( بسمة)​ الزعل عاوز يشقها..​ طلعت برا..​ ( إكرام)​ قالت لى ( زحل) :
- كلمتي المازون؟

( زحل) مسحت دمعتا :
- أيوا

- وفهمتيهو الحاصل ؟

( زحل) ماقدرت ترد، هزت بى راسها يعنى أيوا.. ( إكرام)​ قربت من ( زحل) ضمتا عليها وقالت:
- ما تخافي يا صاحبتي، الله فوق كل ظالم، بعد المازون يعقد و تطلعوا، طوالي كلمي ( بكري) و ( أمجد) يجو نفس البيت ما يتأخروا أنا بحاول أمنعوا يلمسني لحدي ماتجو، وتاني يوم ح نقدم طلب لى المحكمة بى إلغاء الزواج لأنه تحت الإكراه و بدون رضا، وبعدها نرفع قضية إختطاف و تعذيب و كلنا شاهدين، إن شاء الله يا ( زحل) النهاية قريبة

( زحل) كمان ضمت ( إكرام) أقوى:
- إن شاء الله يا ( إكرام)، بس الله يرضى عليك الحيوان دا ما يلمس شعرة منك

( إكرام) طمنت ( زحل):
- بحاول حبيبتي، بس إنتو ما تتأخرو شديد

( إكرام) كانت في بيت ( زحل).. في غرفتها الفي الدور التاني.. شافوا من فوق ضوء أنوار عربية وقفت.. ( زحل)​ قالت:
- المازون جا

( إكرام) قالت:
- ( بسمة) وين؟
_________________________________________

( الداوودي) قاعد في النادي بتاع الحِلة مبسوط يشاغل دا و يشاغل دا.. و ديل يكوركو ليهو :
- يلا يا ( دودي)، شوف المريخاب التعبانين ديل، أدينا ليهم حاجة

( الداوودي) طوالى يمسك طبلته ويربط عِمته ويقعد يكورك:
- أأأ أوأو

والجماعة كلهم بى وراهو بى صوت عالي:
- ياحلات زوزو

وهو ولاااا بغني.. بس شابكهم:
- أأأ أوأو
- يا حلات زوزو

يقعدوا يضحكوا يغمتوا ليهو عشرة و عشرين وخمسين في جيبه وهو مبسوط.. تاني ينادوهو شباب تانيين:
- يلا يا ( دودي)، أدينا حاجة لى الهلالاب التعبانين ديل.. طوالي صاحبك نفس النظام:
- أأأ أوأو
- ياحلات زوزو

ويمد ليهم في قدومو:
- أأأ أوأو
- يا حلات زوزو

يقعد يعمل ليهم كدا يضحكوا مبسوطين..​ وبعد شوية يغمتوا ليهو القريشات.. جيوبوا إنملن قروش.

جا ( بكري) داخل النادي ومعاهو ستة من الشباب و الباقيين برا منتظرين في عربيتين ملانااات شباب..​ ( بكري)​ قال لى الشباب في النادي:
- عن إذنكم يا شباب، ح ناخد منكم الحلو دا عاملين لينا قعدة و الشباب قالوا ضروري يجي يغني ليهم

( الداوودي) إنبسط شديد..​ قعدة معناها قروش تقيلة دا غير ح يكون أكيد في عشوة كااااربة.. ( الداوودي)​ لما طلع لقى الشباب كمممية في العربات إتكيف شديد..​قال دي ح تكون قعدة كااااربة..​ طلع في واحد من البكاسي ورا مع الشباب..​ العربات ​دورت وهو يكورك:
- أأأ أوأو

زووول قال (ياحلات زوزو) مافي..​ الشباب ديل صارين و قهرانين عشان عرفوا على حقيقته.. ( الداوودي)​ لما شاف زول عبّرو مافي قعد يكورك تاني:
- يلا يا شباب عاوزين حماس، أأأ أوأو

بس سمع ليك واحد من الشباب نهرو:
- قفل أيمانك يا كوز يا ****

( الداوودي) لبد سااااي و غلبه يبلع ريقه لأنه عرف نفسه إنكشف.. و زاد خوفه و قلبه وقع بين رجوله لما وقفت البكاسي قدام بيته ونط الشباب كلهم متحمسين نزلوا إلا هو.. جا ( بكري) قال:
- ح تنزل يا كلب بى أخوي و أخوك، ولا ننزلك بالغصب
_________________________________________

العربية وقفت قدام الموقع ال رسله ( الصومالية) لى ( إكرام)..​ كانت عمارة من تلاتة طوابق.. نزلت ( إكرام) و ( زحل) الكانن مستغربات من ( بسمة) ال مشت غيرت عبايتها و جات لابسة بنطلون جينز مع شوز أبيض و قميص أسود طويل.. نزلوا وراهم المازون.. ولاحظوا فى كل شارع في إتنين واقفين.. واضح ديل كانوا كلاب ( الصومالية).. الباب فتح.. دخلوا..​ واحد واقف في الحوش فتش المازون كوييس حتى خلاهم دخلوا.. ( الصومالية)​ كان في الدور الأرضي معاهو إتنين من جماعته جايبهم كشهود..​ قاعد في الصالة خاتي عصير و لابس بدلة.. الإتنين و ( الصومالية) زاتو بقوا يعاينوا لى (بسمة) بى طريقة ماحلوة لأنه الجينز كان ضيق و مظهر جسما.. المازون فتح دفتره و طلّع قلمه و طلب من ( إكرام) تقعد عشان يبدأ العقد.. قعدت ( إكرام) وبدأ المازون العقد.
_________________________________________

( أمجد) ح يتجنن.. فتش البيت كله مالقى المسدس حقه.. كان متأكد إنه كان معلق مع في الجيب مع الهدوم قبل ( إكرام) ما تجي.. مسك تلفونه عشان يتصل على ( إكرام) جاته رسالة ع الواتس.. الرسالة كانت ( لوكيشن) معاها النص دا:

[ نحن هنا مع ( الصومالية)، سريييع]

الرسالة كانت من بت خالته ( بسمة).. و ( بسمة) الصراحة كانت ذكية شديد..​ كانت كاتبة الرسالة من بدري..​ وأول مادخلت بيت ( الصومالية) لحظة تفتيش المازون كان رسلت الرسالة و الموقع.

( أمجد) طوالي دق على رقم.. لما جاهو الرد ( أمجد) قال:
- ( مروان)، جهِّز قوة سريع وتعالوا لي على البيت
_________________________________________

المازون بعد كتب إسم ( الصومالية) الحقيقي بالكامل.. سأل ( إكرام) من إسمها بالكامل..​ في اللحظة ديك جات رسالة لى ( إكرام) الكانت ماسكة تلفونا في يدها وخاتة في الصامت.. الرسالة من ( بكري) بتقول [ لقينا ( آدم) و ( سن

دس)، وين إنتو؟ ]..​ المازون سأل ( إكرام) تاني:
- إسمك بالكامل لو سمحتي

( إكرام) ردت:
- ما موافقة

كللللهم إستغربوا حتى ( زحل) و ( بسمة).. المازون عاين لى ( الصومالية) يعني الحاصل شنو؟

( الصومالية) حمممر لى ( إكرام)..​ قام على حيله وقف فى ضهر المازون بين ( بسمة) و ( زحل) وقال لى ( إكرام) بى نبرة تهديد:
- دا كلام شنو؟

( إكرام) ردت:
- زي ما سمعت، ما موافقة

المازون قفل الدفتر لما سمع كلام ( إكرام)..​ ( الصومالية)​ لكزو بى يدو من ورا في راسه:
- أفتح الدفتر دا كمل العقد يفتح *

المازون رد زعلان من الإهانة :
- مابكمل لي عقد العروس ماراضية

فجأة ( الصومالية) خت مسدس في راس المازون الكباهو رز لما حس بى ماسورة المسدس الباردة في رقبته من ورا و سمع ( الصومالية) بقول:
- أفتح * دا سريع

طططاخ.. طلعت رصاصة في الراس وإتملا وش ( إكرام) بالدم.
_____________________________________

بعد إسبوعين
===========

( الصومالية) مات و إنقبض على أعوانه كلهم و إتطوع ( بدوي) بالشهادة ضدهم وكان ليهو فضل كبير شديد في فضح أسرار و مخططات خطيرة.. و أخدت المحكمة مساعدته دي بعين الإعتبار و أخد حكم مخفف شديد.. وواصل ( بكري) مراعاته لى مرته و ولده زي ما وعده.. وواصل ( بكري) و الشباب المعاهو أعمال إنسانية تدل على إنه الخير لسة باقي في الشباب..​ وإنه فعلا" البلد ببنيها شبابها.. فقام ( بكري) بالتواصل مع كمية كبيرة من الشباب في الحِلة وبنوا الدكاكين الإنحرقت كلها ومن بينهم دكان ( ياسر) و ( سعدية)..وجمّعوا تبرعات تقيلة من الناس المرتاحين في الحِلة و المعارف.. وحتى من التجار أصحاب الدكاكين المحروقة نفسها ساعدوا ودفعوا مبالغ محترمة شديد..​ وإتجمعت المبالغ دي وإشتروا نفس الأجهزة و أكتر لى الخالة ( سعدية) اللي غلبا تطلع كلمة شكر واحدة وإكتفت بالدموع و حضنت ( بكري) و الأولاد المعاهو.. بس ( بكري) والشباب عملوا أكبر عمل بطولي.. غرقوا وسائل التواصل الاجتماعي بى فيديوهات( الصومالية) والكان بعملوا في شباب البلد.. وبقت قضية ( إكرام) قضية رأي عام..​ وزاد الضغط على المحكمة لما إتطوعت نقابة المحامين ممثلة في أكبر محاميها بالمرافعة عن ( إكرام)..​ و زادت الشريحة المطالبة من أفراد الشعب بلإفراج عن ( إكرام) و إعتبروها بطلة بعد ما خلصت العالم من شر ( الصومالية) الكان بلقى السب و الشتم والإهانات على مواقع التواصل حتى بعد ما شبع موت.

