*#مراهقون_ولكن...!!{{06}}*
*#بقلم_أحمد_محمد_نور(øřbē)*

*" ٲحيانا نحن بحاجة لصدمة قوية كي نستطيع الهروب من كابوس مخيف ارهق كاهلنا ما يهم فقط هو مدي وكيفية تلقينا لتلك الصدمة!! "*
ــــــــــــــــــــــــــــــــــــــــــــ

ٳيثار كانت قاعدة مع شلتها تحت شجرة النيم الكبيرة وقفت قبل ما تخت يدينها في خدها وتصرخة بٲعلي حسها:وااااااااي الbts نزلو اغنية جديدة اسمها boy with luv عجييييبة موووووت
براءة وهي بتغطي ليها خشمها وتقعدها بسرعة:يخرب بيت هبلك يا شيخة خلعتينا الله لا جاب باقيك
عمار وهو خاتي يدينو في اضانو من شدة الصرخة:انا نفسي اعرف العاجبك في الكوريين الحلب ديل شنو كلهم نفس الدقة وبشبهو البنات
يوسف: بطالى ساي ديل تلقى الواحد فيهم عامل زي اللقوية ونافش ريشو ع الفاضي احساس يا دنيا ما فيك الا انا
(اعزائي الكيبوبر المحترمين اردموا براحة تمام ...خليكم ديمقراطيين دسيس?? ) 
ٳيثار اتنفخت من الغضب وجرت ليهم نور لمن اتكيفوو رفعت صباعها قبل ما تضيق عيونها وتقول بلهجة فيها نوع من التهديد
:هوووي احسن ليكم والله بزعل منكم ما تقولو عليهم كدا يخ هم كيوووت بس
يوسف:للٲسف دي الحقيقة
عمار:الحقيقة المرة الما عايزة تقتنعي بيها
براءة اتكشمت ونزلت راسها تحت: انتي الولد القرضة الاشقر داك كان ٳسمو منو
الكنتي خاتاهو في بروفايلك
_دا البايس بتاعي (الزول المفضل في الفرقة)كيم تايهيونغ الحب الابدي
_حبة تقوم ليك في نص رٱسك دا بلا حب بلا كلام فارغ معاك مصيرك تعيشي مع مان ود السودان وغمز ليها
_ٲحسن ما ٲرد عليك لٲنك غيران وزي ما بقولو الما بتلحقو جدعو
عمار فكى الضحكة:هههههههاااااي سمعتو سمعتو قالت شنو انا عمار دا اغير من الحراحر ديل
_عمار للمرة الدخشمية ما تنبزهم عشان ما انفصم فيك تمام
_حٲراعى لي مشاعرك المرة دي وٲسكت لٲني ما عايز اصرف عربي كتير معاك وزي ما بقولو علاج الجاهل التجاهل
_قصدك اني جاهلة صح??قصدك كدا مش
??
_والله الحرامي في رٲسو ريشة والفي رٲسو ريشة بتحسسها ولا كييف
براءة:عمار اسكت عشان ما اصرف ليك بركاوي براي زهجانة وقافلة معاي
_كلو ولا بركاويك الفاخر دا
يوسف:دا كلو كوم واستخدامو للمكياج كوم تاني ممكن تديني تفسير منطقي يا استاذة ايثار??
_احم احم طبعا حبيبيVأصلا أسمر والكوريين عندهم عنصرية ضد السمر فعشان كدا مديرهم بعمل ليهم مكياج عشان يبيضهم ونفس الشئ عند البنات في الشركات التانية
_ايوا وأنا اقول لي وشو حلبي ورقبتو سوداء عامل كدا زي الاقحوانة
_الله اكبر عليك ما تتلمي يا بت عشان ما اقوم عليك
_خلاص خلاص سكت
لتين كان ساكتة ومسهية بعيد حست بالوهن بتملكها من اعلي رٲسها الي اخمص قدميها هي لسع ما قادرة تنساهو كييف تنساهو وهو متربع علي عرش قلبها وما عايز يزح منو زي مجلسنا العسكري(من هذا المنطلق حابي اوجه رسالة لمجلس المرتزقة والجنجويد ديل عاااينو انتو عايزين تصلو لشنو?? فهمكم شنو ااا??ما تجيبو من الاخر كدا بدل ما كلو يوم هاردين كبتدنا!!امبارح حصل اشتباك بين  عساكر وضربو رصاص واتوفت ست شاي وكانت حامل بولدها في شهرها السادس يعني انتو خلاص دم الناس دا بقى رخيص عندكم للدرجة دي?? دي ارواح ناس يا عالم اتقو الله فينا حسبنا الله ونعم الوكيل فيكم يلا
عشان الناس تكون ملمه بحدث شارع النيل
سبب الاشتباك هو
عربه اكسنت مضلع تابعة لهيئه الاستخبارات العسكريه كان سايقها رائد علي حسب علمي جنب من اذاعه القوات المسلحه فيلا قامو اعترضوه أفراد من قوات الدعم السريع عرف بنفسو وهم قالو الا افتشو العربيه اعترضهم وبقي في تبادل بألفاظ نابيه ما اتحملها هو وهم بادرو بااشهار سلاحهم والشي الطبيعي انو في الرائد طلع الطبنجه حقتو واشتبكو دي دوله القانون البتكلمو عنها
وماخفي اعظم #يلا نواصل عشان ما نطلع من مود الرواية......
اثناء ما هم قاعدين رئبال وسديم جو ماريين بجنبهم رئبال اول ما انتبه للتين حدر ليها تحديرة كدا ما اظن تنساها في حياتها ومشي
إيثار بقت تعاين مرة للتين ومرة لرئبال اتلاقو حاجبيها بإستغراب وقالت: أنا بتخيل ولا الولد الحلبي دا حمر للتين ومشى
_لا ما بتتخيلي انا زاتي لاحظت ليهو مالو مشبهها ولا شنو؟؟
وكلهم بقو يعاينو للتين كانو منتظرين إجابة منها لكن هي فاجاتهم..شالت شنطتها قبل ما تقوم منهم وتستأذنهم:ابقى اوريكم قصتي مع الولد دا بعدين إتثأبت وواصلت:نعسانة يخ عايزة انوم نتلاقي بكرا يا شباب
_يلا بااااي انا زاتي ماشة بعد دا
ولحقت لتين المشت تشوف اخوانها عشان يركبو الترحيل طلعو بره لقو ليث وليان واقفين وكانو منتظرنها
ليث سلم علي ايثار
:هلا ايثار كيفك
_بخير الحمدلله وانت
_ما عندي عوجة تب
وركبو الترحيل وطول الطريق لتين كانت سرحانة وشوية تتكلم مع إيثار وتعاين بالشباك لمن خلاص وصلو بيت إيثار لفت نظرها
إياد ومعاهو بنت بنزلو من العربية ويضحكو بأعلي صوتهم إيثار لاحظت ليهم وعاينت للتين بخلعة لقت وشها جامد مافيهو اي تعبير ربتت علي كتفها قبل ما تودعها وتنزل من الباص
مليحيظة:بيت ناس إيثا

ر وناس إياد جنب بعض بفصلهم شارع واحد بس
لتين رجعت بيتهم وهي ما طايقة نفسها دخلت غرفتها ولا اتكلمت مع زول طوالي اترمت في السرير وبكت بكل حرقة ما حست بالزمن البكت فيهو كم وقفت بكى ورفعت رأسها بصوت الباب وهو بدق مسحت دموعها واتنحنحت قبل ما تفتح الباب جاها صوت امها نادية
:لتين مالك يا بت ما اكلتي انا كنت خاتة ليك لكن لقيتو زي ما هو
لتيت قالت بنبرة بتحاول تخفي فيها انها كانت بتبكي:ما جعانة انا يا امي والله
_كييف الكلام دا??يا بت انتي نصيحة نوديك الدكتور??
_لا ما فيني شئ يا امي بس تعبانة ومصدعة حبتين
_ دقيقة اجيب ليك بندول ومسكن ابلعيهو ونومي طوالي
_حاااضر
_الليلة العصر عماتك بيان وسهى جاين اقبيل اتصلو لي بصحيك قبل ما يجو انتي هسي ارتاحي
لتين نطت بفرحة:عمتو بيان جااات??yes yes والله اشتقت ليها موووت يخخخ
بعدها غطت في نوم عميق وما صحت الا لمن امها صحتها ونزلت معاها تحت اتغدت وساعدت امها في المطبخ وبعد نص ساعة كدا الباب دقى وكانو بيان وسهي لتين
جرت عليها بفرحة صرخت قبل ما تقول :بيااااااني وربي الخلقني مشتاااقيييين
_وربي انا اكتر يا لتونه ياااخ وهاك يا بوس واحضان
سهي:احم احم انا ما بشتاقو لي كمان ??لتين ضحكت وقالت ليها الشوق كتيرات يا سهويتي والله
وسلمت علي ليث وليان وما خلت ليهم حاجة جضمتهم وباستهم وخضنتهم لمن اتكيفوو وسلمت علي نادية وسألتها عن اخبار حسان اخوها المهم قعدو يتونسو طويل بيان قالت للتين: يلا منتظراك بكرا تجيني في بيتنا تمام عندي ليك هدية من المووت
_بالجد ياخ انتي الزيك منو اختيك وين انا
ليان لوت خشمها وقالت بنرفزة:طيب واحنا ما عندنا هدايا ولا بس بتجيبي لحبيبة القلب دي
بيان ضحكت:لالا يخ جبت ليكم هدايا انتي وليث تعالو بكرة شيلوها
ليان نطت من الفرحة وجرت تكلم امها
شربو الشاي باللقيمات وبعدها ودعوهم ومشو
لتين القعدة والونسة دي فرقت معاها شديد وشوفة عماتها ردت فيها الروح وطلعتها من مود الحزن والكأبة
ـــــــــــــــــــــــــــــــــــــــــــــــــــ

اما بهناك في جانب ٳيثار رجعت بيتهم اكلت ونامت صحت قريب للمغرب اتغدت بعدها مسكت جوالها فركت يدينها بحماس وخشت تويتر لقت الحرب بادية بين الٲرميز والبلينكس كالعادة دخلت تووش وبقت تردم معاهم
احم احم طبعا ما فاهمين حاجة صح??دقيقة افهمكم مع انو انا زاتي تعبت عشان افهم
طبعا اي فرقة عندها نادي معجبين خاص عندكم مثلا الbts(فتيان ضد الرصاص)النادي بتاعهم اسموarmys جيش يعني ومفردهاarmy يعني جياشي طبعا النادي بتاع bts حقارييين وجنهم مشاكل مع النوادي التانية بزات مع البلاك بينكس وبقعدو يتشاكلو ويساهرو الليل كلو تحت مسمي حرب المعجبين"fans war"الحرب بتكون في السوشيال ميديا غالبا في تويتر بتكون عبارة عن اي زول ينزل تغريدة بينبذ فيها او بيدافع فيها عن نفسو وفرقتو وكدا يعني
إيثار ارميز متعصبة جدا بتكره البلينكس والاكسواز موووت
البلاك بينكس دي فرقة مكونة من 4بنات
يعني احساس ايوا نحن بنات عندنا الجانب الوردي الرقيق الناعم وكائنات لطيفه لكن عندنا الجانب الاسود القوي ولو قمنا عليكم بننهيكم
"لو حابين تعرفو تفاصيل اكتر وتدخلو في عالم الكيبوب امشو لعمكم قوقل بعزكم والله"
ــــــــــــــــــــــــــــــــــــــــــ
في غرفة مظلمة وباردة كان هناك رجل في العقد الرابع من عمره يدخن سيجارته الفاخرة بشراهة غزا الشيب رأسه واكسبه هيبة ووقار سمع طرق خفيف في الباب قبل ان يدخل شاب عشريني ويقول
بلهجة سويدية سليمة:سيدي جأتنا معلومات مؤكدة بٲن الهدف سيأتي الي هنا الاسبوع القادم بماذا تٲمرنا حضرتك??
ارتسمت ابتسامة شفافة في وشو وقف قبل ما يطق المكتب بتاعو ويرد عليهو بلهجة سويدية متمكنة وصوت جهور قاسي: اريد ان اعرف في اي وقت سيأتي واي طائرة يستقلها وكم عدد الحراس الذين بصحبته هيا اسرع لم يعد هناك وقت كافي
نفث سيجارته الكولومبية الفاخرة ثم نظر لسحب الدخان التي تصاعدت واختلطت مع الهواء قبل ان  يضحك ضحكة صفراوية ويقول
بلهجة سودانية ركيكة:موتك قرب ههههههه انتي قايلة نفسك حتهربي مني انا فاندام مافي زول بتخداني
الاكشن بدا...!!

