#رواية_زوجة_ٱبي#
#بقلم_نهال نهال#
#الحلقه 25#
( ٱمنيه انا كنت جادي معاك وعايز اتزوجك وانتي اتزوجتي ونهيتي حبنا بي رساله وامي م راضيه بي. ارتباطنا حاليا وانا مضطر اقبل بي شهد عشان ارضي امي بس واعذريني وربنا يديك ود االحلال ..فيصل ) قطعت ٱمنيه الرساله وبقت تبكي ..جبان جبان منو القال ليك اني عايزاك ..امشي اتزوج شهد عشان ترضي امك ..فاكر اني ببكي عليك ..انتي ولا شي ..وح انساك وبكره تشوف 😭😭😭😭😭😭😭😭😭😭 وطفت النور وقفلت الغرفه عليها والتلفون يضرب وم ردت عليهو ومن شده البكي لما نامت وصحت بي رسالة من منذر ( مالك خير م تكوني مرضتي ) شالت التلفون وضربت رقم منذر ورفض المكالمه ورجع ليها : اخبارك ..قلقت عليك شديد انا واقف بره ممكن تجي اشوفك دقايق بس وارجعي ..ٱمنيه سكتت مسافه اصلها كانت م طايقه روحها وبعدها ردت : اوك… طلعت الشارع ولقت عربيتو واقفه بعيد مشت عليهو وفتح ليها الباب وركبت جنبو وسلم عليها واتخلع لما شاف عيونها : مالك خير مش قلنا م عايزين دموع ؟ ٱمنيه تاني انفجرت في البكي وخلاها تفضي كل الفي قلبها وبعدها عاين ليها في حنيه ومسح دموعها بي المنديل تبعو وشالت منو المنديل ومسحت الباقي وبي صوت باكي : آسفه م قدرت امسك روحي ..منذر : ولا يهمك اعتبريني نفسك قولي اي حاجه وانا مستمع جيد وبالي طويل ..ٱمنيه : شكرا علي كل شي ...
ٱمنيه كان نومها كلو كوابيس ومقطع لحدي م اذن الفجر اتوضت وصلت وبقت تقرا في القرءآن لما الشمس شرقت وحست بي راحه نغسيه م عاديه ودخلت المطبخ وجهزت شاي الصباح ولقت في فول في التلاجه وبيض ..كدا ضمنت الفطور لي ناس البيت ومشت عشان تجهز نفسها لي عقد ٱلاء.. بعد شويه جات معزه طالعه من الغرفه ان شاء الله خير مالك مبدره كدا… ٱمنيه في ابتسامه : اولا صباح الفل ..الليله عقد ٱلاء انا ماشه بعد شويه انتي بتجي بتين ؟ معزه يالله لييي م كلمتيني من بدري عشان اجهز نفسي.. ٱمنيه : حبيبه انتي عسل م محتاجه لي اي حاجه وبعدين هي نفسها اتفآجأت بالموضوع ..المهم تعالي بدري بعدين .
لبست وعملت مكياج خفيف وطلعت .
معزه طوالي علي الغرفه وطلعت كل الفساتين حقت السهره وم اقتنعت بي اي واحد وطلعت التلفون ..الوووو هنو اخبارك في البيت ؟ اوك ..انا جايه عليك😘😘😘
استحمت سريع ولبست عبايه سوداء جميله واقرب امجاد ركبت فيها وعلي شقه هاني وفتح ليها الباب وسلم عليها بالاحضان وقبل م تقعد طلعت العبايه وبي جوه كانت لابسه ردا حد الركبه وتي شيرت ضيق قصير ..هاني بقي مبحلق فيها : والله ي بيبي اجمل انثي لاقتني انتي كامله الاوصاف ربي يحفظلك ..معزه غابت بعد شويه جات جايبه شيشه وقعدت جنب هاني وبقت تشرب بعد شويه ضرب تلفون هاني ورد ..وبعد خلص مكالمه قال ليها : هههه امي لو عرفت انا رجعت تاني لي البت الضربتني بتجيها جلطه
معزه : ههههههه اااي والله ..هاني : اسمعيني والله انا م قادر اصبر اجي اتقدم ليك بتين ؟ معزه في نهره : م قلنا م اسي ..هاني في حزن : براحه طيب مالك اضايقتي ؟ وقام من جنبها وقعد في الكرسي ... معزه حست بي غلطتها وجات قعدت في حافه الكرسي قريب منو ..م تزعل مني انا كمان عايزه اكون ليك الليله قبل بكره لكن اهلي م بوافقو انا لسه م بديت سنه اولي حتي وانا بحبك وم حاكون غير ليك 😍😍😍😍
هاني ضماها عليهو :عارفه اني م بقدر ازعل منك.. ح تلبسي شنو ؟ معزه : كل الفساتين حقتي م عجبتني !😔😔😔 هاني :والسوق مشي وين يلا يلا البسي اوديك مول الواحه وتشتري احلي فستان ..معزه باستو علي خدو ومشت لبست العبايه حقتها وبقت تشم فيها… هاني : مالك ؟ معزه في ضيق : ٱمنيه وخالتو عاملين زي الكلاب البوليسيه وخاتني في راسهم… هاني : ههههههه اسمها بحبوك وخايفين عليك بصراحه انا لو في محلهم بعمل اكتر من كدا ..زول عندو قمر زي دا ..لون وشعر ورجلين زي اعواد الصندل وجسم خرافي ياخ هم كويس بخلوك تطلعي الشارع ...
وصلت ٱمنيه بيت ٱلاء وسلمت وودوها الطابق الآۆلْ ودا فيهو العروس ومعاها ريم ..اول م شافوها جرو وسلمو عليها وريم قالت ليها : مالك اتأخرتي ..ٱمنيه : انتي م عارفه البيت فوق راسي وخالتو مافي ومعزه بتجهز في نفسها ..ٱلاء في فرح : عقبالكم كلكم حبيباتي😘😘😘 آمين يارب.. ٱمنيه : حجزتي وامورك كلها تمام… ٱلاء : ايوه ومنتظرنك تجي عشات نمشي ..ٱمنيه : ويين انا بقعد هنا عشان اجهز مع ناس البيت.. ٱلاء : انتو الاتنين م بمشي بدونكم لانكم اخواتي 😍😍😍 بعدين اهل العريس قالو في مفآجأة في الحفله ..بس الهبل دا م بحبو اسي ياربي يكون في شنو ؟ ريم : يابت م عندك جواسيس من اهل العريس ؟ ٱلاء : ههههههههههه والله م فكرت فيها ..فجأة ضرب تلفون ٱمنيه وردت : الوووو… المتصله : اختك دي لو م بعدت عن راجلي بجي اصفق ليكم.. ٱمنيه : الوووو الووو وقفلت الخط وطوالي ٱمنيه ضربت لي معزه ولقتها رجعت البيت وما قالت ليها اي حاجه .كمان م.حسست المعاها بي حاجه .
مشو الكوافير وبعد ساعات العروسه جهزت واصرت علي ٱمنيه تلبس فستان جميل مخصر وشبط راقي وكمان

ريم كانت لابسه حلو جدا اما العروسه طلعت قمر ..بعد شويه سمعو زغاريد وعربات وقفت والمفآجأة انو عمر العريس جا وحضر العقد ..الصاله كانت حلوه وكمان الفنان غني حلو واي حاجه حلوه ..فجأة جات معزه داخله لابسه فستان اسود ضيق موضح تفاصيل جسمها وبي قدام اطول من الركبه حبه وعندو زيل بي ورا طويل وفاكه شعرها وتشبه الاميرات ..لفتت انتباه الكل حتي العريس بحلق فيها وسأل ٱلاء دي منو دي ؟ ٱمنيه اتحرجت ومشت عليها وهي غضبانه وبراحه قالت ليها : والله انتي ناويه تجننيني ولا تجيبي لي جلطه 😡😡😡😡😡😡😡😡😡😡
طيب م تحترميني ولا تحترمي نفسك خافي اللبس يجيب ليك عين شوفي الناس دي كلها بتعاين فيك كيف ...معزه في ضيق : اووووف خلاص المحاضره انتهت عشان امشي ابارك لي العروسه وامشي لانك بصراحه قفلتي نفسي من اي حاجه 😏😏 استأذنت ٱمنيه وساقت معزه وطلعو والعريس متابع معزه بي نظراتو لحدي م طلعو بره الصاله وركبو امجاد وفي الطريق بمرو بي محطه بيتهم القديم ولما قربو من المحطه اتلفتت ٱمنيه فضول او حنين المهم لقت ٱسيل نازله من عربيه وبسرعه غابت عن الانظار وصاحب العربيه استعدل عشان يمشي ٱمنيه طلبت من سيد امحاد يقيف لحظه ولمحت السايق وكتمت الآهة بعد اتآكدت انو السايق هو ..
#يتبع#