و جا اليوم المنتظر.. وإتجمعت آلاف الحشود قدام مبنى المحكمة طالبين البراءة لى ( إكرام) وشايلين لافتات مكتوب عليها [ الحرية لليتيمة ]..​ و [ إكرام المظلومة ]..​ أما أصحاب ( بكري) كانوا شايلين لافتة كبيييرة مكتوب فيها [ إكرام الحب ]..​ كأنه حاسين بى إحساس صاحبهم وبتمنوا ( إكرام) لى ( بكري).

( إكرام) قعدت شهر ونص في المستشفى من الإنهيار العصبي الحاد الأصابها بسبب إنفجار راس ( الصومالية) على وشها.. بعدها أخدت جلستين ما إتكلمت فيهم غير إنه هي ال كتلت ( الصومالية).. و كررت الكلام دا كم مرة للباحثة الإجتماعية ( بدور) إنه إتدربت على كدا ولو كان في رصاصة تانية في المسدس كان فضتها في راسه.. بس بالرغم من دا كله ( إكرام) دايما" بتحب ما يتأذي أحد حتى لوكان دا على حساب نفسها..​ خصوصا"​ لو كان الشخص دا رقم مهم في حياتها..

နတစကရါခ 😊

#كلهم_كلاب_الآخيرة_الجزء_الخامس

( بسمة) كانت عارفة إنه ممكن تحصل أي حاجة من ( الصومالية) و خصوصا" المازون بقرب ليها.. في اللحظة اللي كانت في بيت ( زحل) مع ( إكرام) منتظرين المازون..​ إنسحبت ورجعت بيت ود خالتها ( أمجد).. وإتمنت تلقاهو في الحمّام ولا في أي حتة تانية..​ المهم تلقى طريقة و تشيل المسدس.. وكانت موفقة.. لما دخلت البيت سمعت ( أمجد) بتكلم بى صوت عالى:
- آي، لازم نكون جاهزين، بس يا ( مروان) دي ماعملية رسمية وممكن تعرضنا للمشاكل، الشباب ديل بقدروا؟
- يازول ديل بياكلو الزلط، كلهم ضباط ومابخافوا وأصلا" شامِّين الوضع
- خلاص يازول تمام، خليكم جاهزين في أي لحظة

( بسمة) اللحظة دي دخلت عارفة المسدس وين.. شالت المسدس و مشت بيتهم الكان قريب من بيت ود خالتها غيرت العباية و لبست جينز.. ختت المسدس في صفحتها بالجمبة و نزلت القميص ودعت ربنا ما تحتاج ليهو.

( الصومالية)​ بمجرد ماقام ووقف خلف المازون ( بسمة) قلبها بقى يدق شديد و بقت متحفزة..​ ولما شافت ( الصومالية) طلع مسدس وختاهو في رقبة المازون من ورا.. طوالي ( بسمة) سحبت المسدس لأنه دي كانت الحركة الغلط المفترض ( الصومالية) ما يعملا..​ بس هي كانت أول وآخر حركة ليهو..​ لأنه بمجرد ماخت المسدس في راس المازون.. طططاخ.. رصاصة ومعاها كللل الحِنق والغضب سكنت راس ( الصومالية).
_________________________________________

كل الحِلة عرفت بمرض ( مجدي).. كان حالته صعبة.. كلهم إتأثروا ليهو وزاروهو في البيت..​ إلا ( عبير) و أهلها.. سمعت إنه جا مريض و ما كلفت نفسها تجي تكفِّر ليهو لا هي ولا أمها ولا أبوها ولا أخواتها.. ولا جابت الأولاد يسلموا على أبوهم و لا ورتهم أصلا" إنه جا.. موش كدا وبس..​ دي عملت حركة ما بتعملها بِت حُرة..​ بت ناس.. إشتكت ( مجدي) ورفعت عليه ( قضية نفقة) في التلاتة شهور اللي هي رفضت تمشي فيهم تشيل القروش من ( مها) أخته عشان ما يقولوا ليها جيبي الأولاد نشوفهم و نسلم عليهم.. ( مجدي)​ بالحركة العملتا دي بقى يشوف العمى ولا يشوف خِلقة ( عبير) أو يسمع صوتها أو حتى يجيبوا سيرة أهلها.. خلااااص كره قبيلتها زاتو.

( مجدي) وكّل محامية تحضر عنه الجلسات لأنه ماكان بقدر يتحرك ويقعد وكدا.. المحكمة حكمت على ( مجدي) بى نفقة أقل من الكان بصرفها على أولاده.. ومافي زول بقصر في أولاده حتى لو يقطِّع من لحمه.. بس مين يفهِّم ( الغبية)؟..​ وحكمت عليه بكسوة كل أربعة شهور برضو أقل بكتييير من تكلفة الملابس الكان بجيبا ليهم من السعودية.. وحكمت عليه بإيجار شهري.. إيجار وهي قاعدة في بيت أبوها!!.. ( مجدي)​ وافق على كل حاجة بالرغم من إنه كان مظلوم لأنه ( عبير) هي اللي طلعت بخاطرها من بيت زوجها وبدون أي سبب..​ ( مجدي)​ بالرغم من إنه مامعروف تاني يقدر يرجع كويس ويشتغل تاني ولا لأ.. طلب من المحامية إنه توافق علي أي شي بس ( عبير) تقعد في بيت أبوها وما يشوف خلقتها.. وإنبسطت ( عبير) شديييد بحكم المحكمة و أمها كمان الما بتخجل الكانت بتجي مع بِتها الجلسات.. وأبوها الدلقان المتخلف الما بشبه الرجال لا قال ليهم عيب منكم الكلام دا غلط.. ولا حتى جا كفّر لى ( مجدي) الما كان قصَّر يوم معاهو في حاجة.

مرت الأيام و ( مجدي) و ( مها) كثّفوا الجلسات لما شافوا بدت تدي نتائج إيجابية شديد.. والحمد لله​ بعد إسبوعين بقى ( مجدي) يتحرك و يمشي طبيعي ويقعد ويرقد بدون الأوجاع الرهيبة ديك.. خفّ الألم شديييد وضاق آخيرا" طعم النوم.. وكان يوميا" متواصل مع أصحابه ع الواتس بطمنوا عليهو أول بأول..​ وكان مبسوط شديد اليوم لأنه ماشي يجيب أولاده لأنه مشتاق ليهم كممميات..​ خصوصا" ( مصطفى).. كان عاوز يشوفه بقى كيف..​ وكان بقدر يرسل ( مها) تجيبهم.. بس ماكان عاوز أولاده يشوفوهو بتألم.. الأطفال لازم يعيشوا حياتهم بدون أدنى ذرة من الألم اللي ما محتاجين أصلا" يتحملوهو..​ ليه يتحملوا حاجات هم ماعندهم ذنب فيها.. خلي طفلك دايما" يشوفك بعافية وطيب ومبسوط.. أضحك قدامه وأبكي من وراهو.. خليك قوي قدامه و أنهار خلف الأبواب المغلقة.. دي كانت مبادئ ( مجدي).. زي ما عشت طفولتك كاااملة بكل سعادة وبدون ألم ولا هم نغصها.. برضو أولادك لازم توفر ليهم الجو دا حتى لو تشتريه.

