ودخل فيهم...أستاذنت منو كنت عاوز ارجع البيت واعمل كم جاجه تبع الشغل وكلمته ح اجيهو بعد يخلص نرجع البيت سوا...!

*"بيت ناس مجتبى"*

_بعد ما النسوان مرقن..رانيا بقت تبكي وعملت مناحة..وأبو مجتبى كان بعاين ليها..بينه وبين نفسه كان حاسس بالذنب ايوة...بس ابداً ما إعترف ليهم...

رانيا:- كرعلي يا ابوي..ولدي من يومين يقع وانا ما جايبة خبرو..قومي اتصلي لي على سمر"الاتزوجت" خليها تجيني يا هالة قومي

عبد الرحمن:- عاوزة تمشي وين انتي!؟

رانيا:- يعني ح اكون ماشة وين..ماشة اشوف ولدي..وما تفكر تمنعني عشان انا ح امشي يعني ح امشي

عبد الرحمن:- لو ما قلَّ ادبه وباع تلفونه انا ما كنت سمعته فارغ..امشي ليهو في حقه انتي لكن انا اصلي ما بمشي في الغلط..وين الحوجه البتخلي يبيع تلفونه..

رانيا:- ما وقت الكلام ده ما وقته..

هالة:- سمر جاية في الطريق يا أمي...

*"بعد نصف ساعه"*

سمر:- يا حليلو تبو...براكم بتدخلوا في شؤونه يعني شنو لو باع تلفونه..أنتو عارفين ظروفه البسببها باع التلفون..عليكم الله حاولوا لو مرة خلوا في حاله وبمزاجه

سمية:- مزاج شنو يا بت..أنتي ناسية قوانين ابوي دي ولا شنو!

سمر:- قوانين شنوو..ابوي بشد على مجتبى اكتر من اللازم..انتو النصيحه دي ما تقولوها..حتى لو لأمكم ولا ابوكم..ابوي بضغط على مجتبى بطريقة ما عادية..وفي نفس الوقت مجتبى متحمل وصابر..عاوزين ي

حصل ليهو شنو مثلا لو ما وقع!؟..عارفنه زول صاحب مرض..بتجوا عليه ليييه؟؟

رانيا:- كفاية عليك الله كفاية..قومي بس ارح معاي..جبتك عشان انتي الوحيدة البسمع كلامك..تقنعي لي يرجع البيت وكفاياهو قُعاد في بيت صحبه..

"اتحركت الام وبتها لبيت مقداد..سلفاً الام عارفة البيت لأنها جات يوم عزاء نفيسة"

*"على لسان مجتبى"*

_يا بت اقسم بالله بلبس..اسي لو ما اتصلتي كان حصلتا الزلط..قالت:- زلط في عينك..انا قربتا اصل..ما تتأخر بالله عليك..قولته ليها:- حاضر والله ما بتأخر..قفلت منها وكملت لِبسي..قفلت البيت كويس وكنت طالع..الباب ضرب فتحته..إتفاجأتا بأمي وسمر قدامي..أمي حضنتني وبقت تبكي بحس طولها وبتقول:- الفيك إن شاء الله فيني يا ولدي...ليه ما ضربتا كلمتني بوقعتك القبل يومين..للدرجه دي زعلان مننا!؟..قولته ليها:- وانتو طول اليومين ليه ما حاولتوا تسألوا مني..لو سألتي اي زول في الحلة كان كلمك..خلينا من الحلة...أنتي عارفة البيت ده وعارفاني قاعد هنا..ليه ما جيتي وراي..ليه ما فتشتيني..كانت بتبكي بس..قالت:- الله يرضى عليك ما توجع قلبي يا مجتبى...انت غلطتا لمن بعتا تلفونك وغلطتا لمن رديت لأبوك..قولته ليها:-تمااام..انا كويس حالياً وما عندي عوجه..سمر قالت لي:- ارجع معاها البيت يا تبو..معليش حقك علي انا دي💙..قولته ليها:- أنتي ما غلطانة..وللحقيقة ماف زول غلطان..يمكن سوء تفاهم أو تحديداً انا اتفهمتا غلط💙..ما عليكم لوم يا أمي..قالت لي:- خلاص ارح البيت..غيابك طال..قولته ليها:- مقداد يا أمي ما بقدر يقعد براهو..كده كده ما عندي حاجه في البيت..لازم اكون معاهو..سمر قالت:- يا مجتبى ترضيه لأمك ارجع البيت كم يوم وبعدين تعال هنا تاني..مش معاهو صاحبكم التالت داك!!..قولته ليها:- اي..قالت:-بس خلاص..ارجع البيت وبعد كم يوم كده تعال لمقداد تاني..رجعتك البيت الفترة الجاية ضرورية..اقلاها انت وأبوي تتفاهموا..قولته ليها:- نتفاهم!!...ما حاسس إني عاوز افتح الموضوع ده تاني..هو قال وجهه نظرو فيني وخلاص..لكن ما مشكلة بعدين برجع البيت💙رضيانة كده يا أمي..قالت:- رضياانة يا ولدي رضيااانة..!

