#شحدو_لي_عريس٦

كانت الفرحه ظاهره في رسالتها قلت ليها كيف اليوم قالت لي م بتوصف يخ م ننحرم 🌸🙈ساعتها خجلت انا والله 😂😂بعدها م قدرت اسكت قلت ليها يا بت الناس انا خلاص م بقدر اقعد ولا يوم بلاك انا عاوز اعرسك ..رسلت لي (😮😮😮)وقالت لي لكننن😢🌸انا عاوزه اقرا قلت ليها عارف انك عاوزه تقري وعاوزه مغترب يخليك تقري يا بايره 😂😂وانا المطلوب اثباته والله حنعرس وحنتظررك او م اجازتك تخلص بسافر انتي لما تخلصي تجيني ولما الجامعه تفتح برجعك انا زاتي حقيف معاك وحساعدك لما تخلصي ولا كلمه غير موافقه م عاوز اسمع 😑🗡..لما عرفتني جادي قالت لي جادي انت 😢قلت ليها والذي نفسي بيده م كذبت عليك ولا فكلمه وانا عند كلامي ليك وشروطك اكتبيها في قسميتك بتاعت العقد لما قالت لي طيب م ممكن تجي تسوقني من هسا اصلا انا مخططه اهرب لكن عارفه انو ناس بيتنا حيقبضوني وحاتكفت زي السخله 😂😂😂😂😂والله ضحكتني ضحك قلت ليها يعني اقول مبروك قالت لي عقبال صحباتي البايرات 😂😃طرت من الفرح ومشيت لامي كلمتها وكلمت ابوي وطبعا هم معندهم مشكله هي بهناك كلمت امها قالت ليها انتي موافقه نحن م حنعارضك خصوصا انهم ناس بنعرفهم وناس كويسين شديد رسلت لي طوالي كلمتني وجينا تاني يوم واتقدمنا وحددنا العرس وعقدت عليها بعد شهر وبقت (شافعتي) فعلا يوم العقد ونحن قاعدين كلنا سوا جا عمار قال ليهاا اخيراا بردتي قلبي لكن اصلا انا السبب والفضل لي لاني شحدتو ليك يعرسك😮😮😮😭😭🤣🤣😂قدام اهلي واهلها😂😂😂قرصتنا قريص انا وهو قلت ليها انا ذنبي شنو شحدني اعرسك وعرستك ليه😂😭😂💘 انا اكبر منها باكتر من ٨ سنين عشان كده كنت بحاول احتويهاوم احسسها بفرق العمر دا كنت بتهابل معاها ولما تتلائم علي بقول ليها م تنسي اني شحدوني اعرسك😂😂😂🗡 طوالي بتبدا فيني فليق ورفس وكل انواع العذاب قلت ليها انا وقعت في الفخ وعرستك😂😂 بقت حامل وعذبتني عذااب بس كانت احلى ايام لما تزعل مني بغني ليها توت توت هي البيضه فيها كتوت هي هي😂😂كانت بتقول لي عاوزه برطمان سعاده واانا بسفه فيها

#مريم_الهادي

#شحدو_لي_عريس٧

واانا بسفه فيها عشان تنسى وافاجئها بيهو لما قربت ع الولاده وديتها لناس امها مشيت جبت برطمان السعاده وجيتهم في البيت لقيتها بتتوجع وبتبكي وامها بتحنس فيها جيت ضميها علي وبقيت اقرا ليها وطوالي ع المستشفى دخلوها العمليه ووانا قلبي متقطع عليها لما طلعت الدكتوره وقالت لي مبروك قلت ليها والام كيفها قالت لي حالتها مستقره شديد حمد لله بس يفك البنج وتدخلو عليها مشيت البيت جبت ليها اكل وجبت معاي البرطمان جيت لقيتها فتحت وشايله بتنا😭💘قلت ليها جبت ليك برطمان السعاده قالت لي انا جبت ليك السعاده زاتها بعد نطلع من المستشفى بشتري برطمان كبير اختها ليك فيها😂😂😂😂😂جيت قعدت جنبها وقلت ليها كده بقيت عندي شافعتين 😃😭😭😭💘💘 رجعنا بيتنا وعدينا احلى ايامنا انا وشافعاتي الاتنين وتمت شهرين بس جامعتها فتحت وانا اجازتي انتهت نزلت الجامعه وانا سافرت والايام بدونها مسخت علي اتعودت عليها شديد انتظرت الاجازه بفارق الصبر اجزت وجاتني هي وبتي 😭😭💘فرحت بيهم فرحه م بعدها فرحه يوم طلعتهم افسحهم هي كانت شايله البت طول الطريق اول م وصلنا شالت البت وختتها في الارض 😮😮قلت ليها دا شنو قالت لي انا شايلاها من قبيل دا دورك يلا 😂😂😂😂😂😂😂😂😂😂ضحكت عليها ورفعت بتي ومسكتها ومشينا🌸🐥خلصت جامعتها وجاتني هناك واتوظفت وامورنا بقت ظابطه بسس م كبرت نهائي كانت لسسه شافعه😍🌸زي اول م عرفتها لو شافتني بتونس مع بتي لفتره بتبكي وبتقول لي انت من جات اسيل بقيت م شغال بي😂😂😂😂💘دي بتك يا ماما م حتشلبني😂😂بس اقناعها ساهل شديد بغشها بتسكت طوالي 😂😂 وم بنوم الا انومهم واطمن عليهم لانهم كل م املك🌸💘 .....ت#تمت

#مريم_الهادي

📖 اذا انتهيت من قراءه الروايه اضغط علي #لايك 👇 واذا حصلنا علي #مائه لايك سوف نقوم بتنزيل روايه #جديده