( مجدي) سلم على أمه في راسها وقال لى ( مها) :
- خلي ( معتز) يجهز الركشة عشان نمشي نحيب الأولاد ديل

( مها) مشت مبسوطة لأنه شايفة أخوها بخير ومافيهو إلا العافية.. حاجة ( بخيتة) قالت:
- ياولدي، عافية وراضية عليك ربنا يغطيك و يحفظك أوعى تدخل عليهم البيت، ديل والله ما ناس، أقيف بعيد يا ولدي وخلى ( معتز) يدق الباب يجيبهم، أصلو تاني البِت دي عينها ماتقع فيك عشان تتأدب الما بتخاف الله، وأمشي جيب أولادك وتعال أوريك سِت ستها.

( مجدي) مافهم الكلمتين الآخيرات بس قال:
- حاضر يا حاجّة

سلم مرة تانية على أمه في راسها وطلع.. ركب الركشة وقال لى ( معتز) :
- يلا يا حبيب

( معتز) دوّر الركشة طلع.. و ( مجد

.. ما ح أكتب قريب..​ بس لما أكتب إن شاء الله ح أتواصل معاهم شخصيا" واحد واحد و أضيفهم في قروب [ رواية و إحساس❤️ 2 ].

- البقية يديكم العافية و أكيييد ما ح أستغنى عنكم وموعدنا بإذن الكريم بعد ( عيد الأضحى) لو ربنا مدّ في العُمر

- شكرا" الراقي ( عارفني منك).. ح أكون عند وعدي ليك إن شاء الله ومرة آخيرة ( ماناسيك)

عاوز أقول حاجة آخيرة مهمممة:

- أعملوا حسابكم وحافظوا على روحكم و أطفالكم بتطبيق خطوات السلامة و الوقاية من فايروس ( كورونا) حمانا الله و عافاكم و أهمممها غسل اليدين بصابون حمّام لمدة أربعين ثانية غسلا" تااما" على فترات متفاوتة خلال اليوم وعدم ملامسة العين و الأنف والأذن بلأيدي.. ولو لاازم.. لابد تكون الأيدي نظيييفة.. وأهم حاجة أطفالكم فلذات أكبادكم.

- ختاما".. لكم خالص التحايا و العفو والعااافية و رسالة حب مني ليكم..​ من القلب للقلب 💜.

ي) دخّل يده في جيب جلابيته طلع تلفونه دخل الفيس ورسل رسالة في المسنجر لى ( إكرام)..​{ إنتي وينك مختفية يابِت }..​ ( إكرام)​ ماكانت ناشطة..​ ( مجدي)​ بدا يقلب في الفيس و وقف عند مقطع فيدو جذبه العنوان.. [ الحرية لى إكرام..​ لا لإعدام اليتيمة ]..​ ( مجدي)​ ما إتوقع ولااااا بنسبة ربع واحد في المية إنه تكون دي ( إكرام) زاااااتا صديقته.. ( مجدي)​ ضغط على الفيديو.. كان أبشع فيديو تشوفه عين.. كان تجميعات من الشباب ( بكري) و أصحابه عن ( الصومالية) و أعماله القذرة.. والحقيقة الشباب أبدعوا فيهو شديد..​ كان فيديو مؤثر جدا" جدا" جدا" وإنت بتشوف شباب في ريعان شبابهم بموتوا غدرا" و حسرة" وظلما" على أيدي أصحابها كلهم كلاب.. وبتشوف بنات تحس إنهم أخواتك و بنات خالاتك و عماتك وهِن بتحرش بيهن بى طريقة وحشية..​ و أتحداك ماتبكي وإنت بتشوف المناظر دي مصحوبة بى موسيقى حزينة.. والمحزن أكتر الكلام اللي في البوست المختصر عن حياة ( إكرام) و تخليصها في النهاية من المجرم القذر.. لما تشوف الفيديو دا ح تعمل تلاتة حاجات أكيدة.. ح تمسح دمعتك أول حاجة..​ ح تتمنى ( الصومالية) يجيبوا من القبر و يقتلوا تاني تسعمية مرة.. ح تتمنى إنك تفدي ( إكرام) بى رقبتك.. والحقيقة الفيديو دا إتتشر في مواقع التواصل إنتشار النار في الحطب.. منو الما شاف الفيديو دا؟

( مجدي) مسح دمعته برااحة عشان ( معتز) ما يشوفه.. وسأل ( معتز) عشان عاوز يعرفه لو بكرة ماعنده حاجة يقولو وديني المحكمة عشان يحضر الجلسة الآخيرة..​ بس ( مجدي) إتفاجأ بلإجابة لما سمع ( معتز) الطيب الهادي الوديع اللي ما بتاع مشاكل بقول:
- بكرة ماشين المحكمة، كل الشباب ماشين معتصمين هناك، لو ما أفرجوا عن ( إكرام) ح نولع ليهم المحكمة

( مجدي) عرف لو دا ( معتز) الهادي الخلوق بقول كدا.. طيب الشباب المتهور ح يقول شنو؟
_________________________________________

( بدرية) جات داخلة لقت ( سمر) بتها ماسكة التلفون و عيونها جاريات.. ( بدرية)​ قلبها فرَّ من جسمها.. إفتكرت في حاجة.. قعدت جمبها ختت الفوطة الكانت شايلاها و ضمت ( سمر) عليها:
- بسم الله الرحمن الرحيم، مالك يا بِتي؟

في اللحظة ديك جا ( مصعب) ساكي ولده الصغير ( جمال) بى هظار :
- تعال هنا، تعال ياشقي

( جمال) شاف ( سمر) أمه بتبكي طوالي جرا عليها إترمى بين رجولها يبكي.. ( مصعب)​ قال خايف:
- في شنو يا ( سمر)، في شنو يا حاجّة؟

( بدرية) قالت :
- والله ماعارفة يا ولدي، جيت داخلة لقيتها بتبكى

وقبل ما يكرر ( مصعب) سؤاله.. مسحت ( سمر) دموعا ومدت تلفونها لى ( مصعب) فاتحة الفيس وفيهو الفيديو عن ( إكرام) وقالت:
- البِت دي قطعت قلبي والله

في المساء بعد العَشا كالعادة إتلموا كلهم لأنه ساكنين في نفس العمارة.. وكانوا بتناقشوا في موضوع ( إكرام)..​ ( أحمد)​ قال:
- أنا بكرة لو ماعندي عملية في المستشفى كان مشيت حضرت الجلسة

( فوزية) قالت:
- كرعليها المسكينة، ما تستاهل والله

( نون) قالت:
-أنا عندي فكرة

( سُراج) طوالي قال:
- أنا موافق

قعدوا يضحكوا كلهم.. ( هويدا)​ قالت:
- عارفين أي حاجة بتقولا المدام إنت طوالي بتوافق

( سُراج) مسك يد ( نون) وقال:
- أنا عندي كم نونو

( نون) سلمت عليهو في يدو وقالت:
- تسلم حبيبو، يلا أسمعوني كويس
_________________________________________

( بدور) دقت ودخلت على ( إكرام) الكانت بتشرب في شاي و سرحانة..​ وإبتسمت لما شافت ( بدور) القالت ليها:
- عارفك ضحكتي لى شنو، قلت ليك تاني ما بجيك وما ح أحضر الجلسة الآخيرة، بس غلبني والله، بعدين جاية أطمنك إنه أنا عرفت كل حاجة تقريبا"، اليومين الفاتو ديل إنتشر فيديو مؤثر شديد عنك، مافي زول عنده واتس ولا داخل الفيس ما شاف الفيديو دا، الناس كلها واقفة معاك يا ( إكرام)، وسألت محاميين كتيرين بعرفهم قالوا ما ح يكون في إعدام ولااا بنسبة واحد في المية، إحتمال يكون في سجن فترة بسيطة شديد، وقالوا في فيديوهات إتقدمت فعلا" ولو ثبتت صحتها إنه أصلية وما مركبة لى ( الصومالية) ح تاخدي براءة، وبيني وبينك مع أوضاع البلد دي النظام ماناقص مشاكل و يمكن يطلعوك براءة و يطفوا المشكلة بدل تقوم ليهم مظاهرات.

( بدور) ملصت نقابها وقالت مبتسمة لى ( إكرام) :
- إنتي طلعتي حكاية

قبل ( إكرام) ما ترد.. الباب دق ودخلت ( نادية) و ( ميراب) و ( سندس) و ( أبرار).. وراهم ( زحل) و ( بسمة) و ( أمجد).. ( إكرام) جرت حضنت بنات خالتا شديييد تبكي.. شهر ما شافتهم للوضع الخطير الكانت فيهو..​ و آخر إسبوعين​ ( إكرام) كان رافضة تشوفهم ظنا" منها إنه ح تاخد إعدام و ماح تقدر تودعهم.. كانت عارفة ما ح تقدر تستحمل.. ولاهم عندهم القوة يتحملوا فراقها بالطريقة دي.. بس بعد ما إنتشرت الأخبار في كل مكان و بقى مؤكد مليون في المية مافي إعدام.. سمحت ( إكرام) لى بنات خالتها و أحبابها يزوروها..​ بس زيارة ( بسمة) المرة دي كانت مختلفة لأنه حاولت بعد الجلستين الأوائل هي وقريب

ها المازون إنه يقنعوا ( إكرام) تقول الحقيقة.. وكانت ( إكرام) رافضة و مهددة ( بسمة) إنه ح تموت غضبانة عليها لو هي ولا قريبها إتكلم بالحقيقة.. بس اللي ماكانت ( إكرام) عارفاهو إنه ( بسمة) كانت إتخذت قرار إنه في الجلسة الآخيرة ح تعترف بكل حاجة.. وكانت ( زحل) عارفة كدا.