يتبع......

*#مراهقون_ولكن...!!{{07}}*
*#بقلم_أحمد_محمد_نور(øřbē)*

*" إتخاذ قرار في لحظة ضعف منك سيكون سبب في تدمير حياتك لذلك تعقل ولا تجعل مجرد مشاعر عابرة تؤثر علي قراراتك "*
ــــــــــــــــــــــــــــــــــــــــــــــ
كانت قاعدة في غرفتها وبتهز رجلها بتوتر حاولت تفتح باب غرفتها بس مافي فايدة كان مقفول من بره قعدت في الارض بإنهيار وبقت بتفكر كيف حتطلع من الغرفة دي للحظه جاتها فكرة أنو تنط من الشباك بس مستحيل تقدر تعمل كدا اذا نطت حتتكسر وتموت لانها في الطابق الثالث بقت تمشي وتجي في الغرفة بسرعة وهي بتفكر في طريقة للهروب كان كل همها انو تطلع من الجحيم العايشة فيهو دا سمعت صوت الباب وهو بفتح طوالي جرت علي السرير وعملت نفسها نايمة ضربات قلبها بقت تدق بسرعة لمن سمعت صوتو الخشن المخيف وهو بنده عليها:
قومي اصحي كفاك نوم يا مره
_هممممم مالك يا خليل في شنو الوقت لسع بدري ياخ
_قومي يا الما بتشبهي النسوان سوي لي الشاي دا انا طالع بدري الليلة قومها من السرير بقسوة ودفرها لمن وقعت:قومي قامت قيامتك مرة فقرية وكسلانة وما نافعة في شئ
ما إتكلمت معاهو طوالي مشت المطبخ وعملت الشاي ودموعها نازلة عشرة عشرة
خلصت وجات لقتو قاعد في الصالة وشغال في تلفونو
ختت الشاي جنبو وبقت بتعاين ليهو شرب جغمة من الشاي طوالي تفاهو وكشح ليها باقي الشاي الحار في وشها قبل ما ينهرها ويقول بصوت فيهو تهديد:دا شنووو انتي عارفاني ما بحب السكر الكتير صح طيري يلا سوي واحد تاني اخرتيني الله يأخر سعدك إن شاء الله ما سمعها غير بتقول ليهو:حاضر ومشت وهي ما قادرة تتنفس حست بالاكسجين انعدم في الجو مشت غسلت وشها بموية باردة وجففتو بعدها مسحت عسل في وشها كأنت بتتألم وبتئن بصوت واطي بعد ما عملت الشاي جابتو وجات لقتو مافيش متخيلين معاي طلع وخلاها زي كأنو ما حصل شئ!!!!ما ابدت اي ردة فعل لانو بقى بالنسبة ليها عادي كلو يوم هي بالحالة دي تنضرب وتتهان وتسمع كلام فارغ ما بيسر عدوها وفوق دا كلو حابسها وما بخليها تطلع حتة الا معاهو ومشغلها زي الخدامة تحت رجولو تطبخ وتكنس وتمسح بالرغم من انو عندو خدم بس مخليها تعمل دا كلو براها ومرات بجيها بليل بدقها بدون سبب ويقفلها وعادي كان بحبسها يوم كامل لا بتأكل لا بتشرب وبتقضي الليل كلو بكى وفي صلاتها بتتحسبن عليهو وبتدعي الله انو ينقذها من براثيمو مرات بجي البيت سكران وما قادر يمشي من السكر وكان بحاول يقرب عليها بس هي ما ادتو فرصة وكلو مرة كانت بتهرب منو ومن الخوف كانت بتقفل نفسها في غرفتها وما بتطلع ابدا لكن هو قدر يشيل منها المفتاح وغير الكالون وبقى بقفلها من بره وبدخل ليها في الوقت الهو عايزو زي كأنها عصفورة حابسها في قفص صغير كانت حرفيا عايشة في جحيم ما بيت ما كانت عارفة هي عملت شنو عشان يحصل ليها كلو دا هل ذنبها انها حبت راجل كان غاشيها وواهمها بانو بحبها؟؟بعد ما عملت كل شئ عشان تحافظ علي حبها دا اكتشفت انو كان بيتلعب عليها كانت ضحية لمؤامرة خبيثة بعد ما اتزوجتو بالغصب اكتشفت انو ما دايرها واتزوجها عشان اهلو بقو ينقو عليه بالزواج بسبب عمايلو الوسخة طلعت مجرد ساتر بيداري وراهو ويغطي علي عمايلو الخبيثة استصغرت نفسها شديد وحست بانها غبيه ونكره بس هي إتاخرت شديد عشان تعرف كل دا دفعت ثمن تمسكها بقرارها دا غالي خسرت امها وابوها وعيلتها وكل حاجة اتمنت لو ترجع بالزمن لورا ما كانت حتعمل كدا ابدا بس خلاص الفأس وقعت في الراس وما حينفع الندم تاني
*********
قعدت في الكرسي بإنهيار قبل ما تقول بصوت عالي:ميمي تعالي شيلي الشاي دا من خلقتي سرعة
ميمي جات جاريه:مالك في سنو يا ماما واسااان تكورك كدا هيييه دا سنو في وشك دا
_ دا عسل نحل ما تتخلعي كدا
_واسل نحل بيأكلو ولا بختو في وش
وسن بنرفزة:قلت ليك شيلي الشاي دا من خلقتي ما بتفهمي انتي؟؟حبش اخر زمن
وطلعت فوق دخلت غرفتها وقفلت عليها الباب فتحت الكومودينة بتاعتها وطلعت مجموعة بتاعت صور كانت صورة ليها مع امها وابوها واخوها الصغير الوحيد سديم حضنت الصورة شديد قبل ما تقول بصوت مبحوح:امي أبوي مشتاقة ليكم شديد انا والله سامحوني بس انا ندمانة وسافه التراب انا خنت ثقتكم وما سمعت كلامكم كنت عميانة وما شايفة شئ أنا أنانية صح?? ما كان لازم اعمل كدا سامحوني يا حبايبي الحلوين طبعت قبلة عميقة قبل ما تخت صورتهم وتشيل صورة تانية وتتحسها بلهفة كانت خاتة يدها في كتف اخوها سديم وبتضحك اما هو فكان مبتسم ورافع حواجبينو بإستهبال نزلت منها دمعة ساخنة وقالت بحشرجة:اشتقت ليك يا سديم اخوي اخخخ لو بتعرف مستعدة ادفع كم عشان أشوف ضحتك لمن تعصبني وتنرفزني اشتقت لشكلنا وشغبنا في البيت واشتقت لكلمة يا بقرة يا حيوانة يا بجم يا سجم اقسم كانت بتطلع منك زي العسل دفنت الصورة في صدرها وقالت بهمس:بحبك يا غلاي
#Flash_back
كانت نايمة في السرير وغاطه في نوم عميق فجأة دخل عليها شاب ستاشراوي كدا وهو شايل في يدو جك موية بارد لمن مندي إبتسم بخبث قبل ما يكشح ا

لجك ب

كل برود في أختو القامت من السرير مخلوعة وقلبها كان حيقيف صرخت بأعلي حس عندها:سديييييييييييم وربي الليلة ما اخليك يا ود الحرام بس وين ياا زولنا كبرها زمان بالباب الورى نزلت بغضب وهي بتردح ليهو لقت امها وابوها بشربو الشاي بمزاج ويتونسو ويضحكو اصلا متعودين علي الجوطة دي من اول الصباح
امها ضحكت قبل ما تقول ليها:اها عمل شنو الليلة كمان السجمان دا
_كشح فيني موية باردة يكشحو فيهو موية نار شاحدة الله
ابوها رد ليها:يستاهل اكتر من كدا دا ود كلب وما مربى
_كدي تعالي أشربي الشاي وسيبك من المجنون دا
_لالا يا امي انا ما حاأهدا كان ما علقتو في المروحة دي انا وينو ليهو الزفت دا
_انا شفتو جرى علي ناحية الحمام اجري زريهو قبل ما يشرد
_يحمموهو بزيت حار ان شاء الله المعولق دا
_يا بت هووي ما تدعي كتير علي اخوك
_وسن الحقي الفار شرد
وسن طوالي لحقتو وهي حالفة ستين يمين انها ما بتخليهو
أول ما مشت سعاد شاكلت عبداللطيف
:هييا عبد اللطيف ما تسخن البت دي زيادة عشان ما يقعدو يتصارعو لينا هنا
_ما بتجيهم عوجة يا سعاد الاولاد ديل بريدو بعض شديد لكن زي ما بقولو البريدك بعذبك هههههه الله يحميهم ويغطي عليهم وما يفرقهم ان شاء الله
_امييين واشوفهم عرسان وباولادهم وافرح بيهم
بهناك وسن وسديم شغالين نبيذ تقيل
_اسوي ليك شنو انتي بقره ما بتصحي الا كدا نسيتي انو الليلة لازم نمشي عن عمتو زهراء عشان تخريج حمودي ولدها
_اااه صح نسيت التخريج انا والله دي الحسنة الوحيدة فيك
_اها لقيتيني كييف انفع مصحياتي مش كدا??
_كدي اطلع لي من الغرفة دي وقابلني راجل لي مرة يا مصحياتي انت
_قصدك راجل لي راجل يا جعفر هههههعع
_رجلك بالقطع حيوان دا وبعدين ما تناديني جعفر سامع
_حاضر يا جعفر تاني ما حاقول ليك جعفر
_اللهم يطولك يا روح يا رب فكني من البلوة الوقعت فيها دي يا رب اطلع عشان ما اكسر الباب دا وأخش ليك وأوريك شعاع
_ماااام ما طالع قلت ليك
_طيب براك جبتو لنفسك ورجعت ورا وجات جارية دفرت الباب ابا يفتح المرة التانية برضو وفي المرة التالتة جات جارية بسرعة بس اتفاجات بسديم بفتح الباب طوالي خشت في الباب وطاخ ضربت رأسها وقفت قبل ما ينزل خيط من الدم علي جبهتها وهي من شافتو سال
طوالي جات واقعة في الواطة بكل قوتها