حبي❤

#رواية_زوجه_ٱبي#
#بقلم_نهال نهال#
#الحلقه 26#
كان دكتور فيصل ومشي حبه كدا ووقف في حته مضلمه وبعد 10 دقايق كدا جات ٱسيل تاني تتسحب وركبت العربيه ومشي فيصل علي طول وٱمنيه قالت لي سواق امجاد يتابع العربيه بس بدون م يحس وفعلا مشي وراه لحدي وصلو بيت كدا في الاطراف ونزلو وٱمنيه نزلت وراهم بعد دخلو وقفلو الباب وحاولت تعاين بي فتحه الباب ولقت فيصل ماسك ٱسيل من خصرها وببوس فيها وبسرعه جرت امجاد وبقت تبكي وقالت لي السواق يمشي وصلت البيت وطوالي معزه سألتها : طبعا لقيتيهم في وضع م تمام صاح؟ يعني في علاقه بينهم ! زوجه بابا اتوقعي منها اي حاجه ..انا م سألتك في العربيه عشان السواق لكن الشمار حارقني ..وشوفي كمان فيصل اتاريهو م ساهل بركه الشفتي بي نفسك !! ٱمنيه ذادت في البكي وقالت : انا اتصرف كيف ؟ سترتها في موضوع احمد عشانو وهو مريض طول الوقت لكن م بسترها تاني برضو دا شرف بابا حرام تخلي سيرتو علي اي لسان وكمان تدخل الحرام علي بيتو ...معزه : ايوه طوالي كلمي بابا بي اي حاجه وانا شاهده ..الله كان نجيب بتاع امجاد يشهد معانا… ٱمنيه : لا م عايزين فضايح اكتر من كدا… المزعلني دكتور فيصل كنت فاكره انو محترم لكن خساره والف خساره..معزه : مشكلتك م فاهمه الناس دي بقت كيف ..يعني انتي تتوقعي اي حاجه من اي زول ..ٱمنيه سكتت مسافه وقالت : معزه ..في واحده بتضرب لي قالت انتي عندك علاقه مع زوجها ..معزه في لهجه عاديه وبدون اي توتر : دي وحده مجنونه وماعندها ثقه لا في نفسها لا في زوجها ..ٱمنيه في حيره : يعني بتعرفيها ؟ معزه : جيران ناس صحبتي شيماء واطمني بوقفها في حدها .
ٱمنيه : اسمعي م عايزه مشاكل انا.. انتي اصلا اللماك في زوجها شنو ؟..معزه : بشرح لي شمو ايام الامتحانات وانا بقعد معاهم وشال رقمي من شمو.. م عارفه قاليها شنو وخلاها تديهو ليهو نسيت م سألت شمو والله.. ومن ديك بقي يضرب لي ويراسلني في الواتس وانا م شغاله بيهو ..المهم المتخلفه دي يظهر انها لقت رقمي عندو وبقت ترسل لي رسايل لكن بحسمها ..وكمان وصلتك انتي 😡 ٱمنيه :ارجوك ي معزه انا خلاص حاسه بي نفسي م قادره اتحمل حاجه ..معزه : تمام م تشيلي هم انا بحل الموضوع بدون مشاكل ..ٱمنيه فضلت سهرانه لحدي وش الصباح وكالعاده صلت الفجر وحاولت تنوم م جاها نوم ودخلت الفيس حبه وبعدها طوالي لبست عشان تمشي بيت ابوها وقبل م تطلع ضرب ليها منذر تلفون… ي ناس م بتفقدونا يعني لو غبنا ؟ ٱمنيه : آسفه والله لكن انشغلت شديد وحكت ليهو عن عقد ٱلاء وبارك ليها وقال ليها عقبالك ..واصر انها تقابلو اول وبعدين تمشي ناس ابوها وهو طبعا فاكر زياره عاديه ..المهم بعد إلحاح وافقت يجي يسوقها وفي لمح البصر جا ومشو مطعم راقي وفطرو وبعدين قال ليها : يعني م عايزه تحكي لي مالك ؟ ٱمنيه : م عايزه ازحمك بي حاجاتي… منذر : كدا غلط ..اي حاجه حقتك بتهمني ولو تفصيلة صغيره ..ٱمنيه : ان شاء الله يجي يوم واحكي ليك ..انا امشي عشان القي بابا قاعد ..منذر : اضربي تلفون بس ..ٱمنيه : معليش عايزه اعمل ليهو مفآجأة ..منذر : خلاص اوصلك قريب البيت ..
نزلت ٱمنيه قريب من البيت ومشت وضربت الجرس مسااافه وبعدها جات ٱسيل واضح انها كانت نايمه ..ٱمنيه السلام عليكم… ٱسيل : ي فتاح ي عليم.. خير في شنو ؟ .. ٱمنيه دخلت وٱسيل لسه واقفه علي الباب ووقفت مسافه بعداك قفلت الباب شديد وجات قعدت جنبها : م تقولي لي عاوزين قروش ..البنك خلاص بح ..يعني مافي قروش… ٱمنيه متجاهله كلامها : بابا وين امشي صحي بابا من النوم عايزاه ضروري ..ٱسيل : اعرف اول عايزه شنو منو ؟ ٱمنيه : الموضوع بيني وبين بابا ...وقامت علي غرفه ابوها ولقتو نايم وجات راجعه ..: بابا عمرو م نام لي الوقت دا هو عيان ولا حاجه ...ٱسيل : العهد حق ابوك زمان دا تنسيهو في فرق بين عيشه ابوك مع امك وعيشتو معاي ..ٱمنيه في غضب : انصحك م تجيبي سيره ماما الشريفه علي لسانك ..وتاني دخلت الغرفة وبقت تصحي في ابوها : بابا انت كويس ؟ بابا ..ٱمنيه جات طالعه تاني : والله بابا دا م طبيعي انتي عملتي ليهو شنو ؟ ٱسيل : امرك غريب انتي عايزه شنو منو ؟
ٱمنيه : ياهانم نسيتي انو بابا ولا شنو !!!! وطلعت ٱمنيه وقالت تمشي تشوف احمد وتجي راجعه تاني لي ابوها وفعلا مشت وسلمت علي عمها ودخلت لي احمد في غرفتو ولقت حالتو صعبه وماقدرت تتحمل بكت وطلعت طوالي ورجعت بيت ابوها ولقت ٱسيل بتتكلم في التلفون واول م شافت امنيه تاني صرخت في وشها اطلعي من بيتي اذا عايزه ابوك خلي يجيك في شقتكم يلا لما اشوفك بحس بالضيق وانا حامل ..ٱمنيه : حامل ياتري ابو الولد منو احمد ولا دكتور فيصل ؟ ٱسيل اتهيجت وبقت تصرخ وتكورك وتقطع في شعرها يظهر انها اعراض الادمان وبي صوتها صحي مصطفي وجا هايج : في شنو ؟ عملتي ليها شنو ؟ لييي م عايزين تخلو مرتي في حالها ..اختك بتخت ليها حبوب مخدره في القهوه مشينا الدكتور وطلب مننا نحلل باقي فنجان القهوه وطلع فيها حبوب مخده وهي عشان خاطري م قدمت في معزه شكوي. وحاليا

