咪再講台式粵語
好多香港人嚟咗台灣之後，因為講得多國語而影響自己粵語用詞，自己唔覺眼，覺得冇問題，但其實國語同普通話一鳩樣，都係北平官話嚟，詞彙極之貧乏，只不過台式國語受到日本語同閩南話影響，加上南方人ㄐ、ㄔ、ㄕ三個冇咁明顯所以好聽咗。
例如揸車，台式粵語會叫「開車」，但喺香港粵語入邊，開車係解Departure，揸車係Driving，意思差好遠；而台式國語嘅Departure，佢哋用咗日本語嘅「發車」。
第二個例子，「鍋」，然後見到呢個字會讀guo1，粵語其實有分鑊、煲、烹，但國語通通叫鍋子。而盤，我哋有分碟、盤、盤（陰上）、烹，但國語又係通通叫盤子。
第三個例子，「醬油」，廣東人叫豉油，睇返個豉字，係豆字部，客家話會叫「豆油」，因為豉油係用豆做，醬油泛指醬同油，所以香港嘅醬油廠，入邊唔係得豉油。
第四個例子，「機車」，呢兩個詞語明顯地係中文固有語，外來語佢哋叫「オートバイ」。但其實廣東話都有分電單車同棉羊仔，冇需要用機車，因為電單車同棉羊仔已經分別指向咗佢哋嘅「重機」同「輕機」。
第五個例子，「公車」、「客運」、「捷運」，你可能會話，粵語冇分「公車」同「客運」喎，其實係你唔記得啫，粵語入面，前者叫巴士，後者叫——長途巴。跟住你又會問，「捷運」有乜問題？有，因為我哋叫地鐵，就算係高架咗，我哋都叫做地鐵，葵興、葵芳、荔景、牛頭角、九龍灣、官塘，重有東涌線，兩鐵合併之前已經有嘅地面路段或者高架橋，但成個系統我哋都叫地鐵。
之後要講台式國語用詞同一啲用語，如果你仔細聽下台灣人講嘢，佢哋會係咁重覆某啲詞語，而且語法非常臃腫，例如「XX的部分」、「目前（來講）」、「想法」、「這樣」、「的感覺」、「超級」等等。因為粵語唔會係咪都講「嘅部分」，粵語重會「方面」；「目前」，我哋有「而家」、「呢家」，而且唔會係咪都講。「想法」，我哋可以用「感想」、「意見」、「心得」。其他你哋自己諗啦。
例句：
台式國語：
藥品的部分目前來講要自費喔。如果你對這方面有什麼想法的話，你可以連繫客服回饋喔。
香港粵語：
啲藥要自己畀，如果你唔太OK 嘅話，你可以打去客服反映下。
轉返做同樣以北平官話做基礎嘅書面語睇：
藥品要自費，如果你有什麼問題，你可以連絡客服中心反饋。
至於發音方面，粵語雖然唔夠閩南話古老，但比起北平官話，己經早幾代，講北平官話大嘅人，永遠講唔到準確嘅粵語、客語、閩語，英語發音都冇粵語、客語、閩南母語使用者好，原因係因為北平官話發音除咗顎音（即係ㄐㄑㄒ、ㄓㄔㄕ、ㄗㄘㄙ）之外都太簡單，單單冇入聲就已經就已經少咗最少兩個調同三個韻尾。講得多國語嘅人，講粵語等等其他漢語方言都好易受到影響，例如「瑞穗」變「銳穗」、「瑞芳」變「銳芳」、「鶯歌」變「應歌」、「鍋」變「guo1」。
唔數喇，如果咁樣都重要講台式粵語，咁你唔好講入鄉隨俗，要講「入境隨俗」，廣告板要叫「看板」；橙、柑、桔全部叫哂做「橘」；牛奶叫「牛乳」；越南檬粉要叫「米粉」、私家車要叫「汽車」、「小客車」；拖頭要叫「聯接車」；風扇記得要加個電字叫「電風扇」；車牌要叫「駕照」；行人路要叫「人行道」。