السادس من يوليو إستيقظت علي حركة الممرضة  وهي تنزع مني بهدوء"الدرب"فتحت عيناي ببطء ووجدت والداي واخي الصغير يجلسون بقربى تحسست رأسي بألم وحاولت أن اتذكر ماذا حصل لي!!
كنت نائمة كعادتي في غرفتي قبل ان يدخل علي اخي الصغير الشقي وفي يده "جك"من الماء البارد لم يتردد للحظه في سكبه علي وجهي لا إنكر انني كنت مثل الكتكوت الصغير الذي"صبت"فيه المطرة لأول مره صرخت بإسمه قبل أن أنظر جيدا لأنني أعرف مزاحه الثقيل ولكنني لم أجده اووه تبا لقد فر اللعين نزلت وأنا أسب ساخطة"أردح" وجدت ابواي العزيزان يحتسيان "الشاي"معا تحدثت معهم قليلا قبل أن اذهب وأبحث عن ذلك الشقي وجدته يختبئ في غرفته كالفار الصغير طرقت الباب بقوة وأنا لا أرى امامي من شدة الغضب حاول امتصاص غضبي بحيلة ماكرة معللا سبب فعلته بانه كان يريد أن أستقيظ لكي نذهب لعمتنا "زهراء"فهم اليوم يحتفلون بتخرج إبنها الصغير"حمودي" من الروضة يا له من فتي ماكر يعرف ان نومي ثقيل ولا استطيع النهوض بسهولة علي كل حال هذا ليس سببا لفعلته هذه قلت مهددة اذا لم تفتح لي فسأكسر هذا الباب وحينها لم يسرك ما سأفعل لم اسمع منه صوت ضحكاته الساخرة أخذتني"الهاشمية"ورحت أحاول فتح الباب ولكنني لم أستطيع لم أستسلم ورجعت الي الخلف وانطلقت بكل قوتي نحو الباب ولكنه فاجاءني وفتح الباب فضربت رأسي بقوة اووه تبا كم هو قاسي ومؤلم هذا الباب اللعين لمست رأسي فتلونت يدي باللون الأحمر وكان خيط من الدماء يزين جبهتي لم استطع تمالك نفسي فأنا لدي فوبيا من الدم سرعان ما سقطت ولم أشعر بشئ بعدها
قطع تفكيري صوت أمي الحنون وهي تعانقني بقوة وتقول لي:حمدلله علي سلامتك يا بتي والله دخلت فيني خوفه
ازدردت ريقي بصعوبة ثم قلت لها:الله يسلمك يا إمي ما تشوفي شر إن شاء الله وسامحيني لأني خوفتك
أمسك أبي بيدي ثم قال:الحمدلله يا بتي جات سليمة قدر ولطف بس
قلت ليهو:اي والله يا أبوي الحمدلله
قالت الممرضة لوالداي بأن "الدكتور "سيأتي قريبا ليراني شكرتها قبل أن تخرج
ثم حولت نظري اليه كان يجلس بسكون في كرسي وهو مطأطأ راسه وملامحه لا تكاد تفسر لإول مرة في حياتي أرى فيها أخي الصغير مكسور هكذا قلت له "بزعل مصطنع"
:ما نفسك تجي تسلم علي؟؟
رفغ رأسه ونظر إلي بذهول وكأنه كان شارد الذهن ولم ينتبه لإستيقاظي تقدم نحوي ثم أجابني
:أسف والله ما انتهبت لمن صحيتي سكت مسافة بعدها واصل:لكن دا كلو بسببي انا انتي هسي بتتوجعي بسبب تصرفاتي الطفولية دي
قلت ليه بإستنكار:يا ولد هاا دا قدر مكتوب بطل هبل وبعدين أنا زاتي غلطانة لأني قايلة نفسي سوبر مان  فدا ما بي سببك انت مارد علي وتاني رجع يسهي لم أكن أعرف ما يدور في عقل هذا المراهق

فهو كتوم وغريب جدا
بعد اقل من ربع ساعة جاء الطبيب ليفحصني وبعد أن انتهينا قال لوالداي:مافي شئ تاني ممكن تطلعو بعد دا والحمدلله علي سلامة بتكم بس لازم تجوني كل٣يوم عشان نغير الجرح شكرناه ثم خرجنا من الغرفة
انتظرنا والدي حتي ينتهي من الاجراءات بعدها ذهبنا إلي البيت وكنا نأتي كل ٣أيام لتنظيف الجرح وفي يوم بينما نحن في المستشفي عندما فرغنا من جلسة التنظيف لفت انتباهي رجل وسيم يذهب ويأتي بسرعة كرجل عجوز يبحث عن إذاعته المفضله كان يبدو متوترا وقلقا شعرت بالفضول ومن حسن حظي اننا كنا متوجهين ناحيته ترددت قليلا قبل أن أساله ما خطبه شعرت بالغضب عندما تجاهلني وأخرج هاتفه وذهب وهو يتحدث به أكملت طريقي وأنا أسب ساخطة همست لي أمي دعك منه انه مغرور فحسب لا تلقى بالا له
قلت لها:لكنني كنت أريد مساعدته و..قبل ان انهي جملتي هذه جاءنا صوت رجل ينادينا عرفت انه هو ذلك الرجل المغرور وقف امامنا قبل أن يلقي التحية علي والداي بلباقة ويقول لي:
عذرا سيدتي أنا أسف لانني تجاهلتك لكنني كنت انتظر مكالمة مهمة من شخص ما
نظرت لإمي ثم ابتسمت له وقلت:حسنا لا بأس ولكنني كنت أريد مساعدتك يبدو أنك واقع بورطة كبيرة أليس كذلك؟؟أجابني:بلى يا أنسة أختي ستقيم عملية خطرة جدا ونحتاج للتبرع بالدم لها فصيلة دمي مطابقة لها ولكنهم قالو بأن الكمية التي سيأخذونها مني لا تكفي ونحتاج لمتبرع أخر اتصلت بصديق لي يعمل في "بنك الدم"ولكنه قال بأن الامر يستغرق بعض الوقت ونحن نريده الان بسرعة
أجبته بدون تفكير:ما هي فصيلة دمها
o+يا سيدتي_
_ممتاز انها تطابق فصيلتي حسنا سوف أتبرع بالدم لأجل أختك المريضة
كاد الرجل يطير من شدة الفرح وشكرني علي موقفي النبيل هذا ولكن أبي صدني رافضا:مستحيل ستفقدين وعيك اذا رأيت الدم أنسيتي ان لديك فوبيا منه؟؟
لم أستطيع الرد عليه لأنه محق فيما يقوله سأصاب بالهلع اذا رأيت قطرة من الدم
قالت أمي:سوف أتبرع أنا بالدم اذا يا بني
_لا يا سعاد فأنت مريضة ولن تؤخذ منك قطرة
قال الرجل:أنتم لستم مجبرين لتفعلو هذا اذا لم تريدو فلا تفعلو وشكر الله سعيكم قاطعته بحدة:لا أنا اريد مساعدتك حقا ولا يهمني ماذا سيحدث هيا بنا ونظرت إلي والداي بثقة وإصرار وقلت لهم:انا استطيع فعل ذلك
استسلما لإصراري الشديد ووافق

ا وذهبت لطبيبي الذي ينظف لي الجرح وأخبرته بانني أريد ان اتبرع بالدم لشخص مريض لم يمانع الطبيب الأمر وهنا لم يعد لوالداي اي حجة للرفض ذهبت للغرفة التي سأتبرع فيها بالدم وكانت ساقيا "تتطاقشان"من شدة الخوف ولكنني تمالكت نفسي وقلت مواسية سأغمض عيناي فحسب ولن أرى شيئا لحين اخذ العينة مني
جلست بتوتر علي السرير وأكاد أجزم بأنني قضمت كل أظافري ولم ابقي منها شئ اتسعت عيناي عندما رأيت الممرضة وهي تحمل معها حقنة ضخمة كدت أن أفعلها علي نفسي ولكن"الله ستر بس" اووه تبا لقد نسيت انني أخاف الحقن أيضا يالي من فتاة ضعيفة وجبانة رباااه!!ربما ما يحصل معي هو أمتحان لإختبار شجاعتي وبينما أنا غارقة في التفكير جأني صوت الممرضة ضاحكة
:لقد أخذت العينة يمكنك فتح عينيك الأن يا سيدتي
فتحت فمي بوسعه وأنا لا أصدق ما حدث
ضحكت الممرضة علي شكلي ثم قالت:يبدو بإنك تخافين الحقن أليس كذلك
اجبتها وأكاد أن أدخل في أظافري من الخجل اووه تبا لقد تذكرت لم أعد أملك أظافر:نعم ولدي فوبيا من الدم أيضا
قالت لي:يبدو بأن المتبرع له شخص عزيز عليك لتواجهي مخاوفك من أجله
اجبتها وأنا أهز راسيا بالنفي:كلا فأنا لا أعرف المتبرع لها شخصيا ولكنني قابلت أخاها بالصدفة وقال لي بأنه يحتاج لمتبرع بسرعة فتبرعت له بالدم
قالت لي الممرضة بصدمة وابتسامه في نفس الوقت:كم أنت شخص رائع تتبرعين بالدم لشخص لا تعرفينه بالرغم من أنك مصابة ولديك فوبيا من الدم
أحمرا خداي من الخجل وقلت لها:اشكرك هذا لطف منك ولكنني قمت بالواجب قليل من دمي قد ينقذ مريض علي حافة الموت فلماذا أبخل عليه وأتركه يموت هكذا أنها في نظري جريمة أن تستطيع مساعدة أحد ولا تفعل
_أنت فتاة جيدة وناضجة بالرغم من صغر سنك
بعدها دخل علينا الرجل شكرني بشدة وقال: سيدتي لن أنسي معروفك هذا ما حييت
وأخذني لرؤية اخته المريضه وعائلته فوجدت والداي معهم وكان يبدو عليهما الفرح القيت التحيه عليهم وشكروني علي موقفي وعانقوني بشدة واولهم الفتاة المريضة كانو أناس طيبين حقا ولكن تم طردنا جميعا بحجة تجهيز المريضة للعملية وكنا ننتظر في الخارج وقلوبنا في أيدينا حتي انتهت العملية وخرج الطبيب من غرفة العمليات هرولنا اليه بسرعة وسألناه عن العملية ابتسم لنا وقال:الحمدلله العملية نجحت بنسبة١٠٠%لو ما كان اتبرعو ليها بالدم كان هسي حتكون في خبر كان
حمدت الله لظهوري في الوقت المناسب
واحضر الرجل الذي يدعي"خليل" الحلوى ووزعها علي كل المستشفي بأكمله قبل أن نغادر المستشفي
تبادلنا الأرقام وذهبت الي البيت وأنا أشعر بفخر عظيم وسعادة غامرة من فعلتي هذه
مرت الايام وعلاقتي أنا وخليل تطورت وأصبحنا نتحدث كل يوم فلا يمر يوم من دون