بنعالج فيها انتي عايزه شنو منها.. حرام عليكم… ٱمنيه : بابا كنت عايزه اقول ليك ٱسيل بتخونك مع
قاطعها في غضب : اولا م تقولي بابا دي علي لسانك لانك لو كنتي بتي صحي كان احترمتي ٱسيل عشاني حتي لو غلطت فيك ..الشي العايزو منك انتي واختك خلوني في حالي.. انا زماان اتبريت منكم وتاني بكررها اذا مت لا انتي ولا اختك م تجو تعزو فيني… ٱمنيه بقت م شايفه قدامها من البكي والزعل وبي خطي متخاذله طلعت بره البيت وقعدت في الارض لانها م قدرت تمشي وطلعت التلفون وداست رقم منذر وكان آخر رقم وطلبت منو يجي ويسوقها من هنا وبي سرعه البرق منذر جا وركبت في العربيه وقالت ليهو طلعني من الحته دي سريع حاسه اني م قادره اتنفس… منذر في خوف : سلامتك ..حصل شنو ؟ ٱمنيه : ارجوك ي منذر م قادره احكي حاجه 😭😭😭😭😭😭😭😭😭😭
منذر : تمام تمام بس م تضايقي نفسك تحبي اوديك وين ؟ ٱمنيه : الشغل ..وديني الشغل.. منذر : وانتي في الحاله دي ؟ حاضر .ٱمنيه طول الطريق تمسح في دموعها ومنذر ساكت لحدي م وصلو المطعم ونزلت ٱمنيه ودخلت المطعم وسلمت علي يس وعايزه تمشي طلب منها تقعد وبدون اي مقدمات قال ليها : اسامه قال عايزك ! ٱمنيه في حيره : عايزني كيف يعني م فهمت ؟ يس : عايزك تقضي معاه كم يوم في شقتو وبدفع ليك الانتي عايزاه 🙊🙊
#يتبع #
حبي ❤

#رواية_زوجة_ٱبي#
#بقلم_نهال نهال#
#الحلقه 27#
صرخت ٱمنيه في وش يس : انت فاكرني شنو ؟ للبيع ؟ عشان يشتريني صحبك دا ؟ ولي علمك دا اذا جا طلبني بالحلال م بعاين ليهو 😡😡😡😡
يس : ههههههههه ..ٱمنيه م اظن قلت حاجه بتضحك ..وانا كنت بحترمك لكن الليله عرفت انك اي نوع من الرجال… يس في غضب : بطلي دور الشريفه العايشاهو دا انا عارف اي حاجه عنك وعن اسرتك وعارف كمان زوجك طلقك ليه ..فكري في كلامي واكسبي اسامه انتي تستفيدي ونحن نستفيد ..ٱمنيه عاينت ليهو في احتقار وكره وطلعت من المطعم وبقت ماشه في الظلط وتنعي في احزانها ..تلقاها من وين ولا وين وبعد شويه جا اسامه ووقف قدامها بالعربيه ونزل وسلم عليها بكل احترام وقال ليها : يس دا كلب وانا سمعت الكلام الدار بينكم وانا قصدي شريف انتي عجبتيني ودخلتي راسي وداير اساعدك بس ..ارجعي الشغل ويس ح يعتذر ليك كمان يلا يلا اركبي اوديك… ٱمنيه : لا لا بمشي براي المحل قريب انت امشي قدامي ...اسامه : تمام
ٱمنيه كانت محتاجه لي الشغل الجامعه فضل ليها يومين وعايزين مصاريف هي واختها مضطره تتحمل لحدي م منذر يفتح المحل حقو ..مشت المطعم ويس اعتذر ليها ومشت تشوف شغلها ولقت سهي وحكت ليها اي حاجه وقالت ليها : احترسي من اسامه شديد دا زول م ساهل واذا ختاك في راسو عليك السلام ويقدر يعمل اي حاجه ويطلع منها زي الشعره من العجين وانفدي بي جلدك احسن ..انتي لسه نضيفه م عايزاك تتوسخي زي بنات كتار هنا ...ٱمنيه بعد سمعت كلام سهي خافت اكتر وبقت تتعامل بي حذر مع يس واسامه والجامعه فتحت ونزلت السنه الرابعه والاخيره وبقت من الجامعه تمشي الشغل وتجي قريب عشره وهكذا ..منذر جاتو سفريه لي خارج البلاد ومشي وٱمنيه حست بي نفسها وحيده رغم كل شي كانت حاسه بي راحه وهو معاها وبي سند وهو بحميها وبقيف معاها وطول م هو بره بتكلم معاها بالساعات في التلفون وبقي قريب جدا منها خاصه بعد سافر ...معزه نزلت كليه الطب وكانت فرحانه جدا بالجامعه ومجتهده التزام وحضور ومحاضرات ولابات وحبه ارتاحت ٱمنيه من جنونها ..اكتر حاجه كانت بتتضايق منها ٱمنيه محاضرات دكتور فيصل كل م تشوفو بيجي علي الجرح وكمان لما تشوف شهد لابسه الدبله والمحبس وتقصد تتكلم قدامها عن مواعيد زواجهم القرب ..المهم كل حاجه ماشه عكس التيار علي الاقل بالنسبه لي ٱمنيه ..
مشت معزه لي هاني في البيت وقعدت معاه وفتح ليها تاني موضوع الخطوبه واتهربت منو وهو غضب قال ليها : حاسي انك متغيره ليك زمن صاح بتجي واي حاجه لكن حاسي قلبك بقي م معاي ..معزه : اووووف ارتحت من امنيه شويه وخالتو مٍشًغوٍلًهُ بي مرض زوجها وطلعت لي انت 😏😏😏😏😏
هاني :انا ي معزه ؟ والله انا حبيتك حب مافي زول بحبك ليهو وبتمني اكمل معاك حياتي بالحلال وتكوني زوجتي وام اولادي ..معزه عاينت لي الساعه وشالت شنطتها وهي بتقول : اتقدم حبه في الكليه وبعدين تخطبني ..انا ماشه صحباتي عازمني غدا وعايزه ارجع بدري عشان ٱمنيه جايه البيت… هاني : مش كانت بتمشي الشغل من الجامعة ؟ معزه : ايوه لكن الليله عندهم مناسبه بره المطعم وطلبو منهم يجو بي زي عادي وهي قالت تجي تلبس وتمشي واذا لقتني مافي بتشغلها لي وانا م ناقصه ... هاني : والله اختك دي مكافحه ربنا يعينا… معزه : آمين يارب.. يلا باي بيبي تلفونات ..معزه بسرعه طلعت وركبت امجاد وعلي افخر مطعم مشت ودخلت وفي آخر ركن هادي جميل اتجهت وسلمت وقعدت وكان عمر زوج ٱلاء وم صدق انها جات تقابلو وبعد ارتباك : لما شفتك في الصاله حسيت انك نصفي الآخر والله طول الوقت م فارقتي تفكيري وعارف انو دا غلط خاصه وانا اتزوجت ي داب او بمعني اصح عقدت ..لكن م قدرت اتجاوزك خاصه وٱلاء اختيار اهلي ..م كانت اختياري واذا وافقتي بتحدي واقاتل الدنيا كلها عشانك ..حاولت اصل ليك ..م عرفت كيف يوم بدردش مع ريم قالت لي انتي بتقري طب وورتني الجامعه ومشيت سألت من جدول اولي وبقيت انتظر لحدي م لقيتك وشلت رقمك واتحقق احلي حلم عندي وهو انك تكوني قدامي اسي وعقبال تتحقق باقي الاحلام يارب ..انا م زول متهور ولا مراهق ولا بلعب بي مشاعر بنات الناس لكن انتي حلمي ..من اول وقعت عيني عليك وشفت فيك ام اولادي والله في نص ساعه في الصاله شفت معاك عمري الجاي كلو وعارف انها معركه وكبيره جدا وبخوضها وبقاتل من اجلك بس انتي اديني احساس بالامل 🙊🙊🙊
🙊🙊🙊🙊🙊 معزه حست بي احساس غريب وسحر وهي بتسمع في كلامو كأنها بتحلم وم قدرت تقول اي حاجه لكن هو واصل : م عايز رد منك اسي علي راحتك . 😍😍😍😍😍
معزه مشت البيت بعد بعد وصلها عمر وكانت في دنيا تانيه وم انتبهت حتي تسلم علي سهام وامنيه ودا خلي سهام تقول ليها في دهشه : يابت بسم الله الرحمن الرحيم سلمي علينا طيب فرحانه كدا فرحينا معاك حبيبه ..معزه جات مبسوطه وسلمت علي خالتها وٱمنيه والفرحه م سايعاها 😊😊😊
ودخلت الغرفه وبقت تراجع في الشريط عمر وجيه شديد وعندو ابتسامه جذابه ونظرات ساحره واسلوب جميل مؤثر يعني من الاخر كدا شعرت معاهو بي

