【#上庭聲援 - １２月 ２日 星期三】
［其他和你寫團］
［旁聽須知］［交通資訊］
［保釋及出車位置］
［疫症期間安排］
［政府最新公告 2020.07.28］
［20201201被捕個案跟進情況］
- - - - - - - - - - - - - - - -

🌟低調案件不在列表內🌟

🏛高 等 法 院３樓１庭
👨🏻‍⚖️黃崇厚法官
🕤09:30
👤程(23)🛑服刑中 #上訴期間申請保釋 (#1102葵涌 管有物品意圖損壞財產;於11月16日被判處監禁一年)

🕝14:30
👤陳(21)🛑服刑中 #上訴期間申請保釋 (#1106科大 襲擊致造成身體傷害;於11月23日被判處監禁九個月又兩星期)

- - - - - - - - - - - - - - - -

🏛區 域 法 院９樓２８庭
👨🏻‍⚖️姚勳智法官
🕙10:00
👥陳,金,劉,郭,許,陳,鄒(20-33) #續審 [11/14] (#0831銅鑼灣 暴動 無牌管有無線電通訊器具)

🏛區 域 法 院１１樓３６庭
👨🏻‍⚖️沈小民法官
🕙10:00
👥張,胡,陳,蘇,李,沈(17-25) #續審 [3/18] (#1001銅鑼灣 串謀參與暴動)

🏛區 域 法 院１１樓３９庭
👨🏻‍⚖️高勁修首席區域法院法官
🕤09:30
👤譚得志(47)🛑已還押逾2個月 #法律爭議 (#20200524銅鑼灣 舉行或召集未經批准公眾集會 在公眾地方內擾亂秩序的行為 拒絕遵從或故意忽略遵從警務人員作出的命令 發表煽動文字; #批評政府言論 5項發表煽動文字 在公眾地方內擾亂秩序的行為; #20200117大埔 煽惑他人參與非法集結 發表煽動文字 在公眾地方內擾亂秩序的行為)

- - - - - - - - - - - - - - - -

🏛東 區 裁 判 法 院５樓４庭
👩🏻‍⚖️崔美霞裁判官
🕤09:30
👤王(22) #續審 [2/2] (#0907沙田 襲警)

🏛東 區 裁 判 法 院９樓１０庭
👨🏻‍⚖️張志偉裁判官
🕤09:30
👥高,黎,梁(16-21) #續審 [4/5] (#20200101灣仔 刑事毀壞 管有適合作非法用途的工具 2項拒捕)

- - - - - - - - - - - - - - - -

🏛九 龍 城 裁 判 法 院５樓１庭
👩🏻‍⚖️嚴舜儀主任裁判官
🕝14:30
👥麥,李,黃(22-28) #答辯 (#20200528旺角 在公眾地方造成阻礙 非法集結 2項襲警)

- - - - - - - - - - - - - - - -

🏛西 九 龍 裁 判 法 院4樓３庭
👩🏻‍⚖️王詩麗裁判官
🕝14:30
👥👥黃之鋒,林朗彥,周庭(23-26)🛑三人已還押逾7日 🔥#判刑 (#0621灣仔 煽惑他人明知而參與未經批准集結 組織未經批准集結 明知而參與未經批准集結)

- - - - - - - - - - - - - - - -

🏛觀 塘 裁 判 法 院３樓１庭
👩🏻‍⚖️梁少玲裁判官
🕝14:30
👤李(20)🛑已還押逾10日 🔥#判刑 (#1013將軍澳 管有攻擊性武器 管有物品意圖損壞財產)

- - - - - - - - - - - - - - - -

🏛屯 門 裁 判 法 院３樓２庭
👩🏻‍⚖️水佳麗裁判官
🕤09:30
👤湯(18)🛑已還押14日🔥#判刑(#0925屯門 普通襲擊 非法集結)

🏛屯 門 裁 判 法 院６樓７庭
👨🏻‍⚖️李志豪裁判官
🕤09:30
👤呂智恒(38) #審訊 [1/1] (#20200321元朗 未經特准展示資料以作廣告等)

- - - - - - - - - - - - - - -

＊＊＊＊＊

#死因研訊
09:30 西九龍裁判法院第十八庭 (死因裁判法庭) 👤周梓樂(22) #研訊［13/25］

#不是聲援
09:30 東區裁判法院第一庭 🐶李鴻發,余泉堅(51-72) 6項欺詐 2項向收受賭注者投注 收受賭注

#屯門裁判法院第二庭
#水佳麗裁判官
#0925屯門 #判刑
#普通襲擊 #非法集結

D2: 湯

控罪1：普通襲擊
控罪2：非法集結

2020年11月21日於水佳麗裁判官席前裁決內容

判刑速報

控罪1，2：勞教中心
同期執行

於自己寫的求情信中寄語：「我為我的民族感到自豪，希望我可以盡我所能擁護核心價值」

《上庭手足有嘢講—關於律師》

我係 #0925屯門 D2湯手足
https://t.me/youarenotalonehk_live/11747
首先多謝大家當時送我車真係有唱十八俾我聽，咁我係想投稿講鄭愷晴嘅。
https://t.me/condomhandjoke/1200