#اشرب_دواي_من_وجنتيك♥
بقلمي:Mëřö🐣💕
-١-
....................................
كضااابة ترا ترا كضااابة وكضااااابة ترا ترا واووووووه💃💃💃💃💃💃 ي بت هي🔊🔊🔊🔊جنك حق كل يوم دة م بتخليهو اقفلي الشي دة سريع وتعالي. سمح ي ماما جااااية💤😕 (يلا انا اسمي هتون عمري 21 سنة بقرا صيدلة خريجة امي زينب وابوي حسن متوفي عندي اخوي مهند 25 سنة مستلم شركات ابوي الله يرحمو واختي الكبيرة هيفاء متزوجة وعندها بت اسمها حنين😊) قفلت المسجل ونزلت لي امي قالت لي انتي اصلك م بتكبري😒قلت ليها لععععععع🤓جا مهند بي وراي وضربني في راسي قال لي ماما مالا المجنونة دي قلت ليهو جن يصوطك😏 قال لي اعوذ بالله منك ياخ😑ماما قالت ليهو البت دي اصلها مجنونة وفصيحة وعمرها م حتكبر قلت ليهم اصلا م بكبر😙مهند عاين لي كدا😒وقال لي ماما بتك دي اقنعي منها اشك انها طبيعية قلت ليهو اصلا انا م طبيعية انا اصطناعية😉 قال لي هتون خلي الهبل دة 🤨قلت ليهو ابيييييت😜 ماما قالت لي ي بت خلاص قلت ليها هسع ي نبع الحنان منادياني وقاطعة لي اغنيتي ليه? 😕قالت لي هسع دة غنا ليك😏قلت ليها ي موووم دة استايل العصر دة 😁قالت لي خلي الفلسفة وامشي جهزي الكيك الليلة نسوان الحلة ملموين في البيت قلت ليها غايتو انتي والنسوان ديل م عندكم شغلة😏 قالت لي ي زفتة طيري قبل افنك بالسفنجة دي😠 قلت ليها خلاص مشيت دخلت المطبخ وفتحت النت شفت لي وصفة كيك كدا عملتها ورجعت غرفتي ادوشت ونمت😴 صحيت بعد العصر كدة نزلت لقيت مهند ياداب جاي من الشركة
قال لي ي هبلة قلت ليهو هبلة نسيبتك ي الاخو🌚 قال لي والله تربية حبوبات انتي😕قلت ليهو حبة في راسك🤭قال لي خلاص غوري من قدامي ياخ غير تداعي الناس م عندك شغلة قلت ليهو اااي بسس😝 طلعت لي امي في الصالة قالت لي مهند جا? قلت ليها يب قالت لي خلاص انا بجهز الغدا وبناديكم قلت ليها تمام فتحت تلفوني وخشيت الواتس لقيت رسائل كتيرة من قروب الجامعة والقروب كلو شغال وين هتون الليلة خشيت وقلت ليهم انا هنا صحبتي اسمها تبيان قالت لي اووووه القروب نور😍جا صحبي اسمو طارق قال لي ام وجنات نورتي ياخ😉قلت ليهو تسلمو النور نوركم ياخ♥اتونسنا شوية كدة بعدها امي نادتنا للغدا نزلنا انا ومهند اتغدينا طبعا انا م وصفت ليكم نفسي🤓 (انا طويلة لوني فاتح جسمي متناسق شعري اسود وسط عندي وجنات حلوين وظاهرين شديد ومكسرين كل البعرفوني😂♥)خلصنا غدا ولميت الصفرة مع ماما وطلعت الحديقة بتاعتنا وقعدت في الكنبة وركبت سماعتي وهاك ي الهجيج الشو الشو الكشاحة قالت شو قالو القمري جا النقوم نجيب شركي💃💃💃💃💃 انفعلت مع الغنية صراحة.زولتكم زولة هجيج وكدة وبتاع🙊 بعد مسافة كدة نسوان الحلة بدو يجو احترمت نفسي ومشيت جهزت الحاجات مع الحجة وسلمت ع النسوان وجري ع غرفتي لمات النسوان دي م بتخارج معاي نوووهائي😕عندي mp3 صغير في غرفتي شغلت اغنية فاقدنك لاحمد امين ورقدت في السرير وبقيت بقلب في الفيس لقيت واحد ناشر في قروب سودانيز قرض وكاتب انتو عارفين انو سبب دخول البنات الفيس هو نحنا الاولاد في اولاد معلقين ليهو وقالو ليهو معاك حق علقت ليهو ب (والله الاعتقاد دة ناتج من عقلك الصغير الزيتوني الحجم ي وهمي انت🌚) فجاة باب غرفتي فتح جات خاشة تبيان (دي صحبتي في الجامعة وبت جيرانا) قلت ليها تبو العشق😍 قالت. لي هتوني الحوووب😍جات قعدت جنبي قالت لي دي شنو الاغاني الهادية دي م اتعرفنا بتحبي من وراي ولا شنو🤨قلت ليها اخر من يحب انا😒قالت لي م شفتي وانا جاياك في الشارع لاقيت لي ولد مزززة مزااازة وبعلييييااااه ولد زي صباح العيد زي قطعة المارشميلو😍😍♥ قلت ليها تبو وقفي انبراشات ياخ😑قالت لي حتى انبراش م ننبرش😒
اها انسي شايفة بيتكم عاااامر ي صحبتي😂قلت ليها اي بس انا لمة النسوان دي م بتنجح معاي😂 فجاة جاتني اشعارات فيس كتيرة خشيت لقيتها من التعليق بتاعي ع منشور الود داك ردموني اعجابات وفي بنات علقو لي والود الناشر رد علي قال لي اصلا دة حالكم انتو البنات مهما قلتي دي حقيقة مثبتة تبو قالت لي مالك قلت ليها خشي الفيس وشوفي دخلت وقرت التعليقات قالت لي خطرة ي بت😹✌ كتبت ليهو والله ده حالكم انتو الشباب عاملين نفسكم فاهمين اي شي وانو البنات م عندهم شغلة غيركم بس للاسف كلها اوهام استمرت التعليقات وفي النهاية كسرت حنكو🌚تبيان قالت لي انسينا منو اها الجديد شنو قلت ليها والله م في ياخ قالت لي ارح قروب الجامعة قلت ليها اررح خشت وكتبت احلى يوم مع ام وجنات جا طارق وقال ليها اووووه هتون وتبيان مرة وحدة منورين اها قعد تعملو شنو? قلت ليهو راقدين ساي وانبراشات تقيلة😂قال لي ههههههه طول عمركم بايرات🙊قلت ليهو اتلهي بلاي😏جات تبيان قالت ليهو والله البورة حاصلة ياخ لكين م مشكلة بنجازف ونلقى زول😉قال ليها والله انتو بلاوي😂👊 اتونسنا مسافة بعدها طلعنا قلت لي تبيان هي م عزمتك شي😁قالت لي تفففف ياه😚💦 يادوب تركزي قلت ليها دقيقة ي واطية انتي😏نزلت تحت. .النسوان كانو