احساس غريب اول مره تحسو ..هاني امكن كان اول واحد في حياتها يعني احساسها تجاهو م كان حب امكن إلفه ..تعود ..امتلاك مراهقه !! المهم الاحساس مختلف تماما مع عمر ومميز وجارف ..ٱمنيه لبست فستان جميل لكن جات معزه واترجتها تلبس واحد من فساتينا وبعد صعوبه وافقت تلبس واحد مناسب وشبط راقي وسرحت ليها تسريحه روعه عل ذوقها مناسبه مع ملامحها الملائكيه وجمالها الهادي المميز وبقت آيه في الجمال .
ركبت امجاد ومشت المطعم ولقت يس وقال ليها ناس ورديتك مشو البيت العامل فيهو اسامه عيد ميلادو من بدري واداها العنوان ولما حس انها متردده نادي سهي عشان تمشي معاها وجات لكن كانت كئيبه وحزينه وعاينت ليها ٱمنيه في دهشه : مالك الليله زي الجايبين ليك خبر م اعتدت اشوفك كدا ..سهي م قالت اي حاجه وركبت تاكسي ومشو مشوار طويل وٱمنيه قلبها اتقبض خاصه وسهي بتتكلم بدون نفس وزي الحاصله ليها حاجه ولما وقفو قدام فيلا كبيره زي البنشوفها في الافلام ونزلت سهي ومعاها ٱمنيه وهي بتقول : يعني الزفت دا لازم ينظمو ليهو حفله عيد الميلاد كمان يارب تخلصني من الشغل دا ودخلو والمكان كان غريب والبنات كم واحده لكن اجانب والتورتات ماليه المكان وعليها صوره اسامه والمشاريب بارد كل الانواع وخمره كمان ومافي زول من الشغالين في المطعم غيرها هي وسهي ..ٱمنيه بقت تعاين في غرابه وبعدين قالت لي
سهي : وين الاسمو اسامه دا انا ماشه اقول ليهو انا اي حاجه حرام م بقدمها لي زول بس عشان يكون عارف ..سهي قالت ليها في غضب : نحن جينا هنا عشان القروش ودا اوفر تايم وبنطلع منو بي قروش كويسه ..ٱمنيه في دهشه : مالك اسي زعلانه اي زول حر في تصرفاتو انا ماشه اقول ليهو كلامي دا وين هو؟ وحده اجنبيه وراها بي عربي ركيك فوق امشي ليهو هو اصلا قال لما توصلي تجي فوق وبسرعه طلعت علي السلم وهناك لقت غرفه الباب حقها م مقفول للنهايه وكل الغرف الجنبها مقفلات مشت عليها في حذر وهي بتنادي استاذ اسامه ..استاذ اسامه وقربت من الغرفه ورد ليها : اتفضلي ي ٱمنيه
ردت ٱمنيه في توتر : معليش ممكن تجيني بره عايزه اتكلم معاك ..اسامه قرب منها وقال ليها الغرفه احسن مكان نتكلم فيهو وجراها جوه الغرفه وقفل الباب عليهو وبعداك ...
#يتبع #

ٱمتناني 😍

#رواية_زوجة_ٱبي#
#بقلم_نهال نهال#
#الحلقه 28#
ٱمنيه في خوف : اسامه لو سمحت افتح الباب انت اخترت البت الغلط ..بتضيع مستقبلك وتضيعني معاك ...اسامه مشي عليها ورماها في السرير وبدا يمزق في الفستان وهي تصرخ وتكورك وهو بقول مافي زول حيسمع حاجه واذا سمعو شنو يعني عادي وبعدين لو بقيتي حلـِۈۋ‏وھّ معاي بتكسبي وتريحيني ..ي سهي ..الحقوني ..ي ناس ..ي ناس… اسامه في هيستريا : مشكلتك شنو ..عايزه تقولي لي شرفك ؟ مش كنتي متزوجه المشكله وين ؟ ٱمنيه بصوت عالي وهي بتلم في نفسها : زواج شنو ؟ انا لسه بت !! اسامه في هيستريا : هههههههههه بت ؟ م اصلك بت والبقول غير كدا برصصو بي مسدسي دا ..ٱمنيه لسه بتكورك وتنادي ولا حياه لمن تنادي واسامه بصارع فيها وهي بتدافع بكل قوتها لحدي م بقت شبه عاريه وهو بحاول يبوسها وهي بتزح وشها منو ولما زهج منها قال ليها في تهديد : لو اخر يوم في عمري م بخليك ..اسامه مافي بت بتقول ليهو لا وانا لآزٍمٍ اكسرك واخليك ترضخي لي… ٱمنيه بي نفس قايم وبكي : اذا انت راجل م بتعتدي علي وحده لا حول لها ولا قوه ..اسامه بقي يضرب فيها .يقول بعد شويه بتعرفي انا راجل ولا م راجل وحاول يعتدي عليها ولزتو بكل قوتها وقامت تجري والباب مقفول حاولت تفتحو المفتاح عند اسامه وبقت واقفه تصارع في الباب وتصرخ بأعلي صوت عندها وفجأة حست بي ضربه شديده في راسها وم حست بي حاجه تاني ...
سهي مشت تبكي في المطعم وقالت لي يس في تهديد : اسمع ٱمنيه دي بت بريئه ومازينا م مفروض تدخلوها في لعبه زي دي اسامه دا اصلو م بشبع ولا بقنع من النسوان ..اذا حصل لي ٱمنيه حاجه انا م بخليكم 😡😡😡 يس في غضب : اول حاجه التهديد دا انتي م قدرو ..تانيا هي متزوجه قبل كدا ..بفرق معاها شنو يعني ؟ الزمي حدودك ومافي داعي اجيب السيديهات حقتك مع اسامه وغيرو عشان اذكرك تقفلي خشمك وانا صبري نفذ😡😡😡😡😡😡😡😡😡
سهي مشت تشوف شغلها وكان ي داب المغرب بأذن وشايله هم لي ٱمنيه وكيف هي مشتركه في الجريمه دي ..كيف تقدر تعاين في وشها تاني 😩😩😩😩
عمر اتصل بي معزه وبقي يتكلم معاها وهي مبسوطه وزايده تعلق بيهو واول مره قلبها يخفق بالحب اتاري علاقتها بي هاني دي كانت لعب عيال ❤❤❤❤❤❤❤❤❤❤
خلصت مكالمه ودخل ليها منذر طوالي وردت عليهو.. اهلين منذر اخبارك ..منذر : تمام الحمد لله ..بتصل بي ٱمنيه من قبيل التلفون م جمع معاي ..معزه : عندهم احتفال بتكون مشغوله وم انتبهت لي التلفون ..منذر في قلق : ايوه لكن انا قلبي م مطمئن م عارف ليه ربنا يجيب العواقب سليمه ..معزه : مالك عاوز تخوفني ي منذر !! ان شاء الله خير ... منذر : هههه لا م قصدي اخوفك لكن اختك دي انا بحس بي حنين كبير جواي ليها ...
فاقت ٱمنيه ولقت اي حاجه انتهت ..لقت روحها مبهدله وبدون ملابس وشعرها منكوش صرخت ٱمنيه وجرت الملايه ولفت بيها جسمها وبقت تصرخ : مجرم ..كلب ..حيوان ..عملت شنو ؟ ضيعتني ربنا ينتقم منك ان شاء الله ومشت عليهو وبقت تضرب فيهو بكل وحشيه وتهيج وهو ساكت وقاعد علي الارض وببكي وبعد خلاص قوتها انتهت قعدت في السرير وبقت تبكي ..عارف انت عملت شنو ؟ اسامه بصوت نادم : يس قال لي انك متزوجه م عارف انك..
..ٱمنيه بي كواريك : ربنا ينتقم منك.. حتي لو كنت زي م فاكر مش حرام تعمل كدا في بنات الناس.. اسامه في ندم : عملت علاقات كتيره قدر شعر الراس لكن م كنت بهتك عرض بت ناس وحتي انتي م ضريتك بي حاجه وتقدري تمشي الدكتوره وتتأكدي ..ٱمنيه : انت كذاب م ممكن طيب ضربتني لما غبت عن الوعي ليييي ؟ اسامه كنت فاكرك زي م قال لي اسامه ولما عرفت انك مافي زول لمسك ندمت اني جبتك هنا ..واسي انا قدامك عايزه تبلغي الشرطه بلغي ..فرصه اتطهر من ذنوبي 😭😭 ٱمنيه بعد تفكير طويل ..اسمع انا م ببلغك عنك واديك فرصه تتطهر نفسك من الخطايا الارتكبتها في حق ناس كتير ..وعشان اگون واضحه معاك خايفه علي نفسي من الفضايح ..قام اسامه وطلع ليها عبايه من الدولاب ولبستها سريع وم صدقت انها طلعت منها وهي منتظره امجاد تلفونها ضرب وكانت عايزه تطير من الفرح لما كان منذر والاحلي من رقمو السوداني يعني هنا وبسرعه ردت : منذر تعال لي ووصفت ليهو الحته وبعد فتره جا منذر وسلم عليها في شوق وحنين وقال ليها : وحاتك ي منويه بلاك الدنيا م بتبقي.. فقدتك شديد ..سكت وعاين ليها في حيره شوقي ليك خلاني م سألتك شكلك زي العامله حادث ..مالك والمره دي م بخليك الا تقولي مالك ..واتفجرت ٱمنيه في البكي وحكت ليهو اي حاجه ومنذر من الغضب لما م قدر يسوق العربيه ووقف وبقي صامت وحزين لحدي م دموعو جرن وبعدها طوالي دور العربيه وٱمنيه سألتو : ماشي وين ؟ منذر في غضب : لازم ادفع الحقير دا التمن ماشي القسم اقدم بلاغ والمره دي انتي معاي 😳😳😳😳😳
ٱمنيه : لحظه انا م عايزه اشتكي ..ارجوك انا م حمل فضايح ..منذر : عارفه كلامك دا معناه شنو انك اديتي اسامه والزيو فرصه عشان يهتكو اعراض الناس ..ٱمنيه : نحن بتين لا حول لنا ولا قوة عايشين براهم زوجه ابوهم

