📖 اذا انتهيت من قراءه الروايه اضغط علي #لايك 👇 واذا حصلنا علي #مائه لايك سوف نقوم بتنزيل روايه #جديده

#_غلطه_في_عمر_صغير
بقلم ناني عمر بيك
-١-
ما اجمل انك تتمني وتحلمي انك تعيشي حياه حلوه مع شخص يحبك و تحبيهو ويكون سندك و دنيتك وحياتك اهلك وعزوتك وتكوني معاهو اسره واحده سعيده ده كان حلمي زي اي بت في عمري انا رحمه عمري ٣٠ سنه مأساتي بدت لما كان عمري 15 سنه وغلطت غلطه حياتي في سن صغير شديد عايشين في مدينه بعيده مجهوله مكانها في الخريطه ما موجود عباره عن قريه معدومه يومها بيبدا من الساعه ٦ الصباح وبنتهي المغرب عايشين علي نار الحطب ومويه الابار لا في كهربا ولا تكنلوجيا بنسمع بي حاجه اسمها مدينه من الاساتذه البيجو مطوعين من ولايات قريبه لينا بس شكلها كيف ما بنعرف الحاجه الوحيده الكويسه عندنا مدرسه لحد الاساس بس مافي ثانوي ولا جامعه وعندنا الخلوه لتحفيظ القرآن نحنا عيله ابوي كبيره وصعبه شديد كانو بزوجو البنات من عمر ١٢ سنه الواحده بتبلغ في بيتها وكتير ماتو في الولاده انا واخواتي ٣ بنات بس واولاد عمي كتار زوجو اخواتي الكبار وانا فضلت اخر واحده ابوي كان صعب بس حكمه من الله كل ما يتقدم لي واحد من اولاد عمي بحصل شي لحد ما قالو علي منحوسه من حظي امتحنت لحد تامن ونجحت ما كان في حاجه اسمها حب ولو ولد عاين لي بت ساي بقتلوهو كان في عندنا عرس من بنات الحله عمها زول كبير في العاصمه جو عربات واصلا العرس تم عشان البت وحيده وابوها عندو دهب وبهايم واراضي بس عمها ده زمان باع نصيبو مشي خلي القريه جا مره بس لمن ابوهو مات بعد سنين عنده قروش بس الطمع خلاهو يزوج ولده لي بت اخوه دي عشان يضمن انه مافي راجل غريب يجي يتزوجها ويدخل بينهم العروس بعرفها صحبتي من بنات الخلوه عزمتني العرس وعشان هي واحده اتبرعنا انا وبنات القريه نرتب ليهم البيت لحد ما العرس يتم طبعا كلنا كنا صغار في السن مشينا بيتهم كلنا ولقينا عمها واهله موجودين امها قالت لينا جهزو الضيافه جهزنا كل شي امها قالت لي اقيفي جمب باب الصالون ونادي عمك حسن ابو العروس مشيت اناديهو لقيت راجل كده بتكلم بالتلفون بره لابس هدوم سمحه وعطرو سمح ما زي العطور العندنا من النوع الغالي داك خلص مكالمه واتلفت والله ماشاءالله جميل وعيونه كبيره مرتب ونضيف ما زي اولاد القريه وقف عاين لي مسافه وابتسم لي انا خفت قمت ماشه قال لي اقيفي خفت زياده وجريت رجعت قعدت مع العروس جوه وقلبي كان بضرب بالليل كده راقده في عنقريبي بفكر فيهو وفي ابتسامتو وصوته وعيونه لحد ما نمت وحلمت بيهو الصباح جات امي صحتني عشان اعمل الشاي قمت ومشيت البير عشان اجيب المويه الجو حلو شديد الجانب المريح في قريتنا الجو والخضره ماشه علي البير شفتو اي والله هو كان واقف هناك جمب الشجر مع رجال كده شكلهم جو مع بعض من المدينه بي عربيتهم بتصورو بقيت واقفه بعاين ليهو فكرت ارجع قبل ما يشوفني بس اتلفت ما عرفت اعمل شنو مشيت واصلت مشي وقفت جمب البير عشان اشيل مويه قال لي يسعد صباحك ما رديت قال لي محتاجه مساعده قلت ليهو شكرا ليك شلت المويه وماشه مسك ايدي بي طريقه ما عجبتني رميت المويه قلت ليو احترم نفسك وما تلمسني قال لي طيب اسمك منو قلت ليهو ما عارفه وخليت المويه ومشيت بجد حسيت نفسي متضايقه شديد من تصرفه اي نعم نحنا بنات قريه بس متربيين كويس وبنميز قله الادب وما بنتعدي الحدود امي قالت لي المويه وينها قلت ليها في اولاد جمب البير عشان كده ما جبتها وجيت راجعه قالت لي طيب شويه وارجعي جيبيها اخواتك ونسوان اعمامك جايات الفطور بعدين قلت ليها طيب اخواتي جو ونسيباتهم فطرو وشربو الجبنه والعصر بنات الخلوه جوني قالو لي نمشي حنه العروس استاذنت امي قالت لي ترجعي قبل ما ابوكي يرجع عشان ما يقيم علينا الحد قلت ليها كويس مشينا كده داخلين لقيت ود المدينه واقف بره بتكلم بالتلفون بره من شافني بقي يتبسم لي عاينت ليهو ومشيت دخلت للعروس الزمن فات والمغرب دخل ماشه البيت بعد كم شارع كده بس الشوارع فيها شجر كتير كنت خايفه شديد انا ماشه حاسه بي حركه رجلين وراي اتلفت لقيتو هو قلت ليهو متابعني مالك قال لي عاوز اوصلك قلت ليهو براي بمشي قال لي الدنيا ليل اسمعي الكلام قلت ليهو طيب انا بمشي وانت خليك وراي عشان ما صاح نمشي سوا بتحصل لي مشاكل قال لي طيب ومشيت دخلت البيت لقيت امي واقفه لي في الباب قالت لي ابوكي جا وسال منك قلت ليهو نايمه خشي قبل ما يشوفك ودخلت سرعه راقده في سريري بفكر فيهو طلع شهم ما خلاني جيت براي ونمت مبسوطه تاني يوم العرس بنعمل في الشاي جا داخل المطبخ عشان يشيل الشاي اديتو ليهو وابتسم لي لي اول مره ابتسم ليهو ما عارفه ليه بس كنت حاسه اني ما في منومه مغنطيسيا وفي عالم تاني والعرس انتهي وقعدو معانا اسبوع في القريه كل يوم نتقابل ما بنتكلم بس نظراتنا كانت بتتكلم لحد ما ساقو العروس وسافرو قبل ما يسافرو الصباح لقيتو مستنيني جمب البير زي كل يوم قال لي انا عاوز اتكلم معاكي قلت ليهو طيب قال لي انا بحبك لمن جردل المويه اتكشح مني وع

ارفك بتحبيني من يوم شفتك جزبتيني بقيت واقفه بعاين ليهو مسك ايدي فكيتها وجريت وفي نفس اليوم سافر وعدي ٣ شهور انا بفكر فيهو كنت بمشي لي ام العروس اسال عنها امها قلت لي العروس حامل وابوها عيان شديد ح يجو بعد اسبوع طبعا طرت من الفرح يارب يجو وانتظرت اسبوع بي فارغ الصبر لحد ما يوم ماشه الخلوه شفت عرباتهم واقفه فرحت ومشيت عشان اسلم للعروس لقيتهم قاعدين وهو معاهم سلمت وعاينت ليهو ما عبرني ولا بي نظره قلت يمكن عشان اهله قاعدين قعدت مع العروس شويه ومشيت الصباح مشيت البير اجيب مويه لقيتو واقف قام جاني قال لي اشتقت ليك من غير ما احس قلت ليهو وانا كمان قال لي بحبك قلت ليهو وانا كمان مسك ايدي وباسها قال لي عاوز اتزوجك من الفرحه اتصدمت قلت ليهو بجد قال لي من يوم شفتك قلت انتي ام عيالي قلت ليهو ام عيالك😳 قال لي اي ام ولدي مؤمن طبعا من الفرحه ما قادره اتكلم قال لي ح اسافر بعد يومين قبل ما امشي ح اقابل ابوك عشان اتقدم ليك مشيت البيت من الفرحه ما قادره انوم بتخيل نفسي مرتو وام اولاده الصباح مشيت البير ما لقيتو جيت زهجانه العصر مشيت الخلوه لقيتو جمب الشجر قال لي بعد تخلصي الدرس انا مستنيك هنا قلت ليهو طيب مشيت الخلوه خلصت دروسي وجيت المغرب قرب لقيتو مستنيني وماشين جم الشجر قال لي ما نمشي بي الشارع الرئيسي عشان ما تحصل ليك مشكله قلت ليهو طيب دخلنا بي شارع تاني ما فيهو ناس مقطوع ونادر من يجي زول ماري بيهو لقينا شجره كده كبيره قعدنا فيها قعد جمبي قال لي بكره جاي اقابل ابوكي قلت ليهو طيب وابتسمت من الخجل قال لي حتبقي مرتي وما ح اسيبك ابدا قلت ليهو وانا كمان قام حضني حسيت بي راحه وامان بدا يبوس في ايدي بقيت احس بي شعور غريب ما حسيتو قبل كده بدا يبوسني قمت وقفت وزحيت منه قلت ليهو عيب قال لي بكره بكلم ابوك يعقد لي طوالي وتاني بدا يبوسني وانا ما قاومت لحد ما اخد شرفي فقت بعد فوات الاوان بكيت قلت ليهو انا غلط وضيعت نفسي قال لي حتكوني مرتي بكره وهداني وسكت ومشيت البيت وانا خايفه ومرعوبه وما مستوعبه الحصل لي ما قادره اصدق اني غلط وفرطت في شرفي