أن نتحدث معا سواء في مواقع التواصل او مكالمات هاتفية وألتقينا عدة مرات في مقاهي ومطاعم وفي يوم إتصل بي ونبره صوته كانت غريبة جدا أحسست بأن هناك شئ ما يخفيه عني سألته بسرعه ما الذي يخفيه عني صمت لعدة دقائق ثم قال بعدها انه يحبني ويريدني للزواح ادعيت انني متفاجئة ومصدومة من كلامه ولكنني في قرارة نفسي كدت أطير من الفرح قلت له بحدة كنت اظن اننا مجرد أصدقاء مقربين ليس إلا أسفه لكنني لا استطيع تخيل نفسي حبيبتك أو زوجتك لم يستطع كتم حزنه من كلامي ولكنه تماسك وقال لي سأمهلك بعض الوقت لتفكري لست علي عجل قلت له أنت تعرف ردي من الأن وأنهيت المكالمة وبعد أسبوعان من "الشحتفه"والحنيس" وافقت ليهو وقال لي كلمي أهلك وأنا بكلم أهلي قلت ليهو تمام وبعد٣يوم فاتحت اهلي في الموضوع دا وكان والداي رافضا للأمر بشدة بحجة أن خليل يكبرني بخمسة عشر عاما وأنني ما زلت صغيرة علي الزواج
*وسن كان عمرها٢٢وسديم١٦*
تجاهلت كلامهما وقلت بلا مبالاة:سيأتي هو وأهله يوم الخميس القادم إجلسا معه وتحدثا إليه ستعرفون كم  هو شاب جيد ولطيف
قال والدي وعيناهو تتطاير من الشرر:لن يأتي أحد ولن تتزوجي هذا الرجل أن أصبح أخر رجل علي الأرض أتفهمين؟؟
قلت له وتكاد دموعي تنهمر:لماذا يا أبي حقا أنه شاب جيد ويريدني علي سنه الله ورسوله ماذا بدر منه لترفضه هكذا هيا أجبني؟؟
صفعني صفعة قوية كدت أن أفقد فيها أحد أضراسي أمسك يدي بقوة وأخذني إلي غرفتي ثم أغلق الباب بالمفتاح وقال:أبقى هنا فأنت لستي بوعيك الأن لقد سحرك ذلك اللعين وخدعك أيتها الغبية
أجبته بصوت متحشرج:لن تمنعوني من الذهاب لحبيبي سأهرب وأتزوجه رغما عن أنوفكم أنا وسن إذا اردت شئ فسأخذه بالقوة أتسمع هذا
_يبدو بأنني دللتك أكثر من اللازم اذا هربتي من هنا فسأعتبرك متي ولن أبحث عنك وسأنساكي للأبد هل فهمتي؟؟
قلت له بلا مبالاة :وليكن ذلك فأنت تتكلم هذا الكلام لأنك غاضب مني ولكنك في قرارة نفسك لن تستطيع فعل هذا بإبنتك المدلله أليس كذلك؟؟
_ جربي أن تهربي وتذهبي إليه وستعرفين
مضي اليوم الأول وانا محبوسة في غرفتي ولم أضع شئ في فمي منذ البارحة وكان أبي يراقبني بإستمرار وفي الليل ينام قرب غرفتي ليحرسني وفي يوم نظرت فيه عبر"العين السحرية"الخاصة بغرفتي فوجدته غارق في نوم عميق أبتسمت بسعادة أخيرا سأتمكن من الذهاب لحبيبي والعيش معه للأبد بدأت في حزم أمتعتي أخذت بعض ملابسي وأشيائي الخاصه وهاتفي القديم الذي تركته منذ زمن قفزت من شباك غرفتي بكل ثقة لم يكن عاليا ولكنني تألمت قليلا وإلتوت رجلي لم أشعر بخوف من الشارع المظلم وأصوات الكلاب البغيضة فقد كانت لهفتي للقاء حبيبي أكبر منهم فتحت هاتفي القديم ولكن تذكرت بأنه لا توجد به"شريحة"لفت إنتباهي البقال وهو يستعد لإغلاق بقالته ركضت إليه بسرعة وسألته أن يعطيني هاتفه لكي أتحدث مع شخص في أمر طارئ ألتقى حاجباه بتسأول وقال لي ماالذي أفعله وحدي في هذه الساعة المتأخرة من الليل أجبته بإختصار:أعطني هاتفك ولا تكثر الأسئلة من فضلك ياسيد أعطاني هاتفه وبسرعة دونت رقمه الذي أحفظه عن ظهر قلب ثم ضغطت علي زر الإتصال وأتاني رنين لعدة دقائق بعدها أجابني ويبدو النعاس في صوته يبدو بإنه كان نائما وأستيقظ بصوت مكالمتي صمت قليلا ثم قال لي:منو المتصل فيني زي الساعة دي ان شاء الله خير
قلت ليه بسرعة:خليل أنا وسن تعال لي هسي أنا في شارع....
_وسن!!!!مالك الحاصل عليك شنو والوداك هنا شنو؟؟أنطقي
_هربت من أهلي لانهم رفضو أني إتزوجك
_شنوو كييف يعني تهربي من أهلك انتي جنيتي في رأسك دا خليك في مكانك انا حاجي أرجعك بيتكم هسي
قلت ليه:لو حترجعني أهلي أحسن ما تجي زاتو وقفلت الخط في وشو وبقيت لافه في الشوارع زي المجنونة ولمن خلاص غلبني النعاس رقدت تحت عمود إنارة ونمت طوالي وما صحيت الا بصوت زول بينده علي وبشيلني يختني في العربية كان دا خليل  صحصحت وبقيت اتناقش معاهو شديد في موضوعنا لحدي ما في الاخير قال لي خلاص حأشوف حل وإقنعني أقعد في شقتو لحدي ما يظبط الأمور مع أهلو ونتزوج في الفترة القعدتها دي ما جاني خبر من أهلي ولا حتي سألو مني بالفعل أبوي كان جادي في كلامو ونساني جاتني كم مرة فكرة أتراجع عن قراري دا لكن حبي لخليل كان كلو مرة بغلبني
المهم بعد أسبوع جاني خليل وقال انو ظبط كل شئ مع أهلو وحنعرس الإسبوع الجاي وفي اتنين من أهلو اتبرعو أنو يبقو شهود لي وجات أختو "ندي"الكان اتبرعت ليها بالدم وقعدت معاي وبقينا صحبات المهم عملنا العرس كان بسيط ومافيهو جوطة كتيرة كنت فرحانة وزعلانة في نفس الوكت اتمنيت لو كانو اهلي معاي في أحلي ليلة من عمري لكن خلاص الحصل حصل جرتقونا ومشينا بيتنا
***********
ولكنه فاجاني في أول ليلة من زواجنا ووجدته يقول لي:لقد تزوجتك لأن والداي أصرا علي بالزواج ستكونين زوجتي بالإسم فقط فلا تتوقعي مني أي شئ أخر
قلت له:ولكنك قلت بأنك تحبني ولقد هربت من أهلي وتخليت عنهم لأجلك أهكذا ترد إلي جزاء حبي لك
_عزيزتي الغبية أنا لم أحبك ي

وما لقد خدعتك ببعض الكلمات المعسولة وجعلتك تصدقين بأنني احبك وأريد الزواج بك لقد تزوجتك لرضى أبواي علي وأنت تركت والداك لأجلي ولم تحصلى منهم سوى السخط والعقوق لست سوي مجرد طفلة أنانية بكاءة تعلقت بحب وهمي وهاهي الأن  تدفع ثمن تعلقها به ارأيت الفرق بيننا الأن يا مدلله أبيك وأصبح يضحك عاليا
نظرت إليه بحقد ثم بصقت علي وجهه وفي عيناي كل سخط العالم رمقته بنظرة جهنمية ثم قلت له:أنت أنسان مريض ليس إلا أحسست بكف ناري يلامس وجهي وكادت فروة رأسي أن تخلع في يديه سحبني من شعري بقوة وأخذني للغرفة المجاورة دفعني بقوة لأسقط علي الأرض:من اليوم سيكون هذا البيت سجنك الأبدي ولن تتمكني من رؤية والداك وأخوك ثانية
_سأهرب ولن تستطيع إيقافي
أقترب مني وضغط علي حنكي بقوة قبل أن يقول بصوت ملئ بالتهديد:جربي أن تهربي يا صغيرة وحينها سيكون أخر يوم لكي في حياتك هل تفهمين وذهب وتركني أرتعش ولم أكتحل بنوم تلك الليلة مرت الإيام وأصبحت حياتي جحيم وبكيت حتي أحسست بأن دموعي قد جفت ولم يعد هناك قطرة منها حاولت الهروب لعدة مرات ولكن في كل مرة كان يكشفني ويعذبني حتي أكف عن الهروب حتي إستسلمت ورضيت بالواقع المرير
وبعد عدة أسابيع وصلني خبر موت امي الذي وقع علي كالصاعقة فهي كانت مصابه بمرض"الربو"ولم تستطيع تحمل هروبي وزواجي من خليل وتوفيت ولم أخذ رضاها أو حتي أودعها قبل أن ترحل وتبعها أبي بعد شهر من شده حزنه عليها فقد كانت بالنسبة له كل شئ في هذه الحياه وأصبح أخي الصغير يكرهني ولا يطيق رؤيتي كيف لا وأنا التي سلبته سنده وعزوته في بداية حياته بسبب تمسكي بهذه
الشيطان المتنكر في هيأة ملاك فقدت أغلي ما لدي أمي وأبي وأخي وبقية أسرتي وحتي نفسي وإحترامي وها أنا اليوم أكتب هذه الحروف للتخفيف عن حزني فحزن مكتوب خير من حزن مكبوت كما تعلمون!! سأخبركم بسر أنا الأن أحاول الهروب من بيت هذه الشيطان فلقد أصبح العيش معه لا يطاق فهو يعذبني ويضربني طوال الوقت ويحبسني أيام لا أكل ولا أشرب لا أعرف حقا ما الخطاء الذي اقترفته لأتلقي منه هذه المعاملة القاسية.
*****
مسحت دموعها البللت وشها
وقفلت دفترها بسرعة ودستو في "الكومودينة" حقتها دلفت من غرفتها وهي بتقول في قرارة نفسها أنا لازم أطلع من البيت دا بأي طريقة