دمرت حياتهم وبقت سبب لي امهم ماتت كل العايزاه اعتني بي اختي كويس واقريها الجامعه وانا اخلص جامعتي واشتغل في محل محترم ..دي احلامي معليش قول علي اي حاجه لكن اعفيني من البلاغ ..منذر : طيب ي ستي امرك لكن انا طبعي حامي م بخلي يس ولا حتي اسامه بنتقم حقك منهم بي طريقتي الخاصه ..طريقه منذر صلاح...يلا نمشي بيتكم ترتاحي وكلها يومين وتنزلي الشغل معاي وترتاحي من اي حاجه وعمري م حابعد عنك تاني...
مشت ٱمنيه البيت وم صدقت لما لقت مافي زول في الهول طوالي علي الغرفه وشالت غيار ودخلت الحمام اخدت دوش حست بعده بي راحه نغسيه وعلي السرير ونامت بسرعه زي الطفل وماصحت ال بصوت المنبه الساعه 5 صباحا مشت الحمام ولبست عشان تمشي الجامعه ولقت معزه طالعه من الغرفه وصبحت عليها ومعزه بعد ردت التحيه قالت لي اختها : عايزه مراجع في المكتبه مافي لازم اشتريها من بره وهي غاليه جدا ..ٱمنيه سكتت مسافه وبعدها : ولا يهمك حبيبه بعد اجي من الجامعه بتصرف ..معزه يعني حتمشي الشغل ؟ ٱمنيه : لا الشغل خلاص خليتو م ماشه تاني ..معزه في خوف : ونتصرف من وين ...ٱمنيه : ربك كريم .
اول م وصلت ٱمنيه الجامعه لقت في حركه م عاديه الناس واقفه مجموعات جنب البورت وعينها وقعت علي ريم ومشت عليها وسلمت وديك م قصرت : م تتحيري نديك الزيت : دكتور فيصل والعروسه فله ( اللعبه ) الزواج حقهم يوم الجمعه ..ٱمنيه سكتت والعبره مسكتها وماقدرت تقول اي حاجة ..ريم قعدت جنبها وحاولت تواسيها لكن ٱمنيه مسحت دموعها وهي بتقول : زياره امه وشهد لينا في البيت والرساله حقتو الرسلها مع ٱلاء وآخر حاجه خيانتو سهلو علي مهمه اني اطلعو سريع من جواي ..ريم : ٱلاء جايه وشها م بتفسر كمان ياربي مالا كمان ؟ وصلت ٱلاء وسلمت عليهم وبعد شويه بقت تبكي وتقول : م شفتو الحصل لي شنو...
# يتبع #

حبي❤

#رواية_زوجة_ٱبي#
#بقلم_نهال نهال#
#الحلقه 29#
ٱمنيه في خلعه مالك ي ٱلويه خير ان شاء الله في شنو؟ مسحت ٱلاء دموعها وقالت : من جا عمر انا حاسه انو م فرحان بالعقد ..انا عارفه انو م بحبني لكن افتكرت بعد الزواج نتعود علي بعض ونعيش حياتنا عادي م كل الناس البتتزوج حبت بعض ..كتير في حب بجي بعد الزواج وكتير بنجح ..المهم ..امس جا وقعد معاي فرحت قلت امكن جايي يتفق معاي في تفاصيل العرس وكدا ..سكتت ودموعها جرت وبعداك واصلت : قال لي انا م بغش عليك م بقدر اكمل معاك كل شي قسمه ونصيب ..اتلخبطت وم عرفت اقول ولا اعمل شنو جريت لي ابوي في الصالون وقلت ليهو عمر قال عايز يطلقني تعال شوف في شنو ..ابوي غضب شديد وقال لي مش قال داير اطلقك انا اترجاهو عشان م يعملها انتي بتي والغاليه حريقه فيهو وفي اي زول بعرفو ..ومشي لي عمر وداك بدون حتي م يهتز ليهو رمش رمي علي اليمين 😭😭😭😭😭😭😭😭😭😭
ٱمنيه في خلعه : كدا ..بالسهوله دي طلقك 😡😩😬😭 ريم م عرفت تقول شنو بس حضنت ٱلاء وبكت وقالت ليها وحاتك هو الخسران وانتي الف واحد يتمناك .. ٱمنيه في حزن : كنتي تقولي لينا نجي في البيت عشان ترتاحي ..ٱلاء : كرهت البيت كل الناس بتنظر لي نظره شفقه واحسان عشان كدا قلت اجي الجامعه احسن بلقاكم ونتكلم بي راحتنا منزل مصطفي🏠
ٱسيل مشت ناس امها وقالت تقعد معاهم كم يوم عشان امها تعبانه شويه ..مصطفي لاحظ ليهو فتره طويله بقي ينوم كتير ليل ونهار وقليل بكون صاحي لكن الايام الفيها ٱسيل عند اهلها بكون عادي وراسو ضرب يكون من شنو دا يارب فجأة جرس الباب ضرب وفتح مصطفي وكان احمد وسلم عليهو مصطفي في حراره واعتذر ليهو : معليش ي ولدي مفروض اجيك انا لكن م عارف الفتره الفاتت دي مسكني تقول مرض النوم 24ساعه نايم لما شكيت في نفسي عديل احمد : مافي مشكله ي عمي البيت قريب يعني مافي مجهود ..مصطفي : اقوم اعمل ليك شاي وانا كمان ٱسيل مافي غايتو بتعلم فيك ..احمد : هههههه انا م ضيف يا عمي كنت عايز اتكلم معاك في موضوع ..مصطفي : طيب اعمل الشاي واجي ..مشي مصطفي وخت المويه في السخان وبقي يفتش في السكر والشاي ويقلب في دولاب المطبخ ولقي علبه كدا شك انها تكون حقت السكر لانها اكبر واحده في الطقم وفتحا ولقي ظرف شكلو غريب وطلعو ورجع العلبه محلها وفتح الظرف ولقي فيهو حبوب كتيره وواحده شايلين منها وحاول يقرا كلها بالنجليزي وكمان الكتابه صغيره جدا ومشي لي احمد ومد ليهو الحبوب وقال : كدي شوف دي حبوب شنو ..م بتشبه حبوب ٱسيل حقت الحمل ياربي حقت شنو دي؟.. احمد بقي يقرا فيها (دايزبام ) دي ياعمي حبوب منومه لكن انت ليه بتستعمل الحبوب دي اصلا هي م بدوها الا لي ناس التشنحات والعمليات ..مصطفي هبط طبعا وقال لي احمد : طيب الحبوب دئ ممكن يدوها للحامل ..احمد : لا لا مستحيل فيها ضرر كبير علي الحامل والجنين… مصطفي سكت وراسو بقي يودي ويجيب ..احمد : ياعمي اذا انت بتستعمل الحبوب دي الحق نفسك قابل دكتور لو اتعودت عليها تاني م بتنوم الا بيها وفيها ضرر كبير كمان علي صحتك ..مصطفي محتار وبقول في نفسو معقول ٱسيل تخت ليهو الحبوب دي في الشاي والقهوة والعصير ؟؟ تبقي مصيبه لو بقي كلام الناس كلها عن ٱسيل صاح والوحيد المغفل هو 🙊🙊
احمد في ندم : عمي بصراحه في حاجه معذباني وعايز اقولها ليك واريح ضميري وبعدها اعمل اي حاجه فيني ...مصطفي هابط من موضوع الحبوب وٱسيل وسارح بعيد واتنبه : اها قلت لي الموضوع شنو ..احمد وش بقي اسود وجاتو حمي عديل وجسمو مشي عرق لكن م اتردد طوالي قال : انا اشتركت مع ٱسيل في موضوع الدهب ..دستو ٱسيل في خزنه بيت اهلها وقالت ضاع والاساور اللقيتها مع دهب المرحومه حنان برضو هي الختتها عشان تطرد حنان وبناتها من البيت وانت تكرهم… الزاد مرضي عذاب الضمير وماقادر اصارحك لكن الليله قررت اكشف ليك اي حاجه... سكت مسافه ومصطفي مدنقر راسو وندم وحزن الدنيا كلها عندو واحمد م سكت واصل سلسله اعترافاتو ..وكمان هي والشيطان اغوني وصلتها في الحرام وهي قالت الولد الفي بطنها مني والله اعلم المهم اذا انا مت اتاكد من الموضوع دا بواسطه تحليل ال( D N A ) ودا بوريك الولد ولدك ولا من غيرك ...قام مصطفي يكورك : كلاب كلاب خونه كلكم خونه اطلع من بيتي اطلع دا آخر ثقتي فيك خاين ..وقفل الباب وراهو بي قوه وجا يكورك : ٱسيل الخاينه ..ٱسيل المجرمه دا آخر حبي ليك وتضحياتي عشانك 😩😩😩😩😩😩😩😩😩😩
سكت وتاني قال : لا حق حنان المره الشريفه و المستوره طول عمرها مستحملاني ومستحمله نزواتي عمرها م غلطت علي حافظاني وم دخلت حرام علي ولا علي بناتها 😭😭😭😭😭😭😭😭😭😭
شال التلفون وكان عايز يضرب لي ٱسيل لكن تاني غير رايو وقال ..دي مجرمه اول حاجه ارجع الحاجات الكتبتها ليها دي وبعدين اطردها طرده الكلاب وكمان عايزه تضيعني واي حاجه تقع ليها ساقطه لكن علي منو انا مصطفي . 😡😡😡😡😡😡😡😡😡😡
رجعت ٱمنيه البيت بعد يوم طويل وشاق في الكليه ولقت معزه في الغرفه بتتكلم مكالمه فيدي

