烙下港殤嘅兩部香港紀錄片《理大圍城》(Inside the Red Brick Wall)同《佔領立法會》(Taking Back the Legislature)，除咗《佔》片獲得今屆台灣金馬影展「最佳紀錄片」提名外，近日兩部紀錄片仲一齊入圍「2020年阿姆斯特丹國際紀錄片電影節」(International Documentary Film Festival Amsterdam/IDFA)！其中《理大圍城》係全球僅有12部入選主競賽單元嘅記錄片之一，11月會喺當地全球首映；至於《佔領立法會》就入圍非競賽嘅Frontlight單元，同樣喺當地有歐洲首映。

發行呢兩部香港紀錄片嘅影意志影院今日喺社交平台公佈喜訊，話兩部戲入圍可以令海外觀眾進一步了解香港社運，而且歐洲觀眾亦都有機會欣賞。
#理大圍城 #佔領立法會 #紀錄片
Creit: #囧報

長澤正美之前嚟過香港拍攝《信用欺詐師》影視系列，去年佢喺富士電視台嘅節目就大讚香港夜景好靚，同埋可能因為香港以前喺英國殖民地關係，有好多具有外國特色嘅建築，又匯集咗好多唔同嘅文化，令佢感覺香港係一個不可思議嘅地方。

#長澤正美 #長澤まさみ #信用欺詐師 #StandWithHongKong
Credit: #囧報

2020，感慨嘅一年。明仔請大家喺「最壞時候、我哋要保持幽默感」。

#達明一派 #黃耀明 #香港人加油 #打氣
Credit: #囧報

《夜香》喺呢兩日好似坐過山車咁上上落落，但得到網民咁關注同力推，宗堯好感動，亦都好多謝觀眾同各影評嘅支持。

Credit: #囧報
#王宗堯 #gregorywong #夜香 #香港電影 #本土文化

由居港日本藝人Soko和泉素行、陳漢娜同澳門演員劉漪琳主演嘅港日合拍片《二人小町》(Two Komachis)，全片喺香港實景拍攝、全廣東話對白，並由日片《屍殺片場》班底、日本攝影師曾根剛擔任導演。呢部戲繼以「Best Asian Drama Feature」喺奧地利國際電影節 (Austria International Film Festival)做放映會，以及參與威爾斯國際電影節(Wales International Film Festival)同南德州國際電影節(South Texas International Film Festival)後再傳喜訊，將會喺12月角逐「米蘭國際電影節」(Milan International Film Festival Awards/MIFF)嘅最佳電影(Best Movie)，Soko更獲提名最佳男主角獎項(Best Acting Performance Male)！

人生第一次做男主角嘅Soko，最初收到監製通知有份角逐米蘭影帝，仲以為大整蠱，到佢睇電影節嘅website見到自己個名先知真有其事，嗰下佢開心到喊咁制，仲深深感受自己喺香港咁多年嘅Ganbaru(堅持)冇白費，佢好想同喺香港遇到嘅所有朋友講聲多謝，亦期待部戲可以喺香港上畫，Soko最希望《二人》可以喺更多國家播放，等更多國家嘅人知道香港嘅美。

#香港嘅美
#囧報 #和泉素行 #soko #二人小町 #陶傑

阿姆斯特丹國際紀錄片電影節喺香港時間今日凌晨公佈賽果，有份競逐嘅香港記錄片《理大圍城》，獲頒最佳剪接獎（IDFA Award for Best Editing）！

發行《理大圍城》嘅影意志影院喺社交平台宣佈獲獎消息，表示香港紀錄片工作者致感謝辭時，用上早前被電檢毀壞嘅DVD作為畫面，最後更以廣東話説出「香港人不會忘記！」 // #囧報

#理大圍城 #影意志 #理大 #毋忘 #黑警 #催淚彈

周庭facebook嘅admin噚晚發文，話周庭已經還押咗七日，佢託探訪嘅朋友講咗以下呢番說話：

「這幾天精神不太好，因為天氣轉涼的關係，晚上睡得比較差，身體也有點不適。失眠時會回想起，當日在庭上裁判官斷言說『唔會』索取社會服務令的時候，真的感到很委屈。而且，心裡也明白，星期三很有可能會判監，所以情緒也不好，會很擔心。知道懲罰祭反應不錯，希望大家未來都要繼續支持黃店。最後，希望外面的人都安好。」

周庭被還押，但早於佢上庭前兩日，佢仲特登拍咗條片支持黃圏爆買日，呢條片噚晚upload咗上YouTube，indro寫住「大家都認同就算喺獄中，都仍然希望可以將歡樂帶俾觀眾，佢希望佢還押前嘅呢一件事可以俾大家見到。」片中嘅周庭，依然表現得好開心，介紹去黃店餐廳食港女下午茶、IG時裝店同賣日本生果嘅果欄，好多網民都有留言支持，為佢加油！

「周庭還押前做的一件事」短片：
https://youtu.be/wbDt0okYUc4
#周庭 #freeagnes #沒有暴徒只有暴政
#囧報 #smartposthk