بيا ليل ارد عالجفن ؟

الما يشبهونچ شگلُهم ؟
هيّ حيرة كُل بَعيد
بعَيني يصغر وأنتِ
بعيُوني چبيرة .

‏"وَقَدَمناكِ بَيْنَ يَدَي حاجَاتِنا"

وضيعتني !
وهسة من طاحن سنيني ذكرتني؟
ليش من كلبك رجف ما صارحتني؟
شبيك من عينك خذتني تذكرت موقف بچيت وطيحتني .

ومن اجيتك حتى بحجاية جذب ما جاملتني
انه اجيتك غاسل چفوفي بورد من سلميت
وانت غاسل چفك بماي الغرور وصافحتني .

ترحين ماترحين انتِ وياية
النهر باقي شما يسافر ماية …!

خاف باجر الله ياخذني واموت
اني امنتج بدين ام البنين،

شگي ثوبج فوگ تابوتي من اموت
وموتي روحچ فوگي ابد لا تستحين..

وشعره من طرف الگصيبة بصفي اريد،
ع الاقل حتى من اموتن مو حزين

اني هم ميت گبل، ميت عليج
مو جديد الموت، ميت مرتين

ولا تذبين الورد وسواري ذاك،
جان ما عندي وجبتهن ذني دين..

حرفياً..

يا مطر زخنه محنة ..!

تعبنه انتَ،
وتعبنه نگول مو انتَ..

يا روح الگلُب ، يا عِزة الروح !
يا دمعاتنا و هَمنا وسهرنا
يا أول عَهَد ، يا تالي الأيام..
يا لعب صبانه يا شيبة كُبرنا
شگد گبلك مِشوا ،
ما سَلّو الروح !

ولا بغيابهُم كِسروا ظهرنا !
البُعد نيران كَبره.. يبخر الدموع
وبَس يزود يتبخر مطرنا

منين نجيب مِثلك حتىٰ ننساك ؟
ومنو المثلك يعوض لو خِسرنا !
الشبه كِل أربعين حچايه تِنگال
وإذا واحد يصح چان انتظرنا

تعال الجرح جَن ومارِضىٰ يهون..
وحچينا وياه ماينفع عذرنا
ويشگ روحه ع طوله
وينكت جروح !
وگضينا خيوطنا والملّك حِضرنا..