يتبع

*#مراهقون_ولكن...!!{{08}}*
*#بقلم_أحمد_محمد_نور(øřbē)*

*" اسواء شعور في هذه الحياة ٲن تمتلك وجه ليس لك...ٲن تكون في مكان وبيئة غير مناسبان لك...ٲن تعاني كل يوم من ٳتهام الناس لك...ٲن يعايروك بما ليس في يدك ولا يدهم...لايسعني حقا سوى أن أقول تبا لهذا العالم الغبي!! "*
ــــــــــــــــــــــــــــــــــــــــــــ
*#في مدرسة النخيل....*
سديم كان قاعد كالعادة بشرب ليهو في شيريا بمزاج جاهو رئبال وهو شايل كتاب الحاسوب في يدو قعد جمبو بشقاوة قبل مايشيل منو كباية الشيريا بسرعة ويشفطها ليك في جغمة وحدة بعدها قبل علي سديم الكان زي الصبت فيهو مطرة وبقى مركز في نقطة واحدة بس
_هوووي هااا مسهي وين أنت
قالها رئبال وهو بيأشر بيدينو قدام عيون سديم لزوم ينتبه ليهو
سديم وشو بقى جامد ومخيف وقال ليهو بنبرة جافة:الش..ش شيريا حقتي شربتها لي؟؟(بالنسبه للناس الما بتعرف الشيريا دي شنو...الشيريا دي عبارة عن كركدي مغلي وعلي فكرة بنفع في القحة مفيد شديد نصيحة جربيهو)
رئبال لاوز منو لكن ثبت وقال بغضب:يشروك في سلك عريان  شاحد الله عليك هسي عامل الدراما الرخيصه دي كلها عشان شربت الشيريا حقتك
سديم وهو بنتفض من مكانو:نعم نعم!!؟؟حبيبي الشيريا دي عشق لا ينتهي فاهم
وبعدين تعال هنا دا أنت بتجيب الكلام دا من وين؟؟
_من لنى اليوم كلو شغالة تدعي علي التقول كاتل ليها زول بتحبو
_ما لكن أنت ما مخليها في حالها تهبشها ع الطالعة والمارقة والمشكلة أنك بتتشاكل بيدك وهي بتتشاكل بلسانها
رئبال وهو برفع كتفو:بي حقي
_غايتو لكن قعد تضحكوني ضحك أنتو الأتنين
رئبال صره ليهو وشو وقال:شايفنا أرقوزات قدامك أنا وأختي؟
_اهاا خلاص قلبت الوش التاني
رئبال وهو بفرك يدينو بحماس:خلاص خلاص الوقت للعمل يلا يا مان أنا درس قبيل بتاع الgates(البوابات)داك ما فهمتو كويس ممكن تشرحو لي??
سديم عينو لمعت وأبتسم بخبث:امممم تمام حأشرح ليك لكن كل شئ بي حقو
رئبال وهو بقفل كتاب الحاسوب بزهج:عايزني أجيب ليك الزفت الشيريا حقتك دي صح
سديم أبتسم إبتسامه عريضة وأردف:أيوووون
_حاضر يا سيدي حأجيب ليك الزفت بتاعك دا وبعدها طوالي تشرح لي ومشي وهو بطنطن:هو ليهو ٣يوم ياداب بشرب فيها قال عشق لا ينتهي قال يتعشق واقف ان شاء الله الحمار..وصل جمبة خالتو إنصاف قعد في الكرسي قبل ما يقوليها
:واحد شيريا يا خالة لو سمحتي
_حاااضر من عيوني يا ولدي وبدت تسوي فيها
رئبال وهو بعاين ليها وهي بتغلي الكركدي وتخت ليها نعناع فوقو:عايزها سفري عليك الله
_عاد تمام مافي أي كلام
بعد ٥دقائق كانت الشيريا جاهزة شكرها قبل ما  يحاسبها ويمشي..
وهو راجع بالجابس كدا شم كباية الشيريا بطريقة درامية وقال:والله شكلو المرة دي خاتا ليها خرشة ولا مصيبة زمان في البتاع دا شوف بالله الأولاد متكبين فيها كيف غايتو البلد دي بقت ما مضمونة خالص
وصل عند سديم الكان ماسك الكتاب وبقرا فيهو بإهتمام قعد جمبو قبل ما يخت الكباية ويقول ليهو بتهكم
:هاك اتفضل اتخرررش يا حمار
_أسلوبك يا شاب نسيت أنو مستقبلك في يدي هسي
_والله أنت مستقبلك الحيضيع بالبلاوي البتشربها دي
_محسسني أني بشرب في فودكا ولا ويسكي أستغفر الله العظيم بس
_هسي الضمنك شنو أنو تكون ما خاتا ليها خرشه ولا بلوه فيها
_يا ديييين النبي رئبال ما عندك غرض بي لو فيها سم الليله برضو حأشربها تمام
_أقول ليك شئ ما تشرح لي زاتو والشيريا دي أعتبرها صدقة مني ولفى عايز يمشي
سديم وقفو:تعال تعال ماشي وين أنا بهظر معاك وربي...قعدو في البينش وقال ليهو:
أنت مش شربتها حسيت بي حاجة ما ياها؟؟
مط شفتو وقال:الصراحة لا ما حسيت بحاجة أبدا
_طيب مالك جايط من قبيل ما تظلم المرة المسكينة دي ساي خاف الله فيها ياااخي
سكت مسافه بعدها أستطرد:أنا أسف
_ولا يهمك حصل خير
_طيب ممكن نبدا الشرح هسي؟؟
_ايوا ومسك الكتاب وبدا يشرح ليهو:طيب يا سيدي أول شئ عندك بوابتين مهمتين شديدAnd وor يعني و وأو في المنطق الرياضي +جمع"×ضرب"بالجبر ٧ و ٨ بالمكافئ المنطقي أو المنطق الجبري كلو ماشي تمام معاك يلا عندك قاعدتين للحفظ مهمات شديد و٤قوانين برضو لازم تنتبه ليهم
(لخبطت رأسكم صح??ما حيفهموها الا ناس حاسوب) المهم بعد ساعة حتن فهم وأستوعب الدرس كويس
رئبال وهو بقفل الكتاب وببتسم بحبور:والله وقعت لي ررررب تسلم يا فردة ما نعدمك ان شاء الله
_اللهم أمييين ياااخ الله يسلمك آ ود الخال
(قلبو بلدي)
*#أما بهناك في جانب لتين وشلتها....*
إيثار كانت قاعدة وبتتثأب قدرتها عيونها مورمات وفي هالات سوداء تحت عيونها نتيجة للسهر
يوسف انتبه ليها وقال:أمبارح ما نمتي ولا شنو مالم عيونك ديل وارمات كدا??ردت ليهو وهي بتفرك في عيونها بنعاس:اي والله أمبارح كنت مساهرة بردم في البلينكس والاكسواز الكلاب
عمار رفع ليها حاجبو وقال بسخرية:وحات اسم الله ما جادة تساهري عشان الحراحر ديل أنتي الله دا ما أداك عقل تفكري بيهو زي باقي الناس؟؟هسي شوفي نفسك بقيتي عاملة كدا زي الباندا🐼
إيثار بنفاذ صبر:يا ربي

*#مراهقون_ولكن...!!{{10}}*
*#بقلم_أحمد_محمد_نور(øřbē)*

*"ثم أني أريدها يالله ضاحكة حد الهبل ، ثرثارة حتي الضجر ، مرحة بقدر الأمل ، جميلة كالقمر ، ملامحها كالغجر ، عيناها كالشرر ، تحبني ولا ترى غيري من البشر!! "*
ــــــــــــــــــــــــــــــــــــــــــــــ
الله أكبر، الله أكبر، الله أكبر ، الله أكبر، أشهد أن لا إله إلا الله ، أشهد أن لا إله إلا الله، أشهد أن محمدًا رسول الله ، أشهد أن محمدًا رسول الله ، حَيَّ على الصلاة ، حَيَّ على الصلاة ، حَيَّ على الفلاح ، حَيَّ على الفلاح ، الله أكبر، الله أكبر ، لا إله إلا الله»

علي صوت الأذان الإتردد صداهو في كل الجوامع بدت تدب الحركة في البيوت وسرعان ما إتسمع أصوات الأبواب وهي بتفتح وبتقفل دليل علي أنو الناس بدت تطلع لصلاة الفجر ، بيان صحت بدري بنشاط عشان تبدى مهمتها الجات عشانها صلت الصبح حاضر ودعت أنو تتوفق في شغلها الليلة ، قرت وردها اليومي من القران الكريم بعدها نزلت تحت لقت سهي بتكركب في المطبخ صبحت عليها وقالت ليها بإستغراب:الصحاك بدري الليلة شنو ما من عوايدك؟؟
أبتسمت ليها وأردفت:قلت نقعد نشرب الشاي سوا علي راحتنا وعملت لي كيك بالذبيب يهبل أقعدي أشربي
ييان بصرخة:واااي يعني صحيتي بدري وعملتي دا كلو عشاني أناthank you very match my sweet hearty شالت قطعة من الكيكة وبقت تأكل فيها بتلذذ:wow is very delicious please علميني أسويها كيف ياخ حلوة حلاة لكن دقيقة أنتي عملتيها متين؟؟سهي وهي بتخت كفتيرة الشاي في النار وبتقول:دي عملتها أمبارح بليل خصيص ليك ودسيتها عشان مافي زول يشيلها
_حبقلبي
_ممكن أعرف شغلك دا شنو بالضبط
_عصابة خطيرة بتاجر بالاعضاء والاسلحة وكدا يعني
_وببببعععللللييي في سوداننا دا؟؟
_أي البلد دي مليانة مصايب والله
لكن يا بيان مش دا شغل المباحث والإستخبارات أنو يبحثو في القصص دي
_أنا كل الحأعملو أنو أصور كم صورة للعملية وأكتب تقرير صحفي بس لا حاقبض عليهم ولا حأعتقلهم أعملي حسابك العصابات ديل خطرين شديد وممكن يقتلوك عادي ولا تقيف ليهم شعرة القتل عندهم زي شراب الموية
_يا بت أنا متعودة علي الجو دا وما أظن عصابات السودان أخطر من عصابات مصر 
_الله يحفظك يا أختي طيب هسي حتمشي وين بالضبط كدا؟؟
_جاتني معلومات موثوقة من القاهرة أنو حتتم صفقة بتاعت أسلحة الليلة في حته إسمها سوبا الأراضي وأظن الإستخبارات ذاتا مشركه ليهم يعني
_غريب البعرفو أنو عادة الصفقات من النوع دا بتتم بالليل في حذر شديد
_لا أنا أظن أنو الإسلحة حتكون تحت صناديق بتاعت بضاعة أو حاجة بالشكل دا ما حتكون صفقة مباشرة وأكيد عندهم ناس من الشرطة حيعدوهم عادي في التفتيش
سهي وهي بتكب الشاي في الكبابي:أيواااه لكن سوبا الأراضي دي بعيدة وما حصل مشيتيها قبل كدا ما أظن بتعرفيها بي وين صح؟؟
_أيوا لكن بطلع اللوكيشن بتاعتها من قوقل ماب 
وقعدو شربو الشاي مع الكيك سوا بعدها طلعو بره في الحديقه عشان يتونسو وكان الجو حلو وهادئ شديد
بيان:محمد كيفو يخسي عليهو مالو بقى ما بسأل من الناس المفتري
سهي وهي بتعاين للسماء وتتنهد:ما كدا والله لكن مشغول شديد وناس الشغل عاصرينو ما مدينو فرقه مرات زاتو ما بيلقي زمن يتصل علي فيهو لكن خلاص هانت جاي قريب إن شاء الله وحنرحل بيتنا
_بالجد!!يعني خلصتو البيت أخيرا؟؟
_تقريبا كدا بس باقي البوهية ونركب الأبواب والشبابيك وبعداك نقعد فيهو إن شاء الله

ااااخخخ صح نسيت أوريكم سهي متزوجة ود عمها إسمو محمد شغال مهندس بترول في التعوسية(السعودية)هو أكبر منها بخمسة سنة وما بيجي السودان كتير وهي دكتورة بتدرس في جامعة الرباط الوطني(الجكس النضيف)متزوجين ليهم٣سنةولسع ما جابو ليهم عيال وحاليا سهي قاعدة مع ناس أمها لحدي ما يخلصو من تشطيب بيتهم الجديد
بيان:ماشاء الله والله تتهنو فيهو ويارب تملوهو دستة عيال ويكونو كلابيييج كلابييييج كدا وأنا كصفتي خالتهم أجي أجضمهم ليك أصلو بطني بتفور في الشفع العندهم جضوم
سهي بزعل مصطنع:حرام عليكي ياشيخة من هسي مخططة تعذبي عيالي كان كدي تشميهم قدحة ما بجيبهم ليك زاتو كن دايرة تجي تشوفيهم براك
_بس إنتي خليهم يجو هسي والباقي هين غمزت ليها وقالت بخبث:وخلي محمد يشد حيلو ويجيبهم لينا توينز توينز كدا(تؤام)
سهي وشها حمر ودنقرت في الواطة قبل ما ترفع رأسها بسرعة وتقول بعصبية:قومي أمشي طيري من قدامي يا تافهة يا قليلة الأدب وفنتها ليك بالمسند طاااااخ  بس في اللحظة ديك بيان كان جرت وخشت جوه وطلعت غرفتها سهي ما عرفت كم من الوقت مره وهي سرحانة وبتفكر الرجعها للواقع صوت أبوها وهو بقول ليها:سهي؟؟قاعدة بره براك مالك بسم الله الرحمن الرحيم
_كنت قاعدة مع بيان وهسي هي دخلت جوه
_مع بيان؟؟الصحاكم بدري الليلة شنو أصلا
أنتو الإتنين
_والله يا أبوي بيان دي قالت طالعة شغل قضية جديدة مسكتها وحتبحث فيها وأمور الصحفيين ديك فأنا قمت صحيت بدري وعملت شاي وكيك قلت نشربو سوا قبل ما تمشي عشان ما تطلع وبطنها فاضية ب