و مع زول وكانت مديه طهرها الباب وم حست بي ٱمنيه داخله عليها ..ٱمنيه عاينت لي الذول البتتكلم معاه معزه وقربت تقع من طولها وصرخت فيها : حصلت كمان يا معزه تتكلمي مع عمر راجل ٱلاء فيديو ؟؟!!! 🙊🙊🙊🙊🙊
معزه قفلت اللاب توب بكل برود وردت علي اختها : طليق ٱلاء م زوجها ...

حبي ❤

#رواية_زوجة_ٱبي#
#بقلم_نهال نهال#
#الحلقه 30 والاخيره#
ٱمنيه وشها عمل الوان وم قدرت تقيف قعدت جنبها في السرير : قصدك شنو ؟؟ اكيد م الفهم الوصلني صاح ؟ اختي حبيبتي م بتعمل كدا ..اختي م بتخون العشره ..اختي م بتبني سعاتها علي تعاسه الغير ..صاح ؟ صاح ي معزه ؟ ..معزه بدون خجل ولا تردد : انا بكون واضحه معاك وصريحه ..انا حبيت عمر من يوم الحفله وعارفه دا غلط لكن م قدرنا نتحكم في عواطفنا بعدين احسن يخليها اسي ولا بعد الفاس تقع في الراس ؟ احسن ليها وليهو كل واحد يشوف حياتو مع البحبو وهي م بطالة بكره تلقي واحد يناسبها ..ٱمنيه مصدومه 🙊🙊🙊🙊🙊 كأني بحلم ..مستحيل تكوني قذره وواطيه للحد دا ! انتي واعيه لي البحصل دا موش عارفه ٱلاء بالنسبه لي شنو ؟ حرام عليك تختيني في الموقف دا ..كيف اواجه المجتمع والاهم صديقه عمري نحن قرينا قرينا من الاساس سوا ..م انتي عارفه اي حاجه.. معزه وقفت وقالت في اصرار: عمر اصلا م بحبها ..حباني من نظره عين وانا كمان عشت معاه احساس عمري م عشتو وناويه اكمل باقي حياتي معاه والله والله اذا في زول وقف في طريقي اهرب معاه وامشي آخر الدنيا ونتزوج ولا جامعه ولا غيرو 😱😱😱😱😱😱😱😱😱😱
ٱمنيه بقت زي المشلوله وم عرفت ترد تقول شنو ...آه ..يازمن انا من زمان قلت البت بشوف منها العجب وقد كان ولسه الجايي اخطر م خفي اعظم ..بتعملها دي م بتغلبها حاجه ممكن تهرب عادي لكن ولو ..تعمل الدايره تعملو انا م بوافق تتزوج عمر مستحيل اكسر قلب ٱلاء اكتر من كدا ...ٱمنيه عاينت لي معزه وقالت ليها في اصرار وتحدي : اهربي اعملي اي حاجه مستحيل اوافق علي الزواج دا عشم ابليس ..معزه بكل برود : انا اصلا قررت اتزوجو ولما اقرر م منتظره موافقه زول 😏😏😏😏
منذر ضرب لي ٱمنيه وطلب منها تطلع بره تقابلو سريع ورفضت لكن هو اصر وقال الموضوع ضروري جدا وعاجل ..ٱمنيه طبعا م عندها نفس لي اي حاجه ..موضوع معزه عامل ليها نفسيات وم عارفه تتصرف كيف لكن كمان م بتقدر تزعل منذر ..سلمت عليهو وطلب منها تركب ومشي طوالي قال ليها عامل ليك مفآجأة وبعدين رفع يدها وباسا وقال ليها : واحشاني موت ...ٱمنيه قلبها ذادت دقاتو لنا سمعت الكلمه دي كأنها بتسمعها لاول مره وردت بصوت خجول : انت كمان ...ومشي وقرب لي الحي ال كان اسامه عامل فيهو حفل عيد الميلاد المزيف ..ٱمنيه استحضرت الموضوع وبقت تقول في عصبيه : اسامه اسامه بشوفني يلا من هنا وبقت تبكي… منذر مسح دموعها وقال ليها : الف مَـرّھٌ قلنا م عايزين دموع بعدين لو الجن م بقدر يعمل ليك حاجه وانا معاك خليك هاديه وعايزك تراقبي البحصل بعد شويه ..ٱمنيه سكتت وقالت : انا بحمد ربنا انت معاي ربنا رسلك لي طوق نجاة من غيرك كان غرقت ...منذر عاين ليها في حب وقال : من يوم شفتك في البص وعرفت انك عروس من شكلك رغم انك مغطيه آثار الحنه والاكد لي حنه احمد كانت واضحه جدا ..عرفت انك عروس لكن م سعيده ..رغم انك ملك غيري لكن اتمنيت انك تكوني لي ..
فجأة سمعو صوت نجده ماشه علي فيلا اسامه وبعد شويه جو رجال الشرطه وسايقين اسامه ومعاه بنات اجانب وكمان شايلين كميه قزاز خمره وحشيش وطلعوهم علي البوكسي واتحركت عربات الشرطه ..ٱمنيه عاينت لي منذر في فرح : احكي لي دا حصل كيف ؟ منذر : كلفت واحد يراقب الشقه من بعيد وبديني التقرير اول بي اول بنات داخله وطالعه وانتي وصفتي لي شكل الفيلا كيف من جوه وقررت اريح البشريه من شرو وقبضو متلبس وكمان ذياده الخير خيرين انا قلت في البلاغ خمر ونسوان وطلع في حشيش كمان واحتمال بدره يعني لما يطلع من السجن بتي وولدي يكونو دخلو المدرسه 😅😅😅😅😅😅😅😅😅😅
ٱمنيه خجلت ودنقرت راسها وقال ليهو : والله كويس انت متزوج يعني ؟ منذر 😬😬
عليك الله جاده انتي 😱😱😱😱😱
ٱمنيه : هههههه... منذر : الله ضحكك شرح قلب السما ....ٱمنيه في جديه وسعاده : بالجد م قادره اوصف ليك احساسي انو في راجل جنبي وبحميني وبياخد لئ حقي من الظلموني ..منذر : انا احميك بي دمي وروحي وخلي. زول تانئ يقرب منك لحدي م تدخلي مملكتي
واتوجك ملكه علي عرش قَلبـ♡ــيے ..وتكوني حقتي برااااي م يشاركني فيك اي زول .رجعت ٱمنيه البيت فرحانه خلاص اسامه خلف القضبان وكل ٱلبشر يرتاحو من شرو. لقت معزه مافي سألت سهام منها وقالت مشت تقابل صحبتها وصرخت ٱمنيه : بتكون مَـشت تقابل عمر 🙊 انا اعمل شنو ي خالتو ..وحكت لي سهام كل الموضوع وسهام اتحيرت لكن قالت لي ٱمنيه : البت دي قاسيه ممكن تشرد عادي وتسافر معاه بره وتعرسو هناك ..انا بقول لو جادي معاها عرسو ليها بدل تعمل لينا كبه ونحن م ناقصين كبب تخسري صحبتك احسن م تخسري اختك وسمعتكم معاها ولو علي كلام الناس اصلا بتتكلم في ٱي حاجه وما بتقدري ترضي زول ...ٱمنيه : انا ي خالتو مع احترامي لي رٱيك انا اذا اتزوجت عمر م بحضر زواجا دا ....سهام : علي العموم الموضوع سابق لي اوانو ..قولي انتي مشيتي وين ؟ امنيه حكت ليها اي حاجه وسهام فرحت : عاد منذر اريتو منذر الهنا والسرور ربنا ي