بتونسو مشيت التلاجة وشلت باقتين بيبسي وشوكلت كتكات🤤💕(طبعا الحاجات دي عشقي فما بتغيب من البيت)طلعت الغرفة وقعدنا في البلكونة تبيان قالت لي ارح نشاغل الاولاد زي زمان😂قلت ليها كنا شفع وجاهلين ياه قالت لي ومالو نعمل اعادة لايام المراهقة😂 قلت ووواي منك ارررح😂👊كان في اولاد قاعدين جنب الدكان التحت البيت تبيان قالت ليهم ي مزز😉واحد قال ليها انتي معانا?انا قلت ليهو هو في غيركم يعني😒واحد قال احيييي اريتني الشكلاتة الفي اليد وقعدو يتعاورو قلت ليها هي اكسري حنكم😑قفلنا الشباك ودخلنا قعدت معاي مسافة وبعدها قالت لي ارح قدميني طلعنا برة لقينا المغرب اذن والدنيا ضلام قدمتها ورجعت اصلا بيتهم فاتح في بيتنا وبلكونتي فاتحة في بلكونتها♥بعد وصلت اتصلت لي قالت لي اطلعي البلكونة قلت ليها هسع م كنتي معاي 😑قالت لي سريع ياخ قلت ليها ثمح قالت لي شوفي القرض الماشي داك🤤قلت ليها وربي صحي بايرة ع قول طارق اتلهي مني ياخ😒قالت لي واتية قلت ليها منحتة😂👊 بعدها اي نادتني نزلت ليها تحت قالت لي تعالي اشربي الشاي
شربت الشاي بالكيك العملتو داك😌 ماما قالت لي اها كلها كم شهر وتتخرجي مشاريعك شنو قلت ليها والله م معروف بس احتمال انا وتبيان نفتح صيدلية سوا💕قالت لي تمام والله اها وموضوع العرس قلت ليها ماما عرس شنو انا م مفكرة في الموضوع دة حاليا ولا عندي الفكرة اصلا😊قالت لي اصلك مجنونة وم حتكبري😒قلت ليها ايون حافضل كدة🙃 بستها في راسها وقلت ليها تصبحي ع خير قالت لي وانتي من اهلو ربنا يهديك ي بتي🤲 قلت ليها اميين موووم😘 طلعت غرفتي ومسكت التلفون شوية جاتني تبيان في الواتس قلت ليها اها خير مالك كرهتيني الليلة🤨قالت لي تففففف ياخ اصلا م حبا فيك اها بكرة ماشة الجامعة صح? قلت ليها ايون قالت لي اها بعربيتكم ولا عربيتنا😂قلت ليها اي وحدة ياخ قالت لي تمام (طبعا السواق بوصلنا نحنا م بنسوق😹)دخلت الفيس لقيت قام هيثم عبد الله بالرد ع تعليقك خشيت لقيتو انو هو الود بتاع المنشور داك كسرت الحنك وم رديت قلت ده وهمي ساي ولو م كلامي غاظو م بيتعلق في الموضوع قدر دة😏 قفلت التلفون ونمت😴💤💤

يلا يحلوييين نتلاقى.🙃♥

#اشرب_دواي_من_وجنتيك ♥
بقلمي:Mërö🐣
-٢-
..................
.................................

يحلوووين جيتكم تاني💁🏻‍♀♥

صحيت الصباح زي الساعة 6كدةدخلت الحمام استحميت🛁وصليت وفتحت الدولاب عشان اشوف حالبس شنو (طبعا اللبس والمكياج والحاجات دي اختصاصي😌✋🏻)طلعت لي اسكيرت اسود وقميص لون زينب وجزمة وطرحة شاي لبن وشنطة ضهر نفس اللون♥ وعملت مكياج زابط ونزلتا لقيت امي بتعمل في الشاي ومهند قاعد في الصالة قلت ليهم صباحكم انا😋ماما قالت لي احلا صباح😄مهند قال لي وانا اقول الصباح دة بايخ ليه 😜قلت ليهو عشان انت زاتك بايخ😛ماما قالت لينا بطلو مناقرات واشربو الشاي بعد شربنا مهند كان طالع قال لي السواق برة امشو بيهو انتي وتبيان قلت ليهو طيب اتصلت لي تبيان قلت ليها ارح انا في العربية قالت لي ثواني بس بعد شوية كدا جات طالعة كانت لابسة اسكيرت اسود وقميص ابيض وطرحة واسبورت حلاوي💗قلت ليها تبو القرضة😍قالت لي هتونة الكسارة😘 اتحركنا ع الجامعة وفي الطريق قالت لي شايفة الولد بتاع منشور امس معلق في الموضوع لسه😄قلت ليها اي وانا سفهتو موضوعو عاضي ساي🤥
وصلنا الجامعة ودخلنا لاقونا طارق ووليد طارق قال البنات المزز😉وليد قال ليهو اللبس عامل شغل😍 قلت ليهم بتشاغلونا يعني😂تبيان قالت لي الترابة في خشمنا م بشاغلونا غير الرمم ديل😹وليد قال ليها احمدي ربك ي بايركس انتي😒قالت ليهو بالله م تقلب المواجع😔طارق قال ليهو رفقا بالبايرات😂قلت ليهم ياخي بطلو ارح المحاضرة فاضل ليها 5دقايق دخلنا وقعدنا انا وتبيان وطارق في بينش واحد دخل لينا دكتور معاط كدة😖تبيان قالت يخخخ دة شنو ابو دي حالة ياخ😣قلت ليها ابو المعط زاتو🙁طارق قال الشي دة اهلو مستحملنو كيف😒 عدينا المحاضرة كلها قطيعة والحمد لله😂✋🏻ووليد الرمة قاعد جنب وحدة كدة وشكلو بحنك معاها🤭طارق قال بالله شوف البياع دة😒قلت ليهو ي فلاحتك انت والاخ التاني دة😤 خلصنا المحاضرات وطلعنا طارق قال لي وليد تبيعني وتربط من وراي🤨قال ليهو اربط شنو كان ونسة عادية بدل معط الراجل دة😂💔 مشينا الكافتريا طارق ووليد قالو عازمننا
قلت ليهم غايتو اتحملو براكم اتدبستو😝انا طلبت بيتزا🍕 وكاتشب🌶وبيبسي🍷وتبيان طلبت بيرقر🍔وسڤن اب🍸وليد قال اصلو نفسكم طبيعي مفتوحة كدا ولا عشان نحنا عازمنكم بتقلو ادب🙁قلت ليهو الله اكبر عليك ياخ نفسك تتقفل😒قال لي ابوس يدك ي هتون م تبدي تداعي ياخ😣✋🏻حتنتقمي من اهلي😔قلت ليهو ياخ انتو بتجبروني اتنرفز واداعيكم 😤قال لي وربي سكتت🤐تبيان قالت ليهو انت لم بتتجرس كدة بتتفصح ليه😂قال ليها خلاص ي زفتة😒طارق قال والله انتو عسل ياخ حافقدكم وحافقد هبالتنا دي بعد كم شهر💔
قلت ليهو واي ياخ حتكون اعفن ايام بدونكم😔💔تبيان قالت خلاص م تتنفسو لينا بالله🙁تلفوني ضرب كانت ماما قلت ليها هلا بالغلا😘 قالت لي خلصتي محاضرات? قلت ليها اي قالت لي تعالي بيت ناس حبوبتك السواق حيجيك قلت ليها في شنو? قالت لي بس تعالي قلت ليها طيب طلعنا واتحركنا ع باب الجامعة قلت لي تبيان حاوصلك وحامشي بيت ناس حبوبة قالت لي زيييت العربية جات وصلنا تبيان واتحركنا (دي حبوبتي ام ماما اسمها ثريا عايشين معاها خالتو اسماء وخالو محمد دة اصغر واحد فيهم♥)وصلت البيت ونزلت ضربت الجرس🖲فتح لي خالو محمد قال لي وين ي مزة😉قلت ليهو خالي الشاب💗قال لي خالك شنو ي رمة هسع اليشوفنا م بقول مربطين😬قلت ليهو ههههههه فعلا ياخ😂اها سبب اللمة الكريمة دي شنو? قال لي خشي وحتعرفي☺دخلت وسلمت ع حبوبة قالت لي البت المجنونة وصلت😘قلت ليها حبوبة حرام عليك ياخ😄جات خالتو اسماء قالت لي بتي الحلوة 😍قلت ليها خالتو حبيبتي😘
ماما قالت لي انا م بسلمو علي😒قلت ليها معقولة ياخ😂♥ومشيت سلمت عليها قلت ليهم اها خيييير اللمة الحلوة دي سببها شنو🙃فجاة في زول غطى لي عيوني👀قلت ليهم دة منو مش كلكم قاعدين ?خالو محمد قال لي فكري سمعت الصوت قال لي معقولة م عرفتيني?! قلت هبة? زحت ويدينها وقالت لي يب هبة زاتها😊قعدت اصرخ ووواي ياخ اشتقت ليييك😍وحضنتها💗قالت لي كتييييير الشووووق ياخ♥ (طبعا دي بت خالتي اسماء وكانو مع ابوهم في السعودية هي واخوها اسامة ليهم سنتين لانو خالتو اسماء وراجلها منفصلين)بعدها مشيت ع اسامة الكان واقف ورانا وبضحك قلت ليهو موووشتاقين ي كرور انت😍♥قال لي والله بالاكتر ي سجم ياخ💗قعدنا كلنا هبة قالت لي خبراتك قلت ليها والله الحمد لله خالتو اسماء قالت لي اسامة وين صحبك? قال ليها والله شكلو تعبان نام قلت ليهو صحبك? قال لي اي ابوهو صاحب ابوي عندنا مشروع هنا مع بعض قلت ليهو حلو ربنا يوفقكم☺♥ قال لي امين تسلمي💜هبة قالت لي ارح نطلع الغرفة انا تعبانة قلت ليها ارح طلعنا الغرفة قالت لي اها جديدك قلت ليها زي م انا قالت لي دي اخر سنة في الجامعة صح? قلت ليها يب قالت لي هانت ي زولة قلت ليها ااي والله اها وانتي اخبارك شنو ?
قالت لي والله م في خبر ولا جديد غير اني ارتبطت🙈قلت ليها دة انور ولا