( بدور) نست تنزل نقابها من جوطة المشهد وما إنتبهت إلا بعد ما لقت ( أمجد) يسرق في النظر ليها.. نزلت النقاب خجلانة شالت ورقها وقالت لى ( إكرام) :
- خلاص يا بطلة نتقابل بكرة إن شاء الله بعد براءتك

وطلعت مرقت و ( أمجد) متابعا بى نظراته.. أيوا..​ عجبته شديد.

( إكرام) مبسوطة شديييد بى لمة الحبايب.. بس لسة ما شافت إنبساط.. دقيقتين مافي دق الباب و دخلت ( سعدية) و ( آدم) الحضنتو ( إكرام) قوووووي و بكت شديييد معاهو.. وكانت تاني مرة ( سعدية) ما تقدر تمسك روحها.. وبكت المسكينة مع ( إكرام) و ( آدم).. و دخلت أستاذة ( منيرة) و أستاذة ( مُنى) وزادت فرحة ( إكرام)..​ حست ( إكرام) بى سعادة مبااالغة ما حست بيها قبل كدا..​ لأنه بالجد السعادة الحقيقية في الأهل و الأسرة و العائلة و الصداقة.. و الحب.. دق الباب و دخل ( بكري).. دخل وكانت سابقاهو دمعته.. كان ما مصدق نفسه إنه قدر هو و الشباب ينقذوا حياة ألطف إنسانة في الوجود.. دخل ( بكري) و عيونه جن في عيون ( إكرام)..​ ما قدر حتى يسلم.. بس سلمت دموعه بدالو.. وردت ( إكرام) بدمعة أحر.. يااااااا الله على التحايا لمن تكون من القلب للقلب.
_________________________________________

الأحد..​ الساعة 9 صباحا" بدت الجلسة الآخيرة في قضية قتل ( الصومالية).. الجلسة بدت الساعة 9 صاح..​ بس من الساعة 7 كان في عشرات المئات من الشباب و الشابات و طلاب المدارس و الجامعات و العُمال بمختلف طبقاتهم.. حتى الأطفال و الناس الكبار ما قصروا.. كله كان واقف قلبا" وقالبا" مع ( إكرام)..​ حتى زوجة ( بدوي) كانت شايلة ولدها الصغير في رقبتها وشايل لافتة صغيرة مكتوب فيها [ إكرام الحب ]..​ ( مجدي)​ و ( معتز) و ( ياسر) ومدرسة ( إكرام) عن بكرة أبيها واقفين أول الصفوف لابسين الزي كامل بالرغم من إنه مافي مدارس.. كل فرد عنده علاقة من قريب أو بعيد بى ( إكرام) كان موجود.. و ما أخدت المحكمة ربع ساعة..​ نقابة المحامين باشرت عملها بعد موافقة ( إكرام) بتمثيلها وقدمت إتنين من أكتر المحامين خبرة و جهزت ملفات دسمة بى نشاطات ( الصومالية) بلإضافة لرسم الصورة الكاملة للمشهد الآخير في إستدراج ( الصومالية) لى ( إكرام) و الضغط عليها بخطف أطفال كانوا بالنسبة للمتهمة قيمة كبيرة.. ودا كان في حد ذاته نوع من الإختطاف بلإكراه للمتهمة..​ وأهم حاجة حيثيات إطلاق النار من ( إكرام) و الدافع واللي أثبتوه المحاميين إنه منطوي تحت إطار الدفاع عن النفس لأنه ( الصومالية) هو اللي بادر بالتهديد و إشهار السلاح و الشروع في القتل لولا تدخل ( إكرام) في الوقت المناسب.. وكان سهل جدا" على القاضي إنه يحكم بالبراءة لى ( إكرام) مع التوبيخ و الإنذار للضابط ( أمجد) بلإهمال في التفريط بالسلاح.. ولولا ملفه الناصع في الخدمة.. كان ح يتم معاقبته.. بس الأمور مشت حلوة..​ ودقايق مافي جات ( إكرام) مارقة محاطة بفرحة غااامرة و أحضان من كل أبطال الرواية..​ وتعال شوف لما عرفت الجموع اللي برا بالحُكم.. زغاريد تقيلة و فرحة وغُنا و رقيص في مشهد ما بحصل حتى في أجمل الأحلام.. وبعد تعب رهيب قدرت ( إكرام) و أبطالنا يوصلوا عربية ( زحل).. بس قبل ما تركب ( إكرام) سمعت صوت ( بكري) طالع في حتة عالية فوق الجماهير بعد ما كان جوا في الصالة و سمع الحُكم.. جا جاري وكان أصحابه مجهزين ليهو كل حاجة..​ مسك المكرفون و كورك بى صوت عالي:
- ( إكرام)..​

( إكرام)​ إتلفتت ليهو..​ كان ( مجدي) أول مرة يشوف ( إكرام)..​ بس كانت بعيدة و الزحمة رهيبة وصعب يوصلها.. كان متمني يبارك ليها البراءة.. بس سمع زيو زي بقية الناس ( بكري) بقول:
- قدام الناس ديل يا بِت الحلال، أنا خطبتك، موافقة؟

الناس كلللها إتلفتت لى ( إكرام) النزلن دموعا فرحة صعب تتوصف بى محبة الناس دي كلها.. وبصراحة نقدر نقول الفضل الأكبر في كدا لى ( بكري).. و ( إكرام) عارفة كدا كويس.. ( إكرام)​ ختت يديها في خشما تبكي وتهز في راسها [ موافقة ]..​ الناس دي فارت زغاريد و رقيص على الطريقة الصااااح.. و ركبت ( إكرام) مشت و إختفت..​ ونط ( بكرى) من فوق في أصحابه مبسوووط يضحك و يبكي.. و إنكسر قلب ( مجدي).. ليه؟..​ حتى هو ماعارف.. يمكن ماكان قايل ( إكرام) بالحلاوة و البراءة دي.
_________________________________________

بعد يومين من اليوم المشهود دا.. دق جرس بيت ( إنصاف)..​ جات ( أبرار) و ( سندس) جاريات يشوفن دا منو.. شافن واحدة حلوة شدييييد..​ صاح لابسة توب.. بس كان قصة شعرها ظاهرة زي قصة الأولاد زي ما كانت بتحب دايما"..​ كان ظاهر عليها من النوع الرااااقي داك و ظاهر عليها مرطبة شديد من العربية الجات سايق

اها.. كانت صغيرة بالرغم من إنه كانت متزوجة..​ البِت طوالي سلمت على ( سندس) و ( أبرار) في خدودهم وقالت:
- ما شاء الله حلوين حلا، إنتو ( إكرام) خالتكم؟

( سندس) ردت:
- خالتي أنا، دي صاحبتي

البِت الحلوة سألت ( سندس) :
- طيب خالتو موجودة

( سندس) ماردت جرت تنادي ( إكرام) :
- خالتو، خالتو، في واحدة حلوة شديد عاوزاك

كلهم كانوا قاعدين.. بقوا يضحكوا في كلام ( سندس)..​ ( إكرام)​ جات تضحك جاراها ( سندس) من يدها.. قالت:
- ياها دي

( إكرام) سلمت على البِت الأنيقة وقالت:
- أهلا" يا مراحب، إتفضلي

البِت ردت:
- شكرا" ( إكرام)، أنا إسمي ( نون)
_________________________________________