يتبع

#_غلطه_في_عمر_صغير
بقلم ناني عمر بيك
-٢-

ما قادره اصدق اني غلط وفرطت في شرفي لحد الصباح ما نمت بعض الشمس طلعت مشيت البير لقيتو مافي رجعت البيت قلت المسا بجي يقابل ابوي انتظرت اليوم بي فارغ الصبر لحد الليل ما في زول قابل ابوي همي ذاد قلت الصباح بمشي بيت العروس اشوف مالو ما جا الصباح صحيت مشيت البير ما لقيتو مستنيني زي كل مره مشيت بيت العروس قلت ليها ضيوفكم فاتو ولا شنو قالت لي سافرو امبارح الصباح قلت ليها حيجو تاني قالت لي لا انا ح اقعد مع امي وابوي شهر وبجي راجلي ياخدني بيتي طبعا من الصدمه ما عرفت اعمل شنو يالله اعمل شنو ما فاهمه حاجه يعني هو خدعني قلت لالا هو بحبني يمكن يجي صبرت نفسي ومشيت بعد شهر مشيت للعروس عشان راجلها جا ومرجعها المدينه قلت يمكن جا معاهم لقيتو ما جا معاهو لقيت راجلها جا وجاب طاقه شمسيه وصلها في البيت عشان مرتو تقدر تتكلم مع ابوها وامها بالتلفون عشان مافي طريقه شحن وصل ليهم كهربا في البيت قلت ليها راجلك باين عليهو طيب قالت لي اي كتر خيره ما محوجني حاجه وبعاملني كويس قالت لي جاب تلفون لي امي وابوي بعلمك كيف تستخدمي التلفون عشان تضربي لي اكلم ناس بيتنا قلت ليها طيب ساهل التلفون عرفت كيف استخدمو سالتها بي فوق كده قلت ليها انتي اخو راجلك داك اسمو منو بتاع العربيه قالت لي ده ود خاله زوجي قلت ليها شايفاهو ما قصر مع راجلك افتكرت اخوه من المدينه البعيده ديك بجي معاهو قالت لي اي زوجي وعلي قالو من قامو سوا وهو اصغر من راجلي بي سنه قلت ليها راجلك عمره كم سنه قالت لي 26 سنه ما سالتها تاني عشان ما تنتبه ودعتها ومشيت علي امل انه يجي راجع في يوم وبعد شهر وقعت في الخلوه جابوني البيت تعبانه الصباح قمت من النوم بستفرغ امي قالت لي مالك قلت ليهو معدتي قالبه غلت لي نعناع بي ليمون شربتو وهديت امي شكت فيني من الاعراض قامت نادتني قالت لي انتي عملتي حاجه غلط نطط عيوني وبقيت ارجف امي ختت يدها في راسها قالت لي ارح الحله التانيه مسافه ساعتين مشينا دخلنا لي مره قالت لي بتي عروس جديده عاوزه اكشف ليها الحمل كشفت لي وقالت ليها البت حامل امي لمن داخت لاكين اتماسكت وطلعنا مشينا في نص الشجر قالت لي وريني غلطي مع منو ومتين حكيت ليها بكت بي حرقه قالت لي ابوكي لو عرف بقتلك ومشينا البيت امي قالت لي الزول ده بتقدري تصلي ليهو قلت ليها اي مشيت لي بيت ام العروس قلت ليها عاوزه اكلم بتك واتكلمت معاها قلت ليها ابوي عاوز رقم علي قريب زوجك قال في زول بعرفو حيقابلو في المدينه ملتني الرقم قفلت ومن تلفون امها وطلعت بره قلت ليها الشبكه عشان ما تسمعني اتصلت اول ما رد تاني رفع ياهو صوته قلت ليهو علي قال لي منو معاي قلت ليهو رحمه قال لي رحمه منو قلت ليهو بت رحمه اللعبت بيها وبي شرفها قال لي اااااه رحمه بت الريف قلت ليهو انت ليه ما جيت قابلت ابوي زي ما وعدتني قال لي وعدتك بي شنو قلت ليهو بالزواج قال لي هو اي بت انا بنوم معاها بوعدها بي الزواج بتصدق انتي فاكره اني ح اتزوجك بتحلمي قلت ليهو انا حامل قال لي العبي غيرها وتاني ما تتصلي وقفل في وشي الدنيا ضاقت بي رجعت البيت امي سألتني ما عرفت اقول شنو قلت ليها الرقم مقفول قالتي لي ابوكي لو عرف بقتلوكي زي بت عمك حامد بت عمي حامد دي غلطت وما كانت حامل بس عشان فرطت في شرفها ابوها ضبحها ودفنوها وطبعا ما عندنا قانون بيحاسب القانون عند ابهاتنا وجدودنا البتغلط بتموت فكرت في كلام امي وعارفه الراجيني مرت ٤ شهور بطني بدت تظهر وامي كل يوم بتسألني من ابو الجنا قلت ليها تلفونو مغفول لسه يوم جاتني قالت لي لازم تمشي من هنا قبل ما ابوكي يعرف قلت ليها امشي وين قالت لي اي حته المهم تمشي جابت لي دهبها ومعاهو قروش قالت لي شيلي الدهب ده وامشي المدينه ابدي حياتك من هناك وكان ربنا كتب ليكي عمر حنتلاقي المهم ما تفقدي حياتك فكرت في كلام امي انا صغيره علي الموت ولازم امشي الصباح بدري مشيت لقيت امي نايمه ودعتها وبست رجلينا وطلبت رضاها ومشيت لابسه بس عبايه وشنطه فيها الدهب ورقم علي والعروس حافظاهو في راسي مشيت مسافه ساعات بي رجليني مره اتعب ومره ارتاح ومره ابكي احساس صعب وما عارفه ح اعمل شنو ولا ابدا من وين ولا الراجيني شنو بعد ساعات مشي وصلت شارع السفريات شفت باصات كبيره بتعبر بي الشارع زلط كبير وقفت باص احتار السواق البت دي في الحته المقطوعه دي وقف لي فتح الباب قال لي ماشه وين قلت ليهو المدينه قال لي ده ماشي حته تانيه لاكين فيها موقف بمشي المدينه ركبت ومشيت بتاع الباص بدا يسأل قال لي انتي جايه من وين قلت ليهو من قريه كده صغيره قال براكي ليه قلت ليهو ماشه افتش علي اخوي مشي المدينه وم جا راجع قال لي بس انتي صغيرونه قلت ليهو اخوي اصغر مني ووحيدنا بمشي افتش اخوي قال لي بتعرفي ناس هناك قلت ليهو اي عمي هناك وانا بعرف المكان وصلنا قال لي ده محل الباصات هناك نزل كتر خيره قطع لي تزكره وصي علي سواق قال ليهو دي بتنا خلو با

لكم منها وكتب لي رقمو في ورقه قال لي اي حاجه تحصل اضربي لي ولو وصلتي برضو اضربي لي الراجل باين عليهو طيب ومشيت وبدت رحلتي ورحله معاناتي ساعات ماشين وصلنا تاني يوم الصباح نزلت طوالي المدينه كبيره وعربات وناس كتار ومباني كبيره ماشه وبتفرج تعبت قعدت لي جمب ست شاي شربت مويه قالت لي جايه من وين قلت ليها من مدينه بعيده جايه لي منو هنا قلت ليها ناس اهلي قالت لي يابتي انتي ما صغيره قلت ليها في عمري عندنا متزوجات بي عيالهم قالت لي حتصلي لي اهلك كيف قلت ليها بالتلفون عندي رقمهم طوالي طلعت لي تلفونها ضربت رقم العروس مقفول لحد المسا قاعده مع ست الشاي دي والتلفون لسه مقفول قامت تقفل لميت معاها الحاجات قالت لي تمشي تبيتي معاي لمن اهلك يفتحو التلفون جات من الله قلت ليها كويس ومشينا بيتها صغير وبسيط وعندها بتين وزوجها ميت بناتها صغار عمر ٧ و ١٠ سنه سلمت عليهم ظريفات طلعو لي جلابيه قالت لي غيري غيرت هدومي وطلعت لي سرير رقدت فيهو واتعشينا الصباح كده قلت ليها يا خاله عاوزه اشتري تلفون قالت لي كويس في ود جيرانا عند بترينه تلفونات وتلفوناتو كويسه رسلو ليهو قاعد ما مشي السوق لسه جا قلت ليهو عاوزه تلفون كويس وقوي وراني التلفونات شلت ربيكا عادي ودفعت ليهو قلت ليها في مكان شرايح قالت لي عندي شريحه كنت شغاله بيها زمن تلفوني بشيل شريحتين قاعده ما شغاله بيها جابوها ركبوها لي في التلفون شحنتو وشغلتو طوالي طوالي ضربت رقم العروس لقيتو فتح قلت ليها انا جيت المدينه اتخلعت قالت لي براكي قلت ليها اي قالت لي طيب بوصف ليك البيت تعالي وصفت لي ست الشاي البيت مشت وصلتني ودعتني وشلت رقمها وفاتت وصلت لقيتها مستنياني في الباب بيتهم كبير عماره ٥ طوابق دخلتني بيتها ماشالله نضيف ومفروش سمح عندها حاجات في حياتي ما سمعت بيها وتلفزيون دخلت فضلتني دخلتني اوضه كده قالت لي دي للضيوف اصلا وقالت لي جيتي كيف براكي قلت ليها هربت اتهجمت قالت لي هربتي من شنو وليه قلت ليها انتي عارفه البتهرب عندنا بتهرب ليه قالت لي غلطي😱 قلت ليها اكبر حملت .......يتبع