成日話好鍾意香港，不過就改哂口做一啲唔三唔四嘅粵語，然後打飛機九聲六調巴閪閉咁，但連用詞、發音都保唔住，呢啲唔叫融入，叫同化。
#讀者投稿 #台式粵語
好多香港人嚟咗台灣之後，因為講得多國語而影響自己粵語用詞，自己唔覺眼，覺得冇問題，但其實國語同普通話一鳩樣，都係北平官話嚟，詞彙極之貧乏，只不過台式國語受到日本語同閩南話影響，加上南方人ㄐ、ㄔ、ㄕ三個冇咁明顯所以好聽咗。
例如揸車，台式粵語會叫「開車」，但喺香港粵語入邊，開車係解Departure，揸車係Driving，意思差好遠；而台式國語嘅Departure，佢哋用咗日本語嘅「發車」。
第二個例子，「鍋」，然後見到呢個字會讀guo1，粵語其實有分鑊、煲、烹，但國語通通叫鍋子。而盤，我哋有分碟、盤、盤（陰上）、烹，但國語又係通通叫盤子。
第三個例子，「醬油」，廣東人叫豉油，睇返個豉字，係豆字部，客家話會叫「豆油」，因為豉油係用豆做，醬油泛指醬同油，所以香港嘅醬油廠，入邊唔係得豉油。
第四個例子，「機車」，呢兩個詞語明顯地係中文固有語，外來語佢哋叫「オートバイ」。但其實廣東話都有分電單車同棉羊仔，冇需要用機車，因為電單車同棉羊仔已經分別指向咗佢哋嘅「重機」同「輕機」。
第五個例子，「公車」、「客運」、「捷運」，你可能會話，粵語冇分「公車」同「客運」喎，其實係你唔記得啫，粵語入面，前者叫巴士，後者叫——長途巴。跟住你又會問，「捷運」有乜問題？有，因為我哋叫地鐵，就算係高架咗，我哋都叫做地鐵，葵興、葵芳、荔景、牛頭角、九龍灣、官塘，重有東涌線，兩鐵合併之前已經有嘅地面路段或者高架橋，但成個系統我哋都叫地鐵。
之後要講台式國語用詞同一啲用語，如果你仔細聽下台灣人講嘢，佢哋會係咁重覆某啲詞語，而且語法非常臃腫，例如「XX的部分」、「目前（來講）」、「想法」、「這樣」、「的感覺」、「超級」等等。因為粵語唔會係咪都講「嘅部分」，粵語重會「方面」；「目前」，我哋有「而家」、「呢家」，而且唔會係咪都講。「想法」，我哋可以用「感想」、「意見」、「心得」。其他你哋自己諗啦。
例句：
台式國語：
藥品的部分目前來講要自費喔。如果你對這方面有什麼想法的話，你可以連繫客服回饋喔。
香港粵語：
啲藥要自己畀，如果你唔太OK 嘅話，你可以打去客服反映下。
轉返做同樣以北平官話做基礎嘅書面語睇：
藥品要自費，如果你有什麼問題，你可以連絡客服中心反饋。
至於發音方面，粵語雖然唔夠閩南話古老，但比起北平官話，己經早幾代，講北平官話大嘅人，永遠講唔到準確嘅粵語、客語、閩語，英語發音都冇粵語、客語、閩南母語使用者好，原因係因為北平官話發音除咗顎音（即係ㄐㄑㄒ、ㄓㄔㄕ、ㄗㄘㄙ）之外都太簡單，單單冇入聲就已經就已經少咗最少兩個調同三個韻尾。講得多國語嘅人，講粵語等等其他漢語方言都好易受到影響，例如「瑞穗」變「銳穗」、「瑞芳」變「銳芳」、「鶯歌」變「應歌」、「鍋」變「guo1」。