تلاتة ساعات يقنعوا في ( حلبي) إنه يمشي معاهم الرحلة العملتا ( نون) بالتنسيق مع ( زحل) عشان ( إكرام)..​ عشان يتعرفوا عليها أكتر..​ ومارضى ( حلبي) يمشي إلا بعد ماجات ( بسمة) حنستو..​ هو عاد مكسسسسر في ( بسمة).. ركب دورن هايسين طلعوا الرحلة بى خرفانهم..​ وكانت دي أجمل رحلة فيها أطيب ناس.. بعد قعدرا و إتعارفوا و إتفقوا ح يكون في تواصل بينهم.. بعدها أكلوا و شربوا ودووور ( حلبى) يغني و يدردق بالوطا وكلهم مبسوطين يضحكوا..​ ( سندس)​ و ( أبرار) و ( الطاهر) الصغير و () أولاد ( أحمد وسلمى)..​ و ( جمال) ود ( مصعب و سمر) وأخوان ( هويدا) ديل بى جمبة..​ و ( بدرية) و ( فوزية) و أستاذة ( منيرة) و أستاذة ( مُنى) وخاجّة ( بخيتة) و ( سعدية) ديل بى جمبة..​ و ( أحمد) و ( مصعب) و ( سُراج) و (بكري) و ( مجدي) و ( أمجد) و ( معتز) و ( خالد) و ( آدم) ديل بى جمبة..​ و ( هويدا) و ( مها) و ( بسمة) و ( زحل) و ( سلمى) و ( سمر) و ( نون) و ( إكرام) ديل بى جمبة..​ كان كل مجموعة يضحكوا ويصفقوا مبسوطين ويعاينوا لى بعض..​ فجأة ظهر ( ود اللخدر) كان جا متأخر.. جاي عشان يبارك لى ( إكرام) و يبشِّر لى ( حلبي) عشان ينسى الحصل زمان..​ بس ( حلبي) من شاف ( ود اللخدر) هو وقف تاني؟..​ خلّا الجماعة كلهم يضحكوا أمتر لما دمعوا.
_________________________________________

- قلت شنو ياولدي؟
- موافق ياحاجَّة، أي حاجة تقوليها أنا ماعندي مانع
- الله يسعدك يا ولدي، والله ناس مافيهم كلمة

( مها) إنبسطت شديد:
- ربنا عوضك يا أخوي، وإن شاء الله ( أسوية) تعوضك كل ال حرمته منك الفقر ديك

أهل ( عبير) لما عرفوا ( مجدي) ح يتزوج بِت تامنة..​ النار إنطلقت فيها و بقوا يحاولوا يفشلوا الموضوع دا..​ مفتكرين ( مجدي) هو اللي مشى خطب.. عشان كدا بقوا يلاقو أبوها يقولوا ليهو [ إنت عارف ( مجدي) ليه جا من السعودية؟ جا عشان كله غضاريف وما ح يقدر يشتغل تاني ولا ح يقدر يعيش بِتك ].. و عرف أبو ( أسوية) إنه ديل ناس حاقدين وقلبهم أسود..​ عشان كدا كان برد عليهم بقول [ لو عدمان بديهو، ولو عيان بعالجه ]..​ ومرت الأيام و إتزوج ( مجدي) ب ( آسيا) وشالا جوا حدقات عيونه عشان خاطر كلام أبوها الماليهو تمن..​ وإشتغل ( مجدي) مع أبو مرته الجديدة..​ ومسك حسابات المقاولات ومسك ليهو العمال يوصلهم و يحاسبهم و يصرفهم.. وريَّح أبو ( أسوية) كتييير لأنه إنسان صادق وفهم الشغل كويس.. وإستفاد ( مجدي) كتير برضو وبقى مرتاح.. وأكتر حاجة كانت مكيفة ( مجدي) إنه نسابته الجديدين فهموا رغبته في إنه ما ح يطلق ( عبير) عشان أولاده ماعشان رغبة في إنه يرجع ليها..​ ومرت الأيام و إنعرفت مشكلة مرض ( مصطفى) إنه السبب إهمال ( عبير)..​ لأنه لما يجي عند أبوهو إسبوعين بكون كويس..​ بس لما يرجع عند أمه بمرض تاني.. و بعد محاكم ومحاكم قدر ( مجدي) يقلع أولاده الإتنين.. وسفّت ( عبير) التراب وندمت بعد خربت بيتها وبقت تفتش في الأجاويد.. ورفض ( مجدي) كل الواسطات و إتبشتنت ( عبير) و صحتها إتدهورت و أصابها الإكتئاب.. لا أبوها نفعها لا أمها.. ومشت آخر مرة بنفسها كآخر محاولة إنه تستعطف ( مجدي) يرجع ليها حتى لو يجيها مرة واحدة في الشهر.. وماصدقت لما قال ليها موافق بشرط..​ قالت بتعمل أي حاجة..​ قال ليها هي حاجة واحدة بس [ تبوسي رجل أمي الدخلتيها المحكمة ]..​وافقت ( عبير) وباست رِجل حاجة ( بخيتة) و راسها..​ بعدها عاينت لى ( مجدى) القال ليها تاني كان شفتك ساي حايمة بى تالت شارع من بيتنا بكسر ليك رقبتك.. يلا برا وقولى لى أمك و أبوك قال ليكم ( مجدي) كان بنفعكم..​ بروزوني..

و قدرت ( أسوية) تسعد ( مجدي) والفرق بينهم أكتر من عشرة سنة..​ العُمر في الزواج مهم.. بس ما أهم من الإحترام و التقدير.. لأنه الإحترام بزيل أي نقائص و بخلي العُشرة دايما" حلوة.. وجابت ( أسوية) لى ( مجدي) توأم ولد وبنت.. البنت سماها ( إكرام)..​ و الولد ( حمزة).

النهاية 🌹
======================================

_ زي ما وعدت.. الرواية الجاية ( خاصة) بالناس الكانت بتقدر التعب و المشقة في الكتابة و بتاخد من زمنها وتعلق بكل الحب بالرغم من مشاغل الحياة

📖 اذا انتهيت من قراءه الروايه اضغط علي #لايك 👇 واذا حصلنا علي #مائه لايك سوف نقوم بتنزيل روايه #جديده

#سرق_قلبي❤1
بقلمي : حور مجدي
في بت حلووة شديد أسمها خلود عمرها 17 سنة بتدرس تالتة علمي ، بشرتا سمرا شوية وعيونها خضر ، شعرها طوويل وناعم لحدي نص ضهرها ، ابوها دكتور في الجامعة اسمو عمر وامها ممرضة اسمها فادية .... خلود دي بت مغرورة شديد و الكل بقول ليها طااااايشة ومجنونة .. وبالفعل هي كده ما بتهتم لي حاجة ابدا ً وبتاخد الأمور بلا مبالاة .... وهي الوحيدة لي اهلها وطبعا آخدة كل الدلال والحنان .... عندها بت عمها اسمها سارة في نفس عمرها وبرضو بتدرس معاها في نفس الفصل ... هما بيعشقو بعض شديييد .. وطبعا ً هما الاتنين مشاااااغبين شديد ودايما بياخدو بهادل من الاستاذات ... و لا حياااة لمن تنادي ،،،،،، سارة عندها اخ واحد عمرو 20 اسمو سامي ... خلود بتعتبرو زي اخووها الكبير وجنهم الاتنين ديل شكل ومكاواة ( بيدرس صيدلة وخاطب صحبتو في الجامعة ) .... خلود دي ما بتعترف بحاجة اسمها حب لان الحب بخلي الزول مهموووم ... وآخدة قرار في حياتها انها ما تفكر بالحب لانو كده مبسووووووطة ... لكن للأسف ما كانت بتعرف انو الحب بيدخل حياتك فجأة بدون ما يستأذنك ........ في يوم كده وناس تالتة في الفصل كانت خلود فاتحة الفيس من تلفونها بدون ما الاستاذة تنتبه .. كانت سارة قاعدة جنبها ولمن شافتا شهقت وقالت : ده شنوووو ده ؟؟؟ ،،،، خلود : ههههه ده فيس يا متخلفة .. يعني اول مرة تشوفيه ،،،،، قالت سارة بخوف : انتي اكيد ما نصيحة .. هسي الاستاذة بتشوفك ،،،،، خلود : ما تخافي انا خاطاهو في الشنطة وهي ما ح تنتبه علي ،،،،، سارة : والله اذا شافتك ح يبقى يومك زي الطين ،،،، ( خلود قرصت سارة ) وقالت : ياااااخ اسكتي ،،،،، بعد شوية سارة صرخت : الاستاذة جاااااتك الليلة وووووووب ،،،، ( خلود حاولت تخبي التلفون لكن الاستاذة وصلت بي سرعة وحمرت ليها ) وقالت : يا سلاااام عليك .. ده شنو الشايلاهو حضرتك !!! ،،،، خلود : انا ما شايلة حاجة غير الكراس .... الاستاذة : جيبي التلفوون ده سررريع ،،،، خلود : خلاص يا استاذة انا ما قاصدة .. انسي الموضوع ،،،،، الاستاذة : انا قلت شنوو جيبي التلفون احسن ما والله اكسرو ليك ،،،، خلود : لا يااااخ ده من فرنسا كيف يعني تكسريهو !! ،،،، الاستاذة : بكسرو عادي وبكسر راسك معاو ،،،، خلود : معليش اصلا انتي ما شغتي تلفون زيو عشان كده ما ح ازعل منك ،،،،، ( صرخت الاستاذة في اضانها .. وكان حسها اعوذ بالله لو شااااحنة ما كده ) .. الاستاذة : انا قلت جيبي التلفون ده سررريع ويلا امشي لي المديرة عشان حسابك عندها ،،،، خلود : بس انا عايزة حسابي بالدولار .. غير كده ما بقبل ،،،، ( خطت الاستاذة يدها في راسها ) .. الاستاذة : تاني ما عايزاك تحضري حصتي فاهمة ،،،، خلود : انتي كده بتعقدي الامور وماف داعي لي كده بنصحك ،،،، الاستاذة : خلود عمر امشي لي المديرة سريع ،،،، خلود : اصلا انا بحضر حصتك بالعافية عشان ماف موضوع برة .. والله ما حباً فيك ولا بي مادتك ويلا زحي كده خليني اطلع اصلا الجو كاااتم هنا ،،،،، طلعت خلود من الفصل كانت بتمشي بي راحتها ولما طلعت الحوش شافت صحبتة شادية ( طبعا دي بت جنها شمار اخضر ههههه بمزح معاكم .. بتحب تعرف كل حاجة والمشكلة انها دايما حايمة ) ... شادية : مالك طلعتي من الحصة .. الاسناذة طردتك ،،،، خلود : هي بتقدر 😒 .. لا بس الجو فوق حر شديد قالت لي الاستاذة حبيبتي خلود اطلعي برة شمي هوة حلوو واشربي ليك حاجة باردة وبعدين تعالي ،،، شادية : ياااااااخي معقولة اصلا الاستاذة دي جنك تتشاكلي معاها ،،،، خلود : غوري من وشي ما ناقصاك .. مدامك عارفة بتسألي ليه !! ،،،،، شادية : عشان اتأكد 😂😂 .. خلاص حبيبتي اخدي ليك نفس عميق قبل تمشي المديرة ،،، خلود : لالا بخاف ابلع عصفوور 😂😂😂 ،،،،، شادية : والله انتي 😂😂😂 ،،،،، خلود : يلا باااي عشان المديرة بتكون منتظراني اشرب معاها قهوة ،،،، شادية : بااااي حبيبة ترجعي بي السلامة ،،،،، ( مشت خلود لي مكتب المديرة وكان مستنياها حاجات الله يستر منها بس ) ......
يتبع ............