#_غلطه_في_عمر_صغير
بقلم ناني عمر بيك
-٣-

قلت ليها غلطتي ما بتغتفر وما غلطه عاديه غلط بي عار في بطني طبعا ختت يدها في خشمها من الخلعه قالت لي كيف غلطي ومع منو قلت ليها من علي تاني ختت يدها في قلبها وجاتني قريب قالت لي علي منو قلت ليها علي اخو زوجك قالت لي علي اخو زوجي كيف وحصل متين اصلا هو ما جا الا في زواجي وتاني جا معانا لمن ابوي كان عيان متين ووين عرفتو بعض حكيت ليها القصه كلها وبكيت قالت لي عشان كده مره سالتيني منو؟ قلت ليها ايوه قالت لي طيب علي عرف قلت ليها اتصلت عليهو من تلفون امك وما صدقني وقفل فيني الخط قالت لي انتي كيف غلطي ما عارفه العادات كيف عندنا ما فكرتي في العواقب لمن غلطي قلت ليها انا حبيتو والحصل ده كله حصل في غمضه عين قال ح يتزوجني قالت لي وانتي صدقتي صحي ح يتزوجك قلت ليها صدقتو كنت بحبو قالت لي علي ده نسونجي انا من جيت كل يوم داخل وطالع مع النسوان ما جادي وسمعتو كعبه بكيت زياده بكيت بي حرقه قلت ليها طيب انا اعمل شنو قالت لي مافي حل غير انه اكلم راجلي هو يتصرف معاهو عاينت لي نظره حزن قالت لي انتي ارتاحي وما تتعبي نفسك وربنا بحلها ربنا اتزكرت ربنا قلت ليها عاوزه اصلي قالت لي طيب جابت لي عبايه ومصلايه مسيت اتوضيت وصليت وسلت كتاب قعدت اقرا قرأن حسيت بي راحه نفسيه ركعت ودعيت ربي ربنا يسهل لي ويسامحني علي غلطي المسا كده زوجها جا وجا سلم علي كان كويس وبعد شويه شال ليهو شنطه هدوم قال لي مرتو مسافر تبع الشغل وما معروف برجع متين وسلم لي ومشي قالت لي ما قلت ليهو حاجه ليه عشان كان مستعجل قالت لي غير كده خفت اتكلم في الموضوع قلت ليهو كويس وقعدت معاها ١٥ يوم حتي راجلها جا خلتو نام طول اليوم بالليل كده صحصح حكت ليهو الموضوع طوالي جاني هايج قال لي الكلام ده صاح انتي حامل من علي قمت طوالي جريت علي الحيطه لمن شافني خفت حن علي وقال لي تعالي اقعدي طيب واحكي لي الموضوع ماسك راسو بسمع فيني قال لي انتي متاكده ده علي ما يمكن زول تاني وملصقاها فيهو دمعتي سالت قلت ليهو انا عرفت راجل غير علي في حياتي كلها قال لي طيب علي سافر وما معروف حيرجع متين بس يجي نتكلم في الموضوع ونحلو اتنفست بي راحه كده قلت ليهو كويس قال لي واهلك عارفين انتي وين؟ قلت ليهو لا حيقتلوني لو عرفو سكت ومشي غرفتو قلت للعروس اضربي لي امك شوفي الحاصل شنو في قريتنا اتصلت علي امها وفتحت مكب الصوت واتكلمت معاها كتير قالت ليها اخبار ناس القريه شنو قالت ليها صحبتك رحمه اختفت ما لقوها ما عارفينها كبارات القريه اجتمعو قالو يمكن هربت مع راجل ولو صحي هربت ولا غلطت حكمو عليها بالموت وتحت تحت قالو يمكن ابوها ضبحها ودفنها في مكان بعيد غطي علي فضيحتها قالت ليها طيب ام رحمه ما جاتك قالت ليها ما شفتها نهائي لاكين قالو تعبانه وقعت من الرجال طلعو الحكم علي بتها ودعتها وقفلت منها بكيت بي حرقه علي وجعي وغلطتي الضيعتني مرت الايام وقعدت معاهم ٣ شهور وبطني بقت كبيره وهي زاتها حامل قربت للولاده قاعدين كده نتغدا الباب دقا زوجها كان بيتكلم في التلفون وانا جمب الباب فتحتو لقيت علي.............يتبع

#_غلطه_في_عمر_صغير
بقلم ناني عمر بيك
-٤-
فتحت الباب لقيتو ده علي اتفاجأ لمن شافني واتفاجأ اكتر لمن شاف بطني قدامي قال لي الجابك هنا شنو سكت مسك ايدي شديد قال لي بتكلم معاكي طوالي قام اخوهو جا ومسكو مني وهاج فيهو دخلنا وقفلنا الباب قال ليهو البت دي بتعمل شنو هنا قال ليهو البت دي قالت حامل منك قال ليهو وانت صدقتها قال ليهو انا كنت منتظرك تجي عشان اقدر اعرف منك قال ليهو تعرف مني شنو انا البت دي اصلا ما لمستها اسمها منو ما بعرفو ولا قربت ليها اخوهو قال لي اها رايك شنو قلت ليهو انا حامل من اخوك ولا عمري عرفت راجل غيره قال لي انتي كذابه يمكن طمعانه فيهو وعاوزه قروش يمكن متفقه مع زولك الحملتي منو طوالي علي قال لي عاوزه شنو قروش طلع قروش ورماهم في وشي قال لي اصلا انتو بنات الاقاليم رخاص وبتجرو ورا القروش انا علي ده الدنيا ملانه بنات اشكال والوان اعاين ليك انتي وقعو فيني اهانات وفي شرفي كلام جارح ما بتقال حسيت بي وجع في قلبي يالله لمن تكوني وحيده وفي ضيقه لا اهل لا صديق ولا قريب لا اخ واخت ولا اب ولا ام يدافعو عنك ما عندي شي غير البكا قالو لي بكره تلمي هدومك وتمشي من هنا طوالي وعلي طلع فات واخوهو دخل غرفتو وقال لي مرتو تحصلو وانا ما انتظرت طوالي شلت حاجاتي وطلعت ماشه في الشارع وببكي ما عارفه ماشه وين ما بعرف الاماكن اتزكرت ست الشاي ضربت ليها ردت وانا ببكي وقلت ليها الناس الكنت معاهم طردوني قالت لي اركبي اي امجاد وانا بوصف ليهو يجيبك وقفت امجاد وضربت ليها وصفت ليهو البيت وصلني ليها من شافتني اتفاجأت بي بطني قالت لي احكي لي الحصل شنو حكيت ليها الكلام كله قعدت تبكي وقالت لي انتي غلطي بس صغيره في نفس الوقت وزولك ده حاولي معاهو يمكن يحن ويعقد ليك عشان جناك يكون عنده اسم قلت ليها بحاول تاني قعدت معاهم شهر ما قصرت المره بتعاملني زي بناتها يوم قاعده قلت ليها خالتو علويه قالت لي نعم قلت ليها انتي طيبه كده وساعدتيني ليه وانتي ما بتعرفيني قالت لي يابتي انا ام بنات والما برضاهو في بتي ما برضاهو في بت تانيه انتي الظروف جبرتك وجيتيني انا والله بطلع الشغل علي الله وبكون قلبي علي بناتي هم براهم في البيت بس من يوم جيتي ومسكتي لي بمشي وبجي مرتاحه طبعا انا من يوم جيتهم ماسكه البيت والبنات ما بخليهم يطلعو الا للضروه وبحفظهن القرأن وبحل معاهم الواجب وبمشي المدرسه معاهم لو عاوزين ولي امر رغم اني صغيره بس واعيه وكلامي موزون الاستاذات بقو يحترموني قالت لي بعد كده قربتي للولاده نمشي نحاول مع ابو الجنا ده تاني قلت ليها كويس ضربت لي زوجه اخوهو بت قريتي قلت ليها عاوزه عنوان شغله قالت الاحسن ما تمشي علي عشان علي عاوز يتزوج في الاسبوع ده وعلي بتاع مشاكل قلبي انقبض لمن سمعت الخبر وعصرت علي نفسي واتماسكت قلت ليها يمكن يشوف بطني وحالتي يحن علي قالت لي احسن تبدي حياتك من جديد قلت ليها والفي بطني ده كيف اربيهو براي قالت لي طيب بوصفك ليك محل الشغل لاكين ما شلتيهو مني عشان ما تحصل مشاكل قلت ليها ما تشيلي هم عرفت محل شغله خالتي علويه قالت بتعرف المكان تاني يوم الصباح مشينا كان معاهو ناس من شافني قام هاج وقال لي الجابك هنا شنو قلت ليهو علي انت عارف الجنا ده حقك قال لي اضمن من وين زي ما نمتي معاي نمتي مع غيري قلت ليهو اهلي ح يقتلوني قال لي انا دخلي شنو بقيت اكورك والناس اتلمت قلت ليهو ربنا ينتقم منك في العملتو فيني انا ما عرفت غيرك اعمل شنو واربي جنا براي كيف خاف الله فيني في اللحظه ديك هاج وكورك وضربني جو الرجال مسكوهو مني بقت ليهو فضيحه قال لي بدفعك التمن غالي وكان ناوي علي شر في راجل كده طلع ورانا سلم علينا وقال اسمي علاء الدين قال لي احكو لي الحاصل ما قدرت اقول شي سكت قام تاني قال لي احكي وما تخافي خجلت لاكين حكيت ليهو الراجل اتاثر شديد قال لي ده رقم تلفوني في اي حاجه اضربي لي قلت ليهو طيب ومشينا الصباح كده جا بوكس بتاع بوليس رفعوني ودوني القسم قالو انا سرقت قروش قلت ليهم ما سرقت والله ما سرقت خالتي علويه قالت لي ما تقولي انتي حامل منو قولي متزوجه وراجلك مسافر عشان ما يفتحو فيك بلاغ زنا العساكر معاملتهم قاسيه وضربوني وانا حامل ما هماهم حملي كفتوني وسمعوني كلام فاضي بكيت وحلفت شكلهم وصوهم علي اتزكرت الراجل الكتب لي رقمو خالتي علويه اتصلت عليهو لقتو مغلق قعدت يومين في الحراسه بصلي وبدعي وببكي في الدنيا البهدلتني بس جاتني خالتي علويه قالت لي ضربت للراجل قال لي جاي وفعلا جا وشافني قال لي تلفوني ضايع ويادوب طلعت الرقم قال لي ما تخافي ح اطلعك قلت ليهو انت بتساعدني ليه قال لي عندي اسباب قويه تخليني اساعدك قلت ليهو ما يكون لي شر انا ما عندي شي في الدنيا دي قال لي ما تخافي ما عندك علاقه انا عداوتي مع علي وفعلا الراجل طلعني وبعد فتره كده جاني وجع ولاده ودوني المستشفي ولدت ولد حلاه الدنيا عليهو طلع بشبه ابوهو وفيهو شبه مني طفل في