有留意立場新聞所講嘅話，應該都知道本身我嘅法律代表係石書銘大律師，後來因為我嘅朋友卡比獸嘅trial overrun咗，結果同我撞咗期。

石大狀開頭亦都唔知道自己返唔返到嚟，亦都俾咗指示我：day 2如果佢確認咗自己返唔到嚟，就會叫佢一個徒弟幫我。
期間呢兩日石大狀交帶咗我同案，亦即係D1嘅法律代表幫手hold papers, 而呢個人就係鄭愷晴。Hold papers嘅職責就係要幫唔喺度嘅嗰個大狀，處理佢當事人嘅需要，包括喺法庭上被告需要向裁判官或法官提出嘅要求，又或者係作供上嘅一啲同唔同意，甚至去廁所都係要幫手hold papers嘅嗰位律師，幫手通知裁判官或法官申請休庭。之但係佢係完全冇幫我做過呢樣嘢。

day 2嘅時候，因為石大狀day 1 discharge咗自己，所以當時在場嘅只係得我同埋律師樓嘅文員姐姐。
咁正常嚟講被告係唔應該親自喺法庭上面彈起身，向裁判官或法官提出要啲乜乜乜，而律師樓嘅文員亦都唔可以，因為佢哋係冇right of audience, 喺裁判法院只有事務律師同埋大律師可以喺法庭上面講嘢，而區域法院、高等法院以及終審法院更加只係得大律師可以喺法庭上面講嘢。
之但係由於鄭愷晴完全冇撚幫過我，基本上day 2嘅時候，我有任何嘅要求或者需要喺法庭上面向水官或者控方律師Lisa嘅對答，全部都係由我本人或者文員姐姐幫我答。

去到下晝嘅時候，由於屯門法院有另一單社運case要判刑，而且係同一個律師樓負責，由於人手不足，所以文員姐姐需要過埋去，當
時7號庭就只係得返我一個。

喺一個關於D1嘅拘捕過程嘅盤問環節入面，喺鄭愷晴完成盤問之後，水官問我呢邊需唔需要有任何盤問，咁由於當時得返我一個喺度，故之然我要親自彈起身答唔需要。
而當水官發現咗得返我一個喺度嘅時候，佢忍無可忍，直指石大狀同律師樓嘅安排好有問題，話抌低我一個喺度好唔負責任，更加直斥情況簡直混帳，甚至話要去大律師公會投訴石大狀。

而文員姐姐就趁住休庭嘅時候趕咗返嚟，佢表示已經確認咗石大狀喺呢個trial入面冇可能返到嚟，於是安排咗一個新嘅大狀，喺當晚就會比我即刻去同新嘅大狀開會。

而當我夜晚去到律師樓見到石大狀嘅時候，佢已經話俾我聽佢好多同行，甚至相熟嘅記者已經問緊佢咩事，而之後我哋開會嘅時候，佢開咗擴音打俾鄭愷晴，問佢點解明明講好咗幫手hold papers，但係最後又甩拖。
跟住條撚樣先好笑，佢好似失憶咁樣講話「我有應承你幫你hold咩」之後又話佢個客，亦即係我，不受控自己彈起身，喺法庭上面答水官同埋提出要求，以及姐姐冇right of audience，唔應該代表我喺法庭上面提出或者回答任何嘅嘢，最後先再補返一句「sorry呀我真係唔記得咗應承過你」。石大狀就話算啦。

咁鄭愷晴佢先call咗5年，而佢自己已經call咗12年，咁呢隻鑊佢揹咗佢就算啦。
喺呢一刻我真係聽到呆撚咗，佢老母一日之前應承嘅事可以咁撚快唔記得，究竟佢係點樣樣做到大律師嘅呢？
仲要自己錯咗之後將個責任賴落我同姐姐嗰度，仲要自己打官司又唔係叻，控方嘅閉路電視片段都已經送埋啲離開現場嘅證據俾佢，佢都唔識攞嚟用，喺度打埋啲冇撚用嘅拘捕過程唔知做乜鳩，大佬依家條罪係傷人19同埋非法集結啊，唔撚係攻擊性武器啊，你打拘捕程序把鳩咩？

順帶一提，律師樓嘅姐姐係某暴動案被告，佢同我嘅關係唔單只係律師樓同埋client咁簡單，我一早就當咗佢係我家姐，無論如何都好，我都一定會等佢，喺呢段期間，我會充實做好自己，唔會令佢失望。

最後就係講下近況，小弟part-time做樓面，本來係想搵黃店做，但係有一間因為而家一間已經有足夠人手，另一間就啲時間夾唔到。
最後我搵到一間冇表態嘅普通茶餐廳請我，雖然係咁，但係喺申報刑事紀錄嘅時候，由於3C個案底都係要三年後先至甩到，所以我依然要如實申報。
之後個太子女問我係咪運動嗰啲，我答佢係，佢問我依家係咩階段，我就答咗佢監管期間，最後佢都照請咗我。而且我亦都喺個筆箱入面見到一個印有香港人為自己加油嘅夾。
或者呢啲冇表態嘅，但係唔會介意我哋呢一類社運釋囚人士，甚至願意俾工作機會我哋嘅小店亦同樣值得大家嘅支持。
間嘢叫廚房佬餐廳，喺屯門碼頭啟豐商場門口，如果大家得閒嘅就嚟幫襯吓啦🙏
#手足投稿