革命唔需要文宣，唔需要日程，唔需要提前三個月通知所有人。

110年前嘅今日，未有手機，未有網絡，未有日程表，亦唔會通知清政府：喂，我諗住革命啊；喂，邊日邊日作反啊！

1911年嘅辛亥革命嘅程定國同金兆龍冇大搖大擺同清政府講我要作反，而係喺孫武做炸彈，炸傷之後決定提早革命，喺1911年10月10號開咗辛亥革命嘅第一槍。

960年嘅陳橋兵變嘅趙匡胤冇大搖大擺講明自己唔妥後周，而係喺960年嘅2月3號密謀策劃，發動兵變，眾將以黃袍加喺趙匡胤身上，擁立佢為皇帝，然後折返京城脅迫周恭帝禪位，先改號為宋，推翻五代十國。

同大家講個故事，1911年10月10號（農曆八月十九）夜晚七點幾（確切事發時點已無可考證，只可以確定喺日落後半夜前事發），共進會會員士兵程定國同正目金兆龍攬住步槍瞓，且喺身度收𠹺啲子彈。俾夜巡嘅哨長（相當於排長）陶啟勝發現，痛罵「做咩呀，想作反啊！」，金兆龍回話：「作反就作反！吹啊？」同陶啟勝扭打，程定國乘陶不備，以槍托打傷陶，又從背後開槍，將陶啟勝打成重傷，發出武昌起義第一槍。

再如果趙匡胤事先通知後周我會作反，我相信要推翻後周絕對冇咁容易，好難做到兵不血刃，市不易肆」，就造就唔到一個唔流血但係建立左一個皇朝嘅奇跡。

我喺以上講嘅嘢講緊邊個，有睇到嘅固然會知，確實係喺度指桑罵槐但係我希望明白嘅係，我哋係時候諗一諗係咪仲需要日程表？

當你喺呢度通知大家有呢個活動或者有呢樣嘢出現嘅時候，睇到嘅唔單只係我哋每一位仲決定留喺度嘅手足，同樣地呢個暴虐政權嘅鷹犬都會見到，或者我哋見到會提前準備但係唔通佢哋唔會咩？

虛則實之定係實則虛之都好，其實只要我拉咗你，就可以一探虛實。最後我想講我唔反對，但係我哋可以做得更好。

香港要繼續落去就只有獨立一條路而我相信一定會成功。香港獨立絕對唔會係一個口號，係未來必然會成為嘅一個事實。

#革命 #抗爭 #赤巴