يا مثثثثببببت العععععققققل والديييييين..عمار أختااااااني ما ناقصاك هسي أنا
عمار وهو بدسى ورا يوسف:خلاص أنا أسف ما تزعلي
براءة:ما تسيبيهو الا ينط من كلامو المعفن دا وقبلت عليهو:هوي يا عمار انت عارفني ما برضى في  راره دي مش؟؟ أتلمى عشان ما أوريك شعاع عمار بزهج:اها خلاص نطيت أرتحتي كدا ؟؟لتين حدرت ليهو قبل ما تضحك وتقول:عالم ما بتجي الا بالهرش إيثار إبتسمت وواصلت كلامها:بغض النظر عن  راره دي طبعا اي أرميز اصلي يعني عن حق وحقيقة بكره البلينكس والاكسواز الهم اصحاب اصلا والاكسواز بكرهونا فلازم يعني ادافع عن فرقتي ولا ما كدا يا وداد...هيي اقصد ولا ما كدا يا شباب(مغرزة علي الطاير)
علت أصوات ضحكاتهم البتدل علي شماتتهم في فلانه
كانت في عيون مراقباهم من بعيد علي بعد كم متر منهم عيون مليانة حقد وحسد تجاه الشله الجميله دي الا واحد منهم كانت بتكن ليهو كل مشاعر الحب والإعجاب أبتسمت بشررر قبل ما تمشي وتقول في قرارة نفسها:قرييا حتبقي ملكي براي وأشوف أصحابك ديل حيعملو شنو(دي كمان طلعت لينا من وين يا ربي)
يوسف وهو بدعي أنو مهتم ومركز معاها:طيب وكان جيت سألتك البلينكس والاكسواز ولا شنو ما بعرف ديل اصحاب لشنو مادام بكرهوكم يعني؟؟
براءة ردت ليهو:عدو عدوك صديقك ولاشنو
_ لا ما كدا لكن في وحدة في البلاك بينكس اسمها جيني وواحد من الاكسو اسمو كاي جيني وكاي كانو بيتواعدو والعياذ بالله عشان كدا بعتبرو بعض زي عائلة وكدا يعني
براءة:أيوا كلام عجيب لكن
عمار:ما علينا بيهم دا كلام كفار ساي
أثناء ما المله الظريفة دي قاعدين كدا في مزة قاطعة جات أشرت لي يوسف وقالت ليهو تعال لحظة بس يوسف أستأذن منهم ومشي ليها وهو سامع تعليقات أصحابو وكاتم الضحكة
عمار:أووبااا دي شنو الصاروخ دي أحييي أنا يا أرض أحفظي ما عليك
براءة وهي بتدقق النظر وتخت سبابتها وإبهامها في حنكها وتقول بإستهبال:طويلة حبتين لكن نصيحه لله قرضة
إيثار:ووووب أنضف من نيتي أقسم بالله(أصلا عارفين نيتك يا السمحه)
براءة:عاااد ما بسألك لكن يا يوسف شغل نضيييف حددها مع أوربي زاتو(هووي يا برو جابت ليها تريقه كمان)
عمار وهو بضرب فخذو بغيظ:ود الذين دا حنكها كييف يا ربي وربط معاها احييي الكلب أتاري الموية ماشه بي تحتنا وأحنا ما جايبين خبر
لتين:ما شايفاها سمحة شديد ما تبالغو كمان عادية بس عشان نضيفه
_غيره وروح شريره
_أغير منها ليشنو أحلي مني ولا أحسن مني؟؟
عمار عاين ليها جوه عيونها وقال بإبتسامه حاول يخفي فيها مشاعرو:طبعا ما أحلي منك هو في بت في الدنيا دي جميله زي جمالك دا قمر ماشي علي الأرض بسم الله ماشاء الله
لتين خجلت ودنقرت رأسها في الأرض وهمست:أصلا ما خجلانه
براءة لبعتو في ضهرو وقالت ليهو:أي أقعد بكش ليها كويس لمن ترفع لينا سعر
إيثار وهي مركزه معا عصافير الحب:خليكم من دا شوفو أدت ليوسف شنو شكلها هدية
براءة:يشيلني السيل أنا كر علي لا حبيب لا أنيس قاعدة كدا زي دسته الكبابي الجديدة
#عن يوسف وجكسويتو....
يوسف وهو بمسك الكيس ويعاين للأحم بإعجاب:تسلمي شديد يا بيبي مافي داعي كان تتعبي نفسك وتجيبي دا كلو
_تعبك راحه حبيبي عجبتك؟؟
_شدييييد وربي زوقك حلو وراقي زيك كدا(طبعا الهديه كانت عبارة عن جزمه نايك بيضاء وعطر باريسي فخم وساعة رجاليه سوداء وأنا لحد هسي شراب ما أدوني ليهو مااااشي يا دنيا)
الجكسويه خجلت وضربت كتفو بخفة:هههههه خجلتني يا ود
يوسف غمز ليها وقال:أصلو الجميل طبعو الخجل (حنكك سنين لكن)
أتلخبطت وبقت تتمتم:احم اا انا......يلا بااااي ومشت بسرعه قبل ما تسمع  صوتو بقول ليهاcall me أول ما تطلعي من المدرسه قبلت عليهو وإبتسامتها حصلت جبهتها وقالت:طيب حاضر حبيبي وتابعت مشيها
يوسف ضحك قبل ما يهز راسو ويمشي لشلتو الكانو منتظرنو وفي وشوشهم نظرات مريبه
براءة:شنو يا مان حنك النمل الما بعضي دا كلو أسبوع حابي ليك بت جديدة ما عرفنا دا قلب ولا لوري شطه
_الله أكبر عليك يا شيخه بعدين أنا قلبي كبير وبتسع للجميع 
_زير بنات وعينك زايغة وكمان بتتفلسف محححن
إيثار:لكن المرة دي الإستايل ما عجيب حنكتها كييف يا مجرم
يوسف ضحك ضحكة مرحة كدا بعدها قال:أصلا هي بت خالة صحبة أختي
عمار:ششششت يااااا
إيثار:يعني أيييه يا باشا؟؟
يوسف ضحك وواصل:كانت بتجي بيتنا مره مره مع صحبة أختي سماهر وأنا كنت بسلم بس وبطلع ومرات ما بسلم زاتو لكن هي كان لمن تشوفني بتتكبكب ما تقولو لي كيف لانو لو كنتو معاي برضو حتقولو نفسي كلامي دا وبلاحظ ليها بتجي متشيكه ومتظبطه ولمن أجي أسلم هاك يا ظرافه وونسه معاي المهم في يوم جات بيتنا وقيلت معانا ووقت كانت ماشه عملت حنك البنات داك علي قول براءة حنك النمل الما بعضي قال شنو تلفونها ما لاقياهو وضايع منها وشالت تلفوني عشان تتصل منو لجوالها  وأنا طبعا نقشت الحنك لكن عملت غمران وتاني اللصقة الياها رسائل اليوم كلو ولمن ما أرد عليها بتزعل ومرات بتتجرأ وتتصل لي المهم أنا زهجت منها وقلت أختصر ليها السكه ورسلت ليها مسج جس نبض كدا قلت

يك

يتبع...

ليها " علي فكرة ما غايب علي حركاتك وتليمحاتك وكلامك مع أختي عني ومن الأخر كدا إنتي عايزه شنو يا بت الناس مني؟؟"إتخيلو قالت لي شنو قالت لي"عايزاك أنت وبس"هنا كانت الصدمه الفي بالي طلع صح وأنا إتدبست وقلت أحسمو معاها وما أعشمها فيني ساي لكن ما قدرت أكسرها لأنها بالجد ظاهر أنها بتحبني وفي الأخر مشيت ورا قلبي العاطل وبقينا حبايب يعني ما عارف بتفكر كيف المخلوقة دي فهمها أنو أنا خلاص حبيبها معناتو أتفرغ ليها هي بس واليوم كلو أتكلم معاها وبقت لمن أتاخر في الرد او تتصل لي وتلقاني مشغول بتطلع أحلام مستغانمي الجواها وتشبكني ليك أنت خاين وواطي أصلا كل الرجال كذابين وخاينين زيك كدا يا خاين ياغشاش وتقعد تبكي لي اليوم كلو تتصل لي وتبكي تاني تهدي حبة وتشرب ليها موية وتبكي بس شغالة لي زي الماسورة المحلوجة غايتو شكيتك لي الله يا بت مستغانمي الخليتي بناتنا هايفات وشكاكات كدا علاقتنا عباره عن مسجات حب ومكالمات وشكل وشك وغيرة دا كلو كوم ولمن تقوم علي جنها كوم تاني ما بتنقدر نهائي مرة إتشاكلت معاها وأسبوع ما أتكلمت ولا رسلت وهي تعجبكم في البرود ما عبرتني ولا حتي برسالة قلت خلاص دي فرصتي عشان أتفكى من الويكة دي وقلت ليها لازم ننفصل وشكلو مافي نصيب بيناتنا وبتلقي الأحسن مني ويسعدك ردت علي ببرود وقالت لي طيب يا سيدي مدام أنت شايف كدا خلاص ننفصل مالو الإنفصال عيب؟!لكن علي شرط ترجع لي الهدايا الأديتها ليك كلها علي داير مليم مسكتني من يدي البتوجعني بت التيت وسكت وما عرفت أقول ليها شنو بعد قلبتها في رأسي قلت يا يوسف ما تشيل يدك وتطبظ بيها عينك أصبر عليها شوية وبكرا تزهج منك وتفكك أتخيلو هي بقت الطرف الأقوي وأنا الأضعف يا حليلك يا يوسف المكسر نص بنات المدرسة بت تذلك بالشكل دا المهم فصلت وجريت واطي قلت ليها هههه حبيبتي بهظر معاك والله قالت ليها هظار ثقيل زي دا تاني ما ينعاد مفهوم قلت ليها حاضر ومن اليوم داك ماشي معاها زي السوط عرفت تجيبي الكلبة لكن خايف يجي اليوم الننفصل فيهو تجيب لستة الهدايا الأدتني ليها وتقعد تحاسبني بالمليم..خلاص تاني مافي حاجة حكيت ليكم معاناتي كلها خشمي وجعني ياخ لازم تجيبو لي شي بارد بعد  حكوتي دي كلها ما تم جملتو دي
إلا وأنفجرت ضحكات أصحابو ياخ ضحكو ضحك لمن دمعو وعمار دا وقع في الأرض وبقى يدردك من الضحك وأي زول يشوفهم يقول ليهم بتضحكو كدا مالكم عمار بقول ليهم يوسف حكي لينا نكتة مضحكة تسمعوها؟؟وهم طوالي بعاينو ليهم كدا وبمشو 
براءة وهي بتمسح دمعتها:عاد طلعت ما هينة
إيثار:ألبببببس إدبست يا معلم
براءة: يلا عاان أنت أرفض الهدايا بطريقه مهذبة عشان تقلل من خسايرك بعدين
عمار وهو بتفرج علي الهدية ويصفر بإعجاب:زوقها خرافي لكن ياخ لازم أجيبها تختار لي ملابسي وحاجاتي البت دي
براءة فكت الضحكة:الليلة سجمك يا يوسف عمار شكلو البت عجبتو وحيقص ليك
إيثار بقت تغني وتضحك:الفي ريدو فرط دقس بجي غيرو يعمل مقص✂ههههاااي
يوسف وهو بعاين لي عمار ويغمز ليهو:والله حيكون ريحني من أكبر خازوق وبكون خدمني وخدم البشريه كلها وظلم نفسو (خلاص بشيلها وأتخوزق أنا ماهو شنو؟؟الأصحاب لبعضيهووم ) لكن أحب اطمنكم عمار بي حقتو
براءة بصدمة:وي وي مرتبط يعني الجزمة؟؟اه يا خاين يا غشاش عامل لينا فيها الحمل الوديع وأنت أتاريك لاعب بالحجر والبيضة
إيثار:لا تعليييييق
عمار:كدي دقيقه اهدو وروقو أنا لسع ما اعترفت ليها بمشاعري
إيثار:نان طيب ما تعترف ليها منتظر شنو؟!
_خايف تكون ما بتحبني أو خاتاني في مقام صاحبها وأخوها وكدا حأخسرها للأبد..أنا ما بقدر إستحمل ثانيه من دون ما أشوفها وأسمع صوتها
براءة:أوباااا طيب وتطلع مييين تعيسه الحظ دي
سكت مسافه بعدها قال ليها وهو برمق لتين بنظرات ما قدرت تفسرها هي شنو:كل شئ في وقتو حلو قريبا حتعرفو كل حاجه
إيثار:أشعر بالشمار ياخ 
براءة:شوقتني أعرف الشخصية دي منووو
لتين:...................(مسهيه)
عمار كان مركز مع لتين السرحانه خت يدو في كتفها قبل ما يسمع شهقتها ويقول ليها:لتين مالك ساكته كدا وصانه ملاحظ ليك الايامات دي بقيتي صامته ما زي لتين الزمان المجنونه الكنا متعودين عليها
أبتسمت ليهو بالغصب وأردفت:بقيت بحب أسمع أكتر من أتكلم
إيثار:لتين أنتي متأكده أنك كويسة إياد الحقير رجع عمل حركات تاني؟؟
_لا ولو سمحتو تاني ما تجيبو سيرة إياد دي أنا خلاص نسيتو وبقى من الماضي
يوسف:أنتي بت قوية يا لتين أوعى تسمحي لي زول في يوم يكسرك ويضعفك مهما كان ولو وقعتي إتذكري أنو وراك رجال ما حيخلوك براك...لتين في قرارة نفسها قررت تنسي الماضي وتعيش حياتها وحتطوي صفحة إياد للأبد كلام أصحابها صح أياد ما بيستاهل حزن لتين عليهو لانو كلب وواطي وحيجي الأحسن منو إن شاء الله(تمشي باته وتجي جزمة بي رباطه )
*********************
الجرس رن وأي واحد رجع فصلو:
عن ناس لتين الحصة الرابعة كانت فاضيه أستاذها عيان ما جاء المهم الطلاب أستغلو الفرصة دي وبقو علي راحتهم يلا البتكلم تلف

