#激情投稿

《還押手足給各位的信》— 第一封信

HELLO:

各位喺理工大學嘅抗爭者，我喺泥自荔枝角收押所嘅手足Y，我知道依封信你地睇到既時候，可能你哋會比黑警拉晒，亦有可能成功小勝一場，我喺viuTV見到你地比人打，黑警出爾反爾，我好傷心，
理大入面既手足你地一個二個同我聽住，無論結果係點都好，唔好做傻事，就算不幸比人拉，首先要好好保護自己，留返條命同佢抗爭到底。

以我所知有手足希望去救你地，不如你地喺入面好好休息，你地一個二個好叻咖啦，無論你哋面對嘅控罪有幾重，香港人係唔會怪你、歧視你。記得天琦既一句說話，「黎明前既黑暗，係最撚黑暗」正正代表左呢個政權同執法者。

雖然我身於監獄，但精神仲喺度，革命係要流血，要犧牲，但流既血唔應該係我哋既手足，我諗你哋會明我喺度講咩，冷靜理性去搵，一定會搵到條出路，現今既敵人已經係冷血，會用真槍實彈去對付你地。你哋唔好自責，今次你哋已經盡咗力，係不完美，但可接受，你地並不孤單，一切做事要小心。

雖然我今日做唔到前線要做既事，但我唯有做到既係寫依封信比你地，支持你地，即使你做既事港豬會同你割席，但我表明核爆都唔會割！ 銘記：兄弟爬山，各自努力

各位煲底見！

光復香港 時代革命 五大訴求 缺一不可

#沒有暴徒只有暴政
#解散警隊刻不容緩

一粒困於圍城內既雞蛋
18-11-2019

#激情回應 #凱婷
我知封信好長 但希望大家唔好too long didn’t read 俾啲心機睇哂佢
係無得保釋既寶寶想同大家講既說話
寶寶大家都要加油啊😭