#سرق_قلبي❤2
بقلمي : حور مجدي
مشت خلود لي مكتب المديرة ( طبعا حست نفسها ح تودع الدنيا لان المديرة دي صعبة موووت والكل بخافو منها ) .. لما وصلت دقت الباب ودخلت ،،،، المديرة : اهلين ست خلود ،،، خلود : احمم اهلين فيكي استاذة ،،،، المديرة : ده شنو السمعتو من استاذتك !! ،،،، خلود : وسمعتي شنوو ،،،،، المديرة : عاملة نفسك ما ليك خبر ... جيبي التلفون الشايلاهو ،،،، خلود : استاذة ماف داعي تشيليهو خلاص ما بكررها تاني ،،،، المديرة : انا ما فاضية ليك عندي اشغال خلصيني وجيبي التلفون ،،،، خلود : والله ما بكررها قولتليك ،،،، المديرة : كلامي ما مفهووووم جيبي التلفون ده سريع 😠 ،،،،، ( لما كانت خلود واقفة قدام المديرة فجأة بتعاين لي الشباك الورا بتلقى سارة واقفة وبتعمل حركات مضحكة والمديرة ما منتبهة ... لما خلود شافتها بقت تضحك ليك وهي من النوع الببقا يضحك لي بكرة ) ...... المديرة عصبت وقامت من الكرسي وسحبت منها التلفون وقالت وهي معصبة شديد : التلفون ده ما ح تشوفيهو الا يجي ولي امرك فاهمة ،،،، خلود : بس اهلي ما موجودين في البيت .. ابوي في الجامعة وامي في المستشفى ،،،، المديرة : يا ريت ابوك يجي يشوف بتو بتعمل في شنوو ،،،، خلود : هسي خلينا في المهم .. التلفون منو ح يشيلو ،،،، المديرة : ما عارفة والله .. لكن التلفون ده ما تحلمي تاخديهو ،،،، ( قالت خلود في قلبها .. ربنا يعين التلفون المسكين ده والله كره يومو ذااااتو ) .. خلود : بس يا استاذة ..... ،،،،، المديرة : لا بس ولا بسين ،،،، خلود : طيب انا ح اتصل على ود عمي يجي ياخدو كده تمام ،،،، المديرة : طيب قولي رقمو ... ،،،،، ( بعد ملت خلود الرقم لي المديرة واتصلت واتكلمت مع ود عمها سامي هي كانت قاعدة ومنتظرة ... بعد ربع ساعة كده دخل ولد انيق وخاطط ريحة حلووة موووت تخليك تنتبه ليهو غصب عنك ،،،، المسكين لسا ما اتكلم ، قالت المديرة : اخيرررا جيتو ... خلود دي عايزة تكسرو رقبتها لانها مشااااااغبة شديد وما بتسمع كلام استاذاتها .. والليلة مسكتها الاستاذة ماسكة تلفون في الحصة الكلام ده صاح ،،،، الولد استغرب وقال : انا جيت عشان اديكم بيانات اختي .. خلود دي منو انا ما بعرفها !!!!! 🤨 ،،،،، المديرة : معليش افتكرتك ود عمها .. اقعد ارتاح ،،،، الولد : شكرا ليك ،،،، ( قعد الولد الوسيم ده في الكرسي وكان مقابل ليها ... كان ولد ولا كل الاولاد ..... كساااااار عديل كده .. بشرتو بيضا شديد وشعرو حرير لونو بني وعيونو خضر .. ليهو جسم رياضي واااضح عليه ... واهم حاجة عندو غمازات 😍 ... كانت خلود كل شوية تسرق نظرة وتعمل نفسها مدايقة من شوفتو .... بعد عشر دقايق دخل سامي ،،،، خلود : ده ود عمي ،،،، المديرة : دي خلود عايزة تكسرو رقبتها لانها ما بتسمع كلام استاذاتها ... ولا بتسكت في الحصة ودايما ضحكتها فضيحة .. ومسكتها الاستاذة في ...... ،،،، خلود : الحصة ماسكة تلفون .. والله فهمت اها والجديد ،،،،، المديرة : انتي ممنوع تتكلمي تمام .... انا لو بحكي ليك عن عمايلها ما بتخلص نهائي ،،،، ( سامي عاين لي خلود وحمر ليها ) ... سامي : معليش يا استاذة حسابها في البيت وانتي كسري ليها راسها وعاقبيها ... واذا عايزة كمان تعاقبيها السنة كلها ما عندي مشكلة ،،،، خلود : وانت منو حتى تقرر يا فاااالح 😒 ،،،، سامي : انا هسي ولي امرك ،،،،، خلود : لا والله ولي امر على نفسك مش علي ،،،،، سامي : ما مشكلة الحصل ده كلو ح يعرف بيهو عمي عمر ،،،،، خلود : انت بتهددني ... خلاص احكي ليهو انا اصلا ما عملت حاجة عشان اخاف ( البت دي جابت الحقااارة دي من وين 😂 ) ،،،، المديرة : خلود ما تتكلمي ولا حرف ،،،،، سكتت خلود وكانت خلااااااص مغيوظة من الاسمه سامي ده ... والتفتت لاقت لسا الولد داك قاعد وشاف كل حاجة وعرف كل مصايبها العملتها ... وكان قاعد وبعاين وهو عايز يضحك وقتها اتمنت خلود تمشي تديهو كفين عشان يحرم يضحك تاني في حياتو دي كلها .... المهم سامي شال تلفونها والمديرة قالت : خلاص امشي الفصل يا خلود ،،،، ( عاينت ليها خلود من فوق لي تحت وهي مكشرة ) ... خلود : شكرا ما قصرتي 😒 ،،،،، ( خلود هي وطالعة عاينت للولد داك بي طرف عينها وكان وشو ده احمر لانو ماسك الضحكة ... حمرت ليهو وطلعت ) ... مشت خلود لي فصلها وكانو العفاريت الصفر بنططو قدامها .. دخلت الفصل طواااالي حتى بدون ما تدق الباب وقعدت في كنبتها ،،،، سارة : مالك قرفانة كده ،،،، خلود : اسكتي ساااااي ده كلو من اخوك الزفت خلا ولد مزفت اكتر منو يضحك علي .. ليه !!! ،،،،، سارة : معليش اصلو سامي ربنا خلقو كده ... هم وبس ،،،، خلود : وانتي يا متخلفة ده شنو العملتيهو في الشباك 😂 ،،،، سارة : كنت بقلد ليك المديرة 😂😂😂 .. لكن شكلها كده قفلتها معاك كلو كلو ،،،،، خلود : ده كلو بسببك يا حمارة .. انتي واخوك مصايبي كلها من وراكم والله ،،،،، سارة : يعني كده .. ربنا يسامحك بس ،،،، خلود : هسي انا خايفة اخوك المتخلف يقول لي بابا الحصل ده

.. والله بعلقني في الشباك ،،،، سارة : ههههه كده تمام معاي لانو كل ما اشتاق ليك بعاين لي شباكم 😂 ،،،، خلود : قومي امشي من قدامي .. مشت عليك حيطة ،،،، سارة : يا هبلة الحيطة ما بتمشي .. بقولو يمشي عليك قطر ،،،،، خلود : لالااا حيطة عديل كده وغصب عنك كمان ... حقارة بس 😠
يتبع ....................