زول تاني😄قالت لي بس ياهو ي عفنة😁(طبعا دة صاحبها من الجامعة وكان جاري وراها) قلت ليها زييت ي زولة قالت لي تصدقي طول السنتين ديل كان صابر ومتمسك بي اكد لي انو بحبني حتى لو انا بعيدة😊قلت ليها حبيبتي تتهنو ياخ😍قالت لي اها وانتي?قلت ليها انا شنو قالت لي م عندك زول كدة ولا كدة😉قلت ليها ابدا والله قالت لي لييه بس قلت ليها م عنـدي النية ياخ قالت لي انتي وتبيان الكنتو بتشاغلو الاولاد زمان ياخ م خليتو ولد في حالو معقولة هسع قاعدين ساي😂قلت ليها ي زولة دي وهمنة مننا ساي🤓قالت لي بالجد تبيان اخبارها شنو اشتقت ليها قلت ليها كويسة هسع كانت معاي لو كنت عارفة انو انتو جيتو كنت جبتها معاي قالت لي سلمي عليها كتيير قلت ليها ان شاء الله♥قالت لي انا نعسانة ياخ يلا نووم قلت ليها يلا والله انا زاتي تعبانة😫نمنا مسافة طويلة بعدها جات خالتو اسماء صحتنا عشان نتغدا طلعنا برة خالو محمد قال لينا الحلوين والله الليلة البيت نور♥قلت ليهو يسلمو ي قمييل انت😍هبة قالت ليهو خالي العثل منور بيك😘 قعدنا وماما وخالتو اسماء رصو الاكل بعدها اسامة جا ومعاهو صحبو قال السلام عليكم🙂
قالو ليه وعليكم السلام (صراحة الولد مزة وكسار)بس م اهتميت بيهو كتير💁🏻‍♀طول القعدة كان بتونس مع الباقين وانا بس ساكتة🤐قام اسامة قال لي هتون شنو الهدوء دة م اتعرفنا عقلنا ولا شنو😄ماما قالت ليهو عقلنا شنو تعال شوفها في البيت عاملة لينا عمايل😬 (ليييه كدا ي نبع الحنان ياخ🙄)قال لي يعني دة اصطناع😂 قلت ليهو اسامة خلي الكلام واتحشي ياخ😏قال لي واخيرا هتوان الرداحة ظهرت😆 هبة قالت ليهو والدعاية كمان🤣 قلت ليهو ياخ افصلوها🤨 بعد الغدا انا وهبة عملنا الشاي وكلهم كانو قاعدين في الصالة شربو الشاي والاولاد قامو بعدها مهند جا سلم علي ناس حبوبة وسلم علي هبة بعدها مشى لي ناس اسامة وخالو محمد بالمغرب كدا مهند قال لينا نمشي بعد كدا ودعناهم ومشينا اول م دخلت البيت اتصلت لتبيان قالت لي الحلووو مشتاقين😘قلت ليها كتيير يقمييل قالت لي اها في شنو في بيت حبوبتك قلت ليها واي بس اتخيلي معاي هبة واسامة جو☺قالت لي جادة قلت ليها اي والله وهبة تسلم عليك كتير قالت لي الله يسلما ياخ اشتقت ليها والله😇قلت ليها هي زاتها اشتاقت ليك قالت لي اها خالك وولد خالتك المزز كيفهم😆
قلت ليها طول عمرك واطية😏كويسين ياخ واسامة جا صحبو معاهو قالت لي جادة?! اها كيف حلو? قلت ليها بالله ابردي هو حلاتو يعني بس انا م اديتو اهتمام💁🏻‍♀قالت لي طول عمرك هبلة م اتكلمتي معاهو? قلت ليها نووو🌚قالت لي ووواي منك🙇🏻‍♀استني اجي اقتلك😤قلت ليها هي طيري بلاي ماشة اغير انا قالت لي طيب ي عفنة😒مشيت الحمام اتدوشت وغيرت ملابسي ومسكت الجوال وشغلت اغنية) shape of you😴♥)في ال mp3 ودخلت الفيس لقيت الود الاسمو هيثم داك مرسل لي طلب استغربت بس وافقت وطلعت خشيت اتونست في الواتس فجاة جاتني رسالة ماسنجر كانت من الاسمو هيثم📩