*"عند مجدي"*

رجعت البيت..لقيت ابوي قاعد سلمت عليه..اساسا جيت اشيل دفتري حق الاشعار وكنت راجع لمقداد طوالي..بس ابوي قال لي:-لي فترة منك..أقعد نتونس..بالفعل قعدتا..فطرتا معاهم ودي كانت اول مرة نفطر نحنا التلاتة سوا ك اسرة💙..صراحه الاكل كان حلو..بس لما سألتني:- رايك شنو في الاكل يا مجدي!؟..قولته ليها:- ما بطال..شلت دفتري وطلعت من البيت

"انا ليه ما عاوز إحساسي يوصلها..وليه بقيت بحس ناحيتها براحة!!!..."

*"عند مقداد"*

_بعد خلصت الدرس..كنت عاوز قهوة لأني جد صدعتا..مجتبى كان بعملها لي وحالياً هو ماف..قومتا على حيلي وبقيت أداقش في الحاجات القدامي..جات وعد مسكتني من يدي وقالت:-كنت تنادي علي..عاوز حاجه!؟..أنا هنا وبعملا ليك..قولته ليها بحرج:-عاوز قهوة..قالت لي:-طيب حاضر..قهوتك شنو!؟..قولته ليها:-بدون دواء سكر تقيل..بقيت سامع حركتها في المطبخ وكانت بتغني في اغنية لعبد الحليم..اسبقني يا قلبي💙.

اسبقني يا قلبي اسبقني ..
ع الجنة الحلوة اسبقني
اسبقني وقول لحبيبي ..
أنا جاي على طول يا حبيبي
الحقني قوام الحقني ..
ع الجنة الحلوة اسبقني

على قد ما شفت هوان ..
واحترت يا قلبي زمان
أهو جالك يوم ترتاح ..
على أجمل بر أمان ..
وعيون زي الأفراح ..
تسقيك الشهد حنان
نصبح غنوة للعاشقين ..
ما تخليش ولا قلب حزين
يلّلي اتعذبت كتير ..
اسبقني يا قلبي وطير
اسبقني وقول لحبيبي ..
أنا جاي على طول يا حبيبي
الحقني قوام الحقني ..
على الجنة الحلوة اسبقني

يلّلا يا قلبي يا أسعد قلب ..
نملا الدنيا حب في حب
يلّلا نقوم وننام في غرام ..
ونفسر كل الأحلام
نصبح غنوة للعاشقين ..
ما تخليش ولا قلب حزين
يلّلي اتعذبت كتير ..
اسبقني يا قلبي وطير
اسبقني وقول لحبيبي ..
أنا جاي على طول يا حبيبي
الحقني قوام الحقني ..
ع الجنة الحلوة اسبقني

