#激情投稿

《還押手足給各位的信》— 第二封信

致各位自認黃絲但忙住番工嘅人士：

請你地嘅三罷嘅目的係啲乜，但點解啲人仲可以舞照跳馬照跑工照番，前線為咗大家打生打死，放棄自己未來都要爭取五大訴求，更有唔少手足係不幸被捕需要還押監房，我想請問，你哋仲處於「出面嘅一切都係正常嘅」心態點贏？敵人嘅目標好一致，「止暴製亂」「濫暴濫打」就係佢哋宗旨。

依晚比人拉嘅手足咁多，咁多位有冇諗過其實可以避免？星期一（11.11）嘅效果咪幾好，但當然8.5係最成功啦，但唔該可唔可以keep住唔好比黑警回氣，每一位都係好重要，少一個就差好遠，希望你明白，連身於監房嘅我喺接收資訊較遲，不足嘅情況下都可知道外面手足面對嘅問題，請睇緊依封信嘅你哋諗一諗，可以為前線做啲咩，和理非嘅就支援勇武，我相信有部份鍵盤戰士繼續做網絡打手，我只想講，「冷氣軍師」我哋係唔需要，敵人就要，有人為你地去犧牲，用身去擋子彈，比狗拉，比狗咬，困埋入監房，但係佢哋（前線勇武）幫你塞晒所有主要道路，黨鐵，過海道路，目的就係比理由你哋去請假，一個二個打工仔咁鍾意10號風球放假，依家打仗丫！醒未？

香港人，我明白有人係手停口停，有小朋友照顧，但諗下可以點幫佢地，我相信大家係有良知，勇武前線好多都細過我，我今年2x歳，現時身於荔枝角收押所，希望香港人醒覺啦！

光復香港 時代革命 五大訴求 缺一不可

18-11-2019
一粒困於圍城內的雞蛋

#激情回應 #凱婷
呢封係無得保釋既寶寶既第二封信
都係好長 但寫信係佢地唯一可以同其他寶寶溝通既方法 希望大家可以睇埋佢 係寶寶既心意😫

#激情回應 #老寶
老寶都好希望香港人可以齊上齊落 一齊抗爭 三罷唔係淨係年輕人可以做嘅事 希望大家都付出多少少😭

#激情回應 #寶寶
本寶寶好希望呢兩篇可以喚醒到係到坐享其成既人