《東張西望又教壞觀眾？司機停車讓斑馬線都唔啱？》

日前(26/9)《東張西望》討論網絡上一條車Cam片，片主駕駛私家車時，喺斑馬線面前慢駛，讓路予準備過路嘅大人同小朋友，兩人行到一半嘅時候，另一架私家車忽然超前馳速衝線，嚇到兩人退後。之後《東張》訪問咗交通安全顧問呂米高，佢竟然話衝線嘅私家車雖然唔啱，但停車嗰位司機亦有責任，因為兩位行人當時根本未踏出斑馬線，而香港嘅車係跟得好貼，如果司機當時唔讓路其實完全無危險、無犯法，而後車亦唔會爭啲撞到佢或者發嬲，以下係佢原句說話：
-
「當然，錯就係後面嗰位仁兄啦，因為有人過緊斑馬線，間硬衝過去嚇一嚇個人」

「咁而喺呢個情形下，車Cam嗰位仁兄呢，其實佢都係有少少責任嘅，佢無犯法，但係佢喺一個行人未踏腳落去斑馬線嗰度，二，隻眼亦都望到佢係停晒喺度未準備行嘅時候，其實佢係唔應該停低讓佢嘅」

「喺香港啲車跟得好貼、好迫、好快，如果佢唔停嘅話，其實係完全無危險、無犯到法，後面嘅車亦都唔會因為咁樣而爭啲撞到佢或者發嬲」
-
唔少網民對呂米高嘅言論感到詫異，有人引用《道路使用者守則》反駁，稱應該畀呂米高考多次車牌，亦有網民笑稱，呂米高揸開賽車，所以唔讓路人根本「無錯」。
-
根據《道路使用者守則》第五章，駕駛人士駛近「斑馬線」時，須留意是否有等候橫過馬路的行人（特別是兒童、長者及殘疾人士），並應減速，預備在「讓路」線前停下來，好讓他們橫過馬路。
-
片段（引用香港討論區）：
https://www.facebook.com/DiscussHK/videos/196564302576255
-
#TVB #老人台 #東張西望 #又係東張西望 #唔好教壞細路 #呂米高