【香港保衛戰（一）- 強弱懸殊嘅戰役】

八十一年前嘅今日，平安夜嘅晚上，位於港島嘅維多利亞城遭受日軍炮火摧殘。有一班嚟自唔同背景嘅義士抱著守護香港嘅信念，喺戰火中堅守崗位，不惜為呢片土地奉獻生命。身為香港人嘅你，又認唔認識呢班為港捐軀嘅義士呢？

提到香港喺二戰時抵抗日軍侵略嘅歷史，好多香港人都淨係識「三年零八個月」嘅日佔歷史。但其實淪陷前，香港守軍曾經喺敵我懸殊嘅情況下奮戰十八日，可惜歷史卻鮮為人知。自九七主權移交，歷史教科書中嘅愛國史觀只側重紀念抗日戰爭，強調東江縱隊戰後營救嘅功勞，甚至指英國放棄香港、消極投降，而忽略或扭曲咗當年守軍縱使處於劣勢，仍奮戰到底嘅生死故事。

歷史係民族嘅根，對歷史嘅理解影響身份認同。中共會用盡方法去詮釋、省略、扭曲歷史，本土歷史只能夠靠民間承傳。適逢聖誕節，就讓我哋認識呢段鮮為人知，但要永誌不忘嘅本土歷史 — 香港保衛戰。

Credit: #Gear噏 @gearup_hongkong
#香港保衛戰 #歷史 #平安夜 #本土歷史 #聖誕 #WWII #二次世界大戰 #英軍 #日軍 #解說

【香港保衛戰（二）- 用鮮血換來和平】

上回講到日軍第228聯隊長土井定七私自決定突襲城門碉堡，卻打破咗守軍嘅防線缺口。守軍面對勢如破竹嘅日軍，只能夠慢慢退守港島。

香港保衛戰當中有超過一千七百名英軍和平民為港捐軀，國藉包括香港、英國、加拿大、印度、澳洲、紐西蘭、緬甸、荷蘭等等。即使當年守軍形勢如此嚴峻，但都冇選擇鬆懈或離開，仍然以死相搏。

可能你會話佢地都係收order做嘢，但睇返新加玻保衛戰，英軍多日軍一倍，但竟然九日就投降。士兵嘅信念絕對係有影響，如果係Hea住打，係唔可能有咁多死傷。

Credit: #Gear噏 @gearup_hongkong
#香港保衛戰 #歷史 #平安夜 #本土歷史 #聖誕 #WWII #二次世界大戰 #解說