夢了· 瘋了· 倦了
雖然入行從事體育新聞工作咁多年，但基本上都搣唔甩球迷呢個身份，無論喺球場定電視機前，或多或少都會因為球迷角色，從而開始足球所有一切。今晚香港隊出戰今屆亞洲盃最後一場分組賽，對手係巴勒斯坦，贏波就爭取出線16強淘汰賽，今次赴卡塔爾支持港隊嘅球迷人數之多，真係令筆者嚇一跳，但呢啲先至係支持代表隊應有真正態度同行動。
2003年，當筆者1年前喺日本採訪完世界盃決賽後，始終對喺橫濱綜合競技場睇波氣氛念念不忘，適逢03年尾有東亞足球錦標賽，於是到東京旅行就順道去一轉橫濱市睇波，搵當時有份採訪東亞盃嘅同事買波飛入場。當時東亞盃非常抵睇，一個賽日有兩場比賽嘅「雙料娛樂」安排，冇記錯的話當時係香港對中國，同日本對南韓。喺日本舉行，自然最多藍武士支持者，至於香港球迷真係唔多覺有（或者分唔出），同今次亞洲盃咁人強馬壯真係兩個世界，莫講咩專屬客隊打氣區，而筆者就坐門框後面嘅觀眾席，同啲日本球迷一齊坐。
當然，嗰陣時港隊足球水平拍埋1年前出戰世界盃決賽周嘅中、日、韓，真係實力有距離，甚至睇波期間經常被主隊球迷取笑，雖然講嘅都係日文，但當有香港隊前鋒單人追波被搓到暈喪追，笑聲總會不絕，筆者當然冇出聲，優勝劣敗係定律，當時只能期望有朝一日香港足球自強，唔好話水準追到對手同級，有得鬥下已經好好。
21年後，喺電視機面前睇住香港隊，真係感覺到有成長，雖則本土聯賽發展仍然冇咩大躍進遠景，但代表隊表現起碼對得住現場打氣嘅「自己人」。無錯，全世界好多國家發展足球都成熟咗，訓練嘅專門性使到國與國之間水平距離拉近咗，強隊要贏已經唔係出7成力就已經足夠，小勝亦往往要出盡全力先攞到3分，所以港隊世界排名喺亞洲區偏低，但唔代表冇得鬥，尤其呢類決賽周賽事，3場分組賽目標鮮明，只要計算加拼搏，隨時有意外戰果。
筆者知道香港球迷今晚同有一個夢，希望代表隊出線淘汰賽階段，亦相信現場支持嘅「自己人」，會喺比賽過程中，像瘋一樣打氣。有時入球場睇波，其實賽事過後真係幾攰，曾經帶阿仔體驗過香港第12人打氣區嘅企足全場嗌口號，依家當然只得返已成年嘅阿仔入場與同路人，感受足球比賽應有氣氛，所以頗佩服今次遠道卡塔爾為港隊打氣嘅「自己人」。但有咁多同路人，相信大家都唔會覺得倦了，尤其筆者都相信勝利今晚會即將發生！
文： #戰鬥員A
#keymansoho #KO求驗客 #香港隊 #亞洲盃
雖然入行從事體育新聞工作咁多年，但基本上都搣唔甩球迷呢個身份，無論喺球場定電視機前，或多或少都會因為球迷角色，從而開始足球所有一切。今晚香港隊出戰今屆亞洲盃最後一場分組賽，對手係巴勒斯坦，贏波就爭取出線16強淘汰賽，今次赴卡塔爾支持港隊嘅球迷人數之多，真係令筆者嚇一跳，但呢啲先至係支持代表隊應有真正態度同行動。
2003年，當筆者1年前喺日本採訪完世界盃決賽後，始終對喺橫濱綜合競技場睇波氣氛念念不忘，適逢03年尾有東亞足球錦標賽，於是到東京旅行就順道去一轉橫濱市睇波，搵當時有份採訪東亞盃嘅同事買波飛入場。當時東亞盃非常抵睇，一個賽日有兩場比賽嘅「雙料娛樂」安排，冇記錯的話當時係香港對中國，同日本對南韓。喺日本舉行，自然最多藍武士支持者，至於香港球迷真係唔多覺有（或者分唔出），同今次亞洲盃咁人強馬壯真係兩個世界，莫講咩專屬客隊打氣區，而筆者就坐門框後面嘅觀眾席，同啲日本球迷一齊坐。
當然，嗰陣時港隊足球水平拍埋1年前出戰世界盃決賽周嘅中、日、韓，真係實力有距離，甚至睇波期間經常被主隊球迷取笑，雖然講嘅都係日文，但當有香港隊前鋒單人追波被搓到暈喪追，笑聲總會不絕，筆者當然冇出聲，優勝劣敗係定律，當時只能期望有朝一日香港足球自強，唔好話水準追到對手同級，有得鬥下已經好好。
21年後，喺電視機面前睇住香港隊，真係感覺到有成長，雖則本土聯賽發展仍然冇咩大躍進遠景，但代表隊表現起碼對得住現場打氣嘅「自己人」。無錯，全世界好多國家發展足球都成熟咗，訓練嘅專門性使到國與國之間水平距離拉近咗，強隊要贏已經唔係出7成力就已經足夠，小勝亦往往要出盡全力先攞到3分，所以港隊世界排名喺亞洲區偏低，但唔代表冇得鬥，尤其呢類決賽周賽事，3場分組賽目標鮮明，只要計算加拼搏，隨時有意外戰果。
筆者知道香港球迷今晚同有一個夢，希望代表隊出線淘汰賽階段，亦相信現場支持嘅「自己人」，會喺比賽過程中，像瘋一樣打氣。有時入球場睇波，其實賽事過後真係幾攰，曾經帶阿仔體驗過香港第12人打氣區嘅企足全場嗌口號，依家當然只得返已成年嘅阿仔入場與同路人，感受足球比賽應有氣氛，所以頗佩服今次遠道卡塔爾為港隊打氣嘅「自己人」。但有咁多同路人，相信大家都唔會覺得倦了，尤其筆者都相信勝利今晚會即將發生！
文： #戰鬥員A
#keymansoho #KO求驗客 #香港隊 #亞洲盃