صوتها كان عميق وفي نفس الوقت هادئ..هي أتعمدت تغني بصوت بطئ بس انا استرقت السمع...اتخيلتها طفلة في تصرفاتها..جابت لي القهوة وقالت:- هو الصراحة ما بعرف أعمل قهوة..قولته ليها:- يعني اتشالقتي ساي؟؟..ضِحكت برقة وقالت:- شبه كده..المهم إن شاء الله تعجبك..ابتسمت ابتسامة خفيفة وابتديت اشربها..كانت تقيلة بس ما كلمتها..قولته ليها:-حلوة..بس غِلت شوية...قالت:-شوية ولا كتير!..هزيت راسي وقولته ليها:- بس ده ما بيمنع انهاحلوة...قالت:-مجاملة لطيفة..بالهناء..ح أمشي اكمل شغلي..

أخدتا معاملتها اللطيفة لي من باب الشفقة ما أكتر💙..

"الراوي_الفضول ح يقتلكم لو م عرفتوا اشكالهم عاملة كيف😆😂"

مقداد مربوع فيهو صحه شوية..اسمر..شعره ما بين الناعم والخشن الخفيف..عندو لحية وليهو فترة ما خففها..دايما بلبس قمصان طويلة وسادة..💙

وعد بنوتة مربوعه قوامها جميل..عدساتها عسلية...لونها قمحي فاتح...مُحجبة..بتميل في لبسها للبس الفساتين المُريحة اكت

ر حاجه..💙

*"عند ليالي ومجتبى"*
*"إحدى كافيهات الخرطوم الراقية"*
*"على لسان ليالي"*

_خلاص هسس كفاية غُنا صدعت بي..قال لي:- عليك الله ما اشتقتي لصوتي!..قولته ليهو:- لالا😂😆..قال لي:- ما مُرهفة كلو كلو..حليل إيناس..اسي لو قاعدة كان ح تخت يدها في خدها وتنح فيني💙..قولته ليهو:- عشان ما عندها موضوع بس..كده نتصل عليها فيديو كول..فتحت الشبكة واتصلت عليها..ردت وقالت:-هااااي..قولنا ليها:- هاي هاي..قالت لينا:-غانجيين شكلكم..تبو مشتاقين شديد والله💙..قال ليها:-كتييير والله يا زولتي..مالك بقيتي سمحه كده "برفع معنوياتها"..قالت:- جد..اول واحد يلاحظ للحاجه دي💙😭..المهم جبتا ليك تلفون ولا لسة؟؟..قال:-جبتا امس..بس ما نزلت الواتساب لسه..بنزلو وبظهر عليك..قالت:- كده سمعني حاجه سريعه كده..عاين لي طوالي ورفع حاجبه😂😂قال لي:-شايفة الناس الذوق البتفهم..والله ما اغني إلا ليك يا ننوسة..وبقى يغني ليها اغنية هي بتحبها..بعد خلص قالت:- وين مجدي ومقداد!؟..قولته ليها:- مجتبى قال طلعوا مشوار سوا...قالت:- خالطييين بعض🙊..بقينا نضحك..قولته ليها:- اي اي..وانا وود قلبي ده خالطين بعض..قال لي:- هييي خالطك شنو يا زولة..مجدي لو سمعك بشتبك معاي..قولته ليهو:-مجدي!..ليييه..إيناس قالت:- اوباااا..فهِمنا في شنوو..البخلي يشتبك شنووو😂😂😂..قال ليها:- هادمة ملذات جد جد🙂💔..أتصلنا ليك تونسينا ولا تتعولقي..يلا اقطعي وشك لبعدين..بعد إيناس قفلت..بقيت استجوب مجتبى عن مجدي وليه قال انه ح يشتبك..قال لي:- يا بتنا أفصليها ياخ.. ويكة بس لو مسكتي في حاجه..قولته ليهو:- كويس يا معفن..بعد طلبنا وكده..بقينا نتصور صور هبلة ونعمل فيديوهات..اليوم فاز بقلبي شديد..وحقيقي كنت محتاجه طلعه مع مجتبى💙..طبعا طبعا دفع الحساب..كان بحمر لي لما طلعت المطبقه😂😂حسيتو ح يكفتني

