TVB前主播王俊彥（Chris），今年3月喺電視上最後一次報新聞時，講咗句「香港人珍重，Goodbye」，其後佢喺ig發文話自己「遠離渣滓」。其實Chris早有準備，一個月前佢同太太已經移居英國，依家住喺倫敦，喺事業上重新開始。

Chris喺ig透露最近有身在各地嘅香港人鼓勵佢，叫佢繼續專業，俾在英及各地港人睇到廣東話新聞，所以佢就喺自己嘅YouTube channel試行，將屋企變成錄影廠，佢同太太就一腳踢包晒製作，但因為剛開始有好多不足，會不停改善，願景係每日可以喺英國時間1600播出，即香港時間2300、北美東岸時間1100左右。

#囧報 訪問 | 圖片：王俊彥 ig

#記者 #王俊彥 #新聞 #報導真相 #廣東話

【「岳巴」做backpacker攝影師浪遊天下 現身處烏克蘭基輔：係學習嘅心態】

22歲嘅「岳巴」陳以晉，喜愛攝影、攀山、踩單車，除咗推出過攝影集《自由山岳》及postcard外，岳巴仲做咗backpacker攝影師，浪遊天下，由舊年開始分別去過英國、法國、巴塞，今個月8號佢仲去咗烏克蘭嘅奧德薩，前日就抵達基輔，一切平安。

趁年輕做backpacker去世界唔同嘅地方體驗人生同開眼界，當然係件好事，但點解要去戰亂中嘅烏克蘭？岳巴同《囧報》講番自己係「學習嘅心態」，「呢個世界無時無刻都有戰爭發生，而今次戰爭就發生喺東歐，好似戰爭更加近咗自己。喺沿海城市Odessa（奧德薩），距離前線都只係一個鐘車程，早兩個月俄軍仲登陸咗，而基輔作為烏克蘭嘅首都，之前正正就係戰區，想睇吓戰爭係究竟係咩一回事。」所以岳巴話當學下嘢，去觀察下戰亂為戰爭國家嘅影響。

不過身處戰區，感覺都係好危險，岳巴反而咁睇：「你話危險其實都唔係真係好危險，local都話依家back to normal。真係好幸運嚟到嘅時候，咁啱俄軍撤退咗，如果唔係之前望住個海都係會見到有俄國戰艦。」佢覺得烏克蘭喺物資上唔算缺乏，最缺乏嘅係軍備。

岳巴喺外地已經大半年，原來佢舊年12月喺英國時確診，但好快好番，「初頭其實只係feel到有少少攰，最病都係發燒咗一日，之後都係keep住喉嚨痛，頭尾都係一個禮拜左右。」人在外地最緊要身體健康，平平安安，岳巴都有keep住喺社交平台講下近況，有網民亦建議佢再出攝影集，岳巴就話要再儲下相先。

岳巴喺2019年反送中事件期間被捕，當時佢身穿「岳」字tee而被網民稱為「岳巴」；翌年被判襲警等三項罪名成立而被判處入獄10個月。

圖片由受訪者提供 #whirzero
#smartposthk #囧報
Follow us on MeWe：
https://bit.ly/33lWxDh
Follow us on IG：
www.instagram.com/smartposthk