#سرق_قلبي❤3
بقلمي : حور مجدي
مر الوقت وانتها الدوام .. وطلعو الطلاب على البيوت ... لما وصلت خلود على بيتها ودخلت ..كانت امها لسه ما جات .. مشت استحمت وغيرت هدومها واكلت بعدين مشت بي سرعة لي بين عمها ( جيرانهم بي الحيطة ☺ ) ... دقت الباب فتح ليها سامي ،،،، خلود : اديني التلفون سريع ،،،، سامي : الليلة ح احكي كل مصايبك لي اهلك ،،،،، خلود : عووووير قول ليهم انا ماف زول بهددني ،،،، سامي : طيب تمام ،،،،، شالت خلود التلفون ومشت البيت .. لما وصلت مشت سريع لي غرفتة عشان تنام قبل امها تجي ،،،،، و نااااااامت نوم 😴 بعدين صحت على صوت امها ،،،، فادية : خلووود ده شنو السمعتو منك !!! ،،،، قالت خلود وهي بتفرك عينها من النعاس ،،،،، خلود : سمعتي شنو ماما !!! ،،،،، فادية : سامي قالي كل حاجة 😠 ،،،، ( نطت خلود من السرير وقالت ) خلود : شنووو ... متين قاليك العوير ده ،،،، فادية : المهم قالي .. معقولة حبيبتي الكلام ده تشيلي التلفون لي المدرسة .. والله اذا عرف ابوك ح يزعل منك شديد وح يعاقبك ،،،، ( عصبت خلود من سامي و لما مشت امها لي غرفتة .. طلعت تاني لي بيت عمها ) دقت الباب شدييييد فتحت ليها سارة ،،،، سارة : خلوود مالك !!! ،،،، خلود : اخوك وين ،،،، سارة : قاعد جوة في الهول .. ادخلي ،،،، ( مشت خلود وهي مصعبة شدييييد شافت سامي قاعد في الكنبة وفاتح اللابتوب بتاعو .. قامت مشت عليهو وسكرت الابتوب في وشو ) ،،، سامي : مالك في شنوو ،،،، خلود : عامل نفسك ما بتعرف يا عووير يا متخلف ،،،،، سامي : ههههه مش قولتي لي انك ما بتخافي ... مالك هسي خايفة ،،،،، خلود : منو القاليك هسي خايفة .. لكن اصبر لي لاني ح اقول لي مايا كل مصايبك ( مايا خطيبتو لي سامي 😍 ) ،،، سامي : ههههه يعني قاعدة تهدديني ،،،،، خلود : ايوه بهددك وبهدد خمسين واحد زيك ،،،، سامي : خلاص اهدي انا بعتزر ليك ،،،، سارة : تعالي نقعد في الاوضة حقتي ... ( مشو خلود وسارة على الاوضة وتونسوووو لحدي المغرب ) ،،، خلود : يلا انا بمشي البيت عشان اذاكر شوية ،،،،، سارة : تمام وانا برضو ح امشي اذاكر .. بعدين عليك الله افتحي الفيس عشان نتونس شوية قبل ما نوم ،،،، خلود : تمام يلا بااااي ،،،، ( مشت خلود لي بيتها ولما فتحت الباب لاقت امها ) ،،،، خلود : امي ابوي وين !!! ،،،، فادية : نايم جوة ليه ،،،،، خلود : لالا ماف حاجة .. يلا انا ماشة اذاكر شوية ،،،،، فادية : تمام حبيبتي ربنا يوفقك ويهديك ،،،،، لما جا وقت العشا قعدو ناس خلود على السفرة .. كانت خلود هادئة ما زي كل مرة ،،،، عمر : بابا خلود انا زعلان منك عشان ما بتهتمي لي دراستك والمديرة شكت منك .. قال لي سامي ،،،، ( قالت خلود في قلبها ) .. خلود : ربنا يقتلك يا سامي .. يااااخ ده شنو العملتو فيني 😥 ) ،،،، خلود : معليش يا بابا انا اسفة ،،،، عمر : توعديني تاني ما تكرريها وتنتبهي لي دراستك عشان دي شهادة وعايزك تدخلي طب ،،،، خلود : بوعدك بابا .. وان شاء الله اكون عند حسن ظنك ،،،، عمر : ربنا يوفقك حبيبتي ... ( خلصت خلود اكل ومشت لي غرفتها وفتحت الفيس .. لاقت سارة فاتحة ) ،،،، خلود : هااااي يا مزة ،،،، سارة : اهلين حبيبتي والله مشتاااقين ،،،، خلود : لحقتي تشتاقي لي 😂 ،،،، ياااخ ما شفتي اخوك عمل معاي شنو ،،،،، سارة : اها عمل شنو الهم ده ،،،، خلود : قال لي ماما وبابا عن الحصل الليلة ،،، لكن بابا الحمدلله ما زكر لي قصة التلفون ،،،،، سارة : بكون سامي ما قال ليهو عن التلفون الحمدلله ،،،، خلود : لكن ما ح اخليهو ،،،، سارة : كيف يعني !!! ،،،،، خلود : ح افضحو ليك قدام خطيبتو مايا عشان يحرم يقرب صوبي تاني ،،،، سارة : والله انتي خطيييييرة 😂😂 ،،،، خلود : 😂😂😂😂 .... يلا حبيبتي ح اقفل عشان انوم .. تصبحي على خير ،،،،،، سارة : وانتي من اهلو حبيبتي .. نتلاقا بكرة في المدرسة ان شاء الله ،،،، خلود : ان شاء الله يلا بااااااي 😍 ... ( جا صباح جديد .. صحت خلود ومشت استحمت ولبست وسرحت .. نزلت تشرب الشاي ) ،،،، خلود : صباح الخير ماما ،،،، فادية : صباح النور حبيبتي .. يلا جاهزة عشان الترحيل قرب يجي ،،،، خلود : ايوة ماما جاهزة ،،،، فادية : اخدي بالك من نفسك حبيبتي تمام ،،،، خلود : حاضر ماما .. ( لما جا الترحيل مشت خلود لي المدرسة ولاقت سارة .. وجات الحصة الأولى ) .. خلود : الليلة خلينا ننتبه لي الحصة عشان نكسب شوية حسنات ،،،، سارة : 😂😂 لا ربنا يهدينا معاك ،،،، خلود : اللهم امين 😂😂😂 ،،،، ( مر اليوم كلوو وكانت خلود دي هادئة على غير عادتة ... كلو عشان يهدة الجو شوية وترجع تاني للشقاوة ) ... جا وقت البيوت وطلعو الطلاب كانو خلود وسارة ماشين مع بعض وبيضحكو وفجأة خلود تشوف ليك الولد داك الكان معاها في مكتب المديرة .. واقف جنب عربيتو ولما شاف خلود بقا يعاين ليها ويضحك .. خلود عصبت ومشت ليهو .......
يتبع ...........