شكل ملاك اول ما شلتو جاني احساس غريب قوه علي ثقه علي اني وهو بقينا اتنين وانا ما وحيده في الدنيا دي وطلعوني وفي المستشفي جاني الراجل اللقيتو مع علي جاني شايل هدايا وحاجات لي وللبيبي بارك لي قلت ليهو سبب عداوتك مع علي شنو قال لي علي ده كان اعز اصحابي زمان بس انا خطبت وكنت ح اتزوج جيت يوم صدفه لقيتو نايم مع خطيبتي قلت ليهو طيب عملت شنو قال لي ما شافوني مشيت طوالي فسخت الخطوبه ولغيت العرس قلت ليهو ما واجهت علي قال لي ابدا ولا عمري سألتو موجوع منه لاكين بتعامل معاهو عادي قلت ليهو ربنا يرزقك بي بت الحلال قال لي امين وخرجوني من المستشفي طلعت من دهب امي قلت لي خالتي علويه فكي الدهب ده حلفت كان تشيلو قالت لي قدرت علي بتين بقدر علي تلاته وانتي ليه مشوارك طويل وفري الدهب ده للحوجه المره ما قصرت معاي ولا حصل حسيتني اني غريبه وعرفت انه علي وبعد فتره بسيطه اتزوج قلبي وجعني من علي عايش مبسوط ضيعني وبعدني من اهلي بقيت عايشه مع الاغراب واهلي عايشين عدت الايام وعملت 16 سنه دخلت المدرسه طوالي دخلت الثانوي نزلت سنه اولي الحمدلله كانو بيطلعو لينا ورق وجبت اوراقي معاي قالو لي اجيب شهاده سنه ٨ عشان اقدر ادخل المدرسه عرفت البلد بقيت اقدر اتحرك وامشي واجي مشيت الوزاره بي الوصف طلعت شهادتي ودخلت وبديت الحصص كنت شاطره شديد والمديره قدرت موقفي وبقيت اجي بي ولدي ماشالله هادي اصلو ما ببكي طول الوقت نايم تقول حاسي بي عدت السنه وعملت ١٧ سنه ودخلت سنه تانيه ولدي بقي يمشي بالسرير فرحانه بيهو شديد خالتو علويه بقت تمرض بقيت امشي المدرسه وبعد اجي بمشي اشتغل في محلها تعالو شوفو المضايقات وقله الادب الا في عمو كده خالتو علويه فهمتو اني بت اختها حتي وقف معاي وحزر اي زول يتعد حدوده معاي امورنا ماشه بس طوالي بتزكر امي وبشتاق لي اخواتي نفسي اكلم امي واسمع صوتها نفسي تدعي لي واسمع دعاها ودخلت سنه ثالثه وامتحنت ونجحت بي تفوق ولدي بقي عمره ٣ سنين يوم النتيجه خالتي علويه وقعت نقلناها المستشفي طلع عندها فشل كلوي ملتني رقم قالت ديل عمات بناتها بس ما عندهم علاقه كده بي بعض اتصلت عليهم وكلمتهم جو بعد يومين البيت ومشيت عشان اجيب حاجات تعالو شوفو يا تحقيق انتي منو وقاعده هنا في البيت بي صفتك شنو طوالي قالو لي علويه نحنا بنهتم بيها وانتي شيلي ولدك ده واتخارجي الاسويهو ما عرفتو طوالي شلت ولدي ومشيت بيهو المستشفي خالتي علويه حست بي حاجه وسألتني قلت ليها الولد قاعد يبكي عشان كده جبتو وبعد شويه هن زاتهم جو قالو لي الجابك شنو مش طردناكي قلت ليهم خالتي علويه زي امي وهي محتاجاني بس تبقي كويسه انا بمشي خالتي علويه قالت ليهم دي بتي مافي زول يطردها البت وحيده ما عندها غيري قالو ليها ده بيت اخونا القاعده فيهو ونحنا كلام زي ده ماةبينفع معانا سكتت منهم وعاينت لي بي حسره قعدنا اسبوع انا وولدي مع خالتي علويه في المستشفي وطبعا ديلك معاها م حبيت اعمل ليها مشاكل قلت ليها بمشي مشوار وبجيك ضربت لي علاء الدين سلمت عليهو وحكيت ليهو الحاصل قلت ليهو عاوزه مكان اقعد فيهو لحد م اتصرف قال خليك مكانك جاي عليك طوالي دور جاني ومشينا علاء الدين عندهم شقق ايجار قال لي في وحده اصلا فاضيه ما اتأجرت وشكرتو قال علي شنو مافي داعي تشكريني اصلا الشقه دي كل ما تتاجر بتفضي ممكن نصيبك تقعدي فيها قلت ليهو تقلت عليك بس فتره مؤقته قال لي البيت بيتك تقعدي بي راحتك مشي وجا شايل معاهو اكياس فيهم اكل وحليب وحاجات قلت ليهو ليه التعب قال لي انتو بقيتو مسؤليتي واي حاجه اضربي لي قلت ليهو ممكن بس انا الاصرف علي نفسي معليش يعني قال لي حتصرفي من وين طيب قلت ليهو بتصرف قال لي ما عجبني الكلام لكين ما بضغط عليك وقت ما شفت وضعك ما عجبني انا بتصرف معاكي قلت ليهو طيب قام ماشي كده ولدي قال ليهو بابا😳 وجري عليهو طبعا اتحرجت منو قام طوالي شالو قلت ليهو معليش بس عشان طفل صغير قال لي بالعكس بسطتني الكلمه قال ليهو وانت يا بطل انا من اليوم بابا تمام قال ليهو انت بابا ؟ قال ليهو ايوه بابا لعب معاهو شويه لمن ولدي نام ومشي قال لي رحمه انتي الولد ده عنده شهاده ميلاد ؟ قلت ليهو لا طبعا عارف وضعي قال لي طيب ممكن اسجلو بي اسمي فاجأني قلت ليهو بس انت ما ابوهو وما مجبور تعمل كده وبعدين زوجتك حتقول شنو قال لي انا كنت عاوز اقول ليك كده من اول يوم بس خفت ترفضي قلت ليهو بصراحه ما عارفه قال لي ما تفكري كتير الولد ح يحتاج الورق عشان يتسجل في الروضه قلت ليهو طيب تم اسبوع كده وجاب شهاده ميلاد لي ولدي بي اسمو قال لي الولد كده بقي ولدي ومافي مخلوق بقدر يغير الكلام ده فرحت بجد كنت خايفه يكبر ويسألني وما اقدر ارد عليهو.........يتبع

شاكل قال لي ده ولد منو قلت ليهو م بخصك وطوالي مشيت ركبت تاكسي وطول الشارع بتلفت ما يكون عرف محلي وصلنا البيت ح شويه روقت بعد اسبوع ضرب لي علاء الدين سلم علي وحكيت ليهو قال لي انا ما قابلت علي لحد هسي واتصل علي ما رديت عليهو قالت ليهو تابعني وحكيت ليهو الحصل قال لي ما تخافي طالما انا موجود ما بقدر يعمل شي ثم انه بيخاف من مرتو واهلها عشان واصلين قلت ليهو طيب ومرت سنه ومرت علاء الدين ولدت بس ماتت في الولاده وخلت بتها رضيعه علاء الدين اتاثر عشان بتو يلا مرتو اهلها كعبين ابو يهتمو بالبت واخواتو طالبات جامعه مافي وحده بتقدر علي المسؤليه وامو كبيره قلت ليهو انا بهتم بيها مع ايام العزا البت بتبكي تقول خاسه امها ماتت من اشيلها تسكت بقيت بهتم بيها جبت شغاله في البيت لمن امشي الجامعه هي بتهتم بي الاولاد وربيت البت لمن عملت عمر سنه وبتقول لي ماما علاء الدين بقي يقسم وقته من شغله للعيال واتخرجت من الجامعه اولي الدفعه كان احلي يوم في حياتي ولدي عمره ٨ سنين وبتي عمرها سنه فرحانه بيهم بعد التخريج مشينا بيت ناس علاء الدين قالو عازمننا عشا بي مناسبه تخريجي مشينا امو نادتني جوه قالت لي يا بتي انا دايراكي لي علاء الدين ولدي بقيتي مننا وفينا وما بلقي ليهو احسن منك قلت ليها يا خاله ولدك طيب ود حلال بس انا ما مناسبه ليهو في وضعي قالت لي شوفي يابتي علاء الدين حكي لي قصتك وانا متعاطفه معاكي فيها شايله مسؤليه وعمرك صغير وكمان اهتميتي بي بتنا وبقيتي امها ماضيكي ما مهم وانتي بت حلال اخلاقك تكفي وانا ضغط علي علاء الدين عشان يحكي لي لانو قال رفضتيهو مرتين وانا يابتي بضمن اخلاقك احسن من باقي بنات الناس بكيت وحضنتني قالت لي من الليله انا امك وانتي بتي ومرت ولدي وافقي الله يرضي عنك قلت ليها خلاص يا خاله انا موافقه انو طوالي بدت تزغرت وعلاء الدين جانا خاشي قال ليها وافقت بي فرح طوالي قالو يجيبو مأذون قلت ليهم عندي طلب عشان اهلي مافي اطلبوني من خالتو علويه امو قالت بكره دي نمشي ليها وفعلا تاني يوم مشو ليها واتقدمو لي حسب الاصول خالتي علويه فرحت وبكت كانو وحده من بناتها فرحت لي وتم عرسي عمل لي عرس حلو يليق بي وجاء علي في الكوشه اتفاجأ اني العروس بارك للعريس وبعاين لي بي انبهار كده وحسد وغيظ وغل نظرتو فيها كلام كتير قمت مسكت علاء الدين من ايدو وهو مسك يدي بطمني انه مافي داعي اخاف هو سندي وسافرنا شهر العسل دبي انا وهو ورفضت اسيب العيال كان زي اجازه عائليه كنا مبسوطين شديد علاء الدين حنين وطيب تعامله حلو كان بحب ولدي اكتر من البت قلت ليهو انت بتظلم لي بتي قال لي ده بعتبرو فرحتي الاولي واول م نطق لي قال لي بابا قلت ليهو ما تعقد لي بتي طبعا البت بعتبرها روحي من جوه وما برضي فيها اصلو وسبحان الله طلعو متفاهمين الولد م برضي في اخته نهائي رجعنا السودان علاء الدين عندهم شركه استيراد وتصدير من الاهمال خسرت درست وعملت ليها خطط وفتحت المكتب بي حلول بسيطه وقفتها وامورنا اتحسن بقينا الحمدلله علاء بي شركتو وانا بي شركتي واتعلمت السواقه واشتري لي عربيه دخلت بتي الروضه حلات الدنيا عليها وشقيه لازم تجيني بالليل تفتشني وتنوم في حضني صوتها مالي البيت وبعديها بقيت حامل علاء الدين فرحتو ما بتتوصف قال لي دبستك فيني مافي ليك مخرج الدي سريع عشان نجيب باقيهم وضحكنا قلت ليهو لسه في باقي قال لي حنجيب ٦ تاني وضحكنا بنتكلم علاء الدين قال لي مسافر لي شغل وانا بجي بعد اسبوع قلت ليهو كويس مشي وبتصل تلفونو مغلق قلبي اكلني يوم قاعده الباب دقا فتحتو لقيتو ده علي .......يتبع