****************************
يلا يقمليييين نتلاقى😴♥

#اشرب_دواي_من_وجنتيك ❤
-٣-
بقلمي:Mërö🐣💕
........................................... .......... فجاة جاتني رسالة ماسنجر كانت من الاسمو هيثم داك فتحتها لقيتو مرسل لي السلام عليكم رديت ب وعليكم السلام قال لي كيفك قلت ليهو الحمد لله قال لي اسف ع الموقف بتاع المنشور جد انا كنت بهظر ساي ولم شفتك انفعلتي بقيت عايز اغيظك قلت ليهو م مشكلة قال لي تعرفي انا زول انطوائي شوية م بتكلم مع بنات م عارف بس بحس انهم منافقات ساي قلت ليهو م كلهم واحد قال لي احتمال اتناقشنا كتير وفي النهاية قال لي ارتحت ليك قلت ليهم تسلم قال لي صح م عرفت اسمك قلت ليهم هتون قال لي تشرفنا قلت ليهو الشرف لي كنت مرهقة شديد نمت طوالي م صحيت الا الصباح استحميت ونزلت م كنت شغالة جامعة لقيت مهند طلع وماما بتقرا قران في الصالة❤قلت ليها صباحو عسل😘قالت لي يسعد صباحك حبيبتي😊♥مشيت اشتغلت نضافة في البيت وغيرت الملايات وولعت بخور😍 ماما قالت لي تسلم يدك حبيبتي❤قلت ليها الله يسلمك ي غالية💕مشيت عملت نسكافيه وقعدت جنب التلفزيون وبقيت بقلب في القنوات لقيت دورا شغالة طوالي خليتو وبقيت بحضر🤓صح هو فيهو وهمنات كدة بس مسلي ياخ😹💔فجاة جرس الباب ضرب🚨 مشيت فتحت الباب لقيتها تبيان قالت لي ي فقر قلت ليها خير مالك من قبل الصباح😒قالت لي كدي زحي من قدامي دخلت وبقت بتنادي خالتو وينك🗣ماما جات طالعة قالت ليها البت الحلوة😍قالت ليها خالتو الموووزة😘سلمت عليها ودخلنا جنب التلفزيون قلت ليها اها مالك ي السمحة🤓قالت لي جاية قلت ادب مني مالك انتي😚قلت ليها واتية😂قالت لي منحتة😒وبعدين دا شنو برنامج الشفع دة قلت ليها يخ حلو ارح نحضرو😹قالت لي ارح انفعلنا مع البرنامج شديد ولم يقو قفو كنا بنقيف ع حيلنا ونصرخ معاهم😂غايتو اتعارونا جات ماما قالت الله يعقلكم بس دي حالة بنات متخرجات😏تبيان قالت ليها كتري من الدعوات ي خالتو😂بعد البرنامج انتهى طلعنا الغرفة قالت لي اها احكي قلت ليها مففف شي وانتي قالت لي نفس الحنك🌚قلت ليها هي هيثم بتاع المنشور داك رسل لي طلب قالت لي جادة🧐قلت ليها اي والله قالت لي اها وبعدها قلت ليها رسل لي ماسنجر قالت لي جيبي التلفون دا🤨 قلت ليها دقيقة فتحتو واديتو ليها قرت الرسايل قالت لي الله الله ارتاحو ليك وكدة😉 قلت ليها م تعلقي الموضوع عادي 😕قالت لي بالله زول اصلا م بعرفك ولا شافك يقول ليك ارتحت ليك دة عادي😁قلت ليها تبيان وربي م تسكتي بفنك بالمخدة دي😒قالت لي خلاص ياخ سكتنا😏قلت ليها خير م فعلتي☺قالت لي ال mp3 وين? قلت ليها افتحي الدرج التحت دة بتلقيهو طلعتو وشغلت مكاشفي القوم وقعدنا نتعاور💃🏻💃🏻فجاة ماما فتحت الباب وهي بتضحك قالت لينا خلو الجن البتعملو فيهو دا وانزلو ناس حبوبتك تحت ويضحكو في عوارتكم دي ساي😂قلت لي تبيان وووب كتمت😫قالت لي ابو الزفت 😣قالت لي صاحب اسامة بكون جا صح? قلت ليها اكيد وااافضيحتاه😖قالت لي يلا نطلع طيب متشوقة اشوفو🌚قلت ليها طيب دقيقة اغير بس ملابسي دي قصيرة مشيت لبست لي بنطلون بني وقميص ابيض وختيت لي طرحة بنية ونزلنا انا وتبيان خالو قال البنات المجانين😹تبيان مشت سلمت ع هبة انا سلمت عليهم كلهم لما جا دور صاحب اسامة سلمت عليهو سريع وقعدت جنب تبيان🌚الرمة قرصتني وقالت لي ي هبلة دة زول بفوتوهو هسع😒 الولد زي النوتيلا🍯قلت ليها شكلك جعانة😏 قالت لي جوع يضربك طول عمرك حتفضلي كدا😒اسامة قال لينا هي انتو حركاتكم دي م حتخلوها صح🤨قلت ليهو اي حركات? 😕قال لي جنكم دا😂قلت ليهو نووو مستحيل قال لي مستحيل تكبري اصلا قلت ليهو شكرا ياه😛بعد مسافة كدة مهند جا قال اوه الناس الحلوة البيت نور سلم عليهم وقعد اسامة قال ليهو انت اختك دي شوف ليها حل وديها مصح او اي شي وتبيان دي زاتها معاها😂💔قال ليهو اصلا ديل ميئوس منهم😂قلت ليهم عيش مجنونا فالحياة العاقلة مملة احيانا🤓تبيان قالت لي كفك ياخ😂🖐🏻 خالو محمد قال لينا ربنا يكملكم بعقلكم😅قلت ليهو اميــن ي خالو😜بعدها مشينا انا وهبة وتبيان مع ماما وخالتو اسماء جهزنا الفطور انا عملت ليهم البيض والسلطة والحاجات الخفيفة دي بعدها رصينا الصفرة وقعدنا كلنا اسامة قال الاكل روعة تسلم اياديكم😍قلت ليهو من صنع يدي😌قال لي هههههاي كضابة قلت ليهو اتسمم وانت ساكت😏قال لي اللماضة يحردوها ليك😒بعد الاكل عملنا الشاي وبعداك طلعنا غرفتي انا وتبيان وهبة وبقينا نتونس هبة قالت لينا انتو جادين انو م في زول في حياتكم قلت ليها قمة الجدية تبيان قالت ليها جازفي لينا لو عندك😂قالت ليها طوالي😹💔اتونسنا لحد م نادونا للغدا نزلنا وجهزنا معاهم وقعدنا كلنا عيوني وقعت ع صاحب اسامة كان مركز معاي👀اتجاهلتو المهم خلصنا غدا وقمنا دخلنا في الشاي والجبنة والحاجات دي انا كنت مرهقة شديد ياخ طوالي دخلت غرفتي ومن غير م اشعر نمت😴بس ي فرحة م تمتش جوني هبة وتبيان زي القدر🙁تبيان شغالة لي نحنا نفتش فيك من قبيل وحضرتك نايمة هنا قومي ي عواليق😒هبة قالت لي سوورعة