جعلو من نصيبك ان شاء الله.. ربنا يجعل كل ايامك حلوه يارب ..ٱمنيه : آمين يارب.. خالتو انا ماشه الصايغ اصرف خاتم معزه عاوزه مراجع كتيره والقروش خلصت ...سهام : ربنا يعينك ي حبيبتي .
▪▪▪▪▪▪▪▪▪▪
ٱسيل جات البيت ومصطفي استقبلها عادي ومشت جهزت الاكل قال ليها اكل.. وبعداك قال ليها عندي ليك مفآجأة كبيره جدا انتي مرتي وام ولدي والدنيا م معروفه وبناتي ديل خايف بعد اموت يجو يشاكوك انتي وولدي في الميراث ..وين اوراق البيت السجتو ليك ودهبك والقروش في فيلا عجيبه ناوي اسجلها ليك انتي وولدي ٱسيل جرت الخزنه وجابت الورق والدهب والقروش ومصطفي مسك الحاجات وقال ليها بمشي لي المحامي واجهز معاه الاوراق حقت المبايعه وبكره اسوقك نتم الموضوع ...ٱسيل جات قعدت جنب مصطفي والدنيا م سايعاها من الفرحه ....مشي مصطفي خزنه العايله في بيت اخوه وخت فيها القروش والدهب وضرب للمحامي وكلمو بالحاصل وطلب منو يجي ويجيب معاه الاوراق عشان تمضي فيها ٱسيل ومصطفي يقدر يرجع منها كل الحاجات السجلها ليها او بمعني اصح تعود الحقوق لاصحابها ....
منذر اتصل ولقي ٱمنيه في السوق وقال ليها لي م كلمتو عشان يجي يوصلها ٱمنيه اعتذرت ليهو وقالت ليهو انا في الصايغ ووصفت ليهو المحل ولحظات كان معاها وسلم عليها في فرحه وقال ليها : خير جيتي تشتري لي الشبكه ولا شنو ؟😅 ..ٱمنيه : ياااخي انا اشتري الشبكه ؟ منذر : هههههه انتي ي ست الحسان تستاهلي يجيبو ليك شبكتت من دول الخليج ...سكت مسافه وواصل في جديه : ٱمنيه م يلا نشتري الشبكه اسي بمشي الصراف واسحب قروش وهنا معاي قروش كتيره ....ٱمنيه في فرح هههههه لا الليله مالك انت ؟ منذر : بصراحه م قادر اتحمل بعادك عني اكتر من كدا ..ٱمنيه : عندي امور معلقه كتيره احلها بس واكون معاك لي آخر العمر ...منذر : وانا معاك بنقسم الهم علي اتنين وبشيل منك اي حاجه ...ٱمنيه : نحن حنقيف هنا ولا شنو ...منذر : قبل م انسي : كنتي عايزه شنو من هنا ؟ ٱمنيه في تردد : لا خلاص انا خلصت ..منذر : ٱمنيه احكي جيتي تعملي شنو ؟ ٱمنيه : صرفت خاتم ......منذر سكت مسافه وقال ليها : جيبي القروش ويلا نمشي لي الصايغ نرجع الخاتم ونديهو قروشو . .ٱمنيه : لَـگِنْ
قاطعها منذر في حزم وهو نازل من العربيه : ٱمنيه انزلي !! نزلت ومشو علي الصايغ وجابو الخاتم ولما قربو من البيت طلع رزمه قروش ودخلها ليها في شنطتها وحاولت تتكلم سكتا وودعها ونزل .
عملت ٱسيل توكيل لي مصطفي ورجع بيهو كل الحاجات وخلاها علي الحديده ونادا اخوه ابو احمد طلق ٱسيل قدامو وقال ليها تطلع من اليبت بس بي شنطه هدومها ٱسيل طبعا مصدومه وم مستوعبه الموضوع وبعداك عرفت انها اتكشفت وفقدت اي حاجه ....وهي طالعه قالت لي مصطفي بعد عرفت احمد هو الكشفها : فاكر احمد نضيف يعني لي علمك الولد الفي بطني دا ولد احمد انتي اصلا م بتقدر تجيب سحليه ...مصطفي غضب من كلامها وقال ليها :اطلعي ي ساقطه فتشي مغفل تاني ارميهو في الفخ .
بعد ٱيام ⚡⚡⚡
جات ٱلاء بيت ناس ٱمنيه وسلمت وقعدت وٱمنيه خجلانه م عارفه تودي وشها وين منها لما تعرف بعد شربت العصير قالت : انا جيت اودعكم ..عمي رسل لي بعد ازمتي ديك ومسافره اتم قرايتي هناك ..سكتت مسافه وواصلت : عمر حكي لي اي حاجه وبشكرك علي وقفتك معاي وانتي فعلا نعم الاخت وانا اذا مشيت اخر الدنيا م بنساك وعلاقتنا دايمه ان شاء الله.. العايزاه منك م تكسري قلب اختك هي امانه ويتيمه ولسه صغيره وافقي اصلا عمر كدا كدا ح يتزوج وم مشكله علي الاقل معزه بت ناس وحتبقي دكتوره قدر الدنيا ..انا مسافره بعد يومين واتمني اسمع عنكم كل خير ...
ٱمنيه بكت شديد وهي بتودع ٱلاء وقدمتها لحدي ركبت مشت البيت ...
ٱمنيه بتضرب تلفون منذر مافي رد وحاولت كتير طول الليل وتاني لقتو مقفول وم نامت لحدي الصباح ومن الشمس طلعت تاني حاولت الرقم ولسه مقفول ومشت المطبخ تعمل فنجان قهوه لانو راسها عايز يطق بالصداع بعد شويه صحت معزه وجات المطبخ وباست ٱمنيه في راسها وقالت ليها :انتي حياتي م عندي في الدنيا دي غيرك لكن والله بحبو بموت لو بعد مني ..وافقي.. انا بشوف فيك صوره امي فقدت امي وخسرت ابوي وكمان انتي عايزه تتخلي عني 😭😭😭😭😭😭😭😭😭😭
ٱمنيه ضمتها عليها في حنان : لا ي روحي م بتخلي عنك في زول بتخلي عن روحو !!
جرس الباب ضرب ومشت معزه تفتح وصرخت في فرح لما لقت ابوها وعمها وسلمت عليهم في سعاده وعايزه تقفل الباب سمعت ابوها بقول : اتفضل ياولدي ..ودخل الضيف وكان منذر وٱمنيه كان حيغمي عليها من الفرحه لما شافتو وابوها كمان..واحتارت اللمي الناس دي شنو مع بعض ...
مصطفي مسكت بناتو الاتنين وضماهم عليهو في حنان وندم : سامحوني ي بناتي الشيطان دخل بينا لكن طلعتو من حياتي والي الابد ..وتاني م بسمح لي حاجه تفرقنا ....ٱمنيه فرخانه وفي نفس الوقت الشمار حارقا تعرف منذر لقي ابوها وعمها وين وكان امس قافل تلفونو ليه ..مصطفي دخل في الموضوع علي طول : ولدي منذر امس المسا جاب عمو وخيلانو وطلبو يد ٱ