#_غلطه_في_عمر_صغير
بقلم ناني عمر بيك
-٥-

خلاص ولدي بقي عندو ورق فرحت جزو من همومي راح اتصلت علي خالتو علويه اطمن عليها قالت لي انتي وين تجي هسي قلت ليها يا خاله ما عاوزه اعمل ليك مشاكل وكلامهم صحي انا ما بقرب ليكم وكتر خيرك في كل العملتيهو لي وانا بجي ازورك كل فتره وفتره قالت لي طيب انتو كويسين وقاعدين كيف حكيت ليها وقالت لي انتبهي علي نفسك ما يكون طمعان فيكي قلت ليها انشالله يا خالتي ما تشيلي هم لحد هسي ما سفت منو شي قالت لي اوعديني لو حسيتي بي شي غريب شيلي الولد وتعالي قلت ليها كويس اليوم التاني علاء الدين جا وقال لي جهزي الولد في روضه قريب نمشي نسجلو طوالي طلعنا مشينا سجلناهو ولدي ماشالله ما بكي نهائي شاف العيال واللعبات واتصورو هو وعلاء الدين وطلعنا مشيت الشقه لقيت مره في الباب من شافتني سلمت علي قالت لي انتي ساكنه هنا قلت ليها اي قالت لي والله العماره دي ناسها كل زول في حالو بتمني القي لي جاره اتونس معاها قالت لي انا من الابيض وناسنا هناك بدخلو لي بعض بس المدينه عكس قالت لي كدي تعالي نشرب لينا قهوه ودخلنا شقتها حلوه ومليانه كراتين بضايع وحاجات اتونسنا وسالتها قلت ليها دي بضايع قالت لي اي بمشي بجيبها من مصر فلت ليها طيب شغلها كيف وراس مالها كيف قالت لي راس المال حتي لو بسيط بجيب ورتني البضايع الماشه قلت ليها انتي بتشغلي براكي قالت لي بناتي متزوجات وحده في دبي وحده في السعوديه قلت ليها يعني عايشه براكي قالت لي ابو بناتي اتوفي من ١٠ سنه وانا بديت طريق التجاره ده بونسني ومره بسافر لي بناتي اقضي معاهم فتره وبجي سالتني قالت لي انتي وين اهلك قلت ليها في مدينه تانيه بعيده وحاليا بس انا وولدي ما سألتني كتير وحمدت ربي المهم قلت ليها بجيك تاني عاشان ماشه اجيب ولدي من الروضه مشيت جبت ولدي لقيتو مبسوط وزعل لمن جبتو البيت حنستو قلت ليهو بكره تمشي تلعب مرت الايام وعلاء الدين بجي للضروره بلعب مع ولدي ومرات بجهزو بجي يسوقو يلعبو ويجيبو راجع مره مشيت لي جارتي لقيتها بتسوق بس هي مره كبيره ما بتقدر علي مشي السوق قلت ليها انا عاوزه اخش معاكي شريكه وعاوزاكي توريني الشغل قالت لي والله كويس القي زول يخش معاي ويساعدني قلت ليها خلاص وريني التسويق والزباين نزلنا السوق ولفينا وزعنا البضاعه سالت كم تاجر قلت ليهم السوق بحتاج شنو قالو لي العده والصواني وحاجات كتير من مصر بتمشي عندنا رجعنا وقلت للخاله انا بسافر معاكي المره الجايه عشان اقدر اتعلم واعرف قالت لي طيب مشيت السوق بعت الدهب بتاع امي كله ضربت لي علاء الدين قلت ليهو عاوزه جواز وحكيت ليهو شجعني قال لي لو مضمون ٣ يوم بس بجهز ليك الورق قلت ليهو طيب بعد ٣ يوم جهز لي كل الورق وجهزت حالي للسفر مع جارتي بقت المشكله ولدي مشيت بيهو لي خالتي علويه وسلمت عليهم لقيت جماعتها فاتو الا هي وبناتها حكيت ليها قالت لي الولد ولدنا خليهو ماتشيلي هم قلت ليها بحي بعد اسبوع دعت لي بالخير ومشيت سافرنا انا وجارتي لفينا الاسواق ما خلينا حاجه ما اشتريناها ورجعنا ماشالله البضاعه وزعناها في يومين بس واستلمنا قروشنا والربح النص بالنص مبلغنا اتضاعف وبقينا انا والجاره بنسافر في الشهر ٣ مرات لحد ما اموري ظبط قلت لي علاء الدين انا عاوزه افتح حساب فتحو لي وقلت ليهو انا ح ادفع ايجار رفض تماما وزعل قلت ليهو انا اموري ظابطه هسي عسان اكون مرتاحه والا ح امشي مكان تاني حتي وافق قال لي طيب نعمل عقد ايجار قلت ليهو مافي مشكله عمل عقد الايجار بي مبلغ بسيط قلت ليهو بس باقي السكان بدفعو اكتر قال لي ده العاوزك تدفعيهو يا كده يا ما بستلم منك قلت ليهو طيب مواقفه بعد فتره طوالي قلت هسي انا اموري ظابطه طيب ما اكمل تعليمي طوالي الصباح لبست وصلت ولدي الروضه ومشيت سالت عن الجامعات والتسجيل لقيت جامعه خاصه وسعرها ما بطال قدمت اداره اعمال وبقيت بحاول اوفق مابين سفري وبضاعتي والجامعه وولدي مرت سنتين وعلاء الدين اتقدم لي مرتين ورفضت قلت ليهو وضعي مجهول نا بيسمح لي وتستاهل احسن مني لحد ما رحلت لي شقه قريب للجامعه اتصل لي علاء الدين قال لقي ليهو بت حلال حيتزوجها وعزمني مشيت العرس قاشره ظبطوني في الكوافير ولبست ولدي احلي بدله ومشينا العرس قاعده في التربيزه مع اخوات علاء الدين كان اشوف ليك علي معاهو مرتو يضحكو ومبسوطين مع بعض فجاءه كده انتبه لي وبقي يعاين لي ما متاكد دي انا ولا لا لانو شكلي اتغير كتير طبعا دخلت في قلبي خوفه مشيت باركت للعريس وخليت ولدي لمن جيت قريب لي تربيزه ناس علي عشان في الممر ولدي جاني قال لي ماما طبعا علي واخوه قعدو يعاينو ليهو بي انبهار الولد عمره 5 سنين ونوع الاطفال الشخصيتهم قويه جيت شلتو سريع ومشيت طلعنا بعد شويه علي طلع ورانا قال لي رحمه بي اعلي صوت وقفت قلت ليهو نعم قال لي جيتي تعملي شنو هنا لو جيتي تعملي شوشره ما حتقدري ولا نسيتي الحراسه والكفيت وقفت قلت ليهو ابعد عني انا ما عاوزه م

#_غلطه_في_عمر_صغير
بقلم ناني عمر بيك
-٦-

لقيتو علي اتفاجأت طبعا قلت خير قال لي مشتاق ليك قلت ليهو مجنون احترم نفسك قال لي عاوزك ما قادر انساكي وجيت اقفل الباب دفرو وداير يهاجمني بس في اللحظه ديك راجلي جا ومسكو مني وقع فيهو ضرب خبطو خبط الجن مسكت راجلي قلت ليهو ما يستاهل عندنا عيال حتي خلاهو قال ليهو مرتي حامل ولو حصل ليها شي تلوم نفسك يا واطي وطردو وقفل الباب جا مسكني حلف الا نمشي مستشفي مشينا الدكتوره قالت ليهو كويسه ما عندها حاجه حتي اطمن قال لي نرحل من البيت ده قلت ليهو بيتنا ده كويس قال لي بعد الحصل ده نمشي طوالي قلت ليهو طيب المهم قلت ليهو انت تلفونك مغلق لي شنو من مشيت اسبوع وانا راسي مقطوع قلت ليهو انت كنت وين قال لي سفره سغل مهمه وتلفوني قطع شحن المهم بعد اسبوع قال لي نرحل قال لي بس شيلو بس شنط الهدوم مشينا عماره ٦ طوابق كبيييييره قال لي اشتريتها جاهزه قلت ليهو غاليه قال لي شقي عمري كلها فيها بس ما اغلي منك ومن عيالي مشينا دخلنا الشقه مفروشه مبالغه فيها ٦ غرف وصاله كبيره ومطبخ كبير وبلكونات وكلها مفروشه فرحت وبكيت من فرحتي قال لي بكره في ضبيحه جايين ضيوف وانا فرشت طابقين تحت شوفي ليك شغالتين عشان يمسكو البيت ما تتعبي قلت ليهو ضيوف منو قال لي ضيوف اهلي من البلد قلت ليهو يشرفو علي عيني وراسي وفعلا الصباح كده طلع عشان يجيبهم من الموقف جا دق الباب قال لي انزلي للضيوف تحت مشيت عشان اسلم عليهم لقيتهم ديل اهلي امي وابوي واخواتي ورجالهم وكبارات العيله طبعا من الصدمه اغمي علي فتحت لقيتهم كلهم واقفين في راسي وراجلي ماسك ايدي مسكت امي وبكيت واخواتي راجلي قال لي بوسي يدك ابوك وراسو وسلمي لي اعمامك مسكت ابوي وبكيت اول مره اشوفو يبكي وقعدنا كلنا ابوي قال لي وجعتيني يا بتي قلت ليهو سامحني يا ابوي قال لي سنين بسأل نفسي حصل ليك شنو ميته ولا حيه زوجي طوالي حكي لي قال لي مشيت قريتكم معاي رجال دين وقعدنا وفهمنا الناس دي انو قتل النفس حرام واشتغلنا فيهم فتاوي وانه الغلط ما بعالجوهو بي جريمه بعالجوهو بي الدين وانك غلطي والحمدلله صلحناهو بي الدين والستر زي ما ربنا امر انتي زوجتي وام اولادي وحمايتك واجبه علي الناس تتسامح كبار العيله قررو مافي حاجه اسمها بت تتقتل اي حاجه بي الشرع والدين وقفو زواج القاصرات وغيرو قوانين القريه فرحت وبكيت وكانو مبسوطين بمدحو في راجلي وقالو ليهو انت ولدنا مننا وفينا قال ليهم ابشرو وطلعنا النسوان في شقه وخلينا الرجال براهم والشغالات جهزن الاكل وضايفوهم بي احسن ما يكون وانا في حضن امي مره بكا ومره فرح واولادي مبسوطين من اهلي اهلهم وحكينا كتير والحصل بعد ما مشيت وقلبو علي الدنيا ابوي بفتش ليل نهار كان بتمني يلقاني حيه قال بحميني بس امي من خوفها ما اتكلمت خافت اخوانو يأثرو عليهو ويقتلني راحه نفسيه انا وسط اهلي وناسي وامي وابوي وقعدو معانا اسبوع وسافرو