اتنفضي قومي🤨قلت ليهم تفففففف ياخ قايمة😐🖐🏻دخلت الحمام غسلت وشي وسرحت شعري وطلعت وراهم ماما قالت لي اعملي كيكة زي بتاعت المرة الفاتت قلت ليها طوويب دخلت المطبخ واصلا كنت متذكرة الطريقة عملتها ودخلتها الفرن هبة قالت لي اتطورنا يختي😂قلت ليها شودييييد ي بت امي😂💔بعد مسافة كدا طلعت الكيك وقطعتو🍩🥧 هبة عملت الشاي وتبيان جهزت الكبابي وانا ختيت الكيك في صحون وطلعنا الحديقث ورصينا الكراسي واما مشيت ناديت ناس مهند اتلمينا كلنا خالو محمد قال لي ماما والله الكيك رهيب ماما قالت ليهو تسلم ي حمادة بس عملتو هتون حبوبة قالت لي بتي الفالحة😘خالو قال ليها منو منو? قلت ليهو احم انا دي مالك🤨 قال لي ماشاء الله بقينا ندخل المطبخ اسامة قال لي ابداع ي هتونة❤قلت ليهم تسلم لي ي سووومي ياخ🤤❤مهند قال ليهم والله ياخ تطور ملحوظ فعلا😂 قلت ليهم خلاصي راسي حيكبر😐🖐🏻مهند قال جيبو دبووس😹📌فجاة تبيان العفنة قرصتني ياخ الحيوانة دي حتكمل لحمي😫💔قالت لي صاحب اسامة دا حياكلك بعيونو😉عاينت ليهو لقيتو فعلا بعاين لي بس لم عاينت ليهو نزل عيونو اتعاملت مع الموضوع بعفوية وقلت يمكن م قصدو شي😇قعدو معانا لحد بالليل كدة بعدها مشو تبيان قالت لي الاخو كان مركز شديد شايفاهو قلت ليها مع نفسو ي زولة قالت لي صراحة الود مزة ياخ وشكلو كدة منبرش فيك قلت ليها خلي الهبل دا ويلا عع بيتكم🐸قالت لي تطرديني انا ي رمة😒قلت ليها ايون🌚قالت لي تفففف ع خلقتك دي بس 😙💦يلا تصبحي رد قلت ليها مححح ليك ياخ💋قالت لي واتية قلت ليها منحتة😂طلعت بيتهم وانا دخلت غرفتي وبقيت بفكر في كلام تبيان ونظرات صاحب اسامة والانا للان م بعرفو اسمو لحد م نمت😴♥

نتــــلاقــــى😉♥

#اشرب_دواي_من_وجنتيك ♥
-٤-
بقلمي:Mero🐣💕
...........................................
تاني يوم كنت شغالة جامعة صحيت ونفس الروتين لبست لي عباية سوداء بي رمادي وطرحة رمادية واسبورت رمادي وشلت شنطة رمادية ونزلت ♥ لقيت مهند قاعد وماما ختت ليهو الشاي صبحت عليهم وقعدت ماما جابت لي الشاي وانا بشرب في الشاي تبيان اتصلت لي قالت لي انا في العربية انزلي قلت ليها اشرب الشاي وانزل ليك قالت لي ظريف. خلصت الشاي ونزلت. تبيان قالت لي صباحو الحلو😍قلت ليها يسعدو ي عثل😘واتحركنا قالت لي اها موضوع امس حاساك طول الليل فكرتي فيهو قلت ليها فعلا فكرت ولقيت كلامك كلو اوهام ليس الا😐قالت لي برافو صفقة ليك..ياخ😒 قلت ليها تسلمي ياخ😏قالت لي بايخة قلت ليها زييييييييك. وصلنا الجامعة واول م دخلنا مشينا ع الكافتريا. المحاضرة كان فاضل ليها ربع ساعة ووليد ومصطفى م كانو ظاهرين. طلبنا قهوة وبعدها قلت لي تبيان ارح القاعة بعد كدة. قالت لي ارح بس الشباب ديل ليه م ظاهرين?قلت ليها الليلة بالغو عديل 😕 اتحركنا ع القاعة سمعت مصطفى بنادي تبو وام وجنات اقيفو اتلفت لقيتو هو ووليد جايين. قلت ليهو ياخ من كترة م بتناديني ام وجنات قربت انسى اسمي زاتو😂قال لي لا بالجد كدة هو انتي اسمك منو🤔?قلت ليهو سخيييييييف😒وليد قال يلا بالله قبل يدخل لينا استاذ بايخ ويرفض يدخلنا وتفضحونا 😐قلت ليهو ارح ارح🤓دخلنا وعدينا اليوم وفي نهاية اليوم كنا انا وتبيان قاعدين تحت شجرة كدا قامت قالت لي هتون قلت ليها احكي قالت لي انتي م ملاحظة بالجد كدة انو الولد دة كان مركز معاك ?قلت ليها حتى ولو يمكن لفت انتباهو او عجبتو ساي وكدة قالت لي والله يمكن معاك حق م علينا انسي خلاص. قلت ليها وهو كذلك بعدها العربية جات ورجعنا البيت. لقيت ماما مافي في الصالة طلعت ليها غرفتها لقيتها راقدة قلت ليها مالك ي ماما في شنو? قالت لي ولا شي صداع بس. قلت ليها بلعتي حاجة? قالت لي لا. مشيت المطبخ عملت ليها كباية عصير وشلت ليها مسكن وطلعت اديتو ليها قالت لي تسلمي حبيبتي😊.قعدت جنبها قالت لي انا كويسة والله امشي غيري ملابسك. قلت ليها طيب مشيت غرفتي اتدوشت وغيرت رجعت غرفة ماما لقيتها نايمة طلعت براحة ورجعت غرفتي نمت 😴 بعد مسافة صحيت ع صوت مهند قال لي هتونة قومي جهزي الغدا شايف ماما نايمة قلت ليهو طيب غسلت وشي ونزلت جهزت الصفرة طلعت وصحيت ماما ومشيت لمهند في غرفتو قال لي دقيقة واجي. نزلنا ومهند جا وراي قعدنا كلنا واتغدينا بعدها قمت عايزة الم الصفرة ماما قالت لي خليها انا بلمها قلت ليها ارتاحي انا بلمها. لميت الصفرة وجهزت الشاي مشيت لقيت ماما في الصالة قالت لي مهند دا طلع غرفتو قلت ليها طيب طلعت لمهند واديتو الشاي بعدها رجعت غرفتي ومسكت التلفون جاتني رسالة ماسنجر من هيثم خشيت اتونست معاهو مسافة عدت الايام وانا وهيثم بقينا طوالي بنتواصل مع بعض حتى اني ارتحت ليهو شديد طلب رقمي.اديتو ليهو وبقى متواصل معاي واتس في يوم بالعصر كنت قاعدة وزهجانة لبست عبايتي وطلعت لماما قلت ليها انا حامشي لي تبيان قالت لي طيب طلعت ومشيت ضربت الجرس فتحت لي امها خالتو محاسن سلمت عليها وقالت لي تبيان في غرفتها .طلعت ليها اول م شافتني قالت لي واو هتون في بيتنا😮?قلت ليها بطلي ظرافة😒 .قعدت جنبها قالت لي اها احكي قلت ليها ملل فظيع قالت لي نفس الحنك قلت ليها هي ع فكرة انا وهيثم بقينا متواصلين واتس🌚طوالي نطت وقعدت في نص السرير قالت لي دة الود بتاع المنشور قلت ليها يب قالت لي عفنة ياخ. هسع م كان وهمي😏👊🏻قلت ليها ياخ طلع ظريف 🤓 قالت لي جيبي تلفونك دا خليني اقرا اديتو ليها خشت الماسنجر قالت لي واي دي كلها رسايل اقراها كيف انا قلت ليها م في داعي. قالت لي اها احكي لي بالمختصر المفيد. اممم ياخ بس كدا ارتاح لي وارتحت ليهو وبقى متواصل معاي في الماسنجر وطلب رقمي واديتو ليهو. اممممم يعني كسرتي حنك صاحب اسامة م مشكلة بشيلو انا🤓قلت ليها واتيييية🌚 قالت لي منحتة👊🏻 اتونسنا وبعدها رجعت البيت اول م دخلت ماما قالت لي خالتك اسماء اتصلت وقالت بكرة نمشي نقيل معاهم لانو بكرة الجمعة وكدا وقالو ليك سوقي تبيان. قلت ليها طيب اتصلت لتبيان وكلمتها قالت لي تمام خشيت الواتس لقيت هيثم مرسل لي كيفو الحلو? قلت ليهو تمام وانت? قال لي تمام دامك تمام قلت ليهو تسلم قال لي اها كيف كان يومك. احكي لي قلت ليهو والله كان ملل ومشيت لصحبتي. قال لي تبيان? وطوالي حذف الرسالة بس انا عاملة تفعيل عدم حذف قلت ليهو ايوة تبيان وانت عرفتها من وين? قال لي انتي مرة قلتي اسمها قلت ليهو انا? قال لي اي تكوني نسيتي. قلت ليهو طيب ليه حذفت الرسالة?! قال لي خفت تفهميني غلط. استغربت من الموضوع وانا م متذكرة اصلا اني قبل كدة جبت سيرة تبيان بس قلت بكون نسيت وكدا. اتونست معاهو عادي قال لي ممكن مكالمة? قلت ليهو طيب اتصل لي رديت قال لي الو. ياخ صوتو. كدا يرد الروح😴قلت ليهو اهلين. قال لي هتون صح قلت ليهو ا