ختيت صورة لينا هو ماسك السيلفي مُبتسم وشبه مغمض عيونه..وانا عاملة علامة النصر ومطلعه لساني..كتبت عليها:-

*"فنجان قهوة..موسيقى هادئة..أغنية كلاسيكية قديمة..ذكرياتٌ من الماضي وبعض الحنين..هناك!..إلتقينا أنا واخي💙"*

مجدي علق لي ب:- ونعم الاخ والله..امسكي قوي💙..قولته ليهو:-بيديني واسناني💙!

*"بيت مقداد"*
*"المساء"*
*"على لسان مجتبى"*

_كلمتهم إني ح امشي بيتنا كم يوم وبرجع..مقداد قال:-اي كويس..هوينا شوية..قولته ليهو:-بكرة ما تضرب تبكي لي عشان ارجع ظابط!..مجدي قال لي:- خلي الدراما يااخ..فولته ليهو:- لا كنت بجرب الكلمات احساس وانا زعلان بتكون عاملة كيف..ما تفصلني يا شاب..قال لي:-طيب اتحرك اتحرك عشان الزمن والمواصلاات صعبة..قولته ليهم:- متين اشيل هم بنزين عربيتي..متين!؟..مقداد قال:-كمان عشرة سنوات..أصلو ما تستعجل💙😂..قولته ليهو:-حاقد..ودعتهم وطلعت على بيتنا..

*"عندي"*

_كنت بتونس مع إنصاف اختي وفي نص كلامنا قالت لي:-جهزي نفسك والهدية..ح تبقي خالة💙..قولته ليها:- احللللفي!...قالت:- والله العظيم..انا حامل يا إيناس.قولته ليها:- وااااي الف مبرووك..ربنا يتمو ليك على خير..فرحتا ليك شديد والله💙..قالت لي:- حبيبتي ياخ..ما شُفتي علي فرحان كيف..قولته ليها :- كده اديني اسلم عليه..سلمت عليه وباركتا..الفرح ظاهر في نبرة صوته..إنصاف قالت لي:-هااا ح تنزلي الخرطوم متين!؟..قولته ليها:-أحتمال بعد اخلص السمستر ده..يدوب نزلتا..قالت لي:-كويس طيب..أتونست معاي شوية وقفلت..بليل مجتبى رسل لي في الواتساب..أتكلمنا مسافة طويلة..ضحكني ضِحك😂😂😂..وبرضو كان بتزاوغ بفهم لما اجيب ليهو سيرة مجدي..ليالي رسلت الصور في القروب..وفي صورة كده رسلها مجتبى قال:- دي قبيل الصباح..السانات ديل ما منتبهين😂😂..

"الصورة كانت لمن مجدي برتب لمقداد شعره بيدو"

مجتبى ختاها وكتب عليها :- بحصنك عشان ما يسحروك لي حبيبتي انا😍😍👌🏾..

ياخ تافه بشكل😂😂😂..مجدي قال ليهو:-ليك يوم يا فردة اصبر بس حقتك ح تجي قوية😂😂...

*"جهه اخرى"*

_من زمان قدامك

=حتى ولو قدامي..ما كنت بفكر فيها كده

_الجدَّ شنوو!؟

=شوفتي ليها مرتين وكلامنا الطال فيهم..جاطوني شديد ياخ

_الح يحصل!؟

=كل خير بإذن الله

*"رسائل أصدقائي..ضحكاتهم..ملامحهم...تلك الصور..أحتفظ بها هُنا❤"*
--------------------------------------
------------------