（轉發）各位巴絲/jm/銀髮族及香港市民：

一路有好多聲音希望有航空公司代表帶頭罷工，我地都等咗好耐，奈何種種限制下，罷工似乎唔係一個可行嘅辦法。有見及此，我地十幾位航空界員工膽粗粗咁計劃咗今次嘅集會，希望可以出一分綿力。

航空界員工絕大部分都需要輪班，甚至要離境工作。受工作性質所限，我地未必能夠出席每一次嘅集會，但同大家一樣，我地都對香港政府以及其暴力/冷暴力行為感到憤怒。透過今次嘅集會，我地希望向公眾表達所有喺機場範圍工作嘅朋友嘅聲音。

我地都好驚，雖然我地唔代表任何公司，不過一但追究起上嚟，要搵到我地嘅身分同僱主都唔難。同好多香港人一樣，我地都要養妻活兒、供養父母，但我地即使冒住被公司秋後算帳嘅風險，都要企出嚟提出我地嘅訴求。

由於凖備時間緊迫，加上我地無任何經驗，今次集會係由 譚文豪議員 協助下，由 職工盟 代為申請不反對通知書。但我地緊遵「無大台」原則，是次集會唔代表任何人士/組織/工會/航空公司嘅立場，所有出席者都係自發性參與。


集會詳情如下：
地點：香港國際機場一號客運大樓－五樓接機大堂
日期：2019年7月26日（五）
時間：13:00 - 23:59
(不反對通知書申請中)


我地強調，是次係和理非非非非嘅集會：

和平理性，非機管局，非公司代表，非工會組織，非罷工。

喺呢度，我地要重申一次，是次活動並非罷工，我地無意製造任何混亂阻礙香港國際機場嘅正常運作。

著起制服，我地為大家緊守航空安全；
換上黑衫，我地同大家一齊堅守信念！

726機場，一齊「和你飛」！

#反送中活動

*已有不反對通知書*

8月2號醫護專職集會詳情

舉行地點 : 愛丁堡廣場
時間:17:30(集合)
18:00(開始)
（不反對通知書時間直到2359，集會或會稍早完結，但場地會照常開放予各參加者聚集自由討論，直到通知書時間完結為止。）
*建議由港鐵香港站A出口前往集會地點
*其他交通工具
•公共巴士 ( 2, 5X, 13, 15, 18, 18P, 18X, 37B, 37X, 43X, 70, 70P, 115, 115P, 260, 590, 619, 619P, 619X, 680X, 690P, 720, 720P, 780, 788, 962P, 962S, 967, 969A)
•天星小輪
*建議著 白袍/制服及職員證
*天氣不穩定，請自備雨具雨衣

#反送中活動

8.16 學界-Stand With Hong Kong聯手萬人集會！國際本土戰線會師！
「英美港盟 主權在民」集會
日子：16/8(五）
時間：8:00-10:00 pm
地點：遮打花園

(1) 英國確認中國違反《中英聯合聲明》國際條約；
(2) 英美國會各自制訂通過香港人權民主法案，制裁損害香港自治、自由、人權與民主的官員，如凍結他們的英美資產、禁止他們入境。

#反送中活動