#總結與檢討

資訊安全：
希望所有手足明白，必須購買太空咭，使用VPN，利用不會曝露真實身份嘅社交平台，去宣傳或討論抗爭活動。我哋喺本頻道第一個 post 有提過相關要點，非常遺憾有手足因為喺其他社交平台分享資訊而被捕。萬分抱歉。🙇🏻‍♂️未來或者要再加緊普及資訊安全教育。

新手泛濫：
有好多新手向我哋留言，表明想出一分力。但由於黑警嘅經驗同武裝都非常豐富，所以我哋只能夠一一勸喻想參加嘅新手，今次只做觀察者。期望將來有日，佢哋會成熟到真係可以參與行動。

落手機會：
對於手足未有搵到落手機會，我哋唔會介意。寧願靜待下次可以成功嘅行動機會，好過魯莽行事而被捕。

行動準備：
即使提前三個月宣佈，我哋發現大部份想參加的人，都未有任何頭緒去選擇「堵路/裝修/孤狼/群狼」，更講唔上任何路線計劃。事前唔同嘅任務選擇，當然會影響唔同路線，例如選擇裝修，就要事先鎖定目標，喺活動之前計劃晒成個進退流程。
可能有手足期待好似 2019 年咁，Full Gear 可以有大量平民掩護而四處游走。但今年情況已經唔一樣，你可以喺換裝前潛藏平民之間，但換裝之後已經冇可能再透過人海掩護，所以要喺活動前一早安排好成個「堵路/裝修/孤狼/群狼」流程。

指望未來：
強烈建議大家，搵志同道合又可以信任嘅人，組織真正嘅革命小隊。
另外考慮接受軍訓嘅可能性，例如說書人-阿域嘅經驗就可以參考一下： https://www.facebook.com/TroubadourVic
或者梁天琦出獄後，一切又有另一番境象。世界每天在變，我哋唔信中共港共會永恒不朽，佢哋總有腐化敗亡嘅一日。

另有手足總結：
https://t.me/hkwarofindependence/156