ودعت اهلي وسافرو بين دموع وفرح رجعنا بيتنا قلت لي علاء الدين لو مهما شكرتك ما بوفيك رجعت اهلي ضهري كان مقسوم قال لي كده ح ازعل يعني ما كنت مقويك قلت ليهو ما قصدي زعلك انا بس كنت حاسه اني ميته وانا عندي اهل واخوات قال لي انا لو لفيت الدنيا ما بلقي زوجه زيك ربيتي لي بتي وبقيتي امها قلت ليهو مافي كلام زي ده تاني البت بتي ومافي زول يقدر يغير ده قال لي حاضر يا ام اولادي بس الحقي طلعي ده عشان نجيب اخوانو ابتسمت ليهو قال لي في شي تاني م ح تنزلي الشغل عشان ما عاوزك تتعبي قلت ليهو بس في شغل كتير قال لي اشتغلي هنا في البيت وللضروره امشي المكتب قلت ليهو امرك قال لي مرتي شاطره عارفها ومرت شهور حملي مشينا محل البيبي عسان نشتري الحاجات نسيت حاجه قلت لي راجلي ارجع جيبها مشي وقبل ما يجي راجع لقيت علي ومرتو حامل من شافني وشو اتغير مرتو ما بتعرفني دخلت جوه المحل وهو جا يتكلم معاي قال لي كيفك قلت ليهو اهلا قال لي تعرفي انك جميله واتغيرتي كنتي بت قريه هايفه وغبيه صدقتيني بالساهل قلت ليهو انتقام ربنا قريب وانا دعيتك بعد شويه راجلي جا وشافو عاوز يشاكلو قلت ليهو ما توسخ ايدك عاينت لي علي قلت ليهو بي سببك لقيت راجل احلامي راجل نضيف واحسن منك ومن مليون راجل انت سبب تعاستي وبعدي من اهلي سنين لاكين بي سببك عرفت علاء الدين واتزوجني الحمدلله ما ارتبط بيك انت حتي صحبك الوحيد خنتو مع خطيبتو عشان هو راجل سكت وما حسيك بي شي يا غزر كنت ح اندم طول حياتي لو كملت معاك بقي واقف مصدوم ما قدر يقول شي سقت راجلي ومشينا كان مبسوط شديد وبعد يومين ولدت ولد حلات الدنيا عليهو الخالق الناطق علاء الدين ابوهو واهلي جو السمايه وفرحو بي المولود قضو معاي ايام ومشو قعدت امي واخواتي لحد الاربعين وفاتو قاعدين كده الباب دقا زوجي فتحو لقاهو اخو علي ومرتو بت قريتنا طبعا اتفاجأنا من سبب الزياره فضلهم وسلمت عليهم وضيفتهم مستنيين نعرف هم جو لشنو قام طوالي قام زوجي قال ليهم

خير يا جماعه طوالي اخو علي بدا يجيب مقدمات وكلام كتير في النهايه قال لينا علي عيان ومحتاجين ليهو نقل نخاع شوكي انا وراجلي بقينا نعاين في بعض قلنا ليهم ربنا يشفيهو بس نحنا علاقتنا شنو بالموضوع طوالي قال لي انتي مش كنتي حامل من علي فاجأني من كلامو قلت ليهو عرفت كيف انا حامل من علي قال لي انتي قلتي قلت ليهم مش انت طردتني مش اهنتني وصدقت اخوك انا هسي بقول ليك الجنا ما بتاع علي انا بس كنت عاوزه قروش علي قولك ولو سمحت اتفضلو من غير مطرود وابعدو عني نهائي قال لي علاء انت رايك شنو قال ليهو كلامها واضح مافيهو اضافه ابعدو عننا وعن اولادي طوالي مشو بعد كم يوم جاني ولدي قال لي يا ماما انا ابوي منو طبعا كأنو اتخبطت في راسي قلت ليهو ده سؤال شنو ابوك علاء الدين قال لي في راجل جاني في المدرسه وقال هو ابوي قلت ليهو شكلو كيف وصفو لي ياهو علي قلت ليهو ادخل غرفتك وغير هدومك نتكلم بعدين طوالي ضربت لي علاء الدين قلت ليهو تجيني هسي قال لي مالك الاولاد حصل معاهم شي قلت ليهو لا بس في مشكله قال لي طيب اقفلي انا جاي طوالي جا قال لي انتو كويسين قلت ليهو علي مشي للولد في المدرسه وقال ليهو انه هو ابوهو قال لي كده هم بدو قلت ليهو دي ما المشكله هنا ولدك سألني ما عرفت ارد قال لي الولد ولدي ومافي غير كده طوالي مشي ليهو الغرفه وقال ليهو انا ابوك ومافي غير كده اي زول يقول ليك غير كده كذاب قال ليهو انا يا بابا عارف انت ما ابوي سمعت قبل كده بتتكلم مع امي طبعا صدمنا قال ليهو بس انت بابا حتي لو ما ولدتني طبعا زوجي مسكو وقعد يبكي قال ليهو يا بابا انا ما زعلان عشان انت ما ابوي الحقيقي انت احسن من ابوي الحقيقي علاء مسح دموعو وحضنو قال ليهو انا ابوك وانت ولدي الكبير ح تمسك مسؤليه اخوانك لمن تكبر قال ليهو حاضر وطلعنا بجد هم وانزاح كنت خايفه من المواجهه دي من زمان والحمدلله عدت علي خير طوالي راجلي قال طالع ماشي لي علي في البيت لبست توبي وقلت ليهو جايه معاك اول رفض بس انا اصريت قال لي طيب ومشينا بيت علي لقيناهو هو ومرتو قاعدين واخوهو معاهم طوالي علي كان تعبان مركبين ليهو درب وادويه اتفاجأنا انه تعبان كده لقينا طوالي علاء قال ليهم انتو مشيتو لي ولدي في المدرسه لشنو اخو علي قال ليهو الولد ولدنا وابوهو محتاج ليهو قلت ليهو لا ما ولدو ده ولدي انا وعلاء الدين اخوك ما عندو معاي حاجه عاينت لي علي قلت ليهو نسيت العملتو فيني غشيتني ولعبت بي ما فكرت تكون راجل وتقيف معاي اهنتني وذليتني وسجنتي ظلم لا وخليتهم يضربوني وانا حامل ما خفت من الله ولا خفت علي جناك رميتني ومسكتني مسؤليه ما قدرها بعدتني من اهلي خليتني عايشه مقطوعه من شجره ومعدومه جاي تقول ولدك عارف ليهو شنو انت حتي اسمو ما بتعرفو مش قلت ما جناك مش قلت بت قريه وغبيه اهو الغبيه دي الحل في يدها وريني ح تحل مشكلتك كيف قلت ليهو مش مرتك والده خلي جناها يتبرع ليك لاكين ولدي ما بخسرو عشانك قال لي انا عارف العملتو فيك ما بسيط ربنا عاقبني حتي المولود الجديد طلع ميت قلت ليهو شفت انتقام ربنا كيف كلمه وحده ومافي غيرها لو شفتك ميت قدامي ما بخلي ولدي يتبرع ليك علي طوالي ساقني وجينا بيتنا للصباح ما نمنا ولدي وقفتو من المدرسه شهر كامل الواجب في البيت وعرفت من اصحابو انه اخو علي جا مرتين سال منو كلامي كان في محلو كانو ح يخطف ولدي تاني يوم الضهر كده جاني اتصال من بت قريتي قالت لي علي بيموت وقال عاوز يشوفك انتي والولد بجد علي تعبان في اللحظه ديك راجلي جا وسمع الحوار بعد قفلت قال لي جهزي نفسك عشان ح اخدك انتي والولد يشوف ابوهو قلت ليهو لا قال لي اسمعي الكلام الراجل بيموت قلت ليهو ما يمكن كذب قال لي نمشي ونتاكد اكيد م حيخطفو من ايدنا بعدين انتي ناسيه الولد مسجل بي اسمي قلت ليهو طيب اتجهزنا ومشينا لقيناهو تعبانه منتهي دخلنا سلمنا طوالي بدا يتكلم قال لي انا ح اموت طالب منك السماح سامحيني وخليني اموت مرتاح عاينت لي راجلي وهذ لي راسو قلت ليهو مسامحاك دنيا واخري وطلب من راجلي يسامحو وراجلي قال ليهو مسامحك من قلبي وقبل علي ولدي بعاين ليهو مد ليهو يدو ولدي مسك علاء الدين قال ليهو ده ابوك الحقيقي وهو عيان سلم عليهو بعد تردد مسكو من ايده علي اتامل فيهو وبعد شويه دمعتو سالت قال لي اخوهو شهودني شهودو وعلي مات الله يرحمو ومرتو بدت كواريك بقيت اواسي فيها رجعنا البيت ومشينا العزا عملنا الواجب رغم انه حالتو كانت صعبه بس في قلبي ما زعلت عليهو وما ندمانه رفضت انه ولدي يتبرع ليهو ما عشان بنتقم منه بس خفت علي ولدي عدت السنين ولدت بتين وولد اولادي بقو ٦ فرحانه بيهم ولدي دخل الثانوي سافرنا قريتنا قعدنا فيها شهر اطورت ودخلو فيها الكهربا وفتحو مدارس ثانوي وعملو توعيه للمجتمع والنسوان بقت من قريه مدينه ورجعنا بيتنا واولادي دخلو المدارس وبقيت زمني مقسماهو بين اولادي وشغلي وزوجي كل شي امتحان من ربنا عشان نصبر كل شي كعب في الاحسن منو

مكتوب
النـــــــــــهاية

#رفيقي 👫
#الحلقه_الاولي
#بقلـ ✍ـم_نيدووووووو

مقدمة صغنونة :-
طيب ي جماعة كلنا عارفين وضع البلد دا سبب خلاني أأجل الرواية دي كل مرة بديتا يوم 1/3بس كل مرة مابقدر اكتب ومع الحاصل دا الحياة بقت ماليها طعم اي نعم الواحد مهما حصل حيعيش حياتو وزي مابقولو الحياة مستمرة ف انا ماضدد المبدأ دا بس بكتب بالمزاج ومزاجي متقلب عشان كدا حاكتبا علي راحتي وقت ماتخلص وعايزة منكم في كل بارت تترحمو علي الشهداء وتدعو ليهم البتابعوها بدل تم اترحمو علي شهيد انا ح اكتب ليهو دعوة في نهاية البارت وانتو سيرو علي النهج دا 😇💛بس،كدا 💙

طيب نبدأ:-

بسسسسسسااااااااااااااااااااااااام 😍

اهلين ي فرحة بسام دا دخل الحمام تعالي وريني اشتغلتي كيف ف الامتحان

حلووووووو شديد 😍ي خالتو سعاااد انا مبسوطة😍 كل الزاكرو لي بسام جا وينو ياااااخ 😍😍

ماشاءالله ي بتي ان شاءالله دايما مبسوطة استنيهو انتي عارفه لو بدا يستحمي ساعه م بخلص

لا م ح اخليهو انا اسي ح اطلعو يصبر لي هو قال لي لو م غلطة اكتر من 3ح يوديني مشوار انا راجعت الامتحان كويس وبعد طلعت حليتو عندي غلطتين بس

"وجرت علي غرفه بسام "

