｜#前路艱難仍堅持擴充｜
曾因芝士奶蓋茶飲而獲「葵廣第一」美譽的「茶芝味」，是不少同路人到葵涌廣場掃街時必定「懲罰」的checkpoint，日前卻忽然憑著一股「衝動」倉促衝到旺角，接手同路茶飲店「皇茶」舖位開設分店，並已開始試業，靜候大家光臨。

#茶芝味 90後店主在Instagram上開post坦言，接手舖位開分店令租金支出急升四倍，「好多人話我好衝動，但我想講，呢三年幾，我都冇L理性過」。擴張全因近月眼見葵廣友好小店陸續離場，店主自覺背負更大責任，因此在「皇茶」宣佈結業後，只花五天籌備便開店，又在試業首天為鄰近被停晚市堂食的「天園餃子」和「後生仔海南雞」免費送出80杯茶飲，與同路店守望相助。

縱然開支龐大，店主亦指明白大家的消費是一種習慣，不會刻意告急，但「正如好多香港人一樣，明知前路好L黑暗，都依然咬緊牙關撐到最後」；又預計旺角店將於6月中正式開業，希望大家繼續可以長期支持良心小店。適逢今、明兩日（7、8日）為「五一懲罰祭」活動最後兩天，大家不妨幫襯茶芝味同時用「Mee懲罰師」App儲分，積分可即時四倍跳，儲起來兌換現金券、產品換領券等獎賞，繼續撐起一眾良心小店！

【茶芝味】
旺角店：登打士街71號（試業中）
營業時間：1 - 10pm
葵芳店：葵涌廣場1樓B07舖
營業時間：12:30nn - 9:30pm

圖片來源：Mee懲罰師

#AndThenHK跟住食 #和你一起 #好好過活
💛FOLLOW AndThen.hk💛
👇🏻更多精選文章見comment👇🏻