يوة هتون قال لي صوتك حلو. قلت ليهو من ذوقك. قعد يتونس معاي مسافة وقال لي انا عايز اقول ليك حاجة قلت ليهو اتفضل قال لي انا ي هتون انا امممم انا بحبك. اتصدمت للحظة😳وم عرفت ارد فضلت ساكتة قال لي عارف حتكوني اتصدمتي بس حتى انا م عارف كيف ومتين حبيتك بس بحبك ياخ فكري في الموضوع واديني رايك.وحتى لو رفضتي حنفضل اصحاب ويلا خلي بالك من نفسك وقفل الخط. كنت ملخبطة بين مبسوطة وخايفة كان في احساس جواي بقول لي كيف تحبيهو وانتي م. عارفة عنو حاجة? فضلت افكر كتير لحد م نمت. صحيت الصباح ع صوت تبيان وهي بتصحي فيني قالت لي ي كسولة نحنا طالعين ع فكرة قومي😐قلت ليها الساعة كم? قالت لي 8ونص قلت ليها واي اتاخرت😮بس لاني امس م قدرت انوم بسرعة قالت لي مالك? حكيت ليها بالحصل كلو قالت لي حباك بالسرعة دي معقول? وم شافك قبل كدة كمان قلت ليها م عارفة ياخ قالت لي قومي اجهزي هسع وبعدين نتكلم في الموضوع قلت ليها تمام خشيت استحميت ولبست لي عباية سودا بي اوف وايت ولبست جزمة وطرحة اوف وايت وشلت لي شنطة صغيرة سودا ونزلت🌚♥

حنشوف قصة هيثم وحبو السريع لهتون سببو شنو وهل حبهم حيكون ناجح او فاشل بس في الحلقات الجاية☺♥
نتــــــــلاقى🤓