بسووووومي كفااااك من الحمام يلا انا جيت

مالك ي فررررخة يااااااخ

ماتقول لي فرخة 😤😤😤اسمي فرررحة ف ر ح ة مربوطة

اها قايلا تا مفتوحة تصدقي 😂

اطلع ياااااخ موش وعدتني تطلعني مشوار لو اشتغلت كويس

خلاص امشي بعدين المشوار اسي انا عايز استحمي وطالع مع اصحابي

لااااع اوفي بوعدك 😑

طيب طيب امشي افطري وغيري ملابسك حقات المدرسة وبعداك

قول والله م ح تمشي تخليني

م مصدقاني 😑

انت بس قول والله

اها والله

لالا م كدا قول والله م بمشي اخليكي

ي الله منك بت لصقه خلاص اها والله م بمشي اخليكي يلا امشي

وهي جارية "طاااااايب"

اعرفكم بالمشاغبين ديل فرحة بت وحيدة امها وابوها اتوفو ف حادث 💔عايشة مع حبوبتا وجدها وعندها اهلا ف الخرطوم بجو ف الاجازات بس  عندها اولاد وبنات خيلان بس علاقتهم معاها م كويسة شديد هم بغيرو منها لانها المحببة عند جدها وحبوبتا
او يمكن دا تعاطف جدها وحبوبتا عليها طبيعي لانها مسكينه م عندها ام وابو يحنو عليها 💔
عمرها 13سنة امتحنت تامنة
ساكنين ف ولايه نهر النيل وعندهم جيرانهم ناس خالتو سعاد بريدو فرحه لدرجة الحله كلها تشهد وفي ناس فاكرين فرحة بت سعاد عندها اولاد تلاته ماهر 25سنة وحسام 21سنة الاتنين ديل م عايشين معاها مع ابوهم ف السعودية وبسام عمرو17ممتحن تالته هو وفرحة اصحاب من الطفوله واقرب لانهم يكونو اخوان لانو هي م عندها اخوان وهو كمان م عندو اخت وحاسس بالوحدة لانو اخوانو بعيدين منو
خالتو سعاد راجلا مغترب ف السعودية بجيهم من عيد لعيد اهلا ف الخرطوم عايشه ف بيتا الكبير مع ولدا وامها وابوها اللي هم جد وحبوبه بسام  حياتهم حلوة وبسيطة وضعهم العام ناس ليهم مكانه ف الحي ومرموقين شويه ابوها امام المسجد وراجلا اكتر زول مشهور ف الحي حتي بيتهم رمز يشيرو ليهو بالبنان نتعرف عليهم قدام 😚💙

فرحة من جات من المدرسة م دخلت بيتهم جرت لي ناس خالتو سعاد عشان تكلم بسام انو هي اشتغلت كويس وم ينسي وعدو ليها طالعه ماشه ف الشارع عشان ترجع بيتهم لاقتا اكتر مرة شمارة ف الحله "اعوذ بالله من الشمارين 😐💔"وقفتا

فرحة كيفك

اهلين خالتو

الليلي الامتحان جاكن كيف

ساااااهل الحمدلله

ماشاءالله وخبارك تتجاري جنب بيت الامام

ماشه بيتنا

ها بت بيتكن بشق وبيت الامام شق انا شفتك طلعتي من بيتو

اي كنت مع خالتو سعاد ويلا معسلامة انا ماشه حبوبه بتسأل مني اسي"وجرت م استنتا تتم كلاما اصلا"

اقيفي انا بحدثك تفووتي تخليني بنات اخر زمن الواحدة م بتسمع كلام اللكبر منها افووو  دي تربيه بركة الربينا بناتنا لحدي م عرسن واحدة م دخلت بيت فيهو اولاد يوم

وجات  واحدة من نسوان الحله لقتا بتتكلم براها

خباريك ي ستهم بتحدثي روحك

بري ي فوزية كلامي لبت بتها لشادية  دي شايفتها اليوم كلو ف بيت اللمام وكت سألتها مشت م ردت لي

اجي اجي البت كبرت زماني كلمت سعاد تبعدا منها بس كانت بتقول زي بتي وبتونسني م عندي بت اسي تاني م بتنقرع منها

الله يهديها البت م عندها ام تقرعا وحبوبتا نايمة بقفاها م جايبه الخبر فاكراها بت الاصول م جايبه خبرها ود سعاد يومي بردفها بالعجله للمدرسة الله يبعد بناتك منها

اي سامعه الكلام والله الود دا ف الشارع لو لقاها بكلما وبمشو سوا ويجو سوا للمغرب بتقعد معاهم قال بدرسا شن الدراسة الكدي ي يمة بناتي انا م بخليهن يمشن معاها كانت مصاحبتا لافرا (قصدهم عفراء) بس قرعتها منا

فوزية ي اختي الله لا قطعلك حديث سمح نتلاقي عند اللمة  نشرب الجبنة  ونتم ونستنا اسي بدور امش المجزرة اجيب حاجات الغدا

سمح ي ستهم بكرة لمتنا الله يسلمك

👇👇👇👇
🌹تأمل 🌹
(كلنا عندنا عقدة من حاجة اسمها المجتمع وكلام الناس للاسف الاسيف المجتمع. دا انا وانت وهي وهو وهم ف ليه م بنرتقي حبه ونسيب الناس ف حالا ياااخي دي نميمة ربنا حذر منها

وعواقبا وخيمة بالله عليكم اي زول يمسك نفسو وانسونا من الناس والكلام ف الناس رجاءآ دعو الخلق للخالق )

فرحة مشت البيت اول م دخلت لقت جدها وحبوبتا عاملين شاي الضهر وقاعدين قعدة حلوة يتونسو جدووووووو وحبوووووووبه كيف قيلتو

ابقي جاي ي فرحة ها فرحينا معاك كتبتي كيف ف اللنتحان

ي حبوبه اسمو امتحان م اللنتحان واشتغلت حلو اصلا امس بسام شرح لي كل الدروس

ماشاءالله تبارك الله عين الحسود ف العود الله يعليكي ي بتي انتي من قمتي فالحة

ثانكس ي جدووو وحبوبه كبو لي معاكم شاي بي مدمس امش اغير ملابسي واجي

ها بت م تتكلمي لي بلغه الخواجة دي غيري وتلقي عاملينك بطاطس اكلي شايفتك بدوري اللغاويس دي

ههههههههه اسمو انجلش ي حبوبه بسام علمني كتير واداني كتاب حلو فيهو صور كمان ي سلاااام شيبس منو عملو

عاد انا شن عرفني بكلاماتك دي عملتو سعاد بت اللمام وجابت ليكي ف الصحن

تسلموو لي انتو وخالتو سعاد

ها بت سيبي كلامك الفاضي امشي غيري الشاي حدو برد كبيتو ليك من قبيل

طااااااايب ي جدو ماشه

"دخلت غيرت ملابسا وصلت الضهر ومشت المطبخ لقت ف ساندوتش شالتو وجات ليهم"

جدو وحبوبه انا ماشه لخالتو سعاد بسام وعدني لو اشتغلت كويس بوديني يشتري لي حاجات من السوق

ها بت خلي ود الناس دا عزبتي عذاب

جدو عليك الله م عذبتو هو وعدني

لا م بتطلعي كفاك هوامة الوكت كلو انتي معاهن مدرسة وانتهت تاني البوديكي شنو

حبوبه كلميهو 😥

امشي بس تجي سريع العصر م يلقاكي برة البيت

حاااضر حبوبه بجي بدري

انتي انا اقولها م تمش وانتي سايباها تمش

معليش ي الغالي خلها مرة واحدة بتعرف البت زي بتهم سعاد الله يخليها لينا معتبرتا زي بتها ومالو الود بسام طيب ومحترم والله يقولي فرحة زي اختي وفي عيوني انا لو م ناس بثق فيهن بخلي بتي معاهن

بس ي شادية م بتعرفي ناس الفريق يقولو عننا شنو خالين البت علي،حبلها سايبه ماشية وجايه زول يقرعا ماف

ااكلام الناس،م بنتهي واطمن زول بتكلم في تربيتنا م ف كل الفريق يشهد احنا ربينا نصو دا زول بسألنا م ف سعاد بمقام امها وبالحيل بتريدا لفرحة م تشيل هم

━━━━━━━━━━━━━━━━━━━━━━━━━━━━
خالتووو سعاااااد

اي ي فرحة تعالي هنا ف المطبخ انا

شكرا كتير

علي شنو

البطاطس

ههههه عادي ي فرحة عملتها وعارفاك بتحبيها رسلت ليك منها

م قصرتي وين بسام

شوفي ف غرفتو هناك لو م طلع

طيب وين جدو الامام م شفتو من الصباح

طلع المسجد ولسه م جا

حبوبة النعيم وين

شوفيها تحت الشجرة علي الحوش التاني

مشت بالحوش التاني لقت حبوبه بسام اسمها دار النعيم سلمت عليها واتونست معاها وفرشت ليها سريرا وادتا نظارتا وعصرت ليها رجلينا وجابت طش فيهو مويه دافيه وكبت فيها ملح وقالت ليها

يلا ي حبوبه خليك مرتاحه كدا انا ماشه لبسام

الله يديك قدر نيتك ي بتي بتفرحينا يفرحك زي اسمك دا

تسلمي لي ي احلي حبوبه انتي يلا معسلامة

بسام كان واقف يعاين ليها وهي بتعمل الحاجات دي لحبوبتو من اتلفتت شافتو واقف

انت هنا وانا قلبت البيت عليك

متين قلبتي البيت انا شايفاك

الموهم يلا ارح

انتي م بتنسي ياااااخ

ارررح بدون كلام ابقي قدر كلامك

جرتو من يدو وقالت ليهو ارح

طيب طيب دقيقه اشيل جزلاني

دخل غرفتو شال جزلانو وطلع

ماشين ويتونسو ويسألا عن الامتحان والحاجات الجات وغلطاتا وين لحدي م وصلو سوق صغير م كبير فيهو كم دكان ومكتبه وبوتيك  والباقي سوق خضار عادي دخلو البوتيك  اها عايزة شنو

عايزة خيوط وابرة ح اتعلم الحياكة  والتطريز

لاحولا ولاقوة الا بالله اسي عدمت الحاجات يعني

انت مالك ومالي اشتري وانت ساكت

شالت ليهم كم لفه خيوط،وابرة كروشي ومبسوطة شديد

حاسبو وطلعو ماشين لاقوهو اصحابو

بسااام ماجاي التمرين بعدين

لالا م بقدر امتحاناتي قربت بعد اسبوع

ااحسنلك قرايه شنو ليك تعال معانا الدافوري

بعد اخلص باذن الله ارح ي فروخ

حمرت ليهو بساااام ياااااخ وربي بزعل منك

طيب طيب هدي

اها ح تعملي شنو ف الاجازة

اسي كلمتك انت نساي كدا مالك

اها بس كدا اجازة طويله ح تقعدي تتعلمي الحاجات البسيطة دي

اها واعمل شنو

بفكر ليكي بعد اخلص امتحاناتي

انت شابكني امتحاناتك من الصباح فيها شنو اصلو

ي بت دي تالته انتي لسه صغيرة م عارفه شي انا المرة الفاتت امتحنت ونسبتي كانت بسيطة ابوي قال يقريني جامعه خاص وانا ابيت لكن المرة دي لازم ازيدا عشان اجيب الدرجة المطلوبه واقرا مجالي العاجبني

