係咪突然出現好多「ZA互幫」嘅訊息？小心！呢啲都係嚟自中資虛擬銀行「眾安銀行 ZA Bank」嘅宣傳。

眾安銀行主要由中資眾安在綫(47%)同百仕達(41%)持有。用佢嘅服務唔係入少少錢咁簡單，而係將你嘅個人資料同資金流動提供咗俾人哋。喺使用佢哋嘅服務之前，請諗多一次係咪必要。

至於喺公開論壇(例如連登)張貼自己嘅銀行連結，等同俾人查返自己真實身份，即係「自爆」！千祈唔好為咗幾蚊而暴露自己私隱！

謹記，免費嘅嘢最貴。

#中資 #中資銀行 #ZA #ZABank #眾安 #眾安銀行 #虛擬銀行 #個人資料 #網絡安全 #私隱

🐡洗衣品牌「Fab 快潔」已變中國品牌
‎ ‎
#Fab快潔 旗下嘅洗衣產品，曾經於香港市場消失一段時間，近月再於市場上出現，不單止換咗商標同包裝，原來連背後公司都換埋

香港市場嘅「Fab 快潔」產品，自 2006 年起由美國公司「P&G（寶潔）」出品，直至 2023 年易手，新嘅品牌持有人係總部位於中國，偽德國品牌「威露士」嘅母公司「威萊集團（WL CENTRALIN）」

由於整個交易都非常神秘，公開資料只得很少，據了解只涉及香港、新加坡及馬來西亞嘅「Fab」商標擁有權轉移，並唔涉及任何公司收購，意味著新推出嘅「Fab 快潔」產品，並沒有承繼以前 P&G 任何技術

▸關於偽德國品牌「威露士 Walch」◂

偽德國品牌「威露士 Walch」係「威萊集團」嘅代表作，於 2000 年面世，其後於 2019 年透過收購一間只有數名員工嘅德國百年鞋油公司，自此就聲稱自己係有過百年歷史嘅「德國品牌」

另外，2020 年「威露士 Walch」於巴士車身賣廣告，聲稱旗下嘅衣物消毒液是「德國原裝進口」，為配合廣告，以不知名方法，推出了一批期間限定嘅德國製造版本衣物消毒液

但於廣告下架後，該款產品立即變回中國製造，巧妙又無恥地走法律罅，一般消費者會誤以為「威露士」全線產品均為德國製造

‎▸關於偽日本公司「王子石鹼」◂

2017 年「威萊集團」於日本成立一間叫「王子石鹼」嘅公司，但成立目的，並非為了打入日本市場，而係扮日本品牌

「王子石鹼」旗下偽日本品牌包括：「王子菁華 Ka」、「紡優美 ar FÜM」、「王子玫瑰皂 KHO」、「AQVA」、「Na 奈 18 本」、「菁華 SEIKA FRESH HY 」及「王子製藥 OUJI」

部分產品曾用不良手法做產地誤導，去誤導消費者以為其產品是日本製造

‎#和你FC #Centralin #威萊 #紅資 #中資 #Fab #快潔 #威露士 #Walch #王子石鹼 #KA #王子KA #王子菁華 #紡優美 #arFÜM #王子玫瑰皂 #KHO #奈18本Na #Na #AQVA #FreshHY #媽媽一選 #LaMamma #HYGIC #威潔士 #Walex #必是寶 #Bleach