#اشرب_دواي_من_وجنتيك ♥
-٥-
بقلمي:Merö🐣💕
........................................................................نزلت لقيت ماما وتبيان قاعدين وراجيني في الصالة ماما قالت لي بالغتي الليلة ي هتون. قلت ليها معليش كنت تعبانة شوية🙂.قالت لي مالك? قلت ليها مرهقة شوية بس دخلت المطبخ عملت نسكافيه ومشيت جنبهم. ماما قالت لي مالك ي بت بالجد? قلت ليها م في شي والله شوية تعب بس خلصت النسكافيه وماما ضربت للسواق ونزلنا ماما ركبت قدام وانا وتبيان ركبنا ورا تبيان قالت لي بطلي سرحان. افرديها😉👊🏻 قلت ليها والله محتارة ياخ😕انا اصلا م بفكر في المواضيع دي قالت لي خليك عادية هسع بنتفاهم بعدين طيب. قلت ليها خلاص. وصلنا ودخلنا سلمنا ع ناس حبوبة وهبة وخالتو وقعدنا قلت ليهم خالو حبيبي وين?حبوبة ضحكت وقالت لي عندو شغل بجي هسع .خالتو قالت لينا قومو ي شابات اعملو لينا جبنة ظريفة كدة وتعالو الجنينة☺مشينا المطبخ انا وهبة وتبيان لقيت البن خلص في العلبة قلت لي هبة جيبي لي بن عشان اقليهو مدت لي الكيس وبديت اعمل فيهو الريحة فاحت. جا خالو محمد قال لينا ريحة الجبنة صدعت بي. قلت ليهو دقايق وبتطلع😅قال لي خلاص بمشي اخد لي دش واجي قلت ليهو حلو. هبه قالت لي طول عمرك معلمة في الجبنة😂قلت ليها يب يب🤓وحبوبة بتتكيف لي جبنتي دي ياخ😂♥تبيان قالت الله لينا نحنا الم بنعرف نكيف زول😂قلت ليها جهزو لي الفناجين بس واقيفو واتعلمو😛.قالت لي خلاص بطلي تذلينا😒قليت البن وهبة جابت السحانة وسحنتو وتبيان رصت الفناجين وانا عملت فنكوش وولعت بخور♥🎶.جهزنا القهوة وشلناها طلعنا. حبوبة قالت الله الله ريحة الجبنة بتاعت هتون دي تكيف الزول ياخ😊قلت ليها تسلمي ي غالية😘خالتو اسماء قالت لي تسلم يدك.قلت ليهم حامشي انادي خالو طلعت لي خالو في غرفتو لقيتو واقف بسرح في شعرو في المراية وبغني قلت ليهو اشي علي المزاج رايق ضحك وقال لي شديد. قلت ليهة بتحب من وراي ي خالو😉 قال لي تقريبا كدا😄قلت ليهو هسع ارح القهوة حتبرد لنا لقاءآخر😌قال لي ارح ي فيلسوفة انتي😹طلعنا انا وخالو مع بعض وبنغني حلوين هديل شايلين معانا الريدة زاهر وسوسنة بتاعت هدى عربي😂.واول م طلعنا لقينا اسامة وصحبو قاعدين. ماما قالت لي خلاص اتلميتي انتي وخالك😂اسامة قال لي هتون والجبنة الظريفة. قلت ليهو ظريف انت ياخ. اسامة عاين لصحبو وقال ليهو كيف الجبنة? قال ليهو ظريفة شديد وعاين لي. انا طوالي نزلت عيوني. اسامة قال ليهو دي بت خالتي هتون طبعا وي هتون دا صحبي .........طوالي الولد قاطعو وقال ليهو ي اسامة اااااا تعال دقيقة في حاجة اوريك ليها. استغربت بس عديت الموضوع. خالو قال احلى قهوة من احلى بت😘قلت ليهو. احلى خالو فيك ي دنيا😍خالتو اسماء قالت لي وانا م في لي شي 😕قلت ليها معقول ياخ قمت حضنتها ضحكت وقالت لي حبيبتي ياخ. قمنا دخلنا جوة وحبوبة بقت تونس فينا واسامة وصحبو جو قعدو معانا كنت ماسكة تلفوني جاتني رسالة واتس من اختي هيفاء قالت لي حننزل السودان قريب (طبعا هي في دبي)بقيت اصرخ وانطط😂ماما قالت لي ي مجنونة في شنو? قلت ليها هيفاء ي ماما قالت حيجو قريب قالت لي جادة?قلت ليها اي.والله وجريت حضنتها بقت تبكي انا زاتي بكيت معاها لانو طولنا منها.حبوبة قالت لينا خلاص بالله بدل تفرحو تبكو .اسامة قال لي هتونة المجنونة بطلي بكا خلاص .ضحكت وقلت ليهو مجنونةالبتعرسك ي عواليق .قال لي لا ياخ م تردحي لي م قدرك انا😹 .فجاة صحبو ضحك وقال ليهو ظريفة بت خالتك دي ابتسمت ليهو ابتسامة باردة وقلت ليهو شكرا ياه🙂.شلت التلفون وقلت لي هيفاء معليش ياداب صحيت من الصدمة بعد نططت وصرخت 😹تنورو ياخ😘وحنيني الحلوة وربي اشتقت ليها. قالت لي طول عمرك مجنونة😂 ونحنا اشتقنا لييكم كتيير♥.قلت ليها رسلي لي صورة ليها هسع. رسلتها لي ياخ عسولة البت دي هي عمرها زي5سنين كدا عملتها بروفايل وكتبت حنيني حتنورينا😍♥ اتونسنا مسافة وبرضو صاحب اسامة كان بعاين لي😐 رسلت لي تبيان في الواتس الود دا مالو عايني ليهو بعاين لي كيف. قالت لي غايتو بالغ بولييغ😂.بعدها خالو قال لي حبيبة خالها. قلت ليهو عيونا. قال لي فاضل كم شهر وتتخرجي? قلت ليهو تقريبا كدة شهرين. قال لي تمام. خشيت الواتس لقيت كذا رسالة من هيثم طلعت وم رديتو .بقيت سرحانة تبيان قالت لي مالك? قلت ليها هيثم مرسل لي. هبة قالت لتبيان هتون مالها? قالت ليها ارح غرفتك ونحكي ليك. هبة قالت ليهم معليش ي جماعة نحنا طالعين غرفتي. طلعنا وتبيان حكت لهبة هبة قالت لي وانتي خايفة من الموضوع ليه? قلت ليها انا م بفكر اني احب وكدا ولم احب م عايزة احب واحد م شفتو ولا شافني. وبعدين الفترة القصيرة دي يعني م تسمح ليهو انو يحبني قالت لي والله كلامك صح بس كمان يمكن يكون جادي اديهو فرصة في نوع حب كدا مجرد انو ارتاح ليك عندو كفاية لانو يحبك دون م يشوفك وكدا. تبيان قالت لي فكري وشوفي قلبك. عايز شنو. قلت ليهم خلاص طيب. فجاة حسيت اني عطشانة قلت ليهم ماشة اشرب م

وية نزلت مشيت المطبخ وشلت موية وبقيت بغني عايشالك لاليسا. سمعت صوت زول بقول البت المجنونة. الصوت م كان غريب اتلفتت لقيتو صاحب اسامة. قلت ليهو حتى انت لحقت تعرف اني مجنونة😑?قال لي واضح من كلام اهلك عنك وتصرفاتك. قلت ليهو امممم بالجد كدا انت اسمك مين? سكت مسافة وحسيتو اتردد قال لي تلفوني قعد يضرب عن اذنك. قلت الود دا حاسي بشنو حاساهو م عايزني اعرف اسمو حاسحرو ليهو يعني😏.طلعت الغرفة لقيت هبة وتبيان كل وحدة ماسكة تلفونا قلت ليهم ياخ ونسوني خلو التلفونات. هبة قالت لي نقول شنو🙁قلت ليها اي شي ي سجم😒. بقينا نتونس عن ايام زمان وكدة ياخ ضحكنا ضحك والكلام كلو كان عن هبلنا وحركاتنا انا وتبيان😹بالمغرب كدة مهند جا عشان يسوقنا حبوبة ثريا قالت ليهو اصلك م قعد تجينا لازم تقعد معانا. خالتو وماما عملو الشاي وقعدنا كلنا في الصالة. حبوبة قعدت تحكي لينا عننا لم كنا صغار قالت هتون دي كانت مجنونة زي م هي هسع م اتغيرت وكانت جنها مشاكل. قلت ليها حبوبة ياخ كفاية فضايح😂تبيان قالت لي تاريخ مشرف😹👊🏻قلت ليها شودييييد😩كلهم بقو يضحكو. شربنا الشاي وقعدنا لحد العشا.كدا وبعدها رجعنا البيت اول م وصلنا هيثم اتصل لي قال لي ليه م رديتي? قلت ليهو والله م عارفة اقول ليك شنو لكين انا اصلا م بفكر في الحب وكدة وبعدين طريقة حبنا دي حتكون غريبة وم لينا كتير بنعرف بعض وكدة.قال لي فعلا م طولنا من عرفنا بعض بس انا حبيتك وارتحت ليك بس راحتك اهم💔يلا م اطول عليك. عدينا كذا يوم م اتكلمنا مع بعض صراحة فرق معاي شديد م عارفة دا حب? ولا لاني بس اتعودت عليهو وفي يوم انا وتبيان في الجامعة فتحت الواتس لقيت هيثم خاتي في الحالة صورة يدو عامل فيها حرف H والدم سايل وكاتب تحت بحبها♥قلت لي تبيان شوفي المجنون دا. قالت لي واي يهناية😕💔قلت ليها ليهو كم يوم م اتكلم معاي كمان قالت لي فرق معاك? قلت ليها شديد. قالت لي وخايفة عليهو كمان شكلك وقعتي😑قلت ليها م عارفة ياخ. قالت لي م حتتكلمي معاهو? قلت ليها لحد م ارجع البيت بشوف قالت لي طيب. وريني البحصل شنو قلت ليها تمام. مشيت البيت طلعت غرفتي استحميت وطلعت مسكت التلفون كنت مترددة بس في النهاية اتصلت ليهو😶

نشوف البحصل في البارت الجاي. نـتـلاقــى😉