س دي كل القصة
_ههههه طيب خلاص يلا تعالي خشي جوا عشان ما تبردي حاوطها بيدو في كتفها وهي حضنتو في صفحتو وختت رأسها في كتفو ودخلو جوه
لقت أمها نازلة تحت صبحت عليها وجابت ليهم الشاي وخلتهم بشربو فيهو ويتونسو مع بعض وطلعت فوق(صحي حب العجائز ليهو ركايز هيهيهيهي)دخلت لبيان ولقتها بتخت اللمسات الأخيرة من المكياج إستأنفت كلامهاوقالت:بياااااااان
_عيونا؟؟
_تسلم لي عيونك أولا لبستك حلوة شديييد ثانيا أها وأنتي ناوية تعرسي متين وتجيبي ليك عيال؟؟
_أولا:ميرسي جدا ثانيا:والله لسع ما جاء سيد النصيب زي ما بقولو عاايني ألبس الساعة الذهبية ولا الفضية ياتا الأحلي؟؟
_هربتي من كلامي يعني لكن علي العموم الفضية أحسن لانها جاية مع البودي اللابساهو
بيان وهي بتلبس الساعة الذهبية وبتقول:عااايني عشان أكون معاك واضحة أنا ما عايزة إتشبك لي في راجل يكون ما مواصفاتي وإستايلي يعني
مثلا أنا عايزة راجل يكون يحترم لبسي وإستايلي ويحترم شغلي كصحفية طبعا دا أهم حاجة (يعني دايراهو ديوث آ بيان؟؟حوالينا ما علينا)
_والله يا أختي بطريقتك دي حتجيبي لنفسك طلاق لانو المواصفات دي مافي الراجل السوداني (أي الحمدلله احنا حمشين وغيورين علي نسوانا) بيان بصدمة دراماتيكية:طلاااااااق!!إستغفر الله العظيم يا رب أبغض الحلال الطلاق منو دي المجنونة البتتطلق يختتتي وتبشع بي نفسها!!
_كلامك دا بيدل علي جهل عيب عليكي أنتي مره متعلمه وفاهمة تقولي الكلام دا؟؟
_يا ستي أنتي عارفة مجتمعنا بنظرو للمرة المطلقة شنو؟؟مره فاشلة وما نافعة ومن الأخر كدا ما ست بيت أنا ضد الطلاق يعني لو الامور جاطت بيناتكم ما تتسرعو وتطلقو وتشلهتو عيالكم وتخلوهم يعيشو في ظل اضطرابات نفسية وعقلية هو الطلاق دا أخر حل يعني كان خلاص بقى مواصلة العلاقة الزوجية شئ مستحيل أو يعني مثلا ما كان في مودة بيناتكم أو المرة كانت يعني منحرفة وفاسقة والراجل خاين وغشاش لكن حكاية
الرجال البحلفو بالطلاق دي بتنرفزني يعني زي كانو ماخدنو لعبة وقت ما يزهجو منها يرموها الطلاق دا ما شئ ساهل يعني هسي افترضي معاي واحد حلف طلاق علي زول قال ليهو علي بالطلاق الا تتغدا الليلة معاي والزول دا أصر علي الرفض واعتذر ومشي كدا الطلاق وقع صح ولالا يلا بعدين بجي نفس الراجل الحلف طلاق دا بجي بجامع مرتو وأفرضي أنو جابو ليهم ولد هل حيكون الولد دا شرعي؟؟
سهي وهي بتحك رأسها:لا كدا أنتي مشيتي حتات تانيه خالص وطلعتي من طور النقاش
بيان شالت شنطتها وقالت:هوووي أنا ماشه شغلي إتأخرت باااي باااي يا مزة
_بااااي بالتوفيق وخلي بالك من نفسك
_ما تخافي أختك شديدة ولضيضة علي روحها ونزلت تحت شاغلت أمها وأبوها حبة بعداك طلعت بره وركبت صوفيا"أسم عربيتها"(الناس البتحب الحديد بوريكم صورتها) وكتحت بيها وهي مليانة بالطاقة والحماس
بالنسبة للناس الما عرفو عمر بيان لسع:
-بيان عمرها٢٨سنة وسهي٣٠ سنة-
حتسألوني تقولو لي كيييف??...(حسان أخوهم الوحيد في فرق كبير بينهم في العمر كدا هو أصلا أخوهم بالأب يعني ما شقيقهم أبوهم عبد الرشيد كان متزوج فاطمة أم حسان بالأول لكن أتوفت أثناء الولادة وعبدالرشيد زعل ونفسن شديد لانو كانت حبو الأول والوحيد وعلي العليهو مسؤولية الطفل الصغير البقى معلق في رقبتو دا من دون أم في النهاية قرشي أبو عبد الرشيد قرر يسفرو برا السودان عشان يقرا الجامعة هناك اي هو لمن أتزوج كان عمرو ١٨سنة لكن ماشاء الله عندو حجم يعني بديك أحساس عمرو كم وعشرين سنة...وقرا إدارة أعمال وعمل دكتوراه وخلي ولدو مع أمو وأخواتو وكان كل إجازة بجيهم ومرات بجوهو هناك المهم بعد ١٠ سنة رجع السودان وحرف الدال بسبق إسمو وأشتغل وكون نفسو بعدها إتزوج والزمن داك كان عمرو ٣١سنة يعني أتزوج بعد ٣سنة من رجعتو للسودان من حنان وجابو ولد لكن أتوفى وحصلت خلافات كتيرة بينهم وفي النهاية إطلقو وبعد ٨ سنة رجعو لبعض وجابو سهي وبعد سنتين بيان غايتو قصة أبوهم دي تنفع رواية براها وبالمناسبة أمهم حنان عمرها ٦٢ يعني أكبر من حسان بعشر سنة مثقفة وبتحب تقرا كتيير وعندها مقالات عن حقوق المرأة..بتهتم بي روحها شديد يعني تحسها ماشاء الله مرة ثلاثينية ما في بداية الستينات وعبدالرشيد٧٠سنه عندو وكالة سفر..جادي وصارم ..(معليش مشوها لي دائما بنسي أوريكم أعمار الشخصيات)
_____________
*#في جانب أخر....*
كانت تركض بسرعة رهيبة وكأن وحشا مرعبا يطاردها ، كانت تتمتم بكلمات لا تكتب وتأن بصوت خافت قد طمست ملامح وجهها من أثار الضرب ، عجبا!!أيعقل أنها أحدي ضحايا الإغتصاب الذي أصبح شائعا بكثرة هذه الايام أم أنها مجرد إمراءة قليلة الحظ وقعت في ظل زوج مريض يضربها من أتفه الإسباب ، أرجح الإحتمال الثاني فملابسها تبدو بخير ولا توجد أثار للتمزيق فيها ، كانت تقع في الأرض ثم تنهض بسرعة وتواصل جريها وكأنها تصر علي الهرب من براثم الشئ الذي يطاردها ، لأبد من أنه شئ فظيع فقد كانت إرادتها في الهرب قوية تحسدها الغزلان عليها ، ولكن فجاة إنطلقت صرخة مدوية

منها وجلجل المكان صوت الإصطدام القوي المزعج ، إما هي فقد طارت في الهواء وسقطت علي الأرض دون حراك وسرعان ما غابت عن الوعي وإنقطع إتصالها عن عالمنا ، في لحظات تجمهر الناس حولها نزلت الفتاة التي صدمتها بسرعة وهي ترتعش من الخوف تقدمت بتثاقل نحو جسد الفتاة الأخري بركت علي الأرض ولمست مؤخرة عنقها ، تهلهلت أساريرها عندما وجدت الفتاة حية وما زالت تنبض ولكنها قد خسرت الكثير من الدماء ، أبعدها الرجال وأدخلوها في سيارتها بعد إصرار منها وطلبت من أحدهم أن يقود لها الطريق فهي لا تستطيع القيادة الأن وتريد أن تكون مع الفتاة المصدومة في الخلف لتطمئن عليها ، ما هي الا بضع دقائق الا وكانو أمام مبني المشفي فهو  لحسن حظهم قريب من مكان الحادثة جدا ، سرعان ما أتي الممرضون عندما علمو بأن هناك فتاة في حالة طارئة وحملوها علي النقالة وأدخلوها بسرعة الي غرفة العمليات بعد أن وفرو لها الدم الكافي فهي قد  فقدت منه كثيرا ، كانت صاحبة السيارة التي صدمتها قلقة جدا لوهلة خطر في بالها أن تهاتف عائلتها وتخبرهم بما حدث لها ولكنها تراجعت خوفا منها أن يذرعو ويمنعوها من الذهاب ثانية وحدها فهي تريد إنجاز مهامها بسرعة فالتأخير ليس في صالحها ، لحظة تذكرت "ياسين" اااوه تبا كيف نسيت هذا سيفيدني كثيرا هنا فهو صحفي بارع وصديق قديم لي سأتصل به لاحقا وألتقي به لكي يساعدني في قضيتي هذه رجعت بجسدها الي الورا وأتكلت برأسها علي الحائط وهي تقول :أرجوك إستيقظي وكوني بخير أشعر أن هناك شئ ما يحصل معك وأنا الوحيدة التي أستطيع مساعدتك