وانت عايز تجيب كم وتقرا شنو

اقل شي اجيب 92عايز اقرا طب انا

زي الدكاترة البعالجو الناس

تقريبا كدا بعد تحصلي تالته ح تفهمي

لا انا عايزة اقرا زيك

ي بت م ضروري تقري زي دي رغبه بعد تكبري تشوفي نفسك عايزة تقري شنو

لالا بس زيك انت من عايزو انا زاتي عايزاهو

طيب دا  لو م غيرتي رايك

م بغيرو انا قدر كلامي 😌✊

رجعو البيت قدما لما دخلا جوة وسلم علي حبوبتا وجدها وقال ليها معسلامة ودعتو ومشت مبسوطة تشوفهم الحاجات الجابهم ليها

بعد المغرب قاعدة جنب حبوبتا وبسوو ف شاي المغ

رب قالت ليها

حبوبه المرة دي خالي سعد واولادو م جاين

م خبروني لسه بكونو م خلصو دراستهن

اهاااا

مالك بتسألي

ساي بس قلت يمكن يجو زي كل اجازة

سو الشاي وقعدو يشربو ويتونسو

حبوبة انتي م حصل مشيتي الخرطوم

مشيت بس زماااان قبل شي 10سنوات

يعني وقت داك انا مولودة

اي انتي ذاتك المرحومة ساقتك كان مشينا لخوالك

الخرطوم بعيدة

م بعيدة بدوري تمشيها

اي مالو لو يوم نحن نمشي لناس،خالي سعد بدل كل مرة هم يجونا

ها بت البودينا شنو وحواشات جدك هنا نخليهن لمنو انتي لو بدوري تمشي معاهم خلي بحدثو ليكي يسوقك

لالا ي حبوبه انا بتكلم ساي م عايزة امشي منكم اصلا البلد حلوة عندي انتو وخالتو سعاد وحبوبه النعيم وجدو الامام وبسام وصحباتي  صحي حبوبه صحبتنا معزة متزكرتيها

العزة بت منو

بت خالتي سعيدة

اااا قولي عيال الحسين

ايوة هم زاتهم

ها مالهن اطريهن بالخير

خير بس العزة عرسها ف الاجازة دي

الله يتمم عليها لولد عمها ولا منو

اي اصلا كل اخواتها عرسو اولاد عمها

اصلا البت لود عمها امك زاتا عرست ود عمها

الحمدلله م عندي ولد عم 😂😂

بكرة بيظهرلك اصبري تبقي قدر العرس بس

حبوووبه انا م عايزة اعرس بقعد معاكي هنا دا

الفال تحت اللسان ي بت م تقولي كدي كل البنات ف الفريق بعرسن انتي تقعدي لشنو يلا رجعي الكفتيرة ف النار جدك اسي بجي للشاي

طيب حبوبه انا نعست بمش انوم الليله صحيت من الصبح

نوم العوافي

(اللهم صديق بنكهة اخ وام واب 😻💜)

(اللهم رحمة ومغفرة وجنة لشهيدنا حسن محمدعمر💙)
#يتبع
#نهاية_الحلقة_الاولي
#بقـ ✍ـلم نيدوووووو

#يتبع
#نهاية_الحلقة_الاولي
#✍نــيدووووووووو

#رفيقي 👫
#الحلقه_الثانية
#بقلـ ✍ـم_نيدووووووو

الصباح صحيت بدري شربت الشاي ورشيت الحوش وكنستو حبوبه قالت ماشة تصبح لناس حبوبه النعيم مشيت معاها سلمنا لناس خالتو سعاد ووديت حبوبتي لـ حبوبه النعيم وخليتهن قاعدات جيت قلت لخالتو سعاد

وين بسام

مشي السوق يجيب حاجات الفطور حالتو اتاخر رسلتو من قبيل

اسي بيجي جيبي اقطع ليك البصل ي،خالتو

ادتني ليهو قعدتا اقطعو ليها بعد شويه جا بسام داخل

يمة دي الحاجات

فروووخة انتي هنا صباح الخير

😑😑😑بساااااااام

معليش معليش لكن وحاتك اتعودتا

اولا م تحلف بغير الله وتانيا اسمي فرررررررحة خت الحاجات واطلع

زعلانة للدرجة دي يعني طيب سوووووري

مالكم ي عيال

ي خالتو اسمعيهو بقول لي شنو

بسام عيب عليك م تخرب ليها اسمها

هو بعد خربو 😤

يمة خلاص انتي ليه بتقيفي معاها

لانها مظلومة

وولدك طيب

امش اسي موش كنت بتنق م عايز تمشي السوق وعايز تقرا

ماااشي بس قولي ليها م تصر وشها دا كدا

انت مالك امش مشيك

خلصتي من البصل ي فروحة

اي حدا ليهو

قعدنا معاهم شويه سامعه حبوبه بتنده لي مشيت قالت لي يلا نمش نشوف موضوع الفطور دا حبوبة وحبوبتي كانو بتونسو وماشين نحن طالعين ناداني بسام مشيت ليهو لقيتو قاعد يقرا

اها مالك

معليش يااااخ لسه زعلانه مني

لا لا 😊 يلا اقرا قرايتك

متاكدة

ايون

طيب ابتسمي

😝😝😝مااام وجريت مشيت لحبوبه ورجعنا البيت طبعا حبوبه دي لسه بي حيلا ماشاءالله بتعمل حاجاتا برا م بتحب تشغلني الا انا بغسل العدة والملابس واكنس بس وبقطع ليها البصل وبساعدا حاجات خفيفه الا لما نكون عايزين نعمل رز او مكرونة او حاجات خفيفه بتخليني اعملا مشينا جهزنا الفطور وقاعدة بتونس معاها

انتي ي فرحة صاحبتكي افرا وين طولت م جاتكي

قاعدة ي حبوبه علها مشغوله عرس العازة بت خالتا مشت قعدت معاهن

بري شايفتها قبيل تكنس ف خشم بابهم كيفن مشت

بلعت ريقي واتزكرت الحصل مع امها قلت ليها حبوبه بتكون جات وبترجع

عفراء دي اعز صحباتي من قمنا سوا انا وهي م بنتفارق وبتجيني طوالي بس امها خالتو فوزية صعبه م بتخليها تمش بيت لو فيهو ولد ان شاءالله لو صغير 💔وكم مرة بتلقانا ماشين سوا لو رسلوني بيت خالتو سعاد وسوقتها بتشاكلا ومرات بتحميها تجيني بتقول ليها خليها هي تجيك انتي م تمشي ليها 💔يلا كان يوم امتحان المعاصر وعشان المقالات كتيرة وم حفظتهم كلهم قلت لي بسام يكتبهم لي ف ورقه كلهم سوا والتواريخ  عشان اجي اراجعهم بعد اخلص القرايه قال لي خلاص تمام شال الكتاب يكتب منو ناديتا تقرا معاي بي كتابا قعدنا نقرا والمغرب قلت ليها ارح نشيل الورقه من بسام ونراجعا حبه واقدمك كانت ملاوزة بس اقنعتها تمش معاي مشينا لقيتو كتبهم لي وحتي كتب لي عفراء معاي اديتا ورقه وشلت واحدة ولما كنا طالعين من بيتهم طلع يقدمنا شافتنا امها بالحيطة طوالي اول م جينا داخلين جات جاطت وقالت الا تشوف الورقه مكتوب فيها شنو 💔وقدر م اقنعناها انو م فيها شي ابت ساقت بتها ومشت💔 الصباح بالعادة هي بتجيني تنتظرني اشرب الشاي حتي نطلع من دون الايام اليوم داك م جاتني وانا اتاخرت منتظراها قلبي بقول لي امشي ليها وتاني بقول انتظرا انتظرتها كتير طلعت متاخرة لقيت بسام قال لي شافا طلعت الصباح بدري😥💔 حتي قال لي اقدمك بالعجله ابيت بس قال لي بتتاخري ومركز الامتحانات بعيد ساقني لحدي المحطة وقلت ليهو من هنا بمش براي قربت لي المسافه كفايه ركن عجلتو ف محل دكان عمو السماني وواصل معاي برجولو وبقا يسأل فيني ويسمع لي قدمني للمدرسة حتي رجع لما سألتها قالت لي امها ابت ليها تجيني ولا تنتظرني 💔عشان كدا حبوبه فقدتا وسألتني منها 😖انا لو قلت احكي ليها بالحصل ممكن تحصل مشكله حبوبه دي اصلو م بترضي فيني هي بتشاكل عيال اولادا لو غلطو علي عشان كدا مشيتا بموضوع العرس دا الله يستر لو خلص اقول ليها شنو 😓

بعد الفطور طلعت الخيوط وقعدت اعمل اشكال لترابيز وشي شربات شفع 😹😹عدم الموضوع وم ف كهربا الا بالليل اعمل شنو قعدت لي بعد الضهر قلت ابقا احسن من ام صحبتي امش ليها اصلا م اتعودت اقعد بدونا القعاد غلبني لبست طرحتي وقلت لي حبوبه ماشه لعفراء

قبيل م قلتي هي م بتقعد

اي ي حبوبه اسي بتكون قاعدة لكن

خلاص م تتأخري تجي بتعرفي جدك من يجي بسأل منك

حاضر حبوبه اسي بجي

مشيت البيت تاني بيت من بيتنا قريب دخلت لقيت اخواتا الصغار

ميساء عفور وين

دوة 👈

مشيت باتجاه اوضتا لقيتا قاعدة تتسرح

هيي خباريك بتتسرحي كانو عرسك الليلة

ههههههه اريتو لو عرسي ي يمة

تعملي بالعرس شنو ي بت

عشان اتخلص من شغله البيت دي

والغشاك منو ف العرس،م ف شغله

في بس البيت الصغير م زي بيتنا دا كل البيت عايز يعملو ليهو اكل وغسيل وامي مشت لناس معزة

اتونسنا مسافه وقلت ليها انا ماشة قدمتني ورجعت البيت لقيت حبوبه بتعوس قلت ليها و عيونك ي،حبوبه قومي من الدخان دا

خلاص م فاضل فيها شي كملت

تاني م تعوسي بجيلك وجع عيون ساي

وناكل شنو انا م بدور الرغيف دا

رفع