。
有關收信/寫信你要知的事——細女篇 #句號話你知
//
*頭盔：唔同當值職員有唔同做法/標準，我講嘅唔一定啱(you know龍門是識得移動的🫡)，呢篇嘢純粹根據過往經驗寫的*
//
📌萬一有信寄入嚟唔好彩ban咗會點？

office姑娘會搵你然後俾你簽張嘢通知返，理論上你係會知道自己有信被ban的。如果封信有回郵的話會寄返去，冇的話就垃圾桶見了/可以擺入包頭。
//
📌有關收信

-信件內容/來源限制-

寫信入去有啲嘢係唔可以做嘅，例如：
-粗口(非正字okay，即係CLS、on9、好7呢啲～不過我平時係堅持寫正字粗口的，所以大半年都冇乜點寫過呢啲)
-塗改帶/塗改液/閃粉/剪剪貼貼(唔同顏色嘅筆/水彩/閃粉筆嗰啲可以)
-噴香水定唔知乜乜水落封信到
-新聞報導/網頁截圖(例如IG post)(試過被ban，勁慘冇memes睇🥲)
-暫時未諗到，諗到再加

🌟好啦有好多人都期待細女有得監通(監房通信)，答案係冇嘅！

細女唔收/寄得監通，如果有其他環頭嘅信寄俾你的話，姑娘會ban的喔。當然，冇監通嘅情況下有人會請牆外嘅親友代為轉寄。不過CSD揸正嚟做嘅話係要罰的，風險自行衡量！
*監通信被ban的話冇得擺入包頭，一定會銷毀
//
📌持有寄入信件/卡數量限制

寄入信件最多手頭hold二十封，卡就十張。信件去到十七、八封嘅時候就要醒目搵定福利官申請入包，唔好預到咁抆。福利官每日都會行一轉，申請都係講緊寫張嘢。不過每次入包最好入多啲，唔好兩三封兩三封咁入，會俾姑娘小爆🫡

🌟寄入信件唔計法律文件。文件呢啲會叫你去見長官簽收，上面會吸日期同埋冧把印仔。文件就冇限持有幾多，你鍾意嘅話擺入包頭都得～
//
📌寫信出去嘅限制

嗱還押(未定罪)緊就每日都可以申請信期，定咗罪就一星期一封，每次可以申請一至四張信紙。

而家寫信每封最多四版(每張紙有正反兩版)，寫多過四版就寄唔到啦。(字大JJ係時候練習下寫字縮骨功！)冇限最少寫幾多，不過我諗冇人咁無聊一版淨係寫一個字掛😅🙏🏿

知道大家都好關心朋友喺牆內嘅生活狀況，不過牆內就唔可以寫任何關於日常嘅嘢啦…(平時做乜食乜呢啲是不可以的)所以就算好熱情咁問一大堆都答唔到😹淨係答到一句過得幾好～睇書幾開心～～～
//
📌裡面嘅信紙同埋郵票

好遺憾地裡面俾嘅信紙係清一色牛油紙(買嗰啲私家信紙就真係紙嚟嘅唔使擔心～)，勁易穿勁透，會睇得比較辛苦。

同埋冇得入郵票(起碼定罪冇)，所以點都係一星期一封= =
//
好啦關於寫信就暫時係咁多，希望呢啲資訊幫到大家🫡！

ngohaigeoihou

關於細女剪頭髮🫡

定咗罪就一定要剪頭髮，仲要係清一色菇頭，有陰嘅話一律眉上瀏海👺
如果係長髮及腰嘅話，erm，頭髮會生返出嚟的🙏🏿
*還押緊唔使剪，不過想剪可以申請剪，冇規定剪幾多

判咗之後要定期見大粒嘢(開board)
每次開board前姑娘多數會叫剪頭髮

本身有染頭髮唔會逼你染返黑，都係等佢一路生一路剪

如果本身唔係男仔頭，人到去剪頭髮就唔可以剪男仔頭了…
CSD話唔可以剪到同本身太大出入==

就算本身係男仔頭，都唔可以剪得太短，鏟青嗰啲唔使諗🫠

BTW頭髮一律係姑娘剪的，睇下你好唔好彩，撞正個技術好嘅姑娘返工😎

#句號話你知

ngohaigeoihou

關於申請法援(上訴篇）

*裁判法院案件去原訟庭(HCMA case)，區域/高等法院案件去上訴庭(CACC case)*

*兩者都可以申請法援/自費請律師/自辯if有足夠強大嘅心臟*

判刑之後CSD會問有冇上訴申請，有的話同姑娘講，佢地會搞文件

上訴有三種：
1.就定罪上訴
2.就判刑上訴
3就定罪及判刑上訴
*認罪冇得上訴定罪，判刑上訴可加可減，即係結果可能唔得之餘再判重啲*

要喺判刑後十四日內提出申請

法援署要做資產審查&案情審查，即係法援
署睇下有冇上訴理據，佢話冇就冇㗎啦

法援被拒的話要決定自費打定放棄上訴，放棄的話要盡快出聲，CSD會搞文件

如果唔係法院會照排期，就算你冇法律代表都好

#句號話你知

ngohaigeoihou