*#في مدرسة النخيل......*
مستر ياسر طلب من الجميع يمشو المسرح لأنو عايز يوريهم حاجة مهمة الطلبة بقو يتسألو في شنو حاصل لانو المسرح برامجو نهاية الإسبوع ولمن المستر يجمعهم معناتو في مصيبة حصلت..لتين وعمار حسو أنهم في خطر بقو يبلعو في ريقهم ساي خصوصا أنو لطفي مبتسمة ليهم بشر كدا(للناس الما فهمت بوريكم صورة توضيحية ليها) إيثار:أنتو لطفي دي مالا بتعاين كدا وووب قلبي أكلني أكيد دبرت ليها مصيبة لزول
أصلو بسطها دا ما ساي
لتين:أنا خايفة أنو الزول دا يكون أنا
براءة:كر عليك يا لتين المرة الفقرية دي ختتك في رأسها وما حترتاح الا وأنتي برا المدرسة
لتين:طمنتيني الله يطمم بطنك يا شيخة
قعدو في الكراسي القدامية تحسبا لأي حاجة إذا نادوهم وكدا يعني..أصوات بلع الريق ظهرت لمن مستر ياسر وقف في المسرح ومسك المايك وبدا يتكلم:السلام عليكم وصباح الخير عليكم كلكم..أتمني يكون يومكم الدراسي جيد وتستفيدو إن شاء الله أنا جمعتكم هنا عشان أوريكم الاستهبال وقلة الأدب حصلت وين والقبيح أنو الفعل دا جاي من الثوالث الممتحنين الهم قدوة المدرسة وفي الثوالث الفصل الأدبي القايلين نفسهم خلاص يعني هم أدبي معناتو مجالهم ساهل وما بيحتاج قراية بالعكس الإجتهاد والشطارة مطلوبين في أي حاجة زي المحاسبين وبتاعين البيزنس والمحامين وحتي المندوبين محتاجين اجتهاد وشطارة عشان ينجحو في شغلهم بالتأكيد...نزل من المسرح وفتح الشاشة الكبيرة المعلقة في الحيطة نظرات الطلاب إتحولت للفيديو الكان ظاهر فيهو لتين وعمار وهم برقصو بهستيريا وباقي الفصل معاهم..علت شهقات الطلاب البتدل علي ذهولهم من جراءة فعلهم وفي أولاد بقو يصفرو ويقولو معلمين..شفاتة..رقاصين والله..مستر ياسر قفل الشاشة بعدها واصل:الحصه فاضية وديل يتراقصو زي كانهم في حفلة ولا ديسكو لا سألين في مدير لا طلبة لا معلمين وأحنا قدرنا نحسم الفوضي دي وصادرنا تلفوناتهم وأجهزتهم كلها فعشان كدا تاني اي زول يجيب معاهو تلفون المدرسة ما يلوم الا نفسو ويكون بعلمكم اذا واحد فيكم أتقبص بجهازو ما حيرجع ليهو الا نهاية السنة مش لو جبت ولي أمرك لو جبت الإنتربول ذاتها هنا ما حنرجعو ليك(ديييييشااااك عمك أنداح وكتر المحلبية(-_-) zzz)لتين حست بأنو أضانها صنت وعينها بقت ترف بسرعة لمن سمعت المستر بقول:عمار إبراهيم ولتين حسان إتفضلو تعالو هنا وقفو طوالي اصلا كانو قعدين قدام لانهم عارفين نفسهم أتقدمو بهدوء ناحية المستر وريسانهم في الأرض وما قالو ولا كلمة ولا حاولو يدافعو عن نفسهم لانو أي شئ كان واضح في الفيديو المستر إبتسم ليهم بهدوء بعدها قال بتهكم واضح: تصرفكم غلط كبير وما مسؤول فعشان كدا أنا حعاقبكم أنتو الإتنين أول وباقي الفصل حيتعاقبو بعدين لطفي جات وهي شايلة مكنة الحلاقة تتكشم قدرتها لو عليها كان هي التحلق ليهو بنفسها المستر شكرها وشالها منها ومسك عمار حلق ليهو شعرو صلعه نضيفة تلمع أما لتين فعقابها كان أنو اي تعريف درسوهو ليهم بتاع اي مادة تكتبو ١٠مرات في ورقة وتطبعها+تنضف الحمامات بتاعت الأساس(المستر دا حقار أقسم بالله خلاها تنضف حمامات الشفع ال.....)
لتين أعترضت علي حكاية الحمامات وقالت بتسول:لكن يا مستر دا كتير علي أرجوك أعفيني الا الحمامات لاااا أوعدك أني ما أكررها تاني وما بسمع أغاني وببطل أرقص وبعمل أي حاجة دايرها بس الحمامات لااااا أرجوك يا مستر الله يرضي عليك الله يخل

ون والنائم والقاعد ساكت والبتونس مع الجمبو ويضحك بأعلي صوتو
عمار ولتين حبو يعملو موضوع شوية قامو شغلوDJوبقو يتراقصو زي المجانين بعد شوية الفصل كلو هاج وبقى يرقص معاهم صوت الدي جي بقى عالي ويعمل دففففف ددددففففف ددددففف يلا ناس تحت سمعو الجوطة دي وطبعا ما عاجبهم الكلام البحصل دا طوالي رسلو ليهم زول يحسم الفارغة دي
أما جماعتنا ناس الأدبي ما جايبين للدنيا خبر عايشين في عالم تاني خالص أثناء ما هم مندمجين  كدا ومنداحييين علي الأخر في طالب بيقرا معاهم جاء من برا وهو خايف قال ليهم بسرعة:لطفي جايه اقفلو البتاع دا سريع
في ثواني بس قفلو الموسيقي واي واحد نطى مقعدو وقطعو الحركة صصصصننن بعدها جات داخله ليهم المشرفة السغيلة "إلطاف"لكن دي ما عندها اي علاقة باللطافة غايتو السماها كدا دا أصلو ما إستخار دقيقة النوصفها ليكم ...(مرة عاتية كدا وشحمانه بتلبس تياب وعبايات من القرن التاسع عشر وبتلف ليها طرحة٣متر عندها صوت مزلزل تحلف تقول حنفي بتاع الورنيش ودايما صاره وشها ونافخة جضومها ما عارف لكن أظن ولدوها كدا بعاهه مستديمة أستغفر الله اللهم لا أعتراض في حكمك يلا هي ما عندها اي ذره انوثة عشان كدا
بنادوها لطفي وهي عارفة بالإسم دا لكن أبقى راجل/مره قولو قدامها والله الا تقرى علي نفسك الفاتحة)
مطت تلاليشها(دي ما ينفع يقولو ليها شفاه أو شلوفه) قبل ما تضرب الباب بكل قوتها وتجلجل الفصل بصوتها الجهور وتقول:في شنو يا طالب مالكم جايطين كدا؟؟عمار قال ليها بهدوء:مافي شئ يا مس إلطاف (اي اي اتمسكن )
_لا والله يعني الجوطه دي كلها وماف شئ قايلني عبيطة ولا شنو قطع كلامها صوت تلفونها قالت بهمس:دا المدير عايز شنو يا ربي ردت بإسلوب مهذب عكس إسلوبها الرف:ايوا نعم يا سيادة المدير..حاضر حاضر هسي بنزلهم ليك..خلاص تمام وقفلت الخط بعدها أدت الفصل حدرة وقالت بإبتسامه شريرة كدا: عمار إبراهيم ولتين حسان المدير عايزكم تحت حالا يلا وراي
لتين خافت وقالت ليها:عملنا شنو لكن احنا يا مس؟!
لطفي جات عليها بطريقة مرعبة ودنقرت:لا والله(كلمتها المشهورة) يعني ما عارفة عملتي شنو يا شاطرة؟؟
لتين ببراءة:لالا
لطفي بنهرة:يلولو مصارينك جابت ليها أستهبال وقلة أدب كمان أنزلي تحت يلا تنزل الموية من حلقك بركة الله
لتين بلعت ريقها ورجعت لي ورا عاينت لي زملاءها كانو كلهم بعاين ليهم بحزن وإشفاق زي كانو عايزين يعدموهم المهم نزلو معاها تحت ويدينهم في قلوبهم
عمار همس لي لتين:وقعنا ومافي زول سمى علينا يا صحبتي
_الله يجيب العواقب سليمة يا رب
وصلو مكتب المدير البارد والفخم جدا قعدو في الكراسي وهو ببلعو في ريقهم بصعوبة ووراهم لطفي بنظرات جهنمية إتنحنحت لزوم مستر ياسر ينتبه لوجودهم لأنو كان براجع في أوراق قدامو بإهتمام اعتدل في قعدتو وصلح نضارتو قبل ما يعاين ليهم ويقول:أنتو عارفين أنا جبتكم هنا عشان شنو؟؟
ردو الإتنين في وقت واحد:لا
_طيب هسي بتعرفو أي واحد يطلع تلفونو قدامو يلا سرعة
عمار ببلاهة:عايز بتلفوناتنا شنو لكن يا مستر؟؟
_عايز أعرضها ليكم في سوق دوت كوم
يعني حأكون عايز بيها شنو طلع قلت ليك يا طالب
_لا أرجوك أنا ما بقدر أستغنى عنو دا زي ولدي أنت فاهمني؟؟
مستر ياسر:لا ما فاهم حتجيب التلفون ولا أجي أشيلو منك بالقوة؟؟
_لا خلاص هاك ليهو
قبل علي لتين وقال ليها:اها وأنتي برضو حتعاندي زيو
_لا وأدتو ليهو وجرت طلعت من المكتب ودمعتها في عينها أما بهناك في الفصل
إيثار كان خاته السماعات في إضنينها وبتسمع في أغنية لي بتسBTS ومغمضه عيونها ورافعه كرعينها في الدرج ومندمجة بي كلو بس الساعة التسمع ليك طاااااااااخ في الدرج التلفون لمن طار من يدها وكان حيطق الواطه ويمشي لي الله لكن أنقذتو السماعة  أيثار نطرت عيونها لمن لقت لطفي واقفه قدامها وفي يدها بترينه بتاعت تلفونات
ملصقاها بلصاق
قالت بخلعه:في شنو تاني يا مس؟؟
_يمسك جن يمعط ليك شعرك إن شاء الله أنتي قايله نفسك قاعدة في بيتكم دي شنو قلة الأدب دي مش قلنا ممنوع التلفون في المدرسه
أقفليهو وجيبيهو سرعه يلا وحسابي معاك بعدين
إيثار:أرجوك يا مس لا ما تشيليهو بس دقيقة أشوف أخر صورة نزلت للبويز في الإنستا
لطفي ولا أشتغلت بيها قلعت منها التلفون وخلتها بتجعر(شالت منها فلذة كبدها الله يجازيك يا لطفي البقرة )
لتين وعمار رجعو الفصل ووشهم قالب ألوان دخل عليهم أستاذ التاريخ وبدا يدرس والوقت كان ماشي براحة والحصص مملة لدرجة البياخة وأخيرا جرس الحصة الأخيرة ضرب وجماعتنا ما فهمو للحصص حاجة وإنتهي اليوم الدراسي الأسواء في حياة أي منتحر اليوم اليشيلو منو تلفونو
براءة:هووي بعدين ما تنسو ماشين لي فؤاد
عمار:دسيس نتلاقى هناك
لتين:تمام يلا باااااي
إيثار:مع السلامة
ودعو بعض وأي زول مشي بيتو بعد ما أتفقو يتلاقو العصر في بيت فؤاد صحبهم
**********
بيان مشت مع أبوها عشان تختار ليها عربيه وبعد ساعات من اللف والدوران أختارت ليها عربية SPORTAGE جميلة(راقيه يا بيبو )قعدو إتغدو ليهم في مطعم ظ

ريف كدا وأشترت ليها كم حاجة كدا بيساعدوها في شغلها أخدت كم لفه كدا بالحديدة الجديدة بعدها رجعت بيتهم وإتكلمت مع صحبتها في الشغل حبه(طبعا هي شغاله في القاهرة في جريدة إسمها الحدث الأكيد)قررت أنها حتبدا مهمتها من بكرا رقدت في السرير وهي بتفكر في القضية المعقدة اللبست فيها دي وسرعان ما غطت في نوم عميييق !!

يتبع.....