今個禮拜TVB收視繼續跌，新劇收視一套慘過一套，綜藝收視無起息，《聲生不息》收視等同普通綜藝。

1️⃣ #馬德鐘 主演嘅《#雙生陌生人》接住《金宵大廈2》播映，首週收視13.5點（約87.7萬觀眾），可能係TVB史上最差紀錄，但要注意，呢套劇唔係《金宵2》、《刑偵日記》呢種「燒腦劇」，而且呢兩套劇首週收視都無咁慘（分別為18.8及17.5點）。

* 有網民補充，2021年劇集《AI智能愛人》首週收視為12.3點，比《雙生》更差，但當時時值東京奧運，播映時間曾改至22:15 - 23:15。

早前《香港01》預測，此劇有女神 #湯洛雯 同演技派 #賴慰玲 坐陣，有望挽回觀眾，結果成為燈神。

《雙生陌生人》由 #象牙世家、#海馬牌 贊助，呢兩間公司幾乎係「TVB劇集贊助鐵膽」。

2️⃣ 從來沒有贊助嘅《#食腦喪B》收視續跌至15.8點(-0.8)。

3️⃣《#三餸一湯》收視跌至11.9點(-1.3)。一年前，TVB大股東、共產党員黎瑞剛曾批評TVB煮食節目太多，下達「限廚令」，後尾又因為收視不振而解禁，小編好期待董事會下一個「最高指示」係咩嘢。

《三餸一湯》贊助商包括 #同心堂、#天上野、#TGC煤氣爐具、#美味棧 及 #長城牌。

4️⃣《#聲生不息》第三週收視跌至15.2點(-1.6)，但好彩有6,700萬湖南觀眾彌補返。

5️⃣ 疫情高峰期間，《#東張西望》周日收視試過谷到上28點，但港人「放監」之後，同時段收視跌到17點，相差整整11點。