منيه وانا عايز اسمع رأيك ...ٱمنيه فرحت وارتبكت وما عرفت تقول شنو 😍😍😍😍😍😍😍😍😍😍 بعد مسافه عاينت لي منذر وقالت في خجل : الراي رايك يابابا ..مصطفي رجع لي ورا وقال : نحن بعد مشاوره اخوي وباقي اهلنا اديناك مبروك ي ولدي ..بعد شويه جر س الباب ضرب ومشي ابو احمد يفتح الباب وكانو اهل منذر عمو وخيلانو ومعاهم الوالده واخواتو ..وكمان المأذون معاهم وعقدوا والعرس نهايه السميستر الاول ..
معزه جا عمر وطلب يدها واصر كمان يعقدوا ليهو عليها ويجي نهايه السنه يتم العرس ويسوقها معاه تقضي الاجازه وترجع بعد الجامعه تقرب تفتح عشان تقرا سنه تانيه ..
هاني بعد سمع معزه عقدو ليها ساب البلد وقرر يمشي يعيش مع اهلهو بره السودان ..
فيصل عرس شهد لكن علاقتو متواصله مع ٱسيل وشهد كرهتو وقررت تنتقم منو هو وٱسيل وتابعتهم لحدي م دخلو الوكر البتلاقو فيهو وبلغت الشرطه عنهم وقبضوهم متلبسين بواقعه الزنا وجاريه محاكمتهم .
ٱمنيه عايشه احلي قصة حب مع زوجها وفرحتها م عندها حدود وهي كل يوم بعد تحي من الجامعه بتمشي مع زوجها وتختار العفش والشيله . ❤❤❤❤❤❤❤❤❤❤
( وخلاص يدي وجعتنعي نتلاقي في روايه جديده بعد العيد وكل عام وانتو بألف خير ) حبي ❤
كل الشكر .. لقناه رواياتي وقناه هترشات سودانيه

#نهال نهال

🌹رواية رشة عطر كاملة

، حانزلها على جزءين لانها طويلة

من الحلقة الاولى - للحلقة 18

[٢٩/‏٧ ٢١:١١] فطومة: رشه عطر "1"
بقلم فاطمه الهادي
اكتب عن رحلتي بين الماضي والحاضر والمستقبل بين حياة عشتها واخري تمنيتها عن اقداري وصدفي التي انتشلتني من خيباتي وحماقاتي احيانا حتي ذاكرتي التي تخزلني في كل مره لم تخزلني لتنسيني ما كتبته يداي بين صفحات لمذكره جميله الغلاف .... تفوح من بين طياتها رائحه الوجع

بدايه اسمي ريم ترتيبي في البيت الوسطي اختي الكبيره هبه واخوي الاصغر وائل لأم واب منفصلين .. 💔 كنت في الصف السادس أمي وابوي انفصلو ....... ومن هنا بدأت الاوجاع العشتها سنين وسنين بعد طلاق امي وابوي حسيت بي وحشة شديده وخوف شعور أنك تكون بعيد من والديك اصعب منو مافي امي لمن اتخذت قرار الطلاق ده ما فكرت فيني ولا في اختي واخوي الصغير .. ..... ولا ادتنا سبب مقنع لأنفصالها عن والدي كنا عايشين مع أمي ومرات بنمش زيارات لأبوي
وابوي الشهاده لله ما كان مقصر معانا من ناحية ماليه بس .......الفقد ما كان مادي لأنو القروش ما كل حاجة بالنسبه لي علي الاقل ده من وجهة نظري بتذكر ... بعد سنتين من الطلاق أمي اتزوجت راجل اسمو زياد الزول ده كان كويس معانا وبعاملنا زي اولادو أمي كانت الزوجة التانيه لي زياد بس مع مرور الايام كانت الطامة الكبري اكتشفنا بالصدفة إنو بحاول يستغل اخوي الصغير في حاجات غير اخلاقيه واخوي جاء حكي لي والله لما اكتشفت الكلام ده بكيت بكاء وحسيت بأنو الدنيا خلاص ضاقت علي والوضع بقي ما مريح بالنسبه لي انا واخواني
حكيت لأمي الحاصل ما صدقتني .....ما عارفه السبب شنو أمي دي بقت قاسيه وكميه من الاسئله شاغله تفكيري
قالت لي ببساطه زياد مستحيل يعمل كده ......... وأنتي
بتتهمي عشان شئ في نفسك وانتي زوله حاقده عليهو عشان بتكرهيهو .. قررنا نكمل باقي حياتنا مع والدي .
مشيت أنا واخواني لأبوي وكلمناهو بالحاصل ضمانا عليهو وقالينا انا ما كنت عاوز اخدكم من والدتكم بس وقت هي اتصرفت كده تعيشو كريمين معاي اتأهبنا لي حياه خاليه من الام امي ما عارضت علي قرارنا ده ولا
اتمسكت بينا شديد واكتفت بأنها تزورنا مره بعد مره وفي كل مره انا بحس بأني ببعد
من أمي مسافه تاني ما حترجع ........
حجم الألم الانا حاساهو اكبر من إني اكتب عنو و المرحلة العمرية الكنت بمر بيها كنت محتاجه زول قريب مني مرحلة المراهقه وتكوين الشخصية كنت بحكي لي هبه اختي بأي حاجه بحكم أنها اكبر مني هي عايشة نفس المعاناه بس هي اخف قدرا مني أنا واخوي لأنها لحد ما اتخرجت من الجامعه امي وابوي ما كان متطلقين أبوي ما قصر معانا ابدا وكل البقدر يعملو عملو لينا
امتحنت ثامنه ودخلوني في المدرسة الثانوية سنة أولي كنت زوله مسكينه شديد
وبميل للوحده وما عندي اي صداقات مع البنات وحيده بدون اي رفيقة بس حياتي اتغيرت لمن
اتقربت مني نجلاء " بت بيضاء وجميله جدا طويله كده كانت بتخلي شلتها وتجي تقعد معي دايما يوم وراء يوم
بقت صديقه ودخلتني في شلتهم المكونه من بنتين وهي ثالثتهم ...... صفاء وميمي ميمي كانت ساكنه جنبنا بس ما كنت بعرفها لانو يدوب احنا رحلنا وما دخلنا علي الناس صاح احنا كنا
بنات في الثانوي بس الحياه العايشنها اكبر من عمرنا بكتير والايام ماشه بأيقاع سريع وعلاقتي مع الشلة دي وخصوصا نجلاء ماشه تذيد وتتعمق في مره جاتني نجلاء قالت لي يا ريم أنا عاوزاك معاي في مشوار صراحة ما رفضت لأني ما متعوده ارفض لزول طلب ما بحب اكسر لي زول ومن غير اي تردد ولا سألتها احنا ماشين وين طلعت معاها لمن حصلنا عرفتني علي
سعد وصحبو محمد بعد المقابله دي
استنكرت علي نجلاء موضوع الخروج من المدرسه وكده ما صاح صراحه انزعجت أول مره اخرج عشان الاقي لي اولاد نجلاء اقنعتني وقالت لي عادي ماف مشكله إني الاقي ولد من غير
ما اهلي يعرفو ا وصراحه حمستني بي كلامها وكمان جاتني بعد يومين من المشوار ده قالت لي محمد قال معجب بيك انتي رايك شنو قلت ليها يا نجلاء احنا لسه صغار علي امور زي دي عليك الله ما تحرجيني معاك ,, طبعا فاكره نجلاء حتخليني في حالي بس وين الزوله دي شغاله تقنع فيني بكل الطرق وانا لقيت نفسي ماعندي اي مفر منها في النهايه وافقت اصلا انا متذبذبه يعني الذنب ما علي نجلاء بس مافكرت بعقلانيه وخضت تجربه سموها زي ما تسموها حب اعجاب تهور محمد ده كان اكبر مني ....... وكل ما لي بحس إني بغرق في علاقه ماعندها قرار حتي الكلام ده اثر علي النتيجة حقتي فيها ملاحق والسئ في الموضوع انا ما منتبهه علي نفسي مواصله معاهو والامور اتطورت بقيت اطلع اقابلوا تقريبا يوميا بحجه اني ماشه اذاكر عند صحباتي
وكمان جاب لي تلفون صغير كده بالدس وديك يا الرسائل والونسه الدقاق .....
العلاقه ا