唔數喇，如果咁樣都重要講台式粵語，咁你唔好講入鄉隨俗，要講「入境隨俗」，廣告板要叫「看板」；橙、柑、桔全部叫哂做「橘」；牛奶叫「牛乳」；越南檬粉要叫「米粉」、私家車要叫「汽車」、「小客車」；拖頭要叫「聯接車」；風扇記得要加個電字叫「電風扇」；車牌要叫「駕照」；行人路要叫「人行道」。
成日話好鍾意香港，不過就改哂口做一啲唔三唔四嘅粵語，然後打飛機九聲六調巴閪閉咁，但連用詞、發音都保唔住，呢啲唔叫融入，叫同化。
#讀者投稿 #台式粵語
在台港人最常讀錯台灣地名
（由北向南數，大至細）
教院式拼音：ts=ch, dz=j
瑞穗 soey6 soey6
瑞芳 soey6 fong1
瑞 ⭕️soey6 ❌joey6
木柵 muk9 tsaak8
柵 ⭕️tsaak8 ❌tsaa3 / saan1
國語音為 ㄓㄚˋ 而非 ㄕㄢˋ，但國語冇入聲，所以對應粵音應為「tsaak9」。
頂埔 deng2 bou3
頂 ⭕️deng2 ❌ding2
埔 ⭕️bou3 ❌pou4
「頂」喺國語同閩南話無分文讀同白讀音，而客家話係用白讀音，因此廣東話應對應為白讀音「deng2」而非文讀音「ding2」。
p.s. 「埔」字留下面講。
鶯歌 ang1 go1
中壢 dzung1 lik9
內壢 noi6 lik9
壢 ⭕️lik9 ❌lik7
「壢」同「瀝」音思唔同，「瀝」係講緊啲水，「壢」係講緊個地形，地名有「壢」通常都係客家人聚落。
青埔 tsing1 bou3
埔 ⭕️bou3 ❌pou4
同上面頂埔個「埔」一樣，聲母受國語影響送氣，聲調受國語影響變成類似國語第三聲嘅粵語第四聲。
埔里 bou3 lei5
埔 ⭕️bou3 ❌pou2
聲母受國語影響送氣，聲調受國語變調影響，國語兩個三聲字連讀前面會變二聲。
枋寮 fong1 liu4
#台式粵語
（由北向南數，大至細）
教院式拼音：ts=ch, dz=j
瑞穗 soey6 soey6
瑞芳 soey6 fong1
瑞 ⭕️soey6 ❌joey6
木柵 muk9 tsaak8
柵 ⭕️tsaak8 ❌tsaa3 / saan1
國語音為 ㄓㄚˋ 而非 ㄕㄢˋ，但國語冇入聲，所以對應粵音應為「tsaak9」。
頂埔 deng2 bou3
頂 ⭕️deng2 ❌ding2
埔 ⭕️bou3 ❌pou4
「頂」喺國語同閩南話無分文讀同白讀音，而客家話係用白讀音，因此廣東話應對應為白讀音「deng2」而非文讀音「ding2」。
p.s. 「埔」字留下面講。
鶯歌 ang1 go1
中壢 dzung1 lik9
內壢 noi6 lik9
壢 ⭕️lik9 ❌lik7
「壢」同「瀝」音思唔同，「瀝」係講緊啲水，「壢」係講緊個地形，地名有「壢」通常都係客家人聚落。
青埔 tsing1 bou3
埔 ⭕️bou3 ❌pou4
同上面頂埔個「埔」一樣，聲母受國語影響送氣，聲調受國語影響變成類似國語第三聲嘅粵語第四聲。
埔里 bou3 lei5
埔 ⭕️bou3 ❌pou2
聲母受國語影響送氣，聲調受國語變調影響，國語兩個三聲字連讀前面會變二聲。
枋寮 fong1 liu4
#台式粵語
Forwarded from 🇹🇼 在台港生同盟