書生已經唔知點形容依個政府有幾痴線。

有咩政府會鬼鬼祟祟到凌晨四點宣佈新法律政策？

有咩政府會鬼鬼祟祟趁大家訓晒覺時，突然宣布：「對唔住，由依一刻開始，你唔可以再出門、唔可以再出依個社區。你要被強制隔離一段日子」？

凌晨四點之前，無一個香港市民收到正式通知。

凌晨四點之前，無一個香港市民知道封區係封邊度、封區後係點生活、點安排，又要封幾耐。

而一切零碎既消息，都只不過係通過「放風」發出信號。

敢問有咩政府係會用「放風」黎施政、黎話俾人民聽政府將會執行咩政策？今日政府帶頭「放風施政」，他日公民社會點拆解「陰謀論」？或者一切吹出黎既「小道消息」都好今次事件係真呢？

＊＊＊＊

琴晚一入深夜，封區一帶既現場氣氛其實相當詭異。一個個公職人員進場，一架架大貨車輸運大量裝住疑似物資的箱子入內。但！無一個人可以清楚答到發生咩事。

全部都好似啞左咁，好似機械人咁，搬箱既就搬箱、拉封鎖線既就拉封鎖線，企係度唔知做咩既就繼續企係度。

然後就突如其來宣布封區。

望住成晚 LIVE 畫面，我有一絲疑惑自己究竟係唔係睇緊戲？我真係從來都無諗過，類似《生化危機》的場面竟然係香港發生。

唔好覺得政府都放左咁耐風，唔走正傻仔。入面有好多南亞裔居民可能因語言關係收唔到消息。另外可能亦有低下階層係無資本無人脈可以去其他地方暫住。

而最重要既係，今日政府可以「放風」，他日政府會唔會「連風都唔放」，突然凌晨四點宣布你果區要圍封，唔准出去十四天？

畢竟搬運物資可以搬運得更鬼祟，運送人員可以運送到更高效率。一切都可以做得更無聲無色。

可能有一日清晨，你如常訓醒，想落街買早餐，或者返工返學，一出門，就見到成班警察同工作人員同你講：「今朝凌晨四點宣布左你唔可以出門，請入返單位等待強制檢測。」

以上情節再唔係單純幻想，係新香港下，一切詭異、荒謬、魔幻既情節，都可以發生。

（大家請睇前一篇文(https://bit.ly/3c4baAo)，今次封區作為試點，之後逐區封逐區強檢，到時「安心出行」亦可以順便推出）

——
👉受限區域介乎於吳松街、南京街、炮台街、甘肅街之間的區域
👉政府指目標是 48 小時內完成（即係未必一定只封兩日）
👉任何人違反限制及檢測宣告，最高可罰款 25,000 元及監禁六個月

#封區 #痴撚線 #魔幻 #新香港 #書生百用