#سرق_قلبي❤4
بقلمي : حور مجدي
كانو خلود وسارة ماشين مع بعض وبيضحكو وفجأة خلود تشوف ليك الولد داك الكان معاها في مكتب المديرة .. واقف جنب عربيتو ولما شاف خلود بقا يعاين ليها ويضحك .. خلود عصبت ومشت ليهو ،،،،، خلود : انت جاي تعمل هنا شنوو تاني 😒 ،،،،، الولد : والله اعتقد ان الحاجة دي ما بتخصك يا خلود .. صح كده 😏 ،،،،، خلود : لا بتخصني واذا شفتك تاني هنا ما ح يحصل ليك خير فاااااهم 😠 ،،،، ( الولد ده استغرب من كلام خلود وسكت ساااي ودخل لي عربيتو ... بعد شوية جات اختو معاهم في الفصل اسمها أية ) .. خلود : أية اخت ده 😳 !!! ،،،، سارة : آي بكوون ،،،، خلود : لا حولاااا ماف اي شبه ،،،،، سارة : ارح نشوف الترحيل بكون جا ،،،،، خلود : تمام يلااا ،،،،،، لما وصلو أية واخوها ( اسمو علاء ) البيت .. مشت أية لي اوضتة عشان ترتاح ،،،،، علاء : أية تعالي عايزك ،،،،، أية : نعم ،،،،، علاء : انتو عندكم واحدة في الفصل اسمها خلود ؟؟؟ ،،،،، أية : ايوة دي صحبتي .. انت عرفت كيف 🤨 ،،،، علاء : لما مشيت اليوم داك عشان اديهم باقي بياناتك لقيتها عند المديرة بتشاكلا عشان شايلة تلفون ،،،،، تسنيم : ايواااا ده في حصة الرياضيات دايما بتتشاكل مع الاستاذة .. لكن هي شاطرة في الفصل والله ،،،،، علاء : امممم هي ساكنة وين ،،،،، تسنيم : ديل جيرانة يااااخ .. ابوها دكتور في الجامعة حقتك ،،،، علاء : جد !!! ما لاحظتا .. أسمو منو ،،،،، أية : دكتور عمر ،،،، علاء : ايواااااا ياخ ده دكتورنا المقرب .. الكل بحبو في الجامعة .. لكن ما باين عليها انها بتو ،،،، أية : ليه يعني ،،،، علاء : شكلها طااايشة و مجنونة ،،،،، أية : ههههه الكل بقولو كده في البداية لكن لما يصاحبوها ح تعرف انها ظرررريفة وعسل عديل ☺ .......... اما خلود لما رجعت البيت غيرت واستحمت واكلت ومشت تنوووم عشان تعبانة .. لكن سارة اتصلت عليها ،،،،، خلود : الووو اهلين ،،،، سارة : اخبارك يا عسولة ،،،،، خلود : تمااام والله وانتي ،،،، سارة : تمام الحمدلله .. عايني تعالي بعدين سامي عازمك قالي اكلمك ،،،،، خلود : ليه الكرم جاهو متين ،،،، سارة : ما عارفة والله 😂 .. اها ح تجي ،،،، خلود : انا عارفة حركتو دي بس عشان ما اكلم ليهو مايا عن مصايبو .. لكن بصير خير ،،،،، سارة : اهااا هسي شنو !! ،،،، خلود : خلاص تمام بجي .. يلا هسي عايزة انوم والله تعبانة ،،،، سارة : طيب نوم الهنا بااااي ،،،، خلود : باااي حبيبتي 😍 ،،،،، ( جا و قت العصر .. مشا علاء لي غرفة أية ودق الباب ) .. أية : اتفضل ☺ ،،،، علاء : ازيك حبيبتي .. كيف عاملة ،،،، أية : والله 🤨 .. من متين بتسأل عني كده وهاميك حالتي ،،،، علاء : اخس عليك .. المهم مقبولة منك ،،،،، أية : طيب اها قول عايز مني شنوو ،،،، علاء : عايز منك طلب صغيروني وعارفك ما ح تخجليني 😘 ،،،، أية : ان شاء الله يلا قول ،،،، علاء : عايزك تمشي لي امي تقولي ليها نمشي كلنا نسهر عند صحبتك خلود ،،،، أية : ليه اشمعنا كلنا 😒 ،،،، علاء : عشان انا عايز ازور دكتوري عمر واتعرف عليهو اكتر فهمتي ،،،، أية : لا والله ما كده انت قصدك حاجة تانية انا عارفااااك كويس ،،،، علاء : لا عشان كده وبرضو عشان حاجة تانية لازم اعملها الليلة ،،،، أية : شنوو قولي ،،،، علاء : ح تعرفيها بعدين .. هسي اعملي القولتليك عليو تمام ،،،،، أية : ماشي لكن بعد انتهي مذاكرة ،،،، علاء : ما تتأخري عليك الله ،،،، أية : تمام ان شاء الله ،،،،،، لمن جا المغرب كده ( بعد ما ذاكرت خلود مشت لي بيت عمها ) فتح ليها سامي وكان مظبط نفسو شديد ،،،،، سامي : اهلين فيك ليه اتأخرتي كده ،،،،، خلود : بالله 😒 ،،،، سامي : انا عازمك ناكل اسكريم رأيك شنووو يا صحبتي ،،،، خلود : والمناسبة شنو ،،،، سامي : لا ما ضروري تكون في مناسبة بس حبيت اعزمك ساااي .. يلا ارح عشان ما نتأخر ،،،، ( سرحت خلود شوية ) ،،،، خلود : خلاص موافقة بس بي شرط ،،،، سامي : ياااااخ ح نتأخر كده ،،،،، خلود : خلاص بطلت ما ماشة زاتووو ،،،، سامي : لالا خلاص قولي ،،،، خلود : انا عايزة تعزم مايا معانا ☺ ،،،،، سامي : لكن انا عايز اعزمك براااك ،،،، خلود : اممم لا انا عايزة مايا تكون معانا والله اشتقت ليها ،،،، سامي : خلاص تمام 😒 .... مشو خلود وسامي ( بعد اتصلو وعزمو مايا ) لي محل اسكريم فااااخر 😍 ،،،، سامي : انا ما عارف انو مايا دي صحبتك شديد ،،،، خلود : ايوة دي صحبتي الروح بالروح ،،،، ( سامي كان خايف من خلود انها تكون مجهزة ليهو مقلب ) ،،،، سامي : حبيبتي خلود اذا حصل معاك اي حاجة في المدرسة طواااالي اتصلي علي تمام ،،،، خلود : لااا اطمن انا خلاص عقلت .. ربنا هداني الحمدلله ،،،، سامي : متين الكلام ده 😂 ،،،،، خلود : من لمن قولتا لي بابا عن اليوم داك في مكتب المديرة وبابا شاكلني 😠 بي سببك ،،،، سامي : انا جد اسف .. لكن ما كلمتو عن التلفون ،،،، خلود : اصلا ده الناقص ،،،، سامي : خلاص يا ريت كل واحد يسامح التاني تمام ،،،، خلو

د : ما عندي مشكلة يا ولدي 😈 ،،،، ( بعد شوية جات مايا ) ،،،، مايا : مساء الخير كيفكم ،،،، خلود : اهلييين حبيبتي والله مشتاقين شووووق ،،،، مايا : بالاكتر والله يا عسل .. كيفك سامي ،،،، سامي : تمااام والله الحمدلله .. انتي كيف عاملة ،،،، مايا : تمام الحمدلله بخير ،،،، خلود : اهاا يا سامي امشي جيب لينا الاسكريم ،،،، سامي : اوكي يلا عن اذنكم خمس دقايق ،،، ( عاين سامي لي خلود بمعنى تقعد عاقلة لحدي ما يرجع .. ومشا ) ،،،، مايا : كيف القراية معاك ؟؟ ،،،، خلود : والله تمام التمام وانتي ،،،، مايا : والله كويسة الحمدلله ،،،، خلود : اممم كيف سامي معاك ،،،، مايا : كويس والله ،،،، خلود : امممم حلوو ☺ ،،،، مايا : 🙂🙂🙂 ،،،، خلود : انتي عارفة سامي عزمني المرة التانية لي المكان ده وقتا شفتك هنا قاعدة معاهو .. اها كيف الاسكريم هنا ،،،، مايا : اممم انا اول مرة اجي هنا ،،،، خلود : لا ياااخ انا شفتك كنتي قاعدة مع سامي ،،،،، مايا : انتي متأكدة 😳 !! ،،،، خلود : هههه ايوة معقولة .. بالعلامة مسك يدك وباسها ،،،،، (مايا دي انصدمت وسكتت سااااي ... لما جا سامي )،،،،، سامي : اهلا بيكم منورين ،،،،، ( مايا حمرت لي سامي ... وقامت شالت شنطتة ومشت ) ،،،،، سامي : دي مالة دي !!! ،،،،، خلود : مااا عارفة 🤨 ،،،، سامي : انتي قولتي شنو حتى مشت زعلانة كده ،،،،،، خلود : ما قلت حاجة ياااخ .. ادينا الاسكريم ناكلوو يمكن هي عاملة دايت وخجلانة تاكل ،،،،، سامي : لا انا عارفك دي انتي قولتي حاجة عني حتى مشت زعلانة مني كده 😠 .. ماشي يا خلود كده يعني ( خلود ما كانت ترد عليو وكانت بتاكل في الاسكريم ومبسوووطة ) ،،، سامي : انا ما عايز حقي اخديهو .. يلا سلااام ( مشا سامي معصب شديد ) ،،، خلود : الله ده يوم سعدي تلاتة اسكريم لوحدي ☺☺ يا سلااااااام .. قايل يعني ح انسا ليك الموقف العملتو فيني يعني 😂 ،،،،،اكلت خلود الاسكريم وكانت مبسوووطة شديد ومشت البيت .. لما فتحت الباب لاقت عندهم ضيوف .. لما دخلت جا وشها في وش علاء ،،،، خلود : 😳😳😳
يتبع ...........